ཚེ་རིང་།
རླབས་ཀྱི་གཉེར་མས་མ་གོས་པའི་མཚོ་མོ
འཇམ་དྭངས་ངེར་འོ་སྤྲིས་བཞིན་ཆགས་
མཚོ་མོའི་ཀློང་དུ
ལྷང་འཇག་དང་སྨག་བུན་ལྷན་ཏུ་འདྲེས་ཤིང
མྱ་ངན་དང་གདུང་བ་མཉམ་དུ་འཁྱིལ
སྨག་བུན་རབ་རིབ་ཀྱི་ཁྲོད་ནས
ལོ་གསར་པར་ངེས་པར་དུ་འཚམས་འདྲི་བྱ་ཡུལ།
ཤིང་ནགས་མེ་ཏོག
༡༽ ༸གོང་ས་མཆོག
བསིལ་ལྡན་ལྗོངས་སུ་འཁྲུངས་པའི་མགོན།།
འཕགས་ཡུལ་ས་སྟེང་བྱོན་པར་དགྱེས།།
སླར་ཡང་རང་ཡུལ་འབྱོན་པར་རེ།།
སྐུ་ཉིད་ལོ་གསར་སྐུ་ཚེ་བརྟན།།
ལོ་སར་གྱི་ཚོར་སྣང་།
ཨེ་མ་ཧོ།
ན་མོ་གུ་རུ་ཀ་ལ་ཙཀྲ་ཡེ།
ཀ་ར་ཀུ་ཤུའི་སྡེར་ཁ་མང་ན་ཡང་།།
ག་དུས་ལོ་སར་ང་ཚོས་མ་ཤེས་ན།།
ཅ་དག་བོད་ཀྱི་ཆ་ལུགས་མཛེས་ན་ཡང་།།
ཇ་ཆང་མགྲོན་འབོད་ཉ་བའི་སྤྲོ་སང་འདྲ།།
ཏ་ལེར་ཀུན་མཐུན་ཐ་སྙད་རྩིས་རིག་དང་།།
ད་ལྟའི་དུས་རབས་གསར་སྐྱེས་ན་གཞོན་ཡི།།
འབའ་སྲས་ཀྱིས་སྙན་ངག་ལ་ལྟ་སྟངས།
འབའ་སྲས།
ཚིག་འགྲོས་གློ་བུར་མ་འཁྱོལ་མཉམ་པའི་གདངས།།
འགྱུར་བ་མངོན་དུ་གསལ་ལ་མཛེས་པའི་ཉམས།།
དོན་གང་ཇི་ལྟར་བརྗོད་ལ་ཐབས་ཀྱི་རྩལ།།
རྣམ་གསུམ་གཅིག་འདྲེས་སྙན་ངག་མཆོག་ཏུ་ལྟ།།
རྨང་ནས་ཅི་ཡང་མ་མཐོང་མ་ཐོས་པ།།
ཚོར་བའི་ནང་འཇུག་ཁོ་ནར་བརྟེན་པ་དང་།།
ཆུང་མར་ཕུལ་བའི་མེ་ཏོག་གི་འཕྲེང་བ། (ཞར་བཀོད་གསུམ)
སྐྱ་རེངས།
བརྩེ་བའི་ཞལ་རས་ཆུ་སྐྱེས་པད་མ་འདྲ།།
འཛུམ་པའི་མཆུ་སྒྲོས་སྐྱུར་སིལ་དམར་པོའི་མདངས།།
ཆགས་པས་སྤྲོས་པའི་སྐྲ་ལོ་མུན་ལྟར་གཏིབས།།
མིག་གཉིས་བཀྲག་མདངས་འཚེར་བའི་ཟླ་བ་བཞིན།།
བརྩེ་བའི་ཞལ་ཁྱིམ་ཐེངས་གཅིག་མཐོང་བས་མོད།།
སྐྱོ་བའི་མུན་པ་ཐ་དག་ཞི་མཛད་པའི།།
དེ་ལས་མང་བ་། “ཆུང་མར་ཕུལ་བའི་མེ་ཏོག་གི་འཕྲེང་བ། (ཞར་བཀོད་གསུམ)” »
སེམས་ཀྱི་མདུད་པ་གྲོལ་གླུ
སོག་ཚང་བློ་བྷེ།
འཚང་ཀ་རྒོད་པའི་མི་ཚོགས་ཀྱི་སྲང་མདོར།།
ཀུན་རྟོག་འཁྲུལ་བའི་རྣམ་གཡེང་གི་གཞི་མར།།
ཆ་ལུགས་སྤྱོད་ལམ་སྣ་ཚོགས་ཀྱི་སྣང་བ།།
རེར་འཇིག་རེར་སྐྱེ་མ་ངེས་ཀྱིས་བྱུང་ངོ་།།
མཛེས་མའི་བསླུ་བྲིད་མེ་ཏོག་གི་དྲི་ཞིམ།།
དབྱར་དུས་ལང་ཚོ་བཀྲག་མདངས་ཀྱི་བརྩེ་བ།།
མཚན་གུང་གི་སེམས་འགྱུ།
ཁ་བའི་འབྲོག་མོ།
ཕ་རོལ་རྒྱབ་ན་བརྩེ་བ་རྣལ་མ་ཞིག།
ཚུར་རོལ་མདུན་ན་འཁོན་འཛིང་དྲག་པོ་ཞིག།
རྒྱབ་དང་མདུན་གྱི་འགྱུར་བའི་འཕྲང་ལམ་ན།།
སེམས་ཀྱིས་མ་ཟིན་འཕྲུལ་སྣང་སྟོང་གིས་གཡོ།།
སེམས་ཀྱི་འདོད་པ་མི་མངོན་གསེང་ན་སྦས།།
ང་ཡི་ལུས་རྟེན་ནམ་མཁའི་མཐའ་རུ་འཁྱམ།།
ཁྱི་རྒན་མ།
ཉི་མ་རྒྱལ་མཚན།
ཁྱི་རྒན་མ།
ཁྱོད་ད་དུང་། འདི་ལྟར་བསྡད་དགོས་དོན་ཅི། དོན་ངོ་མར། ཁྱོད་ཀྱིས་ཅི་ཞིག་བྱ་འདོད། ཁྱོད་ཀྱི་བྱ་སྤྱོད་དེ་ངས་ནམ་ཡང་མཐོང་མི་འདོད། ཁྱི་རྒན་མ། ཁྱོད་ད་དུང་འདི་ལྟར་ཅེར་དགོས་དོན་ཅི། དོན་ངོ་མ་ཁྱོད་སུའི་སྒོ་ཁྱི་ཡིན། ཁྱོད་འདིར་སླེབས་ནས་བཟུང་། ངའི་འགྲོ་ལམ་བཀག་སོང་ལ་ངའི་སེམས་པ་སྡུག་ལ་སྦྱར་སོང་། ད་ཁྱོད་འགྲོ་ན་རན།
སྙན་ངག་གི་ཕ་ཁྱིམ་ནང་འཛུལ་བ་དང་འབྲེལ་བའི་གཏམ།
ཏཱ་ནི་ལྷ་རྒོད།
ཉེ་སྔོན་དགེན་ལྷམ་ཀོག་ལགས་ཀྱི་བཀའ་དྲིན་ལ་བདག་སྙན་ངག་གིཕ་ཁྱིམ་ཞེས་བའི་ཚོགས་པ་ཞིག་གི་ནང་དུ་ནང་བྱེད་ཐུབ་པ་བྱུང་བས་དགེན་ལྷམ་ཀོག་ལ་སེམས་གཏིང་ནས་བཀའ་དྲིན་ཆེ་ཞུས་བ་ཡིན། ཚོགས་པ་དེ་ན་བོད་ཡུལ་མདོ་དབུས་ཁམས་གསུམ་ན་དགའ་བསུ་ཐོབ་པའི་བོད་ཀྱི་མཁས་དབང་ཆེན་མོ་རྒན་པད་མ་འབུམ་དང་། སྙན་ངག་པ་ཧོར་གཙང་འཇིགས་མེད། རོང་བོ་དགེ་འདུན་ལྷུན་གྲུབ། དགེ་འདུན་རབ་གསལ་སོགས་ཤེས་ཡོན་པ་མང་པོ་ཞིག་ཡོད་པས་དངོས་ནས་རིག་གཞུང་བགྲོ་གླེང་གི་སྟེགས་བུ་ཡག་པོ་ཞིག་ཆགས་ཡོད། ཁོང་ཚོའི་མཁྱེན་རྒྱ་ཡངས་བའི་གཏམ་བཤད་དག་ལས་བདག་ལ་བློ་བསྐྱེད་དང་ཤེས་བྱ་ཧ་ཅང་མང་པོ་ཞིག་ཐོབ་བྱུང་།
དེ་ལས་མང་བ་། “སྙན་ངག་གི་ཕ་ཁྱིམ་ནང་འཛུལ་བ་དང་འབྲེལ་བའི་གཏམ།” »
མཁས་དབང་དགེ་འདུན་ཆོས་འཕེལ་དང་དབྱུག་པ་ཅན་གྱི་སྙན་ངག་མེ་ལོང་།
འདིར་མཁས་དབང་དགེ་འདུན་ཆོས་འཕེལ་གྱི་གསུང་འབུམ་ཁྲོད་དུ་བཞུགས་པའི་ལེགས་སྦྱར་བང་མཛོད་ལས། སྙན་ངག་མེ་ལོང་གི་སྐོར་དང་དབྱུག་པ་ཅན་གྱི་ལོ་རྒྱུས་བཅས་ཁོལ་དུ་ཕྱུངས་ཏེ་བཀོད་ཡོད། གཤམ་གྱི་འབྲེལ་ཐག་ལ་བསྣུན་ནས་གཟིགས་རོགས། ཤོག་ངོས་གསུམ་ཡོད། dge ‘dun chos ‘phel on Dandi
རྒྱ་སྟག་ངར་མ་ཞིག
___སྲས་འཇིགས་མེད་ནོར་བུར་རྗེས་དྲན་དུ།
རྡོ་རྗེ་རིན་ཆེན།
ཐུ་བྷོད་བཙན་པོ་གཤེགས་པའི་བཤུལ་ལམ་རིང་།།
སྒང་བ་བོད་ཀྱི་“སྒེར་ཚུགས་’’དེ་བས་རིང་།།
ལྷ་ཁང་ནང་གི་བཙན་གཡེམ།(ཞཪ་བཀོད་བཞི)
རྩོམ་པ་པོ། སྐྱ་རེངས།
ནགས་ཀྱི་ཤིང་ཕྲན་དག་ནི་ཕན་ཚུན་གཙུབ།།
སྙན་བའི་བྱིའུ་སྐད་དག་ནི་ངེས་མེད་འབྱིན།།
རིང་ནས་བརྩེ་བའི་སྤྲ་དང་སྤྲེའུ་རྣམས།།
ཡལ་འདབ་ཤིང་གི་རྩེ་ལ་འདོད་པས་འཁྱུད།།
མོ་ཤིང་སྟོངས་བའི་དབེན་པའི་ནགས་རྫོང་ན།།
ཕོ་ཤིང་དག་ནི་ངེས་མེད་བཙན་གྱིས་གཙུབ།།
སྙན་འཇེབས་རང་བྱུང་གི་པི་ཝཾ་རིན་པོ་ཆེ་ཞེས་བྱ་བ།
ཨེ་མ་ཧོ།
༧སྐྱབས་རྗེ་འཁོར་ལོའི་མགོན་པོ་སློབ་དཔོན་སྣ་ཚོགས་གཟུགས་ཅན་གྱི་འཁྲུངས་སྐར་ལ་ཕུལ་བ་སྙན་འཇེབས་རང་བྱུང་གི་པི་ཝཾ་རིན་པོ་ཆེ་ཞེས་བྱ་བ།
ན་མོ་གུ་རུ་ཨ་བྷྱ་ཛྙྰ་ན་ཡེ།
འཇིགས་མེད་གཟུངས་སྤོབས་བློ་གྲོས་མཁའ་དབྱིངས་ལས།།
སྲིད་ཞིའི་རྨོངས་མུན་བསལ་མཛད་འོད་སྣང་བདག །
སྣ་ཚོགས་གཟུགས་ཅན་རིག་འཛིན་རྒྱལ་བའི་སྲས།།
ངེས་དོན་ཆོས་ཀྱི་རྒྱལ་པོ་རྒྱལ་གྱུར་ཅིག །
དེ་ལས་མང་བ་། “སྙན་འཇེབས་རང་བྱུང་གི་པི་ཝཾ་རིན་པོ་ཆེ་ཞེས་བྱ་བ།” »
ཁྱེད་རང་འཆི་མེད།
གངས་མྱིག
——-སྲས་འཇིགས་མེད་ནོར་བུར་རྗེས་དྲན་དུ།
གཅིག
ཡབ་རྗེ་དམ་པའི་ཞལ་ཆེམས་ཀྱིས་ཁྱེད་ཉིད་མི་རིགས་ཤིག་གི་ལོ་རྒྱུས་ཀྱི་རྡོ་རིངས་སུ་བཞེངས་འགོ་ཚུགས་པ་ནས། ཁྱེད་ཀྱི་ཡིད་སེམས་ནི་ཅི་འདྲའི་སྐྱེད་ཡངས་ཤིག་ཨང་། སེམས་ཁོང་ཡོད་ཚད་ལ་མི་རིགས་གཅིག་གི་བདེ་སྡུག་ལས་དབང་གི་མཚོ་མོ་བསྐྱིལ་ཅིང་། མིག་ལམ་ཡོད་ཚད་ལ་ཡིད་ཆེས་དང་སྤོབས་ཉམས་ཀྱི་རེ་འོད་འཚེར་འཚེར།
གུ་དོག་པའི་་་།
ཅོག་མྱི།
ཁོད་ཡངས་བའི་རྒྱལ་ཁམས་ལ།
གུ་དོག་པའི་བྱུང་རབས་ཤིག
ཁོད་ཡངས་བའི་བསྟན་པ་ལ།
གུ་དོག་པའི་གྲུབ་མཐའ་ཞིག
ཀ་རྩོམ་ཕྱག་གདུབ་རིན་པོ་ཆེ།
ཨེ་མ་ཧོ།
ན་མོ་གུ་རུ་ཨཱ་ལི་ཀཱ་ལི་ཡ།
ཀ་ར་སྦྲང་རྩི་བྱིས་པའི་དགའ་ཟས་དང་།།
ཁ་བའི་དབྱངས་གསལ་གངས་རིའི་བླ་སྲོག་དང་།།
ག་བུར་བཟང་དྲུག་ལུས་ཀྱི་སྨན་མཆོག་རིགས།།
ང་ཚོ་ཀུན་ལ་དགོས་མཁོ་ཤིན་ཏུ་ཆེ།།
ཅ་ཅོ་འདུ་འཛིའི་གཡེང་བའི་གྲོང་པ་དང་།།
ཆ་ལུགས་ཆོས་བཞིན་སྤྱོད་པའི་དགོན་པ་དང་།།
དཔའ་བོ་ཞིག་ལ་རྗེས་དྲན་ཞུ་བ།
སྤོབས་པ་མཐའ་ཡས།
༼སྐུ་ཞབས་འཇིགས་མེད་ནོར་བུ་མཆོག་ང་ཚོ་དང་ཁ་བྲལ་ནས་ལོ་གསུམ་ལོན་པའི་རྗེས་དྲན།༽
མི་ལོ་གསུམ་ཏག་ཏག་གི་ཡར་སྔོན་ལ། བོད་རང་དབང་རང་བཙན་གྱི་ལས་འགུལ་བ་ལྷ་སྲས་འཇིགས་མེད་ནོར་བུ་མཆོག་ང་ཚོ་དང་གཏན་དུ་ཁ་བྲལ་བ་རེད། ལྷ་སྲས་འཇིགས་མེད་ནོར་བུ་མཆོག་ནི་སྐྱབས་མགོན་ཏཱ་ལའི་བླ་མའི་སྐུའི་གཅེན་པོ་སྟག་མཚེར་རིན་པོ་ཆེའི་སྐུའི་སྲས་ཡིན་ཞིང་། སྐུ་གཤེགས་པའི་དུས་སུ་དགུང་ལོ་ཞེ་ལྔ་ལས་ཟིན་མེད། སྐུའི་གཅེན་པོ་སྟག་མཚེར་རིན་པོ་ཆེ་མཆོག་གིས་བོད་རང་དབང་རང་བཙན་སླར་གསོ་དགོས་པའི་རང་ཚུགས་བརྟན་པོ་དང་ཐུགས་ཐག་ཆོད་པོའི་བཞེངས་ཕྱོགས་དེ་བཞིན་དུ། ཁོང་གི་སྐུ་སྲས་འཇིགས་མེད་ནོར་བུ་མཆོག་ཀྱང་ཕ་རྗེས་བུ་ཡིས་ཟིན་པའི་དཔའ་བོ་ཞིག་ཡིན།
མཐོ་སྒང་ཉི་འོད་སེམས་ཀྱི་མེ་ཏོག
ཆབ་མདོ་ངག་ཕུན།
གངས་རི་མཐོ༵་པོའི་རྩེ་མོ་ལ།།
སྒ༵ང་པ་བོད་ལ་ཉི༵་མདངས་ཁྱབ།།
ཟེ༵ར་མ་ཐིགས་པ་མཁའ་ནས་འབབ།།
དྲི་མེད་རླུང་བུ་ལྷབ་ལྷུབ་གཡོ།།
གངས་ལྗོངས་ཞིང་ས་གཤིན་པོ་ལ།།
འབྲུ་བཟང་སྙེ་མ་ལྡེམ་ལྡེམ་འགུལ།།
ལྷ་ཡུལ་ནས་འཐེན་པའི་ཐེམ་སྐས།
སོག་མདའ།
གུང་བཞོ་ལྷས་སུ་བརྒྱབ་ནས་ལྷས་དཀྱིལ་ན་འབྲོག་མོ་ཚོས་འབྲི་མོ་བཞོ་བ་དང་། ལུག་རྫི་ཚོ་ཉིན་གུང་དྲོས་ཇ་འཐུང་བར་ལོག་ཡོད་པའི་བར་སྐབས་ཏག་ཏག་ལ། ཨ་མྱེས་ལྷ་རིའི་མགོ་ལ་སྤྲིན་དཀར་གྱི་དུམ་ཞིང་འཇའ་འོད་ཀྱི་གུར་ཁང་དང་ལྷན་སྤྲིན་དཀར་དེ་ལས་སྐས་འཛེགས་རིང་མོ་ཞིག་འགྲམ་གྱི་ལྷ་མོའི་བླ་མཚོ་ནང་འཐེན་པ་དང་། དུས་མཉམ་ཆར་དཀར་རེ་ཟུང་ཡང་སྤྲིན་དཀར་གྱི་གསེང་ནས་རབ་གནས་བྱེད་པ་བཞིན་འཐོར་བས།
རྒྱལ་བ་བསྟན་འཛིན་རྒྱ་མཚོ།།
མི་ཉག་སྐལ་བཟང་།
ཞི་བའི་དེད་དཔོན་ཁྱོད་ཡིན།།
ལྷ་ཡི་ཕོ་ཉ་ཁྱོད་ཡིན།།
འགྲོ་བའི་མགོན་པོ་ཁྱོད་ཡིན།།
བསྟན་འཛིན་རྒྱ་མཚོ་ཁྱོད་ཡིན།
ཁྲི་གདུགས་ཉི་མ་ཁྱོད་ཡིན།།
ངང་པ་སེར་པོ་ཁྱོད་ཡིན།།