སྲོང་བཙན་བུ།
གཅིག རྒྱལ་སྤྱིའི་བརྒྱུད་ལམ་དང་སྤྱི་ཚོགས་ཀྱིས་དོ་སྣང་ཆུང་དོན།
རྒྱལ་སྤྱིའི་སྒང་ནས་བོད་ཀྱི་རང་ལུས་མེར་བསྲེགས་ལ་དོ་སྣང་ཆུང་སྐྱོན་འདིའི་སྣེ་གཅིག་ང་ཚོའི་ངོས་ན་ཡོད་པར་མཐོང་གི་ཡོད། དེ་ནི་ང་ཚོས་གནས་ཚུལ་ཁྱབ་བསྒྲགས་དང་། མུ་མཐུད་གནས་ཚུལ་ཅི་ཆགས་སྐོར་འཚོལ་བསྡུ་དང་གླེང་སློང་། ཁྱབ་སྤེལ་བཅས་ཀྱི་ནུས་པས་མ་ལྡང་བར་འབྲེལ་བ་ངེས་ཅན་ཡོད། དམའ་མཐའ་ལ། ད་ལྟ་ཕན་ལ་ང་ཚོས་བོད་ནང་གི་བློས་གཏོང་དང་བསྡུར་བ་ཡིན་ན། བཙན་བྱོལ་བོད་མིས་འཕག་འཚག་རྒྱག་སྟངས་འདིར་ངར་ཤུགས་མི་འདུག གཟའ་ཉི་མ་དང་གུང་སེང་གི་ཉིན་མོ་དག་ལ། བོད་མིའི་སྒྲིག་འཛུགས་ཀྱི་དྲ་ངོས་ནས་གནས་ཚུལ་གསར་པ་མཐོང་མི་ཐུབ་ལ། སྤྱི་འཐུས་ཀྱི་དྲ་ངོས་ན་བསྒྲགས་གཏམ་གསར་པ་མཐོང་རྒྱུ་མེད།
