གངས་དཀར་རྒྱལ་སྲས།
ནམ་རྒྱུན་མང་མང་འདྲ་བའི་ངོ་ཤེས་ཚོ།།
གལ་ལ་ཐུག་དུས་ཉུང་ཉུང་འདྲ་བ་འདི།།
མི་གཞིིའི་སྲབ་མཐུག་ཙམ་ལས་གཞན་དུ་ནི།།
ཁག་འཇོག་ཁ་གཡར་བྱེད་ས་ཡེ་ནས་མེད།།
རྒྱང་རིང་གི་མཁའ་འགྲོ་མ།
རེབ་ཐོག་མདའ།
སྟོན་གྱི་སྡོང་ལོ་ཟགས་པའི་གཙང་འགྲམ་དེ་ནས།།
མིག་ཆུ་ཆུ་ལ་བསྐུར་བའི་ན་ནིང་ཞིག་ལ།།
ལས་མཐུན་བུ་མོའི་སེམས་ཀྱི་གཏིང་ལ་འཁྲུངས་པའི།།
སྡུག་གི་གཏམ་རྒྱུད་མ་ཁོག་སྨྱུག་ཁར་བཞུར་ཐལ།།
སང་ཞོགས་ཁྲོམ་ན་ཡོད་དམ།
ལྷ་ཆབ་སྦྱིན་པ།
མྱོང་བ་མངོན་གསུམ་གསེར་དང་དངུལ་ལ་འཐིམ་སོང་།།
དངོས་ཡོད་འཚོ་བ་བུད་མེད་ཞལ་གྱིས་བཞེས་སོང་།།
རླུང་བུ་གར་གཡུག་དར་ལྕེ་དེ་རུ་ཟད་པ།།
བདག་གི་རྨི་ལམ་འཇིག་པའི་དཔེ་ཡིས་བཟུང་བཞག།
ཚོར་བས་བྲིས་པའི་སྙན་ཐུང་འགའ།
གཅན་འོད་འབར།
མེ་ཏོག་དང་གཡུ་སྦྲང།
མེ་ཏོག་གི་འདབ་མ་འཐོར་ཤུལ་དུ།
གཡུ་སྦྲང་གི་གླུ་སྒྲ་འཇགས་སོང།
སུས་ཀྱང་གླེང་མ་མྱོང་བ་ནི།
མེ་ཏོག་དང་གཡུ་སྦྲང་གི་གཏམ་རྒྱུད་ཡིན་ལ།
ངོམ་ཆོག་ཆོག་གི་ཕ་ས། སྒང་བ་བོད།
སོག་མདའ།
རྒྱང་རིང་རི་བོའི་ཕ་རོལ་དེ་ན་ཁ་བ་བོད་པའི་ཕ་ས་ཡོད།།
རྒྱང་རིང་རི་བོའི་ཕ་རོལ་དེ་ན་ཁ་བ་བོད་པའི་གནས་རི་ཡོད།།
རྒྱང་རིང་རི་བོའི་ཕ་རོལ་དེ་ན་ཁ་བ་བོད་པའི་ཆུ་བོ་ཡོད།།
རྒྱང་རིང་རི་བོའི་ཕ་རོལ་དེ་ན་ཁ་བ་བོད་པའི་བདག་པོ་ཡོད།།
རྒྱང་རིང་རི་བོའི་ཕ་རོལ་དེ་ན་ཁ་བ་བོད་པའི་ཕ་མ་ཡོད།།
རྒྱང་རིང་རི་བོའི་ཕ་རོལ་དེ་ན་ཁ་བ་བོད་པའི་སྤུན་ཟླ་ཡོད།།
ཁེར་རྐྱང་གི་སྙན་ངག
རྔ་བ་ཀུན་བཟང་སྒྲོལ་མ།
སྤྲིན་ནག་གི་སྨུག་ལོང་ཡོལ་དུས།།
གྲང་རླུང་གི་འཁྱག་གདུང་བཙན་དུས།།
སུན་སྣང་གི་མིག་ཆུ་བཞུར་དུས།།
ཕྱིར་དྲན་ནི་སྐྱོ་བའི་གཞི་མ།།
རྫིང་བུའི་འཁྲིས་ཀྱི་ཆིག་ལབ།
བསམ་གླིང་ཚེ་རིང་ལྷ་མོ།
དྭངས་བསིལ་ཆབ་ཀྱི་མེ་ལོང་རབ་གསལ་ཞིང་།།
ལྗོན་པའི་ཕྲེང་བས་ལང་ཚོ་རབ་ཏུ་ངོམ།།
མཁའ་ཡི་སྤྲིན་དཀར་ཆུ་མོའི་ནང་དུ་གསལ།།
རྫིང་བུའི་མཐའ་རུ་ཆུ་བྱས་བྲོ་གར་འཁྲབ།།
ཨ་མ་་་་་་་དྲན་གདུང་གི་ཀློང་ན།
རེབ་ཐོག་མདའ།
ཕ་ཡུལ་ཞིག་གི་ངོ་གདོང་བོར་བའི་ནུབ་ཕྱོགས་གྲུ་ཁའི་སྡེ་ཞིག་ན།།
ས་མཐའི་ཉི་མས་ཕྱི་ལུས་དྲོད་ཀྱང་མ་ཁྱོད་མེད་པའི་ལོ་ཟླའི་ཁྲོད།།
སྐྱབས་བཅོལ་མིང་གི་ཆོ་ལོ་ལེན་བཞིན་ཉིན་མཚན་ཞིག་གི་ཧྲག་བར་ནས།།
དྲིན་ལྡན་ཨ་མ་སྙིང་ནས་དྲན་པའི་ཚིག་གསུམ་སྙིང་ནས་ཤོར་ནས་ཐལ།།
མི་རབས་གསུམ་གྱི་ཞྭ་མོ། ༼ གྲོགས་པོ་ཞིག་ལ་ཀུ་རེ་ཚུལ་དུ་བྲིས།༽
རེབ་ཐོག་མདའ།
མེས་པོ་གོང་མས་བཞག་པའི་ཞྭ་མོ་དེ།།
རིན་གོང་མཐོན་པོ་སྤྲད་ནས་མ་ཉོས་ཀྱང་།།
ཀྱག་ཀྱོག་མི་ཚེས་བྲིས་པའི་གཏམ་རྒྱུད་ཁྲོད།།
བདག་དང་ཞྭ་མོ་དུང་བ་ཧ་ཅང་ཟབ།།
དེ་ལས་མང་བ་། “མི་རབས་གསུམ་གྱི་ཞྭ་མོ། ༼ གྲོགས་པོ་ཞིག་ལ་ཀུ་རེ་ཚུལ་དུ་བྲིས།༽” »
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།
དོལ་སྨྱོན།
༡༽
རྒྱབ་ནས་བལྟས་ན་མཛེས་པའི་སྐུ་གཟུགས་ལ།།
མདུན་ནས་བལྟས་ན་འཛུམ་པའི་ཞལ་རས་ཅན།།
མཐོང་ན་མི་མཐུན་མེད་པའི་མཛའ་ན་མོ།།
ང་ཡི་སྙིང་སྡུག་མཚམས་གཅོད་སྒྲོལ་མ་ཡིན།།
ང་ལ་མིག་ཆུ་མི་འདུག –ཞར་བཀོད་གཉིས།
གཅན་འོད་འབར།
ང་ལ་མིག་ཆུ་མི་འདུག
ཧང་སང་མདོག་གིས་གནམ་གྱི་སྤྲིན་པ་དེ་ཚོར་མིག་ལོག་ཅིག་བལྟས་ཤིང་།
ཧོན་འཐོར་ཚུལ་གྱིས་ས་ཡི་མེ་ཏོག་དེ་ཚོར་ཁ་རྡུང་ཞིག་བཏང་མོད།
གང་ལྟར་གསོ་ཐབས་བྲལ་བའི་ཁེར་རྐྱང་གི་སེམས་པ་དེ།
སྔར་བཞིན་སྐྱིད་པོ་ཞིག་མ་རེད་ལ།
སོས་ཐབས་མེད་པའི་དྲན་གདུང་གི་རྨ་ཁ་དེ་ཡང།
ཕྱིར་མིག་ཐེངས་གཅིག།
སོག་མདའ་ནས།
ལང་ཚོ་རྒས་གཉེར་རི་ནས་སད་པའི་ཕྱི་མིག་ཅིག་གི་སོ་ཁ་ནས།།
ཚོར་འདུ་ཟབ་མོ་སློག་སློག་འཕྱུར་བའི་སེམས་ཁོང་སྙི་མོས་ཁུགས་སོ་ན།།
རི་ཆུའི་རི་མོ་མིག་ལ་ཤར་དུས་གློ་མཆིན་སྙིང་རྩ་དྲོད་ཀྱི་ཁེངས།།
བསམས་གཞིགས་རྣལ་མའི་མདའ་འཕྲིན་ཕྲ་མོ་ཕ་ཁྱིམ་དྲོན་མོའི་དབྱིངས་སུ་འཐིམས།།
༼ མིག་ཆུ་འདིར་རིན་ཐང་མི་འདུག༽འོད་ལ་ཐིམ་ཟིན་པའི་དཔའ་བོ་དཔའ་མོ་དག་ལ།
རྡོ་མེ་འབུད།
ཁྱེད་ཅག་གིས།
རང་ཚུགས་དང་སྤོབས་པ་ཡོད་ཚད།
ཤ་ཁྲག་རུས་གསུམ་དང་བསྡོངས་ནས།
འོད་དུ་སྒྲོན་དུས།
ངའི་མིག་ཆུ་ལ་རིན་ཐང་མེད་པ་ཤེས་ཡོད།
དེ་ལས་མང་བ་། “༼ མིག་ཆུ་འདིར་རིན་ཐང་མི་འདུག༽འོད་ལ་ཐིམ་ཟིན་པའི་དཔའ་བོ་དཔའ་མོ་དག་ལ།” »
ངས་བལྟས་ན་ཁྱོད་ལ་གཅིག་དགོས་འདུག
དོལ་སྨྱོན།
— སློབ་གླིང་གི་བུ་མོ་ཞིག་ལ་ཕུལ།
ངས་བལྟས་ན་ཁྱོད་ལ་གཅིག་དགོས་འདུག
དགོས་པས་མི་ཚད་ཕྱི་གྲབས་འདུག
ཕྱི་རོལ་ན་འབུས་པའི་རྩི་ཤིང་དང་ལྗང་བུ་དག་ལའང་།
དུས་དང་དུས་སུ་ཆར་ཆུ་དག་ངེས་པར་དུ་དགོས་ན།
ཁྱོད་་་ གཞོན་ནུ་ཤ་དར་ཁྲག་དར་ཞིག་ལ་སྨོས་ཅི་དགོས།
བླ་སྤྲུལ་མིན་ན་གཙོ་བོ་མིན།
རྔ་བ་བརྒྱད་གསུམ་གཅིག་དྲུག
དགེ་ལྡན་གཙུག་ལག་སློབ་གཉེར་ཁང་*གི་ཡིད་འོངས་ཁྱམས་རའི་མཐའ་འཁོབ་དུ།།
ཨ་གར་དང་ནི་ཙན་དན་སོགས་ཀྱི་དྲི་ཞིམ་མངར་མོའི་དུ་བསང་ལྡིང་།།
རྨ་བྱ་གཙོས་པའི་འཇོལ་མོའི་ཁྱུ་ཡིས་སྤྲོ་སེམས་ངོམ་བཞིན་གཤོག་རྩལ་འགྲན།།
བཅོས་མིན་དགའ་སེམས་གང་བའི་འཇོལ་མོར་ལྟ་བཞིན་ལྟ་བཞིན་འདི་ལྟར་དྲན།།
ལས་ཀྱིས་བསྐོས་པའི་སྐྱ་ཡ།
སོག་མདའ།
རྡ་སའི་རི་གྲོང་ཆུང་ཆུང་དེ་ནས་ངེད་གཉིས་ཐུག་པའི་ཉིན་མོ་ལ།།
ཁྱེད་དང་ང་ལ་ལས་འཕྲོ་ཡོད་པའི་ལས་དབང་ངེད་གཉིས་མ་མཁྱེན་ཀྱང་།།
འཛིན་གྲྭའི་ཁང་མིག་གྲུ་བཞི་དེ་ནས་དགེ་སློབ་གྱུར་པའི་བར་གསེང་ནས།།
ཁྱེད་ཀྱི་ཡིད་སེམས་ང་ལ་ཤོར་བའི་སྙན་ངག་ཅིག་གི་མགོ་བརྗོད་བྲིས།།
དུས་བཞིའི་བར་ཐག་འཁྱུག་ཙམ་བཞུད་པའི་ལོ་ཟླའི་ཕྲེང་བའི་བརྒྱུད་རིམ་ནས།།
ངེད་གཉིས་དགེ་སློབ་འབྲེལ་བ་ཙམ་ལས་བརྩེ་བའི་འཚོ་བ་ཅི་ཡང་དབེན།།
ངས་ཁྱེད་ཚོར་མྱ་ངན་བྱེད་ཀྱིན་ཡོད།
རེབ་ཐོག་མདའ།
དབུས་ཀྱི་ཕོ་བྲང་གི་བདག་པོ་བོར་ནས།།
ལོ་ཟླ་ནག་པོ་ཞིག་ག་ལེར་བགྲོད་དུས།།
ཨ་མདོ་ཁམས་པ་ཡི་ཕུ་ནུ་མིང་སྲིང་།།
སྐུ་ལུས་མར་མེ་ལ་ཡང་ཡང་སྒྲོན་གི།།
ཉིན་མཚན་དེ་དག་དང་འདི་དག
གཅན་འོད་འབར།
སུ་ལ་ཡང་འབྲེལ་འདྲིས་མ་བྱས་པའི་ཉིན་མོ་དེ་དག
མིག་ཆུ་གཙང་བོར་བཞུད་པའི་དུས་ཡིན།
གང་གིས་ཀྱང་ཁ་ཡ་མ་བྱས་པའི་མཚན་མོ་དེ་དག
ཤུ་རིང་རླུང་དུ་བསྐྱོད་པའི་དུས་ཡིན།
ཤ་ཁྲག་རུས་གསུམ་འཁྱག་ལ་འབྱར་པའི་ཉིན་མོ།
སྐྱོ་བའི་གདུང་བ་དབྱངས་སུ་བཀུག་པའི་མཚན་མོ།
མི་འདྲ་འདྲའི་ཆག་སྒོ།
ཚེར་ནགས་རྡོ་རྗེ་རིན་ཆེན།
ངེད་ནས་ཉིན་ཤས་སྔོན་ལ་རྒྱ་གར་ནང་དངོས་བྱུང་གནས་ཚུལ་འཁྲབ་འཁྲིད་བྱས་པའི་གྱོད་གཞི་ཞིག་ལ་བལྟས་པ་ཡིན། ལྟད་མོ་དེ་རིགས་ཉིན་ལྟར་མཚན་མོའི་དུས་ཚོད་བཅུ་དང་ཕྱེད་ཀར་རྒྱ་གར་གྱི་བརྙན་འཕྲིན་ཚན་ཁག་ལཱེ་ཕྷུ་ཨོ་ཁེད་(Life Ok) དང་ཁིར་རིམ་ཕཱེ་ཊོལ་(Crime Patrol) གཉིས་སུ་སྟོན་བཞིན་འདུག མཚན་མོ་དེར་ལཱེ་ཕྷུ་ཨོ་ཁེད (LifeOk )ཞེས་པའི་བརྙན་འཕྲིན་ལས་རིམ་ནང་གྲོང་ཁྱེར་མུམ་བྷེ་རུ་ཤེས་ཡོན་མེད་པའི་སྐྱེས་དམན་ཞིག་གི་བཟའ་ཟླ་སྡོད་གནས་དང་ཁད་མི་རིང་བའི་ཆང་ཁང་ཞིག་གི་སྒོ་འགྲམ་དུ་ཁ་པར་གཏོང་སྐབས་གཞན་གྱིས་མེ་མདའ་བརྒྱབ་ནས་ལྐོག་གསོད་བྱས་པའི་དོན་རྐྱེན་སྐོར་རེད།
དུས་རབས་ཤིག་གི་བསམ་བློ།
རེབ་ཐོག་མདའ།
དགེ་འདུན་ཆོས་འཕེལ།
དགུ་ཀླུང་རིང་མོའི་འགྲམ་རྒྱུད་དེ་ནས་ཁ་བའི་རི་ལ་མགྲོན་དུ་སླེབས།།
ཆོས་སྐྱོང་བཙན་པོའི་བཀའ་ལུང་ལྕི་མོས་བླ་བྲང་དགོན་ནས་ཕྱི་ལ་བསྐྲད།།
སྙན་པའི་གྲགས་པ་དབུས་ན་མཆེད་དུས་ད་དུང་ཁེར་རྐྱང་ཡིན་རབས་སོགས།།
མ་གསང་ཁྱོད་ཀྱི་གཏམ་རྒྱུད་ཅིག་གི་ཕྱི་ནང་བདག་གིས་ཀློག་བཞིན་ཡོད།