གཅན བཟོད་རྒྱམ།
གཅིག
ད་ལོ་ནི་ང་ལ་དྭགས་སུ་ཡོང་ཐེངས་དགུ་པ་དེ་ཡིན། ཕྱི་ལོ་༢༠༠༥ ལོར་ང་ཐེངས་དང་པོར་ལ་དྭགས་སུ་ཡོང་བ་ཡིན་ལ། མི་ལོ་དྲུག་ནང་གི་ལ་དྭགས་ཀྱི་འགྱུར་བ་ནི་ཧ་ལས་པ་ཞིག་རེད་འདུག དེ་ཡང་གཙོ་བོ་དཔལ་འབྱོར་ཡར་རྒྱས་དང་ཡུལ་སྐོར་བའི་ཕྱོགས་ནས་རེད་འདུག དཔལ་འབྱོར་ཡར་རྒྱས་ནི་འཛམ་གླིང་གང་སར་ཚ་ཚ་འུར་འུར་གྱི་འགྱུར་བ་ཆེན་པོ་ཞིག་རེད་ལ། རྒྱ་གར་གྱི་སྲུང་སྐྱོབ་རོགས་རམ་འོག་ལ་དྭགས་ཀྱི་ས་མཐོའི་ཡུལ་ལྗོངས་འདི་ཡང་གང་འཚམ་གྱིས་ཡར་རྒྱས་དང་འགྱུར་བ་ཕྱིན་འདུག