ཚོགས་འདུའི་འཐུས་མི་ཚོས་འཛམ་གླིང་གི་མདུན་ལ་རྒྱལ་བ་རིན་པོ་ཆེར་འགྲམ་ལྕགས་བཞུས་སོང་།
གྲོགས་པོ་ཚོ། གཏམ་འདི་གུས་པའི་གྲོགས་པོ་ཁ་ཤས་ཀྱིས་ད་རེས་ཚོགས་འདུའི་བསམ་འཆར་ཤོད་སྐབས་གསུངས་པའི་སྐད་ཆ་རེད། མིའི་མིང་མ་བཏོན་པར་ཁོང་གི་བསམ་ཚུལ་ཇི་མ་ཇི་བཞིན་བཀོད་ཡོད་དོ།
“ཚོགས་འདུའི་མཇུས་འབྲས་ཀྱི་སྐོར་ལ་གསར་འགྱུར་ནང་ནས་ཤེས་པར། འཐུས་མི་དེ་ཚོས། རྒྱལ་བ་རིན་པོ་ཆེས་འགན་ཁྱེར་རོགས། རྒས་ཡོལ་བྱས་ནས་མ་བསྡད་པར། འགན་ཚང་མ་འཁུར་དགོས་ཟེར། ད་འདི་ཕྱིར་ཤིག་རྒྱག་པ་མ་རེད་པས།”
“ད་རེས་ཀྱི་ཚོགས་འདུ་ཆེན་པོ་འདིའི་མཇུག་འབྲས་འདི་ཐབས་སྡུག་རེད། འཐུས་མི་ཚོས་མང་ཚོགས་ཀྱི་འགན་ཁྱེར་མ་སོང་། འགན་ཚང་མ་རྒྱལ་བ་རིན་པོ་ཆེར་ཡར་གཡོགས་སོང་། བོད་ནང་གི་མིའི་སྡུག་བསྔལ་ལ་སྙིང་རྗེ་ཡོད་པའི་འཚོར་སྣང་ཞིག་ཀྱང་བསྟེར་མ་སོང་། ཁོང་ཚོ་ཚོགས་འདུར་ཞུགས་མཁན་དང་། ཚོགས་འདུ་མགོ་ཁྲིད་མཁན་ཚང་མས་ཤིན་དུ་བརྙེད་པར་དཀའ་བའི་གོ་སྐབས་ཤིག་བརླགས་པར་བྱས་སོང་། རྒྱལ་བ་རིན་པོ་ཆེས་དགོངས་པ་ཆེ་བཞེས་ཀྱིས་མང་ཚོགས་ཀྱིས་ཐག་གཅོད་གསུངས་སྐབས། ཡར་ཁྱེད་རང་རྒྱལ་བ་རིན་པོ་ཆེས་ཐག་གཅོད། ང་ཚོ་ཤེས་ཀྱི་མེད་ཟེར་བ་ལྟ་བུ་རེད་བཞག ད་འདི་དུས་ཚོད་འཕྲོ་བརླག་བཏང་བ་མ་ཡིན་ནམ། འཛམ་གླིང་གི་མི་ཚང་མས་ང་ཚོར་བལྟས་ནས་ཡོད་པའི་སྐབས་ལ། ཚོགས་འདུར་འགྲོ་མཁན་ཚོའི་ཁ་གདོག་འདི་རེད།”
“ངའི་རེ་བར་རྒྱལ་བ་རིན་པོ་ཆེ་ནས་ཚོགས་འདུ་འདི་མཇུག་སྒྲིལ་བའི་བཀའ་སློབ་གནང་དུས། ཁོང་ཚོས་ལས་གཡོལ་བྱས་པའི་སྐོར་ལ། ད་རེས་ཚོགས་འདུར་བཅར་མཁན་ཚོར་བཀའ་སྐྱོན་དྲག་པོ་ཞིག་གཏོང་དགོས་ཀྱི་འདུག”
“ད་དུང་བོད་ནང་གི་མི་རྣམས་ཀྱི་གནས་སྟངས་ལ་ཡར་རྒྱས་གཏོང་དགོས་ཅེས་རྒྱ་ནག་ལ་གསུངས་རོགས་ཞུ་རྒྱུ་ཡིན། ད་བཙན་བྱོལ་གཞུང་དང་མི་དམངས་ལ་ཐང་ཆད་སོང་། མགོ་བདེ་པོ་དང་། ལས་ཀ་དང་འགན་ལ་གཡོལ་རྒྱུར་དགའ་པོ། ཁ་བཤད་རྒྱུ་དང་ཁེ་བཟང་ཆུང་ཆུང་ལེན་རྒྱུར་དགའ་པོ་བྱེད་མཁན་གྱི་མི་ཤ་སྟག་ཚོགས་འདུ་དེར་སླེབས་པའི་རྣམ་པ་གསལ་པོ་འདུག “
“སྙིང་རྗེ། རྒྱལ་བ་རིན་པོ་ཆེ་སྙིང་རྗེ་ཡག་རེད། ཁོང་ཐུགས་རྒྱ་ཆེན་པོ་དང་ཕུགས་བསམ་ཡོད་མཁན་ཞིག་རེད། དགོངས་པ་རྒྱ་ཆེན་པོ་བཞེས་ནས། ད་རེས་མང་ཚོགས་རྣམས་ཀྱིས་བསམ་འཆར་ཡག་པོ་ཞིག་དང་། རྒྱ་ཕྱོགས་ལ་ཡང་ཡ་ལན་ཡག་པོ་ཞིག་སྤྲོད་ཐུབ་པའི་རེ་བ་རྒྱབ་ནས། མང་ཚོགས་ལ། འདིར་ཤོག བསམ་འཆར་ཤོད་ཟེར་སྐབས། དེའི་ལན་ལ། ང་ཤེས་ཀྱི་མེད། ཁྱོད་འགན་མང་ཙམ་འཁུར་དགོས་ཀྱི་འདུག་ཟེར་ནས། འགྲམ་ལྕགས་ཤིག་བཞུས་ནས་ཕྱིན་པ་ལྟ་བུ་རེད། ད་རྒྱལ་བ་རིན་པོ་ཆེ་སྙིང་རྗེ་ཡག་རེད། ངོ་མ།”
“གོ་ཐོས་ལ་རྒྱ་རི་བློ་གྲོས་མཚོག ཚོགས་འདུ་གལ་ཆེན་པོ་དེ་འདྲའི་དུས་ལ། ཚོགས་འདུར་མ་སྡད་པར། བལ་ཡུལ་ལ་ཁོང་གི་ཕྲུ་གུ་སྤྲུལ་སྐུ་བཟོ་བར་ཕྱིན་འདུག གལ་ཏེ་འདི་བདེན་པ་ཡིན་ན། བློ་ཕམ་གྱི་ཡུལ་རེད།”
གས་ཆེན་
ངས་བལྟས་ན། ད་ཐེངས་ཚོགས་ཆེན་འདིས་ནུས་པ་ཆེན་པོ་ཐོན་འདུག་སྙམ། ཚོགས་འདུའི་འཐུས་མི་ཚོས་འཛམ་གླིང་གི་མདུན་སར་རྒྱ་ནག་སྲིད་གཞུང་འགྲམ་ལྕྒགས་ཚ་ཐག་ཆོད་ཅིག་གཞུས་ཐུབ་ཡོད་པ་རེད། དེ་ཚོགས་འདུའི་གྲུབ་འབྲས་རེད། རྒྱུ་མཚན་གང་ཡིན་ཟེར་ན། རྒྱ་ནག་སྲིད་གཞུང་གིས། ནམ་རྒྱུན་༧གོང་ས་མཆོག་གིས་བོད་མི་མང་གི་མགྲིན་ཚབ་པ་བྱེད་མི་ཐུབ་ལ། བོད་ཀྱི་གནད་དོན་ཐག་གཅོད་བྱེད་རྒྱུའི་ཐོབ་ཐང་དེ་བས་ཀྱང་མེད་ཅེས་ཁྱི་ཟུག་ཟུག་བྱས་ནས་ཤོད་ཀྱིན་ཡོད་པ་རེད། ད་ཐེངས་བོད་གཞི་བྱེས་གཉིས་ཀྱི་བོ་ངོའམ་བསམ་ཚུལ་མཚོན་ཐུབ་པའི་ཚོགས་ཆེན་འདིའི་ཐོག བོད་མི་མང་གིས་༧གོང་ས་མཆོག་ལ་དད་དམ་འགྱུར་མེད་དང་། བློ་གཏད་ཡིད་ཆེས་བརྟན་པོའི་ཐོག་ནས་མ་འོངས་བོད་ཀྱི་གནད་དོན་དང་དཀའ་སྡུག་ཐག་ཆོད་ཀྱི་དབང་ཆ་ཡོད་ཚད། ༧གོང་ས་མཆོག་གི་ཕྲག་སྟེང་དུ་ཡར་བཀལ་ཏེ། བོད་ཀྱི་བདག་དབང་ཡོངས་སུ་རྫོགས་པ་ཁོང་ལ་ཡོད་པ་གསལ་སྟོན་བྱས་ཡོད་པས། འཛམ་གླིང་མི་མང་གི་མདུན་སར་རྒྱ་ནག་ཕམ་པ་རེད། ད་ནས་བཟུང་རྒྱ་ནག་སྲིད་གཞུང་གིས། ༧གོང་ས་མཆོག་ལ་བོད་ཀྱི་གནད་དོན་ཐག་གཅོད་ཀྱི་དབང་ཚད་མེད་ཟེར་བ་དེར་རྫོགས་ཚིག་བཞག་པ་རེད། དེར་བརྟེན་ངས་ད་ཐེངས་ཀྱི་དམིགས་བསལ་ཚོགས་འདུ་དེ་དོན་དང་ལྡན་པ་བྱུང་སྟེ་རྒྱལ་ཁའི་ངང་གྲོལ་འདུག་སྙམ། འོན་ཀྱང་སྤྱིར་བཏང་མང་གཙོའི་རྒྱལ་ཁབ་ཅིག་གི་དབང་དུ་བྱས་ནས་བཤད་ན། མི་སེར་གྱིས་མང་གཙོའི་དབང་ཚད་སྲིད་འཛིན་ནམ་དབུ་འཛིན་ལ་ཡར་ཕུལ་ཏེ། ཐག་གཅོད་ཡོངས་རྫོགས་སྲིད་འཛིན་གཅིག་པོས་གནང་དགོས་ཞེས་བཤད་ན་ལུགས་མཐུན་ཞིག་མིན་མོད། ང་ཚོར་རྒྱལ་ཁབ་མེད་པ་མ་ཟད། བཙན་བྱོལ་བོད་གཞུང་ཡང་༧གོང་ས་མཆོག་གིས་མར་གནང་བའི་མང་གཙོའི་ལམ་ཆེན་ཐོག་གཞི་ནས་སྐྱོད་འགོ་བཙུགས་མ་ཐག་པ་ཞིག་ཡིན་ཞིང་། ལྷག་པར་དུ་བོད་མི་རིགས་རིག་གཞུང་དང་བཅས་པ་ཉམས་གུད་དུ་འགྲོ་བཞིན་པའི་གནས་སྟངས་ཡ་ང་བ་འདི་ལས་སྐྱོབ་མཁན། ༧གོང་ས་ཡིད་བཞིན་ནོར་བུ་ཁོ་ན་ལས་མེད་པ་འཛམ་གླིང་མི་མང་གིས་ཤེས་ཀྱིན་ཡོད་ལ། རྒྱ་ནག་སྲིད་གཞུང་གིས་ཀྱང་ཤེས་ཀྱིན་ཡོད་སྟབས་དེ་ལྟར་ཤོད་ཀྱིན་ཡོད་པ་རེད། དེ་འདྲ་ཡིན་དུས་ང་ཚོའི་དམིགས་བསལ་ཚོགས་ཆེན་གྱིས་ནུས་པ་ཐོན་པ་རེད། གཞི་བྱེས་བོད་མི་ཡོངས་ཀྱིས་༧གོང་ས་མཆོག་ལ་ཡིད་ཆེས་ཅི་ཙམ་ཡོད་པ་དང་། རྡོག་རྩ་གཅིག་སྒྲིལ་ཡིན་པ་གསལ་བོར་བསྟན་པ་རེད།
ཡང་གཅིག་བཤད་ན། ༧གོང་ས་མཆོག་དགུང་གྲངས་བདུན་བཅུ་དོན་གསུམ་ལ་སྤེབས་ཚར་བ་རེད། ད་དུང་སྐུ་ངལ་གསོ་བའི་གོ་སྐབས་མེད་པར་མུ་མཐུད་དུ་བོད་དོན་ཆེན་ཕྱག་ལས་གནང་དགོས་ཞེས་ཞུས་ན། སྤྱིར་བཏང་གི་མི་ཞིག་ཡིན་ན་མི་འགྲིག་པ་ལྟ་བུ་ཞིག་ཡིན་མོད། ༧གོང་ས་མཆོག་གིས། དུས་རྟག་པར། ཇི་སྲིད་ནམ་མཁའ་གནས་པ་དང་།། འགྲོ་བའི་སྡུག་བསྔལ་གནས་ཀྱི་བར།། དེ་སྲིད་བདག་ནི་གནས་གྱུར་ནས། འགྲོ་བའི་སྡུག་བསྔལ་སེལ་བར་ཤོག ཅེས་ཐུགས་སྨོན་གནང་གིན་ཡོད་དུས་བྱང་ཆུབ་སེམས་དཔས་ཐུགས་སྨོན་གནང་བ་བཞིན། སེམས་ཅན་གྱི་དོན་སྒྲུབ་པའི་སྒོ་སྐབས་རེག་པ་རེད། སེམས་ཅན་གྱི་སྡུག་བསྔལ་སེལ་རྒྱུ་དེ་བྱང་ཆུབ་སེམས་པའི་ཐུགས་འགན་གྱི་གཙོ་བོ་རེད། དེར་བརྟེན་༧གོང་ས་མཆོག་ལ་སྐུ་ངལ་ཡོད་པ་སྨོས་མ་དགོས་མོད། འོན་ཀྱང་སེམས་ཅན་གཅིག་གི་སྡུག་བསྔལ་སེལ་ཆེད་བྱང་ཆུབ་སེམས་དཔའི་དཀའ་ངལ་བརྒྱ་ཕྲག་མང་པོ་ཁུར་དུ་བཞེས་ཐུབ་ཀྱི་རེད་ལ། བཞེས་ཀྱང་དགོས་ཀྱི་རེད་སྙམ།
རིག་པའི་རྡོ་རྗེས་བཤད་པར་མོས་མཐུན་ཡོད་མོད། སྤྱིར་བཤད་ན། འཛམ་གླིང་ཐོག་གི་དམངས་གཙོ་དང་དམངས་གཙོའི་ལུགས་སྲོལ་ཟེར་བ་དེ། མང་ཚོགས་ཀྱིས་རྩོད་ལེན་བྱས་ནས་སྲིད་གཞུང་ལ་འགྱུར་བ་བཏང་སྟེ། རྒྱལ་ཁབ་དེའི་ཐག་གཅོད་ལམ་ལུགས་མི་མང་གི་བསལ་ཚུལ་ལྟར་ཐག་གཅོད་བྱེད་གཞིན་ཡོད་པའི་རྒྱལ་ཁབ་ཅིག་ལ་དམངས་གཙོའི་རྒྱལ་ཁབ་ཅེས་ཟེར་གྱི་ཡོད། འོན་ཀྱང་ཁྱེད་ཀྱིས་བཤད་པ་ལྟར་ང་ཚོ་བཙན་བྱོལ་བོད་མིའི་དམངས་གཙོ་ཟེར་བ་དེ། ༧གོང་ས་མཆོག་གིས་ལོ་རྒྱུས་ཀྱི་རང་བཞིན་ལྡན་པའི་ཁོང་གི་སྐུ་དབང་ཡོད་ཚད་མར་མི་མང་ལ་གསོལ་རས་སུ་བསྩལ་ཏེ། ད་སྐབས་བཙན་བྱོལ་གཞུང་ལ་མཚོན་ན། དམངས་གཙོའི་ཀ་བ་གསུམ་ཚང་བའི་དམངས་གཙོའི་གཞུང་ཞིག་ཆགས་ཡོད་མོད། དེ་སྔོན་བཀའ་ཟུར་ལྷན་ཚོགས་སྐབས་ཀྱང་དེ་འདྲའི་ཉོབ་ཉོབ་ཞིག་བཤད། དེ་རིང་ཚོགས་ཆེན་མཇུག་བསྒྲིལ་ཉིན་སླར་ཡང་མི་མང་གིས་དམངས་གཙོའི་ལུགས་སྲོལ་གྱི་སྒོ་ཆེན་བརྒྱབ་སྟེ། ཡོད་ཚད་༧གོང་ས་མཆོག་གི་དབུ་ཕྲག་ཏུ་ཡར་བཞག་པ་ཡིན་ན་དེ་འོས་འཚམས་ཞིག་མ་རེད། ༧གོང་ས་མཆོག་བྱང་ཆུབ་སེམས་དཔའ་ཡིན་མིན་ལ་རྩོད་པ་དང་དོགས་པ་མེད་མོད། དགུང་གྲངས་འདི་ཙམ་ལ་ཕེབས་དུས་ད་དུང་ངལ་གསོ་གནང་རྒྱུའི་སྐུ་དབང་ཡང་མ་སྤྲད་པ་ཡིན་ན། ངས་ནི་༧གོང་ས་མཆོག་ལ་ཤ་ཚ་དང་སྙིང་རྗེ་འདྲ་བོ་ཞིག་སྐྱེས་ནས་མིག་ཆུ་ཡང་ཤོར་སོང་། གང་ལྟར་དེ་རིང་གི་ཚོགས་ཆེན་དེའི་གྲུབ་འབྲས་དེ་དོན་ངོ་མར་དོན་དང་ལྡན་པ་ཞིག་ཡིན་པའི་སྨོན་ལམ་འདེབས། དེ་མིན་སྲིད་དོན་ཟེར་བ་དེ་ངས་ཤེས་ཀྱི་མེད། མ་འགྲིག་པ་རེ་ཡོད་ན་དགོངས་དག
བསྟན་ལ་གནོད་པའི་སྐྱས་བུ་ངོ་སྤྲོད་
དང་པོ་ཟམ་གདོང་ནས་ད་ལོ་
བློ་གྲོས་ལག་ཁྱེད་ཀྱི་ དེ་མིན་སྲིད་དོན་ཟེར་བ་ངའི་ཤེས་ཀྱི་མེད་གསུང་ནས་ཤུགས་ཏུ་ཆོས་ཀྱི་ཤེས་ཡོད་འདོག་བྱས་ནས་ གོང་ས་མཆོག་ལ་སྙིང་རྗེ་སྐྱེ་གི་འདུག་གསུང་བ་ནོར་བ་འདྲ་སྙིང་རྗེའི་དམུགས་ཡུལ་ལ་
སེམས་ཅན་དགོས་པ་མ་ཤེས་པ་ཡིན་གྱི་རེད་་སྙིང་རྗེ་མཚན་ཉིད་ཤེས་པ་གནང་རོག་
ལས་ངན་བོད་པ་ཚང་ལ་སྙིང་རྗེ་མ་གཏོགས། རྒྱལ་བ་རིན་པོ་ཆེ་ལ་སྙིང་རྗེ་སྐྱེས་དགོས་པ་མ་རེད། བྱམས་དང་སྙིང་རྗེའི་བདག་པོ་ཞིག་གིས་ཁྲེལ་གཞུང་མེད་པ་དང་ལ་རྒྱ་མི་སྲུང་བས་བོད་མི་རིགས་ལས་ངན་འདི་བ་ཚང་གཡང་ས་ནས་སྐྱོབས་ཐུབ་ན་སྙམ་ནས་བཞུགས་དེ་ཉིན་མཚན་དབྱེར་མེད་དུ་མགོ་སེར་དེ་དག་གི་སྔུན་ནས་སོར་བཅུ་སྙིང་གར་སྤྱར་ནས་སྐུ་ངལ་ལ་མ་འཛེམ་པ་འདི་ཤེས་ན་དངོས་ནས་བོད་པ་ལས་ངན་ཚང་གི་ཁ་རྒྱག་པ་དང་ལྟོ་རྒྱག་པ་དེ་ཚོ་སྙིང་རེ་རྗེ། ཁོང་གིས་ལས་མཚམས་བཞག་ན་ད་ཚར་བ་རེད། མི་དམངས་དཀྱིས་མ་དེ་དག་གི་མགོན་སྐྱབས་བོར་བ་མ་གཏོགས། སྐབས་འཚོལ་བ་དེ་དག་གིས་སྔ་ས་ནས་རང་རང་གི་ཉལ་ས་དང་བསྡོད་ས་གྲ་སྒྲིག་བྱས་ཚར་ཡོད་པ་རེད།
རིག་པའི་རྡོ་རྗེ་ལགས་ཀྱི་གསུང་ལ་རྒྱབ་སྐྱོར་ཡོད། ང་ཚོས་མི་གཞན་ལ་སྐྱོན་འཛུགས་བྱེད་རྒྱུ་གལ་ཆེན་མི་གནང་བར་དང་པོ་རང་གིས་རང་ལ་ཞིབ་འཇུག་གིས་རང་ངོས་ནས་༸གོང་ས་མཆོག་དང་བོད་མི་དམངས་ལ་ཕན་པའི་ཞབས་ཕྱི་ག་རེ་ཞུས་དང་ཞུ་བཞིན་ཡོད་མེད་ལ་བརྟགས་ཞིབ་ནན་པོ་གནང་དགོས་པ་ཧ་ཅང་གལ་ཆེན་མཐོང་།