སྨན་པ་བསྟན་འཛིན་གྲགས་པ།
ཁྱེད་རང་ལ་མ་བདེ་བ་ཡོད་ན་ཏོག་དབྱིབས་ནད་དུག་གི་ཁྱབ་གདལ་འགོག་པར་ཕན་ཐོག་ཡོད་པའི་ཐབས་ལམ་རྣམས་ནི།
གཤམ་གསལ་ཐབས་ལམ་རྣམས་ལ་བརྩི་འཇོག་བགྱིས། གལ་ཏེ་ཁྱེད་རང་ལ་ཏོག་དབྱིབས་ནད་དུག་ཡོད་པའམ། མེད་དམ་སྙམ་ན། ཁྱེད་རང་གི་ནང་དང་སྤྱི་ཚོགས་ནང་ལ་ཡོད་པའི་མི་རྣམས་སྲུང་ཞིང་སྐྱོབ་སླད་གཤམ་གསལ་ཐབས་ལམ་རྣམས་ལ་བརྩི་འཇོག་བགྱིས།
སྨན་བཅོས་ཀྱི་ལྟ་སྐྱོང་དགོས་ཀྱི་ཡོད་ན་མ་གཏོགས་ཁྱིམ་དུ་བཞུགས།
ནང་ལ་ཡོད་པའི་མི་རྣམས་ལས་རང་ཉིད་ཟུར་བཅད་ལོགས་སུ་བཞུགས་དགོས། འདི་ལ་ནང་ཁྱིམ་ཟུར་བཀག་ཞེས་བརྗོད།
སྨན་པའི་སར་མ་བཅར་གོང་ཁ་པར་བཏང་།
ཁྱེད་རང་ནད་པ་ཡིན་ན་ཁ་རས་གྱོན་དགོས།
ཁྱེད་རང་གློ་དང་ཧབ་སྦྲིད་རྒྱག་དུས་འགེབས་དགོས།
ལག་པ་ཡང་སེ་གཙང་མ་བཟོ་དགོས།
སྒེར་བདག་ནང་གི་ཡོ་ཆས་རྣམས་མཉམ་སྤྱོད་བྱེད་པ་སྤོངས།
“ལན་མང་རེག་པའི་”ངོས་ཐམས་ཅད་ཉི་མ་རྟག་པར་གཙང་མ་བཟོ་དགོས།
རང་ཉིད་ཀྱི་ཟུར་བཅད་(“ནད་ཁང་”དང་འཁྲུ་ཁང་)ནང་ལན་མང་རེག་པའི་ངོས་རྣམས་ཉི་མ་རྟག་པར་གཙང་མ་བཟོ་དགོས། ལན་མང་རེག་པའི་ཁྱིམ་ནང་གི་གནས་གཞན་རྣམས་ཀྱི་ གཙང་བཟོ་དང་དུག་སེལ་ལྟ་སྐྱོང་གནང་མཁན་ལ་བྱེད་འཇུག་དགོས།
རང་ཉིད་ཀྱི་ནད་རྟགས་ལ་བྱ་ར་བགྱིས།
གལ་ཏེ་ཁྱེད་རང་ལ་ཏོག་དབྱིབས་ནད་དུག་གི་ཛ་དྲག་ཉེན་བརྡ་མངོན་ན་འཕྲལ་མར་སྨན་བཅོས་ཀྱི་ལྟ་སྐྱོང་ཐོབ་པ་བྱེད་དགོས།
ཛ་དྲག་ཉེན་བརྡའི་རྟགས་རྣམས་ནི།*
རེའུ་མིག་འདིའི་ནང་ཚང་མ་ཚུད་མེད། ཉེན་ཚབས་ཆེ་བ་དང་བློ་འཚབས་དགོས་པའི་རྟགས་གཞན་གྱི་ཐད་སྨན་གྱི་མཐུན་རྐྱེན་སྦྱོར་མཁན་ལ་སློབ་སྟོན་ཞུས།
གལ་ཏེ་ཁྱེད་རང་ལ་ཛ་དྲག་སྨན་བཅོས་དགོས་པ་ཆགས་ན་༩༡༡ལ་ཁ་པར་བཏང་། གལ་ཏེ་ཁྱེད་རང་ལ་ཛ་དྲག་སྨན་བཅོས་དགོས་པ་ཆགས་ནས་༩༡༡ལ་ཁ་པར་གཏོང་དགོས་ན་ཁྱེད་རང་ལ་ཏོག་དབྱིབས་ནད་དུག་ཡོད་པའམ་ཡོད་སྲིད་སྐོར་འཕྲུལ་འཁོར་གཏོང་མཁན་ལ་བཤད་དགོས། སྨན་བཅོས་ཀྱི་རོགས་རམ་མ་སླེབས་པའི་སྔོན་ལ་བྱུང་ན་ཁ་རས་གྱོན་དགོས།
ཁྱིམ་ནང་གི་ཟུར་བཀག་མཚམས་ཇི་ལྟར་བཞག་དགོས།
གནད་དོན་ཐམས་ཅད་ཐད་འཕྲོད་བསྟེན་གྱི་མཐུན་རྐྱེན་སྦྱོར་མཁན་དང་ས་གནས་འཕྲོད་བསྟེན་སྡེ་ཚན་གྱི་ལམ་སྟོན་ལ་བརྩི་འཇོག་བགྱིས། རང་གི་ཁྱིམ་དུ་ཟུར་བཅད་སྡོད་པ་མཚམས་བཞག་ན་ཐག་གཅོད་དེ་འཕྲོད་བསྟེན་གྱི་མཐུན་རྐྱེན་སྦྱོར་མཁན་དང་མངའ་སྡེ་དང་ས་གནས་འཕྲོད་བསྟེན་སྡེ་ཚན་ལ་སློབ་སྟོན་ཞུས་ནས་གནང་དགོས། ས་གནས་ཀྱི་ཐག་གཅོད་དེ་ས་གནས་ཀྱི་གནས་སྟངས་ལ་རག་ལས་པ་ཡིན།
གནས་ཚུལ་མང་བ་འདིར་ཡོད། https://www.cdc.gov/coronavirus/2019-ncov/hcp/disposition-in-home-patients.html.
འཕྲོད་བསྟེན་གྱི་མཐུན་རྐྱེན་སྦྱོར་མཁན་རྣམས་ཀྱི་ཆེད་ཁ་སྐོང་གནས་ཚུལ། Interim Healthcare Infection Prevention and Control Recommendations for Persons Under Investigation for 2019 Novel Coronavirus.
ཏོག་དབྱིབས་ནད་དུག་དང་འབྲེལ་ཆགས་ལམ་སྟོན་འདི་ཕི་ལི་པིན་མི་རིགས་ Emmy Catedral ཞུ་བས་གློག་འཕྲིན་བརྒྱུད་རེ་སྐུལ་གནང་བ་དང་ལེན་བགྱིས་ཏེ་ཕབ་བསྒྱུར་ཞུས། ཁོང་གིས་ཞིབ་འཇུག་གནང་འབྲས་ནིའུ་ཡོག་ཏུ་བཞུགས་པའི་བོད་མིའི་སྤྱི་ཚོགས་ནང་ལམ་སྟོན་དེ་འདྲ་གང་ཡང་མེད་པ་གཟིགས་འདུག འདི་ལ་ཞུ་དག་བྱེད་ཁོམ་མ་བྱུང་བས་ནོར་བ་དེ་འདྲ་ཡོད་ན་བཟོད་གསོལ་ཞུ། སྨན་པ་བསྟན་འཛིན་གྲགས་པས་ཕྱི་ལོ་༢༠༢༠ཟླ་༤ཚེས་༦ཉིན་ཕབ་བསྒྱུར་ཞུས།