མི་ཉག་ཀུན་དགའ་བཀྲ་ཤིས།
ཁོང་གི་སྐད་ཆར་ཉོན་དང་། མི་འདིས་རྫུན་མ་གཏན་ནས་བཤད་མི་ཤེས། མི་འདིའི་རང་ཚུགས་རི་བོ་ལྟར་བརྟན། རང་ཚུགས་བརྟན་དྲགས་ནས་མཐར་ཁོང་རང་དགའ་སའི་ལས་ཀ་ཡང་རྒྱབ་ཏུ་བསྐྱུར། དེ་དུས་ཁོས་སུ་ཞིག་ལ་འཁང་ར་བྱེད་མ་མྱོང་།
མི་འདིས་གཞན་མགོ་ནམ་ཡང་མི་བསྐོར། ཁོང་གཡོ་སྒྱུ་ཁྲམ་གསུམ་ལ་དགའ་མཁན་ཞིག་ཡིན་ན། ཁོང་སྔ་ས་ནས་རང་འདོད་ཅན་གྱི་བོད་མི་ཚོ་དང་འདྲ་བར། ཁོང་རང་སྒེར་གྱི་བདེ་དོན་ཆེད་ནུབ་ཕྱོགས་ཀྱི་ས་བཟང་ག་གེ་མོ་ཞིག་ལ་སླེབས་ནས་བརྟན་གཞིས་བྱས་ཚར་ཡོད་ངེས།
འཇམ་གཅེས།
དེང་རབས་ཀྱི་ཆབ་སྲིད་པ་དང་། རྒྱལ་ཞེན་པ། བསམ་བློ་བ། རྩོམ་པ་པོ། འཐབ་རྩོད་པ། མི་རིགས་རིང་ལུགས་ཀྱི་ལྟ་གྲུབ་སྨྲ་བ་པོ་སོགས། མདོར་ན་ཡོད་ཚད་ནས་ཡོད་ཚད་ལ་རློམ་མཁན་གྱི་མི་བུ་ཡ་མ་ཟུང་དག་ནི་གཞན་གྱིས་བཀོལ་སྤྱོད་གང་བྱས་ཙམ་ལས། རང་ཉིད་ལ་ལྟ་གྲུབ་ཀྱི་རྒྱབ་ལྗོངས་དང་། ཤེས་ཡོན་གྱི་ཆུ་ཚད། བཟང་སྤྱོད་ཀྱི་རྨང་གཞི། ཉམས་མྱོང་གི་གདེང་སྤོབས། བསམ་བློའི་དཔལ་ཡོན་སོགས་གང་གི་ཆ་ནས་ཀྱང་ལེགས་ཆ་རྡུལ་ཕྲན་ཙམ་ཡང་མེད་ཁར། ད་དུང་རི་རྩེའི་དར་ཅོག་ལྷགས་རླུང་གིས་གཡུག་པ་ཇི་བཞིན་བསམ་སྤྱོད་གཉིས་ཀྱི་
སྐལ་བཟང་སྤེན་པ།
སྲིད་སྐྱོང་ལམ་ལུགས་སྣ་ཚོགས་ཁྲོད། མང་གཙོའི་ལམ་ལུགས་དེ་བཞིན་ལྟོས་བཅས་ཀྱིས་སྤུས་ཚད་ལེགས་པ་ཞིག་ལ་ངོས་འཛིན་བྱེད་བཞིན་ཡོད་པ་ནི་སྨྲོས་མེད་རེད། ལྷག་པར་དུ། དེང་གི་དུས་སུ་སྐྱེ་བོ་མང་པོས་རང་སྲོག་ཀྱང་བློས་གཏོང་གིས། ལམ་ལུགས་དེའི་ཆེད་རྩོད་བཞིན་ཡོད།
འོན་ཀྱང་། ང་ལྟ་བུར་མཚོན་ན། མང་གཙོ་ནི་སྐབས་རེ་རལ་གྲི་སོ་གཉིས་མ་ལྟ་བུ་ཞིག་ལ་མཐོང་གིན་ཡོད། རལ་གྲི་དེ་དཔྱོད་ཤེས་མ་ཐུབ་པའི་བྱིས་པ་ཞིག་གི་ལག་ཏུ་བཞག་ཚེ། རལ་གྲི་གནམ་ལ་འཕྱར་མ་ཤེས་པར་རང་ཉིད་ཀྱི་སྐེ་གཅོད་པའི་ཉེན་ཁ་ཡོད།
དེ་ལས་མང་བ་། “ཆོལ་ཁའི་མིང་འཁྱེར་ནས་སྲིད་སྤྱི་གཉིས་ཀྱི་འོས་མི་མ་འདོན་རོགས།” »
མི་ཉག་ཀུན་དགའ་བཀྲ་ཤིས།
དེང་སང་མི་ཁ་ཤས་ཀྱི་ཁོག་པའི་ནང་ལ་གདོན་ཞུགས་ནས་སྨྱོ་ཧམ་ཆེན་པོས་བོད་རིགས་ནང་ཁུལ་ལ་ཚིག་མཚོན་འདེབས་པ་དང་། རྒྱ་ནག་ལས་ཀྱང་གདུག་རྩུབ་ཆེ་བའི་ཚིག་གི་འཐབ་རྒོལ་གྱི་ཐབས་ལམ་སྤྱད་ནས་དོན་མེད་རང་རེའི་བོད་ཀྱི་སྲིད་སྐྱོང་ལ་ངོ་རྒོལ་གྱི་ལས་གཞི་བརྩམས་ནས་ཐོག་མ་ཉིད་ནས་བརྟན་བརླིང་ཅི་ཡང་མེད་པའི་བཙན་བྱོལ་བོད་མིའི་སྤྱི་ཚོགས་སམ་སྒྲིག་འཛུགས་ཆུང་ཆུང་འདི་ཕུ་དཀྲོག་མདའ་དཀྲོག་བྱེད་པའི་དུས་ངན་གྱི་ཡོ་ལང་རྒྱས་བཞིན་པ་རེད།
བོད་མི་འགའ་ཞིག་ནས་ཤེས་མདོག་གིས་
———ནམ་མཁའ།
གོང་གི་རྩོམ་བྱང་འདི་མཐོང་མ་ཐག་སུས་འཚོ་རྟེན་བྱེད་ཀྱི་འདུག་ཟེར་ནས་ཡིད་ལ་དྲི་བ་ཞིག་དང་། དེའི་མཉམ་དུ་ཁོང་ཁྲོ་ལངས་ངེས་ཡིན། ཡིན་ཡང་ང་ཚོ་ལོ་ཁ་ཤས་ཀྱི་ཡར་སྔོན་ལ་ཕྱིར་སོང་སྟེ། དེ་རིང་གི་གྲོས་ཚོགས་འཐུས་མི་ལས་ཐོག་པ་དང་། སྲིད་སྐྱོང་ལས་ཐོག་པའི་ཆབ་སྲིད་ལྡིང་ཆའི་སྒང་ནས་བཤད་པའི་གཏམ་བཤད་ལ་ཡང་བསྐྱར་ཉན་ཆོག
དེ་ལས་མང་བ་། “བོད་ནང་གི་བོད་མི་ཚོའི་བདེ་སྡུག་ཁྱེད་ཅག་གི་འཚོ་རྟེན་མ་གནང་རོགས།” »
སྐལ་བཟང་སྤེན་པ།
ང་ཚོ་མང་པོ་ཞིག་གིས་རེ་སྒུག་དང་ཚོད་དཔག་བྱས་པ་ལྟར། སྤྱི་འཐུས་ཚོགས་གཙོ་སྤེན་ཚེ་ལགས་དང་ཀླུ་མཁར་བྱམས། སྲིད་སྐྱོང་བློ་སེང་ལགས་རྣམས་ཀྱིས་རང་ཉིད་༢༠༡༦ ལོའི་སྲིད་སྐྱོང་གི་འོས་མིར་བཞེངས་རྒྱུའི་གསར་འགོད་གསལ་བསྒྲགས་རིམ་པས་གནང་སོང་། ལྷག་པར་དུ། ཀླུ་མཁར་བྱམས་ལགས་ཀྱིས་རང་ཉིད་ཀྱི་ཆབ་སྲིད་ཀྱི་བསྒྲགས་གཏམ་བཞི་ཡང་མིག་ཆུ་དང་ལྷན་དུ་ཕྱིར་བསྒྲགས་གནང་སོང་། ཁོང་གིས་གནང་བའི་ཆབ་སྲིད་ཀྱི་བསྒྲགས་གཏམ་དེས་བདག་ལ་སྟོང་བསམ་ལྟ་བུའི་ཚོར་སྣང་ཞིག་རང་བཞིན་གྱིས་སྦྱིན་སོང་ཡང་།
དེ་ལས་མང་བ་། “༢༠༡༦ ལོའི་སྲིད་སྐྱོང་གིས་གདོང་ལེན་གནང་དགོས་པའི་གནད་དོན་འགའ།” »
དཔལ་ཆེན་དོན་གྲུབ།
རྒྱ་གར་གྱི་བོད་ཀྱི་སྤྱི་ཚོགས་ཆུང་ཆུང་དེའི་ནང་ནས་སྤྱི་འཐུས་ཀྱི་ས་མིག་བུད་མེད་ལ་དམིགས་བསལ་གྱིས་བཀོད་སྒྲིག་བྱས་ཡོད་པ་ནང་བཞིན་བཙན་བྱོལ་བོད་མིའི་སྒྲིག་འཛུགས་ཀྱི་ལས་ཁུངས་ཁག་གི་དྲུང་ཆེ་ལས་གནས་སུའང་བུད་མེད་ཀྱི་ས་མིག་དམིགས་བསལ་གྱིས་བཀོད་སྒྲིག་བྱེད་དགོས་པའི་བསམ་ཚུལ་བྱུང་བ་རེད། བསམ་ཚུལ་འདི་ལས་སླ་བོ་ཞིག་མ་རེད། ཧ་ཅང་ཤུགས་རྐྱེན་ཆེ་བ་མ་ཟད། བསམ་ཚུལ་འདོན་མཁན་ཚོའི་སྣང་ངོར་བདེན་པ་དང་ཡང་དག་པའི་རེ་འདུན་ཞིག་ཡིན་པ་འདྲ། བཙན་བྱོལ་བོད་གཞུང་དཔལ་འབྱོར་ལས་ཁུངས་ཀྱི་གོ་སྒྲིག་འོག་
དོ་རྒྱ་དགེ་བཤེས།
ཉེ་ཆར་རེབ་གོང་གཙོ་བོར་བྱས་པའི་མདོ་སྨད་ཕྱོགས་ནས་ཀླུ་རོལ་དུས་ཆེན་ལྷ་ཀླུ་མི་གསུམ་གྱིས་དགའ་བའི་དཔལ་ལ་རོལ་བའི་ནང་དོན་ཕུན་སུམ་ཚོགས་པ་ཞིག་བརྩི་སྲུང་བྱས་པར་ཡིད་སྤྲོ་དགས་བརྟས་པའི་མོད་ལ། དྲ་ལམ་དག་ན་དེའི་སྐབས་ཀྱི་ལུགས་སྲོལ་རྗེས་ལུས་ཡིན་ཚུལ་དང་། རྨོངས་དད་ཡིན་ཚུལ། དཔེ་ཨ་ཕི་རི་ཀར་བཞག ལུང་རྒྱ་གར་ཡུལ་ལ་གཏུགས། སྲོལ་རྒྱ་ནག་ཡུལ་ལ་བཞག འགྲེལ་རྒྱ་སེར་ཡུལ་ནས་བྱས་པ་ཁ་ཤས་དྲ་ལམ་དུ་མཐོང་རྒྱུ་ཡོད་པ་དག་ལ་ལན་དུ་བཟློ་བ།
ཨ་རིག་འགྱུར་མེད།
ངས་ཉེ་ལམ་ནས་ས་ཁྲ་ཞིག་རྙེད། ས་ཁྲ་དེར་ལྐོག་ཇུས་མཁན་པོ་ཡོད་མེད་ཇི་ལྟར་ཡང་། དེའི་ལམ་སྣེ་ད་ལྟ་ནས་མཐོང་ཐུབ། ས་ཁྲ་དེ་ནི་སྲིད་སྐྱོང་སྟེགས་བུའི་ས་ཁྲ་ཞིག་ཡིན་ལ། ད་ལྟའི་ཆར་མི་སུ་དང་གང་ཡིན་རུང་སྐབས་རྗེས་མའི་སྲིད་སྐྱོང་ལ་སུ་ཞིག་བསླེབས་ཐུབ་མིན་ལ་བློ་རྩེ་སྒྲིམ་བཞིན་པ་མ་གཏོགས། སྲིད་སྐྱོང་སྟེགས་བུར་ཇི་ལྟར་བསླེབས་ཐུབ་མིན་གྱི་ས་ཁྲ་བཟོ་ཐུབ་ཀྱི་མེད།
ཡིན་ནའང་། གློ་བུར་དུ་ཀླུ་མཁར་བྱམས་ཡར་ཡར་འདེད་མཁན་གྱིས་མི་སྐོར་ཞིག་བསླེབས་བྱུང་།
འབྲི་སྐལ་ལྡན།
དེང་སྐབས་དགའ་འོས་པ་ཞིག་ལ་བོད་མི་ཚོས་མང་གཙོའི་ལམ་དུ་དངོས་སུ་འཇུག་སྟེ་རང་རང་བློ་ལ་བབས་པའི་ 2016 ལོའི་སྲིད་སྐྱོང་རེ་འཚོལ་བཞིན་པ་ལྟར། གུས་པ་རང་ཉིད་ཡང་དགའ་གུས་སྤྲོ་གསུམ་གྱི་སྒོ་ནས་དོ་སྣང་དང་ངལ་བ་མི་ཉུང་བ་ཞིག་བྱས་ཀྱང་བཀྲ་སེང་གཉིས་ལས་གཞན་པའི་འོས་འཚམས་ཀྱི་སྲིད་སྐྱོང་ཞིག་འདི་ལོར་རྙེད་མ་སོང་། གཅིག་བྱས་ན་རང་ཉིད་ཤེས་ཚད་ཞན་དྲགས་པ་དང་མཐོང་རྒྱ་ཆུང་དྲགས་པས་ཡིན་རྒྱུ་རེད། གང་ལྟར་སྤྱི་ཚོགས་འདིའི་ཁྲོད་ནས་མིག་མདུན་དུ་ལམ་ལམ་ཤར་ཡོང་བ་ནི་འཇོན་ཐང་གི་དཔུང་པ་བསྡུར་ཏེ་ཡོང་སྐབས།
དེ་ལས་མང་བ་། “སྟོང་ལོ་གཉིས་པའི་གནམ་ལོ་བཅུ་དྲུག་ལོའི་སྲིད་སྐྱོང་འཚོལ་བ།” »
ཤར་ཕྱོགས་ཁུག་རྟ།
སྔོན་གླེང།
སྲིད་སྐྱོང་བློ་བཟང་སེང་གེ་ལགས་ལ་ཁོང་ཉིད་ཡང་བསྐྱར་སྲིད་སྐྱོང་ཐོབ་རྒྱུར་ཐུགས་ཁྲལ་ཆེན་པོ་ཡོད་པའི་སྐབས་འདིར། རྒྱུད་ལམ་ཁག་ནས་ཁོང་གི་རྒྱབ་སྐྱོར་བ་གླེན་པ་ཁ་ཤས་དང། གཞན་༧གོང་ས་མཆོག་ལ་མཚན་སྨོད་ཞུ་མཁན་གྱི་དམ་ཉམས་རང་བཙན་རྩོད་པར་ཁས་འཆེ་བའི་ཧུར་བརྩོན་ཅན་ཁ་ཤས་ཀྱིས། ང་ཤར་ཕྱོགས་ཁུག་རྟ་ནས་མགོ་བཙུགས་ཏེ་བློ་བཟང་སེང་གེ་ལགས་ལ་སྐྱོན་བརྗོད་བྱེད་མཁན་ཚོ་འདྲེ་ཡིན་རབ་དང།
སྤྱན་ཆེན་པོ།
ད་སྐབས་དྲ་རྒྱའི་བརྒྱུད་ལམ་ཁག་ན་འུར་དང་ཤེད་ཀྱིས་གླེང་བཞིན་པ་ནི་༢༠༡༦ལོའི་སྲིད་སྐྱོང་སུ་ལ་འཐོབ་མིན་དེ་རེད། དེ་ཡང་ཉེ་སྔོན་སྐལ་བཟང་སྤེན་པ་ཟེར་བ་ཞིག་གིས་༼༢༠༡༦ལོའི་སྲིད་སྐྱོང་གི་ཞབས་སྟེགས་སུ་ལ་འཐོབ་སྲིད་དམ་༽ཞེས་པའི་རྩོམ་ཡིག་ཅིག་བྲིས་འདུག་ལ་རྩོམ་ཡིག་དེའི་ནང་བློ་སེང་གི་ཕྱོགས་ལ་ཞིབ་འཇུག་བྱེད་མ་ཐུབ་པའམ་ཡང་ན་བློ་སེང་གི་ངོ་གདོང་ངོ་མ་དེ་སྔོག་མ་ཐུབ་པར་༢༠༡༦ ལོའི་སྲིད་སྐྱོང་དེ་བློ་བཟང་སེང་གེ་ལ་འཐོབ་པའི་སྔོན་དཔག་ལྟར་
དེ་ལས་མང་བ་། “༢༠༡༦ལོའི་སྲིད་སྐྱོང་གི་ཞབས་སྟེགས་བློ་བཟང་སེང་གེ་ལ་འཐོབ་མི་སྲིད།” »
འབྲོང་ངུར་ཕོ་ཉ།
ཉིན་འདི་དག་གི་རིང་ངས་དུས་ཚོད་ནམ་བྱུང་དྲྭ་ལམ་དུ་མིག་ཟུང་གཡོ་ཙམ་རེ་བྱེད་ཅིང་ཡོད། དེ་ནི་རྒྱུ་མཚན་གཞན་མིན་པར་བདག་དང་སེམས་ལྡན་ཡོད་དོ་ཅོག་གི་འདྲེན་པ་བླ་ན་མ་མཆིས་པ་གོང་ས་སྐྱབས་མགོན་ཆེན་པོའི་གྱ་སྟོན་གནས་ཚུལ་རྣམས་ཤེས་འདོད་པས་ཡིན། མདོར་ན་ཡོད་ཚད་ནས་ཡོད་ཚད་བཀྲིས་བདེ་ལེགས་ཤ་སྟག་རེད་འདུག་པར་སེམས་དབུས་ནས་ཕྱུར་བའི་དགའ་སྤྲོ་འདི་མཚོན་ཐབས་བྲལ་ཞིང་ངག་གི་ལམ་ནས་འགྲེལ་བརྗོད་ཀྱང་མི་ཐུབ། དེ་ནི་ང་ཙམ་མ་ཟད་བོད་མི་ཡོད་ཚད་ཀྱི་སེམས་ཚོར་གཅིག་པ་ཡིན་པར་ངོས་འཛིན་བྱེད་ཀྱི་ཡོད།
དེ་ལས་མང་བ་། “ཚོར་བ་ཙམ་དང་མིག་རྒྱང་ཐུང་བའི་ཅ་ཅོ་སྨྲ་བ་ནི་ནམ་ཡང་ཕན་ལས་གནོད་ཆེ།” »
མི་ཉག་ཀུན་དགའ་བཀྲ་ཤིས།
གནའ་གཏམ་ཁྲོན་པའི་སྦལ་པར་སྦྱར་བའི་༢༠༡༦ ལོའི་བོད་ཀྱི་སྲིད་སྐྱོང་འོས་བསྡུ་ཆེན་མོ།
འཆར་ལ་ཉེ་ཞིང་། ད་ལྟ་འཁྲུག་ཆ་ཧ་ཅང་དོད་པའི་ ༢༠༡༦ ལོའི་སྲིད་སྐྱོང་འོས་བསྡུ་ལས་འགུལ་འདི་དྲྭ་རྒྱ་སོགས་དེང་དུས་ཀྱི་སྤྱི་ཚོགས་བརྒྱུད་ལམ་འདྲ་མིན་ཁག་ཏུ་མཐོང་དུས། གནའ་མིའི་གཏམ་དཔེ། ཁྲོན་པའི་ནང་གི་སྦལ་པ་ཞེས་པ་དེ་སེམས་ལ་དྲན་འོང་། གཏམ་དཔེ་འདི་ངས་སྲིད་སྐྱོང་གི་འོས་བསྡུ་ལ་སྦྱར་ནས་བཤད་ན། འདི་འདྲ་ཞིག་ཅི་ནས་ཀྱང་རེད།
དེ་ལས་མང་བ་། “༢༠༡༦ ལོའི་བོད་ཀྱི་སྲིད་སྐྱོང་འོས་བསྡུ་ཆེན་མོ།” »
གཙང་ཞོལ་བདེ་གསལ།
རང་རང་སོ་སོའི་རིང་ལུགས་ལ་གཟི་བྱིན་བསྒྲུབས་པའི་ཤུགས་ཀྱིས་གཅིག་ཤོས་རིམ་གྱིས་བག་ལ་ཞ་བར་གྱུར་མོད། ཅེས་མཁས་གྲུབ་ཆེན་པོ་འཇམ་དབྱངས་མཁྱེན་བརྩེའི་དབང་པོས་སྤྱིར་སངས་རྒྱས་བསྟན་པ་དང་སྒོས་བོད་ཀྱི་ས་དགེ་བཀའ་རྙིང་དང་ཇོ་ཞལ་བོ་དོང་སོགས་ཆོས་བརྒྱུད་ཁག་གི་འཕེལ་འགྲིབ་ལ་དཔྱད་འཇོག་གིས་གསུངས་པ་ཞིག་ཡིན་ལ། ལུང་དེས་རིག་གཞུང་སྣ་མང་གི་སྐྱེ་རྒ་ན་འཆི་འམ་འཇིག་རྟེན་གྱི་ཆོས་ཉིད་ཀྱང་སྟོན་གྱི་ཡོད། དེའི་ཕྱིར་སྟོབས་སུ་ཆེ་དང་རྒྱུད་འཛིན་སུ་མང་གིས་ཆོས་བརྒྱུད་ཀྱི་མཚོན་པའི་རིག་གནས་སྣ་མང་གི་དར་རྒུད་དང་འགྲན་
དེ་ལས་མང་བ་། “ཇོ་ནང་པའི་ཆོས་བརྒྱུད་དང་འབྲེལ་བའི་སྐད་ཆ་འགའ།” »
བྱ་སྨྱོན་པ།
བོད་ནང་གི་མེ་སྲེག་ལས་འགུལ་ཁྲོད་དུ། ཚེ་སྲོག་གང་མང་ཤོར་སོང་བ་དང་། དེ་དག་གིས་འབོད་པ་དང་རེ་བ་ཡང་གཅིག་མཚུངས་ཀྱིས་བསྒྲགས་པ་རེད། ལས་འགུལ་འདི་བྱུང་སྟངས་དང་དེའི་རྒྱབ་ལྗོངས་ལ་བལྟས་ཚེ། ཐབས་ཟད་འུ་ཐུག་གི་གནས་སུ་གྱར་བ་རེད་ཞེས་བཤད་ཆོག་སྟེ། ཆོས་ལུགས་དད་མོས་དང་། རིག་གནས་འདུ་ཤེས། འཚོ་བའི་གོམས་སྲོལ་སོགས་དང་མི་མཐུན་པའི་ཆབ་སྲིད་དབང་སྒྱུར་གྱིས་ད་ལྟའི་གནས་སྟངས་ཀྱི་ཚད་འདི་ལ་ལྷུང་གི་བཅུག་པ་རེད།
དེ་ལས་མང་བ་། “མེ་སྲེག་ལས་འགུལ་དང་འབྲེལ་བའི་སེམས་ཚོར་ཐུང་ངུ་།” »
བློ་གྲོས་རབ་བརྟན།
ང་ལང་རྒྱུ་ཡིན། ཚང་མ་ལང་ཡོང་གི་འདུག གཡས་ནས་སྤྱི་འཐུས་ལང་ཡོང་གི་འདུག གཡོན་ནས་སྲིད་སྐྱོང་ལང་ཡོང་གི་འདུག ག་རེ་བྱས་ནས་ང་མ་ལང་བ་རེད། ག་རེ་ཁྱད་པར་ཡོད་རེད། ཁོང་ཚོ་དང་ང་གཅིག་པ་རེད། ཁོང་ཚོ་ལངས་ཐུབ་ན། ང་ག་རེ་བྱས་ནས་ལང་མ་ཐུབ་པ་རེད། ང་ངེས་པར་དུ་ལང་འཐུབ་དགོས་པ་རེད།
རེད། ལང་དགོས། བརྒྱུག་དགོས། སྤྱི་འཐུས་ཀྱི་ཆེད་དུ་ལང་དགོས་ལ་བརྒྱུག་ཀྱང་ལོས་དགོས། བརྒྱག་མ་ཐུབ་ན་གང་ནས་ཐོབ། ཐོབ་དགོས་པ་རེད། བསླེབ་ས་དེར་བསླེབ་དགོས། བསླེབ་ཐུབ་པའི་ཆེད་དུ་མི་རྒྱུ་ག་ཚད་གཏོང་དགོས་ན་གཏོང་རྐྱང་ཡིན།
ནམ་མཁའ།
དུས་རབས་ཉི་ཤུའི་ལོ་རབས་༥༡ ནས་འཛམ་གླིང་སྟེང་༼འགྲོ་བ་མིའི་ཐོབ་ཐང་༽ཞེས་ཡོངས་སུ་ཁྱབ་བསྒྲགས་བྱས་པ་ནས་བཟུང་། ཨ་རི་དང་ཡོ་རུབ་གཉིས་གཙོ་བྱས་ཏེ་སྲིད་འཛིན་ཚོས་ཁ་ནས་དང་པོ་ཐོན་པའི་ཚིག་འགྲོ་བ་མིའི་ཐོབ་ཐང་ཟེར་བ་དེ་རེད། ཡིན་ན་ཡང་དོན་ངོ་མར་ཁོང་ཚོ་འགྲོ་བ་མིའི་ཐོབ་ཐང་ཟེར་བ་དེ་དགོས་ཀྱི་ཡོད་དམ།
སྐལ་བཟང་སྤེན་པ།
དེ་སྔོན་དང་མི་འདྲ་བར་དེང་གི་དུས་འདིར་དྲ་བའི་མཐུན་རྐྱེན་མི་ཉུང་བ་ཞིག་ཡོད་སྟབས། མཐུན་རྐྱེན་དེ་རིགས་སྤྱད་དེ་རང་རིགས་སྤུན་ཟླ་མི་ཉུང་བ་ཞིག་གིས་༢༠༡༦ ལོའི་སྲིད་སྐྱོང་གི་འགྲན་རྩོད་དང་འོས་མི་ཚོའི་སྐོར་ལ་གནས་ལུགས་ཡོད་མེད་སྣ་ཚོགས་ཀྱི་སྒོ་ནས་བསམ་ཚུལ་མི་ཉུང་བ་ཞིག་སྤེལ་བཞིན་ཡོད། དེའི་དབང་གིས་སྲིད་སྐྱོང་འོས་འདེམས་དེ་ཡང་རང་བཞིན་གྱིས་འཁྲུག་ཆ་དོད་པོ་ཞིག་ཆགས་ངེས་ཡིན། ལྷག་པར་དུ། སྐད་འཕྲིན་དང་ངོ་དེབ་གཉིས་ནི་ང་ཚོས་སྤྱོད་གོ་ཆོད་ཤོས་སུ་རྩིས་ཏེ་དྲ་ལམ་དེ་གཉིས་ཐོག་རང་ཉིད་ཀྱི་དགའ་ཕྱོགས་འོས་མིར་བསྟོད་ར་དང་།
དེ་ལས་མང་བ་། “༢༠༡༦ ལོའི་སྲིད་སྐྱོང་གི་ཞབས་སྟེགས་སུ་ལ་ཐོབ་སྲིད་དམ།” »
ནམ་མཁའ།
སྤྱིར་བཏང་རྒྱ་ནག་རྒྱལ་ཁབ་འདི་ནང་པའི་རྒྱལ་ཁབ་ཞིག་ཡིན་ལ། མ་ཟད་རིག་གཞུང་རྒྱ་ཆེན་པོ་ཡོད་པའི་མི་རིགས་ཞིག་ཀྱང་ཡིན་པ་ང་ཚོས་ཤེས་དགོས་པ་རེད། འོན་ཏེ། ཐབས་སྐྱོ་བ་ཞིག་ལ། གུང་ཁྲན་ཏང་གིས་དབང་བསྒྱུར་བྱས་པ་ནས་བཟུང་ལྷ་མེད་སྨྲ་བའི་མི་ཆོས་ཁོ་ན་དོན་གཉེར་ཅན་གྱི་མི་རིགས་ཞིག་ཏུ་གྱུར་བ་རེད། ངས་འདིར་གསལ་བཤད་བྱེད་འདོད་པ་ཞིག་ལ། རྒྱ་ནག་གི་སྐམ་ས་ཆེན་མོའི་རྒྱ་རིགས་ཡོད་ཚད་འདི་འདྲ་རེད་ལབ་ཀྱི་མེད།
དེ་ལས་མང་བ་། “གུང་ཁྲན་ཏང་གིས་བསླབས་པའི་རྒྱ་ནག་གི་ཀུན་སྤྱོད།” »