རིན་ཆེན་སྒྲོལ་མ།

གཙང་པོ་དང་རླབས་ཕྲེང་གིས
ཁྱེད་ཀྱི་གཏམ་རྒྱུད་ཡང་ཡང་བཀྲུས་པས
གངས་རིའི་མཛེས་སྡུག་གི་དྭངས་མ
ལང་ཚོའི་དཔལ་དང་ གཤིས་སྤྱོད་ཀྱི་གཏིང་སར་ཐིམ
ཚངས་པའི་སྲས་མོ ང་ལ
བརྩེ་འདང་གི་འོད་གོར རོལ་དབྱངས་ཀྱི་རྨུ་ཐག་འཐེན་རོགས

དེ་ལས་མང་བ་། “ཚངས་པའི་སྲས་མོ།” »

མགོན་པོ་ཕྱག་གཉིས་པ།

ཕྱག་འཚལ་ཆོས་དབྱིངས་མྱུར་མ་དཔའ་མོ།།
ཞབས་གཉིས་གཡས་བསྣོལ་གཡོན་བསྣོལ་བྱས་ཏེ།།
འཁྱག་འཁྱོག་བྱ་གག་འགྲོས་དང་འདྲ་བར།།
ཀུན་ནས་བསྐོར་རྒྱུག་བྱས་ན་མགྱོགས་མ།།

ཕྱག་འཚལ་པགས་རྩག་ཡུལ་དུ་ལུས་མ།།
ནུ་ཁེབས་མ་གཏོགས་སྟོད་གཡོགས་མེད་མ།།
འདོམས་རས་མ་གཏོགས་སྨད་ཤམ་མེད་མ།།
ཀུན་ནས་བསྐོར་དགའ་གཅེར་རུར་བརྒྱུགས་མ།།

དེ་ལས་མང་བ་། “ཨོྃ་ལུས་རྩལ་བ་ཆོས་དབྱིངས་སྐྱིད་ལ་ཕྱག་འཚལ་ལོ།” »

བསམ་གླིང་ཚེ་རིང་ལྷ་མོ།

ཞལ་གྱི་དཀྱིལ་འཁོར་བྱམས་པའི་འཛུམ་གྱིས་བསུས།།
དབུ་སྐྲའི་ཐོར་ཅོག་མཐོན་ཐིང་ནམ་མཁར་འདྲེས།།
ཡེ་ཤེས་དཔག་ཡས་འཕགས་མ་རྗེ་བཙུན་མ།།
མི་ཕྱེད་དད་པའི་གླུ་འདིར་ཡུད་ཙམ་དགོངས།།
དྲི་མེད་གངས་རི་དཀར་པོས་རབ་བརྒྱན་ཅིང་།།
འགྲོ་བ་ཉམ་ཆུང་དད་ལྡན་བསོད་ནམས་ཅན།།
སོས་དལ་བག་ཕེབས་ང་ཅག་བོད་ཡུལ་འདིར།།
ད་ཆ་དམར་པོའི་དཔུང་གིས་ཡོངས་བཅོམ་ཞིང་།།

དེ་ལས་མང་བ་། “རྗེ་བཙུན་འཕགས་མ་སྒྲོལ་མར་གསོལ་འདེབས།” »

རེབ་ཐོག་མདའ།

སྦྲང་དཀར་རྩམ་པ་ཡིས་གསོས་པའི།།
གཡང་དཀར་ལུག་ཁྱུ་ཡི་རྫི་བོ།།
སྦྲ་ནག་གྲུ་བཞི་ཡི་བདག་མོ།།
བོད་མོ་ཆོས་དབྱིངས་ནི་སྒྲོལ་མ།།

གངས་རིའི་ལས་དབང་དེ་འཁུར་ནས།།
འཛམ་གླིང་རྩལ་འགྲན་དུ་ཆས་སོང་།།
འདུར་རྒྱུགས་འགྲན་བསྡུར་དེའི་ཁྲོད་ནས།།
ལོ་རྒྱུས་རི་མོ་ཞིག་བྲིས་སོང་།།

དེ་ལས་མང་བ་། “ཆོས་དབྱིངས་སྐྱིད་ལ་ཕུལ།” »

བོན་རྒྱ་བསྟན་འཛིན་རབ་རྒྱས།

བོད་ཀྱིས་ཅི་བྱས་ལས་སུ་མ་སོང་བོད་འབངས་སྡུག་གི་རྒྱ་མཚོར་ལྷུང་ཞིང་། །
ཆོད་སེམས་ཆེ་བའི་དཔའ་བོ་རེ་རེས་གློ་སྙིང་བདེན་པའི་མེ་ལྕེར་བསྲེགས་ཤིང་། །
ཐ་ན་ཅང་མེད་བསྟན་རབ་པས་ཀྱང་ཚོར་བའི་ལོ་མ་སྡུག་གིས་སྦངས་དུས། །
ཡ་གླིང་དུས་ཀྱི་དུང་ཟླ་དཀར་པོ་རྨ་རྒྱལ་སྦོམ་རའི་ཕྲག་ནས་འཛུམ་བྱུང་། །

གསལ་བའི་རྣམ་རིག་བུད་ཤིང་བྱས་ཏེ་བདེན་པ་རྩོད་རྣམས་དགོངས་དག་མཛོད་ཅིག །
དུད་ཁྲོད་ཚལ་དུ་ཕྱིར་མིག་གཟིགས་པའི་རྣམ་ཤེས་ཚོགས་ལ་བཟོད་གསོལ་ཞུ་འོ། །
འབེལ་རྩོམ་རིགས་པའི་འགྲོས་ལ་སྡེབ་པའི་སྲིད་པའི་གླུ་ཆེན་ངག་ལ་བཀུགས་སྟེ། །
དེ་རིང་བདག་གི་ཀི་བསོའི་གླུ་སྒྲས་འཇིག་རྟེན་ཆེན་པོ་འུར་ལ་སྐུར་ངེས། །

དེ་ལས་མང་བ་། “ཆོས་དབྱིངས་སྐྱིད་འདི་ལྟར་བརྗོད་ན།” »

སྤྲུལ་དབང་ཆེན།

སྐྱ་རེངས་བུ་མོས་སྤྲིན་དཀར་གཡབ་ཏེ།
ཞོགས་པའི་ཉི་གཞོན་མགྲོན་དུ་བསུས་ཞིང་།
འཛུམ་ཞལ་འོད་ཀྱིས་སྒེའུ་ཁུང་ཕྱེས་ནས།
གདོང་ལ་དྲོད་འཇམ་ཕྱག་གིས་བྱུགས་བྱུང་། །

འདུ་འཛིའི་འདུ་ལོང་ཆེ་བས་འུར་ཟིང་།
ཚོང་ཟོག་ཡར་མར་སྐྱེད་འདྲེན་རླུང་འཁོར།
གཅིག་ལས་གཅིག་མཁས་རང་ལྟོའི་ཆེད་དུ།
དབུལ་ཕྱུག་གཉིས་ཀ་བྲེལ་ལ་ཕྱོགས་སོང་། །

དེ་ལས་མང་བ་། “དངོས་བྱུང་གི་སྒྲུང་གཏམ་གོང་མའི་འཕྲོ་མཐུད།” »

སྐྱོ་བྲག་དགའ་དབང་།

དུས་ཡུན་རིང་འགྲོགས་པའི་ཆོས་ཀྱི་མཆེད། །
ཁ་བྲལ་བའི་ལོ་ཟླ་མང་པོའི་མཐར། །
གློག་དྲ་བའི་བརྒྱུད་ནས་གླེང་མོལ་བྱུང་། །
སེམས་དགའ་སྐྱོའི་ཆང་གིས་མྱོས་ནས་ཐལ། །

དུས་ཁར་རྩང་མཚན་མོའི་ནམ་ཕྱེད་ལ། །
བྱ་རྒྱ་ཁྲ་ཧོར་བ་བསླེབས་འདུག་ཟེར། །
ཚིག་བདེན་སྨྲའི་ལྷ་རྩེའི་ཁུ་བྱུག་གི། །
སྤུ་མཁའ་ལ་འཐོར་བའི་དངངས་སྐྲག་བྱུང་། །

དེ་ལས་མང་བ་། “དུས།” »

ལུང་རྟོགས་རྒྱལ་མཚན།

༡༽བོད་ལ་ཡོད།

བྱམས་བརྩེ་ལྡན་པའི་ཆོས་ལུགས་བོད་ལ་ཡོད།།
གཟི་བརྗིད་ལྡན་པའི་ལོ་རྒྱུས་བོད་ལ་ཡོད།།
རིན་ཐང་ལྡན་པའི་རིག་གཞུང་བོད་ལ་ཡོད།།
དཔའ་མཛངས་ལྡན་པའི་རྒྱལ་བློན་བོད་ལ་ཡོད།།
གངས་ཅན་བོད་ཀྱི་རིགས་རྒྱུད་ཕ་བཟང་བུ།།
ཕ་མེས་བཟང་པོའི་ཞབས་འདྲེན་མ་ཞུ་ཨང་།།

དེ་ལས་མང་བ་། “ཞབས་འདྲེན་མ་ཞུ་ཨང་། ༼ཚན་པ་གཉིས༽” »

རེབ་ཐོག་མདའ།

སྙན་ངག་གི་བཟི་ཁ

ཆང་འཐུང་ཐེངས་རེར་སྙན་ངག་དྲན་ཡོང་ལ

སྙན་ངག་འབྲི་ཐེངས་རེར་ཆང་འཐུང་ན་འདོད

སྙན་ངག་ཆང་དང་སྡེབ་ནས་བཏུང་ཐེངས་རེར

ངས་མཛའ་མོ་དེའི་སྙིང་གཏམ་དྲན་འོངས་ལ

དྲན་ཐེངས་རེ་རེར

རང་ཉིད་སྙན་ངག་གིས་ཐེངས་ཤིག་བཟི་ན་འདོད་ཨང

དེ་ལས་མང་བ་། “སྙན་ངག་གི་ལེའུ། ༼སྙན་ངག་ཚན་པ་བཞི༽” »

ཤྲྰིས་སྨྱོན་པ།

འགྲོ་འདུལ་འཕགས་པ་སྤྱན་རིས་གཟིགས་དབང་ཕྱུག་ལ་ཕྱག་འཚལ་ལོ། །
ཨེ་མ་ཧོཿ
ཞི་བའི་གོམས་རྒྱུགས་སེམས་ལ་འཆང་ཞིང་ལུས་ཀྱི་སྒྱུ་རྩལ་རྒྱུན་དུ་སྦྱོང་། །
ཞི་བདེ་རྒྱལ་ཁ་ཁ་ཙམ་མིན་པར་རང་བརྩོན་རྔུལ་ཆུའི་ཐིགས་པ་བསགས། །
ཞི་བདེའི་རྒྱ་མཚོའི་ཤར་ནུབ་ཀུན་ལ་ཁྱོད་ཀྱི་གཟེངས་རྟགས་མངོན་སུམ་སྟོན། །
ཞི་རྩལ་ཨོ་འགྲན་གོམས་སྟབས་ཤིག་གིས་རྒྱལ་ཡོངས་ཀུན་ལ་བོད་ཅེས་གླེང་། །

དེ་ལས་མང་བ་། “བུ་མོ་ཆོས་དབྱིངས་སྐྱིད་ལ་ཕུལ་བའི་ལེགས་སྐྱེས་ཀྱི་ཁ་བཏགས་དམར་པོ།” »

ཀུན་མཚོ།

དཔའ་མོ་ཞིག་རྗེས་དྲན་བྱེད་སྟངས་ཤིག

ད་ནངས་ཞོགས་པ་མལ་ལས་ལངས་དུས།།
དྲིན་ལྡན་མ་ལོ་བརྩེ་འཛུམ་ཤིག་ཤིག།
བདག་གི་མགོ་ལ་བྱིལ་བྱིལ་བྱས་ནས།།
ཨ་མའི་མ་ལོ་སློབ་གྲྭར་སོང་ཟེར།།

ཨ་མ་མ་གཅེས་མི་འགྲོ་ཟེར་བཞིན།།
ཨ་མའི་འགྲམ་ནས་ལྷོད་པར་བསྡད་དུས།།
བྱམས་ལྡན་ཨ་མའི་མིག་ཟུང་དེ་ནས།།
ཆར་ཆུ་ཐིགས་པ་སྙིལ་སྙིལ་བབས་བྱུང་།།

དེ་ལས་མང་བ་། “བྱིས་པས་ཨ་མ་འཚོལ་བ།” »