གཞུང་པ་ཚེ་དབང་བསོད་ནམས།
ཉེ་ལམ་གསར་འགྱུར་བརྒྱུད་ལམ་ཁག་ཏུ་༧གོང་ས་མཆོག་ལ་གཞི་མེད་མཚན་ཤས་བཟོས་པའི་གནས་ཚུལ་འཐོན་པ་ནི་བོད་མི་རིགས་ལ་བསམ་ན། བློ་ཕམ་དང་ཁོང་ཁྲོ་བཟོད་སྲན་མི་ཐུབ་པའི་བྱ་སྤྱོད་ཐ་ཤལ་ཞིག་ཡིན་པ་ནས་བོད་མི་དང་བོད་དོན་ལ་སེམས་འཁུར་ཡོད་མཁན་དང་༧གོང་ས་མཆོག་ལ་དད་གུས་ཡོད་མཁན་ཕྱི་ནང་གི་མི་རིགས་མང་པོས་བཟང་སྤྱོད་དང་ཁ་མ་བྲལ་བའི་ཐོག་ནས་༧གོང་ས་མཆོག་ལ་གཞི་མེད་མཚན་སྨད་ཞུ་མཁན་ཚོར་རྒྱུ་ཚན་ལྡན་པའི་ཐོག་ནས་འབྲེལ་བཤད་དང་ངོ་སྤྲོད་གནང་མཁན་དང་ཞི་བའི་ངོ་རྒོལ་ལས་འགུལ་སྤེལ་མཁན་དང་ལན་འདེབས་གནང་མཁན་སོགས་ལས་འགུལ་འདྲ་མིན་གཅིག་རྗེས་གཉིས་མཐུད་བྱས་ནས་ཡོང་བཞིན་པ་ལ་རྗེས་སུ་ཡིད་རངས་ཞུ་གི་ཡོད།
ཨོ་་ཨོ་་་་ཨོ་ཧོ་ཧོ་ཧོ་་་་།
ཤར་མཁན་སྤྲུལ་འཇམ་དཔལ་བློ་གྲོས་ཀྱིས།
༧གོང་ས་མཆོག་གི་གསེར་གྱི་ཐུ་འོག་ན། །
གོ་ཐོབ་ཁྲི་འཕང་མཐོ་བའི་སྐུ་ངོ་ཚོ། །
ཇོ་བཟང་ཞུམ་ཞུམ་འགྲོ་བའི་ངང་བཟང་ཚོས། །
རང་འགན་ཅུང་ཙམ་བཟང་ཞིག་མི་ལེན་ནམ། །
གསར་འགྱུར་ཨེ།
•ཐེ་བོ་སངས་རྒྱས།
གསར་འགྱུར་གྱི་རིན་ཐང་བཞག་སྟངས་ཅིག་ལ་”ཁྱི་ཞིག་གིས་མི་ག་གེ་མོར་སོ་བརྒྱབ་འདུག་ཅེ་ན་གསར་འགྱུར་དུ་མི་བརྩི་ཞིང་། མི་ག་གེ་མོས་ཁྱི་ཞིག་ལ་སོ་བརྒྱབ་འདུག་” ཅེ་ན་གཞི་ནས་གསར་འགྱུར་བརྒྱུད་ལམ་ཁག་ཏུ་སྒྲོགས་པར་བྱེད། ཕྱོགས་གཅིག་ནས་གསར་འགོད་པ་ཚོ་ལ་ཡང་ཐུགས་ཁག་མེད་རེད། ཁོང་ཚོས་Audience ལྟ་ཀློག་མཁན་ལ་བརྟེན་ནས་ལྟོ་གོས་འཚོལ་དགོས་པའི་ཕྱིར།
སྤྱི་འཐུས་སྐབས་བཅུ་དྲུག་པའི་གྲོས་ཚོགས་ཚོགས་དུས་དྲུག་པའི་ཐོག་ཁྲིམས་འགལ་གྱིས་གྲོས་ཆོད་ཡིག་ཆ་ཨང་ ༣༩ ཟེར་པ་དེའི་མཇུག་འབྲས་ད་དུང་གྲོས་ཚོགས་ཀྱི་ལས་རིམ་ལ་བར་ཆད་ཡོང་བཞིན་པར་དཔྱད་པའི་གཏམ།
གཞུང་པ་ཚེ་དབང་བསོད་ནམས།
སྤྱི་འཐུས་སྐབས་བཅུ་དྲུག་པའི་གྲོས་ཚོགས་ཚོགས་དུས་དྲུག་པའི་ཐོག་ཁྲིམས་འགལ་གྱིས་གྲོས་ཆོད་ཡིག་ཆ་ཨང་ ༣༩ ཟེར་པ་དེའི་མཇུག་འབྲས་ད་དུང་གྲོས་ཚོགས་ཀྱི་ལས་རིམ་ལ་བར་ཆད་མུ་མཐུད་ནས་ཡོང་བཞིན་པ་ནི་བོད་མི་མང་ལ་བསམ་ན་བློ་ཕམ་དགོས་པའི་རང་བཞིན་ལ་སོང་ཁྲིམས་བཟོ་སྤྱི་འཐུས་གྲོས་ཚོགས་སྐབས་བཅུ་དྲུག་པའི་ཚོགས་དུས་དྲུག་པའི་ཐོག་ཆེས་མཐོའི་ཁྲིམས་ཞིབ་པ་ཆ་ཚང་འཕོ་འགྱུར་བཏང་བའི་གྲོས་ཆོད་ཡིག་ཆ་ཨང་ ༣༩ པ་དེ་ཁྲིམས་མཐུན་མིན་པ་ཁྲིམས་འགལ་རང་ལ་ངོས་འཛིན་ཞུ་གི་ཡོད།
དཔལ་ལྡན་བོད་མི་མང་སྤྱི་འཐུས་ཚོགས་གཙོ་ཚོགས་གཞོན་གཙོས་པའི་རྒྱུན་ལས་ལྷན་དྲུང་དུ།
དཔལ་ལྡན་བོད་མི་མང་སྤྱི་འཐུས་ཚོགས་གཙོ་ཚོགས་གཞོན་གཙོས་པའི་རྒྱུན་ལས་ལྷན་དྲུང་དུ།
ཆེད་ཞུ། གུས་པ་ཀོ་ལི་གྷལ་དོན་ལྡན་གླིང་གཞིས་གྲོང་ཨེལ་ ཁང་ཨང་ ༢༩ ནང་སྡོད་གཞུང་པ་ཚེ་དབང་བསོད་ནམས་ནས་ཞུ་གསོལ་འདེབས་སྙིང་། ཉེ་ལམ་སྤྱི་ཟླ་ ༢ པའི་ཚེས་ ༦ ཉིན་དེ་ག་སྤྱི་འཐུས་རྒྱུན་ལས་ཀྱི་མཚན་ཐོག་ཏུ་དོན་ཚན་ལྔ་ཅན་གྱི་སྙན་ཞུ་འདི་དྲ་ལམ་ Email བརྒྱུད་འབུལ་ལམ་ཞུས་པ་དུས་ཡུན་ཟླ་བ་གཅིག་གི་ནང་བཀའ་ལན་དང་ཨ་ལན་བརྡ་ལན་སོགས་འབྱོར་ལན་ཙམ་ཡང་མ་ཕེབས་པ་ནས་སླར་ཡང་ཨུ་ཚུགས་རྒྱབ་ནས་སྙན་འབུལ་ཞུ་གི་ཡོད། མང་གཙོའི་རྒྱལ་ཁབ་སྤྱིའི་ལམ་ལུགས་དང་མཐུན་པའི་བོད་ཀྱི་ཡུལ་མི་ཚང་མར་འདྲ་མཉམ་གྱི་འོས་འཕེན་རྒྱུའི་ཐོབ་ཐང་གཅིག་གྱུར་དགོས་པའི་ཁྲིམས་ལུགས་གཏན་འབེབས་གནང་རྒྱུ་དེ་ཁྲིམས་བཟོ་སྤྱི་འཐུས་གྲོས་ཚོགས་ཀྱི་ཐུགས་འགན་ཡིན་པའི་ངོས་འཛིན་དང་བཅས་རིང་མིན་སྤྱི་ཟླ་གསུམ་པའི་ནང་གྲོས་ཚོགས་འཚོགས་སྐབས་བཅའ་སྒྲིག་གཉིས་ལ་བསྐྱར་བཅོས་དགོས་པའི་གང་ཟག་སྒེར་གྱི་བསམ་ཚུལ་ཞུ་གི་ཡོད་ན་ཡུད་ཙམ་དགོང་པའི་དཔྱད་གཞིར་མངའ་བ་མཁྱེན། མང་གཙོའི་རྒྱལ་ཁབ་༼ Democracy Nation ༽ ནང་མི་མང་གི་ཐོབ་ཐང་ཆེ་ཤོས་དེ་རང་གི་སྐུ་ཚབ་གྲོས་ཚོགས་ཀྱི་འཐུས་མི་བསྐོ་རྒྱུ་དེ་ཡིན་པ་ནས་མང་གཙོ་སྤྱིའི་ལམ་ལུགས་སམ་འགྲོ་སྟངས་དང་
དེ་ལས་མང་བ་། “དཔལ་ལྡན་བོད་མི་མང་སྤྱི་འཐུས་ཚོགས་གཙོ་ཚོགས་གཞོན་གཙོས་པའི་རྒྱུན་ལས་ལྷན་དྲུང་དུ།” »
ད་སྤྱི་འཐུས་དེ་ཚོ་མང་དྲག་གི་མི་འདུག་ཝེ།
གངས་ཅན་ཕོ་ཉ་ནས།
གྲོས་ཚོགས་ཚོགས་དུས་འདིའི་སྟེང་། བཀའ་ཤག་གིས་བཏོན་པའི་ཁྲིམས་ཞིབ་པའི་འོས་ཆོས་སྐོར་དང་། སྤྱི་འཐུས་རྒྱུན་ལས་ཀྱིས་བཏོན་པའི་མཛད་གཙོ་རྣམ་པ་དམ་འབུལ་ཞུ་ཡུལ་སྐོར་གྱི་བཅའ་ཁྲིམས་བསྐྱར་བཅོས་ཁྲིམས་འཆར་གཉིས་ཀ་མར་ཟགས་པ་རེད།
ཀ༽ དེའི་མཇུག་འབྲས་ག་རེ་ཡོང་གི་རེད་ཟེར་ན།
ཀ་༡། ཁྲིམས་ཞིབ་པ་ཆེ་བ་དང་། ཁྲིམས་ཞིབ་པ་འོས་ཆོས་ཚང་བ་ཞིག་ད་དུང་ཉུང་མཐར་ལོ་གཅིག་གི་རིང་བསྐོ་ཐུབ་ཀྱི་མ་རེད། ཕྱི་ཟླ་ ༧ རྗེས་སུ་ཁྲིམས་ཞིབ་པ་གཅིག་ལས་མེད་པ་ཆགས་ཀྱི་རེད།
ཀ་༢། ཕྱི་ཟླ་ ༦ ནང་འཁྱུར་ལ་ཉེ་བའི་སྤྱི་ཁྱབ་རྩིས་ཞིབ་པ་དང་། དེའི་རྗེས་འོས་བསྡུའི་འགན་འཛིན་གྱི་ས་མིག་སྟོང་པ་ཐོན་ན་ཚབ་གསར་བསྐོ་གཞག་མི་ཐུབ་པ་དང་། དམ་འབུལ་ཞུ་ཡུལ་ཡང་མེད་པ་ཆགས་ཀྱི་རེད།
སྤྱི་འཐུས་སྐབས་བཅུ་བདུན་པའི་གྲོས་ཚོགས་ཚོགས་དུས་ལྔ་པའི་ལས་རིམ་ལ་དཔྱད་པའི་གཏམ།
གཞུང་པ་ཚེ་དབང་བསོད་ནམས།
མང་གཙོ་ཁྲིམས་ཀྱི་དབང་བསྒྱུར་ ༼ Rule of Law ༽ ནང་ཁྲིམས་ཡིག་གི་ལམ་སྟོན་འོག་མི་མང་འཚོ་དགོས་པ་དང་། དམངས་གཙོ་ ༼ Proletarian ༽ གྲལ་རིམ་གཅིག་སྡུད་ཀྱི་ལམ་ལུགས་ནང་གོངརིམ་གྱིས་བཀའ་བཀོད་འོག་མི་མང་འཚོ་དགོས་པ་བཅས་ཆབ་སྲིད་ཀྱི་ལམ་ལུགས་འདི་གཉིས་ལ་འགན་འཁུར་ནས་དེང་སྐབས་འཛམ་གླིང་གི་ལུང་པ་མང་པོའི་ནང་མང་གཙོ་དང་དམངས་གཙོ་བཤད་ནས་ཞི་བའི་མི་མང་གི་འཚོ་བའི་ལས་གཞི་ལ་འགན་སྲུང་བྱེད་བཞིན་པ་དང་། མང་གཙོའི་སྒྲིག་འཛུགས་ནང་ཁྲིམས་བཟོ་སྡེ་ཚན་༼ Legislature ༽ དང་། འཛིན་སྐྱོང་སྡེ་ཚན་ ༼Executive ༽ དང་། ཁྲིམས་ལུགས་དབང་འཛིན་ ༼ judiciary ༽ བཅས་མང་གཙོའི་གཞུང་འཛིན་སྐྱོང་གནང་མཁན་གྱི་མང་གཙོའི་ཀ་བ་གསུམ་ ༼ Three Pillar of Democracy Government ༽ འགན་དབང་འདྲ་མཉམ་ཐ་དད་དུ་ཡོད་པ་ནས་གཅིག་གི་གཅིག་ལ་འགན་བཀུར་དགོས་པ་དང་གཅིག་གི་གཅིག་ལ་ལན་རྒྱབ་དགོས་ ༼ Responsible and Answerable and Check and Balance System ༽ པའི་ལམ་ལུགས་དེ་ལ་མང་གཙོ་ཁྲིམས་ཀྱིས་དབང་བསྒྱུར་ ༼ Rule of Law ༽ ཟེར།
དེ་ལས་མང་བ་། “སྤྱི་འཐུས་སྐབས་བཅུ་བདུན་པའི་གྲོས་ཚོགས་ཚོགས་དུས་ལྔ་པའི་ལས་རིམ་ལ་དཔྱད་པའི་གཏམ།” »
རྒྱ་ནག་གི་མི་རྒྱུ་གཉིས་ལ་ཉམས་རྒུད་དང་དམར་ཤོག་གི་འགོ་ཁྲིད་ཐ་མ།
ནམ་མཁའ།
ཁ་སང་དེ་རིང་འཛམ་གླིང་སྟེང་གསར་འགྱུར་ཆེན་པོ་ཞིག་བྱུང་ཡོད། དེ་ནི་རྒྱ་ནག་གི་མི་རྒྱུ་གཉིས་ལ་ཉམས་རྒུད་དུ་སོང་བའི་གནས་ཚུལ་རེད། རྒྱ་ནག་གི་མི་རྒྱུ་གཉིས་ལ་ཉམས་རྒུད་དུ་ཕྱིན་པའི་རྒྱུ་མཚན་ཅི་ཡིན་ནམ། དྲི་བ་འདི་ནི་འཛམ་གླིང་གི་ཆབ་སྲིད་དཔྱད་བརྗོད་པ་ཚོས་གླེང་ཕྱོགས་མི་འདྲ་བ་གཉིས་བྱུང་ཞིང་། དེ་ཡང་ཐོག་མར་རྒྱ་ནག་གི་མི་འབོར་ཉུང་རུ་ཕྱིན་པའི་སྐོར་ལ། འཛམ་གླིང་གི་ཆབ་སྲིད་དཔྱད་བརྗོད་ཁ་ཤས་ཀྱིས་བཤད་ཚུལ་ལྟར་ན། དུས་རབས་ཉི་ཤུའི་ལོ་རབས་བརྒྱད་བཅུ་ནས་བཟུང་༢༠༡༥བར་དུ། རྒྱ་ནག་སྲིད་གཞུང་གིས་འཆར་ལྡན་བུ་སྐྱེས་ཀྱི་སྲིད་ཇུས་ལག་བསྟར་བྱས་ཏེ། ལོ་ངོ་བཞི་བཅུ་ཕྱིན་པའི་རྗེས་སུ་རྒྱ་ནག་གི་མི་འབོར་འཕེལ་རྒྱས་ལ་གནོད་པ་ཆེན་པོ་བྱུང་བ་རེད་ཟེར།
དེ་ལས་མང་བ་། “རྒྱ་ནག་གི་མི་རྒྱུ་གཉིས་ལ་ཉམས་རྒུད་དང་དམར་ཤོག་གི་འགོ་ཁྲིད་ཐ་མ།” »
ས་བྱི་ཞི་རྒོལ་ཆེན་མོ་བྱུང་ནས་ལོ་བཅོ་ལྔ་འཁོར་བའི་ཉིན་མོར་རྗེས་དྲན་བྱའོ།
ཆུ་རླངས་འབྲུག་བྱམས།
ཕྲན་ལ་མཚོན་ན་ལོ་ལྟར་ཟླ་གཉིས་པའི་ཚེས་གཉེར་གཅིག་ཉིན་ནི་སེམས་ལ་མི་ཤོང་པའི་ཉིན་མོ་ཞིག་ཡིན། ཉིན་མོ་དེ་ནི་ང་བཙན་བྱོལ་དུ་ཡོང་པའི་རྗེས་སུ་བྱུང་པའི་ངའི་ཕ་ཡུལ་གྱི་ཡ་ང་བའི་ལོ་རྒྱུས་ཤིག་དང། ངའི་མི་ཚེའི་ནང་ཐེངས་དང་པོར་ཐོས་པའི་ངའི་ཨ་མྱེས་ཀྱི་ངུ་སྐད་འདྲེས་པའི་གསུང་སྐད་དེ་གཉིས་ཡིན། ཕྱི་ལོ་༢༠༠༨ ་ལོའི་ཟླ་༢ ཚེས་༢༡ ཉིན་གྱི་ཞོགས་པ་དེར་ཕྲན་གྱི་གྲོགས་པོ་ཞིག་གིས་ནེའུ་ཡོག་ནས་ཁ་པར་སླེབས་ནས། ཨ་རོགས་ཅི་བྱེད་ཀྱིན་ཡོད་དམ་ཟེར། ང་ཉལ་ནས་ཡོད་ཅེས་ལན་བཏབ་པ་ཡིན། ཁོས་བཤད་རྒྱུར་ཕ་ཡུལ་ན་རྒྱ་གཞུང་ལ་ངོ་རྒོལ་བྱེད་ཀྱིན་འདུག་ཟེར། ངེད་གཉིས་ཀྱི་སྐད་ཆ་བཤད་མཚམས་དེ་མ་ཐག་བཞག་ནས། སེམས་འཚབ་ཅིག་དང་མཉམ་དུ་བོད་ལ་ཁ་པར་བཏང་པ་ཡིན།
དེ་ལས་མང་བ་། “ས་བྱི་ཞི་རྒོལ་ཆེན་མོ་བྱུང་ནས་ལོ་བཅོ་ལྔ་འཁོར་བའི་ཉིན་མོར་རྗེས་དྲན་བྱའོ།” »
བོད་ཀྱི་སྐད་ཡིག་ལ་གསར་བརྗེ་གཏོང་རན།
ཉག་རོང་དོན་གྲུབ་ནས།
དང་པོ། སྐད་ཡིག་ནི་མི་རིགས་ཀྱི་བླ་སྲོག་མིན།
“སྐད་ཡིག་ནི་མི་རིགས་ཀྱི་བླ་སྲོག་ཡིན་”ཞེས་ཟེར་སྲོལ་ཡོད་མོད། དོན་ལ་སྐད་ཡིག་ནི་མི་རིགས་ཀྱི་བླ་སྲོག་མིན། གང་ཡིན་ཟེར་ན། མི་རིགས་ཤིག་ལ་མཚོན་ན་སྐད་ཡིག་ལ་བཅོས་སྒྱུར་གཏོང་ཆོག་པ་དང་། རིམ་བཞིན་འགྱུར་བ་འགྲོ་བ། སྐད་ཡིག་གཉིས་གསུམ་ཡང་ཡོད་ཆོག་པ་ཞིག་རེད། ད་ལྟ་བོད་པར་མཚོན་ན་ཡང་། གཞན་གྱི་སྐད་ཡིག་མ་གཏོགས། བོད་རང་གི་སྐད་ཡིག་མི་ཤེས་པའི་བོད་རིགས་གཞོན་སྐྱེས་མང་པོ་ཞིག་འཚར་གྱིན་ཡོད་པ་དང་། བོད་ཀྱི་རྒྱལ་རབས་ལོ་རྒྱུས་ཡང་བོད་ཡིག་ནང་ལ་ཆ་ཚང་ཞིག་མེད་པ། གལ་ཏེ་སྐད་ཡིག་དེ་མི་རིགས་འཆི་གསོན་དང་འབྲེལ་བ་ཡོད་པ་ཡིན་ན། དེང་སང་མི་རིགས་ཤི་བོ་མང་པོ་ཞིག་ཡོད་དགོས་ངེས་རེད་ལ། རྡ་སའི་བོད་མིའི་སྒྲིག་འཛུགས་ཡང་མི་རིགས་ཤི་བོའི་རོ་སྒམ་ཞིག་ཡིན་ངེས། མི་རིགས་གཞན་གྱི་སྐད་ཡིག་ལ་བསྟེན་པའི་མི་རིགས་དང་རྒྱལ་ཁབ་མང་པོ་ཡོད་པ་དང་། ད་ལྟའི་བོད་མིའི་ཁ་སྟབས་ལ་མཚོན་ན། ཆེས་རྗེས་ལུས་ཅན་གྱི་བོད་མི་རིགས་ཤིག་འདི་མུར་འཚོ་དགོས་མིན་དེ་གལ་གནད་རེད།
ཨ་བོད་རྒྱ་གསུམ་གྱི་ཆབ་སྲིད་དང་གནས་བབ་ལས་འཕྲོས་པའི་བསམ་ཚུལ།
རྭ་འཕྲིན ༼ ཨ་རི ༽
ཉིས་སྟོང་ཉི་ཤུ་ལོའི་རྙོག་འཛིང་ཅན་གྱི་ཨ་རིའི་སྲིད་འཛིན་འདེམས་རྩོད་བྱུང་བ་ནས་བཟུང་། ད་ལྟའི་བར་དུ་ཨ་རི་དང་རྒྱ་ནག་གི་གཙོས་འཛམ་གླིང་གི་ཆབ་སྲིད་ཀྱི་གནས་བབ་ལ་གནམ་ས་བླ་འོག་ལྟ་བུའི་འགྱུར་བ་བྱུང་དང་འབྱུང་བཞིན་པ་ཀུན་གྱིས་མཁྱེན་གསལ་རེད། དེས་ན་ཁོ་བོས་ཀྱང་རང་ཉིད་བོད་པ་ཞིག་ཡིན་པའི་ཆ་ནས་འཛམ་གླིང་གི་འགྱུར་ལྡོག་མྱུར་མོ་འདིའི་ཁྲོད་དུ་བོད་མི་རིགས་ཀྱི་ཆབ་སྲིད་གནས་སྟངས་དང་། ང་ཚོས་མ་འོངས་པར་ཁ་ཕྱོགས་ཅི་འདྲ་ཞིག་བསྙེག་ན་ད་གཟོད་ཁེ་ཕན་ཡོད་མེད་ཀྱི་ཕྱོགས་ལ་བསམ་ཚུལ་ཅུང་ཙམ་ཞིག་ཞུ་འདོད་བྱུང་།
དེ་ལས་མང་བ་། “ཨ་བོད་རྒྱ་གསུམ་གྱི་ཆབ་སྲིད་དང་གནས་བབ་ལས་འཕྲོས་པའི་བསམ་ཚུལ།” »
ཚེ་རིང་གཡང་འཛོམས་དང་རྟོག་སྒྲུང་།
རྔ་བ་ཀུན་བཟང་།
ཀློག་པ་པོས་ཁྱེད་ཀྱི་བརྩམས་ཆོས་ལ་འདི་ལྟར་གདེང་འཇོག་བྱས་པ་ནི་ཁུངས་མེད་འུར་གཏམ་ཞིག་གཏན་ནས་མིན། གང་ལགས་ཤེ་ན། ཁྱེད་ཀྱིས་ཕྱི་ལོ་༢༠༢༢ལོར་དཔར་དུ་བསྐྲུན་པའི་བརྩམས་ཆོས་གསར་བ“ང་ཚོའི་ལུས་པོས་སའི་གོ་ལའི་རྒྱ་ཁྱོན་འཇལ”(We Measure the earth with our Bodies) ཞེས་པའི་རྟོག་སྒྲུང་འདི་ལུང་པ་མེད་པའི་མི་རིགས་སྣ་ཚོགས་པའི་སྤྱི་ཚོགས་འཕེལ་རིམ་དང་། འཚོ་བའི་འགྱུར་ལྡོག དམངས་ཀྱི་བདེ་སྡུག་སོགས་ལ་བསམ་གཞིག་ལེགས་པར་བྱས་པས། ཀློག་པ་པོ་མང་པོས་དགའ་མོས་བྱེད་པ་ནི་དོན་ལ་གནས་པའི་དྲང་གཏམ་ཞིག་རེད།
གནའ་བོའི་བོད་ཡིག་བཙལ་བ།
འདན་ཀུན་དགའ།
རྩིས་འཕྲུལ་སྒྲོམ་སྟེགས་ཀྱི་མདུན་དུ་ཙོག་ཏེ་དྲ་གྲོགས་དུ་མའི་ལྷན་དུ་ཁ་བརྡ་བྱེད་ཀྱིན་ཡོད་ལ་ངས་གཏགས་ཀྱིན་པའི་ཡིག་འབྲུ་མཐའ་དག་དབྱིན་ཡིག་ཡིན་ལ་ཁོ་ཚོའང་དེ་བཞིན་རེད། མཚམས་ལན་རེེར་”ང་ཚོ་བོད་མི”་ཡིན་ཟེར་མཁན་ཁ་ཤས་འདུག་མོད། ཁོང་ཚོ་ལ་ངོ་རྟགས་དང་བདེན་དཔང་ཅི་ཡང་སྟོན་རྒྱུ་མེད་པས་རྐྱེན་དང་མིའི་སྤྱི་ཚོགས་སུ་དེང་སང་ཨེ་ཤ་ཡ་དང་ཡོ་རོབ། ཧྥེ་གླིང་བཅས་མི་རིགས་ཆེན་པོ་གསུམ་མ་གཏོགས་མེད་ལ། ཁོང་ཚོའི་ཐུན་མོང་གི་ཡི་གེའང་དབྱིན་ཡིག་ལས་མ་འདས་མོད། གླིང་ཆེན་ཁོངས་སོ་སོའི་ས་ཁུལ་རེ་ན་ད་དུང་སྐད་ཡིག་དུ་མའི་ཚེ་སྲོག་གསོན་གནས་བྱས་ཡོད་པར་ཐོས།
ཨ་མ་བདག་མེད།
རྔ་བ་ཀུན་བཟང་།
དེ་རིང་ཉིན་རྒྱབ་དུས་ཚོད་དྲུག་པ་ཙམ་ལ། ང་རང་མེ་འཁོར་འབབ་ཚུགས་ནས་ཨ་མ་བདག་མེད་ཅིག་ལ་ཐུག སྐབས་དེ་དུས་ང་ཧ་ཅང་ཐང་ཆད་ནས་ལམ་ཟུར་ལ་བསྡད་ཡོད། གློ་བུར་དུ་རྒྱབ་ནས་སྐད་བཏང་སོང་། དེ་མ་ཐག་ཁོག་སོབ་ཅན་གྱི་ཨ་མ་རྒན་མོ་ཞིག་ཁོག་སྟོད་སྨད་གཉིས་ལ་ལྭ་བ་ཤམ་ཤམ་ཞིག་གྱོན་ནས། ལག་གཡས་པ་ལ་མཁར་རྒྱུག་ཅིག་དང་ལག་པ་གཡོན་པ་ལ་ཁུག་སྟོང་དཀར་པོ་ཞིག་འཁུར་བ་དང་། རྐང་མགོ་ལ་བསིལ་ལྷམ་རྙིང་པ་ཞིག་གོན་ནས་རྐང་པའི་མཐེ་བོང་ཐོག་ལ་རྨ་བཟོས་པས་རྨ་རས་ཀྱག་ཀྱོག་ཅིག་གིས་བཏུམས་འདུག རྨ་རས་ལ་བལྟས་ན་སྨན་ཁང་ནས་མིན་པ་ཐག་གིས་ཆོད། སྐབས་དེ་འདྲ་ཞིག་ལ་ང་སྐས་འཛེག་ཐོག་ནས་མར་འབབ་ཡ་ལ་རོགས་པ་བྱེད་ཟེར། དེ་མ་ཐག་ང་ཡར་ལངས་ནས་ཨ་མ་དེར་རོགས་པ་བྱེད་ཞོར་ལ། “ཁྱོད་གང་ནས་ཡོང་བ་ཡིན། མཚན་འདི་འདྲ་ཞིག་ལ་གང་དུ་འགྲོ་ཡ་ཡིན། ནང་གང་ན་ཡོད་” ཅེས་དྲི་བ་འགའ་སྐུར་ཤོར་སོང་། ཨ་མས་བཤད་ན་“ང་ལ་ནང་མེད། གར་འགྲོ་མེད། ཟ་མ་ཞིག་ཟ་འདོད་གིས། ”ཞེས་ང་ལ་བཤད་སོང་། དེ་ནས་ངས་མོ་རང་སྐས་འཛེག་ལས་མར་འབབ་ཚར་ནས། མོ་རང་ལམ་ཟུར་ལ་སྡོད་དུ་བཅུགས་ནས་ང་རང་སྲང་ལམ་གྱི་ཟ་མ་ཞིག་ཉོ་སར་སོང་། ལམ་འཁྲིས་སུ་རྒྱ་གར་གྱི་ཟ་ཁང་ཆུང་ཆུང་ཞིག་འདུག སྦྱིན་བདག་ལ་
༄༅། །ལྷ་རྗེ་གཡང་དགའ་རྗེས་སུ་དྲན་པ། །
རག་རྡོ་བློ་བཟང་བསྟན་འཛིན།
རི་མཐོ་ས་གཙང་གངས་རིས་བརྗིད། །ཆུ་ཀླུང་མ་ལུས་འབྱུང་བའི་གཞི། །
ཤར་ཕྱོགས་ཟ་འོག་འཐག་ས་ནས། །ནུབ་ཀྱི་ཏ་ཟིག་ནོར་རྒྱལ་བར། །
བོད་ཀྱི་རྐང་རྩེད་སྤོ་ལོའི་འདས་དོན་ལ་ཕྱིར་མིག་བལྟ།
བོད་འབྱོར།
དེང་གི་དུས་འདིར་འཛམ་གླིང་ཡོངས་སུ་རྐང་རྩེད་སྤོ་ལོའི་ལུས་རྩལ་དར་ཁྱབ་ཤིན་ཏུ་ཆེ། རྐང་རྩེད་སྤོ་ལོའི་ལུས་རྩལ་ལ་“འཛམ་གླིང་གི་ལུས་རྩལ་ཨང་དང་པོ་”ཞེས་པའི་སྙན་པའི་མིང་ནས་འབོད་བཞིན་ཡོད། འཛམ་གླིང་ཡང་རྩེར་གནས་ཤིང་མཚོ་འཕགས་མཐོ་བའི་རང་རེའི་བོད་ལྗོངས་མཐོ་སྒང་ལའང་ཧ་ཅང་སྔ་མོ་ཞིག་ནས་ལུས་རྩལ་རྣམ་གྲངས་དེ་དར་ཞིང་། བོད་རིགས་སྐྱ་སེར་ཕོ་མོ་རྒན་གཞོན་ཚང་མས་རྐང་རྩེད་སྤོ་ལོར་དོ་སྣང་དང་དགའ་ཞེན་བྱེད་ཚད་ནི་ཧ་ལམ་འཛམ་གླིང་སྤྱི་དང་མཉམ་མཚུངས་ཡིན་ལ། བོད་ཀྱི་ས་ཆ་གང་སར་རྐང་རྩེད་སྤོ་ལོ་ནི་དུས་དང་རྣམ་པ་ཀུན་དུ་དགའ་བསུ་ཆེ་ཤོས་ཐོབ་པའི་ལུས་རྩལ་རྣམ་གྲངས་ཤིག་ཏུ་གྱུར་ཡོད། དེས་ན། མིག་སྔར་ཁ་ཐར་རྒྱལ་ཁབ་ཏུ་གཉེར་བཞིན་པའི་འཛམ་གླིང་བུམ་པའི་རྐང་རྩེད་སྤོ་ལོའི་ཡོ་ལང་དྲག་པོའི་ཁྲོད་ང་ཚོ་མཉམ་དུ་རང་རེའི་བོད་ཀྱི་རྐང་རྩེད་སྤོ་ལོའི་འདས་དོན་ལ་ཕྱིར་མིག་ཅིག་བལྟ།
དེ་ལས་མང་བ་། “བོད་ཀྱི་རྐང་རྩེད་སྤོ་ལོའི་འདས་དོན་ལ་ཕྱིར་མིག་བལྟ།” »
སྦྲགས་སྐད་དང་འབྲེལ་བའི་སྐད་ཆ་ཐོར་བུ།
དོལ་ཚེ་དགའ།
སྟོང་གསུམ་གྱི་སྟོང་ཆེན་པོའི་འཇིག་རྟེན་ཟེར་བ་གང་ཤེས་ཏེ། གང་ལྟར་འཛམ་གླིང་ཆུང་ཆུང་འདིར་སོ་སོའི་མི་རིགས་ཀྱི་སྐད་དག་མ་དག་ཀྱང་ཞིག་ཤོད་ཐུབ་མཁན་ནི་ཧ་ཅང་གིས་ཉུང་ཉུང་ཡིན་ཚོད་རེད། ཞིབ་ཚོད་ཅིག་བྱས་ན། ཕལ་ཆེར་ད་ལྟ་གོ་ལ་འདིར་རང་སྐད་དག་ཤོས་རྒྱག་མཁན་ཞིག་ཨ་ཡོད་སྙམ། དེང་གི་འགྲོ་ལུགས་ལྟར་ཡར་རྒྱས་མེད་པའི་ངེད་དོལ་པོ་ལྟ་བུའི་ས་ཁུག་ལུང་ཁུག་གི་ས་ཆ་དེ་འདྲ་ལའང་། པིནྜཱལ་(पिंडालु)དང་གྷོ་གྷཱ(घोघा)། སྦྱར་མ་(जामा)དང་འཛེང་གི(जांगी) ཐེ་ལེ(थाली)དང་བ་ཊུཀ་(बटुका)སོགས། ཟ་ཆས་གོན་ཆས་དང་མཁོ་ཆས་མང་པོ་ཞིག་གི་མིང་རྣམས་གཞན་སྐད་དག་དག་ཡིན་པ་རེད།
ད་ལྟའི་དུས་འདིར་དེ་བས་ཀྱང་ས་ཁུག་ལུང་ཁུག་གི་མི་རྣམས། འདོད་ཆུང་ཆོག་ཤེས་དང་རིན་མེད་གཏོང་ཕོད་ཀྱི་གདོད་མའི་བཅོས་མིན་ཡིན་ལུགས་ཀྱི་བསམ་བློ་དག་རིངས་སར་བསྐྱུར་ནས། ཚོང་རིག་གི་ལྟ་སྲོལ་ཤུགས་ཆེར་སྐྱེད་པས། མཐའ་ན་ཕ་བུ་དང་ཕུ་ནུ་མིང་སྲིང་དབར་ལའང་། སྒོར་མོ་བརྒྱ་ཕྲག་རེ་ཡིན་རུང་རྩིས་རྒྱག་སྲོལ་གྱི་གནས་སྟངས་མངོན་དུ་གྱུར་ཟིན་པ་རེད། མདོར་ན་རྒྱལ་ཁབ་གང་དུའང་སྦྲགས་སྐད་ཀྱི་རྒྱུ་རྐྱེན་གཅིག་ནི་ཚོང་ལས་རིག་པའི་རྒྱབ་ལྗོངས་ལས་འོང་བར་དཔོག་ལ། དེ་ཡང་ཕྱི་ནས་ནང་འདྲེན་བྱས་པའི་ཤེས་བྱ་ཇི་ཡོད་དག་ལ། ས་གནས་དེ་ག་
བོད་རྒྱའི་དཀའ་རྙོགས་དེ་གཉིས་སྨན་དབུ་མའི་ལམ་བརྒྱུད་ནས་སེལ་དགོས་པ་དེ་གལ་ཆེན་པོ་ཡིན་པའི་ངོས་འཛིན་ཞུ་གི་ཡོད་།
ཚེ་དབང་བསོད་ནམས།
ཆབ་སྲིད་ཀྱི་གནད་དོན་ ༼ Political issue ༽ དང་ཆབ་སྲིད་ཀྱི་དཀའ་རྙོགས་༼ Political Conflict ༽ ཆབ་སྲིད་ཀྱི་འགྲན་རྩོད་ ༼ Political Challenge ༽ ག་འདྲ་ཞིག་ཡིན་ཀྱང་ས་བབ་ཀྱི་གནས་སྟངས་དང་། མི་རིགས་ཀྱི་ངོ་བོ་། སྤྱི་ཚོགས་ཀྱི་འཕེལ་རིམ་། འཁོར་ཡུག་གི་གནས་སྟངས་། རྒྱལ་སྤྱིའི་ཆབ་སྲིད་། ལོ་རྒྱུས་ཀྱི་རྒྱབ་ལྗོངས་སོགས་ཕྱོགས་མང་པོ་ཞིག་ལ་འགན་འཁུར་ནས་ཆབ་སྲིད་ཀྱི་ཐབས་ལམ་ཚོལ་དགོས་པ་ལས་གཡས་ལྟ་དང་གཡོན་ལྟ་གང་ཡང་མ་བྱས་པར་ཆབ་སྲིད་རག་པ་ལ་འགན་འཁུར་ནས་མདུན་འཕྱོངས་བྱེད་ཐུབ་པ་ཙམ་གྱི་ཆབ་སྲིད་ལ་རྒྱལ་ཁ་ཐོབ་རྒྱུ་དང་། ཆབ་སྲིད་ཀྱི་དཀའ་རྙོགས་སེལ་ཐུབ་རྒྱུ་ནི་ཉིན་སྐར་ཙམ་ལས་མ་འདས་པ་དང་། བོད་རྒྱའི་དཀའ་རྙོགས་དེ་སེལ་ཐུབ་པ་ལ་ས་འབྲེལ་ཆབ་སྲིད་ ༼ Geopolitics ༽ ལ་འགན་འཁུར་ནས་གཉིས་སྨན་དབུ་མའི་ལམ་ ༼ Middle way Approach ༽ བརྒྱུད་ནས་བོད་རྒྱ་གཉིས་ཀྱི་འགོ་འཁྲིད་བར་མི་དང་མི་ཐུག་ནས་ཕར་བཤད་ཚུར་ཉན་དང་ཚུར་བཤད་ཕར་ཉན་བྱས་ནས་གཉིས་མོས་ཀྱི་ཐབས་ལམ་ཚོལ་དགོས་པ་ལས་རྒྱལ་སྤྱིའི་སྟེང་ཁ་དམག་ལ་འགན་འཁུར་ནས་བོད་རྒྱའི་དཀའ་རྙོགས་དུས་ནམ་ཡང་སེལ་མི་ཐུབ་པ་ནི་འདས་པའི་མི་ལོ་དྲུག་བཅུ་ལྷག་ཙམ་གྱི་ཉམས་མྱོང་ནས་ང་ཚོར་ངོ་འཕྲོད་ཐུབ་པ་དང་། གཉིས་སྨན་དབུ་མའི་ལམ་གྱིས་དགོས་འདུན་དེ་ཕྱོགས་གཉིས་ངོས་ནས་ཞིབ་ཚགས་པོ་བྱས་ནས་གསལ་པོ་ཤེས་ཐུབ་པ་དང་གོ་རྟོགས་ཐུབ་པའི་ཆེད་སློབ་སྦྱོངས་བྱས་ནས་གཉིས་སྨན་དབུ་མའི་ལམ་ལ་ཡིད་ཆེས་དང་ངེས་པ་རྙེད་ནས་བརྐྱངས་བསྐུམ་ཆབ་སྲིད་ལ་འགན་འཁུར་ནས་ནུས་པ་སྟོན་ནས་ས་འབྲེལ་ཅན་གྱི་བོད་རྒྱ་མི་རིགས་གཉིས་ཀྱི་མ་འོངས་མི་རབས་གསར་པའི་མི་ཚེའི་མདུན་ལམ་དེ་འཆམས་མཐུན་དང་བདེ་སྐྱིད་ལྡན་པའི་སྤྱི་ཚོགས་
འདི་སྙིང་རྗེ། འདིས་ཅི་བྱ་ཨང་།
འཆི་མེད།
ཁ་ཉིན་དྲ་ལམ་ཧྲིལ་བོར་བརྙན་ཐུང་ཞིག་གིས་ཁེངས་འདུག ཡང་གྲོགས་པོ་དང་བཟང་སའི་ངོ་བཟུང་ནས་ས་སྤུར་གནམ་སྤུར་བྱེད་པའི་གསར་འགྱུར་ལྟ་བུ་ཞིག་ལོས་ཡིན་བསམས་ཏེ་མ་བལྟས། རིམ་གྱིས་རིམ་གྱིས་ཆེ་དྲགས་དག་གིས་ཀྱང་སྤེལ་བྱུང་བས་དོན་དམ་ཅི་ཡིན་ནམ་སྙམ་པའི་བློ་ཡིས་བལྟས་པ་ན། དངོས་གནས་ས་ཐོབ་བྱང་ཆུབ་སེམས་དཔའ་ཟེར་བ་རིག་མཐོང་མེད་པ་དེ་ནི་མིའི་འཚོ་བའི་ཁྲོད་ཀྱི་མེ་ཏོག་སྐྱིད་དང་མེ་ཏོག་སྐྱིད་མང་པོར་ཟེར་བ་མ་ཡིན་ནམ་སྙམ་པ་བྱུང་།
གླུ་མ་མེ་ཏོག་སྐྱིད་དང་འབྲེལ་ནས་ཁྱིམ་ཚང་སློབ་གསོའི་སྐོར་ཟུར་ཙམ་གླེང་བ།
རླངས་ཚང་བསོད་ནམས་རྡོ་རྗེ།
ཁར་ནུབ་ཀན་ལྷོ་རྒྱང་སྒྲོག་ཁང་གི་བོད་སྐད་འཕྲིན་ལམ་གྱིས་བཏང་བའི་རྨ་ཆུའི་གླུ་མ་མེ་ཏོག་སྐྱིད་ཀྱི་མི་ཚེའི་སྐྱིད་སྡུག་དང་འབྲེལ་བའི་བརྙན་ཐུང་ཞིག་ལ་བལྟས་མ་ཐག སེམས་ཀུན་ནས་གཡོ་བར་བྱས། ཡུལ་དེའི་སྨྱན་སྦྱོར་ལ་རེ་བ་གསར་བ་ཞིག་མཐོང་བ་མ་ཟད། མདོ་འཛིན་པ་དྭངས་གསལ་ལྷ་མོའི་གསལ་དག་སྙན་གསུམ་གྱི་སྐད་ངག་གིས་ཡིད་རབ་ཏུ་དྲངས། དེའི་རྒྱབ་ཀྱི་རྩོམ་འབྲི་བ་སོགས་ལས་ཀ་བྱེད་མཁན་དག་ལའང་བསྟོད་པའི་མཐེ་བོང་ཞིག་ངང་གིས་ཤོར་སོང་བ་མ་ཟད། དེང་འོ་སྐོལ་མི་རིགས་ལས་མང་ཤོས་ཀྱིས་བདེན་པ་དང་གནས་ལུགས་བརྡར་བའི་ཡི་གེ་དང་། སྒྲ་དང་བརྙན་ལ་སོགས་པར་དོ་སྣང་མི་བྱེད་ཅིང་། སྨྱོ་བཤད་གཟའ་བཤད་དང་ཆགས་བཤད་ཁྲམ་བཤད་བྱེད་མཁན། མགོ་གཡོག་རྫུན་ལས་བྱེད་མཁན་ལ་དོ་སྣང་བྱེད་ཀྱིན་པར་ང་ཚོ་རྒུད་པ་ནས་རྒུད་པར་འགྱུར་བཞིན་པ་འདི་སྐྱོ་བ་ལའང་སྙམ་པའི་སེམས་ཁུར་དེ་ཡང་སྐབས་ཙམ་རིང་ཡལ་བར་གྱུར།
དེ་ལས་མང་བ་། “གླུ་མ་མེ་ཏོག་སྐྱིད་དང་འབྲེལ་ནས་ཁྱིམ་ཚང་སློབ་གསོའི་སྐོར་ཟུར་ཙམ་གླེང་བ།” »