གཉན་ཆེན།
གངས་ཅན་བོད་ཡུལ་བླ་མའི་ཞིང་ཁམས་ཡིན།།
གངས་རིའི་བདག་པོ་བླ་མའི་གདུལ་བྱ་ཡིན།།
གངས་ལྗོངས་ལྷ་ཀླུ་མང་བོའི་ལྷས་ར་ཡིན།།
གངས་རིའི་ལྷ་ཚོགས་གྲག་མེད་འགུལ་མེད་ཡིན།།
གངས་སེང་དར་ཆ་ནུབ་པའི་ཉིན་མོ་ནས།།
གངས་ཁྲོད་ཁྲག་གིས་ཁ་མདོག་དམར་བོར་གྱུར།།
ཞི་བདེ་ཕོ་ཉ།
༼༧གོང་ས་ཡིད་བཞིན་ནོར་བུ་མཆོག་གིས་ནོ་བྷེལ་ཞི་བདེའི་གཟེངས་རྟགས་དགྱེས་བཞེས་གནང་ནས་ ལོ་༢༤ འཁོར་བར་རྟེན་འབྲེལ་ཞུ།༽
རེབ་ཐོག་མདའ།
ཙོང་ཁ་རི་བོ་འདབས་རོལ་ཞིག་ནས་ལྷ་སྐལ་མེ་ཏོག་བོད་ལ་བཞད།།
ལྷ་ལྡན་གྲོང་གི་ཟིང་ཟིང་ཀློང་ནས་ཐུབ་པའི་གསུང་ལ་རིག་པས་དཔྱད།།
བྱང་ཕྱོགས་རྡ་སའི་རི་གྲོང་ཞིག་ནས་མཛད་འཕྲིན་འོད་སྣང་གླིང་འདིར་འཕྲོས།།
ས་ཆེན་གོ་ལར་ཞབས་ཀྱི་བཅགས་པའི་བདག་གི་བླ་མ་ཡིད་བཞིན་ནོར།།
འཛམ་གླིང་ཞི་བདེའི་དེད་དཔོན།
འོད་གསལ་མཐའ་ཡས།
༡༽ དུག་མཚོན་བདུད་སྡེའི་དམག་ཚོགས་ལ།།
བྱམས་དང་སྙིང་རྗེས་འཛུམ་མདངས་བསྟན།།
ཤཱཀྱའི་དགེ་སྦྱོང་རྒྱལ་བའི་སྲས།།
སྤྱན་རས་གཟིགས་དབང་ཁྱེད་མིན་སུ།།
༢༽ ཞི་བདེའི་དེད་དཔོན་ཆོས་ཀྱི་རྗེ།།
དྲང་དང་བདེན་པའི་གཤོག་ཟུང་ཅན།།
ཕན་དང་བདེ་བའི་ལམ་བཟང་སྟོན།།
ཕུགས་མདུན་རིང་བའི་ལྷ་བྱ་ལགས།།
གངས་ཅན་བོད་འབངས་ཡོངས་ཀྱི་མགོན་སྐྱབས།
ཆབ་མདོ་ངག་ཕུན།
ས་གསུམ་ཡོངས་ཀྱི་བླ་མ། །ས་སྟེང་ཀུན་གྱི་གཙུག་རྒྱན།།
ས་ལྷའི་སྨན་ལྗོངས་དབུ་ཁྲིད། །ས་ཆེན་ཞི་བདེའི་དེད་དཔོན།།
རབ་འབྱམས་རྒྱལ་བ་ཀུན་གྱི་ཐུགས་རྗེ་གཅིག་ཏུ་བསྡུས་པའི་རང་གཟུགས་རང་ཅག་ཁ་བ་རི་བའི་མེ་ཏོག་གང་ལ་ཕོག་པའི་ལྷ་སྐལ་འཕགས་མཆོག་སྤྱན་རས་གཟིགས་དབང་གི་སྐུའི་སྐྱེ་རབས་ཕྲེང་བ་འཛིན་པ། ཚེ་འདི་གཉིས་ཀྱི་སྐྱབས་གནས། གངས་ཅན་ལྗོངས་ཀྱི་ཆོས་སྲིད་གཉིས་ཀྱི་དབུ་ཁྲིད་བླ་ན་མེད་པའི་བདག་པོ།
ཁྱེད་ནི་གཞན་གྱི་ཕྱིར་རོ།
༼སྐུ་མདུན་གྱི་ཞི་བདེ་གཟེངས་རྟགས་ཉིན་མོར་ཕུལ༽
____ལོ་མ་རྒྱལ།
༼༡༽ ཁྱེད་ཀྱིས་རལ་གྲི་དང་མེ་མདའ་ལ་མདུད་པ་བརྒྱབ་ཏེ། སུས་ཀྱང་བརྒལ་དཀའ་བའི་ཀྱག་ཀྱོག་གི་ལམ་བུ་གང་མང་འཛུམ་གྱི་མཁར་བར་བསྙེས་ཏེ་སླེབས།
༼༢༽ ཁྱེད་ཀྱིས་མེ་ཏོག་གི་ལྷན་དུ་ས་གཞི་ལ་ཞབས་ཀྱིས་བཅགས་ཤིང། ཕུག་རོམ་དང་ལྷན་དུ་ནམ་མཁའ་ལ་གཤོག་པ་འཛུགས་ཞོར། ཡོད་ཚད་ཁྱེད་ཀྱི་རུམ་ཕུག་ཏུ་ཉར།
༼༣༽ ཁྱེད་ཀྱིས་ཉི་འོད་དང་དྲོད་ཁོལ་ཕྱག་ཟུང་གིས་བཏེགས་ཏེ། མུན་པ་དང་གྲང་ངར་གྱིས་རྒོལ་པའི་སེམས་པ་གྲངས་མེད་ཅིག དྲོད་ཁོལ་གྱིས་གཏམས་པའི་རང་ཉིད་ཀྱི་པང་དུ་མནམས།
སྙན་ངག་ཅིག
ཀླུ་སྨྱོན། སྙན་ངག་ཅིག་འབྲི་བསམ་དུས། སྒེའུ་ཁུང་ལས་ཉི་འོད་སེར་པོ་ཞིག་ཐད་ཀར་འབྲི་དེབ་སྟེང་འཕྲོས་ཡོང་། ཟླ་བཅུ་གཉིས་པའི་ཉི་འོད་དེ་དྲོད་འཇམ་ལྡན་པ་ཞིག་མིན་ཡང་། འོད་འཚེར་འཚེར་དང་སེར་ལམ་ལམ་གྱི་ཉི་འོད་དེའི་ཀློང་ནས། ངས་ལོ་ཟླ་ཧ་ཅང་མང་པོ་ཞིག་གི་རིང་། སེམས་གཏིང་དང་མིག་མཐའ་རུ་བཙན་གྱིས་ཉར་བའི་སྙན་ངག་དུམ་བུ་ཞིག ཆར་བའི་ཟོལ་དུ། ཁ་བའི་ཚབ་ཏུ། རེ་ཞིག འདི་རུ་མི་བྱོ་ཀ་མེད་དུ་གྱུར།
ལྷ་མོ་དོན་གྲུབ་ལ་འཚམས་འདྲི་སྐར་ཆེན་ལྷག་པའི་འོད་སྣང་།
ཨེ་མ་ཧོ།
ན་མོ་གུ་རུ་པདྨ་ཀ་ར་ཡེ།
ཀ་དག་སྤྲོས་པ་བྲལ་བའི་ཆོས་དབྱིངས་ཀློང་ན།།
ཁ་དོག་སྣ་ཚོགས་ལྷུན་གྲུབ་ཞིང་གི་དབུས་ནས།།
ག་སར་གང་འདུལ་མཛད་པའི་ལྷ་མོ་དོན་གྲུབ།།
ང་ཚོའི་ཞི་བདེའི་དེད་དཔོན་འཛམ་གླིང་ཉི་མ།།
ཅ་ཅོས་མི་གྱ་ངན་པས་སྒྲོ་བཀུར་འདེབས་རུང་།།
ཆ་ལུགས་དགེ་སྦྱོང་དམ་པ་སངས་རྒྱས་གསོན་པོ།།
དེ་ལས་མང་བ་། “ལྷ་མོ་དོན་གྲུབ་ལ་འཚམས་འདྲི་སྐར་ཆེན་ལྷག་པའི་འོད་སྣང་།” »
ངེས་པ་དོན་གྱི་ཞི་བདེའི་ལམ་སྟོན་པ་རྗེས་དྲན།
སྤོབས་པ་མཐའ་ཡས།
(མང་ཚོགས་ཀྱི་ཁྲིམས་མཐུན་ཁེ་དབང་རྩོད་ལེན་པའི་དབུ་ཁྲིད་རླབས་ཆེན་ནེལ་སོན་མན་དྷེ་ལ་སྐུ་གཤེགས་པར་མྱ་ངན་ཞུ།)
རྐུན་མའི་རྒྱབ་ལ་ཇག་པ་ལངས་ཏེ་ཕྱུག་པོའི་ཁྱིམ་གཞིས་གཏོར་བའི་ཉིན།།
ཚོང་པའི་རྒྱབ་ལ་དམག་དཔུང་བཏང་སྟེ་དྲང་པོའི་ཕ་ནོར་འཕྲོག་པའི་ཉིན།།
དོན་གྱི་བདག་པོ་ཡུལ་གྱི་མི་མང་ཐར་མེད་ཚེ་གཡོག་བཀོལ་བའི་ཉིན།།
ཁྱོད་དང་ཁྱོད་འདྲའི་ཁྲེལ་ཡོད་རེ་རེས་བདེན་པའི་རིན་ཐང་གསལ་དུ་བཏང་།།
ཁོར་ཡུག་གཏོར་བཤིག་བཏང་བའི་ཚབས་ཆེའི་མཇུག་འབྲས་གླེང་བ།
ཆབ་ཚང་འཇམ་དཔལ། ༼སྔོན་མའི་འཕྲོས།༽
དྲུག ནད་མུག་དང་འཁྲུག་རྩོད།
རྫས་འགྱུར་གད་སྙིགས་དང༌། རྡུལ་ཕྲན་གྱི་སྙིགས་རོས་མཚོན་བཟོ་ལས་རྣམ་གྲངས་ཀྱི་དུག་རིགས་གད་སྙིགས། མིས་བཟོས་སྦྱར་རྫས་ལུད་སྨན། སྲོག་ཆགས་ཤི་བའི་རོ། ཟས་ལྷག གོས་ཧྲལ་ཧྲུལ། ཤོག་སྙིགས། འགྱིག་ཤོག ལྕགས་སྣོད། ལྕགས་སྙིགས། མཆིལ་མ། སྣབས་སོགས་འཚོ་བའི་གད་སྙིགས་འདྲ་མིན་གཡུག་པའི་མཚོ་དང༌། མཚེའུ། རྫ་ཆུ། ཁྲོན་ཆུ། ཆུ་མིག རྒྱུགས་ཆུ་སོགས་ཀྱིས་ས་ཕྱོགས་གང་སར་ཁྱབ་སྟབས། ཆུ་ལས་བྱུང་བའི་ནད་རིགས་འདྲ་མིན་གྱིས་ཉིན་རེར་མི་གྲངས་ལྔ་བརྒྱ་དང༌།
དེ་ལས་མང་བ་། “ཁོར་ཡུག་གཏོར་བཤིག་བཏང་བའི་ཚབས་ཆེའི་མཇུག་འབྲས་གླེང་བ།” »
༅༅།། འཆི་ཡུལ་ནས་ཕྱིར་ལོག་པ། རྫུ་འཕྲུལ་གྱི་བུ། དངོས་མཐོང་བདེན་དཔང་། ལེའུ་ཉེར་གཅིག་པ།
རྔ་བ་རྒྱལ་ཁམས་པ།
ལེའུ་ཉེར་གཅིག་པ།
ཉེ་བའི་ཆར་ཁྱིམ་ཚང་དེས་ང་ཚོ་ལས་མ་ལེ་གཅིག་ཡས་མས་ཀྱི་རི་མགོར། ཁང་བ་ཆེན་པོ་ཞིག་ཉོས་ནས། ཁང་རྙིང་དེ་བཙོང་རྒྱུ་ཞིག་བྱས་མོད། ཁོང་ཚོའི་བུས་ཨུ་ཚུགས་བརྒྱབ་སྟེ། ཁོ་བོ་ངའི་བུ་ལས་རྒྱང་ཐག་རིང་བོའི་སར་སྤོས་ན་མི་འདོད་ཅེས་སྨྲས་པར་བརྟེན། ཁང་བ་མ་བཙོང་བར་གཞན་ལ་བོག་མར་བཏང་། རྗེས་སོར་ཁོང་སླར་ཡང་འདིར་སྤོར་ཆོག་པའི་ཁས་ལེན་ཡང་བྱས་འདུག ཉིན་ཞིག་ཁོང་ཚང་གིས་ང་ཚོར་ཁ་པར་བཏང་སྟེ། ཁོང་གི་ཁང་བ་གསར་བ་དེར་བལྟ་རུ་ཤོག ཅེས་མགྲོན་འབོད་བྱས་པ་ལྟར། ང་ཚོའང་འགྲོ་རྒྱུའི་ཁ་ཆད་བྱས།
དེ་ལས་མང་བ་། “༅༅།། འཆི་ཡུལ་ནས་ཕྱིར་ལོག་པ། རྫུ་འཕྲུལ་གྱི་བུ། དངོས་མཐོང་བདེན་དཔང་། ལེའུ་ཉེར་གཅིག་པ།” »
ཉི་མ་དེ་རིང་།
བསོད་ནམས་ནོར་བུ།
དེ་རིང་གནམ་གྱི་ཉི་མར་བདེ་དྲོད་ཁ་ཁ་ཞིག་འདུག།
དེ་རིང་གྲོགས་ཀྱི་གདོང་ལ་འཛུམ་ཆུང་གསར་པ་ཞིག་འདུག།
དེ་རིང་ང་ཚོ་ཚང་མ་དགའ་སྤྲོའི་དཔལ་ལ་རོལ་དང་།།
དེ་རིང་ཉིན་མོ་འདི་ལ་སྔར་མེད་ཚོར་བ་ཞིག་འདུག །
མདང་གུང་མར་ཉལ་མལ་ས་སྔར་བས་བདེ་སྣང་ཤར་བྱུང་།།
ད་ནངས་ཡར་ལངས་ཡ་ཆུང་དེ་འདྲའི་སྐྱིད་ལ་བསྐུལ་བྱུང་།།
དར་ཆགས་པ།
ལོ་མ་རྒྱལ།
མི་རྟག་ཆུ་བོའི་བཞུད་སྒྲ་མཚམས་ཆད་སྲ་མཁྲེགས་དར་གྱིས་རྫིག་རྫིག་མངོན།།
ཁྲིག་ཁྲིག་ཟིལ་བ་བ་མོས་འགེམས་པ་ཅེ་སྤྱང་ཁ་ལ་ལུ་གུ་འདྲ།།
དབྱར་ལ་རྔམ་པའི་ལམ་འགྲོ་བ་ཡི་ཁ་སྤུ་ཁ་ལ་ཆབ་རོམ་ཆགས།།
དར་གྱིས་བཟུང་བའི་ཁུ་སིམ་གྲོང་འདི་ཡི་གེ་གང་གི་ལམ་སྟོན་ཡིན།།
ཤོག་བུ་རྣམས་ནི་དར་གྱི་ཀློང་གི་རྡོ་བ་ནག་པོ་དེ་དང་འདྲ།།
ཐོད་ཀྱི་མིག་ལ་ཆུ་འཁྱགས་བླུགས་ནས་གོ་འབྱེད་རྫི་མ་མཁྲེགས་སེ་བསྡམས།།
དབྱིན་ཡུལ་ཀུན་བཟང་ཆོས་གླིང་གི་བཀོད་པ་འོག་མིན་གཉིས་པའི་དགའ་ཚལ།
ཨེ་མ་ཧོ།
ༀ་སྭ་སྟི་བི་ཛ་ཡནྟུ།
དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །
ཀུན་བཟང་ཆོས་སྐུའི་བླ་མ་རིན་པོ་ཆེ། །
འོད་གསལ་སྙིང་དབུས་ཁབ་ཏུ་རྟག་བཞུགས་ནས། །
ཀུན་མཁྱེན་བརྒྱུད་པའི་བསྟན་པ་རིན་པོ་ཆེ། །
འཛིན་སྐྱོང་སྤེལ་བའི་བྱེད་པོ་བདག་གྱུར་ཅིག །
ལྷ་ཀླུ་གནོད་སྦྱིན་མི་དང་དྲང་སྲོང་ཆེ། །
དེ་ལས་མང་བ་། “དབྱིན་ཡུལ་ཀུན་བཟང་ཆོས་གླིང་གི་བཀོད་པ་འོག་མིན་གཉིས་པའི་དགའ་ཚལ།” »
ཤེས་ཡོན་སྲིད་བྱུས་ལས་ཤེས་ཡོན་གྱི་ངོ་བོ་གོ་བདེར་འགྲེལ་བ།
སློབ་དགེ་རྡོ་རྗེ་རིན་ཆེན།
རྩ་བ། ༡༽ ཤེས་ཡོན་ཞེས་པ་ཕྱིའི་ཡུལ་ལ་གོ་རྒྱ་གཅོད་པ་དང། ནང་གི་ཤེས་པའི་ནུས་པ་སད་སྨིན་རྫོགས་གསུམ་བྱེད་པའི་མིའི་ཤེས་རྒྱུད་ཀྱི་ཡོན་ཏན་ཞིག་ལ་ངོས་འཛིན་བྱ་རྒྱུ།
༡༽ང་ཡི་སློབ་དཔོན་མཐོང་བ་དོན་ལྡན་ཆོས་ཅན། ཤེས་ཡོན་ཅན་ཡིན་ཏེ་ཕྱི་རོལ་ཡུལ་གྱི་འདས་མ་ད་གསུམ་གྱི་མིང་བརྡ་རྣམ་དབྱེ་དང་བཅས་པའི་དོན་རྣམས་ཀྱི་གོ་རྒྱ་ལ་བར་དུ་གཅོད་པའི་མི་ཤེས་པའི་རྨོངས་པ་ཐམས་ཅད་རྣམ་པར་གཅོད། ཡུལ་ཤེས་བྱ་དེ་དག་གི་དོན་རྣམས་གཤིས་ཕྱིན་པར་ཤེས་པ་ཡོངས་གཅོད་དུ་གྲུབ།
དེ་ལས་མང་བ་། “ཤེས་ཡོན་སྲིད་བྱུས་ལས་ཤེས་ཡོན་གྱི་ངོ་བོ་གོ་བདེར་འགྲེལ་བ།” »
ཁ་ཐུར་བསྟན་གྱི་ཤེས་ཡོན་དང་ཆབ་སྲིད་ཀྱིས་ཕོངས་འབྲས།
ཁྲི་རལ་པ།
རྒྱ་གར་གྱི་སྐྱབས་བཅོལ་བོད་མིའི་སྤྱི་ཚོགས་ནང་རྩ་བའི་གཞོན་སྐྱེས་ཚོ་ཤེས་ཡོན་སྲིད་ཇུས་མི་འདྲ་བ་ཁ་ཤས་ཀྱི་འོག་འཚར་ལོངས་བྱུང་གི་ཡོད་ཅིང་། མང་ཆེ་ཤོས་དེ་སྔ་ཨིན་ཇིས་གཏན་འབེབས་ཀྱི་རྒྱ་གར་ཤེས་ཡོན་ལམ་ལུགས་སྟེང་སློབ་སྦྱོང་འཐོབ་བཞིན་པ་རེད། འོན་ཀྱང་། རེ་ཟུང་གིས་ཡེ་ཤུས་ཆོས་ལུགས་ཀྱི་སློབ་གྲྭ་ཁག་ནང་ནུབ་ཕྱོགས་དེང་རབས་དང་གནའ་དུས་ཀྱི་སློབ་གསོ་མཉམ་དུ་འཐོབ་མྱོང་ཡོད། ཡང་ཁ་ཤས་བར་ལམ་བཀའ་ཤག་བཅུ་གསུམ་པས་གཏན་འབེབས་ཀྱི་ཤེས་ཡོན་སྲིད་ཇུས་གསར་པའི་འོག་འཚར་ལོངས་བྱུང་བཞིན་པ་རེད།
དེ་ལས་མང་བ་། “ཁ་ཐུར་བསྟན་གྱི་ཤེས་ཡོན་དང་ཆབ་སྲིད་ཀྱིས་ཕོངས་འབྲས།” »
ཀྲུའུ་ཝའེ་ཆོན་གྱིས་གསང་གནད་ཕྱི་གྱར་བྱས་པ།
ཟླ་བ་བཀྲིས། རྡ་ས།
ཉེ་ཆར་རྒྱ་ནག་མི་རིགས་ལས་དོན་ཨུ་ཡོན་ལྷན་ཁང་གི་འགན་འཛིན་དང་། དེ་སྔའི་འཐབ་ཕྱོགས་གཅིག་གྱུར་ཁང་གི་འགན་འཛིན་གཞོན་པ་ཀྲུའུ་ཝུའེ་ཆོན་གྱིས་ཡོ་རོབ་ཁུལ་དུ་གསར་འགོད་པའི་བཅའ་འདྲི་དང་ལེན་བྱས་ཡོད་ཅིང། ཀྲུའུ་ཡིས་མ་གཞི་༸གོང་ས་མཆོག་གི་དབུ་མའི་ལམ་ལ་སྐྱོན་བརྗོད་དང་། ཐ་ན་ཉེ་ཆར་གསུངས་པའི་བཀའ་སློབ་འགའ་ཤས་ཀྱང་ལུང་འདྲེན་བྱས་ཏེ་བོད་རང་བཙན་རྩོད་ཀྱི་ཡོད་པའི་སྐྱོན་བརྗོད་དང་རྒོལ་གཏམ་བཏང་ཡོད།
མཁའ་འགྲོ་མ་བདེ་གཡང་གི་འཁྲུངས་སྐར་དགའ་བསུ་དཔྱིད་ཀྱི་རྒྱལ་མོའི་གླུ་དབྱངས།
ཨེ་མ་ཧོ།
ན་མོ་གུ་རུ་མ་ཧཱ་སུ་ཁ་ཨེ་མ་ཧོ།
ཀ་ཁའི་དབྱངས་གསལ་ཐོགས་མེད་ངག་རྩལ་དག །
ཁ་བའི་ལ་རྒྱ་མཚུངས་མེད་ཐུགས་ལ་རྫོགས། །
ག་དུས་ཡིན་ཡང་བསྟན་སྲིད་ལས་ལ་སྨིན། །
ང་ཡི་སྙིང་གྲོགས་དམ་པར་གཙུག་གི་རྒྱན། །
ཅ་དག་བོད་ཆས་གཙང་མའི་སྐུ་ལུས་མཛེས། །
ཆ་ཚང་ལེགས་བཤད་རིན་ཆེན་མགྲིན་པར་རྒྱན།།
དེ་ལས་མང་བ་། “མཁའ་འགྲོ་མ་བདེ་གཡང་གི་འཁྲུངས་སྐར་དགའ་བསུ་དཔྱིད་ཀྱི་རྒྱལ་མོའི་གླུ་དབྱངས།” »
བོད། འཚེ་མེད་ཞི་བ་ལག་ལེན་གྱི་ཕ་ས་ངོ་མ།
ཁང་སྨིན་གྲོལ་རྒྱ་མཚོ།
གནས་ལུགས་ཀྱི་ངོས་ཟབ་ས་ཞིག་ནས་ང་ཚོས་ཞིབ་འདངས་བྱེད་སྐབས་མི་ཞིག་ལ་མཚོན་ན་ཤེས་ཡོན་ཡོད་མེད་ཇི་ལྟར་ཡང་། འགྲོ་བ་མིའི་ཐོབ་ཐང་ལ་བརྩི་འཇོག་བྱེད་ཤེས་མིན་ནི་གཙོ་བོ་རང་གི་ཁེ་ཕན་དང་འབྲེལ་བའི་ཐོབ་ཐང་བརྩད་རྒྱུ་དེ་མ་ཡིན་པར། རང་ཉིད་ལས་གཞན་པའི་མི་བུ་ཚོའི་ཚེ་སྲོག་ལ་མཐོང་ཆེན་དང་བརྩི་བཀུར་བྱེད་རྒྱུ་དེ་རེད།
སྒྱུ་འཕྲུལ་ལྟ་བུའི་ང་།
དྲ་འདྲེ།
ཆེས་རང་བྱུང་གི་མཛེས་སྡུག་ལ་སེམས་པ་བརླན་ཏེ།
རྒྱང་རིང་མོ་ཡི་ཕུགས་བསམ་ལ་ཀླན་ཀ་འཚོལ་དུས།
སའི་གོ་ལ་འདི་མཚོ་མོ་བཞིན་དལ་གྱིས་སྐྱོམ་པས།
ང་འཇིག་རྟེན་གྱི་རླབས་རྩེ་ན་འཚོ་བ་རྟོགས་བྱུང་།
སེམས་དྭངས་གཙང་གི་མཁའ་དབུགས་བཞིན་ཀུན་དུ་རྒྱུ་ཞིང་།
ཁམས་སྣ་ཚོགས་ཡི་གཟུགས་ཅན་འདིའི་ཁོག་ཏུ་ཞུགས་དུས།
བྱམས་བརྩེའི་རིན་ཐང་དང་འབྲེལ་བའི་བྱིས་སྒྲུང་ཚན་པ་གཉིས།
ཁང་སྨིན་གྲོལ་རྒྱ་མཚོ།
monk and ant གྲྭ་བ་དང་། གྲོག་མ།
༼བརྗོད་བྱ། བཙུན་ཆུང་ཞིག་གིས་གྲོག་མའི་ཚོགས་ཀྱི་ཚེ་སྲོག་བསྐྱབས་པའི་རྒྱ་ནག་གི་གནའ་སྒྲུང་།༽
སྔོན་རྒྱ་ནག་གི་དབེན་ཁྲོད་ཅིག་ན་བསམ་གཏན་གྱི་ཉམས་ལེན་གཙོ་བོ་བྱེད་པའི་བཙུན་པ་ཞིག་ཡོད་པ་དེར་རྒན་པར་བཀུར་ཞིང་། ཀུན་སྤྱོད་གཙང་བ། དྲན་ཤེས་རྣོ་ཞིང་། སྙིང་རྗེ་ཆེ་བའི་དགེ་ཕྲུག་ཅིག་ཡོད།
དེ་ལས་མང་བ་། “བྱམས་བརྩེའི་རིན་ཐང་དང་འབྲེལ་བའི་བྱིས་སྒྲུང་ཚན་པ་གཉིས།” »