ཨེ་མ་ཧོ།
ཨེ་ཝྃ་རིག་པའི་རྟེན་འབྱུང་རྒྱལ་བའི་ལམ།།
ཇི་བཞིན་མངོན་གཟིགས་འགྲོ་ལ་སྟོན་མཁས་པ།།
འཛམ་གླིང་ཞི་བདེའི་འདྲེན་པ་རྒྱལ་བའི་སྲས།།
བསྟན་འཛིན་རྒྱ་མཚོའི་བཞེད་དོན་ལྷུན་གྲུབ་ཤོག །
གང་གི་ཐུགས་བསྐྱེད་སྨོན་ལམ་རྣམ་དག་གིས།།
གངས་ཅན་འགྲོ་ཁམས་གཟིགས་པར་ཞལ་བཞེས་བཞིན།།
དེ་ལས་མང་བ་། “༧རྒྱལ་བ་རིན་པོ་ཆེའི་འཁྲུངས་སྐར་ལ་བཀྲ་ཤིས་བདེ་ལེགས་ཞུ།” »
དགེ་འདུན་རྒྱ་མཚོ།
སོར་བཅུའི་འདབ་མ་སྙིང་ཀར་བསྣོལ་ཏེ་གང་ལ་དམིགས་པའི་ལྷའི་དཀྱིལ་འཁོར།།
ཁྱབ་བདག་དང་པོའི་མགོན་པོ་མཆོག་ཉིད་མི་ཡི་གར་དུ་བསྒྱུར་བའི་སྲོལ།།
སེམས་འཛིན་སྲོག་གི་ཐིག་ལེ་ལ་ཞུགས་གདེངས་ཀའི་སྦུབས་རྒྱ་ཀུན་བྲལ་ཏེ།།
ལོག་ལྟའི་མགོ་བོ་ས་ལ་བསྙིལ་དེས་མི་ཕྱེད་དད་པས་ལན་བརྒྱར་འདུད།།
ཆབ་མདོ་ངག་དབང་ཕུན་ཚོགས།
—–སྐུའི་འཁྲུངས་སྐཪ་དུས་ཆེན་ལ་ཕུལ།
སྔོན་གླེང༌།
ཕྱི་ལོ་༡༩༥༩ བོད་ས་ཡོངས་རྫོཌ་དགྲ་ལག་ཏུ་ཤོར་ཏེ་བོད་མི་རིགས་ཀྱི་ལོ་རྒྱུས་ནང་དུ་བྱུང་མྱོང་མེད་པའི་ཁྲག་དང་མིག་ཆུའི་འཚོ་བ་རོལ་དགོས་པའི་གནས་སྟངས་སུ་གྱུར་ནའང་། ྋརྒྱལ་བ་རིན་པོ་ཆེས་གཙོས་པའི་སྐུ་འཁོར་ཧྲག་བསྡུས་ཤིག་ངལ་བ་བརྒྱ་ཕྲག་དང་དུ་བཞེས་ཏེ་བོད་མི་རིཌ་དང་སངས་རྒྱས་བསྟན་པའི་དོན་དུ་ཁྱིམ་མཚེས་རྒྱལ་ཁབ་རྒྱ་གར་འཕཌ་པའི་ཡུལ་དུ་བཙན་བྱོལ་དུ་ཕེབས་དགོས་བྱུང༌།
དེ་ལས་མང་བ་། ““རྒྱལ་བ་རིན་པོ་ཆེ་མཆོག་གི་མཛད་རྣམ་མདོར་བསྡུས།” »
༼བོད་མིའི་བླ་ན་མེད་པའི་དབུ་ཁྲིད་༧གོང་ས་༧སྐྱབས་མགོན་ཆེན་པོ་མཆོག་དགུང་གྲངས་༧༨ བཞེས་པའི་སྐུའི་འཁྲུངས་སྐར་ལ་དྲ་གྲོགས་སྐོར་ཞིག་གིས་དགའ་བསུ་ཞུ་བའི་སྙན་རྩོམ་འགའ་ཞིག༽
མཁོ་གཏོང་བ། འཇིགས་བྲལ་བསྟན་འཛིན།
བགྲེས་པའི་ལོ་ལ་གཞོན་ཤའི་མེ་ཏོག་བཞད།།
ཞི་བདེའི་འོད་སྣང་གོ་ལའི་མཁའ་ནས་སྤྲོས།།
ས་སྟེང་འདི་ན་འཚོ་བའི་སྟོན་པ་ཞིག།
ད་ལྟ་རྒྱ་གར་ཡུལ་ན་མཆིས་སོ་སྐད།།
དེ་ལས་མང་བ་། “༧གོང་ས་མཆོག་གི་འཁྲུངས་སྐར་བསུ་བའི་སྙན་རྩོམ།” »
ས་འཛིན་དཀར་པོ།
རྒྱལ་བསྟན་བསྟན་པའི་སྒྲོན་མེ་འཕགས་མཆོག་རྗེ།།
འགྲོ་ཀུན་ཀུན་མཁྱེན་བྱམས་ལྡན་མགོན་པོ་མཆོག །
རྗེ་བཙུན་བཙུན་པ་འཕཊ་མཆོག་སྤྱན་རས་གཟིཊ།།
མ་བཅོས་བཅོས་མིན་གངས་ཅན་མགོན་པོར་འདུད།།
འཁྱམས་པོ།
བདུན།༧།
ནོར་བུ་འཁོར་ལོ་ཐབས་མཆོག་བློན་པོ་དང་།།
དམག་དཔོན་རྟ་དང་ཁྱུ་མཆོག་གླང་བོ་སྟེ།།
ཡིད་འོང་མཛེས་པའི་བཙུན་མོ་རིན་ཆེན་སོགས།།
རྒྱལ་སྲིད་བདུན་གྱིས་༧མགོན་དེའི་འཁྲུངས་སྐར་བསུ།།
དགའ་ཉག་འཁྱམ་པོ།
རབ་དཀར་གངས་རིའི་ཡུལ་ནས་དགོས་དབང་གིས་ཐོལ་གྱིས་ཕེབས་ཏེ་ས་ཆེན་ཞི་བདེའི་དཔལ་ལ་ཡོངས་སུ་འགོད་པའི་དཔལ་ལྡན་བླ་མ་དམ་པ། ཡོངས་རྫོགས་བསྟན་པའི་མངའ་བདག་༧སྐྱབས་མགོན་ཡིད་བཞིན་ནོར་བུའི་སྐུ་ཡི་འཁྲུངས་སྐར་ལ་སྙིང་ནས་འཚམས་འདྲི་དང་གུས་འདུད་ཞུ།
རྣམ་འབྱེད་ཤེས་རབ་ཟབ་མོ།།
བརྩེ་ཆེན་ཀློང་ནས་རྡོལ་ཏེ།།
ཐེ་བོ་ཤེས་རྒྱ་མཚོ།
༧གོང་ས་མཆོག་དགུང་ལོ་༧༨ ལ་ཕེབས་པའི་སྐུའི་འཁྲུངས་སྐར་ལ་བསུ་བ་ཞུ།
མི་ཡི་ཉི་མ་ཁྱོད་སེམས་ལ་ཤར་བས།།
སྡུག་བསྔལ་ལོ་ཟླ་དག་སྐྱིད་ཀྱིས་བསྐྱལ་ཡོད།།
རྒྱབ་རི་བཀན་མོ་ཁྱོད་བརྟན་སེ་ལངས་པས།།
ང་ཡང་ས་མཐའ་ན་འབྲོང་བཞིན་འགྱིང་ཡོད།།
འཆི་བདག་སྐྱབས།
སྐུ་གཟུགས་ཉིན་བྱེད་དབང་པོ་མདོ་སྨད་དུ་འཆར་ཡང་།།
འཚེ་བས་འཁྱགས་སུ་སྦྲུམ་པའི་འཛམ་གླིང་གི་སྐྱེ་འགྲོར།།
ཞི་བདེའི་དྲོད་རླབས་འཕྱུར་བའི་བཀའ་དྲིན་ལ་དམིགས་ནས།།
སྐལ་བཟང་འཁྲུངས་སྐར་ཉིན་མོར་གྲངས་མེད་ཀྱི་འཚམས་འདྲི།།
རིགས་གྲོལ།
སང་ཉིན་འཛམ་གླིང་ཉི་མའི་འཁུངས་སྐར་རེད། བདག་གིས་ཁོང་སྐུ་ཚེ་བསྐལ་བརྒྱར་བརྟན་པའི་སྨོན་ལམ་ཞུ།
ས་གཞི་མཐའ་དག་འཁྱག་གིས་བསྡམས་དུས
ཁྱོད་ཀྱི་བྱམས་བརྩེ་ཡིས་དྲོད་འཁོལ་སྦྱིན
འཇིག་རྟེན་གོར་མོ་སྨག་གིས་བཀླུབས་དུས
ཁྱོད་ཀྱི་ཟེར་འོད་ཀྱིས་མུན་པ་སེལ
འབའ་སྲས།
གཡོ་བའི་རི་ཆེན་རྗེས་བརྩེ་ཞགས་པས་བསྡམས།།
འཕྱོ་བའི་རྒྱ་མཚོ་འཛུམ་དཀར་འོད་ཀྱིས་བཀག །
གཡང་དུ་ལྟུང་ལ་འཆེལ་བའི་ལག་པ་བསྲིངས།།
འཐེང་བོར་འགྲོ་ལ་སྐྱོར་མའི་འཁར་བ་བྱིན།།
འཇམ་དབྱངས་དཀར་པོ།
ཀ་དག་ཀློང་ནས་ཤར་བའི་སྙིང་རྗེའི་ལྷ།།
ཁ་ནས་བྱམས་བརྩེ་རྟེན་འབྱུང་འདོམས་པའི་གསུང་།།
ག་ལེར་འཛམ་གླིང་ཞི་བདེར་སྐྲུན་མཛད་ཐུགས།།
ང་ཅག་མགོན་ཁྱོད་ཞབས་པད་བརྟན་གྱུར་ཅིག །
རས་པ།
སེམས་ཀྱི་རི་བོར་སྐྱོ་སྣང་སྨུག་པ་མཚམས་རེར་འཐིབས་ཤིང་ལན་རེར་ཡལ།།
ཚེ་ཡི་ངོས་འཛིན་སྤང་ཁའི་མེ་ཏོག་ལན་རེར་བཞད་ཅིང་མཚམས་རེར་སྐམ།།
དུས་དེར་སྐྱོ་བ་སྐྱོབ་པའི་སྨན་ཞིག་མ་བཙལ་རྣ་ལ་ཐོས་པ་ནི།།
མགོན་ཁྱེད་ལེགས་གསུང་བདེན་པ་བཞི་ཡིས་དཔུང་དང་བཅས་ཏེ་འོངས་པ་འདི།།
༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་དགུང་གྲངས་༧༨ ལ་སོན་པའི་སྐུའི་འཁྲུངས་སྐར་ལ་དད་གུས་ཆེན་པོས་ཕུལ།
སེར་ཤུལ་རིན་ཆེན་དོན་གྲུབ།
འཛམ་གླིང་ཤར་ནུབ་བློ་ལྡན་སྐྱེ་བོས་ཁྱེད་ཀྱི་སྙན་པའི་མཛེས་པ་བཏེགས།།
ཀུན་ཁྱབ་བསམ་བློའི་ཞིང་ས་དམ་པར་མཛེས་པའི་ལམ་སྟོན་འོད་ཀྱིས་བཀྲམ།།
ཞི་བདེ་འཚེ་བྲལ་བཟང་སྤྱོད་སྟོང་གིས་འགྲོ་བའི་བདེ་སྐྱིད་བླ་ན་སྤེལ།།
དོན་ལྡན་མཚན་གྱི་སྙན་པ་རིང་མོ་གླིང་ཆེན་རྣམ་བཞིའི་མཐོངས་ལས་འཕུར།།
ཚེ་རིང་དཔལ་ལྡན།
ཁམས་གསུམ་འཁོར་བའི་འཇིག་རྟེན་འདི་ན་བྱིས་རྣམས་རྨོངས་པའི་ཆགས་སྡང་གིས།།
ཕན་ཚུན་འཁོན་པའི་རྡུལ་མཚོན་ཕྲ་མོས་རྟེན་འབྱུང་ཆོས་ཉིད་འདོར་བའི་ཚེ།།
ལུགས་གཉིས་བཟུང་འབྲེལ་ཉིན་བྱེད་འོད་ཀྱིས་ཉོན་མོངས་མུན་པ་འཇོམས་བྱས་ཏེ།།
ཟབ་མོ་ཆོས་ཀྱི་གསུངས་དབྱངས་དྲུག་ཅུས་མཁའ་ཁྱབ་འགྲོ་རྣམས་འདྲེན་མཛད་པ།།
ཁ་བའི་འབྲོག་མོ།
——སྐུའི་འཁྲུངས་སྐར་ལ་རྟེན་འབྲེལ་ཞུ།
རབ་བྱུང་བཅུ་དྲུག་དུས་ལེགས་ཏེ།།
བསྐལ་བ་རྫོགས་ལྡན་ཚངས་པའི་དུས།།
ཉི་ཟླ་སྐར་གསུམ་དགུང་ལ་འཛོམས།།
སྐྱེ་དགུའི་ཁམས་ཀྱི་མུན་པ་སེལ།།
རོང་པོ་སྒང་ནེ།
ཀ་མ་ལ་ལྟར་རང་བཞིན་གཙང་ཞིང་ཀུན་གྱིས་དགའ་བའི་མིན་ན་ཀ།།
ཁ་བ་ཅན་གྱི་མགོན་པོ་ཁྱེད་ནི་འཛམ་གླིང་ཞི་བདེ་འདྲེན་པའི་ཁ།།
ག་སར་ཕེབས་ཀྱང་དགྲ་དང་གྲོགས་མེད་བཞིན་གྱི་ཞལ་ནི་བཞད་ཀྱི་ག །
ང་ཡི་རྩ་བའི་བླ་མ་ཁྱེད་ཀྱི་འཁྲུངས་སྐར་ཤིས་སྨོན་འབུལ་འདི་ང་།།
དེ་ལས་མང་བ་། “སྐུའི་འཁྲུངས་སྐར་ལ་ཕུལ་བའི་ཀ་ཕྲེང་དད་པའི་སྤུ་ལོང་གཡོ་བའི་འབྲུག་སྒྲ།” »
གནས་ཚུལ་གཏོང་མཁན། བསྟན་འཛིན།
ཁ་སང་དེ་རིང་མཚོ་ལྷོ་རུ་༧གོང་ས་མཆོག་གི་སྐུ་པར་སྒྲིག་ཤོམ་བྱེད་མི་ཆོག་པའི་འཐབ་རྩོད་འཕྱུར་བཞིན་འདུག དེ་ཡང་དཔེར་ན་བདེ་སྐྱིད་ཐང་དགོན་པར་ཉེན་རྟོག་པ་མང་བོ་འོང་སྟེ་སྔོག་གཤེེར་དང་བཙན་ནོན་བྱེད་བཞིན་ཡོད་པ་དང་། དགེ་འདུན་པ་ཚོར་གལ་སྲིད་བཀའ་དང་ལེན་མི་བྱེད་ན་འཛིན་བཟུང་བྱེད་རྒྱུའི་འཇིགས་སྐུལ་ཡང་བྱེད་བཞིན་འདུག ཁ་སང་ནས་དགོན་པའི་ནང་དུ་སྡོད་གུར་བརྒྱབ་སྟེ་ཉེན་རྟོག་པ་རྣམས་ཤག་འདུག་བྱེད་ཀྱི་ཡོད་འདུག་ལ།
དེ་ལས་མང་བ་། “༧གོང་ས་མཆོག་གི་སྐུ་པར་སྒྲིག་ཤོམ་བྱེད་མི་ཆོག་པའི་འཐབ་རྩོད་འཕྱུར་བཞིན་འདུག” »
ཤར་ཕྱོགས་ཁུག་རྟ།
༄༅།། སྐུ་ཚེ་ཞལ་བཞེས་ལྟར་བརྟན་པར་སྨོན། དགུང་གྲངས ༡༡༣ ལ་བཞུགས་རྒྱུར་བོད་མི་རིགས་ཀྱི་བསོད་ནམས་ཀྱིས་འཁྱོག་པར་ཤོག ༸གོང་ས་ཆེན་པོ་ཁྱེད་ལས་གཞན་བོད་མི་རིགས་ཞེས་པའི་གདགས་གཞི་ཞིག་བདག་ལ་མེད་ཅིང། ༸གོང་ས་ཆེན་པོ་ཉིད་ཀྱི་དགོངས་གཞི་ལས་བོད་མི་རིགས་ལ་དབང་བོ་རྣམ་ལྔ་ཞིག་བདག་ལ་མེད། ༸གོང་ས་ཆེན་པོ་ཉིད་ཀྱི་ཤེས་རབ་འབར་བའི་ལམ་སྟོན་དག་ལས་བོད་མི་རིགས་ལ་མདུན་ལམ་དང་ཚེ་སྲོག་ཅེས་པ་ཞིག་ཀྱང་བདག་ལ་དུས་གཏན་དུ་མེད་པས།
རྒྱང་མིག
—-༧གོང་ས་མཆོག་གི་སྐུའི་འཁྲུངས་སྐར་ལ་ཕུལ།
ཞིང་དཔག་མེད་རབ་འབྱམས་རྒྱ་མཚོའི་སངས་རྒྱས་དང་བྱང་སེམས།།
སྐུ་ཞི་དྲག་ཇི་སྙེད་གར་མཛད་ཡི་དམ་དང་ཆོས་སྐྱོང་།།
སྐྱབས་བསླུ་མེད་མཆོག་གསུམ་རིན་ཆེན་ཀུན་འདུས་ཀྱི་སྤྱི་གཟུགས།།
རྗེ་བསྟན་འཛིན་རྒྱ་མཚོར་རྣམ་ཀུན་སྙིང་དབུས་ནས་མཆོད་དོ།།