དུས་དབང་ཆོས་ཞུ་བས་དོ་སྣང་དང་ཡིད་གཟབ་སྐོར།

Comments (10) on “དུས་དབང་ཆོས་ཞུ་བས་དོ་སྣང་དང་ཡིད་གཟབ་སྐོར།”

1. དུས་འཁོར་དབང་ཆེན་ཐོབ་ན་དམ་ཚིག་སྲུང་མ་དགོས་པའི་དམིགས་གསལ་ཞིག་ཡོད་དམ། གལ་ཏེ་དམིགས་གསལ་མེད་པར་དམ་ཚིག་སྲུང་དགོས་ཀྱི་ཡོད་ན། མང་ཆེ་བས་དམ་ཚིག་སྲུང་རྒྱུ་ཕར་ཞོག་གྲངས་ཀ་ཙམ་ཡང་རྩིས་ཤེས་ཀྱི་མེད་པ་གསལ་པོ་རེད། དེས་ན་དུས་འཁོར་དབང་ཆེན་ཐོབ་ན་ཁེ་ཉེན་ཅི་ཞིག་ཡོད་དམ། །

2. དཔལ་དུས་ཀྱི་དུས་འཁོར་ལ་དད་པ་ཙམ་གྱིས་གསང་སྔགས་བླ་མེད་ལ་མོས་པ་ཐོབ་པ་རེད། དུས་འཁོར་ནི་ཇོ་ནང་ནས་བརྒྱུད་པའི་གསང་སྔགས་ཤིག་ཡིན་ན་ཡང་། ༸གོང་ས་མཆོག་གིས་དུས་དབང་ནི་༸སྐྱབས་རྗེ་ཡོངས་འཛིན་གླིང་རིན་པོ་ནས་བརྒྱུད་པ་དང་། དམ་ཚིག་ནི། གསང་སྔགས་སྤྱི་ཡི་དམ་ཚིག་བསྲུང་ཐུབ་ན་འགྲིགས་ཤིང་། དུས་འཁོར་ནི་ཕ་རྒྱུད་དང་། མ་རྒྱུད་མ་ཡིན་པར། གཉིས་མེད་ཀྱི་རྒྱུད་དུ་གཏོགས་པ་དང་། ཐུན་མོང་མ་ཡིན་པའི་ཆོས་སྐད་ལ་སྟོང་གཟུགས་ཞེས་པ་ཞིག་ཡོད་རེད།
   མདོར་བསྡུས་ནས་བཤད་ན། ཆོས་ཞུ་བ་རང་ཉིད་མ་འཆི་བར་༸གོང་མཆོག་ལ་དད་པ་དང་མོས་པ་མུ་མཐུད་ནས་ཉར་ཐུབ་ན། ༸གོང་ས་མཆོག་གགི་དྲུང་ནས་དུས་འཁོར་ཐོབ་པ་ནི། དགེ་མཚན་འབའ་ཞིག་ལས། གྱོང་རྩ་བ་ནས་འོངས་མི་སྲིད་པས། ང་ཡང་ད་ལོ་རྡོ་གདན་དུ་བཅར་རྒྱུ་ཡིན་པས། དྲ་གྲོགས་རྟ་བདུན་དབང་པོའི་འོད་ཟེར་ཡང་དེར་འཆར་ན་དགེ་མཚན་ཆེའོ།།

3. ཕྲན་ལ་༧ གོང་ས་མཆོག་གི་དྲུང་ནས་དུས་འཁོར་དབང་ཆེན་ཐེངས་གཅིག་ཐོབ་པའི་སྐལ་བ་བྱུང་། ད་རེས་རྡོ་གདན་དུ་འགྲོ་རྒྱུའི་སྟ་གོན་གང་ཡང་མེད། དུས་འཁོར་དབང་ཆེན་འདི་རྗེ་ཙོང་ཁ་པའི་སྐབས་སམ་ཡར་སྔོན་དུ་བོད་རྒྱ་གཉིས་ན་ཁྲོམ་དབང་བྱེད་རྒྱུ་ལུགས་སྲོལ་ཡོད་ས་མ་རེད། དུས་ཕྱིས་སུ་དར་བ་ཞིག་ལགས་པར་སྣང། འོན་ཀྱང་བླ་མ་སུ་ཡིས་རིང་ལ་ཁྲོམ་དབང་བྱེད་འགོ་བརྩམས་པར་མ་ངེས། ཕལ་ཆེར་པན་ཆེན་རིན་པོ་ཆེའི་སྐུ་འཕྲེང་ཞིག་ཨེ་ཡིན་སྙམ་མོ། ཤེས་མཁན་རེ་ཡོད་ན་གསུང་རོགས་ཞུ། །

4. བོད་ནང་སྔར་དུས་སུ། སྤྱན་རས་གཟིགས་སྤྲུལ་ཡིད་བཞིན་ནོར་བུ་ལས། ལྷག་པ་འོད་དཔག་མེད་སྤྲུལ་པཎ་ཆེན་ཐམས་ཅད་མཁྱེན་པས། དུས་དབང་གནང་བ་མང་བ་ཡོད་པ་འདྲ། འོནད་ཀྱང་པཎ་ཆེན་བཅུ་པས་དམར་ལུགས་པའི་་རྒྱ་འབྲེལ་ཤུགས་ཆེ་དྲགས་པ་དང་། རང་གི་སོ་ཐར་སྡོམ་པ་ཡང་ཁུངས་མ་འཁྱོལ་ཙང་། སྐུ་ཚེ་རིང་པོ་བཞུགས་མ་ཐུབ་པ་དང་། ཆོས་ཕྱོགས་ཀྱི་མཛད་འཕྲིན་དེ་ཙམ་རྒྱས་མ་ཐུབ་ནས་ལན་པའང་ཡིན་སྲིད།
   ེྟརྟ་བདུན་དབང་པོས། དུས་དབང་ཁྲོམ་གྲགས་ལྟ་བུར་གསུངས་འདུག་ཀྱང་། སྤྱིར་སྔགས་བླ་མེད་ཚང་མ་སྦས་ནས་དབང་ལུང་འཁྲིད་གསུམ་གནང་བ་དང་། དེ་གད་ཉམས་སུ་བླངས་དགོས་པ་ལ་རྩོད་པ་མེད་ཀྱང་།
   འདིར་དུས་དབང་ནི། སྟོན་པ་རང་ཉིད་ཞལ་བཞུགས་དུས་སུ། ཤམ་བྷ་ལའི་རྒྱལ་ཕྲན་གྱི་རྒྱལ་བློན་བཙུན་འཁོར་ཡོངས་རྫོགས་ལ་ཁྲོམ་དབང་ལྟ་བུར་གསུངས་པ་ལ་བརྟེན་ནས། དུས་དབང་ལ་ག་ཚོད་ཀྱི་འདུས་འཚོགས་ཆེ་བ་དེ་ཙམ་གྱིས། ཛམ་གླིང་ཞི་བདེ་དང་ཕན་ཡོན་ཆེ་བ་ཡིན་པ་ཡང་སྔགས་འདི་ཡི་ཐུན་མོང་མ་ཡིན་པའི་ཟབ་ཁྱད་དུ་ངོས་འཛིན་བཞིན་འདུག

5. དེ༌ག༌རེ༌ཡིན༌ནམ།

6. དཔལ་ལྡན་འཕྲོད་སྟེན་བཀའ་བློན་མཆོག་ནས་དུས་དབང་
   སྒྲ་སྒྲིག་སྐོར་བཀའ་སློབ་ལམ་སྟོན་གསལ་པོ་གནང་སོང་ཐུགས་རྗེ་ཆེ་བཀྲིན་ཆེ་གལ་ཆེ་ཤོས་དེ་གོང་ས་མཆོག་གི་སྐུའི་སྲུང་སྐྱོབས་ཡིན་ན་འབྲེལ་ཡོད་གནས་ཡུལ་རྒྱལ་ཁབ་ཀྱི་མཐོ་རིམ་མི་སྣ་དང་དབུས་བོད་མིའི་སྒྲིགས་བདེ་སྲུང་ལྷན་ཁང་མཐུ་མོང་ཐོག་འགན་བཞེས་དགོས་པ་མ་ཟད་དུས་དབང་སྐབས་ཆོས་ཞུ་མང་ཚོགས་ཀྱི་བདེ་འཇགས་ཆེད་ཌེ་ཌུན་དངས་སློབ་ནས་བརྒྱ་ཤོག་གཉིས་ཙམ་དུས་དབང་རིང་བདེ་འཇགས་ཆེད་གཏོང་དགོས་པའི་འབྲེལ་ཡོད་འགན་འཁུར་མི་སྣ་ལ་ཞུ་དགོས་སོགས་གལ་ཆེན་མཐོང་གི་འདུག་།

7. ་་་་་་་་་་ གལ་ཆེ་ཤོས་དེ་གོང་ས་མཆོག་གི་སྐུའི་སྲུང་སྐྱོབས་ཡིན་་་་་་་་་་་

8. བོད་མིའི་བསོད་ནམས་རྒྱལ་བའི་སྐུ་ཚེ་རག་།
   འགོ་མང་ཀུན་གྱིས་ལས་འགན་ཆེ་བཞེས་ཐོག་།
   དུས་དབང་སྐབས་ལ་གང་སར་དོ་སྣང་དགོས་།
   དོགས་གཞིའི་རིགས་ལ་ལམ་སེང་གོང་ཞུ་དགོས་།

9. ༧རྒྱལ་བའི་སྐུ་ཚེ་བརྟན་པ་དང་ཐུགས་བཞེད་ལྷུན་གྱིས་འགྲུབ་པར་བཀའ་སྤྱི་གཉིས་གཙོར་གྱུར་སྲི་ཞུའི་ལས་བྱེད་རྣམས་ནས་རྒྱབ་མདུན་ངོ་ལྐོག་མེད་པར་རང་འཁྲིའི་ཕྱག་ལས་ཧུར་ཐག་གནང་དགོས། ཚོགས་སྐྱིད་ཁག་ཕན་ཚུན་ཐུགས་མཐུན་དམ་གཙང་དང་སྤྱི་ལས་རྣམས་འཕྱར་གྲུ་མཉམ་འདེག་གནང་དགོས། ༧རྒྱལ་མཆོག་ཕྱག་ན་པད་མོར་དད་པ་དང་ཡིད་ཆེས་ཡོད་པའི་བོད་འབངས་རྣམས་ནས་བཀའ་དགོངས་གཞིར་བཟུང་ཤར་བསྐྱོད་གནང་ན་༧རྒྱལ་བ་དགྱེས་པའི་མཆོད་སྤྲིན་ཡང་དེས་ཡོང་ངེས།

10. དད་དམ་གཙང་མའི་མཆོད་པ་རྒྱལ་བ་དགྱེས་།
    དད་ཚིག་སྲུང་ན་ཆོས་ཀྱི་སྦྱིན་རླབས་ཐོབ་།
    དད་ཚིག་ཀུན་གྱི་རྩ་བ་ཡིད་ཆེས་བརྟན་།
    དད་དམ་གཡོ་མེད་དུས་དབང་ཞུ་ལ་བརྩོན་།