འབའ་སྲས།

ཁྱེད་ནི་ཁོ་ཡི་སྙིང་གི་ནོར་བུ་དང་།།
མི་ཚེ་འཚོ་ལམ་བགྲོད་པའི་ལམ་ཁ་ཡིན།།
གལ་སྲིད་ཁྱོད་ནི་རྒྱང་ལ་གྱེས་ཟིན་ན།།
ང་ཡང་འདི་ལྟར་སྡོད་ལ་བློ་མ་སྐྱེས།།

བདག་ལ་མཚོན་ན་ཁྱོད་ནི་ཉི་མའི་འོད།།
དྲོད་དང་དཀར་བའི་འོད་ཆ་ཁྱོད་ཉིད་ལགས།།

དེ་ལས་མང་བ་། “བརྩེ་དུང་གི་སྐད་ཆ།” »

སྦྲ་ནག་ཚང་གི་སྨྱི་ནག

ཕ་ཡུལ་མི་གཅིག་ས་ཐག་རིང་གི །
དགའ་ས་གཅིག་པ་ཡ་ཆུང་སེམས་རེད།།
སྨྲ་ལྕེ་རྒོད་པས་སྨྱི་ཁ་ཆེ་རུང་།།
སྔོན་ལས་འཛོོམས་ས་བཙོ་ཁ་བདེ་ཁམས།།

དགའ་བ་འབུམ་གྱིས་རྟ་ཕོ་ཤོར་ས།།
འཇོ་སྒེག་སྙིང་གི་གཡུ་ཆུང་དྲུག་དཀར།།

དེ་ལས་མང་བ་། “ང་དང་དབང་མོའི་བརྩེ་བ།” »

ཁྲིམས་ལུགས་སློབ་མ། བློ་བཟང་གྲགས་པ།

གྲོགས་པོ་་་་་
ཁྱོད་འདི་ལྟར་ཕྱིན་སོང་།
ཡོད་ཚད་སྟོང་བསམ་འབའ་ཞིག་གི་ལྷན་དུ
ཁྱོད་འདི་ལྟར་ཕྱིན་སོང་།
གྲོགས་པོ་་་་
ཁྱོད་འདི་ལྟར་ཕྱིན་སོང་།

དེ་ལས་མང་བ་། “གྲོགས་པོ་་་་་ཁྱོད་འདི་ལྟར་ཕྱིན་སོང་།” »

ཚེ་རིང་།

ཟླ་སྐར་གྱི་མིག་མདངས་མུན་པས་བཀབ་ཅིང
གློག་སྒྲོན་གྱི་འོད་སྣང་འབྲུག་སྒྲས་བསད་རྗེས་སུ
བསེར་རླུང་གི་རྒྱུ་བ་གྲང་མོ་ཞིག

མུན་ནག་གི་ཀློང་ནས
སུ་ཞིག་གི་ལག་ཟུང་དང་འདྲ་བར
ང་ཡི་མལ་ས་ལ་འཛུལ་ཡོང
ཚ་སྨུག་གི་ངལ་དུབ་ཁྲོད
འདི་ནི་དཀོན་མཆོག་གི་བྱིན་རླབས་དངོས་མ་དེ་ཡིན་ལ

དེ་ལས་མང་བ་། “<>” »

བདག

འདྲ་པར་མི་དགོས་ན་ཟུག་མི་མཁོ་མ་འཇོག་ཁྱོད་ཀྱིས་མཉམ་དུ་ཁྱེར།།
དྲན་པའི་ཚེ་ན་སྐྱོ་འདོད་མི་འདུག་དྲན་ཤིང་ཞེས་པ་དགོས་དོན་མེད།།
ལས་དབང་ཞེས་པ་འདི་འདྲ་ཡིན་ན་དཀོན་མཆོག་ཅེས་པར་མི་དད་ལ།།
བརྩེ་དུང་འབོད་པ་དེ་འདྲ་ཡིན་ན་དགའ་ལོ་མ་ཞིག་མི་ཉག་གོ །

བརྩེ་བ་ཟེར་བར་ཀ་ར་འདྲེས་པ་ཐོག་མའི་ས་བོན་མ་བཏབ་གོང་།།
འཁོར་བ་ཟློ་བར་རླུང་འཚུབ་རྒོད་པ་ཨ་ཉོག་རེ་གཉིས་བཙས་པའི་རྗེས།།

དེ་ལས་མང་བ་། “སེམས་འབུ་ཁྲ་རིས་མ། ཡོད་ཚད་ཁྱེར་རོགས།” »

སེར་ཤུལ་རིན་ཆེན་དོན་གྲུབ།

འདོད་ཆགས་ཞེ་སྡང་ངོས་འཛིན་མི་ཤེས་པའི།།
སྐྱེ་བོ་འགའ་ཞིག་རྨོངས་པས་གཞན་དབང་གིས།།
འདི་དག་སྤང་བྱ་མིན་པར་བསྒྲུབས་སོ་ལོ།།
མཐོང་བས་ཁུང་འཛུམ་ཤོར་བ་སུས་མ་ལྡོག །

འདོད་པ་མེད་ན་རང་དོན་མི་བསྒྲུབ་ཀྱང་།།
འདོད་པ་ཡོད་ཚད་ཆགས་པ་མ་ཡིན་པས།།

དེ་ལས་མང་བ་། “འདོད་ཆགས་ཞེ་སྡང་བླང་བྱ་ཡིན་ཨེ།” »

འབའ་སྲས།

འདོད་ཆགས་ཞེ་སྡང་སྤང་བར་བྱ་འོ་ཞེས།།
གནའ་ནས་དེ་རིང་བར་དུ་བཤད་ན་ཡང་།།
སུ་དང་གང་གིས་མ་སྤངས་རང་རྒྱུད་དུ།།
དམ་དུ་བསྲུངས་པ་འདི་ཡང་རིགས་ཤིང་འོས།།

འདོད་པ་མེད་ན་རང་དོན་ཇི་ལྟར་བསྒྲུབ།།
ཆགས་པ་སྤངས་ཚེ་རྗེས་སུ་ཅི་ཞིག་འཛིན།།
ཞེ་སྡང་བོར་ན་དགྲ་ལ་ཇི་ལྟར་རྒོལ།།

དེ་ལས་མང་བ་། “འདོད་ཆགས་ཞེ་སྡང་སྤང་བྱ་མིན།” »

བཀྲ་ཤིས་དོན་འགྲུབ།

ནུབ་ཁའི་ཉི་མ་དམར་པོ་ལ།།
སྐྱོ་བའི་མདངས་ཤིག་ཆགས་ནས་ཡོད།།
དེ་ལ་སྣང་བ་མ་གཏོད་ཅིག།
དུད་ཞགས་གླིང་ལ་འཁྱིལ་ཡོང་ངོ་།།

བྱང་འགྲོ་རླུང་བུའི་ཕྱག་ཟུང་གིས།།
གཟན་སྣེ་དམར་པོ་བསྐྱོད་ཙམ་བྱེད།།

དེ་ལས་མང་བ་། “སྲོད་ཀྱི་རླུང་བུ། སྲོད་ཀྱི་འདབ་མ།” »

བར་ཕུ་ཕུན་ཚོགས།

ཕ་སེམས་རྒྱུད་དྲང་པོས་གསོས་དང་གཅིག།
མ་བྱང་སེམས་ཅན་གྱིས་བསྐྱངས་དང་གཉིས།།
ནང་མཐུན་སྒྲིལ་ཆེ་བས་སྐྱིད་དང་གསུམ།།
དེ་ཞི་བདེ་ཡོད་པའི་ཁྱིམ་ཚང་ཡིན།།

ལོ་ཆུང་དུས་ངན་ཡང་རྒྱབ་ཏུ་འཁྱེར།།
བུ་ངུ་ལ་དགའ་ཡང་བསུན་སྣང་མེད།།

དེ་ལས་མང་བ་། “གཅེན་པོ།” »

ཁ་བའི་འབྲོག་མོ།

ཡོད་པའི་མཐའ་ལ་དཔྱངས་པའི་རྩེད་རྡོ་ཞིག །
འཇིག་མེད་དངོས་པོའི་སྐྱེས་སུ་ག་ལ་འགྱུར།།
སོམ་ཉིའི་སྐུད་པ་བཏབ་པའི་སྙིང་ཁམས་ན།།
སྤྲིན་གྱི་གཟུགས་རིས་འཛིན་པའི་གདེང་ཞིག་ཡོད།།

དེ་རིང་མ་སྐྱེས་སང་ཡང་མི་སྐྱེ་བའི།།
སེམས་ཀྱི་མེ་ཏོག་བསྐལ་བའི་བར་དུ་བཏབ།།

དེ་ལས་མང་བ་། “འཕྲུལ་གྱིས་བཏེགས་པའི་པིར་དེ་དགུང་ལ་འཁྱུག” »

དོན་འགྲུབ་བཀྲ་ཤིས།

སྐྱེ་རྒུ་མདོ ད་དུང་ཡང་ང་ཚོའི་སེམས་ཁོང་ན་ཡོམ་ཡོམ་འདར་བའི་སྐྱོ་བ་ཞིག ཤ་རུས་ཀྱི་ཁྲག་རྒྱུན་བཞུར་བའི ཕྱི་མའི་འཕྲེང་ལམ་དུ འཆི་བདག་གིས་བཙན་དབང་ཐེབས་པའི ཉམ་ཆུང་གི་ཚེ་སྲོག་དམར་བོ སྐྱི་གཡའ་བའི་ནངས་མོ་དེར་རེ་རེ་བཞིན་འཁྱེར་སོང ས་བདག་གི་མཛུབ་མོ་འགུལ་ཐེངས་གཅིག་གིས ངའི་སྤུན་ཟླ་གྲངས་མེད་ཀྱི་ཚེ་སྲོག་གཞབ་སོང རང་བྱུང་ཁམས་ལ་སྙིང་རྗེ་བྲལ་བ་ཡིན་ནམ

དེ་ལས་མང་བ་། “སྐྱེ་རྒུ་མདོ ད་དུང་ཡང་ང་ཚོའི་སེམས་ཁོང་ན་ཡོམ་ཡོམ་འདར་བའི་སྐྱོ་བ་ཞིག” »

བཀྲ་ཤིས་དོན་འགྲུབ།

བྱང་གི་རླུང་བུ་ལྷོ་ཡི་ལམ་དུ་ཕྱོགས།།
སྤྲིན་པ་ནག་པོས་ཁྲོ་ཞལ་ལན་དུ་སྟོན།།
ཆར་ཐིགས་ཆུ་མོའི་པང་དུ་ལོག་པ་ན།།
མཚོ་མོའི་འཛུམ་གྱིས་སྤྲོ་སྣང་མངར་མོ་བསུ།།

མུན་པས་ཡིད་ཀྱི་སྣང་བ་འཕྲོག་པའི་དུས།།
ཟླ་བའི་ཞལ་རས་འོད་ཀྱི་གསེང་ནས་ཕེབས།།

དེ་ལས་མང་བ་། “སིམ་པའི་ཚོམ།” »

—-འབའ་སྲས་ཀྱིས་འབའ་སྲས་མོར་བྲིས།

ཁྱེད་དང་ངེད་གཉིས་ཕ་ཡུལ་གཅིག་པ་ལས།།
གཤིས་ཤིང་མཛའ་བའི་འབྲེལ་བ་ཅི་ཡང་མེད།།
འོན་ཀྱང་སྒྲུབ་བཞིན་བྱ་བ་རླབས་པོ་ཆེས།།
ཁོ་ཡི་སྙིང་གི་ས་ལ་ཉི་འོད་སྦྱིན།།

ཁྱེད་ཀྱི་ཞལ་རས་མཛེས་པའི་ཉི་ཟེར་གྱིས།།
བདག་ཡིད་མཚན་སྐྱེས་མེ་ཏོག་གད་པ་མིན།།

དེ་ལས་མང་བ་། “རླབས་ཆེ་བའི་བུ་མོ་ཞིག” »