བཀྲ་ཤིས་དོན་འགྲུབ།

___སེམས་དང་སྲོག་གི་ཚོགས་འདུ་ཐེངས་ ༢༦ པ་མཇུག་གྲུབ་ནས་འབྲས་སྤུངས་དང་ཁ་བྲལ་སྐབས་ལམ་བར་ནས་བྲིས་པ།

ཐལ་རྡུལ་འཚུབ་མའི་ཀློང་ན་གཡེང་བའི།།
ལྷོ་མཐའི་གདན་ས་དཔལ་ལྡན་འབྲས་སྤུངས།།
དགུན་རླུང་ལྡོམ་པོའི་འགྲོས་ལ་འཁྲིལ་བའི།།
ཤིང་ལོ་སྐམ་པོའི་ཤུལ་དུ་གཡུག་ཡོད།།

དེ་ལས་མང་བ་། “ང་འབྲས་སྤུངས་དང་གྱེས་བྲལ།” »

 ཧི་མ་ལ་ཡའི་འཕྲུལ་སྨྱུག

༼སྐབས་འདིའི་༽འགས་གཏོར་ཆེན་མོའི་གཞུང་ལུགས་འདིའི་ཁུངས་ནི་ཨ་རིའི་གནམ་རིག་མཁས་པ་ཧ་བོས་ཤིན་ཏུ་ལེགས་པའི་རྒྱང་ཤེལ་སྤྱད་ནས་རྟོག་ཞིབ་བྱས་པའི་གྲུབ་འབྲས་དེ་ཡིན་༼པ་རེད།༽
ཁོང་གིས་རྒྱང་ཤེལ་བརྒྱུད་ནས་ལྟ་སྐབས་སྐར་ཚོགས་༼ཏེ་དགུ་ཚིགས་ཁྱིམ་རྒྱུད་༽ཡོད་ཚད་ཕན་ཚུན་བར་ཐག་ཇེ་རིང་དུ་འགྲོ་བཞིན་ཡོད་པ་དང༌། དེ་ཡང་རྒྱང་ཐག་ཇི་ཙམ་རིང་བ་དེ་ཙམ་གྱིས་ཤུགས་ཀྱང་ཆེ་བར་འདུག་ཟེར།

དེ་ལས་མང་བ་། “འགས་གཏོར་ཆེན་མོའི་ཁུངས་ཨ་རིའི་ཁས་པ་ཧ་བོ་ལ་གཏུག་པའི་སྐོར། (ཞར་བཀོད་གཅིག)” »

ཤར་ཕྱོགས་འོད་སྣང་།

དྲང་སྲོང་བདེན་པར་སྨྲ་བ་རྣམས་ལ་ཕྱག་འཚལ་ལོ།།

ཡང་དག་ལེགས་པའི་ལམ་དུ་འདྲེན་པར་དཀའ་ཡང་།།
ལེགས་མིན་གཡོ་སྒྱུའི་བྱུས་ཀྱིས་ལོག་པའི་ལམ་ན།།
རྣམ་ཀུན་འཁྲིད་པར་སླ་བའི་ལུས་ཅན་ཡོད་དགུ།།
དེ་རིང་དྲང་པོའི་གཏམ་ལ་རྣ་བ་བློགས་ཤིག།།

དེ་ལས་མང་བ་། “ཕྱི་ཟླ་བཞི་པའི་ཚེས་གཅིག་ (April-Fool) ཉིན་དོགས་ཟོན་གྱིས།” »

ཨ་རིག་དགེ་མཐོང་།

དེང་སང་གི་དུས་རབས་གསར་བའམ་བདུན་གསུམ་ཉེར་གཅིག་གི་ནང་དུ་བརྡ་འཕྲིན་དང་ཚན་རིག་དར་རྒྱས་ཕྱིན་ཏེ་སའི་གོ་ལ་ཟླུམ་པོ་འདི་ཇེ་ཆུང་དུ་འགྲོ་བཞིན་པ་དང་། ལག་འཕྲིན་ཁ་པར་དང་གློག་ཀླད་དམ་བརྩིས་འཁོར་དམངས་ཁྲོད་ཀྱི་མི་རྣམས་ཀྱིས་བཀོལ་སྤྱོད་བཏང་བ་ལ་བརྟེན། ཤར་ནུབ་ཀྱི་རྒྱལ་ཁབ་གང་ཞིག་གི་མི་དང་ཐད་ཀར་འབྲེལ་འདྲིས་དང་ཁོར་ཡུག་གི་གནས་སྟངས་བཅས་རྒྱུས་ཡོད་དུ་གྱུར།

དེ་ལས་མང་བ་། “སྐད་འཕྲིན་དང་དཀའ་ངལ།” »

སེར་ཤུལ་རིན་ཆེན་དོན་གྲུབ།

སྤྱི་ལོ་༢༠༡༢ ལོའི་ཟླ་༡༡ པའི་ཚེས་༣༡ ནས་ཟླ་༡༢ པའི་ཚེས་༣ བར་དུ་རྒྱ་གར་ལྷོ་ཕྱོགས་སེ་ར་ཐེག་པ་ཆེན་པོའི་གླིང་དུ་ཕྱི་རྒྱལ་ནས་ཆེད་དུ་གདན་ཞུས་བྱས་པའི་ཚན་རིག་གི་ཆེད་མཁས་པ་ཁག་ཅིག་དང་བོད་ཀྱི་ཚན་རིག་ཆེད་སྦྱོང་གི་སློབ་ཐོན་པ་ཁག་ཅིག་དང་མཉམ་དུ་དངོས་ཁམས་ཚན་རིག་གི་ནང་ཚན་(སྣོད་བཅུད་རྟེན་འབྲེལ་རིག་པའི)་སྐོར་གྱི་ཟབ་སྦྱོང་ཞིག་ལ་ཞུགས་པའི་སྐལ་བ་བྱུང་། ཐེངས་འདིའི་ཟབ་སྦྱོང་དེ་ནི་གདན་ས་ཁག་གི་དགེ་འདུན་པ་ཚོར་ཆེད་དུ་ཚན་རིག་གི་ཟབ་སྦྱོང་སྤྲད་པ་ཐེངས་བཞི་བ་དེ་རེད་འདུག

དེ་ལས་མང་བ་། “ཚན་རིག་དང་སེམས་གཤིས་ཀྱིས་གོ་ལར་བསྐྲུན་པའི་འཇིགས་སྔངས།” »

ཧི་མ་ལ་ཡའི་འཕྲུལ་སྨྱུག

གསང་སྔགས་རྡོ་རྗེ་ཐེག་པ་ལ་ཐེག་པ་གཞན་དང་ཐུན་མོང་མ་ཡིན་པའི་ཁྱད་ཆོས་མང་པོ་ཡོད་པ་སྨོས་མ་དགོས་མོད། ཆེས་མངོན་གསལ་དོད་ཤོས་ཤིག་ནི། དགེ་སྡིག་དང་རྒྱུ་འབྲས་ཀྱི་འགྲོ་ལུགས་རྡོ་རྗེ་ཐེག་པས་རྒྱུ་འབྲས་བརྒྱུད་མི་དགོས་པར་བླ་མའི་བྱིན་རླབས་ཀྱིས་ཆོག་ཚུལ། ཐེག་པ་འོག་མའི་སྐབས་ལྟར་དུ་བསྐལ་ཆེན་གྲངས་མེད་གསུམ་ལ་སོགས་པའི་དཀའ་ཚེགས་གང་ཡང་བརྒྱུད་མི་དགོས་པར་རྨད་དུ་བྱུང་བའི་གདམས་ངག་གི་རྐྱེན་བྱས་ཏེ་གནད་དོན་ཡོད་ཚད་བླ་མའི་བྱིན་རླབས་ཀྱིས་ལམ་ལ་བརྟེན་ནས་ཐག་གཅོད་བྱེད་ཆོག་པ་འདི་བྱུང་བ་རེད།

དེ་ལས་མང་བ་། “རྡོ་རྗེ་ཐེག་པས་རྒྱུ་འབྲས་བརྒྱུད་མི་དགོས་པར་བླ་མའི་བྱིན་རླབས་ཀྱིས་ཆོག་ཚུལ།” »

ཉེ་འཆར་ཀྲུང་གོ་གུང་ཁྲན་ཏང་གི་ཚོགས་ཆེན་བཅོ་བརྒྱད་པའི་ཚོགས་འདུའི་མཇུག་བསྡོམས་སུ་ཉེ་འཆར་བདམས་ཐོན་བྱུང་བའི་ཏང་སྲིད་དམག་གསུམ་གྱི་དབང་ཆའི་རྩེ་མོར་སླེབས་པའི་རྒྱ་ནག་གི་ཀྲུའུ་ཞི་ཞི་བྱེད་ཕིན་གྱིས་རྒྱ་ནག་གི་རྨི་ལམ་སྐྱིད་པོ་གཏོང་བཞིན་པའི་སྐོར་གསུངས་བཤད་གནང་དོན་ལྟར་ན་ཁོང་གིས་རྒྱ་ནག་རྒྱལ་ཁབ་སྟོབས་ཀྱི་འབྱོར་དང་གཅིག  མི་རིགས་འཕེལ་རྒྱས་ཀྱི་སྟོབས་ཤུགས་དང་གཉིས། མི་དམངས་བདེ་སྐྱིད་ཀྱི་འཚོ་བའི་སྟོབས་ཤུགས་དང་གསུམ་གླེང་བསླངས་ཡོད་པ་རེད།  

དེ་ལས་མང་བ་། “རྨི་ལམ་སྐྱིད་པོ་གཏོང་བཞིན་པའི་སྒང་རེད། སྐལ་བཟང་དོན་ལྡན།” »

སྐྱོ་བྲག་དགའ་དབང་། (བརྙན་པར་ལྷན་དུ་བཀོད་པ་དག་ཡིན།)

༡༽ མཐོ་སྒང་བོད།
འཛམ་གླིང་གི་གླིང་སྣེ་གསུམ་པར་གྲགས་པ། མཐོ་སྒང་བོད་ནི། རི་བོའི་སྒང་གཤོང་མང་། ཆུ་བོའི་བཞུར་རྒྱུན་མགྱོགས། གནམ་གཤིས་མཁའ་དབུགས་དྭངས། རྩྭ་སྔོན་འཇམ་པོས་ཁེབས། མེ་ཏོག་སྣ་ཚོགས་བཀྲ། རྩི་ཤིང་འདབ་ལོ་གཡོ། རི་དྭགས་བག་ཡངས་རྒྱུ། སྒོ་ཕྱུག་སྤུ་སྡུག་ངོམས། དེ་ལ་སོགས་པའི་ཁྱད་ཡོན་ལ་བསམ་ན། ཞིང་ཁམས་སུ་བསྒྲགས་པ་ཡང་སྒྲོ་འདོགས་རྐྱང་མིན། ཡང་། ཁ་ཆར་བུ་ཡུག་ཁྲོད།

དེ་ལས་མང་བ་། “སྐད་འཕྲིན་དུ་བཀོད་པའི་རྩོམ། ཡུལ་དུས།” »

ཧི་མ་ལ་ཡའི་འཕྲུལ་སྨྱུག

སྟོན་པ་ཚད་སྒྲུབ་ཀྱི་སྐབས་སུ། མི་ཤེས་སྟོན་པར་བྱེད་པ་ལ། །འཁྲུལ་པར་དོགས་པ་ཅན་རྣམས་ཀྱིས། །དེས་བཤད་ནན་ཏན་བྱ་བའི་ཕྱིར། །ཤེས་ལྡན་འགའ་ཞིག་འཚོལ་བར་བྱེད། །ཅེས་སྟོན་པ་ཚད་མར་སྒྲུབ་དགོས་པ་ནི། བསྟན་པ་མ་ནོར་བ་ཞིག་དང་མཇལ་བའི་ཆེད་ཡིན་གསུངས། འོན་ཀྱང་དངོས་གཞིའི་སྐབས་སུ་དེ་ལས་ལྡོག་སྟེ། བསྟན་པ་བདེན་བཞིའི་གནས་ལུགས་མ་འཁྲུལ་བ་སྔོན་དུ་བསྒྲུབས་ཟིན་རྗེས། གཞི་ནས་སྟོན་པ་ཚད་མའི་སྐྱེས་བུ་རུ་ཐག་གཅོད་གནང་འདུག

དེ་ལས་མང་བ་། “སྟོན་པ་ཚད་སྒྲུབ་ཀྱི་སྐོར།” »