–མགར་རྡོར།
རིགས་ཀྱི་བདག་མོ། དུས་ཀྱི་དཔའ་མོ།
༡༽ གཅའ་འབྲུག་མོ་ཟེར་བའི་བུ་མོ་འདི་རྩོམ་རིག་གསར་རྩོམ་གྱི་ལས་ལ་གསར་དུ་ཞུགས་པའི་དེང་དུས་ཀྱི་ན་གཞོན་མཛངས་མ་ཞིག་ཡིན་པར་སྙམ། རྩོམ་རིག་གྲུབ་མཐའི་ཕྱོགས་ནས་དངོས་ཡོད་རིང་ལུགས་ལ་གཞོལ་མཁན་ཞིག་ཡིན་པར་ངེས། མ་ཟད་རིགས་ཀྱི་བདག་མོ། དུས་ཀྱི་དཔའ་མོ་ཞིག་ཀྱང་ཡིན་པར་གཏན་ཁེལ།
༢༽ ཉེ་ཆར་དྲ་རྩོམ་ནི་དཔྱིད་རླུང་གཡུག་གཡུག་ཡིན་ནའང་ཀློག་རི་བ་ནི་སྤྲང་བོའི་ལག་གི་གཟི་ཁྲ་དམྱིག་དགུ་ལྟ་བུར་ཁག་པོ་རེད། དེ་བས་དྲ་རྩོམ་ཕལ་མོ་ཆེ་ནི་སྨྱོན་པའི་ལག་གི་རལ་གྲི་ལྟར་ས་གཡུག་རྡོ་གཡུག་རྐྱང་རེད།
༣༽ ཁ་སང་དྲ་ལམ་ནས་ཅིག་མཐོང་སོང་། མྱིང་ལ་”རིགས་ཀྱི་རུས་སུ་ལུད་པའི་སེམས་འཕྲིན་”ཟེར་འདུག རྩོམ་མཁན་གཅའ་འབྲུག་མོ་ཟེར་བའི་སྨན་ཤར་བུ་མོ་ཞིག་རེད་འགུ། རྩོམ་ཡིག་དེས་བདག་གི་ཡིད་ཀྱི་བརྟན་པ་དབང་མེད་དུ་འཕྲོག་སོང་། གཙོ་བོ་བརྗོད་དོན་གྱིས་ཟེར་བ་ཡིན། ལབ་བརྒྱབ་ན་བདག་གི་ཡིད་བརྟན་རང་འགར་ཅིག་གིས་འཕྲོག་མི་ཐུབ་དཱ།
༤༽ སྤྱིར་ན་བདག་གི་ལྟ་གྲུབ་ནི་ཧ་ཅང་གུ་ཡངས་མོ་ནམ་མཁའི་ཁམས་ལ་འགྲན་བཟོད་པ་ཞིག་ཡིན་མོད། འོན་ཀྱང་རིགས་ཀྱི་ཞེན་ཁོག་ནི་རྦད་དེ་འགག་དོག་མོ་ཞིག་ལས་མེད། དེ་བས་རྩོམ་མོ་ཁོང་གི་བསམ་སྤྱོད་ལ་བདག་དགའ་བ་སྟོང་གིས་མྱོས།
༥༽ “མི་རིགས་གཞན་འགྱུར་གྱི་གནས་ཚུལ་འདི་མི་རིགས་ཁ་བྲལ་གྱི་གནས་ཚུལ་ལས་ཀྱང་ཚབས་ཆེ་བར་འདོད།” ཧ་ཅང་མད་པའི་སྐད་ཆ། རྦད་དེ་སེམས་ལ་ལྷུང་བའི་སྐད་ཆ། ཡོངས་སུ་འགན་ཁུར་བའི་སྐད་ཆ་འདི་འདྲ་སུས་བཤད་མྱོང་། རྒྱ་རྒན་ཝིང་ལི་ཞོན་གྱི་རྒན་མོ་ཚེ་རིང་འོད་ཟེར་གྱིས་བཤད་མྱོང་ནའང་དེ་ནི་འབྲུག་མོའི་སེམས་འཕྲིན་དང་ལར་ནས་འགྲན་མི་གཏིབས་པ་ཤེས་གསལ་རེད། གཞན་གཞས་མཁན་མཛེས་མ་ཚོས་རྒྱ་ཕྱུག་རེར་ལྐོག་ནས་འཇུས་ཏེ་ལ་རྒྱའི་གླུ་དབྱངས་ལེན་ཁུལ་བྱེད་པ་ནི་ངོ་མ་ཁོང་དགོད་འཆོར་བའི་ཡུལ་འབའ་ཞིག་ཏུ་འཁུམས།
༦༽ “འབྲོོག་ཁུལ་གྱི་སྐྱེས་པ་མང་ཆེེ་བར་བཙན་ཤུགས་དང་དབང་ཤུགས། དྲག་ཤུགས་བཅས་ཆེ”ཟེར་བ་ནི་སྤྱིར་ན་ལྟོས་བཅས་ཀྱི་སྐད་ཆ་ཞིག་ཡིན་པར་སྣང་མོད། འོན་ཀྱང་བོད་ཕོ་ཡོངས་དང་སྒོས་སུ་འབྲོག་ཁུལ་གྱི་གསར་བུ་ཀློའུ་སྟུག་ཚོས་ངེས་པར་སྙིང་ལ་ཉར་དགོས་པར་སེམས།
༧༽ “ང་རང་རྒྱ་རྒན་ཞིག་གི་ཆུང་མ་བྱ་མི་འདོད”ཟེར་བ་ནི་ཁོང་མོའི་མི་ཚེ་ཁྲེལ་ཡོད་ལ་བརྒྱུས་པའི་དམ་བཅའ་མགོ་མ་རེད་ལ་རླབས་ཆེན་གྱི་བརྩམས་ཆོས་ཐོག་མའང་ཡིན་པར་སྲིད། རིགས་ཀྱི་དུངས་པ་ནམ་ཡང་གྲང་མ་མྱོང་བའི་ཁོང་མོ་ནི་བོད་མོ་ཡོངས་དང་སྒོས་སུ་ཡིག་ངོ་ཆོད་མཁན་ཚང་མས་མིག་དཔེར་བཀུར་འོས་པར་སེམས།
༨༽ ཀྱེ་བོད་མོ་ཚོ། སྤྱིར་ན་རྒྱ་མི་རིགས་འདི་འགྲོ་བ་མིའི་རིགས་ཀྱི་བཟང་སྤྱོད་ངོས་ནས་བལྟས་ན་ཁོ་ཚོའི་མི་གཞིའི་ཀུན་སྤྱོད་ཆེས་ཐ་ཤལ་བ་ཨང་དང་པོར་བརྩིས་ཡོད། གཡོ་སྒྱུ་ཁྲམ་གསུམ་ཁོ་ཚོའི་འཚོ་བའི་ཁྲོད་རྒྱུན་སྤྱོད་རེད། ཁྱོད་ཚོས་སེམས་པ་ཤོར་ནས་གནས་ལ་ཨེ་ཐོན་བལྟ་ས་ཞིག་ལར་ནས་མ་རེད། མི་རིགས་ཞིབ་འཇུག་པ་ཚོས་བཤད་ན་”རྒྱ་རིགས་འདི་རྩ་མ་ཚང་བའམ་ཡང་ན་རྩ་ལྷག་མ་ཡོད་མཁན་”ཞིག་ལ་ངོས་འཛིན་བྱས་ཡོད་རེད། གཙོ་བོ་བསམ་བློའི་རིག་ཚན་ངོས་ནས་བཤད་པ་རེད།
༩༽ བདག་གིས་འཛམ་གླིང་ཤར་ནུབ་ཀྱི་རྒྱལ་ཁབ་ཉི་ཤུ་ལྷག་གི་རིག་གཞུང་ཉམས་ཞིབ་པ་ཚོར་”འཚོ་བའི་བཟང་སྤྱོད་”ཟེར་བའི་ཐོག་ལ་ཟླ་ཤས་རིང་བགྲོ་གླེང་བྱས་མྱོང་། མཐར་དོན་བོད་ཀྱི་འཚོ་བའི་བཟང་སྤྱོད་ནི་འཛམ་གླིང་གི་ཆེས་མིག་དཔེར་བལྟ་ཡུལ་དུ་ཁས་ལེན་བགྱིས། འཚོ་བའི་བཟང་སྤྱོད་ནི་འཚོ་བའི་ནང་གི་ཡ་རབས་སྤྱོད་བཟང་ལ་ཟེར་རེད། གཙོ་བོ་ཕ་མ་དང་བུ་ཕྲུག་བར་གྱི་བརྩེ་བ་ཉར་སྟངས། ཁྱོ་ག་དང་སྐྱེས་སྨན་བར་གྱི་དུང་བ་རྒྱུན་བསྲིངས་སྟངས། དགེ་སློབ་བར་གྱི་འདུ་ཤེས་འཛིན་ཚུལ། མདོར་ན་གྲོགས་པོ་ཁྱིམ་མཚེས་རྒན་བཀུར་གཞོན་བྱམས་སོགས་ཀྱི་སྐོར་རེད།
ནུབ་ཕྱོགས་པ་ཚོ་ལྟོས་བཅས་ཀྱིས་བསམ་བློ་འགྲིག་ཙམ་ཡིན་ནའང་འདུ་ཤེས་འཛིན་སྟངས་ཀྱི་དབང་གིས་ཉིན་རེའི་འཚོ་བའི་ཁྲོད་དཀའ་ངལ་ནི་འབྱུང་གིན་པ་རེད། རྙོག་གྲ་དེ་དག་ནི་རང་དབང་དམངས་གཙོ་འདྲ་མཉམ་ཐོབ་ཐང་སོགས་ཆབ་སྲིད་ཀྱི་རོལ་རྩེད་འབའ་ཞིག་ལས་བྱུང་རེད། དཔེར་ན་ཁྱོ་ག་ཞིག་རླུང་མགོ་མ་ནོན་པར་སྐྱེས་སྨན་ལ་འགྲམ་ལྕག་ཅིག་གཞུས་ནའང་བཟའ་ཚང་ཁ་འཐོར་སོགས་རྙོག་གྲ་ཆེན་པོ་དེའི་འགོ་ཁྲིམས་ཐོག་ནས་བརྩམས་ཚར་རེད། དེ་བཞིན་ཕ་མ་ཚོས་རང་གི་ཕྲུ་གུར་ཡང་ཚིག་མཁྲེགས་པོ་གཅིག་ཀྱང་བཤད་མི་ཕོད།
ནུབ་ཕྱོགས་སུ་སྐྱེ་བོ་གང་གིས་ཁྱོད་ལ་གང་འདོད་བྱེད་པའི་ཐོབ་ཐང་ལར་ནས་མེད་ཅེས་ལབ་གི་རེད། སྐད་ཆ་འདི་ཉིན་རེའི་འཚོ་བའི་ཁྲོད་ཁྱོན་ཡོངས་ལ་གཅིག་སྦྱར་དུས་ཐོབ་ཐང་འདྲ་མཉམ་ནི་ཐེགས་དཀའ་བའི་དཀའ་ངལ་ཞིག་སྟེ་བདེ་སྐྱིད་ཀྱི་འགོག་རྐྱེན་དུ་འགྱུར་གྱིན་པ་རེད། ས་དེར་དཀའ་སྐྱོ་ཆགས་སྡང་གི་ཚོར་བ་གང་འདོད་དུ་ཕྱི་ལ་སྟོན་ཐུབ་མཁན་ཕལ་ཆེར་མེད་ཚོད་རེད། ཁོང་ཚོས་བདེ་སྐྱིད་ནི་སེམས་ཀྱི་བདེ་སྐྱིད་ལས་དཔལ་འབྱོར་མ་རེད་ཟེར་བའི་རྩ་བའང་འདི་ལ་ཐུག
ནུབ་ཕྱོགས་སུ་བརྩི་བཀུར་ཟེར་བ་འདི་ཧ་ཅང་གཙུག་ཆེན་བྱེད། ཡིན་ཡང་ཁོང་ཚོའི་བརྩི་བཀུར་ནི་བརྩི་བཀུར་རྐྱང་བ་ཡིན། བཟོད་སྒོམ་གྱི་རོ་དང་བྲལ་ཡོད། དེ་བས་ས་དེའི་རྒན་པ་དག་ཁྱི་ལ་ཤིན་ཏུ་བརྩེ། མི་ལས་ཁྱི་ལ་དགའ། རྒྱུ་མཚན་ཁོང་ཚོས་ཁྱི་ལ་དགའ་སྡུག་གི་ཚོར་བ་ངོ་མ་དེ་སྟོན་ཆོག་ལ་ཁོང་ཁྲོ་ལངས་དུས་གཤེ་གཤེ་གཏོང་བ་དང་ཐ་ན་ཅུང་ཙམ་གཞུས་ནའང་ཁྱི་ཡིས་ཕྱིར་ལན་མི་སློག ད་དུང་བདག་པོར་ངོ་སོ་སྟེར་ལ་བརྩི་བཀུར་ལ་ནམ་ཡང་དགའ་སྡུག་དང་འགྱུར་བ་མེད་ཟེར། མདོར་ན་དཀའ་ངལ་འདི་དག་གི་འབྱུང་ཁུངས་ཆེ་ཤོས་ནི་རང་དབང་དང་འདྲ་མཉམ་ཟེར་བ་འདི་ཡིན་པ་ས་དེའི་མཁས་རྒན་ཚོས་ངོས་ལེན་བྱེད། ཨ་ཁུ་སྒོ་ཤེར་སོགས་ནུབ་ཀྱི་རང་དབང་དམངས་གཙོའི་བསླུ་བྲིད་ལ་ཐལ་མོ་ཤུགས་ཆེན་སྦྱར་མཁན་ཚོས་དོན་དེ་རྟོག་པར་གལ།
༡༠༽ བདག་ནི་བོད་ཀྱི་མི་གཤིས་སམ་མི་གཞིའི་ཀུན་སྤྱོད་ལ་གཏིང་ནས་མོས་པ་ཡོད། ངས་ཤེས་པའི་འཛམ་གླིང་ཡོངས་ཀྱི་རབ་རེད། མཆོག་རེད། ཕུད་རེད། མི་གཞིའི་འབྱུང་སྤུས་ཀྱི་ངོས་ནས་ཤར་ནུབ་གང་ལའང་ཁ་གདངས་མི་དགོས་པར་སེམས། གཅའ་འབྲུག་མོ་ནི་དེའི་ཐད་ཀྱི་གསོན་དཔེ་ཞིག་རེད། ལ་རྒྱ་ཡོད་མདོག་གི་སྐད་ཆ་མིན། མི་ལོ་བཅུ་གཉིས་རིང་ས་མཐའ་ཉུལ་བའི་ཉམས་མྱོང་ཡིན། དེ་མིན་རྒྱ་གར་དང་བལ་བོ་སོགས་ཀྱི་མི་གཞི་ལ་གླེང་རིན་མེད།
རྩོམ་ཡིག་འདི་ཧ་ཅང་སྟབས་བདེ་ཞིག་ཡིན་པས་མང་པོ་འབྲི་ཐུབ། སྔོན་ཆད་བདག་གིས་སྐྱུག་བྲོ་བའི་བོད་མི་ཟེར་བའི་སྤྱི་ཚོགས་དཔྱད་བརྗོད་ཅིག་བྲིས་མྱོང་ལ་དུར་འཇུག་གི་འདས་མཆོད་ཅེས་པའི་སྙན་ངག་རིང་མོ་ཞིག་ཀྱང་བཞེངས་མྱོང་། དེས་བོད་ཀྱི་ནར་མ་སོན་པའི་བསམ་བློའི་མུན་ནག་ལ་དཀར་ཁུང་ཞིག་དང་ཆོས་ལུགས་ཀྱིས་བསྐྱེད་པའི་བག་ཆགས་རྙིང་རིལ་དག་ལ་དཀར་རྩི་ཞིག་བཏང་མྱོང་ཡོད།
ཆོས་ལུགས་ཀྱིས་འཛམ་གླིང་རྨོངས་པར་བྱས་མྱོང་བ་བཞིན་འབྱུང་འགྱུར་ལའང་ཁྲིག་ཁྲིག་མེད། ངས་གླེང་གིན་པའི་ང་ཚོའི་མི་གཞིའི་ཀུན་སྤྱོད་ལེགས་ཟེར་བ་འདི་སངས་རྒྱས་ཆོས་ལུགས་ཁྲོད་ཀྱི་བྱམས་སྙིང་རྗེ་དང་བདག་གཞན་མཉམ་བརྗེ། སྐྱེ་བ་སྔ་ཕྱི་དང་ལས་རྒྱུ་འབྲས་སོགས་ཁས་ལེན་པའི་ཀུན་སྤྱོད་བཟང་བོ་ཟེར་བ་དེ་གཏན་ནས་མིན།
སྤྱིར་བཏང་རང་ངོ་ཞིག་ཟིན་ན་མི་རིགས་གཞན་འགྱུར་དང་གཞན་བརྗེ་གཞན་བཙོང་སོགས་ཀྱི་ནོར་འཁྲུལ་འདི་འབྱུང་མི་འོས་པ་ལྟར་སྣང་མོད། ལྟ་རྒྱ་ཐོས་རྒྱས་མ་འདང་ན་འབྱུང་ཡང་སྲིད།
མདོར་ན་རིགས་རྒྱུད་འོད་གསལ་ལྷ་ལས་མཆེད་ཅིང་བཙན་པོའི་དཔའ་མཛངས་ཀྱི་བྱིན་རླབས་ཞུགས་པའི་ངའི་ཐུབྷོད་པ་ཚོ། ང་ཚོ་ནི་སྤྱིའི་ཆ་ནས་ཧ་ཅང་ཡ་རབས་གཞུང་དྲང་གི་མི་རིགས་ཤིག་རེད། འཛམ་གླིང་ཡོངས་ལ་ངོམ་རི་བ་ཞིག་རེད། ཡིན་ཡང་དེ་ཧ་མ་གོ་མཁན་དང་ཁས་མི་ལེན་མཁན་ཚོ་ལ་གསལ་འདེབས་ཀྱི་ཚུལ་དང་། མི་གཤིས་ལེགས་པོ་འདི་ངོས་མ་ཟིན་པའམ་ཉམས་མ་བཞག་པའི་བར་ནས་བོར་འགྲོ་བར་སེམས་འཚབ་ཀྱིས་གཅའ་འབྲུག་མོ་གསོན་དཔེར་དྲངས་ཏེ་རྩོམ་ཐུང་འདི་བྲིས་པ་ཡིན། འདི་ཡི་དགེ་བ་བཅས་པའི་ཆོས་ལུགས་ཀྱི་མཚམས་ལས་འདས་པའི་ང་ཚོའི་མི་གཞིའི་བཟང་སྤྱོད་གོང་དུ་འཕེལ་བའི་རྒྱུ་རུ་བསྔོའོ།།
བལ་ཡུལ་རྒྱལ་ས་ཀྭ་ཐི་མན་ཀྲོས་ནས་སྦྱར།
ཕེ་ཕེ་ཕེ་ཡང་ཉོག་རེད།
གཅའ་འབྲུག་མོ་ཧུ་ཧུ། བོད་མོ་བརྒྱ་ཆའི་དགུ་བཅུ་ལྷག་གིས་དགྱ་དང་གཉེན་སྒྲིག་བྱས་ཡོད་པ་མ་རེད། དེ་དམིགས་བསལ་གྱིས་ངོ་མཚར་ཞིག་རེད་དམ། དཔེར་ན། བྱ་གནམ་ལ་འཕུར་མ་ཐུབ་ན་སྐྱོན་དང་། འཕུར་ཐུབ་ན་དགེ་མཚན་དམིགས་བསལ་མེད་པ་ནང་བཞིན་རེད། དེ་ལྟར་བཤད་ན་ཁྱོས་གོ་རྒྱུ་རེད་མོད། མ་གཞི་ཁྱེད་རྩ་འཕར་ཆོག་ཆོག་དང་འུར་ལངས་སླ་བོ་ཞིག་ཡིན་པ་ཉིད་ཀྱིས་བྲིས་པའི་ཚིག་རིས་དག་ལས་མངོན་འདུག
་་་་་་་་་་་ ༧༽ “ང་རང་རྒྱ་རྒན་ཞིག་གི་ཆུང་མ་བྱ་མི་འདོད”ཟེར་བ་ནི་ཁོང་མོའི་མི་ཚེ་ཁྲེལ་ཡོད་ལ་བརྒྱུས་པའི་དམ་བཅའ་མགོ་མ་རེད་ལ་རླབས་ཆེན་གྱི་བརྩམས་ཆོས་ཐོག་མའང་ཡིན་པར་སྲིད། རིགས་ཀྱི་དུངས་པ་ནམ་ཡང་གྲང་མ་མྱོང་བའི་ཁོང་མོ་ནི་བོད་མོ་ཡོངས་དང་སྒོས་སུ་ཡིག་ངོ་ཆོད་མཁན་ཚང་མས་མིག་དཔེར་བཀུར་འོས་པར་སེམས།
༨༽ ཀྱེ་བོད་མོ་ཚོ། སྤྱིར་ན་རྒྱ་མི་རིགས་འདི་འགྲོ་བ་མིའི་རིགས་ཀྱི་བཟང་སྤྱོད་ངོས་ནས་བལྟས་ན་ཁོ་ཚོའི་མི་གཞིའི་ཀུན་སྤྱོད་ཆེས་ཐ་ཤལ་བ་ཨང་དང་པོར་བརྩིས་ཡོད། ་་་་་་་་་་་་་་་་
སྟར་བུ་དམར་པོ་ལགས་ལ་ཞུ་གསོལ། ང་ནི་རིགས་ཀྱི་ཞེན་ཁོག་ལ་ཐུག་ངོ་མ་རྩ་འཕར་ཆོག་ཅིག་དང་འུར་ལངས་བ་ཞིག་ཡིན། ཁྱེད་ཀྱིས་བཤད་པ་བདེན་པ་རེད། ཡིན་ན་འང་རྩ་ལངས་རྒྱུ་མེད་པའམ་ལངས་མ་ཤེས་པ། ཡང་ན་ལངས་རྒྱུ་མེད་ཁུལ་བྱེད་མཁན་དག་ནི་ངོ་མི་ཆོད་པའི་ནད་འབུ་བཞིན་མི་རིགས་འདིའི་སྲོག་རྒྱུན་གཅོད་པའི་ཤི་གཤེད་དུ་འགྱུར་རོ།།
ཐུག་ན