Skip to content
  • མདུན་ངོས།
  • ཁ་བརྡའི་དམིགས་ཡུལ།
  • འབྲེལ་གཏུགས།
  • གསར་འགྱུར།
  • རྩོམ་རིག
  • བསམ་ཚུལ།
  • སྣ་ཚོགས།
  • འགྱུར་རྩོམ།
  • དཔྱད་རྩོམ།
  • ངོ་སྤྲོད།

ཁ་བརྡ་ཞེས་པའི་དྲ་ཚིགས་འདིའི་ནང་།། རྩོམ་ཡིག་སུམ་བརྒྱ་བརྒྱད་ཅུ་སྤེལ་འདུག།

Posted on 2020-04-142020-04-14 By ཡེ་ཤེས་ 6 Comments on ཁ་བརྡ་ཞེས་པའི་དྲ་ཚིགས་འདིའི་ནང་།། རྩོམ་ཡིག་སུམ་བརྒྱ་བརྒྱད་ཅུ་སྤེལ་འདུག།

ཀླུ་སྨྱོན་ཧེ་རུ་ཀ

འཛམ་གླིང་བཟང་བཙོན་ཆེན་མོའི་སྐབས་སུ།།
ནང་ལ་འཛུལ་ནས་དེབ་མང་ཀློག་བཞིན།།
དྲ་ཚིགས་འདྲ་མིན་སྒོ་གླེགས་བརྡུངས་དུས།།
ཁ་བརྡ་དྲ་བ་མིག་སྔར་ཐོགས་སོང་།།
སྤྱི་ལོ་ཉིས་སྟོང་བརྒྱད་ནས་བཟུང་སྟེ།།
འདི་ལོ་ཉིས་སྟོང་ཉི་ཤུ་བར་གྱི།།
མི་ལོ་བཅུ་གཉིས་རིང་གི་ཁ་བརྡར།།
རང་རྩོམ་སུམ་བརྒྱ་བརྒྱད་ཅུ་སྤེལ་འདུག།
ལ་ལ་རིང་ཞིང་ལ་ལ་ཐུང་འདུག།
ཁ་ཤས་འཇམ་ཞིང་ཁ་ཤས་རྩུབ་འདུག།
འགའ་རེ་སྙན་ཞིང་འགའ་རེ་འཛེར་འདུག།
ཚང་མ་བསམ་བློའི་ཐོན་རྫས་ཡིན་ནོ།།
བརྗོད་བྱ་རྗོད་བྱེད་གནམ་དང་སྤྲིན་པ།།
དགའ་སྐྱོ་ཆགས་སྡང་ཆུ་ནང་རྡོ་རིགས།།

དངོས་དང་བརྒྱུད་ནས་འཚོ་བ་མཚོན་འདུག།
དཀྱིལ་དང་མཐའ་ནས་གཏམ་རྒྱུད་བྲིས་འདུག།
ལོ་ན་བཅུ་དྲུག་སོན་པའི་དུས་ནས།།
ད་ལྟ་ལྔ་བཅུར་མ་བསླེབས་བར་དུ།།
སྨྱུ་གུ་ཞིག་དང་གཉེན་རྟགས་བརྒྱབ་འདུག།
རྩོམ་ཡིག་མང་པོའི་མི་རབས་སྤེལ་འདུག།
མཐོན་པོའི་མི་ལ་སྤྲེལ་ལད་བྲིས་མེད།།
དམའ་བ་དག་ལ་མཐོང་ཆུང་བྲིས་མེད།།
ཐད་ཀ་ཐད་ཀའི་ཚོར་བ་དམར་པོ།།
ལྷ་འདྲེ་མི་གསུམ་མ་འཛེམས་བྲིས་ཡོད།།
སྙན་ངག་དག་ནི་སྙིང་གི་ཁྲག་ཐིགས།།
སྒྲུང་གཏམ་དེ་ཚོ་མིག་མཐའི་མཆི་མ།།
ལྷུག་རྩོམ་དེ་རྣམས་སེམས་ཀྱི་ན་བུན།།
ཁ་བརྡ་དྲ་བར་མ་ལུས་བསྐྱུགས་འདུག།
བདག་ནི་དབྱངས་ཅན་ལྷ་མོས་བསྐྱངས་ཤིང་།།
ཚོར་བ་གློ་བུར་གློག་གིས་འཁྱུད་པས།།
དུས་ཐུང་རྩོམ་ཡིག་འབྲི་བར་ཚེགས་མེད།།
བྲིས་རྗེས་བསྟོད་སྨད་རེ་དོགས་བྱས་མེད།།
རྩོམ་ཡིག་ལ་ལ་མེ་ཏོག་འདྲ་བས།།
དྲི་མ་ཞིམ་གི་ཟེར་མཁན་མང་ངོ་།།
རྩོམ་ཡིག་འགའ་རེ་སྟུག་དྲི་ངར་མ།།
མང་པོ་ཞིག་གིས་སྣ་གཉེར་བྱེད་དོ།།
རང་སེམས་སྐྱོ་དུས་སྙན་ངག་འབྲི་འོ།།
རང་སེམས་སྡུག་དུས་ལྷུག་རྩོམ་འབྲི་འོ།།
དགའ་སྡུག་དབྱིངས་རིག་གཅིག་ཏུ་འདྲེས་དུས།།
ཅི་ཡང་མི་བསམ་ཏིང་འཛིན་བསྟེན་ནོ།།
འཛམ་གླིང་བཟང་བཙོན་ཆེན་མོའི་སྐབས་འདིར།།
ཁུ་སིམ་ཁ་བརྡ་དྲ་བར་ཉུལ་དུས།།
རང་རྩོམ་སྣ་ཚོགས་མིག་སྔར་སྣང་བས།།
སྤྲང་བོས་རང་གི་རྩམ་ཁུག་བསྔོགས་སོ།།
ཁ་བརྡ་དྲ་བ་ཁ་དྲོ་བཀྲ་ཤིས།།
ཁ་བརྡ་དྲ་བ་ཚེ་རིང་ལོ་བརྒྱ།།
ཁ་བརྡ་དར་མའི་དུས་ཀྱི་དགའ་གྲོགས།།
ཁ་བརྡ་རྒས་པའི་དུས་ཀྱི་སྐྱོ་གྲོགས།།
གྲོགས་དག་དགའ་སྐྱོ་ཆགས་སྡང་སྐྱེས་དུས།།
ཁ་བརྡ་དྲ་བའི་ནང་དུ་ཕེབས་དང་།།
རྩམ་པ་སྣུམ་པོ་བཟའ་རྒྱུ་ཡོད་རེད།།
འོ་ཇ་ཞིམ་པོ་མཆོད་རྒྱུ་ཡོད་རེད།།

དྲན་ཐོ།, སྙན་ངག

Post navigation

Previous Post: འཛམ་གླིང་གི་བུད་མེད་དབུ་ཁྲིད་རྣམས་ཀྱིས་ནད་ཡམས་ལ་ཁ་གཏད་སྟངས།
Next Post: ཕ་ཡུལ་ལ་སྟག་ཀ་སྐྱེས་འདུག

Comments (6) on “ཁ་བརྡ་ཞེས་པའི་དྲ་ཚིགས་འདིའི་ནང་།། རྩོམ་ཡིག་སུམ་བརྒྱ་བརྒྱད་ཅུ་སྤེལ་འདུག།”

  1. མྱི། says:
    2020-04-14 at 10:50 pm

    ཨ་མདོའི་ཁ་བརྡ་དྲ་བ་འདི་རུ།
    ཨ་རོགས་ཁམས་པར་དམོད་མོ་བཟོ་ས།།
    ཨ་ལག་སྨྱོན་པས་འདོད་གཏམ་བཤད་ས།།
    ཨ་ཁ་འདི་ལ་བསྟོད་པ་འོས་སམ།།

    ཁ་ནས་བོད་སྐད་སྨྲ་བའི་མི་ཡིས།།
    ཁ་བའི་མི་ལ་ངན་སྨོད་འདི་འདྲ།།
    ཁ་བརྡ་དྲ་བར་མ་གཏོགས་མི་འདུག །
    ཁ་བ་ཅན་རྣམས་ཁ་འཐོར་གཏོང་སོང་།།

    ཨ་ཁ་ད་དུང་འདི་ལ་བསྟོད་ཁུལ། །
    ཨ་ལག་སྨྱོན་པས་སྨྱོ་གཏམ་ལོས་ཡིན།།
    ཨ་མའི་བུ་ཞིག་ཡིན་གོ་ཆོད་ན།།
    ཨ་ཁ་མ་ཡི་ངོ་གདོང་ཤེས་དགོས།།

  2. འབྲོང་གི་བུ་བརྒྱུང། says:
    2020-04-15 at 1:47 pm

    མྱི་ཟེེར་བ་ཁྱེད་རང་ཡང་སོ་སོ་ཁམས་པའི་ཞེན་ཁོག་འཁུར། ཨ་མདོ་ལ་དམོད་མོ་བྱས།
    རིགས་པ་འགོ་མཚུངས་རེད་འདུག ཧ་ཧ

  3. ཅོ་རི་ཉི་མ། says:
    2020-04-15 at 2:19 pm

    ཀླུ་སྤྱོན་གྱིས།
    མཐོན་པོའི་མི་ལ་སྤྲེལ་ལད་བྲིས་མེད།།
    དམའ་བ་དག་ལ་མཐོང་ཆུང་བྲིས་མེད།།
    ཐད་ཀ་ཐད་ཀའི་ཚོར་བ་དམར་པོ།།
    ལྷ་འདྲེ་མི་གསུམ་མ་འཛེམས་བྲིས་ཡོད།།་་་ཅེས་པའི་སྐད་འདི་སྣང་བ་འགྲོ་བོ་འདྲ་ཞིག་བྱུང་། ཡིན་ཀྱང་བརྒྱ་ཆ་བརྒྱ་ཐམ་པ་དེ་འདྲ་ཞིག་མིན། མཐོན་པོའི་མི་ལ་འཛེམས་ནས་ཆབ་སྲིད་འབྲུ་མི་ཕོད་མཁན་གྱི་མི་དེ་ཁྱོད་མིན་ནམ་་་ཨ་ལ་མཆོག བོད་མི་རིགས་ལ་ཆབ་སྲིད་ཀྱི་དཀའ་རྙོག་ཆེ་བའི་སྐབས་སུ་བླ་དཔོན་དག་ལ་སྐྲག་ནས་འབྲུ་མི་ཕོད་པར་འདི་ནི་བོད་ལ་གྱོང་རེད་ད།་་་ཤེས་པར་བྱོས་ཨ

  4. ཀརྡོ་རབ་འབྱམས་པ་ says:
    2020-04-15 at 4:14 pm

    ཁ་བརྡ་ཞེས་པའི་དྲ་ཚིགས་ཀྱི། །
    རྩོམ་ཡིག་སུམ་བརྒྱ་བརྒྱད་ཅུའི་འོག །
    མཆན་འགྲེལ་སུམ་སྟོང་བརྒྱད་ཅུ་ལ། །
    ཆ་ཚང་ཀློག་མཁན་སྲིད་མཐའ་ཙམ། །

  5. ཇ་མ་ says:
    2020-04-15 at 7:04 pm

    བླ་རྒན་སྐྱག་ས་ནི་ཆབ་སྲིད་རེད། དེ་མིན་ཡོད་ཚད་བྲིས་ཡོད། ཧ་ཧ་

  6. ཡེ་ཤེས་རྒྱ་མཚོ། says:
    2020-05-05 at 12:34 am

    ཁྱེད་ཀྱི་རྩོམ་རིག་དག་ནི་ཀློག་རིན་ཆེ་བ་འདུག

Leave a Reply Cancel reply

Your email address will not be published. Required fields are marked *

འཚོལ།

ཉེ་ཆར་གྱི་མཆན་བུ།

  • བུ་ཆུང་ཚེ་རིང་། on བྲོས་མི་ཆོག ནོར་འཁྲུལ་གཙང་མ་བཟོས། (ཞར་བཀོད་གཅིག)
  • བུ་ཆུང་ཚེ་རིང་། on བོད་ཀྱི་སྒྲ་སྒྱུར་དང་ཉམས་ཞིབ་ལྷན་ཁང་གི་ལས་གཞི་དང་ངོ་སྤྲོད།
  • བུ་ཆུང་ཚེ་རིང་། on འཇུ་ཆེན་དང་སྤེན་ཚེ་གཉིས་གཅིག་པ་གཅིག་རྐྱང་རེད།
  • པ་རྡོ་རེ། on འབྲོང་གཡག་འཐབ་པའི་རྭ་དབར་གྱི་ཁྲག་ཐིག་ལྡག་རྒྱུར་རྔམ་པའི་ཝ་མོ་བྱ་དུར་བཟང་པོ།
  • བསོད་ནམས། on འབྲོང་གཡག་འཐབ་པའི་རྭ་དབར་གྱི་ཁྲག་ཐིག་ལྡག་རྒྱུར་རྔམ་པའི་ཝ་མོ་བྱ་དུར་བཟང་པོ།
  • གཞུང་པ་ཚེ་དབང་བསོད་ནམས་། on འདོད་པའི་འཇུག་སྒོ (མུ་འགོད་ལེའུ་དང་པོ།)
  • འདྲེ་གླེན་པ། on དབྱིན་ཇི་རྒྱལ་སྲསPrince Philipལགས་ཀྱི་དུར་མཇུག་ཉིན་མོར་མི་སེར་ལག་ཁྱེར་ཐོབ་ཚུལ། (ཉིན་ཐོ།)
  • འདྲེ་གླེན་པ། on དབྱིན་ཇི་རྒྱལ་སྲསPrince Philipལགས་ཀྱི་དུར་མཇུག་ཉིན་མོར་མི་སེར་ལག་ཁྱེར་ཐོབ་ཚུལ། (ཉིན་ཐོ།)
  • ཀླུ་སྨྱོན། on དབྱིན་ཇི་རྒྱལ་སྲསPrince Philipལགས་ཀྱི་དུར་མཇུག་ཉིན་མོར་མི་སེར་ལག་ཁྱེར་ཐོབ་ཚུལ། (ཉིན་ཐོ།)
  • ནམ་མཁའ on གངས་རིའི་སྤུན་གསུམ་ལ་སྤྲིངས་བའི་བར་སྣང་སྤྲིན་གྱི་ཕོ་ཉ།
  • ནམ་མཁའ on གངས་རིའི་སྤུན་གསུམ་ལ་སྤྲིངས་བའི་བར་སྣང་སྤྲིན་གྱི་ཕོ་ཉ།
  • གཞུང་པ་ཚེ་དབང་བསོད་ནམས། on རྒྱ་རི་སྒྲོལ་མས་གསལ་བཤད་ཅིག་གནང་དགོས་ཀྱི་འདུག
  • གཞུང་པ་ཚེ་དབང་བསོད་ནམས on སྤྱི་འཐུས་གྲོས་ཚོགས་ནས་ཆེས་མཐོའི་ཁྲིམས་ཞིབ་པ་ཆ་ཚང་འཕོ་འགྱུར་བཏང་བའི་སྐོར་ལ་དཔྱད་པའི་གཏམ།
  • Sonam on སྤྱི་འཐུས་གྲོས་ཚོགས་ནས་ཆེས་མཐོའི་ཁྲིམས་ཞིབ་པ་ཆ་ཚང་འཕོ་འགྱུར་བཏང་བའི་སྐོར་ལ་དཔྱད་པའི་གཏམ།
  • པ་རྡོ་རེ། on སྐྱོ་མ་གཡོ་མཁན་གྲོས་ཚོགས་ཀྱི་རྒྱུན་ལས་ཚོ་ཡིན་ཚེ། གཙང་བཟོ་གནང་མཁན་ཡང་རྒྱུན་ལས་ཚོ་ཉག་ཅིག་ཡིན།

ཉེ་ཆར་གྱི་རྩོམ།

  • འདོད་པའི་འཇུག་སྒོ། (མུ་འགོད་ལེའུ་གཉིས་པ།)
  • བོད་རིག་པ། དྲྭ་རྒྱ་གསར་དུ་སླེབས་པར་དགའ་སྤྲོ་ཆེ། 
  • འབྲོང་གཡག་འཐབ་པའི་རྭ་དབར་གྱི་ཁྲག་ཐིག་ལྡག་རྒྱུར་རྔམ་པའི་ཝ་མོ་བྱ་དུར་བཟང་པོ།
  • འདོད་པའི་འཇུག་སྒོ (མུ་འགོད་ལེའུ་དང་པོ།)
  • ཀཱེ་གྷོ་ཙིའི་བསླབ་བྱ།
  • དབྱིན་ཇི་རྒྱལ་སྲསPrince Philipལགས་ཀྱི་དུར་མཇུག་ཉིན་མོར་མི་སེར་ལག་ཁྱེར་ཐོབ་ཚུལ། (ཉིན་ཐོ།)
  • གངས་རིའི་སྤུན་གསུམ་ལ་སྤྲིངས་བའི་བར་སྣང་སྤྲིན་གྱི་ཕོ་ཉ།
  • གཉིད་མ་སད་ཀྱི་ཉིན་ཐོ།
  • བཅའ་སྡོད་སློབ་གྲྭ།
  • རྒྱ་རི་སྒྲོལ་མས་གསལ་བཤད་ཅིག་གནང་དགོས་ཀྱི་འདུག
  • ཅོང་བརྡ།
  • ཁྱོད་བུད་སོང་།
  • ཐན་སྐད།
  • སྐྱོ་མ་གཡོ་མཁན་གྲོས་ཚོགས་ཀྱི་རྒྱུན་ལས་ཚོ་ཡིན་ཚེ། གཙང་བཟོ་གནང་མཁན་ཡང་རྒྱུན་ལས་ཚོ་ཉག་ཅིག་ཡིན།
  • སྤྱི་འཐུས་གྲོས་ཚོགས་ནས་ཆེས་མཐོའི་ཁྲིམས་ཞིབ་པ་ཆ་ཚང་འཕོ་འགྱུར་བཏང་བའི་སྐོར་ལ་དཔྱད་པའི་གཏམ།

ཤོག་ངོས།

  • ཁ་བརྡའི་ཁྱབ་བསྒྲགས་གོང་ཚད།
  • འབྲེལ་གཏུགས།
  • ཁ་བརྡའི་དམིགས་ཡུལ།
    • ཁ་བརྡའི་རྩ་དོན་གསུམ།
    • ཁ་བརྡ་ལ་འཇུག་ཚུལ།
    • ཁ་བརྡའི་མཆན་གྱི་རྩ་འཛིན།
    • ཁ་བརྡའི་རེ་སྐུལ།

ཁ་བརྡའི་རྩ་དོན།

དང་པོ། རྩོམ་མཁན་གྱི་ལྟ་བ་དང་བསམ་ཚུལ་ལ་མོས་མཐུན་བྱེད་དཀའ་ན་ཡང་། རྩོམ་མཁན་དེ་ལ་མིའི་ཆེ་མཐོང་སྤྲོད་དགོས་པ་ནི་ཁ་བརྡའི་རྩ་དོན་ཡིན།

གཉིས་པ།  ཁ་བརྡའི་ཐོག་ལ་སྤྱི་དོན་དང་། དེ་བཞིན་རིག་གཞུང་དང་འབྲེལ་བའི་དོན་རྩ་དང་ལྟ་བའི་སྐོར་གྱི་རྩོམ་འགོད་པ་མ་གཏོགས།  མི་སྒེར་གྱི་དོན་དག་བཟང་ངན་གླེང་བཤད་རིགས་འགོད་སྤེལ་མ་ཡོང་བ་ལ་འབད་བརྩོན་བྱེད་དགོས།

གསུམ་པ། རྒྱུ་མཚན་ཅི་ཞིག་གི་ཐོག་ནས་ཀྱང་གང་ཟག་བྱེ་བྲག་པ་ཞིག་ལ་ཁྱད་གསོད་དང་དམའ་འབེབས་ཀྱི་ཚིག་སྦྱོར་རིགས་འགོད་སྤེལ་མེད་པ་དགོས།

བཞི་པ། ཁ་བརྡར་བཀོད་པའི་མཆན་དང་རྩོམ་རྣམས་ནི་ཁ་བརྡ་རྩོམ་སྒྲིག་ཚོགས་ཆུང་གི་བསམ་ཚུལ་ཡིན་པའི་ངེས་པ་མེད།

ཁ་བརྡའི་འཛིན་སྐྱོང་གིས་ སྤྱི་ལོ་ ༢༠༡༢ ལོའི་ཟླ་ ༣ ཚེས་ ༣༡ ཉིན་སྤེལ།

ཟླ་འདིའི་ཀློག་གྲངས་མང་ཤོས།

  • འཇུ་ཆེན་དང་སྤེན་ཚེ་གཉིས་གཅིག་པ་གཅིག་རྐྱང་རེད། (792)
  • སྐལ་རྡོར་གྱིས་གོང་ས་མཆོག་གི་སྐུ་པར་ཕབ་པ་གསལ་པོ་ཆགས། སུས་ལན་གནང་ཐུབ་ན་མགྱོགས་པོར་ཡིན་ད། (748)
  • བྲོས་མི་ཆོག ནོར་འཁྲུལ་གཙང་མ་བཟོས། (ཞར་བཀོད་གཅིག) (494)
  • ༢༠༢༡ ལོའི་སྲིད་སྐྱོང་འོས་གཞི་སྐལ་རྡོར་དང་། ཁ་མཆུ་ཨང་ ༢༠ པ། (475)
  • ཆོལ་གསུམ་ཆིག་སྒྲིལ་དགོས་ན། གྲོས་ཚོགས་ར་བའི་ནང་གད་བརྡར་བྱེད་རན་འདུག (396)
  • འབྲོང་གཡག་འཐབ་པའི་རྭ་དབར་གྱི་ཁྲག་ཐིག་ལྡག་རྒྱུར་རྔམ་པའི་ཝ་མོ་བྱ་དུར་བཟང་པོ། (347)
  • བཙན་བྱོལ་བོད་མིའི་མང་གཙོའི་གཤེད་མ་འཚོལ་ཞིབ། (335)
  • རྒྱ་རི་སྒྲོལ་མས་གསལ་བཤད་ཅིག་གནང་དགོས་ཀྱི་འདུག (311)
  • གྲོས་ཚོགས་ར་བ་ནི་གད་སྙིགས་ར་བ་ཞིག་རེད། (298)
  • ​«ཞར་ལའོ་ཁྲིའི་སྡོམ་ཐག»གི་བཀླགས་ཚོར་ཐན་ཐུན། (287)

དཀར་ཆག

  • གླུ་གཞས།
  • གློག་ཀླད་ཤེས་བྱ།
  • གློག་བརྙན་།
  • གསར་འགྱུར།
  • གསལ་བཤད།
  • གསལ་བསྒྲགས།
  • གསུང་བཤད།
  • གསོ་རིག
  • ངོ་སྤྲོད།
  • དཔྱད་བརྗོད།
  • དཔྱད་རྩོམ།
  • དཔལ་འབྱོར་རིག་པ།
  • དྲན་ཐོ།
  • དེབ་ཐེར།
  • པར།
  • བགྲོ་གླེང་།
  • བཅར་འདྲི།
  • བྱིས་རྩོམ་
  • བརྩམས་སྒྲུང་།
  • བསམ་ཚུལ།
  • མཚར་གཏམ།
  • ཚན་རིག
  • འགྱུར་རྩོམ།
  • འཕྲིན་ཡིག
  • འཕྲོད་བསྟེན།
  • རྩོམ་རིག
  • ལྷུག་རྩོམ།
  • ལོ་རྒྱུས།
  • སྙན་ངག
  • སྣ་ཚོགས།

ཡིག་མཛོད།

འབྲེལ་ཐག

  • ༸རྒྱལ་བ་རིན་པོ་ཆེ།
  • གཡུ་ཞུན་དྲ་བ།
  • ཕ་ཡུལ།
  • བཙན་པོ་དྲ་བ།
  • བོད་ཀྱི་ཆ་འཕྲིན།
  • བོད་ཀྱི་དྲ་སྣང་དུས་དེབ།
  • བོད་ཀྱི་དུས་བབ།
  • བོད་ཀྱི་དེ་ཕོ།
  • བོད་ཀྱི་བང་ཆེན།
  • བོད་མི་མང་སྤྱི་འཐུས་དྲ་བ།
  • བོད་མིའི་སྒྲིག་འཛུགས་དྲ་བ།
  • མཆོད་མེ་དྲ་བ།
  • མཆོད།
  • མི་རབས་གསར་བ།
  • འགྲོ་བ་མིའི་ཐོབ་ཐང་།
  • འཇམ་དབྱངས་ནོར་བུ།
  • འོད་ཟེར་ཟིན་བྲིས།
  • རང་བཙན་མཐུན་ཚོགས།
  • རི་མཐོ་ས་གཙང་།
  • ལ་རྩེ་དཔེ་མཛོད་ཁང་།
  • ལུག་ཚང་དཔལ་ཡོན།
  • ཤེས་རིག་ལས་ཁུངས་ཀྱི་དྲ་རྒྱ།

འཛིན་སྐྱོང་།

  • Log in

པར་སྐྲུན་བདག་དབང་ © 2021 ཁ་བརྡ་དྲ་བ་ཡོད།

Powered by PressBook Premium Child theme