ད་ཚང་མས་རྩེད་མོ་འདི་མཚམས་འཇོག་པྭ།

Comments (26) on “ད་ཚང་མས་རྩེད་མོ་འདི་མཚམས་འཇོག་པྭ།”

1. ང་ལ་ཀརྨ་པ་གཉིས་མ་གཏོགས་གོ་མ་སོང།

2. སྤྲུལ་སྐུའི་ལམ་ལུགས་དེ་བོད་མི་རིགས་ཀྱིས་ནང་ཆོས་རིག་པའི་གཞུང་ལུགས་དང་མཐུན་པ་ཞིག་ཡིན་ན་སྤྲུལ་སྐུ་མུ་འཐུད་ནས་ཕེབས་དགོས་པ་ནི་སེམས་ཅན་གྱི་འགྲོ་དོན་རེད་ལ་བོད་མི་རིགས་ཀྱི་རིག་གཞུང་གི་ཆ་ཤས་སྲུབ་ནས་ཟུབ་རྒྱུ་མེད་པའི་གལ་ཆེན་ཞིག་ཡིན་པར་ངོས་འཛིན་ཞུ་གི་ཡོད་།

3. སྐུ་མཁྱེན་ཁྱོད་ཀྱིས་ནམ་ཞིག་ལ་སྤྲུལ་སྐུར་སྦྱིན་བདག་བྱས་ནས་ཅི་ཞིག་ཕུལ་ཡིན། ཡང་ན་ཁྱོད་ཀྱིས་སུ་ཞིག་གི་ངོ་ཚབ་བྱས་ནས་བཤད་ཀྱི་ཡོད།

4. གསལ་ལེ་རྒྱལ་ཁྱེད་རང་སྤྲུལ་སྐུ་ལ་ཡོན་བདག་བྱེད་རྒྱུ་ཕར་བཞག་ཨ་ཅེ་སྒྲོལ་མ་ལ་གྱོན་རྒྱུ་ཡག་ཟིག་སྤྲད་མ་ཐུབ་བདག་བརྒྱབ་མ་ཐུབ་ནས་ཤོར་ཐལ་མོད། ཧ་ཧ་ཧ།

5. ་་་་་་་་་རྒྱལ་དབང་ཀརྨ་བར་སྤྲུལ་སྐུ་གཅིག་ལས་མེད་མོད། ཁ་སང་དེ་རིང་ཁོང་གཅིག་པུར་སྤྲུལ་སྐུ་བཞི་ཡོད།་་་་་་
   ཟེ་ར་བ་འདོ་ཁུངས་ག་རེ་ཡོད་དམ། ལགས།
   ༡༽ ཨོ་རྒྱན་འཕྲིན་ལས་རྡོ་རྗེ།
   ༢ ༽ མཐའ་ཡས་རྡོ་རྗེ།
   ༣ ༽ ་་་་་་་་་་་་་་་་ ?
   ༤ ༽ ་་་་་་་་་་་་་་ ?
   ༥༽ གསལ་ལེ་རྒྱལ།
   ༦༽

6. ཁོས་སྦྱིན་བདག་མ་བྱས་ནའང་།ཨ་ཕ་ཨ་མས་བྱས་ཡོད་ནི་རེད།

7. ཀ་རྡོ་ཆོས་སྐུ་ལོང་སྐུ་སྤྲུལ་སྐུ་མི་སྐུ་བཞི་དེ་ར་མི་ཤེས

8. ཆོས་སྐུ་ཀུན་ཏུ་བཟང་པོ་འོད་དཔག་མེད་།
   ལུང་སྐུ་ཐུགས་རྗེ་ཆེན་པོ་སྤྱན་རས་གཟིགས་།
   སྤྲུལ་སྐུ་པདྨ་འབྱུང་གནས་།
   ཆོས་ལུང་སྤྲུལ་གསུམ་ལ་གསོལ་བ་འདེབས་།

9. འཇམ་པའི་དབྱང་།
   སྤྱན་རས་གཟིགས་།
   ཕྱག་ན་རྡོ་རྗེ་།
   རིགས་གསུམ་མགོན་པོ་ལ་གསོལ་བ་འདེབས་།

10. རྩེད་མོ་མ་རེད། དངུལ་བཟོ་སྟངས་རེད། འགའ་ཤས་ཀྱིས་གཞང་བཙོང་ནས་དངུལ་བཟོ་བགྱིད་ཡོད་རེད། འགའ་ཤས་སྤྲུལ་སྐུ་བཟོས་ནས་དངུལ་བཟོ་བགྱིད་ཡོད་རེད། དེ་དག་རྩེད་མོ་ག་ནས་ཡིན། ཧ་ཧ། ཀུ་རེ་ཡིན་ནོ།།

11. འགའ་ཤས་ཀྱིས་སྐུ་གསུང་ཐུགས་གསུམ་སྤྲུལ་སྤྲུལ་སྐུ་རེ་རེད་ཡོད་རེད །ཟེར་བ་དེ་ཡང་རྨོང་དད་ཀྱིས་བཟོས་པ་རེད་དོ།།

12. སྤྲུལ་པ་དངོས་གནས་ཡིན་ན། ཐུགས་བརྒྱད་གཅིག་པ་གཅིག་ཡིན་དགོས། དེ་མིན་སྐུ་གསུང་ཐུགས་སོགས་ཀྱིས་བྱིན་གྱིས་བརླབས་པ་བརྒྱ་ཕྲག སྟོང་ཕྲག ཡོད་ཆོག་ཀྱང་། ཡང་སྲིད་དམ། སྤྲུལ་སྐུ་གཅིག་ལས་འོངས་མི་སྲིད་དོ།།

13. སྤྲུལ་པའི་སྐུའི་ཐུགས་བརྒྱུད་གཅིག་པ་ཅིག་ཡིན་དགོས་པ་ལས། སྐུ་བརྒྱུད་གཅིག་པའམ། གསུང་བརྒྱུད་གཅིག་པའི་སྤྲུལ་སྐུ་ཟེར་བ་དེ་འདྲ་སྣང་མི་འགྲོ་བའི་གཏམ་ངན་རེད་དོ།།

14. ངས་བཤད་པ་ལ་དགག་པ་བརྒྱབས་ན་དགའ་བསུ་ཡོད་དོ།།

15. སྤྲུལ་སྐུ་ཡག་ཤུལ་དེ་རྫས་སྐྱེས་ཡིན་དགོས

16. སྤྲུལ་སྐུ་ཡག་ཤུལ་དེ་རྫས་སྐྱེས་ཡིན་དགོས
    འདི།
    སྤྲུལ་སྐུ་ཡག་ཤོས་དེ་རྫུས་སྐྱེས་ཡིན་དགོས།

17. སྤྲུལ་སྐུ་ཡག་ཤོས་དེ་རྫུས་སྐྱེས་ཡིན་དགོས། ཡིན་དགོས་ན།
    འོ་ན།
    བདག་སྟོན་ཤྰཀྱ་ཐུབ་པ་ཆོས་ཅན། སྤྲུལ་སྐུ་ཡག་ཤོས་དེ་མ་ཡིན་པར་ཐལ། རྗུས་སྐྱེས་མ་ཡིན་པའི་ཕྱིར། ཁྱབ་པ་ཁས། ཟེར་ན་ཅི་ཟེར་འདོད་དམ། ལགས།

18. མཆན་13་14་པའི་ལན། ཀ་རྡོ་ལེགས། ཡང་རྩེད་མཚར་ཞིག་ཞུ་ན། སྤྱིར་སངས་རྒྱས་ཐམས་ཅད་རྒྱུད་གཅིག་ཏུ་འདོད་མི་འདོད་ཀྱི་རྩོད་པ་བཞག་ནས། ཀྃ་ཚང་བཀའ་བརྒྱུད་རང་ལུགས་འཐད་ལྡན་སྨྲ་ན། ཀརྨ་པའི་ཟབ་མོ་ནང་དོན་གྱི་རྩ་བའི་ས་བཅད། ལུས་སེམས་དབྱེར་མེད་གཞི་ཡི་རྒྱུད། བསྐྱེད་རྫོགས་དབྱེར་མེད་ལམ་གྱི་རྒྱུད། སྐུ་གཉིས་དབྱེར་མེད་འབྲས་བུའི་རྒྱུད། ཅེས་བཀའ་བཅད་པའི་དོན་ལ་གཞིག་དགོས། སྤྲུལ་བའི་སྐུ་དངོས་ཡིན་ན། ལུས་ངག་ཡིད་གསུམ་རྒྱུད་གཅིག་པ་ཡིན་པ་ཐལ། གསང་གསུམ་དབྱེར་མེད་ཡིན་པའི་ཕྱིར། ཡེ་ཤེས་གཅིག་གིས་ཁྱབ་པའི་ཕྱིར། གཞི་དུས་ཀྱི་ཡེ་ཤེས་ལྔ། ལམ་དུས་ཀྱི་ཕུང་ལྔ་། འབྲས་དུས་ཀྱི་སྐུ་ལྔ་རྒྱུད་གཅིག་ཏུ་འདོད་པའི་ཕྱིར། ལུས་ངག་གི་རྩ་རླུང་ཐིག་ལེ་ཐམས་ཅད་ལ་ཡེ་ཤེས་ཀྱི་རྩ་རླུང་ཐིག་ལེས་ཁྱབ་པའི་ཕྱིར། ཤེས་བྱ་ཐམས་ཅད་ཐབས་ཤེས་ཀྱི་རང་བཞིན་དུ་འདོད་པའི་ཕྱིར། ལུས་ངག་ཐབས་དང་སེམས་ཤེས་རབ་ཏུ་བསྡུ་བའི་ཕྱིར། ཐབས་ཤེས་འདུ་འབྲལ་མེད་པའི་ཕྱིར། དེ་དག་ནི་རླུང་སེམས་དབྱེར་མེད་དང་ཟབ་མོ་ནང་དོན་སོགས་བཀའ་བརྒྱུད་གོང་མའི་དགོངས་པ་ཡིན་པའི་ཕྱིར་རོ། །། རྩེད་མོ་ཞུ་བར་དགོངས་འགལ་མེད་པར་འཚལ། རང་ཉིད་ལོ་ཉི་ཤུ་རྩ་བཞི་སྔོན་ལ་བཀའ་བརྒྱུད་པའི་གཞུང་ལ་མཇལ་བའི་སྐལ་བ་ཕྲ་མོ་བྱུང་ཞིང་། ཀྃ་ཚང་བཀའ་བརྒྱུད་པ་ཞིག་ཡིན་ཞེས་སྨྲས་ཀྱང་ངོ་གནོང་མི་དགོས་པའི་མོས་གུས་ཅན་དྲི་མེད་པས་ཐོལ་བྱུང་དུ་བྲིས། །

19. གང་ཟག་གཅིག་གི་བརྒྱུད་ཀྱིས་བསྡུས་པའི་ཕུང་པོ་ལྔ། ལམ་ལྔ་དང་། འབྲས་བུ་ལྔ་གང་ཟག་གཅིག་གི་ཡིན་པ་ལ་རྩོད་པ་མེད་ཀྱང་། འདིར་ལོངས་སྤྱོད་པའི་སྐུ་ལ་མི་རྩོད་པར། སྤྲུལ་སྐུ་ཤྰཀྱ་ཐུབ་པ་དང་། སྤྲུལ་སྐུ་པདྨ་པདྨ་འབྱུང་གནས་སམ། དེ་གཉིས་དང་ཆ་འདྲ་བའི་བྱང་སེམས་ཚོགས་ལམ་པ་དང། སྦྱོར་ལམ་པ་དང་། བྱང་སེམས་འཕགས་པའི་སྐྱེ་བ་རྗེ་མའི་སྤྲུལ་སྐུའི་སྐོར་རྩོད་བཞིན་མ་ཡིན་ནམ། ཁྱེད་ཀྱིས་སྐུ་གསུང་ཐུགས་གསུམ་ངོ་གཅིག་ཡིན་པ་གསུངས་པ་ནི། ངས་ཀྱང་འདོད་ལ། ངས་ནི་དིང་སང་འགའ་ཤས་ཀྱི་བླ་མ་གཅིག་གྲོང་ནས་ཡང་སྲིད་གསུམ་ངོ་འཛིན་བྱས། དེ་དག་གི་ནང་ནས་གཅིག་སྐུ་ཡི་སྤྲུལ་པ། གཉིས་པ་གསུང་གི་སྤྲུལ་པ། གསུམ་པ་དེ་ཐུགས་ཀྱི་སྤྲུལ་པར་བཞེད་པ་མི་འཐད་དོ་ཟེར་འདོད་པ་ཡིན་ནོ།།
    ཁྱེད་ཀྱིས་ལྗགས་ལན་གནང་བར་བཀའ་དྲིན་ཆེའོ།།

20. ཀ་རྡོ་ལེགས་སོ། ། ཀྃ་ཚང་ཆགས་མེད་རི་ཆོས། བླ་མའི་རྣལ་འབྱོར་བྱིན་རླབས་ཆར་རྒྱུན་ལས། དེ་བཞིན་ངོ་བོ་སངས་རྒྱས་བྱང་སེམས་ཀྱིས། །གང་འདུལ་རྒྱལ་པོ་བློན་པོ་བླ་མ་སོགས། །གང་ལ་གང་འདུལ་སྤྲུལ་བ་ཐམས་ཅད་དང་། །ཡང་སྤྲུལ་ཉང་སྤྲུལ་སུམ་སྤྲུལ་བདུན་སྤྲུལ་སོགས། །སེམས་ཅན་གཅིག་ལ་ལན་གཅིག་ཐོགས་པ་ན། །སྐྱེ་བ་གཅིག་ལ་འཆི་ལ་མི་ཆོར་བར། །དཔེར་ན་མི་བསྐྱོད་རྡོ་རྗེ་ཁོ་ན་ཡི། །སྤྲུལ་བ་གངས་ཅན་བོད་ཡུལ་འདི་ཉིད་ན། །འབུམ་ཕྲག་ལྔ་ཙམ་ཡོད་པར་གསུངས་དང་མཚུངས། །དེ་ཀུན་ཐམས་ཅད་བླ་མ་སྤྲུལ་བའི་སྐུ། །དེ་དག་ཀུན་ལ་གསོལ་བ་འདེབས་པ་ཡིན། །ཅེས་དང་། བླ་མ་གཅིག་ལ་སྤྲུལ་སྐུ་ལྔ་བྱོན་པའི་ཚུལ་ཡང་། རི་ཆོས། ཆོས་བྱེད་པའི་གང་ཟག་རྣམས་འཆི་ལུགས་དཔག་བསམ་ཤིང་གི་འབྲས་བུ་ལས། དེ་ལ་སྐུ་ཡི་སྤྲུལ་བའི་སྤྲུལ་སྐུ་བྱོན། །སྐུ་ལུས་མཛེས་ཤིང་ཡིད་འོང་དང་པ་འདྲེན། །དེ་ཉིད་མཐོང་ཐོས་རེག་ཚད་འདྲེན་པར་ནུས། །ཞེས་དང་། ཨཱཿ་སྤྲོས་འཕང་པས་གསུང་གི་སྤྲུལ་བ་བྱོན། །གསུང་བཟང་དབྱངས་སྙན་སྡེ་སྣོད་བཤད་ལ་མཁས། །དེ་ཡིས་ཐོས་བསམ་བཤད་གྲྭའི་བསྟན་ལ་ཕན། །དེ་བཞིན་ཧཱུྃ་ཡིག་སྤྲོས་འཕང་ཐུགས་སྤྲུལ་འབྱུང་། །ཐུགས་གཏུམ་ཉམས་དང་རྟོགས་པ་ཤིན་ཏུ་མཐོ། །ཉམས་ལེན་སྒྲུབ་པའི་བསྟན་ལ་ཕན་པར་འགྱུར། །ཡང་། ཡོན་ཏན་སྤྲུལ་སྐུ་རིགས་གནས་ཀུན་ལ་མཁས། །གདུལ་བྱ་ལོངས་སྤྱོད་ཀྱང་ནི་རྒྱས་པར་འགྱུར། །འཕྲིན་ལས་སྤྲུལ་སྐུ་མཐུ་རྩལ་ནུས་པ་ཆེ། །འགྲོ་དོན་འཕྲིན་ལས་རླབས་ཆེན་འགྲུབ་པར་འགྱུར། །ཅེས་གསུངས་སོ། སྒྲུབ་རྒྱུད་ཀརྨ་ཀྃ་ཚང་གི་བླ་མ་གོང་མ་རྣམས་ཀྱི་གསུངས་རབ་ཕལ་མོ་ཆེར་སྐུ་གསུམ་དབྱེར་མེད་ཀྱི་དགོངས་པ། འགྲོ་དོན་སྤྲུལ་སྐུ་འབྱུང་ཚུལ་ཞལ་གསལ་ལ་ཁུངས་བཙུན་པ་མང་པོ་བཞུགས་ཀྱང་རེ་ཞིག་སྤྲོ་བར་མི་བྱའོ། །ཀརྨ་བཀའ་བརྒྱུད་ཀྱི་གཞུང་མང་ཡིད་ཀྱི་མཚོ་རུ་སིམ་པས་མོས་གུས་ཅན་དྲི་མེད་པས་སོ། ། བྲེལ་བ་ཆེ་བས་ཡིག་ནོར་ཡོད་སྲིད་པས་དགོངས་འགལ་མེད་པར་ཞུ། །

21. ཆོས་བརྒྱུད་བཞི་ག་བསྡོམས་ནས། དིང་སང་བྱང་སེམས་མཚན་ཉིད་ཚང་བ་འབུམ་ཕྲག་གཅིག་ཡོད་ན་ཡང་རྩ་བ་ཆེན་པོ་རེད།

22. ལེགས་སོ། བྱང་སེམས་མཚན་ཉིད་པ་ས་མཚམས་གང་ནས་འཇོག། ཁྱིམ་པ་སོ་སྐྱེསསྡོམ་ལྡན། ཚོགས་ལམ་ནས་ས་བཅུའི་བར། དུད་འགྲོ་ནས་སངས་རྒྱས་བར། རང་ས་ན་མཚན་ཉིད་ཚང་པ་རེ་ཡོད་པ་མིན་ནམ། ། དེ་ཙམ་གྱིས་ཆོག་ཤེས་པར་བྱ། བྲེལ་བ་ཆེ་བས་ཞུ་ལོང་མི་འདུག

23. ཡོངས་གྲགས་ལ་ཀརྨ་པ་ཡང་སྲིད་གསུམ་ཡོད། མཐའ་ཡས་རྡོ་རྗེ། ཨོ་རྒྱན་འཕྲིན་ལས་རྡོ་རྗེ། ཟླ་བ་བཟང་པོ་བཅས་ཡིན། དང་པོ་དེ་རྒྱལ་བ་ཞྭ་དམར་པའི་ངོས་འཛིན་གནང་། གཉིས་པ་དེ། ཏཱ་ཡི་སི་ཏུས་ཀརྨ་པ་༡༦ གིས་མདའ་ཁའི་ཞལ་ཆེམས་དངབསྟུན་ནས་ངོས་འཛིན་གནང་། ༼ མདའ་ཁའི་ཞལ་ཆེམས་དེ་སི་ཏུ་པ་ཁོ་རང་གི་ཕྱག་་བྲིས་ཡིན་པ་གསལ༽ གསུམ་པ་དེ། ཁོ་རང་ནར་སོན་པ་ན་ཀརྨ་པ་ཡིན་ཞེས་སྨྲས་ནའང་ངོད་འཛིན་གནང་མཁན་བྱུང་མེད། ༼ཕྱི་མ་དེར་ཁུངས་གང་ཡང་མེད།༽

24. ༅༅། སྔོན་དུ་ཐེངས་གཉིས་ཞུས་ཡོད།
    སྐྲུལ་སྐུ་ཡིན་ན་མདོ་སྔགས་གཟུང་ལུགས་དང་བཅས་པ་དང་ལྷག་པར་དུ་ཚད་མ་རིག་པའི་གཞུང་ལ་
    སློབ་སྦྱོང་མཐར་ཕྱིན་པ་གནང་ནས་མཁས་པའི་མཚན་ཉིད་ཚང་བ་ཞིག་མེད་ན་དེ་ལ་སྤྲུལ་ཕར་བཞག་
    དགེ་འདུན་པ་ཕལ་པ་ཞིག་ལས་དངོས་འཛིན་མེད།
    སོ་སོའི་རང་ངོས་ནས་སྤྲུལ་སྐུ་ཡིན་ཞེས་ཇི་ལྟར་བཤད་ཀྱང་མང་ཚོགས་ནས་ཡིད་ཆེས་བྱེད་ཀྱི་མ་རེད།
    དཔེར་ན་་་པཎ་ཆེན་རྗུན་མ་ལྟར་རེད། རྒྱ་དམར་གཞུང་ནས་ཆབ་སྲིད་ཀྱི་དགོས་དབང་ལ་བརྟེན་ནས་
    པཎ་ཆེན་རྗུན་མ་རྒྱ་དམར་པོས་འདོད་པ་ལྟར་བསྐོས་ཀྱང་བཙན་དབང་འོག་གི་སྤྲུལ་སྐུ་ལ་སུ་གཅིག་གི་
    ངོས་འཛིན་དང་དད་པ་བརྩི་བཀུར་ཞུ་མཁན་མེད།

25. ཟླ་བ་བཟང་པོ་ཨེ། ཁོ་ཀརྨ་པ་ཡིན་ལབ་པ་རེད་ཨེ། དེ་ནས་ངོས་འཛིན་མ་བྱུང་བ་རེད་ཨེ།

26. གཞུང་པ་ཚེ་བསོད་ལགས། ལུང་སྐུ་མ་རེད་ལོངས་སྐུ་རེད། འཇམ་པའི་དབྱང་ཞེས་པ་འཇམ་དཔལ་ལམ་འཇམ་པའི་དབྱངས་རེད།