བརྒྱུད་སྤྲོད་པ། རྨེ་སྲིབ་ནོར་བུ།

གཅིག

འཛམ་གླིང་ཤར་ནུབ་ཀྱི་རྒྱལ་ཁབ་དང་། མི་རིགས་གང་ཡིན་ཡང་།རང་རང་ལ་ཐུན་མོང་མིན་པའི་སྲོལ་རྒྱུན་གྱི་དུས་ཆེན་སྣ་ཚོགས་ཡོད་ལ། དུས་ཆེན་དེ་དག་ཀྱང་ལོ་ངོ་བརྒྱ་སྟོང་དུ་མའི་ལོ་རྒྱུས་དང་བྱུང་རབས་ཁྲོད། རང་ཉིད་ལ་གཞན་ལས་ཐ་དད་པའི་རིག་གནས་དང་། ཆོས་ལུགས། གོམས་གཤིས་སོགས་ཡུན་གྱིས་གྲུབ་པའི་གོ་རིམ་ལྟར་མེད་པ་ནས་ཡོད་པར་གྱུར་པ་ཡིན་ཕྱིར། མི་རིགས་སོ་སོའི་ལོ་རྒྱུས་ཀྱི་བཞུར་རྒྱུན་རིང་མོ་དང་འགྲོགས་ནས་ག་ལེར་གྲུབ་པའི་སྲོལ་རྒྱུན་དུས་ཆེན་རྣམས་ཀྱི་གསེང་ནས།

དེ་ལས་མང་བ་། “འདི་ལ་ཉན་མཁན་མེད་ཀྱང་བཤད་པར་འདོད། ་་་་་་་སྒོ་ཤེར།” »

རྡོ་ཤུལ།

བོད་དུ་དབུ་མའི་ལམ་གྱི་བྱུང་རིམ་དང་རྒྱལ་སྤྱིའི་ནང་གི་གནས་བབ་དང་བོད་རྒྱའི་བར་དུ་ཕན་ནུས་ཀྱི་སྐོར་ཅུང་ཟད་ཞུས་ན། སྔོན་གྱི་དུས་སུ་གོ་ཐོས་མ་མྱོང་བའི་བོད་གངས་ཅན་གྱི་ལྗོངས་སུ་དབུ་མ་ཞེས་པའི་དོན་དེ་དུས་རབས་བདུན་པའི་དུས་སུ་བྱུང་ཡོད་པར་སེམས། གང་ཡིན་ཞེ་ན། དེའི་དུས་སུ་བྱུང་བར་གྲགས་པའི་གསུང་རབས་ལ་བལྟས་ན་དབུ་མ་ཐལ་རང་ཞེས་གྲགས་པ་དེ་མེད་ཀྱང་ལྟ་བའི་སྐོར་དེ་དབུ་མའི་ལྟ་བ་ཇི་མ་ཇི་བཞིན་ཡོད་པར་སེམས། དེ་ཉམས་སུ་ལེན་པའི་རྒྱལ་པོ་དང་བློན་པོ་འབངས་སོགས་བྱུང་ཡོད་པ་གསལ་པོ་ཡིན།

དེ་ལས་མང་བ་། “རྒྱལ་སྤྱི་དང་རྒྱ་ནག་ནང་དུ་དབུ་མའི་ལམ་གྱི་གྲུབ་འབྲས་སྐོར།” »

སེར་ཤུལ་རིན་ཆེན་དོན་གྲུབ།

སློབ་གསོ་ཞེས་བརྗོད་སྐབས་མི་རིགས་འདྲ་མིན་དང་། རིགས་རྒྱུད་ཐ་དད། ཆོས་ལུགས་ཀྱི་རྗེས་འབྲང་ཡིན་མིན། སྐྲ་སེར་དམར་དང་། གཟུགས་རིང་ཐུང་། ཤ་དཀར་དམར་གྱི་ཁྱད་པར་མེད་པར་འགྲོ་བ་མི་ཚང་མས་ལེགས་ཕྱོགས་ཤིག་ལ་ངོས་འཛིན་བྱེད་ཀྱི་ཡོད། དེའི་རྒྱུ་མཚན་ཡང་སློབ་གསོ་དང་སློབ་གསོའི་གཞུང་ལུགས་ཀྱིས་རང་ཉིད་དང་རང་ཉིད་ཀྱི་སྤྱི་ཚོགས་ལ་ལེགས་ཚོགས་ཤིག་སྐྲུན་བཞིན་པས་རེད། སློབ་གསོའི་གོ་དོན་ཡང་གང་ཞིག་ལ་བསླབས་ཤིང་སྦྱངས་བའི་གྲུབ་དོན་གྱིས་རང་ཉིད་ཀྱི་བསམ་བློ་དང་།

དེ་ལས་མང་བ་། “སློབ་གསོའི་སྙིང་དོན།” »

ཨོ་རྒྱན་ཉི་མ།

དེང་སང་བོད་ཀྱི་གཞོན་སྐྱེས་འདི་ཚོ་ཁ་ཡར་གྲགས་དུས་ཆེན་པོ་ཞིག་དང་། གཉན་པོ་ཞིག་ལ་ཁ་གཏོང་འགོ་རྩོམ་ཞིང་། མིང་ཞིག་དང་། ཕྱུག་པོ་ཞིག ད་དུང་སྙན་གྲགས་ཅན་ཞིག་ཆགས་སོང་ན་བསམ་པའི་རེ་འདུན་ནི་མཚོ་ལྟར་ཟབ་ཀྱང་། ངེས་པ་དོན་གྱིས་སྙན་གྲགས་སྒྲུབ་སྟངས་དེ་མ་ཤེས་པར། མཐོ་ལ་འགྲན་ཞིང་དམན་ལ་སྡང་། རང་གི་མི་རིགས་ལ་ཡོད་པའི་བྱས་རྗེས་ཅན་གྱི་མི་བུ་ཚོར་ཁྱད་སོད་དང་། ཕྲག་དོག་གིས་གཏམ་འཆལ་སྣ་ཚོགས་སྤུངས་ཏེ། མཚན་མོའི་གཉིད་དང་ཉིན་མོའི་ཟས་ཀྱང་དང་གར་མི་ཡོང་བར་མ་ཟད། ཐ་མ་རང་དོན་མ་འགྲུབ་དུས་རང་གི་གཅེས་པའི་སྲོག་ཀྱང་། རང་གིས་བཅད་པའི་གནས་ཚུལ་ཕྱི་གླིང་ལ་བྱུང་བ་དེ་བོད་ལ་ཡོང་ངེས་རེད།

དེ་ལས་མང་བ་། “དགུ་རོང་སྤུན་གྲོལ་གྱི་ལོག་རྟོག” »

ཨེ་མ་ཧོ།

ཆོས་རྗེ་དམ་པ་ཡིད་བཞིན་ནོར་བུའི་རྗེས་དྲན་དབྱངས་གསལ་ཡིད་ཀྱི་མེ་ལོང་ཞེས་བྱ་བ་བཞུགས་སོ།།

ན་མོ་གུ་རུ་ཨ་བྷྱེ་ལཀྵཾ་ཀ་ར་ཡེ།
ཀ་དག་ལྷུན་གྲུབ་དགོངས་པ་བརྙེས་པའི་སྐུ། །
ཁ་བའི་ལྗོངས་ཀྱི་ཡིད་བཞིན་ནོར་བུ་ཉིད། །
ག་དུས་དྲན་ཚེ་ཐབས་ཤེས་སྩོལ་མཛད་པའི། །
ང་ཡི་རིག་པའི་ཡེ་ཤེས་རྒྱལ་པོ་རྒྱུན་དུ་དྲན། །

དེ་ལས་མང་བ་། “རྗེས་དྲན་དབྱངས་གསལ་ཡིད་ཀྱི་མེ་ལོང་།” »

ཨོ་རྒྱན་ཉི་མ།

དེ་ཡང་རྒྱལ་སྤྱིའི་རོགས་ཚོགས་ཀྱི་གཙོ་འཛིན་དམ་པ་༧ཆོས་རྗེ་ཨ་དཀོན་རིན་པོ་ཆེ་བཤད་སྒྲུབ་ཆོས་ཀྱི་ཉི་མ་མཆོག་ནི། འཛམ་གླིང་ས་ཡི་ཡང་རྩེ་གངས་ཅན་བོད་ཆེན་པོའི་ལྗོངས་སུ་སྐུ་འཁྲུངས་ཤིང་། རྒྱ་གར་འཕགས་པའི་ཡུལ་སོགས་ཕྱོགས་ཀྱི་ཡུལ་གྲུ་དུ་མ་ནས་མཛད་འཕྲིན་རྒྱས་པའི། རྒྱལ་ཁམས་རིག་པས་བསྐོར་བའི་<<མགོན་མེད་ཀྱི་ཡབ་ཆེན་>>ཞེས་པའི་མཚན་གྱི་སྙན་པ་ཅན།

དེ་ལས་མང་བ་། “རྒྱལ་སྤྱིའི་རོགས་ཚོགས་ཀྱི་གཙོ་འཛིན་ཨ་དཀོན་རིན་པོ་ཆེ་གླེང་བ།” »

རྔ་རྒོད།

ཁོ་བོས་འདིར་དབུལ་ཕྱུག་གི་ཁྱད་པར་ཙམ་གྱིས་བརྩེ་དུང་གི་ཆེ་ཆུང་ཞིག་ཡོད་པར་སྙད་ཀྱིན་མེད། ལྷག་པར་ཉམ་ཆུང་ཚོར་གཉེན་སྟོན་མི་འོས་ཞེས་དེ་ལས་ཀྱང་སྒྲོག་འདོད་ཡེ་ནས་མེད། འོན་ཀྱང་རྒན་གཞོན་དང་དབུལ་ཕྱུག་གི་དབྱེ་འབྱེད་ཙམ་མ་ཡིན་པར། རང་ལ་འཚམ་པའི་ཚོང་ཁང་རེ་དང་རང་ཉིད་ལ་མཛའ་བའི་རྒྱན་ཆ་རེ་ཡོད་པ་ལྟར། གཉེན་སྒྲིག་ཀྱང་དཔེ་དེ་བཞིན་ཡིན་པར་འདོད།
སྤྱིར་ན། མིའི་གཉེན་སྒྲིག་གི་སྲོལ་དང་བོར། ཨ་ཧྥི་རི་ཀ་ནས་འབྱུང་དགོས་ཀྱང་མིའི་རིག་གནས་དར་མིན་གྱི་དབང་གིས་རྒྱ་གར་དང་ཨེ་རྗེབ་གང་རུང་ནས་གཉེན་སྒྲིག་གི་འགོ་བརྩམས་པའི་ལོ་རྒྱུས་མང་མོད།

དེ་ལས་མང་བ་། “རང་ཚོད་ལས་བརྒལ་བའི་གཉེན་སྟོན་སྐོར།” »

ཧོར་གཙང་འཇིགས་མེད།

དང་བོ། རང་ཉིད་དང་འབྲེལ་བ།

ངས་སྤྱི་ལོ་༡༩༨༠ ལོའི་བོད་ཟླ་༡༠ ཚེས་༡༦ ཉིན་ཀུན་གཟིགས་པཎ་ཆེན་རིན་པོ་ཆེ་མཆོག་བླ་བྲང་བཀྲ་ཤིས་འཁྱིལ་དུ་ཕེབས་ཉིན་མ་གཏོགས་གྲྭ་ཆས་དང་ཁ་བཏགས་སོགས་མཐོང་མྱོང་མེད་ཅིང༌། བོད་ཀྱི་བླ་ཆེན་དང་མི་ཆེན་གང་ན་སུ་བཞུགས་ཀྱི་སྐོར་དེ་བས་ཀྱང་ཤེས་ཀྱིན་མེད། གུང་ཐང་ཁྲི་ཆེན་མཆོག་གི་གནས་ཚུལ་ཞིབ་ཕྲ་མི་ཤེས་པའང་གཅིག་མཚུངས་ཡིན།
སྤྱི་ལོ་༡༩༧༠ དོན་གྲངས་སུ་ཨ་མ་དང་ཨ་ཕྱི་རྒན་མོ་སོགས་ངའི་ནང་མི་ཚོས། ཨ་ཁུ་ངག་དབང་གན་སྐྲག་ཤོར་ཡིན་པས་ཨ་ལགས་ཚང་ལ་སྐོར་ཞིག་རྒྱག་ཏུའང་འགྲོ་ཐུབ་ཀྱིན་མི་འདུག་ཅེས་ལྐོག་ཤུབ་ལྟ་བུ་བྱེད་ཀྱིན་ཡོད་པ་ལན་དུ་མར་ཐོས་ཀྱང༌། ཕྱིས་བླ་བྲང་ལ་སོང་ནས་མ་གཏོགས་འཆར་སྣང་སྤྱི་བམ་ཙམ་ལས་ནང་མིའི་སྐད་ཆ་དེ་དག་གི་གོ་དོན་དངོས་གནས་ཤེས་རྟོགས་འབྱུང་མ་ཐུབ།

དེ་ལས་མང་བ་། “སྐྱེས་མཆོག་ཅིག་དང་འབྲེལ་བའི་དྲན་ཐོ་འགའ།” »

ཨ་འདུས་མིག་ཆུ།

དགེ་རྒན་ཞིག་ལ་མཚོན་ན། སྤྱིར་བཏང་གི་ལས་བྱེད་ཅིག་དང་ཕྱོགས་གང་ཐད་ནས་འདྲ་བ་མ་རེད་སྙམ། རྒྱུ་མཚན། ལས་བྱེད་ནི་ལས་ཀ་སྤྲད་དེ་མངགས་པའི་ལས་གཡོགས་པ་ཞིག་ཡིན་པས་དེ་ལ་ཉིན་མཚན་དུས་དྲུག་ཏུ་བྱེད་དགོས་པའི་བྱ་བ་གང་ཡང་ཡོད་པར་མ་མཐོང་། དགེ་རྒན་ནི་དེ་ལྟར་མ་ཡིན་པར་མི་རིགས་ཀྱི་བསམ་བློའི་སྒོ་བརྒྱ་འབྱེད་པའི་ལྡེ་མིག་དང་མ་རིག་མུན་པ་སེལ་བའི་ལམ་སྟོན་གྱི་སྒྲོན་མེ་ཉིད་ལགས་པས། ཉིན་མཚན་དབྱེར་མེད་ཀྱིས་བསླབ་པ་སློབ་གཉེར་དང་ཀློག་པ་ཐོས་བསམ་ལ་གཞོལ་དགོས་པ་ནི་ལྡོག་ཏུ་མེད་པའི་ལས་འགན་རེད་འདོད།

དེ་ལས་མང་བ་། “མི་རིགས་ཀྱི་དགེ་རྒན་གླེང་བ།” »