གནས་མེད།

 
ཉེ་ཆར་༧གོང་ས་མཆོག་གིས་རྒྱ་གར་རྡོ་རྗེ་གདན་དུ་གནང་བའི་དུས་དབང་ཐེངས་སོ་བཞི་བ་དེར་ང་རང་བཅར་རྒྱུ་མ་བྱུང་ཡང་། ཕྱི་ལོ་༢༠༠༦ ལོར་དུས་འཁོར་དབང་ཆེན་ཐེངས་སུམ་ཅུ་བ་གནང་ཡུལ་རྒྱ་གར་ལྷོ་ཕྱོགས་ཀྱི་ཨ་མར་ཝ་ཏི་ཞེས་པར་ང་རང་ཡང་བསྐྱོད་ཐུབ་ཡོད་ཅིང་། དེར་༧གོང་ས་སྐྱབས་མགོན་ཆེན་པོ་མཆོག་གི་ཞལ་མཇལ་གསུང་ཐོས་ཀྱི་སྐལ་བཟང་མི་དམན་པ་ཞིག་ཐོབ་པར་གྱུར། ས་གནས་དེར་རྒྱལ་ཁབ་མི་འདྲ་བ་ཁག་བདུན་ཅུ་ཙམ་ནས་ཆོས་ཞུ་བ་ཕེབས་འཛོམས་བྱུང་ཡོད་སྐད་འདུག་པ་དང་། མི་ཚོགས་ཀྱི་གྲངས་འབོར་ཐད་ནས་འགའ་ཞིག་གིས་འབུམ་ཕྲག་གཉིས་ལྷག་དང་། ཡང་ཁག་ཅིག་གིས་མི་འབོར་འབུམ་ཕྲག་གསུམ་ལྷག་ཡོད་ཚུལ་བརྗོད།

དེ་ལས་མང་བ་། “དུས་འཁོར་དབང་ཆེན་གྱི་སྐབས་ལས་འཕྲོས་པའི་གཏམ་རྙོག་ཐུང་ངུ་།” »

ཤར་ཕྱོགས་ཁུག་རྟ།

 
བཞུགས་སྒར་ངྷ་སའི་བོད་མི་ཚོ་དུས་འཁོར་དབང་ཆེན་ལ་ཆས་པས། ཉིན་རེ་ནས་ཉིན་རེར་༸གོང་ས་ཐམས་ཅད་མཁྱེན་པའི་བཞུགས་སྒར་སྟོང་སེང་ངེར་འགྲོ་ཡི་ཡོད་པའི་རྣམ་པ་འདིས། ང་ལ་བྱིན་པའི་བསམ་གཞིགས་ཧ་ཅང་ལྕི་ནའང་། སྐབས་བབ་བརྗོད་འདོད་པ་ནི་དུས་དབང་དང་འབྲེལ་བའི་རང་ཉིད་ཀྱི་སེམས་ཁྲལ་ཁག་ཅིག་ཡིན།

ཚང་མས་མཁྱེན་གསལ་ལྟར། ད་ལོའི་དུས་འཁོར་དབང་ཆེན་ཞུ་བ་པོ་ནི་བཀའ་ཤག་སྟེ། སྲིད་སྐྱོང་བློ་བཟང་སེང་གེས་དབུ་ཁྲིད་པའི་སྐབས་ ༡༤ པའི་བཀའ་ཤག་ཡིན་ཞིང་།

དེ་ལས་མང་བ་། “༄༅།། དུས་འཁོར་དབང་ཆེན་དང་ངའི་སེམས་ཁྲལ།” »

རྫ་ཚེ་རིང་བཀྲ་ཤིས།
 

གཅིག༽

མཚན་ལ་ལེགས་མཐོང་ཞུ་བ་ཞིག་གིས་དུས་དྲན་བྱེད་དང་མི་བྱེད་གནས་ལུགས་ཤེས་མིན་ལ་ལྟ་བ་གལ་ཆེ། ཞེས་པ་ཞིག་བྲིས་ནས་བོད་པ་ཚོས་ཡེ་ཤུའི་འཁྲུངས་སྐར་ལ་སྲུང་བརྩི་མི་བྱེད་པ་ནི་གནས་ལུགས་དང་གནད་འགག་གང་རུང་ཞིག་མ་ཤེས་པ་ཡིན་པ་ལྟར་བཤད་འདུག དེ་ནི་ནོར་བ་རེད། མ་གཞི་བསམ་ཚུལ་གྱི་ཡིག་ཕྲན་འདིར་ནོར་བ་གཅིག་རྗེས་གཉིས་མཐུད་དུ་བྱུང་འདུག

དེ་ལས་མང་བ་། “ཡེ་ཤུའི་དུས་ཆེན་ནི་གུས་ཞབས་ཀྱི་གནད་དོན་ཙམ་མིན།” »

སྐྱོ་བྲག་དགའ་དབང་།

 
སྤྱིར་སྐྱེས་སྐར་གྱི་དུས་སྟོན་བྱེད་པའི་སྲོལ་ལུགས་གནའ་ནས་ཡོད་ནའང་། དིང་སང་ཡེ་ཤུས་པའི་ཤུགས་རྐྱེན་ལྟ་བུས་རྒྱ་ཁྱབ་ཏུ་འགྲོ་བཞིན་པའི་སྐབས་འདིར། ང་ཚོ་ནང་པ་སངས་རྒྱས་པ་རྣམས་ལའང་། སྟོན་པ་སངས་རྒྱས་ཀྱི་འཁྲུངས་སྐར་ནི། ངེས་པར་དུ་ཡོད་དགོས་པ་ཞིག་ཡིན་ནའང་། ད་བར་གཅིག་གྱུར་གྱི་དུས་སྟོན་ཞིག་མེད་པ་རེད།

མེད་པའི་རྒྱུ་མཚན་གང་ལ་ཐུག་པ་ནི། ནང་པ་སྤྱི་སྲོལ་གྱི་སངས་རྒྱས་ཀྱི་འཁྲུངས་ཚེས་གཅིག་གྱུར་ཞིག་མེད་པ་འདི་རེད།

དེ་ལས་མང་བ་། “སངས་རྒྱས་ཀྱི་འཁྲུངས་སྐར།” »

གསལ་ལེ་རྒྱལ།

 
སྤྲུལ་སྐུའི་ལམ་ལུགས་ཀྱིས་ང་ཚོར་ཕན་ཐོགས་བསྒྲུབས་པ་ལས་གནོད་སྐྱོན་བཟོས་བ་མང་བས་ན། ལམ་ལུགས་འདི་མེད་པར་གཏོང་དགོས་ཞེས་བཤད་མཁན་ཇེ་མང་རེད། དེའང་ལམ་ལུགས་འདི་མེད་པར་གཏོང་དགོས་བའི་རྒྱུ་མཚན་ནི་སྤྲུལ་སྐུ་རྫུན་མ་ཚོས་ལམ་ལུགས་འདི་དཔལ་འབྱོར་འཚོལ་སྒྲུབ་ཀྱི་ལམ་ལུགས་སུ་བསྒྱུར་ཏེ། རང་རང་གི་བླ་བྲང་ཇེ་ཕྱུག་དང་གཉེན་ཉེ་དང་གྲོགས་པོ་གྲོགས་མོ་རྣམས་ལས་མི་གཞན་པར་སེམས་ཅན་གྱི་འདུ་ཤེས་མེད་པར་ལོག་ཆོས་སྤེལ་ཡུལ་འབའ་ཞིག་ཏུ་བསམ་ནས་ལོག་ཆོས་སྤེལ་གྱིན་འདུག་ཟེར་བ་དེ་རེད། སྤྲུལ་སྐུ་དངོས་མ་རྣམས་མེད་པར་གཏོང་དགོས་མིན་མི་ཤེས་ལ། མེད་པར་གཏོང་ཐུབ་མིན་ཡང་མི་ཤེས།

དེ་ལས་མང་བ་། “ད་ཚང་མས་རྩེད་མོ་འདི་མཚམས་འཇོག་པྭ།” »

རྫ་ཚེ་རིང་བཀྲ་ཤིས།

 
སྐད་ཆ་དྲང་མོ་བཤད་ན། ནམ་རྒྱུན་རྒྱ་ནག་གི་གཞུང་ཚབ་ཚོས་འཆར་གཞི་བཞག འགྲོ་སོང་བཏང་ནས་ཕྱི་སྡོད་བོད་པ་ཚོ་ཁོང་ཚོའི་མཛད་སྒོར་སྐད་གཏོང་གི་ཡོད་པ་རེད། ཁོང་ཚོས་ཕྱིས་བཞུགས་བོད་པ་ཚང་མ་ཏཱ་ལའི་རུ་ཚོགས་ཀྱི་ཚོགས་མི་མིན་པའི་རྣམ་པ་ཞིག་མངོན་ཐབས་བྱེད་ཀྱི་ཡོད། དེ་གཅིག་རེད། དེ་ནས་ཁོང་ཚོས་ཏཱ་ལའི་རུ་ཚོགས་ནི་ཁ་བྲལ་རང་ལུགས་པ་རེད། ཁོང་ཚོའི་གཏམ་སྤྱོད་ཀྱིས་རྒྱ་ནག་མི་མང་དུང་ཕྱུར་བཅུ་གསུམ་གྱི་སེམས་ལ་རྨ་ཁ་བཟོ་གི་ཡོད་རེད་ཅེས་སྒྲོག་གིན་ཡོད། ཐ་ན་ནུབ་ཕྱོགས་པའི་མི་སྣ་གྲགས་ཅན་ཞིག་༧གོང་ས་མཆོག་དང་མཇལ་ན་ཡང་རྒྱ་ནག་མི་མང་གི་སེམས་ལ་རྨ་ཁ་བཟོས་སོང་ལབ་ཀྱི་ཡོད།

དེ་ལས་མང་བ་། “ཨ་རིའི་བོད་རྒྱ་མཉམ་འཛོམས་ཐད་ཀྱི་བསམ་ཚུལ་ཉུང་ངུ་།” »

ཤར་ཕྱོགས་ཁུག་རྟ།

 
གསར་འབྱོར་བོད་མི་ཚོའི་བློས་གཏོང་ལ་བདག་པོ་བསྐྱོན་ཕྱོགས་ཐད་དབུས་བོད་མིའི་སྒྲིག་འཛུགས་ཀྱིས་ཡང་དག་པའི་སྲིད་བྱུས་ཤིག་འཛིན་དགོས་པར་སུ་ལའང་རྩོད་པ་མེད། གསར་འབྱོར་ཕལ་མོ་ཆེ་ལྟོ་གོས་ཁུངས་མ་འཁྱོལ་བར་བཙན་བྱོལ་དུ་ཕེབས་པ་མིན་པའང་གསལ་བོ་ཆགས་ཟིན། ལྷག་པར་ས་བྱི་ཞི་རྒོལ་ཆེན་མོའི་རྗེས་བོད་དུ་ཕྱིར་ལོག་འགྲོ་བ་དང་བོད་ནས་ཚུར་བཙན་བྱོལ་དུ་ཡོང་མཁན་གཉིས་ཀའི་གྲངས་ཀར་ཧེ་བག་བླ་ལྷག་ཏུ་ཤོར་ཟིན་པས། མ་འོངས་ལོ་བཅུ་དང་ཉི་ཤུའི་རིང་བོད་ཕྱི་ནང་གི་བོད་མིའི་འབྲེལ་བའི་གནས་སྟངས་ལ་འགྱུར་བ་ཡོང་གཞི་ཞིག་ཆགས་ཡོད་ལ།

དེ་ལས་མང་བ་། “སྐར་རྟགས་ཅན་གྱི་དྲི་བ་གསར་འབྱོར་བོད་མི།” »

ཨ དོན་ཉི།
—–ཀླུ་སྨྱོན་ལ་བྲིས་པ་ཡིན།

 
སྤྱིར་བཏང་བྱས་ན་ང་ཀླུ་སྨྱོན་ལགས་ཀྱི་སྙན་ངག་གཙོས་རྩོམ་ཡིག་རྣམས་ཀློག་རྒྱུར་དགའ་བོ་བྱེད་མཁན་ཞིག་ཡིན། འོན་ཀྱང་ད་ཐེངས་ཀྱི་ཁོའི་རྩོམ་དེ་དྲང་བོ་ཞིག་གཏན་ནས་མ་རེད། ཀླུ་སྨྱོན་ལགས་ཀྱིས་”ཡང་གཅིག་བསྲེགས་འདུག ང་ཚོ་ལྟད་མོ་བ་ཡིན་ནམ།” ཞེས་པའི་རྩོམ་ཐུང་དེའི་མགོ་རྔ་བར་གསུམ་ན་ཧ་ཅང་ཚད་ལས་བརྒལ་བའི་ཚིག་འགྲོས་མང་བོ་ཡོད། དེ་ལ་ཀླུ་སྨྱོན་རང་ངོས་ནས་ཀྱང་གསལ་བཤད་ཚིག་གསུམ་ཞེས་པ་ཞིག་སྤེལ་ནས་རྒྱལ་བ་རིན་པོ་ཆེ་ཚང་ལ་མཚན་སྨོད་བྱས་མེད་རབས་བཤད་དེ་རང་གིས་རང་ཉིད་དཀར་བོ་ཡིན་བཟོ་བསྟན་འདུག

དེ་ལས་མང་བ་། “ཁྱེད་ཀྱིས་བོད་པ་དཀྱུས་མ་ཚོར་ངན་པ་བཤད་མི་ཆོག” »

ཨ་ནུ་ཐང་བསོད་ནམས།

ཁྲོ་རྒན་གྱིས་རྒྱ་ནག་གིས་ང་ལ་འཇིགས་སྣང་སྐུལ་བར་ཉན་འདོད་མེད་པས་རྒྱ་ནག་གཅིག་གི་སྲིད་ཇུས་དེ་འཇུག་སྐྱོང་དགོས་མིན་ནི་ད་དུང་ངས་མི་ཤེས་ཤིང་། དེ་ལྟར་བྱེད་དགོས་མིན་ནི་རྒྱ་ནག་གིས་ད་ལྟ་བཞིན་མུ་མཐུད་དུ་ཨ་རི་ལ་མགོ་སྐོར་བཏང་ནས་ཆབ་དཔལ་གྱི་ཁེ་ཕན་མ་བླངས་བ་ཨ་རི་ལ་ཚོང་དང་བྱང་ཀོ་རིའི་གནད་དོན། དངུལ་གྱི་མཛའ་ཐང་སོགས་ལ་དྲང་བདེན་གྱི་ལས་དོན་སྒྲུབ་མིན་ལ་ལྟ་དགོས་ཞེས་ཝ་ཡི་གསར་ཁང་ལ་ཁ་སང་གཟའ་ཉི་མའི་ཉིན་བརྗོད་བཞིན་འདུག་པས།

དེ་ལས་མང་བ་། “ཁྲོ་རྒན་གྱིས་རྒྱ་ནག་ལ་གནོད་ཤུགས་སྤྲད་ནས་གྲོས་མོལ་དུ་འགུག་ཐབས། ” »

གསལ་ལེ་རྒྱལ།

 
ཨ་ལགས་ཀླུ་སྨྱོན་ལགས། སྐུ་ཉིད་ལྟོ་རྒྱབ་ཀྱི་དཀའ་ངལ་ལ་མ་འཕྲད་པར་བདེ་འམ།
ང་ཚོ་སྟེ་རང་ལུས་མེར་སྲེག་གིས་ཁྱེད་ཚོར་བྲལ་ཟིན་པ་ཚང་མ་ཕྱི་མའི་འཇིགས་པར་མ་འཕྲད་ཅིང་རང་གི་ལྟོ་རྒྱབ་ལ་མ་ཆགས་པར་ཕྱི་མ་ན་བདེ་མོ་སྐྱིད་པོ་ཡིན། རང་གི་རྩ་བའི་བླ་མ་དང་། རང་གི་མི་རིགས། རང་གི་ཕ་མ་དང་རང་གི་བུ་ཕྲུག་ལ་བྲལ་བའི་སྡུག་བསྔལ་ལོས་ཡོད་མོད། བློས་བཏང་འདིའི་དམིགས་ཡུལ་ལ་བསམ་བློ་བཏང་ན། འགན་ཁུར་ལྡན་པའི་ལག་ལེན་འདིའི་མ་འོངས་བར་འདང་བརྒྱབས་ན། སྡུག་བསྔལ་དེ་ནི་ང་ཚོར་མཚོན་ན་ཧ་ཅང་ཆུང་ཆུང་ཞིག་ཡིན། ད་སྐབས་ང་ཚོ་རང་དབང་གིས་འཚོ་བཞིན་ཡོད།

དེ་ལས་མང་བ་། “རྒྱལ་གཅེས་དཔའ་བོ་མེར་སྲེག་པ་བཀྲ་ཤིས་རབ་བརྟན་གྱིས་ཀླུ་སྨྱོན་ཧེ་རུ་ཀར་གླན་པའི་སྐད་ཕྱི་མའི་ན་ཟུག” »

འོད། (ཨུ་རུ་སུ།)

 
ཁ་སང་དུས་བབ་དྲ་ཚིགས་སུ་བཀོད་པའི་ཀླུ་སྨྱོན་གྱི་རྩོམ་ཡིག་དེ་ནི་གུང་ཁྲན་ཏང་གི་ཆེད་དམིགས་རྩོམ་ཡིག་དེ་དག་དང་ཁྱད་མ་མཆིས་པས་བསམ་ཚུལ་འདི་མི་འབྲི་ཐབས་མེད་བྱུང་། ཚེས་བརྒྱད་ཀྱི་དགོང་མོ་ཡ་ང་ཞིང་ཡིད་སྐྱོ་བའི་གནས་ཚུལ་ཞིག་ཡང་བསྐྱར་བྱུང་། གནས་ཚུལ་འདིའི་རིགས་ནི་རྒྱ་ནག་གི་བཙན་གནོན་འོག་འབྱུང་གིན་ཡོད་ལ། ད་དུང་དོན་རྐྱེན་ནམ་འབྱུང་གི་སྐབས་སུ་རང་ལུས་མེར་སྲེག་གནང་མཁན་དེའི་ཤ་ཉེ་དང་སྤུན་མཆེད་བཅས་བཙོན་དུ་འཇུག་པ་དང་། ཉེ་འཁོར་ནས་སྐྱོབ་འདོད་མཁན་དང་པར་ལེན་མཁན་གང་ཡིན་ཡང་ཉེན་རྟོག་པའི་ལག་ཏུ་ཤོར་ཚེ་འཛིན་བཟུང་བྱེད་ངེས་ཤིང་།

དེ་ལས་མང་བ་། “རང་ལུས་མེར་སྲེག་རྗེས་སུ་མཐོང་བའི་ཀླུ་སྨྱོན་གྱི་ངོ་གདོང་སྐྱུག་བྲོ་བོ།” »

ལྷ་ཐོག་འཆི་པོ་རྒྱལ། (ཝཱ་ཎ་མཐོ་སློབ)
 

གླེང་གཞི།

སྤྱི་ཚོགས་འཕེལ་རྒྱས་དང་དུས་རབས་ཀྱི་དགོས་མཁོ་གཞིར་བཟུང་ནས་བོད་ཀྱི་མཛངས་མ་དག་ལ་མི་རིགས་ཀྱི་སློབ་གསོ་དང་། དུས་རབས་སོ་སོའི་གནས་བབ། མི་རིགས་སོ་སོའི་ངོ་བོ་སོགས་དགོས་པ་ནི་དུས་རབས་དེ་དག་ཏུ་འཚོ་ཞིང་སྤྱི་ཚོགས་དེ་དག་ཏུ་གནས་པའི་མི་རིགས་དག་གི་མཁན་ཆེན་དམ་པའི་གསུང་ཟིན་པས་ངས་གླེང་ག་ལ་དགོས། སྤྱིར་བཏང་ནས་བོད་ཀྱི་མཛངས་མའི་འགྲན་སྡུར་དེ་འཁྲབ་བསྟོན་ཙམ་མ་ཡིན་པར་བོད་ཀྱི་རྩ་དོན་ལ་ཕན་ནུས་ལྡན་པའི་ལུས་འགུལ་ཞིག་ཡིན་མིན་གྱི་གནད་དོན་འདི་ལ་དེ་བས་ཀྱང་གླེང་དཀའ།

དེ་ལས་མང་བ་། “བོད་ཀྱི་མཛངས་མའི་འགྲན་སྡུར་དེ་འཁྲབ་སྟོན་ཙམ་མ་ཡིན་པར་བོད་ཀྱི་རྩ་དོན་ལ་ཕན་ནུས་ལྡན་པའི་ལུས་འགུལ་ཞིག་ཡིན་ནམ།” »

དགུ་རོང་སྤུན་གྲོལ། (རྒྱང་མིག་གིས་འོས་སྦྱོར་བྱས།)

 
སྐུ་ཞབས་པདྨ་ཚེ་བརྟན་ལགས་ནི་རྒྱ་ནང་ལ་ཕྱིན་ཏེ་རྒྱའི་སྐད་ཡིག་ཐོག་ནས་གློག་བརྙན་ལས་རིགས་སྦྱངས་རྗེས། ཕ་སྐད་གློག་བརྙན་བཟོ་སྐྲུན་གྱི་ལས་སུ་གཞོལ། ཡིན་ནའང་། ཁོང་གིས་བྲིས་པའི་འཁྲབ་གཞུང་དང་བརྩམས་སྒྲུང་གི་སྐད་ཆའི་སྒྱུ་རྩལ་ནི་ཚེ་རིང་དོན་གྲུབ་ཀྱི་བརྩམས་སྒྲུང་ནང་གི་སྐད་ཆའི་སྒྱུ་རྩལ་བཞིན་སོར་གནས་ལས་ཡར་རྒྱས་ཕྱིན་ཡོད་པའི་ཚོར་སྣང་བདག་ལ་བྱུང་མ་སོང་། <<ཐར་ལོའི>>འཁྲབ་ཚིག་དང་བརྩམས་སྒྲུང<<བསླུ་བྲིད>>གཉིས་ལྟ་བུའོ།།
བདག་ཉིད་ཀྱིས་རྩོམ་རིག་གི་སྐད་ཆ་གསར་སྐྲུན་བྱེད་པའི་རིག་རྩལ་ལ་དབང་འབྱོར་བའི་བོད་ཀྱི་རྩོམ་པ་པོ་ཞིག་ཡུན་རིང་འཚོལ་ཞིབ་བྱས་མོད།

དེ་ལས་མང་བ་། “པདྨ་ཚེ་བརྟན་ལ་འགྱུར་ལྡོག་གཅིག་བྱུང་ཡོད། དེ་གང་རེད།” »

བེ་རི་རྒྱལ་སྲས། དགེ་འོས་མཐོ་སློབ།

དེང་སང་ཁ་ཐོགས་ཚད་ཀྱི་བཙན་བྱོལ་བོད་མའི་བོད་ཡིག་གི་གནས་བབ་ཞན་དུ་འགྲོ་བའི་ཐད་སེམས་འཚབ་དང་བསམ་ཚུལ་འདྲ་མིན་གླེང་བཞིན་པའི་སྐབས་འདིར། ད་ལྟའི་བོད་ཡིག་དགེ་རྒན་ཚོ་ལ་ལག་ཟུང་ཐལ་མོ་སྦྱར་ནས་གསོལ་འདེབས་གཅིག་རང་ཞུ་རྒྱུ་ཡོད་པ་དེ་ནི། བཀུར་འོས་བོད་ཡིག་དགེ་རྒན་ཚོ། ཁྱེད་རྣམ་པས་འཛིན་གྲྭའི་ནང་གསུང་ཆོས་མ་གནང་རོགས། ཞུ་རྒྱུ་དེ་ཡིན།

བཙན་བྱོལ་བོད་མིའི་གཞི་རིམ་སློབ་གྲྭ་ཁག་གི་སློབ་ཟུར་ཕལ་མོ་ཆེས་ཁ་གཅིག་གྲགས་ཀྱིས་སློབ་དགེ་ཚང་མའི་ནང་ནས་ཉོབ་ཤོས་ནི་བོད་དགེ་དང་།

དེ་ལས་མང་བ་། “བོད་ཡིག་དགེ་རྒན་ཚོ། གསུང་ཆོས་མ་གནང་རོགས།” »

བྱ་འཕུར་ལྷུན་གྲུབ་རྒྱ་མཚོ།

 
ཁ་སང་དགུང་མོར་ཨ་རིར་འབྱོར་དུས་སྲིད་འཛིན་གསར་པའི་འོས་བསྡུ་ཡིས་ཨ་རི་བ་མང་པོ་ཞིག་ད་དུང་གཉིད་མ་ཁུག་པར་སྡོད་པའི་བཟོ་འདུག དེར་མ་ཟད་རྒྱ་གར་སོགས་ནས་ཀྱང་ཨ་རིའི་སྲིད་འཛིན་སྐོར་ལ་བསམ་ཡུལ་ལས་འདས་པའི་དོ་སྣང་ཧ་ཅང་ཆེན་པོ་བྱེད་ཀྱིན་འདུག དེ་དང་ལྷན་ངས་ཀྱང་འདིར་བསམ་ཚུལ་འགའ་ཞིག་བཤད་ན་བསམ། ཨ་རིའི་སྲིད་འཛིན་གྱི་འོས་བསྡུའི་འགྲན་རྩོད་ཟིང་ཆ་ཆེན་མོའི་ཁྲོད་ནས་ད་ལོར་སྐུ་ཞབས་ཊོམ་ལ་རྒྱལ་ཁ་འཐོབ་རྒྱུ་ཕལ་ཆེར་གཏན་ལ་འཁེལ་བ་རེད་ཅེས་འོས་བསྡུའི་རྒྱུད་རིམ་བར་མའི་སྐབས་ཀྱི་གནས་སྟངས་ལ་གཞིགས་ནས་གྲོགས་པོ་འགའ་དང་ལྷན་དུ་གླེང་མོལ་ཡང་ཡང་བྱུང་།

དེ་ལས་མང་བ་། “སྲིད་འཛིན་དང་སྲིད་སྐྱོང་གི་རྒྱལ་ཕམ་བསྡུར་བ།” »

ལོ་ཙཱ་བ་འཕྲིན་ལས་རྒྱ་མཚོ།

ཨ་རིའི་འོས་བསྡུའི་གྲུབ་འབྲས་ཀྱིས་འཛམ་གླིང་ལ་འདར་སིག་ཅིག་རྒྱག་ཏུ་བཅུག་ཡོད་ལ། ང་ཚོ་བཙན་བྱོལ་བ་ཡང་དེ་ལྟར་རོ། །

ཁྲི་རམ་ལ་འོས་བསྡུའི་རྒྱལ་ཁ་ཐོབ་པ་འདི་ནི་ཨ་རིའི་ལོ་རྒྱུས་ནང་དུ་བྱུང་མ་མྱོང་ཞིང་བློ་ཕམ་རང་བཞིན་ལྡན་པའི་ཆབ་སྲིད་ཀྱི་གནད་དོན་ཞིག་ཡིན། འོས་བསྡུ་མ་བྱུང་བའི་སྔོན་དུ་ཆབ་སྲིད་དཔྱད་བརྗོད་པ་སུ་གཅིག་གིས་ཀྱང་ཁྲི་རམ་ལ་འོས་ཐོབ་པའི་ཚོད་དཔག་བྱས་མེད། མི་མང་ས་ཡ་མང་པོས་ཁྲི་རམ་ལ་འོས་བླུགས་ཏེ་སྲིད་འཛིན་དུ་བསྐོས་པ་འདིས་གནད་དོན་གཅིག་གསལ་བཤད་བྱས་ཡོད་ལ། དེ་ནི་ཨ་རིའི་དཔལ་འབྱོར་གྱི་ལས་དོན་མང་པོ་ཞིག་གཙོས་ཕྱི་དོན་སྲིད་བྱུས་ལ་འགྱུར་བ་ཤུགས་ཆེན་འགྲོ་དགོས་པ་དེ་ཡིན།

དེ་ལས་མང་བ་། “ཨ་རིའི་འོས་བསྡུས་འཛམ་གླིང་ལ་འདར་སིག་ཅིག་རྒྱག་ཏུ་བཅུག” »

ཁྲི་རལ་པ།

 
ཉེ་ལམ་བདུན་ཕྲག་རེ་གཉིས་སྔོན་༧སྐུའི་གཅེན་པོ་རྒྱལ་ལོ་དོན་གྲུབ་ལགས་བཞུགས་སྒར་དུ་ཆེད་བཅར་གྱིས། ༧གོང་ས་སྐྱབས་མགོན་ཆེན་པོ་མཆོག་དང་སྲིད་སྐྱོང་མཁས་དབང་བློ་བཟང་སེང་གེ་མཆོག བོད་ཀྱི་གཞོན་ནུའི་ལྷན་ཚོགས་བཅས་ལ་མཇལ་འཕྲད་གནང་སྟེ། ཕན་ཚུན་བོད་དོན་དང་འབྲེལ་བའི་སྐོར་བཀའ་མོལ་བྱུང་ཡོད་ཅིང་། གོ་ཐོས་སུ་ཁོང་གི་རེ་བ་ལ་ (༡)བོད་རྒྱ་ཞི་མོལ་ཡོང་བར་༧གོང་ས་མཆོག་གི་སྐུ་ཚབ་བསྐོ་དགོས་པ་དང་། (༢)༧གོང་ས་མཆོག་གི་སྐུ་ཚབ་དང་རྒྱ་ནག་གཞུང་དབར་འབྲེལ་མོལ་སླར་གསོ་གནང་དགོས་པ། (༣)བཙན་བྱོལ་བོད་མིའི་སྤྱི་ཚོགས་སུ་དཔལ་འབྱོར་དང་འཚོ་བའི་དཀའ་ངལ་རྐྱེན་གྱིས།

དེ་ལས་མང་བ་། “སྐུ་ངོ་རྒྱལ་དོན་གྱི་འཕག་འཚག་དང་སྲིད་དོན་ཡོ་འཁྱོམ།” »

ཡོང་ཁུངས། བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་།

ཇི་སྲིད་རྒྱ་གཞུང་གི་དབང་ཆ་གཅིག་སྡུད་ཀྱི་སྒྲོམ་གཞི་ལ་འགྱུར་བ་མ་བཏང་བར་དེ་སྲིད་ཁྲིམས་སྒྲིག་སྒྱུར་བཅོས་གང་བྱས་ལ་དོན་ཕན་ལྡན་པའི་གྲུབ་འབྲས་མི་ཐོན།

ཟླ་༡༠ཚེས་༢༤ ཉིན་ནས་རྒྱ་གཞུང་གིས་ཏང་གི་སྐབས་བཅོ་བརྒྱད་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པ་ཞེས་ལོ་འཁོར་ཚོགས་འདུ་འཚོགས་འགོ་བཙུགས་ཡོད། དེ་ནི་ཏང་ཡན་རྒན་པ་ཁག་ཅིག་ནས་རྒྱ་གཞུང་གི་ཆབ་སྲིད་གནས་སྟངས་དང་ཁྲིམས་སྒྲིག་ཚད་གཞི་གཏན་འབེབས་བྱ་རྒྱུ་དེ་རེད།

དེ་ལས་མང་བ་། “དོན་ཕན་ལྡན་པའི་གྲུབ་འབྲས་མི་ཐོན།” »

རིགས་ཀྱི་བུ།

 
བདེ་སྲུང་འབྲོང་ཆུང་བདེ་སྲུང་ལས་ཁུངས་དང་བྲལ་མགོ་བརྩམས་པ་ནས། ཕྱོགས་སྣ་སྒོར་མོར་ཉམས་རྒུད་ཐེབས་གཞིའི་རྟགས་མཚན་ཁ་ཤས་ཐོན་པའི་ནང་ནས། མི་དམངས་རང་བཞིན་གྱི་ངོས་འཛིན་བྱུང་བའི་དཀའ་ངལ་གཅིག་གི་ RSསྐྱབས་བཅོལ་ལག་དེབ་དུས་འགྱངས་ཞུ་ཕྱོགས་དང་། དེའི་སྐོར་ས་གནས་སོ་སོའི་སྐོར་སྲུང་པས་བཏང་བའི་གནས་ཚུལ་ཡ་ང་བ་དེ་རེད།
སྔོན་སྐལ་བཟང་མི་བཟང་གི་དུས་ལ་སྐྱབས་བཅོལ་ལག་དེབ་བཟོ་བའི་ཆ་རྐྱེན་སྐྱེས་ཚེས་ལག་ཁྱེར་རྫུན་མ་བཟོ་མ་དགོས་པར།

དེ་ལས་མང་བ་། “བདེ་སྲུང་ལས་ཁུངས་ནས་ཐབས་ཤེས་གནང་རོགས།” »

ཨེ་མ་ཧོ།

 
ཨོཾ་བདེ་ལེགས་སུ་གྱུར་ཅིག
ཕྱོགས་དུས་རྒྱལ་བ་ཀུན་གྱི་ཡེ་ཤེས་སྐུ།།
དཔལ་ལྡན་རྫོགས་པའི་སངས་རྒྱས་པདྨ་སྐྱེས།།
འཇམ་དཔལ་ཡིད་བཞིན་ནོར་བུ་གསོལ་བ་འདེབས།།
བཀྲ་ཤིས་དོན་ཀུན་འགྲུབ་པར་བྱིན་གྱིས་རློབས།།
ཅེས་མཆོད་གསོལ་སྐྱབས་འགྲོ་སྔོན་དུ་སོང་ནས། དེ་རིང་འདིར་

དེ་ལས་མང་བ་། “སྦྲ་ཆེན་རུས་མཛོད་རྩོམ་རིག་ཚོགས་འདུ་ལ་གཏམ་བཤད་མཁའ་འགྲོའི་དབང་དར།” »