རྣམ་རྒྱལ་ཆོས་སྒྲོན། རང་ལོ། ༡༣ འཛིན་རིམ། ༨ དཔེ་སྟོན་སློབ་གྲྭ།
སྤྱིར་སའི་གོ་ལའི་སྟེང་གི་མི་སུ་འདྲ་ཞིག་ཡིན་ཡང་རང་ལ་ཆགས་ས་བརྟེན་ས་ངོ་མ་ཞིག་ཡོད་པ་དེ་ནི་ཕ་མ་ཡིན།དེ་བས་ཁོང་རྣམ་པས་རང་གི་ཕྲུ་གུའི་འདུན་ལམ་ཡག་པོ་ཞིག་ཡོང་རྒྱུའི་རེ་བ་བྱེད་ཀྱི་ཡོད།འོན་ཀྱང་ཁོ་ཚོས་རང་གི་ཕྲུ་གུར་སྙིང་རྗེ་བྱེད་སྟངས་ནོར་ནས་ཕྲུ་གུ་ཚོ་ལངས་ཤོར་ལ་བཏང་གི་ཡོད།ཁོང་ཚོས་དེ་ལྟར་བྱམས་སྐྱོང་བྱས་ན་རང་ཉིད་ཀྱི་ཕྲུ་གུས་སློབ་སྦྱོང་ཐོག་འབད་བརྩོན་བྱེད་ན་སྙམ་གྱི་ཡོད།འོན་ཀྱང་ཕ་མའི་ནོར་འཁྲུལ་གྱི་ངོ་བོས་ཁོ་ཚོར་དེ་བས་གནོད་སྐྱོན་བྱུང་རྒྱུའི་གཞི་གཙོ་བོ་དེ་ཡང་ཡིན། དེ་ལས་ང་ལ་རྒྱུན་དུ་སྒོ་ང་ལྟ་བའི་གཟབ་ནན་གྱི་བྱམས་ཀྱི་སྐྱོངས་ནས་ནར་སོན་དུ་བཅུག་མཁན་ཡབ་ཆེན་ཁོང་གིས་གུས་མོར་མི་ཚད་ལྡན་ཞིག་ཆགས་རྒྱུའི་རེ་བ་བཅངས་ནས་རྒྱུན་དུ་གུས་མོར་རྩད་མོ་རྩེས་རྒྱུའི་བསམ་བློ་ཡོད་ཀྱང་ཁོང་གིས་གནེར་མས་ཁེངས་པའི་བརྩེ་བའི་ངོ་དོང་དེའི་རྐྱེན་གིས་རིམ་བཞིན་ངའི་འདོད་པ་དེ་ཡང་གད་སོང་མེད་པར་འགྱུར་གྱི་འདུག་ལ་དེ་བས་སེམས་དེ་ཡང་དབང་མེད་དུ་ཡ་མཚན་ཞིག་ཆགས་ཀྱི་འདུག།དུས་རྒྱུན་བུ་མོ་ང་དཔེ་ཁུག་རྒྱབ་ཏུ་ཁུར་ནས་སློབ་གྲྭར་འགྲོ་དུས་ཁོང་གིས་གསུངས་སྐད་འཇོལ་མོ་འདྲ་བའི་ངང་གུས་མོ་ང་ལ་མ་འོངས་པའི་བོད་མི་རིགས་དང་རིག་གཞུང་ཆེད་སློབ་སྦྱོང་གང་ཐུབ་སྦྱངས་རྒྱུ་གཅིག་པོ་མིན་པར་མི་རྒན་པར་གུས་ཞབས་དང་རོག་རམ་བྱ་རྒྱུའི་བསླབ་བྱ་ཟབ་མོ་ཞིག་གནང་གི་ཡོད་པའི་བསླབ་བྱ་འདི་དག་ནི་གུས་མོ་ངས་ནམ་ཡང་བརྗོད་ག་ལ་སྲིད།ཡབ་ཆེན་ལགས་བདེ་བར་བཞུགས་དང།གུས་མོ་ངས་ཁྱེད་ཀྱི་རེ་བ་འགྲུབ་ངེས་ཡིན།
མི་ཡུལ་ཡབ་ཆེན་བཀའ་དྲིན་ཆེན་པོ་ཡིན།།
སྡུག་སྐད་སྤུ་ཙམ་མེད་པར་འགྲོ་གྲོན་བཏང།།
ཉིན་གཅིག་མི་ཆད་ཟས་རིགས་སྣ་ཚོགས་སྦྱིན།།
ཨེ་མ་ང་ནི་དེ་འདྲའི་བསོད་ནམས་ཆེ།།
སྤྱིར་ན་ཆུང་སློབ་གྲྭ་བ་ཞིག་གི་རྩོམ་བྲིས་ལ་ལེགས་སོ་ཞུས་ཏེ་སྤོབས་པ་སྐྱེ་རུ་འཇུག་པ་ལས། དགག་སྒྲུབ་མི་བྱེད་ཀྱང་། རང་གི་ཕ་མ་ལ་ཞེ་ས་ཡིན་པའི་ཁུལ་དུ་ཡབ་ཆེན་དང་ཡུམ་ཆེན་ཞེས་འབྲི་བ་ནི། རང་གིས་རང་ལ་ཞེ་ས་བྱས་པ་ཡིན་པ་མི་ཤེས་པའི་གཏི་ཐུག་འདིའི་འབྱུང་རྩ་ལེགས་པར་བརྟགས་ན། དགེ་རྒན་རྣམས་ལ་ཐུག་པས་དགེ་རྒན་རྣམ་པས་གཟབ་དགོས་པར་གནང་ཞེས་ནན་བརྗོད་བྱེད་དོ།།
ཨ་ཕའི་རེ་བ་ལབ་ན་ཡག་པོ་འདུག
༄༅། ང་ཚོའི་མི་ལ་བསྟོད་བསྔགས་བྱེད་ན་དགའ།
སྐྱོན་བཏོན་ན་མི་དགའ་རླུང་ལངས་ཀྱི་ཡོད་པ་རེད།
མ་ཤེས་ཤེས་མདོག་དང་། མི་མཁས་མཁས་མདོག་བྱས་ན་ཤེས་ཡོན་མེད་པའི་
རྟགས་རེད།
རང་གི་རང་ལ་ཞེ་ས་དང་རང་གི་རང་ལ་བསྟོད་ར་བཏང་ན་ཤེས་ལྡན་པ་
ཚོ་གད་མོ་ཤོར་ཡོང།
ངའི་ཡབ་ཆེན་དང་ཡུམ་ཆེན་ལབ་ན་རང་གི་རང་ལ་ཞེ་ས་བརྒྱབ་པ་རེད།
རང་གི་རང་བཀྱགས་། སྐྱག་པས་རྐུབ་བཀྱགས་པའི་དཔེ་ལྟར་རེད།