ལོ་ཡག
ཇི་སྐད་དུ། དོན་གྱི་རྒན་པོ་ཚིག་གི་མཁར་པ་ལ། །བརྟེན་ཕྱིར་་་་།ཞེས་དང་། ཚིག་གི་དག་ཆས་དོན་གྱི་གནད་འབྱི
དེ་ཡང་རང་རེའི་མེས་པོ་གོང་མ་རྣ
དེང་སང་བོད་ཕྱི་རོལ་ཏུ། གཏོང་ཡིག་དང་གསལ་བསྒྲགས་ལྟ་བུ་
ཐེངས་ཤིག ཕྲན་གྱིས་ཕྱི་གླིང་བ་ཞིག་ལ་བོད་
མཆོག་སྤྲུལ་དར་ཐང་ཚང་ནི། བདུད་འཇོམས་རིན་པོ་ཆེ་ཞལ་གྱིས། ངེད་ནས་སྔགས་འཆང་རྡོ་རྗེ་འཛིན་
གུས་པས་འདི་ལྟར་སྨྲས་པ་ནི། གཞན་གྱི་ཕུན་ཚོགས་ལ་མ་དགའ་བའམ་
རང་ངོ་རིག་༼པའི་༽(པས་)སྒོམ་རྒྱུ
གཟའ་གཏད་མེད་པས་སྤྱོད་པའི་སྒྲོ
རང་བཞིན་ལྷུམས་ཞུགས་སྤྲོས་བྲལ་
ལམ་གྱི་གནད་ལ་གོལ་༼འཕྱོགས་༽(འཕྱུ
བཟང་༼ཅན་༽(ཞེན་)རྣམ་རྟོག་ཕྱོགས་
བཏང་སྙོམས་ལུང་མ་བསྟན་དུ་མ་འབྱ
ཤར་གྲོལ་རིས་མེད་རྒྱ་ཡན་ལྷུན་
སྤང་བླང་ཡེ་ཟད་རང་བཞིན་ཡོངས་ཤེ
ལམ་གྱི་གནད་ལ་༼གོར་༽(གོལ་)༼འཕྱོ
སྨྲས་པ། ཚིག་གི་འཁར་བ་མི་ཆག་ཅིང་། །དོན་གྱི་རྒན་པོ་མི་འགྱེལ་པར། །
ཡིད་ལ་འཁོར་བ་དང་འདིར་ལག་པས་བྲིས་པར་རྗེས་སུ་ཡི་རང་ཡོད།
ཞུ་དག་པའི་ཡིག་གཟུགས་དེ་ངའི་ཡིག་གཟུགས་འདྲ་བོ་འདྲ་རྐྱང་རེད་འདུག
དག་པ་ཞུས་བ་ནི་ཡག་པོ་རེད། དཔེར་ཐེངས་གཉིས་བ་གསུམ་པ་ནི་ཇེ་དག་དུ་འགྲོ་བར་ཕན།
འདི་ནི་ཧ་ལམ་བོད་ཕྱི་ནང་གཉིས་ཀར་རྒྱུན་ལྡན་རེད། འདིའི་ལས་ཉེས་ནི། དཔེར་ཁང་དང་དེའི་ནང་གི་ལས་མི་རྣམས་ཀྱི་བྱ་ལས་འཐུས་མ་ཚང་བ་ཙམ་ལས།
དོན་མེད་པར། དཀར་ནག་དང་གོ་རིམ་མེད་པའི་སྐད་ཆ་ལྡོག་པ་རྐྱང་བཤད་ན་ཡག་པོ་མ་རེད་དོ།
བོད་ཀྱི་གསུང་ཆོས་ཤིག་ན། ཆར་པ་ཆེན་པོར་བབས་དུས། མི་ཞིག་གིས། ཚ་ཚ་ [སཏྪཱ་ཡཱ] དེ་ཉིད་ཆར་པས་འཇིག་དོགས་ཀྱིས་ལྷམ་འགོག་ཅིག་ཚ་ཚའི་སྟེང་གཡོགས་པའི་དགེ་བ་བསགས།
རྗེས་གནམ་ཐང་དུས། ཚ་ཚ་ཡི་སྒང་ལ་ལྷམ་འགོག་གཡོགས་པ་དེ། ལེགས་པ་མ་ཡིན། བསམས་ནས། ཚ་ཚ་ནས་ལྷམ་འགོག་དེ་འཐེན་པའི་བསོད་ནམས་བསགས།
དེ་བཞིན་དཔེ་ཆ་མ་དག་པ་རྣམས་དག་པར་བསམས་ཏེ། ཆོས་སྦྱིན་བྱས་པའི་དགེ་བ་དང་། དེ་དག་ན་མིང་ཚིག་མ་དག་པ་མང་པོར་མཐོང་ནས། དེ་དག་ལ་ཞུས་དག་བྱས་པའི་དགེ་བ་འབྱུང་། དེ་གཉིས་ཀ་ཐ་སྙད་ཀུན་རྫོབ་ཏུ་བྱུང་། ནམ་ཞིག་ན། རྟེན་འབྱུང་རྟོགས་པ་ན། གོང་གི་གནས་ལུགས་གཉིས་ཀ་སྟོང་པ་ཉིད་དུ་ངེས་ནས་འཁོར་བ་ནས་གྲོལ་བར་གསུངས་སོ།
བདག་ནི་རྨོངས་པ་ཞིག་པས། ནོར་འཕྲུལ་ཡོད་པ་ཀུན་སེལ་བར་མཛོད།
[སཏྪཱ་ཡཱ] ཞེས་པར་[སཙྪཱ་ཡཱ] ཞེས་ཞུས་དག་བྱས། ལི་ཤི་གུར་ཁང་ན། དམ་པའི་གཟུགས་བརྙན། ཞེས་བསྒྱུར།
ཆོས་སྦྱིན་གནང་མཁན་དང་དང་ཡིག་ནོར་དག་བཅོས་གནང་མཁན་གཉིས་ཀ་ལ་ཐུགས་རྗེ་ཆེ་ཞུ་གི་ཡོད་གང་ལགས་ཞུས་ན་བདག་གཞན་དགེ་བ་མཐུ་མོང་རེད་།
ལ་དྭགས་འཇམ་དཔལ་ལགས།
ཆར་བ་འབབ་དུས་མིན་འགྲོ།
རྒྱུ་གྲོན་ཕངས་མེད་བཏང་། ཕྱག་དཔེ་རྣམས་ཆལ་ལེ་ཆོལ་ལེ། དག་གཙང་ཞིག་གདོན་མ་ཐུབ་པའི་རྒྱུ་རྐྱེན་གང་། ཡ་མཚན། ཕངས་པ་ལ་ཨ།
དགྲ་ལས་རྣམ་རྒྱལ་ལེགས།
ཆར་པ། ཞེས་བོད་རྒྱ་ཚིག་མཛོད་ན་མཆིས། ཆར་འབབ་དུས་ཞེས་་ཡོད་ཀྱང་། ས་ཡང་འཇུག་དེ་ཆད་པ་འདྲ། ་བབས་དུས། ཞེས་འདས་ཚིག་ལ་བསམ་བློ་འཁོར། དཔྱོད་མཛོད། ཆར་འབེབས། ཞེས་པ་ཡུལ་ཡོད་བྱ་ཚིག་ཏུ་བཤད་པར་གོ
་
ལོ་ཡག་ལེགས།
ལོ་ངོ་བདུན་བརྒྱད་སྔོན་དུ། དར་ཐང་སྤྲུལ་སྐུ་དང་འབྲེལ་པའི་སློབ་གྲྭ་ཞིག་ཏུ་ཨ་རིའི་སློབ་གྲ་པའམ། སློབ་གྲ་མོས་བོད་ཡིག་སྤར་ལས་བྱས་པ་ན། བོད་ཡིག་མ་དག་པ་མང་ཙམ་མཐོང་། གསུང་རབ་ཀྱི་དཔེ་ཆ་ཆོས་སྦྱིན་དུ་གཏོང་ན། བོད་སྤར་སྔོན་གྱི་དཔེ་ཆའི་རིགས་སྤར་སློག་བྱས་ཏེ། ཆོས་སྦྱིན་དུ་གཏང་ན། ལེགས་སོ་སྙམ་མོ། མིང་ཚིག་མ་དག་པ་ལ་ཞུས་དག་བྱེད་པ་གལ་ཆེ་ལགས། ཞུས་དག་བྱེད་པ་བདག་ལྟ་བུས་ཞུས་དག་བྱས་པ་དེར གཞན་གྱིས་དེ་དང་དེ་ལ་ཞུས་དག་བྱས་པ་ནོར་རོ་ཟེར་ན། དེ་ཡིས་བློ་སྐྱེད་འབྱུང་བ། རྟགས་བསལ་གཏོང་བ་དང་འདྲ་བར་སེམས་སོ།
ཚ་ཚ་གཅིག་ལ་གླེན་པ་གསུམ་གྱི་ལོ་རྒྱུས་བཞིན་བསམ་པ་དགེ་དང་མི་དགེ་རང་ལ་རག་ལས་པ་འདྲ། ཡིན་ནའང་ཡིག་ནོར་ལ་རྟེན་ནས་དོན་ནོར་ལ་སོང་བའི་ཉེན་ཁ་ཡོད་པས་ཡི་གེ་དག་དགོས་རྒྱུ་དེ་ཧ་ཅང་གི་གལ་ཆེ།
དགེན་བློ་བཟང་འཇམ་དཔལ་ལགས། ཕྱག་དཔེ་ཆལ་ལེ་ཆོལ་ལེ་འདོན་མཁན་དག་ལ་ཚོགས་གཏམ་ཁ་ཚ་དགོས་གཏུགས་མ་ཞིག་གནོངས་དང་། རང་རེའི་གཏམ་དཔེར། མི་རྒན་པའི་ཁ་ལ་ཉོན། །བྱ་གཞོན་པའི་སྒྲོ་ལ་ལྟོས། །ཞེས་ཟེར་སྲོལ་ཡོད་པས། རེ་བ་ཡོད། མཉན་པའི་རེ་བ་ཡོད། །
ཡིག་མཁན་བསྟན་པའི་རྐུ་མ་རེད། །
ཡིག་ནོར་བསྟན་པའི་དགྲ་བོ་རེད། །
་
བཀའ་བསྟན་བསྟན་པའི་མ་དཔེ་རེད། །
འབྲི་མཁན་བསྟན་པའི་ཞབས་ཞུ་རེད། །
དཔེ་ཆ་ཀློག་མཁན་མེད་པས། དངུལ་ཆུད་གསོད་རེད།
ནང་བསྟན་ཉག་ཕྲ་བའི་དུས་སྐབས་འདིར་དར་ཐང་རིན་པོ་ཆེ་ནས་བསྟན་ལ་ལྷག་བསམ་དཀར་པོའི་རླབས་ཆེན་ཆོས་སྦྱིན་རྒྱ་ཆེ་གནང་བར་ཐུགས་རྗེ་ཆེ་ཞུ་གི་ཡོད་།
དཔའ་བོ་གཅན་གཟན་ཁྲོད་ནའང་ཡོད། །
ཕྱུག་པོ་ཀླ་ཀློ་ལ་ཡང་ཡོད། །
དོན་དང་མཐུན་པའི་གཏམ་སྨྲ་བ། །
འཇིག་རྟེན་འདི་ན་ཤིན་ཏུ་དཀོན། །
ཆོས་རྣམས་ཐམས་ཅད་རྒྱུ་ལས་བྱུང་།
དེའི་རྒྱུ་དེ་གཤེགས་པས་གསུངས།
རྒྱུ་རྣམས་འགོག་པ་གང་ཡིན་པ།
དགེ་སྦྱོང་ཆེན་པོས་དེ་སྐད་གསུང་།།
་
ཚིགས་བཅད་འདི་ཉིད་ སུས་སུ་ལ་སྐྱོར་བ་ཡིན་ནམ། འདིའི་ལེགས་སྦྱྲར་དང་། རྣམ་གྲངས་པའི་སྐད་དུ། འདོན་ཤེས་མཁན་ཡོད་དམ། མཉན་པ་པོས། ཚིགས་བཅད་ཀྱི་དོན་དག་ལེགས་པར་རྟོགས་ཏེ། རངགི་དམ་བཅའ་བཞིན། གྲོགས་པོའི་གན་དུ་སོང་སྟེ། ཚིགས་བཅད་དེ་སྐྱོར་པ་ན། གྲོགས་པོ་དེས་དེ་ཉིད་ཀྱི་དོན། དེ་མ་ཐག་ཏུ་མ་གོ་བས། སྐྱར་ཟློས་བྱ་དགོས་པ་དང་། མཐར་གཉིས་ཀས་དགྲ་བཅོམ་པ་ཐོབ་ཀྱང་། ཕྱི་མ་དེ་ཉིད་སྐུ་གཤེགས་དུས་ཇི་ལྟར་བྱུང་བ་དང་། ཡིག་ནོར་དག་ལ་ཞུས་དག་མཛོད་གྲོགས་ཞུའོ།
རྒན་ལ་དྭགས་པ་ལགས་ཀྱིས་རེ་བསྐུལ་ལྟར་ཁོང་ཉིད་ཀྱི་མཆན་ཐུང་ལ་ཞུ་དག་བགྱིས་ན་འདི་ལྟར།
༼མཉན་པ་པོ།༽(ཉན་པ་པོ) ༼སྐྱར་ཟློས་༽(བསྐྱར་ཟློས) ༼ཞུས་དག་༽(ཞུ་དག)་་་་་ཞུས་དག་ཅེ་ན། དེ་ལ་དོན་རྟགས་འཕར་མ་ཞིག་ཡོད་དེ། ཕབ་བཤུས་དང་དག་བཅོས་ཀྱི་བྱ་བ་གཉི་ག་ལ་འཇུག་པའོ། །དེ་ལྟར་ཡང་མཁས་པ་གོང་མའི་བསྟན་བཅོས་ཤིག་གི་མཇུག་བསྡུའི་གཏམ་དུ་གསལ་པོར་གསུངས་འདུག་སྟེ། རེ་ཞིག་མ་རྙེད་པས་སྤྱན་བསྟར་ཞུ་རྒྱུ་མེད) ༼མཛོད་གྲོགས༽(མཛད་གྲོགས་) ཞེས་སུའོ། །བཀྲ་ཤིས་ཤོག །
ལོ་ཡག་ལེགས། ཞུས་དག་མཛད་པར་བཀའ་དྲིན་ཆེ༐ ཞུ་དག་དང་ཞུས་དག གང་དག་པ་ཡིན། རྣམ་དཔྱོད་ལྡན་པ་རྣམས་ཀྱིས་བོད་ཡིག་དག་པར་འདོད་པ། བློ་ལྡན་ཨོ་ཡག་སོགས་ཀྱིས། ༧རྒྱལ་བ་སྐུ་འཕྲེང་༨་པའི། ཡོངས་འཛིན་རིན་པོ་ཆེ། ཡེ་ཤེས་རྒྱལ་མཚན་གྱི་རྣམ་ཐར་བོད་སྤར་ཤོག་གྲངས་༡༡༥་དང་། འཇུ་མི་ཕམ་རིན་པོ་ཆེས་མཛད་པའི། དབུ་མ་རྒྱན་རྩ་འགྲེལ། ཟི་ཁྲོན་མི་རིགས་དཔེ་སྐྲུན་ཁང་། ཤོག་ ༤༩༥་གཟིགས།
ལོང་ཐོབ་སྐབས་རྩོད་གླེང་ཞུ་ཆོག
རྒན་ལ་དྭགས་པ་མཆོག་གིས་འབྱུང་ཁུངས་ཤོག་ངོས་དང་བཅས་པ་གསལ་ཐིངས་ཐིངས་སུ་གསུངས་པ་མིག་དཔེར་ལེགས། འདིར་རྒྱུ་མཚན་ཕྲན་ཚེགས་རེ་དབང་བཙན་དུ་བཅུག་ན། “ཞུ་” དང་ “ཞུས་” ནི་བྱ་ཚིག་ཡིན་པ་ལྟར། མིང་རྐྱང་གང་ཞིག་བྱ་ཚིག་གིས་གྲུབ་པའི་སྐབས་སུ། འགྲུབ་བྱེད་བྱ་ཚིག་དེ་ད་ལྟ་བར་ཤས་ཆེ་བ་དང་། གཞན་ཡང་བསྟན་བཅོས་ལ་ལའི་མཇུག་ཏུ། ཆེ་གེ་མོ་ཡིས་ཞུས་ཤིང་དག་པར་བགྱིས་ཞེས་པ་སོགས་འབྱུང་པས། དེའི་སྐབས་ན་ “ཞུས་” ནི་ཡི་གེར་ཕབ་པའི་དོན་དང་། “དག་པར་བགྱིས་” ནི་དག་པར་བཅོས་པའི་དོན་དུ་གོ དེ་ལྟར་མིན་པར་སྔ་ཕྱི་གཉི་ག་དག་བཅོས་ཀྱི་དོན་དུ་སོང་ན་ཟློས་སྐྱོན་དུ་ཐལ་ལོ། །གོང་དུ་ཞུས་ཟིན་ལྟར། “ཞུས་”ནི་ཡི་གེར་ཕབ་བཤུས་བྱས་པའི་དོན་དུ་བཀྲལ་པའི་གསུང་ཞིག་གུས་པས་མཇལ་མྱོང་མོད། རེ་ཞིག་རྙེད་པར་མ་གྱུར་པས་དགོད་ཐབས་བྲལ། གང་ལྟར་མུ་མཐུད་དེ་བརྟག་པར་བྱའོ། །རྒན་ལ་དྭགས་པ་མཆོག་ལ་སླར་ཡང་སྐུ་དྲིན་ཆེ་ཞུ། །
དར་ཐང་གི་ཆོས་སྦྱིན་དུ་གནང་པའི་འབུམ་ཀློག་མྱོང། ཡིག་ནོར་མང་པོ་ཡོད་པའི་ཚོར་བ་བྱུང།
ཡིག་ནོར་བརྒྱ་ལས་མ་དག་པའི་འཁྲུལ་སེམས་གཅིག་པོ་འདི་སྡིག་པ་ཆེ་བར་ཡོད་པར་ཐོས།
ཞུས་དག་བྱས་ཟེར་ན། ཞུ་དག་བཏང་ཟེར་བ་ལྟར། མ་དག་པ་དེ་ཚོ། དག་པར་བཅོས་པའི་དོན་དུ་གོའོ།།
ཡིག་ནོར་ཡོད་ཀྱང་དོན་ནོར་མེད་ན་དགའ་ཡིག་ནོར་མེད་ཀྱང་དོན་ནོར་ཡོད་ན་སྐྱོ་།
ལོ་ཡག་མཆོག་སོགས་ལ།
བྱ་ཚིག་དག་གིས་མིང་ཆགས་ཚུལ་ཞིག་བདག་གིས་བཀླགས། དཔེ་ཆའི་མིང་མི་དྲན།དཀོན་མཆོག་གསུལ་མཚོན་ན། འདུན་ནམ་འདུས། འདས་ཚིག་དང་། ཆོས། སྐུལ་ཚིག་ལས་བྱུང་། འགྲོ་བ ཞེས་པ་ད་ལྟ་དང་།་གདོན། ཞེས་པ་མ་འོངས་པ་ལས།
བྱ་ཚིག ད་ལྟ་འདས་མ་འོངས་སྐུལ་ཚིག་གང་ཡང་མ་ཡིན་པ་ལས་འབྱུང་བ་ཡང་ཡོད་དེ། བརྩེགས་པ། ལྟ་བུར་གསུངས་པ་ཞིག་དྲན། དག་པར་བཅོས་པ། བདག་ནི། ཞུས་དག་ ཅེས་པ་དག་པར་མཐོང་། གོང་བཀོད་གཉིས་ཙམ་མ་ཡིན་པར་གཞན་བོད་མཁས་པས་བྲིས་པའི་དཔེ་ཆ་དག་ན་མཐོང་།
་
རྣམ་གྲངས་པའི་སྐད་དུ། ཞེས་པ་ནི། པཱ་ལི་སྐད་ལ་ཟེར། ལེགས་སྦྱར་སྐད་དོད། པ་རྱཱ་ཡ། བོད་འགྱུར་གླེགས་བམ་དག་ན། རྣམ་གྲངས། ཞེས་མཆིས་སོ།
ཞིབ་མོས་མཁྱེན་འདོད་ན་འདུལ་བའི་གླེགས་བམ་རྣམས་ཀློགས་གྲོགས། སྐུ་ཚེ་རིངས་ཤིག
་
ཡི་གེ་མ་དག་པ་དག་ལ་ཞུས་དག་མཛོད།
ལོ་ཤས་གོང་ལ། རྡོ་རྗེ་གདན་གྱི་རྒྱབ་ལ། དཔེ་ཆ་གླེགས་བམ་མང་པོ་གད་སྙིགས་སྤུངས་སར་བཞག་འདུག ལ་ལས་བརྙན་ཐུང་བཟོས་ནས་སྐད་འཕྲིན་ནང་བཏང་སོང་། རྗེས་མ་ཤེས་པར། སྙིང་མའི་སྨོན་ལམ་ཚར་སྐབས། དགེ་འདུན་པ་ཚོས་དར་ཐང་རིན་པོ་ཆེས་རིན་མེད་ལ་བགོས་པའི་དཔེ་ཆ་རྣམས་གཡུགས་འདུག དེ་དག་ཡི་གེ་མ་དག་པས་གཡུགས་པ་ག་ལ་ཡིན། གཙོ་བོ་བེད་སྤྱོད་དང་དགོས་པ་མེད་པས་རེད། སྙིང་མའི་དགོན་པ་དེ་དག་ནང་ལ་དཔེ་ཆ་ལྟ་མཁན་ག་ཚོད་ཡོད་དམ། བལ་པོ་དང་རྒྱ་གར་གི་རི་རྒྱུད་གྲྭ་ཕྲུག་ཆུང་ངུ་དེ་ཚོར་དཔེ་ཆ་སྤྲད་ནས་དགོས་པ་ཅི།སྦྱིན་བདག་གིས་དངུལ་བཏང་བ་ལེགས་སོ་བརྗོད། ཡིན་ནའང་། ལས་ཀ་བྱེད་མ་ཤེས་པར་དེས་དངུལ་མང་པོ་ཆུད་གསོད་བཏང་སོང་སྙམ།
ད་ལོ་དཔལ་སྤྲུལ་རིན་པོ་ཆེའི་གསུང་འབུམ་སྤར་ནས་སྤྲད་སོང་། སྙིང་མའི་དགོན་པ་མང་ཆེ་བ་དང་། དཔེ་ཆར་དོན་གཉེར་ཅན་མང་ཆེ་བར་དཔལ་སྤྲུལ་གྱི་གསུང་འབུམ་ཡོད། མང་པོ་ཞིག་གིས་ཁ་པར་ཐོག་ལའང་བལྟ་ཐུབ། ཟླ་བ་སྔོན་མ་རྡོར་གདན་སྙིང་མའི་དགོན་པ་དེ་དག་ལ་ལྟོས་དང་། དཔལ་སྤྲུལ་གསུང་འབུམ་བརྒྱ་ཕྲག་མང་པོ་གད་སྙིགས་དབོར་མཁན་གྱིས་ཊག་ནང་ལ་འཁུར་སོང་།
ད་དེ་ལ་དགོངས་པ་བཞེས་ནས་ཚང་མས་འགན་འཁུར་བཞེས་དགོས་འདུག
དར་ཐང་རིན་པོ་ཆེའི་དཀར་པོ་དགེ་བའི་ལས་ལ་རྗེས་སུ་ཡི་རང་ཞུ། རིན་པོ་ཆེ་སྐུ་ཚེ་བརྟན། བསྟན་པ་ཕྱོགས་བཅུར་དར་བ་ཤོག
བསྟན་པ་དར་པའི་དར་ཐང་།
དར་ཐང་སྐུ་ཚེ་བརྟན་དང་།
ཆོས་སྦྱིན་རླབས་ཆེན་མཛད་བཟང་།
གོང་ནས་གོང་དུ་འཕེལ་བ་ཤོག་།
གཞན་གྱི་དགེ་བ་བྱེད་པ་ཐོས་པའི་ཚེ་།
དེ་ལ་ཕྲག་དོག་མི་དགེའི་སེམས་སྤངས་ནས་།
སྙིང་ནས་དགའ་བས་རྗེས་སུ་ཡིད་རངས་ན་།
དེ་ཡིའི་བསོད་ནམས་མཉམ་དུ་ཐོབ་པར་གསུང་།
གཞན་གྱིས་དགེ་བ་བྱེད་པར་མཐོང་ན་ཡང་།
དགེ་བ་བྱས་པས་བོད་ལུགས་ཕུང་ལ་བསྐྱལ།
དེ་ལ་ཁ་སྒྲོག་བསྡད་ལས་སྲོང་ཐབས་བྱེད།
སེམས་ཡོད་དག་གིས་མངོན་པར་མི་བསྟོད་དམ།
ལགས་སོ། །དེས་ན་དར་ཐང་རིན་པོ་ཆེ་ཚང་དང་། གཞུང་པ་ཚེ་དབང་བསོད་ནམས་ལགས་གཉིས་ཀྱི་ཡིག་ནོར་ལ་རྗེས་སུ་ཡི་རང་ངོ་། །བསོད་ནམས་ཀྱང་མི་མཉམ་པ་མེད་པར་མཉམ་པ་ཉིད་དུ་འཐོབ་པར་ཤོག་ཅིག་གུ།
ཡིག་ཕྱེད་གོ་བས་ཀློག་ན་གོ་བརྡ་འཕྲོད་།
གཏམ་ཕྱེད་ཚིག་ལ་ཉན་ན་གཏམ་ངོ་འཕྲོད་།
ཁ་བརྡ་དྲ་རྒྱའི་ནང་ལ་ཁ་དམག་ཚང་ཁ་ཤིག་ཤིག་།
ཁ་བརྡ་དྲ་རྒྱའི་ནང་ལ་མིང་རྫུན་མཁས་པ་མང་བྱུང་།
ཁ་བརྡ་དྲ་རྒྱའི་ནང་ལ་འགན་མེད་དྲ་གྲོགས་མང་བྱུང་།།
ཁ་བརྡ་དྲ་རྒྱའི་དམིགས་ཡུལ་ནང་ཁུལ་བསམ་ཚུལ་བརྗེ་རེས་།
The Elements of Style
ཞེས་བྱ་བའི་དེབ་ཆུང་ཞིག་ཡོད། དེར་དགོས་མེད་ཀྱི་རིགས་འབྲི་བར་མ་བྱེད། ཅེས་ཡོད། བོད་སྐད་དུ་ཡང་དེ་ལྟར་བྱེད་ཐུབ་ན་བསམས་ཀྱང་། འགའ་རེས་དགོས་མེད་བྲིས་མང་བར་གཏོང་། འགའ་རེས་དགོས་པ་དེ་དག་ཀྱང་མེད་པར་གཏོང་།
བོད་སྐད་ལ་བྱང་ཆུབ་སེམས་དཔའི་སྐད་ཅེས་རྒྱ་གར་གི་སློབ་དཔོན་ཞི་བ་འཚོས་བསྔགས་ཤིང་བསྟོད། རང་ཉིད་ཀྱིས་བོད་སྐད་སྦྱངས་པར་མ་ཟད། རྒྱ་གར་གྱི་དགེ་སློང་བོད་དུ་བྱོན་པ་རྣམས་ལ་ཡང་། བོད་སྐད་སྦྱང་ཕྱིར་སྐུལ་བར་མཛད་ཅེས་སྦ་བཞེད་དུ་གསལ། ཞི་འཚོའི་སློབ་མ། བོད་ཀྱི་སྒྲ་སྒྱུར་པ་རྣསས་ཀྱི་བཀའ་བསྟན་གྱི་འགྱུར་རྣམས་གཟིགས་ཏེ། ཀློང་ཆེན་རབ་འབྱམས་པས་ཀྱང་ངོ་མཚར་ཆེ་བར་བཟུང་ངོ་།
་
ཨ་རིའི་ཡུལ་དུ་ལོ་ངོ་མང་པོའི་སྔར་བཀླགས་པ་རྣམས་རང་་གི་ཡིད་གསལ་ཕྱིར་བྲིས་སོ།