〜〜ལི་ཐང་དགོན་པའི་མེ་སྐྱོན་དོན་རྐྱེན་ལ་སྨྱུག་གྲོགས་སྐོར་ཅིག་གིས་སེམས་གསོའི་དོད་དུ་ཕུལ།

འོས་སྦྱོར་བ་སྐལ་བཟང་འཕྲིན་ལས།

མཆོད་མཆོད་གསོལ་གསོལ་ཞུས་པའི་ལྷ་སྲུང་རྣམ་པ། །
ད་ལྟ་གྲོ་ཁོག་འགྲངས་ཏེ་ཉལ་ནས་བསྡད་ཤག །
འབར་མཚམས་བཞག་རྗེས་བར་དུ་འབྱོར་ས་མ་རེད། །
ཤ་རྒྱགས་ལུས་པོ་འདི་ཡང་འདེགས་ནུས་མི་འདུག །

དེ་ལས་མང་བ་། “སྡུག་གི་དངན་པ་མཉམ་འཐེན་དང་སྐྱོ་བའི་གདུང་དབྱངས་མཉམ་ལེན།” »

གཉན་ཆེན།

ནག་པོ་བདུད་ཀྱི་ཆོ་འཕྲུལ་ཞིག་གིས་དམར་བོ་མེ་ཡིས་ལྷ་ཁང་བསྲེགས།།
དབུགས་མེད་འདྲེ་ཡི་རླུང་འཚུབ་ཞིག་གིས་མེ་ལ་འབར་བའི་ངར་ཤུགས་བླུད།།
ལོ་ངོ་བརྒྱ་ཕྲག་དུ་མར་བསགས་པའི་རྩ་ཆེའི་རིག་དངོས་མེ་ཡིས་ཟས།།
མེ་སེམས་ནག་པོའི་འབྲས་རྟགས་དུ་བ་དགའ་སྤྲོའི་སྟངས་སྟབས་མཁའ་ལ་འཕྱུར།།

ནག་ཕྱོགས་བདུད་ཀྱི་རིགས་གཏོགས་ཀུན་གྱིས་ཁོག་ན་དགའ་བའི་གློག་ཞགས་འཁྱུག །
ཉམ་ཆུང་དཀར་བོ་ལྷ་མིའི་ཚོགས་ཀྱིས་སྡུག་གི་ཆོ་ངུའི་སྙིང་ལ་གཟན།།

དེ་ལས་མང་བ་། “ལི་ཐང་དགོན་ཆེན་གྱི་འདུ་ཁང་མེར་འཚིག་པ་ཐོས་རྗེས།” »

ཨ་ནུ་ཐང་བསོད་ནམས།

ཆགས་སྡང་སྐྱེས་བ་བདེ་བའི་ཆེད་ཡིན་ཞིང་།།
ཞེན་ཆགས་མེད་ན་རོགས་ལོ་ཅི་ལྟར་དུང་།།
དུང་བའི་ལས་ཀྱིས་འདོད་བདེ་རྙེད་པ་འདི།།
འཇིག་རྟེན་མི་རུ་སྐྱེས་བའི་དོན་གོ་ཉིད།།

མི་ཡུལ་འདི་ཡི་མཐའ་ཐུག་བདེ་བ་ནི།།
རང་ཉིད་མོས་ས་འགྲོགས་པའི་ཟླ་བོ་ཡིན།།

དེ་ལས་མང་བ་། “ཕོ་མོའི་བརྩེ་དུང་།” »

གཅན་ཡུ་མོ།

སྐར་མ་འོད་ཆེན་ལྟ་བུའི་སྐྱེས་བུ་ཞིག
མཁའ་དབྱིངས་ལྟ་བུའི་ཡུལ་གྲུ་ཞིག་ན་འཚེར་སྐད།
མི་ལ་ལས་་་་་་་སྐར་མ་འོད་ཆེན་དེ་ནི་གནམ་སའི་བདག་དབང་འཛིན་པའི་སྟོབས་ཆེན་ཞིག་ཡིན་སྐད།
མི་ལ་ལས་་་་་་ཁོ་ནི་ཁོ་རང་གི་སླད་དུ་འཚོ་གིན་པའི་མྱི་ནུས་མེད་ཅིག་ཡིན་སྐད།
དོན་ངོ་མར། མིག་མདུན་དུ་ལྷགས་པའི་ཡུལ་གྲུ་ཞིག་གི་ལྟོ་བ་རུ།
མིག་ཆུ་མ་ཡིན་མིག་ཆུ་དམར་པོ་ཞིག་འཕོས་པ་གཏམ་རྒྱུད་དུ་མངའ་འོ།

དེ་ལས་མང་བ་། “ས་སྟེང་གི་གྲིབ་གཟུགས།” »

གཉན་ཆེན།

རང་གི་ཕ་ཡུལ་ལྷ་ཡུལ་བཞག་སྟེ་མི་ཡུལ་དམྱལ་ཁམས་འགྲིམས་ནས་ཡོང་།།
རང་གི་ཕ་མ་སྤུན་མཆེད་གཡུགས་ཏེ་དོན་མེད་གཞན་མིའི་གཡོག་ལ་རྒྱུག །
རང་ས་རང་གིས་བདག་པོ་མ་ཐུབ་རང་དབང་ཐམས་ཅད་གཞན་ལ་ཤོར།།
རང་རིགས་རང་གིས་སྲུང་སྐྱོབ་མ་ཐུབ་མི་རིགས་གཞན་ལ་སྐྱབས་སུ་རེ།།

རང་སེམས་སྡུག་གི་འཁུར་བོ་ལྕི་རུང་རང་གིས་མི་འཁུར་ཐབས་མེད་རེད།།
རང་སེམས་རང་གིས་གསོ་ཁུལ་བྱས་ཏེ་ས་མཐའི་འཚོ་བ་དང་དུ་བླང་།།

དེ་ལས་མང་བ་། “རང་རྩོམ་རྩམ་པ་ཟ་ཟ།” »

ལོ་མ་རྒྱལ།

མེ་ཏོག་ལོ་མ་ཉི་མར་འཁོར།།
དེ་ཡི་གནས་ན་ནག་ཐིག་བྲལ།།
འོད་ཟེར་ལོ་མར་ཕོག་པ་ཡིས།།
ཁ་དོག་དྲི་ཞིམ་དེ་ཡིས་སྦྱིན།།
ས་ལ་ཉི་མའི་འོད་ཟེར་འདེབས།།

དེ་ལས་མང་བ་། “ལྡུམ་ར། ༼ལྔ་པ།༽” »

མི་ཉག་སྐལ་བཟང་།

གཡོ་ཇུས་ཐབས་ཀྱིས་བསླུ་བའི་རྒྱ་གཞུང་གི།
མིང་གི་རང་སྐྱོང་བོད་ལ་དགོས་མཁོ་མེད།།
གཉིས་ཕན་དབུ་མའི་ལམ་གྱི་མཛུབ་སྟོན་འོག།
དོན་གྱི་རང་སྐྱོང་བོད་ལ་ད་ལྟ་དགོས།།

བཙན་གྱིས་གནོན་པའི་རྒྱ་ཡིས་དབང་བསྒྱུར་འོག།
གངས་ཅན་པ་ཚོར་འགྲོ་འདུག་རང་དབང་མེད།།

དེ་ལས་མང་བ་། “བོད་ལ་རང་སྐྱོང་ད་ལྟ་དགོས།” »

སྲས་མོ།

ཀ་ལི་ཨ་ལིའི་བསྡུས་པའི་ཤེས་རིག་ནོར། །
ཁ་བའི་རྒྱན་གྱུར་མཁས་པའི་ཕྱག་རྗེས་དེར། །
ག་ནས་བལྟས་ཀྱང་འབད་པ་ལྷུར་ལེན་གྱིས། །
ང་ཚོ་འཇུག་པའི་ལུགས་འདི་བཟང་མོད་ཀྱང་། །

ཅ་ཅོའི་གཏམ་ལས་དོན་སྟོང་མང་དྲགས་ན། །
ཆ་ལུགས་ངན་པར་གཞན་གྱིས་འཕྱ་བའི་གནས།།

དེ་ལས་མང་བ་། “སེམས་གཏམ་ཀ་ཕྲེང་།” »

བཀྲ་ཤིས་དོན་འགྲུབ།

དུས་རྒྱུན་ལྟར་རྨི་ལམ་ནང་གི་སྨུག་པ་དེ་ལང་ལོང་དུ་འཐིབས་བྱུང
ཉི་མ་ད་དུང་ནུབ་ཚར་མེད
འགྲུལ་བཞུད་འགོ་ཚུགས་སོང
ཕྱི་ལོགས་ནས་མི་མང་པོ་ཞིག་གིས་ངའི་མིང་ནས་འབོད
ཕྱིར་བལྟས་མེད་པའི་འགྲུལ་བཞུད་འགོ་ཚུགས་ཟིན་ལ
འགྲུལ་ལམ་ཇེ་དོག་ཇེ་དོག་རེད་མོད

དེ་ལས་མང་བ་། “འགལ་འདུ།” »

སྤོབས་པ་མཐའ་ཡས།

ངམ་ནག་རྒྱ་མཚོ་ཁྲོས་པའི་རྣམ་འགྱུར་གཅིག་གིས།།
གླིང་ཕྲན་ཧྥི་ལི་པིན་གྱི་མཚོ་ཁུགས་དེ་རུ།།
ཚེ་སྲོག་སྟོང་ཕྲག་མང་པོ་ཁྱུར་མིད་བྱས་པར།།
སྐྱོ་ཞིང་དུང་བའི་གདུང་སེམས་མཉམ་སྐྱེད་ཞུའོ།།

རང་བྱུང་སྲིད་པའི་རྒྱལ་མོའི་འགུལ་སྐྱོད་ཅིག་གིས།།
འཇིགས་རུང་འབྱུང་བ་འཁྲུགས་པའི་དགྲ་གཤེད་ལངས་ཏེ།།

དེ་ལས་མང་བ་། “ཧྥི་ལི་ཕིན་དུ་མཚོ་རླབས་ཀྱི་གནོད་འཚེ་ཐེབས་པའི་སྤུན་ཟླ་ཚོར་གདུང་སེམས་མཉམ་སྐྱེད་ཞུ།” »

ཁྲོ་གཏུམ།

རི་བོ་དྲན་ཚུལ།
བསམ་སྤྱོད།
ཁྱོད་ཀྱིས་རི་བོའི་མདུན་དུ་རོ་བོ་ཞིག་བརྒལ་ན་ཡང
རི་ཚོགས་ཀྱི་ཕྲེང་ནི་གོམ་པའི་སྟངས་སྟབས་བཞིན་བང་རིམ་གྱིས་བརྩེགས་ལ
རྐང་སྣེར་འཐམ་པའི་ཕྱིར་དྲན་གྱི་རི་མོ་ཐར་ཐོར
རི་བོའི་ཚུར་རོལ་གྱི་ཆུ་མོ་དང་ལྷན་དུ་བཞུར་གྱིན་འདུག

བཀྲ་ཤིས་དོན་འགྲུབ།
(གསལ་བཤད)དེ་རིང་དེབ་ཉོག་ཅིག་བསྔོགས་པས་སྙན་ངག་རྙིང་པ་ཞིག་རྙེད་དེ་དགའ་དྲགས་ནས་དྲྭ་གྲོགས་ཚོའི་སྤྱན་ལམ་དུ་འབུལ་ཤོར་སོང་།

ཁུ་སིམ་པའི་མཚན་མོ་འདི་ཁོ་ན
བདག་ལ་དབང་བའི་སྒྱུ་རྩལ་གྱི་ཞིང་ཁམས་དེ་ཡིན

ཐ་སྙད་ཀྱིས་དབེན་པའི་རྟོག་འཆར་དང་བརྩེ་འདང་འདི་དག
ཨར་འདམ་གྱིས་བརྩིགས་པའི་གྱང་ལེབ་འདི་ཚོས་བསྲུངས་མ་ཐུབ་ལ

དེ་ལས་མང་བ་། “ལྷིང་འཇགས་ཀྱི་བསླུ་བྲིད་ཟབ་པའི་མཚན་མོ།” »

ཁ་ཚེར་མ།

ཆུང་ནས་མི་ཤེས་གཞོན་ནས་འདྲིས་པའི་ལས་མཐུན་ལམ་གྱི་འགྲོ་རོགས་མ།།
འགྲོགས་ཀྱིན་འགྲོགས་ཀྱིན་གཞུང་རྒྱུད་དྲང་མོས་མི་སེམས་འགུག་པའི་གཤིས་བཟང་མ།།

ང་ཡི་ངག་ན་ཁྱོད་ལ་མཁོ་བའི་གཞས་ཆུང་ཞིག་གི་གླུ་ཚིག་ཅིག།
ཁྱོད་ཀྱི་མངལ་ནས་ཀུན་ནས་མཁོ་བའི་གླེང་རིན་ཡོད་པའི་སྲས་ཤིག་འཁྲུངས།།

ཁྱོད་ཀྱི་སྐྱེས་སྐར་གསལ་བོ་མིན་པས་མང་པོའི་ཁ་ནས་རྩོད་པར་གྲུབ།།
གང་ལྟར་ང་ཡི་རང་སེམས་དྭངས་མོ་ཁྱོད་ལ་གླན་པའི་སྣང་བ་སྐྱིད།།

དེ་ལས་མང་བ་། “འབྲལ་མི་ཕོད་པའི་ཁྱོད།” »

ཐེ་བོ་ཤེས་རབ་རྒྱ་མཚོ།
——ཕྱི་ལོ་༢༠༡༣ ཟླ་༡༡ ཚེས་༡༡ ཉིན་རང་ལུས་མེར་བསྲེགས་གནང་བའི་རྒྱལ་གཅེས་དཔའ་བོ་ཚེ་རིང་རྒྱལ་ལ་ཕུལ་བ།

ཁྱོད་ནི་སྐྱེས་དུས་ཕལ་བ་སྟེ།།
དེ་རིང་མུན་ནག་འོད་ཀྱིས་གཤགས།།
མིག་ཆུ་ངུ་ངག་མེད་ན་ཡང་།།
རུས་པ་གསེང་གི་ན་ཟུག་ཅིག །

དེ་ལས་མང་བ་། “སྐར་ཆེན།” »

ཁ་ཚེར་མ།

འདིར་ཤོག་དང     བདག་གི་གཅེས་ཕྲུག་མ
བདག་གིས་ཁྱོད་ཀྱིས་དཔྲལ་བར་ལྷོད་ཅིང་འཇམ་པའི་འོ་ཞིག་བགྱི་འདོད
དེ་ནི་གཞན་མ་ཡིན་ཏེ
ཁྱོད་ཉིད་དྲན་པའི་སེམས་པ་གཉོམ་པོ་ཞིག་གི
ཆེས་དམན་ས་བཟུང་བའི་རེ་བ་ཆུང་ཆུང་ཞིག་ཡིན

དེ་ལས་མང་བ་། “བདག་གི་གཅེས་ཕྲུག་མ།” »

ལོ་མ་རྒྱལ།

འདབ་མའི་ཚོགས་རྣམས་བཀྲག་མདངས་ཀྱིས།།
ཟེའུ་འབྲུ་མཐའ་ལ་ལྷན་དུ་འཛོམས།།
ཁྱོད་ལ་མེ་ཏོག་བརྗོད་པ་དང་།།
བྲལ་བ་རྣམས་ཀྱི་འདོད་པ་ཉིད།།
ས་ལ་མཛེས་པའི་འཛོམས་པ་འདེབས།།

དེ་ལས་མང་བ་། “ལྡུམ་ར།༼བཞི་པ༽” »