མགོན་པོ་ཕྱག་གཉིས་པ།
ཕྱག་འཚལ་ཆོས་དབྱིངས་མྱུར་མ་དཔའ་མོ།།
ཞབས་གཉིས་གཡས་བསྣོལ་གཡོན་བསྣོལ་བྱས་ཏེ།།
འཁྱག་འཁྱོག་བྱ་གག་འགྲོས་དང་འདྲ་བར།།
ཀུན་ནས་བསྐོར་རྒྱུག་བྱས་ན་མགྱོགས་མ།།
ཕྱག་འཚལ་པགས་རྩག་ཡུལ་དུ་ལུས་མ།།
ནུ་ཁེབས་མ་གཏོགས་སྟོད་གཡོགས་མེད་མ།།
འདོམས་རས་མ་གཏོགས་སྨད་ཤམ་མེད་མ།།
ཀུན་ནས་བསྐོར་དགའ་གཅེར་རུར་བརྒྱུགས་མ།།
དེ་ལས་མང་བ་། “ཨོྃ་ལུས་རྩལ་བ་ཆོས་དབྱིངས་སྐྱིད་ལ་ཕྱག་འཚལ་ལོ།” »
” རྒྱ་ནག་ཏུ་འཚོགས་པའི་ཨོ་རྩལ་འགྲན་ཚོགས་ཀྱི་དུས་སྟོན་སྐབས་གནས་ཚུལ་སྤེལ་བ་ཧ་ཅང་ཉུང་བ་མ་ཟད། གནས་ཚུལ་ཉུང་ཉུང་དེའང་དོན་དངོས་དང་མི་མཐུན། དེ་ནི་བུ་མོ་ཞིག་ཡོལ་བའི་ཕག་ཏུ་གབ་སྟེ་གླུ་གཞས་གཏོང་བཅུག་ནས་སྡིངས་ཆའི་སྟེང་བུ་མོ་ཆུང་ཆུང་ཞིག་གིས་ལེན་པ་ལྟ་བུའི་ཟོལ་བཅོས་བྱས་པ་དེ་གཅིག་པུ་མ་རེད། བྱེད་ཐབས་དེས་གཞས་གཏོང་མཁན་དང་ལད་ཟློས་བྱེད་མཁན་གཉིས་ལ་བཟོད་པར་དཀའ་བའི་ཕོག་ཐུག་བཏང་ཡོད། དེས་རྒྱལ་ཁབ་ཀྱི་མ་འོངས་པའི་མདུན་ལམ་མཚོན་གྱི་ཡོད་པ་རེད། ཁྱེད་ཀྱིས་སྲིད་གཞུང་དང་མི་སྒེར་གྱི་བྱ་བྱེད་གང་ལའང་ཡིད་ཆེས་བྱ་ཐབས་མེད་པ་དེ་རེད།” རྒྱས་པ་འདི་རུ་བསྣུན་ཏེ་སྐར་ཁུང་དྲ་བ་བརྒྱུད་ཀློགས།
བསམ་གླིང་ཚེ་རིང་ལྷ་མོ།
ཞལ་གྱི་དཀྱིལ་འཁོར་བྱམས་པའི་འཛུམ་གྱིས་བསུས།།
དབུ་སྐྲའི་ཐོར་ཅོག་མཐོན་ཐིང་ནམ་མཁར་འདྲེས།།
ཡེ་ཤེས་དཔག་ཡས་འཕགས་མ་རྗེ་བཙུན་མ།།
མི་ཕྱེད་དད་པའི་གླུ་འདིར་ཡུད་ཙམ་དགོངས།།
དྲི་མེད་གངས་རི་དཀར་པོས་རབ་བརྒྱན་ཅིང་།།
འགྲོ་བ་ཉམ་ཆུང་དད་ལྡན་བསོད་ནམས་ཅན།།
སོས་དལ་བག་ཕེབས་ང་ཅག་བོད་ཡུལ་འདིར།།
ད་ཆ་དམར་པོའི་དཔུང་གིས་ཡོངས་བཅོམ་ཞིང་།།
སྐུ་ཞབས་ཕུ་རོ་ཐས་རོ་(Mr Prothero)ལགས་ཀྱིས་བོད་མི་དག་གིས་རང་ལུས་མེར་སྲེག་གཏོང་བཞིན་པ་ནི་རྨོངས་དད་ངང་ལྷ་དང་དཀོན་མཆོག་གི་ཆེད་དུ་འབར་བཞིན་པ་རེད་ཟེར་བ་ནི་བོད་སྤྱི་ཚོགས་ཀྱི་གནས་སྟངས་ལ་རྒྱུས་མངའ་ཅུང་ཙམ་ཡང་མེད་པའི་གཏམ་དུ་འཁུམས། བོད་མི་དག་གིས་རང་ལུས་མེར་བསྲེག་བྱེད་དོན་གཙོ་བོ་ནི་འཛམ་གླིང་མི་མང་ལ་བོད་མིའི་སྡུག་བསྔལ་ཆེ་བའི་གནས་སྟངས་ལ་དངོས་ཡོད་དང་དྲང་བདེན་གཞི་ལ་བཞག་ནས་རྒྱབ་སྐྱོར་དང་བདེན་པའི་དཔང་བོ་གནང་རོགས་ཞེས་འབོད་སྐུལ་ཞུ་བ་ཡིན། རྒྱས་པ་འདི་རུ་བསྣུན་ཏེ་སྐར་ཁུང་དྲ་བ་བརྒྱུད་ཀློགས།
རེབ་ཐོག་མདའ།
སྦྲང་དཀར་རྩམ་པ་ཡིས་གསོས་པའི།།
གཡང་དཀར་ལུག་ཁྱུ་ཡི་རྫི་བོ།།
སྦྲ་ནག་གྲུ་བཞི་ཡི་བདག་མོ།།
བོད་མོ་ཆོས་དབྱིངས་ནི་སྒྲོལ་མ།།
གངས་རིའི་ལས་དབང་དེ་འཁུར་ནས།།
འཛམ་གླིང་རྩལ་འགྲན་དུ་ཆས་སོང་།།
འདུར་རྒྱུགས་འགྲན་བསྡུར་དེའི་ཁྲོད་ནས།།
ལོ་རྒྱུས་རི་མོ་ཞིག་བྲིས་སོང་།།
བོན་རྒྱ་བསྟན་འཛིན་རབ་རྒྱས།
བོད་ཀྱིས་ཅི་བྱས་ལས་སུ་མ་སོང་བོད་འབངས་སྡུག་གི་རྒྱ་མཚོར་ལྷུང་ཞིང་། །
ཆོད་སེམས་ཆེ་བའི་དཔའ་བོ་རེ་རེས་གློ་སྙིང་བདེན་པའི་མེ་ལྕེར་བསྲེགས་ཤིང་། །
ཐ་ན་ཅང་མེད་བསྟན་རབ་པས་ཀྱང་ཚོར་བའི་ལོ་མ་སྡུག་གིས་སྦངས་དུས། །
ཡ་གླིང་དུས་ཀྱི་དུང་ཟླ་དཀར་པོ་རྨ་རྒྱལ་སྦོམ་རའི་ཕྲག་ནས་འཛུམ་བྱུང་། །
གསལ་བའི་རྣམ་རིག་བུད་ཤིང་བྱས་ཏེ་བདེན་པ་རྩོད་རྣམས་དགོངས་དག་མཛོད་ཅིག །
དུད་ཁྲོད་ཚལ་དུ་ཕྱིར་མིག་གཟིགས་པའི་རྣམ་ཤེས་ཚོགས་ལ་བཟོད་གསོལ་ཞུ་འོ། །
འབེལ་རྩོམ་རིགས་པའི་འགྲོས་ལ་སྡེབ་པའི་སྲིད་པའི་གླུ་ཆེན་ངག་ལ་བཀུགས་སྟེ། །
དེ་རིང་བདག་གི་ཀི་བསོའི་གླུ་སྒྲས་འཇིག་རྟེན་ཆེན་པོ་འུར་ལ་སྐུར་ངེས། །
སྤྲུལ་དབང་ཆེན།
སྐྱ་རེངས་བུ་མོས་སྤྲིན་དཀར་གཡབ་ཏེ།
ཞོགས་པའི་ཉི་གཞོན་མགྲོན་དུ་བསུས་ཞིང་།
འཛུམ་ཞལ་འོད་ཀྱིས་སྒེའུ་ཁུང་ཕྱེས་ནས།
གདོང་ལ་དྲོད་འཇམ་ཕྱག་གིས་བྱུགས་བྱུང་། །
འདུ་འཛིའི་འདུ་ལོང་ཆེ་བས་འུར་ཟིང་།
ཚོང་ཟོག་ཡར་མར་སྐྱེད་འདྲེན་རླུང་འཁོར།
གཅིག་ལས་གཅིག་མཁས་རང་ལྟོའི་ཆེད་དུ།
དབུལ་ཕྱུག་གཉིས་ཀ་བྲེལ་ལ་ཕྱོགས་སོང་། །
ངས་ཤེས་ཀྱིན་ཡོད་༧གོང་ས་ཏཱ་ལའི་བླ་མར་སྐྱོན་བརྗོད་བྱེད་པ་དེ་ལས་སླ་བོ་ཞིག་མ་རེད། འོན་ཀྱང་། གནད་དོན་འདིའི་ཐོག་ཏུ་ནང་བའི་རྗེས་འཇུག་པ་ཚོས་སྤྱན་རས་གཟིགས་ཀྱི་རྣམ་སྤྲུལ་དུ་ལྟ་ཞིང་འཛམ་གླིང་ནོ་བྷེལ་ཞི་བདེའི་གཟེངས་རྟགས་བཞེས་མཁན་ཁོང་ལ་ངེས་པར་དུ་སྐྱོན་བརྗོད་བྱས་ན་འོས། ཅིའི་ཕྱིར་ཏཱ་ལའི་བླ་མས་རང་ཉིད་རང་གིས་གསོད་མཁན་ཚོར་སྐྱོན་བརྗོད་བྱེད་མི་ཐུབ་པ་རེད། ཅིའི་ཕྱིར་ཁོས་རླབས་ཆེ་བའི་ཀུན་སྤྱོད་དང་ཆོས་ལུགས་ཀྱི་ལྟ་གྲུབ་དག་བེད་སྤྱོད་བྱས་ནས་རང་ཉིད་རང་གིས་གསོད་བཞིན་པའི་མིའི་རིགས་ཀྱི་དམར་མཆོད་དེར་སྐྱོན་བརྗོད་བྱེད་མི་ཐུབ་པ་རེད། རྒྱས་པ་འདི་རུ་བསྣུན་ཏེ་སྐར་ཁུང་དྲ་བ་བརྒྱུད་ཀློགས།
དོན་གྲུབ་རྡོ་རྗེ།
———-
དེ་རིང་ང་ལ་ལས་ཀ་ཡོད། ལས་ཀ་དེ་ཐབ་ཚང་གི་ལས་ཀ་རེད། གཅིག་ནི་ཧ་ཡང་ཆེན་པོ་དེ་ལ་ཆུ་དགང་རྒྱུ་དེ་རེད། ཆུ་འགེངས་མཁན་ནི་ང་ཡིན་སྟབས། བསྟན་འཛིན་གྱིས་ “ང་ལ་ཆུ་ཁེང་ཞིག་” ཅེས་བཤད་པ་དེ་ངས་ངོས་ལེན་བྱེད་མ་ཐུབ། ང་རླུང་ལངས། ངས་བསྟན་འཛིན་ལ། “དེས་ན། ངས་དགས་རྒྱུའི་ཤིང་དེ་ཚོ་ཁྱོད་ཀྱིས་ཁོས་ཤིག་”ཅེས་བརྗོད་པ་ཡིན། “ དེ་ལ་བསྟན་འཛིན་ཧ་ཅང་མ་དགའ་བ་རེད། ཁོང་གིས། “ང་དཔོན་པོ་ཡིན། ཁྱོད་ཀྱི་བྱ་སྤྱོད་དེ་འགྲིག་མ་སོང་། ངས་ཐོར་དགོད་རྒྱུ་ཡིན།”ཞེས་ང་ལ་སྨྲས། ཁོང་དཔོན་པོ་རེད། ཁོང་ནི་ང་དང་བཅས་པའི་ལས་ཀ་བ་ཚང་མ་འཇུན་མཁན་དེ་རེད། ཁོང་ཁྲོས་པའི་སྐབས་སུ་ང་ཚོ་སྐྲག་ནས་རང་རང་གི་སྤྱོད་པ་ཡང་དག་གིས་གདུད་དགོས་པ་རེད། མི་འདུད་མཁན་རྣམས་ལ་ཁོང་གིས་ལས་ཀ་བ་གཞན་རྣམས་བསྐུལ་ནས་ཐུད་པར་བྱེད་པ་རེད།
དེ་ལས་མང་བ་། “རྒན་འཇམ་དཔལ་ལེགས། ཡི་གེ་དག་མ་འདི་འདྲ་རེད་དམ།” »
སྐྱོ་བྲག་དགའ་དབང་།
དུས་ཡུན་རིང་འགྲོགས་པའི་ཆོས་ཀྱི་མཆེད། །
ཁ་བྲལ་བའི་ལོ་ཟླ་མང་པོའི་མཐར། །
གློག་དྲ་བའི་བརྒྱུད་ནས་གླེང་མོལ་བྱུང་། །
སེམས་དགའ་སྐྱོའི་ཆང་གིས་མྱོས་ནས་ཐལ། །
དུས་ཁར་རྩང་མཚན་མོའི་ནམ་ཕྱེད་ལ། །
བྱ་རྒྱ་ཁྲ་ཧོར་བ་བསླེབས་འདུག་ཟེར། །
ཚིག་བདེན་སྨྲའི་ལྷ་རྩེའི་ཁུ་བྱུག་གི། །
སྤུ་མཁའ་ལ་འཐོར་བའི་དངངས་སྐྲག་བྱུང་། །
ལུང་རྟོགས་རྒྱལ་མཚན།
༡༽བོད་ལ་ཡོད།
བྱམས་བརྩེ་ལྡན་པའི་ཆོས་ལུགས་བོད་ལ་ཡོད།།
གཟི་བརྗིད་ལྡན་པའི་ལོ་རྒྱུས་བོད་ལ་ཡོད།།
རིན་ཐང་ལྡན་པའི་རིག་གཞུང་བོད་ལ་ཡོད།།
དཔའ་མཛངས་ལྡན་པའི་རྒྱལ་བློན་བོད་ལ་ཡོད།།
གངས་ཅན་བོད་ཀྱི་རིགས་རྒྱུད་ཕ་བཟང་བུ།།
ཕ་མེས་བཟང་པོའི་ཞབས་འདྲེན་མ་ཞུ་ཨང་།།
རེབ་ཐོག་མདའ།
སྙན་ངག་གི་བཟི་ཁ
ཆང་འཐུང་ཐེངས་རེར་སྙན་ངག་དྲན་ཡོང་ལ
སྙན་ངག་འབྲི་ཐེངས་རེར་ཆང་འཐུང་ན་འདོད
སྙན་ངག་ཆང་དང་སྡེབ་ནས་བཏུང་ཐེངས་རེར
ངས་མཛའ་མོ་དེའི་སྙིང་གཏམ་དྲན་འོངས་ལ
དྲན་ཐེངས་རེ་རེར
རང་ཉིད་སྙན་ངག་གིས་ཐེངས་ཤིག་བཟི་ན་འདོད་ཨང
ཧེ་ལེ་རེ་ཡིས ༡༩༩༧ ལོར་ཅང་ཙི་མིན་ཨ་རི་ལ་ལྟ་སྐོར་དུ་ཕེབས་པའི་དུས་སྐབས་དང། དེ་མིན་ཁོ་མོའི་ཁྱོ་ག ༡༩༩༨ ལོར་རྒྱ་ནག་ལ་ལྟ་སྐོར་དུ་ཕེབས་པའི་དུས་སྐབས་སུ་བོད་དོན་འདི་གླེང་ཡོད་ཅིང་། ད་དུང་། ཁོ་མོ་དང་ཅང་ཙི་མིན་ཁོ་ན་ཐུག་འཕྲད་བྱེད་དུས་བོད་ཀྱི་ཆོས་དད་རང་དབང་ལ་་དྲག་གནོན་དེ་བཤད་ཚེ་ཅང་ཙི་མིན་གྱིས་རྒྱ་ནག་གི་སྐྱེས་པས་བུད་མེད་ལ་གཤེ་གཤེ་གཏོང་བའི་བརྟུལ་ཞུགས་དེ་བཟུང་ནས་ཕྱོགས་གཅིག་ནས་བརྗོད་ཀྱང་ཕྱོགས་གཞན་ཞིག་་ནས་སྒྲོག་ཙེ་ལ་ལག་པས་རག་གིན་འདུག་ཟེར་། རྒྱས་པ་འདི་རུ་བསྣུན་ཏེ་ཀློགས།
ཤྲྰིས་སྨྱོན་པ།
འགྲོ་འདུལ་འཕགས་པ་སྤྱན་རིས་གཟིགས་དབང་ཕྱུག་ལ་ཕྱག་འཚལ་ལོ། །
ཨེ་མ་ཧོཿ
ཞི་བའི་གོམས་རྒྱུགས་སེམས་ལ་འཆང་ཞིང་ལུས་ཀྱི་སྒྱུ་རྩལ་རྒྱུན་དུ་སྦྱོང་། །
ཞི་བདེ་རྒྱལ་ཁ་ཁ་ཙམ་མིན་པར་རང་བརྩོན་རྔུལ་ཆུའི་ཐིགས་པ་བསགས། །
ཞི་བདེའི་རྒྱ་མཚོའི་ཤར་ནུབ་ཀུན་ལ་ཁྱོད་ཀྱི་གཟེངས་རྟགས་མངོན་སུམ་སྟོན། །
ཞི་རྩལ་ཨོ་འགྲན་གོམས་སྟབས་ཤིག་གིས་རྒྱལ་ཡོངས་ཀུན་ལ་བོད་ཅེས་གླེང་། །
དེ་ལས་མང་བ་། “བུ་མོ་ཆོས་དབྱིངས་སྐྱིད་ལ་ཕུལ་བའི་ལེགས་སྐྱེས་ཀྱི་ཁ་བཏགས་དམར་པོ།” »
ཀུན་མཚོ།
དཔའ་མོ་ཞིག་རྗེས་དྲན་བྱེད་སྟངས་ཤིག
ད་ནངས་ཞོགས་པ་མལ་ལས་ལངས་དུས།།
དྲིན་ལྡན་མ་ལོ་བརྩེ་འཛུམ་ཤིག་ཤིག།
བདག་གི་མགོ་ལ་བྱིལ་བྱིལ་བྱས་ནས།།
ཨ་མའི་མ་ལོ་སློབ་གྲྭར་སོང་ཟེར།།
ཨ་མ་མ་གཅེས་མི་འགྲོ་ཟེར་བཞིན།།
ཨ་མའི་འགྲམ་ནས་ལྷོད་པར་བསྡད་དུས།།
བྱམས་ལྡན་ཨ་མའི་མིག་ཟུང་དེ་ནས།།
ཆར་ཆུ་ཐིགས་པ་སྙིལ་སྙིལ་བབས་བྱུང་།།
འབྲོང་ངུར་ཆོས་རྗེ།
མི་རིགས་ཤིག་ལ་མཚོན་ན་རང་ཉིད་ཀྱི་སྐད་དང་ཡི་གེ་གཉིས་པོ་ནི་མི་རིགས་དེ་ཡི་ངོ་བོ་མཚོན་བྱེད་དམ་མི་རིགས་དེ་སྲ་བརྟན་རྒྱུན་གནས་ཡོང་བའི་སྲོག་རྩ་ལྟ་བུ་ཆགས་ཡོད་པ་ནི་དུས་རབས་འདིར་ཕལ་མོ་ཆེས་ཤེས་གསལ་ཡིན་ལ། རང་སོའི་སྐད་ཡིག་དར་སྤེལ་དང་སྲུང་སྐྱོབ་ཀྱི་ཆེད་བྱ་གཞག་སྣ་ཚོགས་སྤེལ་བཞིན་ཡོད་པའང་མཐོང་ཆོས་སུ་གྱུར་ཡོད། འཛམ་བུའི་གླིང་འདིའི་ནང་གི་མི་རིགས་དང་སྐད་རིགས་སྟོང་ཕྲག་མང་པོའི་ཁྲོད་ནས་སྐད་ཡིག་གཞན་ལས་ཁྱད་དུ་འཕགས་པ་ནི། ཡོངས་གྲགས་སུ་དབྱིན་ཇིའི་སྐད་ཡིག་གཉིས་པོ་ཆགས་ཡོད་པ་མ་ཟད་དེ་གཉིས་པོར་འཛམ་གླིང་སྤྱིའི་སྐད་ཡིག་ཀྱང་བརྗོད་ཆོག་པའི་གནས་སུ་སླེབས་ཡོད།
དེ་ལས་མང་བ་། “གུ་དོག་པོའི་བསམ་བློ་ནི་བོད་ཡིག་འཆི་ལམ་དུ་གཏོང་བྱེད་ཅིག་ཡིན།” »
རྩོམ་པ་པོ། ཕོལ་རྦི་རན་ཌིས་རོ་ཞེན་རྦུའུ་ཞི།
བསྒྱུར་མཁན། རྩིས་ཆེ་ལེགས་མཐོང་།
ཐོག་མར་ལྟ་སྐབས། རྒྱལ་དབང་ཀརྨ་པ་བཅུ་བདུན་པ་འདི་ནི་ལྟ་མི་ཕོད་པ་ཞིག་ཏུ་འདུག །ཁོང་ནི་སྐྱེས་སྟོབས་ཀྱི་དཔལ་འབར་ལ། ལྷན་སྐྱེས་ཀྱི་གདེང་སྤོབས་ཆེ་བ། ལྟ་བཟོ་དོད་པ་ཞིག་དང་། ཁོང་ཕར་ཚུར་ཕེབས་པའི་སྐབས་སུ་ཡང་བོད་ཀྱི་ནང་པའི་དབུ་ཁྲིད་ཆེན་པོ་ཞིག་དང་མི་འདྲ་བར་གཟུགས་སྟོབས་འབྲིང་བའི་ཁུ་ཚུར་རྩེད་འགྲན་པ་ཞིག་དང་མཚུངས།
དགུང་ལོ་ཉེར་དྲུག་ཏུ་སོན་པ་འདི་ཉིད་ཁང་པའི་ནང་དུ་ཕར་ཚུར་ཕེབས་སྐབས་མཚམས་མཚམས་སྐད་སྒྱུར་བའི་ལྷན་དུ་སྐུ་རྩེད་ཆུང་ཙག་རིགས་གནང་བ། གད་མོ་སློང་བ་སོགས་བྱེད་པ་དང་། གཞན་གྱིས་འཚེར་སྣང་དང་བཅས་ཏེ་སྡེར་མའི་ནང་ཕྱི་རྒྱལ་གྱི་བག་ལེབ་འབུལ་སྐབས་མིག་ཅུང་ཟད་བརྫིས་ཏེ་ལྟ་བ་སོགས་བྱེད། ཕྱིས་སུ་ཁོང་གིས་སྒེར་པའི་ཆོས་ཀྱི་བྱ་བ་དང་འཛམ་གླིང་སྤྱི་ཡི་གནད་དོན་ཐད་གཏམ་བཤད་གནང་སྐབས་ཁོང་གི་རང་བཞིན་དངོས་ཏེ། སྐྱེས་སྟོབས་ཀྱི་རྩལ་ཡོངས་སུ་རྫོགས་ལ། མགྱོགས་མྱུར་འཛམ་གླིང་གི་ཆོས་ལུགས་ཀྱི་དབུ་ཁྲིད་ཆེན་མོ་ཞིག་ཏུ་འགྱུར་བའི་རང་བཞིན་དེ་གསལ་པོར་མངོན་དུ་གྱུར་པ་མཐོང་གི་འདུག
དེ་ལས་མང་བ་། “༧ཀརྨ་པ་མཆོག་བོད་བརྒྱུད་ནང་བསྟན་གྱི་དབུ་ཁྲིད་རྗེས་མ་རེད་དམ།” »
མིག་བརྒྱད་པ།
འཛམ་གླིང་འདིར་ཆོས་ལུགས་པ་དང་ཚན་རིག་པ་ཚོས་སྲོག་ཅེས་པའི་དོན་ལ་ངོས་འཛིན་སྟངས་མི་འདྲ་བ་ཁག་གཉིས་བྱུང་ཡོད། མདོར་བསྡུས་ན་སེམས་ཡོད་སྲོག་ལྡན་དང་སེམས་མེད་སྲོག་ལྡན་གཉིས་སུ་འདུས་པ་ཡིན། ནང་པའི་གཞུང་དུ་སྲོག་ཅེས་པ་གང་འདྲ་ཞིག་ལ་ངོས་འཛིན་པའི་སྐབས་སུ་གང་ཟག་དེའི་ཚེ་ནི་སྲོག་ཡིན་ལ་དྲོད་དང་རྣམ་ཤེས་ཀྱི་རྟེན་བྱེད་མཁན་ཞིག་ལ་སྲོག་ཏུ་འདོད། རྩི་ཤིང་སོགས་ལ་རྣམ་ཤེས་ཀྱི་རྟེན་བྱེད་པའི་སྲོག་དེ་འཇོག་དཀའ་མོད། འོན་ཀྱང་སྲོག་མེད་ལས་སྲོག་ལྡན་སྐྱེས་པ་ང་ཚོའི་གཞུང་དུའང་བཞག་གི་ཡོད་ལ་ཚན་རིག་པས་ཀྱང་འཇོག །སྲོག་ལྡན་གཅིག་ལ་སྲོག་གི་དབང་པོ་མི་འདྲ་བ་གཉིས་ང་ཚོས་ཀྱང་བཞག་མེད་ལ་ཚན་རིག་པས་ཀྱང་འཇོག་གི་མེད། ཆོས་མངོན་པ་མཛོད་ལས་མི་ལ་སྐྱེས་གནས་བཞི་ག་ཡོད་པར་གསུངས་པ་ལྟར། བསྐལ་བ་དང་པོའི་མི་རྫུས་སྐྱེས་དང་། བྱ་ཁྲུང་ཁྲུང་ལས་སྐྱེས་པ་གནས་བརྟན་གྲགས་པ་དང་རི་དྭགས་འཛིན་གྱི་བུ་སུམ་ཅུ་རྩ་གཉིས་ནི་སྒོང་སྐྱེས། ཆུ་ཤིང་སྡོང་པོ་ནས་བུ་མོ་ཞིག་སྐྱེས་པ་ཕྱིས་སུ་རབ་ཏུ་བྱུང་ནས་དགེ་སློང་མ་སྐྱོང་མར་གྱུར་བ་ལྟ་བུ་དྲོད་གཤེར་སྐྱེས་ཡིན།
ཁྲིམས་ལུགས་སློབ་མ། བློ་བཟང་གྲགས་པ།
རེ་བ་དང་དོགས་པ་ནི་བོད་རྒྱ་གཉིས་ཀྱི་ལོ་རྒྱུས་རྒྱུད་རིམ་ཁྲོད་ཕུང་བྱེད་ཀྱི་རྒྱུ་གཉིས་སུ་གྱུར་ཡོད་པ་དང་། དེ་ཡང་དུས་རབས་ལ་འཕོ་འགྱུར་ཇི་ལྟར་སོང་ཟིན་ནའང་། ཆབ་སྲིད་དང་སྤྱི་ཚོགས་ལ་ལེགས་ཉེས་ཀྱི་ཕོག་ཐུག་ཇི་ལྟར་བྱུང་ཡོད་ནའང་། རྒྱུ་རྐྱེན་འདི་གཉིས་ལ་ཤུགས་རྐྱེན་གང་ཡང་ཐེབས་མེད་པར་བོད་རྒྱ་གཉིས་ཀྱི་ཆབ་སྲིད་ཀྱི་རོལ་མོའི་འགྱུར་ཁུགས་སུ་རེ་བ་དང་དོགས་པ་གཉིས་ནི་སྔར་བཞིན་དོ་མཉམ་མེད་པར་གནས་ཡོད། ད་ལྟའི་ཆར་ང་ཚོའི་མྱུག་ཐོག་པ་མང་པོ་ཞིག་གིས་བཙན་བྱོལ་བོད་ཀྱི་བཀའ་ཤག་གསར་པས་ཕྱག་ལས་གནང་ནས་ལོ་འཁོར་གཅིག་ཧྲིལ་བུ་ཁོར་བའི་དུས་དྲན་ཏུ་སྟོད་བསྔགས་ཀྱི་མེ་ཏོག་ཕུལ་ཞིང་། སྤྲེལ་ལད་ཀྱི་མཆོད་རྫས་འབུལ་བཞིན་ཡོད་ལ། བཀའ་ཤག་གསར་པའི་ལོ་གཅིག་གི་མཛད་རྗེས་ནས་མ་འོངས་བོད་ཀྱི་ཆབ་སྲིད་ལ་ཤ་མ་རེག་པར་ཤ་བགོས་རྒྱག་པའི་དཔེ་ལྟར་ཉིན་མོའི་རྨི་ལམ་སྐྱིད་པོ་ཞིག་ཀྱང་རྨིས་བཞིན་ཡོད།
རེབ་ཐོག་མདའ།
ཆར་ཆུ་བསིལ་མ་དགུང་ནས་བབས་ཏེ་ས་གཞིའི་ངོ་གདོང་རླན་གྱིས་ཟིན་ཐལ།།
སྤྲིན་པ་དཀར་པོ་ཁ་དོག་འགྱུར་ནས་ཡར་ཁའི་རི་ཡི་རྩེ་མོ་བཀླུབས་སོང་།།
ཉི་མའི་འཛུམ་མདངས་རེ་ཞིག་བོར་བའི་རྒྱང་རིང་ནམ་མཐའི་མཁའ་དབྱིངས་དེ་ན།།
གློག་ཞགས་དམར་པོའི་སྨུག་སྤྲིན་ཀློང་ན་རང་དབང་འཁྱུག་རྩལ་ངོམས་འདི་མཚར་བ།།
ས་ཆེན་སྐྱོ་བའི་མྱ་ངན་མིག་ཆུ་ཉིན་དང་མཚན་ལ་ཤག་ཤག་བབས་ནས།།
ལམ་ཆེན་དཀྱིལ་ན་དལ་གྱིས་བཞུར་བའི་རྐ་ཆུ་དེ་ཡང་ཀུ་ཅོས་ཁེངས་འདུག།།
ཁྲོམ་དང་སྲང་ལམ་ཁུ་སིམ་ཀློང་ན་གཉིད་དུ་ཡུར་བའི་རྨི་ལམ་རིང་མོ།།
རྒྱང་རིང་འགྲུལ་བའི་རླངས་འཁོར་དུང་སྒྲས་སྐྱ་རེངས་བུ་མོ་མཉམ་ཏུ་དཀྲོག་སོང་།།