བཀྲ་ཤིས་དོན་འགྲུབ།
ཞོགས་པའི་ཡུལ་ལྗོངས་དེ་ཧྲིལ་པོ།།
སྨུག་པའི་ཀློང་རུམ་ན་འཐུམ་འདུག།
ང་ཡི་སེམས་ཁམས་ཀྱི་འཇིག་རྟེན།།
སྐྱོ་སྣང་བན་བུན་གྱིས་བཟུང་ཡོད།།
དེ་ལས་མང་བ་། “རྫོགས་ལ་ཉེ་བའི་བདག་གི་སློབ་གཉེར་གྱི་དུས་ཚོད།” »
དྲིལ་ལྕེ།༼གྲྭ་སྒྲུང་ཞིག༽
དྲིལ་ལྕེ།
(སྔོན་མའི་འཕྲོས།)
༼ཆ༽
ངས་འགྲམ་ལྕག་ཚ་བོ་སྟེ་འཁུར་བཞིན། འགྲམ་པ་ལག་པའི་བསྐྱོར་ཏེ་ཁྱིམ་དུ་སོང་བ་ཡིན། རང་ཉིད་ཁོང་ཁྲོས་བརྟས་ཏེ་རྐང་བ་ལམ་ཁར་འཇོག་པའི་སྣང་བ་མི་འདུག ཁྱིམ་གྱི་སྒོ་འགྲམ་དུ་ཐོན་པ་ན། ཁེར་སྒོ་དམར་པོ་ལ་རྡོག་རྒྱག་བཞུས་ཏེ་ནང་དུ་འཛུལ་བ་ཡིན། ཨ་མས་ང་རང་ལ་ཡག་པོ་ཞིག་བྱུང་མེད་པ་ཤེས་ཡོད་པ་འདྲ། མདུན་དུ་རྒྱུགས་ཡོང་ནས། གཅེས་ལོ། ག་རེ་བྱས་སོང་། འགྲམ་པ། རྣ་ཟེར། ངས་ཨ་མ་ལ། ཕ་མེད་པའི་བུ་ང་ཅི་ཞིག་ལ་སྐྱེས་པ་ཡིན་ནམ། དེ་ལྟར་ཟེར་བཞིན།
མིག་གིས་ལྟ་བར་བཟོད་དམ།
ནག་ཆུ་ཀུན་དགའ།
ཁམས་འཛམ་བུའི་གླིང་འདི་འབག་བཙོག་གིས་བསླད་ན།།
གནས་གཙང་མའི་ཞིང་ཞིག་ང་ཚོ་ལ་མི་ལྷག །
རྫས་སྙིགས་མས་སྦགས་པའི་ནད་འབུ་ཡི་འཇིག་རྟེན།།
བུ་ཚ་བོར་འཇོག་པ་སྙིང་དབུས་ནས་བཟོད་དམ།།
དགེ་བཅུའི་ཁྲིམས་ལ་རྒོལ་བའི་ལན་ལོག་རྟོག་ཚར་གཅོད།
ལུང་རྟོགས།
ཉེ་ཆར་བོད་མི་སྐོར་ཞིག་གིས་མིའི་སྐེ་ལ་རྐུན་མ་ཞེས་བྲིས་པའི་ཤོག་བྱང་བཏགས་པའི་པར་འགའ་ཞིག་དྲ་ཐོག་ལ་བཀྲམ་ནས། མཁན་པོ་ཚུལ་ཁྲིམས་བློ་གྲོས་ཀྱིས་གཏན་འབེབས་གནང་བའི་དགེ་བཅུའི་ཁྲིམས་ལ་གཞི་མེད་སྐྱོན་བརྗོད་མང་པོ་ཞིག་བྱས་སོང་། ཁོང་ཚོས་སྐྱོན་བརྗོད་རྒྱུ་གཙོ་བོ་ནི་སྒེར་གཅོད་པའི་བྱེད་སྟངས་རེད་ཟེར་བ་དང་། རིག་གསར་རོ་ལང་རྒྱབ་སོང་ཟེར་བ་དང་།
དེ་ལས་མང་བ་། “དགེ་བཅུའི་ཁྲིམས་ལ་རྒོལ་བའི་ལན་ལོག་རྟོག་ཚར་གཅོད།” »
སྙིང་གི་ཕྱེད་ཀ
བསོད་ནམས་ནོར་བུ།
—–T. C ལ
ལང་ཚོའི་ཕྱི་ཤུན་གྱི་མཛེས་པ་ངོམ་དུས།།
མིག་རྡོག་ཧྲིག་ཧྲིག་དེ་བཙུམ་ན་ཆོག་པ།།
བཅོས་མའི་སྒེག་ཉམས་གྱིས་སེམས་པ་ཁྲིད་པའི།།
ཁྱོད་རང་རྒྱབ་གཟུགས་དེ་མཐོང་གི་མ་རེད།།
གསོན་འདྲེ་བཏུལ་བ།
དགེ་འདུན་རྒྱ་མཚོ།
སྔོན་ཆད་རྒན་གྱིས་རྟ་ལྕག་གཞུས་ནས་དགེ་ཕྲུག་བཏུལ་བ་རེད། དེ་སང་དགེ་ཕྲུག་གིས་སྟ་རེས་བརྒྱབ་ནས་རྒན་བཏུལ་བ་རེད། རྒན་གྱི་མཚན་ལ་མཁན་པོ་དགའ་བ་དང་དགེ་ཕྲུག་གི་མིང་རྒན་གྱི་མིང་ཟུར་ཆགས་ནས་གཞན་གྱིས་དགའ་ཕྲུག་ཟེར་ནས་འབོད། མཁན་པོ་དགའ་བ་ནི་ཞི་དུལ་བག་ཡོད་ཀྱིས་མཛེས་པའི་དགེ་སློང་ཚུལ་མཐུན་ཞིག་ཡིན་པས་ཁོ་རང་གསོན་འདྲེ་རེད་ཟེར་ན་སུའི་རྣ་ལ་འགྲོ་གི་རེད།
སེམས་པ་བདེ་ལ་འབབ་པའི་གོ་སྐབས་ཤིག་མི་འདུག
དོལ་སྨྱོན།
མག་མོག་ནས་རབ་རིབ་ཡིན་པའི་གྲོང་ཁྱེར་འདིའི་ནམ་མཁའ།
དྲི་ངན་དང་སྦག་རྫས་ཀྱིས་བརླན་པའི་གྲོང་ཁྱེར་འདིའི་མཁའ་རླུང་།
འུར་སྒྲ་དང་འཛིར་སྒྲས་ཁྱབ་པའི་གྲོང་ཁྱེར་འདིའི་ཕྱི་ནང་།
ད་དུང་
རང་དབང་གིས་འཚོའམ་ཡང་ན་འཆི། Live free or die.
ཐེ་བོ་སངས་རྒྱས་ཀྱིས་སྒྱུར་སྒྲིག་བྱས།
ང་ཚོར་གསར་བརྗེ་ཞིག་མཁོའོ། we need a revolution. དམག་འཁྲུག་གི་འགྲོ་གྲོན། the cost of war. ངའི་མགོར་རྡོག་རྫིས་མ་གཏོང་། don’t tread on me. སུ་ལའང་ཡིད་ཆེས་མེད། trust no one. ཁྱེད་ཀྱིས་ཨ་རིའི་སྒྱུ་རྩལ་བ་མིང་གྲགས་ཅན་ཌན་ཋ་གྷེས་Dan Tague, སྒྲོ་ལཱར་ལྟེབ་ཚགས་བརྒྱབས་པའི་གསེང་གི་འཕྲིན་ཐུང་གན་ཚོ་མཐོང་བྱུང་ངམ།
དེ་ལས་མང་བ་། “རང་དབང་གིས་འཚོའམ་ཡང་ན་འཆི། Live free or die.” »
སྐྱིད་ཕུག་ཉི་མ་གླིང་།
སྐྱོ་བྲག་དགའ་དབང་།
ས་སྐྱིད་ཕུག་ཉི་མ་གླིང་ཞེས་པ། །བོད་ཁམས་ཀྱི་ས་ཡི་ཐིག་ལེ་རེད། །གནས་སྐྱོ་བྲག་དགོན་པའི་ཤར་ཕྱོགས་རེད། །རི་གདུང་ལ་རྒྱལ་མཚན་མགུལ་པ་རེད། །མཐོ་ནམ་མཁའི་དབྱིངས་སུ་འཕགས་ས་རེད། །ནངས་སྔ་མོའི་ཉི་རྩེ་ཕོག་ས་རེད། །དགོང་ཕྱི་དྲོའི་གསེར་ཞུ་གྱོན་ས་རེད། །སྤྲིན་ན་བུན་འདུ་འགོད་རྩོམ་ས་རེད། །རླུང་བསེར་བུས་བཤུག་གླུ་ལེན་ས་རེད། །ཆར་ཟིལ་མ་ལྷུང་ལྷུང་འབབ་ས་རེད། །
འབྲས་ལྗོངས་ཆོས་རྒྱལ་དཔལ་ལྡན་དོན་གྲུབ།
སྤོབས་པ་མཐའ་ཡས།
ཆོས་རྒྱལ་འདི་ཉིད་ནི་ཡབ་རྒྱལ་པོ་དཔལ་བཀྲ་ཤིས་རྣམ་རྒྱལ་གྱི་སྲས་སུ་༡༩༢༣ ལོའི་ཟླ་༥པའི་ཚེས་༢༣ ཉིན་འཁྲུངས། ཁོང་ནི་རྒྱལ་སྲས་གཉིས་པ་ཡིན། ༡༩༦༥ ལོའི་ཟླ་༤ པའི་ཚེས་༤ ཉིན་འབྲས་ལྗོངས་རྒྱལ་ཁང་དུ་རྒྱལ་རབས་བཅུ་གཉིས་པར་མངའ་གསོལ་ཞུས།
ཁོང་རྒྱལ་སར་བཞུགས་པའི་དུས་རིང་ལ་ཡང་རྗེས་སུ་དྲན་པར་འོས་པའི་མཛད་རྗེས་ཁ་ཤས་ཤིག་ཡོད།
ལ་ཁའི་ཆིག་ལབ།༼ཚན་པ་བཅོ་ལྔ་བ༽
དགེ་འདུན་རྒྱ་མཚོ།
ངས་བསམ་བློ་གཏོང་སྟངས་ནོར་མེད་ན་སེང་ཁྱི་ཁོ་འདི་ནས་ཤི་རྒྱུ་རེད། ངས་ཁོ་ཕྱིར་ཁྱིམ་དུ་ཁུར་ཐུབ་ན་ཡང་ཁོ་གསོན་མི་ཐུབ་ཐག་ཆོད་རེད། ད་ཡིན་ན་ཁོའི་རེ་བ་མི་སྐོང་ཐབས་མེད་རེད། ཁོའི་མགོ་བོ་ངས་པང་དུ་བཟུང་སྟེ་ང་ཡུན་རིང་ངུས་པ་ཡིན། ཁོས་ཀྱང་ལག་གཡས་བརྐྱངས་ཏེ་ངའི་བྲང་ཁ་ལ་ཡང་ཡང་ཕུར་བ་ལྟར་བྱས་བྱུང་། དེ་ནི་ཁོས་ང་ལ་སེམས་ཁྲལ་མ་བྱེད་ཟེར་གྱི་ཡོད་པ་འདྲ། ཁ་ནས་བཤད་མི་ཤེས་ཀྱང་ཁོའི་མིག་མཐའ་ནས་མཆི་མ་ཡུར་ཆུ་ལྟར་བཞུར་སོང་།
གླུ་མ་དབྱངས་ཅན་མ་ལ་བསྟོད་པ་དཔལ་ལྡན་བླ་མའི་བྱིན་རླབས་མྱུར་འཇུག
ཨེ་མ་ཧོ།
ན་མོ་གུ་རུ་པདྨ་ཀ་ར་ཡེ།
ཀ་དག་གདོད་མའི་མགོན་པོ་ཀུན་ཏུ་བཟང་།།
ཁ་བའི་ཕན་བདེའི་བྱེད་པོ་སྤྱན་རས་གཟིགས།།
ག་སར་གང་འདུལ་མཛད་པའི་དབྱངས་ཅན་མ།།
ང་ཡི་མཐུན་པའི་གྲོགས་བཟང་རྒྱལ་གྱུར་ཅིག །
ཅ་དག་བོད་ཀྱི་བུ་མོ་མཛེས་མཛངས་མས།།
དེ་ལས་མང་བ་། “གླུ་མ་དབྱངས་ཅན་མ་ལ་བསྟོད་པ་དཔལ་ལྡན་བླ་མའི་བྱིན་རླབས་མྱུར་འཇུག” »
མཐོ་སྒང་གི་ངར་སྒྲ་གོ་ལ་ཧྲིལ་པོར་སྤེལ་མཁན་གཡང་སྐྱིད་མ།
གངས་ཆབ་དག་མ།
ཞི་བདེ་རྒྱ་མཚོའི་གྲུ་ཟུར་ནས་གསར་དུ་བཞད་པའི་དྭངས་གཙང་ལྷད་མེད་ཀྱི་ཁ་བའི་མེ་ཏོག་རྐང་གཅིག་༼གཡང་སྐྱིད་མ༽།
འཛམ་གླིང་ཡོངས་ཁྱབ་ཀྱི་འཕེལ་ཕྱོགས་ལས་ཆབ་དཔལ་རིག་གསུམ་གྱི་གཟི་འོད་དུས་སུ་མངོན། དགའ་སྐྱོ་ཆགས་སྡང་གི་ཚོར་འདུ་ཟབ་མོས་གླུ་གར་རོལ་རྩེད་ཀྱི་རྣམ་འགྱུར་གཏན་དུ་བསྐྲུན། དེ་བས་ན། ནང་དུ་དགའ་སྡུག་གི་ཚོར་བ་ཇི་ལྟར་ཟབ་ཀྱང་ཕྱི་ནས་འཛུམ་མདངས་རི་མོ་ཡལ་དཀའ་བའི་བོད་ཁ་བ་ཅན་པ་དག་ནི།
དེ་ལས་མང་བ་། “མཐོ་སྒང་གི་ངར་སྒྲ་གོ་ལ་ཧྲིལ་པོར་སྤེལ་མཁན་གཡང་སྐྱིད་མ།” »
མཁས་དབང་ནམ་མཁའི་ནོར་བུར་མཇལ་བའི་ཟིན་ཐོ།
ཆེས་ཐོག་མའི་གོམས་སྟབས་བཙན་བྱོལ་དུ་སྤོས་ཏེ་མི་རིགས་འདི་ཡི་ཆེད་དུ་ཅི་ཞིག་བྱེད་དགོས་པའི་བསམ་གཞིག་གི་ཁྲོད་ནས་ལྷང་ངེ་རུ་ཐོས་ཡོང་བ་ནི་བཙན་བྱོལ་གྱི་ནོར་བུ་སྤུན་གསུམ་ཟེར་བ་དེ་རེད། ནོར་བུ་སྤུན་གསུམ་ལ་ཐུན་མིན་གྱི་རང་གཤིས་ཤིག་ཡོད་པ་ནི་རང་གི་ལོ་རྒྱུས་རང་ཉིད་ཀྱིས་མཐོང་བའི་གནས་ལུགས་ཤིག་བཤད་རྒྱུ་ཡོད་པ་འདིས་ང་དང་ཧ་ཅང་བར་ཐག་ཉེ་བར་བཟོས། རྒྱུ་མཚན་དེས་ངས་ཁོང་ཚོ་མཇལ་འདོད་པའི་རེ་སེམས་ནན་པོ་ཞིག་སྙིང་ཀར་སྦས་ཏེ་ལོ་མང་སོང་བའི་དེ་རིང་ནམ་མཁའི་ནོར་བུ་རིན་པོ་ཆེ་དང་ཁམ་ཝེད་ཟེར་བའི་ཨ་རི་གྲོང་ཁུལ་ཞིག་ཏུ་མཇལ་རྒྱུ་བྱུང་།
རྫ་ལུང་འདིའི་ངོ་གདོང་ནས།
ཁྲོ་གཏུམ།
ནགས་ཚལ་གྱིས་དུས་བཞིར་འཕྱོར་ལྭ་མནབས་པ་མིག་ལ་བརྒྱུད་ཡོད
བྱིས་སྐད་ཡང་དེ་བཞིན་འགྱུར་ཁུག་ལ་སིམ་པ་རྣ་བས་རུམ
ཆུ་བོའི་རྒྱུན་ལ་ཤག་གླུ་གྱེར་སྲོལ་དེ་བཞིན་ཡག
སེམས་ཀྱི་འཕུར་ཕྱོགས་ཤིག་གིས་རོལ་མྱོང་གི་བར་མཚམས་བཅད་པའི་དུས་དེ་ཙ་ན
གཏམ་རྒྱུད།—-འཇིག་རྟེན་གྱི་སྣང་ཤས་ལ་ཐིམ་པའི་ངའི་རྐང་རྗེས་རབ་རིབ།
ཀླུ་རྒྱལ་འབུམ།
མ་ཎིའི་དབྱངས་ལ་དགའ་བའི་སེམས་པ་ཞིག།
ངུར་སྨིག་གོས་ལ་དུངས་པའི་བག་ཆགས་ཤིག།
མ་ལོའི་འོ་མར་རྔམ་པའི་ཞེན་ཆགས་ཤིག།
བུ་ང་སྐྱེས་རྗེས་བྱུང་བའི་གཏམ་རྒྱུད་ཡིན།།
དེ་ལས་མང་བ་། “གཏམ་རྒྱུད།—-འཇིག་རྟེན་གྱི་སྣང་ཤས་ལ་ཐིམ་པའི་ངའི་རྐང་རྗེས་རབ་རིབ།” »
མདང་དགོང་གི་གདོན་འདྲེ་གསོན་པོ། ༼ཚན་པ་གཉིས་པ༽
དགེ་འདུན་རྒྱ་མཚོ།
ཞོགས་པའི་ཆུ་ཚོད་ལྔ་བ་ཟིན་པ་དང་བུ་དང་བུ་མོ་གཉིས་ཁག་གཉིས་སུ་གྱེས་ཏེ་རྒྱུག་རྩལ་འགྲན་བཞིན་བུད་སོང་། བུའི་འཛིན་གྲྭ་རྒན་པ་ཚོ་དུར་ཁྲོད་ཀྱི་ཕྱོགས་སུ་བརྒྱུགས་སོང་། དེ་མཐོང་བ་དང་ངས་ཡིད་ལ་རྒན་དངོས་གྲུབ་དྲན་བྱུང་། ང་འཛིན་ཁང་གི་ཁང་བརྩེགས་ལྔ་ཐོག་དེའི་རྩེར་བུད་ནས་སློབ་ཕྲུག་ཚོར་རྒྱང་ལྟ་བྱས་ཡོད། དེ་ནི་ངའི་ལས་འགན་ཞིག་ཀྱང་ཡིན། ད་དུང་མདུན་ཐང་ན་འཛིན་གྲྭ་དྲུག་པ་མན་གྱི་སློབ་ཕྲུག་ཚོས་ལུས་རྩལ་སྦྱང་གིན་ཡོད།
དེ་ལས་མང་བ་། “མདང་དགོང་གི་གདོན་འདྲེ་གསོན་པོ། ༼ཚན་པ་གཉིས་པ༽” »
གཡང་སྐྱིད་མའི་ར་མདའ།
ལུང་རྟོགས།
བོད་མོ་གཡང་སྐྱིད་མའི་བྱ་དགའ།།
ལིའུ་ཞ་ཞ་ལ་ཤོར་སོང་།།
ལྟ་མཁན་ཁྲི་འབུམ་གྱི་དགའ་བསུ།།
མཐོ་སྒང་མཛངས་མ་ལ་ཐོབ་ཀྱང་།།
རང་དབང་མེད་པ་ཡི་ཡུལ་ན།།
དྲང་བདེན་ཟེར་བ་ཞིག་ཡོད་དམ།།
ཁྱོད་ཀྱི་མཛེས་སྡུག་གི་ཉམས་འགྱུར།།
སྒྲོལ་མ་དཀར་མོ་ལ་འགྲན་ཞིང་།།
མདང་དགོང་གི་གདོན་འདྲེ།༼ཚན་པ་དང་པོ།༽
དགེ་འདུན་རྒྱ་མཚོ།
ཁ་རྩང་ཉིན་གུང་གི་ཆུ་ཚོད་གསུམ་དང་ཕྱེད་ཀ་ཡོལ་རྗེས་ང་རང་སློབ་ཕྲུག་ཚོའི་ཇ་འཐུང་ས་ལ་སོང་བ་ཡིན། སློབ་ཕྲུག་ཚོས་ཇ་འཐུངས་རྗེས་ཉལ་ཁང་རྒན་བདག་གིས་གད་རེས་པ་ཚོར་ལས་ཀ་བགོ་བཤའ་བརྒྱབ་སོང་། སློབ་ཕྲུག་འགའ་ཤས་ཀྱིས་གཟུགས་པོ་འཁྲུད་རྒྱུ་དང་ལ་ལས་གྱོན་གོས་སོགས་འཁྲུད་པར་འགྲོ་སོང་། ལས་མེད་ཚོས་ལྒང་ལི་རྩེ་རྒྱུར་གྲ་སྒྲིག་བྱེད་བཞིན་འདུག
ཞི་གནས་ལ་བརྟེན་ནས་མངོན་ཤེས་དང་རྫུ་འཕྲུལ་ཐོབ་ཐུབ་བམ།
རྟ་བདུན་དབང་བོ།
ཞི་གནས་སྒོམ་ཚུལ་གྱི་ལེའུ་གཉིས་པ། ང་ཚོའི་་བོད་པའི་སྤྱི་ཚོགས་ནང་ལ་་མི་སྐྱ་ཕོ་མོ་ཚོས་སྒོམ་ཉམས་ལེན་ལ་་དོ་སྣང་བྱེད་ཀྱི་མི་འདུག འོན་ཀྱང་གསུངས་ཆོས་གང་ཞིག་ཡོད་ཀྱང་དེ་ལ་ཧབ་ཐོབ་ལྟ་བུ་བྱེད་ཀྱིས་འདུག ཉམས་ལེན་མ་བྱས་ནས་གསུངས་ཆོས་མང་བོ་ཐོབ་ནས་ཅི་ཞིག་ཕན། ཁྱད་པར་དུ་གསང་སྔགས་ཀྱི་དབང་ལུང་གང་ཞིག་ཐོབ་ཀྱང་དེ་ལ་་བསྲུང་བྱའི་དམ་ཚིག་མང་བོ་ཡོད་པས་ཁེ་དང་ཉེན་ཁ་གཉིས་ཀ་ཡོད་པ་སྨོས་མ་དགོས་པ་རེད།
དེ་ལས་མང་བ་། “ཞི་གནས་ལ་བརྟེན་ནས་མངོན་ཤེས་དང་རྫུ་འཕྲུལ་ཐོབ་ཐུབ་བམ།” »