རིན་ཆེན་སྒྲོལ་མ།

ཕུགས་བསམ་ནུབ་ཕྱོགས་རི་ཡི་ཕྲག་གོང་ནས།།
སྟོང་འདང་འཇའ་འོད་སྣ་ལྔའི་གུར་ཁྱིམ་ཕུབ།།
ཅི་ཞིག་ཐོབ་འདོད་རེ་བའི་སྣེ་མོ་རུ།།
མུན་པར་ལག་སྙོབ་ཙམ་གྱི་རི་མོ་གསལ།།

དེ་ལས་མང་བ་། “ང་དང་ངའི་སྙན་ངག” »

རྨེ་རུ།

ང་དང་ང་ཚོ་ཆ་རེད།།
གངས་ཅན་བོད་མི་ཆ་རེད།།
མཐོ་སྒང་གངས་རིའི་ཡུལ་གྱི།།
ཁྱིམ་བདག་ཡིན་པ་ཆ་རེད།།

ང་དང་ཁྱེད་གཉིས་ཆ་རེད།།
སྐད་དང་ཡི་གེ་ཆ་རེད།།
དབྱངས་དང་གསལ་བྱེད་སུམ་ཅུའི།།
གླུ་དབྱངས་ལེན་མཁན་ཆ་རེད།།

དེ་ལས་མང་བ་། “ཆ་རེད།” »

ཤེས་དགས།།

སྐྱིད་ན་སྐྱིད་པོ་དེ་ཡང་མི་གོ་ད་དུང་སྡུག་བསྔལ་ཆེ་མདོག་བཤད།།
སྡུག་བསྔལ་རང་གི་ཐོག་ཏུ་བབས་ན་ལས་རེད་ཟེར་ནས་བསམ་པ་བདེ།།
གོ་ལྡོག་འཇིག་རྟེན་འདི་ཡི་ཆོས་ཉིད་རིམ་པས་རང་གིས་མྱོང་པ་རྣམས།།
བསམ་པའི་ཚེ་ན་གཅིག་པུ་ཡིན་ཡང་དབང་མེད་གད་མོ་དི་རིར་འཆོར།།

མ་འཆོལ་དོན་རྣམས་དཀའ་བ་བརྒྱ་ཡིས་བསྒྲུབས་དགོས་ཤ་རྟག་ཉིད་དུ་མཆིས།།
ཅི་ཕྱིར་གོལ་དང་འཁྲུལ་བ་འདི་ཚོ་མི་དཀའ་བྱེད་སྙིང་འདོད་པ་ཨང་།།
བྱིས་པ་མིན་ཡང་བྱིས་བ་ལྟ་བུར་རང་ཐོག་འབབ་ན་མགོ་བོ་འཐོམས།།
གཞན་གྱིས་དེ་འདྲ་བྱས་པ་མཐོང་ན་མ་འདོད་ཁྲེལ་གད་ཁོང་ནས་འཆོར།།

དེ་ལས་མང་བ་། “གོ་ལྡོག་གི་འཇིག་རྟེན་” »

གངས་ཉི།

ཡོད་ཚད་ལ་ཁ་དོག་རྒྱས་ཞིང་།།
གསར་བྱུང་གི་མྱུ་གུ་འབུས་ཏེ།།
འཇིག་རྟེན་འདི་མཛེས་པའི་ཕྱུག་དུས།།
ཕན་ཚུན་ལ་དམ་དུ་འཁྱུད་མྱོང་།།

དྲན་སྣང་གི་སྡོམ་བུ་འཁྱམས་པོ།།
ངེས་མེད་ཀྱི་ཕྱོཊ་བཞིར་ཉུལ་ནས།།
ལས་དབང་གི་དཀོས་ཐག་དེ་ལ།།
བཟོད་མེད་ཀྱི་ན་ཟུག་སྟོང་ཕྲག།

དེ་ལས་མང་བ་། “སྙིང་སྡུག་དང་ཁ་བྲལ་སོང་།” »

ཐེ་བོ་དཀོན་མཆོག་ཤེས་རབ་ཀྱིས།

ཐུགས་རྗེའི་ཤུགས་ཀྱིས་འགྲོ་བའི་གདུང་བ་སྐྱོབ།།
བདག་མེད་གཟིགས་པས་སྲིད་པའི་འཆིང་བ་བཅད།།
སྲིད་ཞིའི་མཐའ་ལ་མི་གནས་ཡིད་ཅན་མགོན།།
ཟླ་མེད་སྟོན་པ་ཤཱཀྱའི་དབང་བོར་འདུད།།

འདུས་བྱས་མཐའ་དག་མི་རྟག་སླུ་བའི་ཆོས།།
ཟག་བཅས་ཐམས་ཅད་སྡུག་བསྔལ་ཉིད་དུ་མཁྱེན།།
ཆོས་རྣམས་མ་ལུས་སྟོང་ཞིང་བདག་མེད་པ།།
མྱང་འདས་ཁོ་ན་ཞི་བ་དགོངས་ལ་འདུད།།

དེ་ལས་མང་བ་། “༄༅།། བཅོམ་ལྡན་འདས་ལ་བསྟོད་པ་སྐལ་ལྡན་ཡིད་ཀྱི་དང་བ་འདྲེན་པའི་ཤིང་རྟ་ཞེས་བྱ་བ་བཞུགས་སོ།” »

བསམ་གླིང་ཚེ་རིང་ལྷ་མོ།

སྨུག་སྤྲིན་ལང་ལོང་ལྡིང་བ་ཁྱེད།།
རི་ཚོགས་མྱུལ་ནས་ཅི་ཞིག་བྱེད།།
ཁྱེད་ཀྱི་སྙིང་སྡུག་དགའ་མ་དེ།།
ལྗོན་པའི་ཁྲོད་དུ་ལུས་སམ་ཅི།།

དེ་ལས་མང་བ་། “འདྲེན་བྱེད་མདུན་ལ་ཤར་བའི་རི་མོ་འགའ།” »

ཀླུ་སྨྱོན།
—ཆོས་འཁོར་དུས་ཆེན་ལ་ཕུལ་བ།
ནམ་མཁའ་སྔོ་བའི་གནས་དེ་རུ། །
རི་དྭགས་མང་བའི་ནགས་དེ་རུ། །
མེ་ཏོག་འཁྲིགས་པའི་ཚལ་དེ་རུ། །
ཁྱེད་ཀྱིས་ཆོས་འཁོར་ཐོག་མར་བསྐོར། །
ཉི་འོད་དྲོ་བའི་གནས་དེ་རུ། །
རྩྭ་ལྗང་སྐྱེས་པའི་གནས་དེ་རུ། །
ཁ་ཁུ་སིམ་པའི་གནས་དེ་རུ། །
ཁྱེད་ཀྱིས་ཆོས་འཁོར་ཐོག་མར་བསྐོར། །

དེ་ལས་མང་བ་། “ཆོས་འཁོར་ཐོག་མར་བསྐོར་པའི་གནས་ཀྱི་སྙན་ངག” »

དོལ་སྨྱོན།

ཤཱཀ་ཐུབ་གཤེན་རབ་ཕྱི་མི་ཡིན་མིན་ཁྱོད་དང་ང་ཡི་རྩོད་གཞི་མིན།།
བན་ཆོས་བོན་ཆོས་གང་ཞིག་ཡག་མིན་ཁྱོད་དང་ང་ཡི་གླེང་གཞི་མིན།།
བསྟན་པ་འདི་ཡི་དོན་སྙིང་བསམ་ནས་ཉམས་ལེན་ཐུགས་ཀྱི་སྙིང་པོར་ལོངས།།
རིག་གཞུང་འདི་ཡི་ཡང་སྙིང་དགོངས་ནས་རླབས་ཆེན་སྤྱོད་པའི་རྒྱ་མཚོར་ཞུགས།།

དེ་ལས་མང་བ་། “འབོད་སྐུལ་ལེ་ཚན་ལྔ་ཐང་།” »

ཐེ་བོ་དཀོན་མཆོག་ཤེས་རབ་ཀྱིས།

ཐུགས་བསྐྱེད་མཁའ་ལྡིང་ཕུ་བོས་ཉེར་དྲངས་པས། །
མཚན་དཔེའི་དཀྱིལ་འཁོར་ཉིན་བྱེད་གཞོན་ནུའི་དཔལ། །
རྒྱལ་ཡུམ་དབང་ཕྱོགས་མངལ་གྱི་ཆུ་འཛིན་ལས། །
གྲོལ་བས་འཇིག་རྟེན་དགའ་བདེར་འགོད་ལ་འདུད། །

རང་གཞན་གྲུབ་མཐའ་རྒྱ་མཚོའི་ཕ་རོལ་སོན། །
མདོ་སྔགས་གཞུང་ལུགས་ཆོས་འཁོར་རྟག་ཏུ་བསྐོར། །
ཆེས་སྙིགས་དུས་འདིར་རྒྱལ་བའི་མཛད་པ་ཅན། །
ཐུབ་བསྟན་ཡོངས་ཀྱི་བདག་པོར་བཞེངས་ལ་འདུད། །

དེ་ལས་མང་བ་། “༄༅། །༧གོང་ས་༧སྐྱབས་མགོན་ཐམས་ཅད་མཁྱེན་པ་བཅུ་བཞི་བ་ཆེན་པོ་མཆོག་ལ་བསྟོད་ཅིང་བསྔགས་པ་གཟུར་གནས་དད་གསུམ་འདྲེན་པའི་ཕོ་ཉ་ཞེས་བྱ་བ་བཞུགས་སོ། །” »

གཅན་འོད་འབར།

ཆར་བས་བརླན་པའི་ལམ་ཕྲན་འདི།
སྨུག་པས་དཀྲིས་པའི་རི་ཀླུང་གང་དུ་འཐེན།
འགྲོ་ཞོར་དུ་ཚོད་ཚོད་ལ་ཅི་ཡང་མི་མཐོང་པའི་རྒྱང་ལ་ལྟ་རྒྱུ་ཡོང།
རྒྱབ་མདུན་ནས་འཐོར་ཡོང་བའི་ཆར་ཐིགས་ཀྱིས།
རྐང་པའི་རྡོག་སྒྲ་ལྷན་དུ་རྣ་ལ་གཉིད་འབབ་པའི་སྒྲ་ཞིག་སྒྲོག་པ།
ཁ་ཕྱོགས་བྲལ་བའི་སེམས་པ་འདི་ལ་སེམས་གསོ་བྱེད་པ་དང་འདྲ།

དེ་ལས་མང་བ་། “ཚོད་ཚོད་ལ་འདི་འདྲ་ཞིག་དྲན་བྱུང།” »

མགར་འཇམ་དབྱངས།

མིག་ཤེལ་ནག་པོ་གྱོན་པའི་རྫིག་ཉམས་ཀྱི་བཟོ་ལྟ།།
སོ་དཀར་འཛུམ་རིས་དྭངས་མོའི་ཧ་ལོ་ཡི་བསུ་སྐྱེལ།།
ཆང་ཤེལ་ཕན་ཚུན་འཐབ་པའི་སིང་སྒྲ་ཡི་སྒྲོབ་ཉམས།།
མི་སེམས་གཡོ་བར་བྱེད་ལྐོག་གྱུར་གྱི་བྱེད་སྒོ།།
སྤྱད་ཀྱང་ཚིམ་པ་མེད་པའི་ཆགས་རྩེད་ཀྱི་འཁུན་སྒྲ།།
བལྟས་ཀྱང་ངོམས་པ་མེད་བའི་འཁྲུལ་སྣང་གི་རོལ་རྩེད།།
མཐོང་ཡང་ངོ་ཚ་མེད་པའི་མིག་ལྗང་གི་རིགས་འདི།།

དེ་ལས་མང་བ་། “དམྱལ་བར་ཕྱིན་པའི་གཏམ།” »

འབའ་སྲས།

ཁོག་པ་བཤང་གཅིས་གང་བའི་དྲི་མ་འདི་དང་།།
ཀླད་པ་གསེར་གྱིས་བལྟམས་པའི་རྣམ་དཔྱོད་འདི་གཉིས།།
མི་ཡི་ལུས་ཕུང་འདི་ལ་མཉམ་དུ་གནས་པ།།
རྣམ་འབྱོར་གཙང་བཙོག་མེད་པའི་བརྡ་རྟགས་རེད་དམ།།

ཉིན་མོ་ཉི་མའི་འོད་ཀྱིས་འཛམ་གླིང་འཁྱུད་པ།།
མཚན་མོ་མུན་པ་ནག་པོས་ཉེ་ཁོར་བསྒྲིབས་པ།།
གོ་ལ་ས་ཡི་ཁྱོན་ནས་རིམ་གྱིས་འཁོར་བ།།
ཀུན་མཁྱེན་བློ་དང་སྒྲིབ་པ་བསྟན་པ་ཡིན་ནམ།།

དེ་ལས་མང་བ་། “དེ་རིང་གི་འདུག་རོགས་སྙན་ངག་འདི་ཡིན།” »

ཝཱར་ཎ་བློ་བཟང་ཆོས་གྲགས།

གང་ཞིག་རྣ་བའི་བུ་གར་ལྷུང་ཚེ་ལུས་ཀུན་གཡོ་ཞིང་མཆི་མ་འཛགས།།
གང་ཚེ་འདྲེན་བྱེད་མིག་གི་རིག་ན་དྲན་ཤེས་ཚོར་འདུ་ཀུན་ནས་བརླག།
ཞུགས་ལ་བསྒྲོན་པའི་རྒྱལ་སྲས་དཔལ་བོའི་མཛད་པའི་བརྟུལ་བཞུགས་རླབས་པོ་ཆེ།།
སྐྱོ་བའི་ངག་གི་དབྱངས་སུ་བཀུག་ནས་རྗེས་དྲན་གུས་འདུད་སྙིང་ནས་ཞུ།།

དེ་ལས་མང་བ་། “མེ་ལྕེ་དམར་པོ་རྗེས་སུ་དྲན།” »

བྲོ་འཚལ།

བྱ་དང་བྱིའུ་གཉིད་དུ་ཡུར་ནས་མཚན་མོའི་ཡུལ་ལྗོངས་ལྷིང་འཇགས་བསྐྲུན།།
བཟོ་རིགས་འཕྲུལ་འཁོར་འགྲུལ་མཚམས་ཆད་དེ་ཁྲ་ཁྲ་གློག་གཞུས་གླིང་འདི་བརྒྱན།།
སྐར་ཚོགས་མང་པོ་གྲལ་དུ་འཚང་ནས་ལྷིང་འཇགས་མཚན་མོའི་མཁའ་མཐའ་བརྒྱན།།
ཅང་མེད་བུ་ང་ཉལ་ཁྲི་སྒང་ན་གཏི་མུག་བཙན་པོས་གཉིད་ལ་བརྫངས།།

དེ་ལས་མང་བ་། “ཐུན་གསུམ་གྱི་རྨི་ལམ་ཐན་ཐུན།” »