གཡུ་སྒང་དགེ་འདུན།
བལ་ཡུལ།
ཉིན་དང་མཚན་གྱི་འགྲུལ་བཞུད་ཁྲོད་ནས་སྔོན་བྱོན་བཙན་པོའི་གཉེན་ཚང་སླེབས།།
རྒྱུས་ཡོད་རྒྱུས་མེད་ཡོད་ཚད་ཚང་མ་ཁེ་སང་འཚོལ་བའི་གཡང་ཁར་གནས།།
ཁ་ཚིག་སྙིང་གི་གཏིང་དུ་ཟིམ་ཡང་དོན་འབྲས་ནམ་མཁའི་འཇའ་ཡི་གཟུགས།།
རྒྱུས་མེད་མུ་གེའི་རྒྱལ་ཁབ་འདི་ནས་རང་བློ་འཁེལ་ས་རང་ཉིད་ཙམ།།
ལེ་དབར་ཁྲི་ཕྲག་ཁྱུག་ཙམ་བགྲོད་པའི་སྐྱི་སེར་རླུང་གི་རང་གཤིས་ཅན།།
དེང་རབས་འཕྲུལ་གྱི་ཐང་དཀར་རྒོད་པོས་ལྡིར་སྒྲ་དང་བཅས་ནམ་འཕང་བསྟད།།
སྤྲིན་དཀར་བང་རིམ་ཐོལ་གྱིས་བརྟོལ་ཏེ་འཇིག་རྟེན་མིག་གི་བང་དུ་བླངས།།
སྐད་ཅིག་གཅིག་ལ་སྤུན་མཆེད་ལྷན་འཛོམས་དགའ་སྤྲོའི་རྨི་ལམ་ཞིང་དུ་བསྐྱལ།།
ཕ་ཡུལ།
ཞིམ་མངར་སྐོམ་ཆུའི་བཏུང་བ་སྣ་ཚོགས་མཐའ་བཞིའི་རྒྱ་མཚོ་དྲང་ལ་དོགས།།
ཤ་མར་ཟས་ཀྱི་འཚོ་བ་སྣུམ་པོ་ས་འཛིན་ལྷུན་པོའི་གཏོས་དང་མཉམ།།
འདོ་རིག་རྟ་ཕོའི་བང་ཁ་སྟོངས་ཡང་རླངས་འཁོར་འགྲོས་ཀྱིས་བྱང་ལམ་གཅོད།།
ཕུ་ནུའི་འཚོ་བའི་ཞིང་ས་འདི་ན་བདེ་སྐྱིད་སྟོན་གྱི་ལོ་ཏོག་སྨིན།།
སྤྲིན་བྲལ་སྔོ་བསངས་སྒེག་མོའི་འཛུམ་མདངས་ལྷ་ཡི་སྲས་མོའི་མེ་ལོང་ཉིད།།
རྐང་ཐུང་སྣ་བརྒྱའི་མགོ་ལྕོག་ལྡེམ་པ་ལྷ་དབང་ཞལ་ལ་མཇལ་བའི་སྲོལ།།
ཕ་ཡུལ་རྨ་ལྷོའི་འབྲོག་ཐང་འདི་རུ་གཡང་དཀར་ལུག་གི་འབའ་སྒྲ་དང་།།
ཐུལ་དཀར་འབྲི་མོའི་ངུར་སྒྲའི་དབྱངས་སྙན་ཁོ་བོའི་རྣ་བའི་དཔྱིད་དུ་ལྷུང་།།
ནང་མིས་དྲན་པའི་མིག་ཆུའི་ཐིག་པ་གདོང་གི་ངོས་ན་ཤར་ར་ར།།
གཉེན་ཉེའི་བརྩེ་སེམས་དུང་གི་ཟླ་བ་ཁོ་བོའི་མགོ་ན་གསལ་ལྷང་ལྷང་།།
ཤི་གསོན་ལྷན་དུ་འཛོམས་པའི་ཚོར་བ་ཡ་ཆུང་སྙིང་ན་ཚ་བེར་བེར།།
དེ་རིང་དགའ་སྐྱོའི་གཏམ་རྒྱུད་རིང་པོ་ས་ཆེན་འདི་ལ་ཤོངས་ནུས་བྲལ།།
མི་ལོ་བཅོ་བརྒྱད་གྱེས་བྲལ་བྱུང་བའི་ཕ་ཡུལ་འཛིན་མར་རྐང་པས་བཅགས།།
མི་གཤིས་རེ་རེ་མིག་གིས་མཐོང་དུས་དང་པོའི་བསམ་བློའི་འཁུར་སོ་དང་།།
མི་མཐུན་ལས་ཀྱི་སྣེ་མོ་བརྒྱ་ཡིས་དུང་སེམས་རི་མོ་ཁད་ཀྱིས་བསུབས།།
མི་རིགས་འདི་ལ་སེམས་ཤིག་ཡོད་ན་མི་ཡི་འགྲོ་སྟངས་དགོས་ངེས་ཤིག །
ང་དང་རུ་སྡེའི་རྒན་གཞོན་བར་ན་ལེ་དབར་སྟོང་གི་ཆོད་པའི་སྲོལ།།
འདས་པའི་བགྲང་བྱ་དུ་མའི་གྲོགས་དག་ཕན་ཚུན་ཆ་མེད་རྒྱུས་མེད་ཆགས།།
མ་ཤེས་མཇིང་བ་དཀྱུ་ཙམ་ཞིག་དང་ཤེས་ཀྱང་ཚོར་བ་བྲོ་མེད་ཅིག །
ཕ་ཡུལ་རུ་སྡེ་ཕྲ་མོའི་ཁྲོད་ན་ས་མཐའི་མི་རྐྱང་ཁེར་འགྲོ་ཉིད། །
བླ་བྲང་།
མདོ་སྔགས་ཆོས་ཀྱི་རུ་མར་གྱུར་པའི་བཀྲ་ཤིས་གཡས་སུ་འཁྱིལ་བའི་སྡེར།།
དུང་སེམས་དད་པའི་སྤུ་ལོང་གཡོས་ཏེ་ཕྱག་གསུམ་ཕུལ་བའི་ལས་ལ་བྲེལ།།
བསླབ་གསུམ་ངུར་སྨྲིག་འདུས་པ་རྒྱ་མཚོ་སྔར་བཞིན་གུས་པའི་སྙིང་དབུས་སུ།།
མི་ཕྱེད་དད་པའི་སྤྱི་བོར་བཀུར་བར་གནག་ནོག་དྲི་ཡིས་གོས་མ་གྱུར།།
འོན་ཏང་ཕྱི་ཚུལ་བཙུན་པའི་གཟུགས་ལ་ནང་སེམས་དཀོར་གྱི་སྣུམ་ཟིན་པའི།།
ཀུན་མཁྱེན་བླ་མའི་རྐང་འདྲེན་རེ་འགས་ཚིག་གྱོང་མདའ་ཡི་རྣོ་ཁ་དེ།།
ཁོ་བོའི་སྙིང་གི་དཀྱིལ་དུ་བརྣུན་པས་སྔ་མའི་རང་གི་གཤིས་སྤྱོད་དག །
དེ་དང་མཚུངས་མིན་བསམ་གཞིག་ཅིག་གིས་འཇིགས་དངངས་སོམ་ཉིའི་གཡང་ལ་འདྲིལ།།
ལྷ་ས།
གནའ་མཁར་ཟི་ལིང་གྲོང་ཁྱེར་བརྒྱུད་དེ་ཉི་མ་ལྷ་སའི་ཕྱོགས་སུ་བསྐྱོད།།
ཉིན་ཞག་གཅིག་གི་འཁོར་འགྲོས་ཁྲོད་ནས་ལྷ་ལྡན་དག་པའི་ཞིང་དུ་སླེབས།།
དོན་དངོས་ཡུལ་མིར་འབྲེལ་འདྲིས་མེད་ཀྱང་སེམས་ཀྱི་བར་ཐག་ཧ་ཅང་ཉེ།།
རང་མི་ཞིག་གི་ཚོར་རྟོག་སྐྱེན་པོས་ལྷོད་གཡང་དགའ་སྤྲོའི་སྣང་བ་བརྟས།།
ནང་སེམས་དོན་ནི་རྟོགས་པ་དཀའ་ཡང་ཕྱི་སྤྱོད་ཞི་བའི་རང་གཤིས་གྲུབ།།
རྒན་བཀུར་གཞོན་སྐྱོང་ཡ་རབ་ཀུན་སྤྱོད་ལྷ་དར་དཀར་པོའི་ཚུལ་དུ་འཐེན།།
མི་ལ་མི་ཡི་རིན་ཐང་ཞིག་དང་དེ་དང་མཐུན་པའི་ཁ་གཤིས་ཤིག །
ངང་ངམ་ཤིག་གེར་ལྷུན་གྱིས་གྲུབ་དུས་དུང་སེམས་སྙེ་མའི་མགོ་ལྕོག་ལྡེམ།།
སྡོམ་ཚིག
ཕ་ཡུལ་བསྐྱོད་པའི་སྐྱོག་མཚམས་འདི་ལ་ཕྱི་བལྟས་འཇམ་པའི་ཚུལ་བཟུང་ཡང་།།
མི་མངོན་ལྐོག་ན་བརྗོད་མི་ཤེས་པའི་སེམས་ཀྱི་ཁུར་བོ་ལྗིད་ཏིག་ཏིག །
སྤྱི་དམངས་གྲལ་དུ་མ་ཚུད་པ་འམ་ཕྱི་མིའི་མཐོང་ཆན་མིན་པའི་ལན།།
གང་ལྟར་སེམས་རྟོག་དམ་པོར་གྱུར་པས་ལྷོད་པའི་དུས་ཤིག་བྱུང་མ་སོང་།།
བལ་ཡུལ།
དངངས་འཚབ་སྟོང་གི་ཧྲག་བར་ཞིག་ནས་བལ་བོད་གཉིས་ཀྱི་ས་མཚམས་སུ།།
གོས་སྔོན་མཐའ་སྲུང་དམག་སྔུན་བརྒྱུད་དེ་གཅོང་རོང་བལ་ཡུལ་ལྗོངས་སུ་སླེབས།།
མགོ་བོ་ཡར་ལ་དགྱེ་དགྱེ་བྱས་ཏེ་མི་ཡི་བཟོ་ལྟ་ཐོན་ཙམ་བྱས།།
འཇིགས་སྐྲག་མེད་པའི་རྣམ་རྟོག་ཅིག་གིས་ལས་སེམས་ངལ་གསོ་ཐེངས་གཅིག་སྤྲད།།
རྒྱ་གར།
དྲི་མནམ་སྣ་ཡི་གཤེད་དུ་བབས་ཏེ་ཡིད་དུ་སྐྱུག་མེརཐོལ་ཐོལ་བསླངས།།
ཀྱག་ཀྱོག་ལམ་འཕྲང་ཡུད་ཀྱིས་བགྲོད་དུས་རྐུབ་དང་བརླ་ཤ་གཟེར་གྱིས་མནན།།
འབྲས་དང་རྡ་ལིར་ལོངས་སུ་སྤྱོད་དུས་ཤ་མར་འོ་མའི་འདུ་ཤེས་བཟུང་།།
དམིགས་པ་བརྒྱ་ཡི་སྒོམ་རིམ་བར་ནས་མི་ཡུལ་རྒྱལ་ས་ལྡི་ལིར་སླེབས།།
རང་ལ་དབང་བའི་ས་ཆ་མེད་ལ་གནས་སྐབས་སྡོད་པའི་གནས་ཚང་ཡིན།།
སྐྱབས་བཅོལ་ཞིག་གི་ཐོབ་དབང་མེད་ཀྱང་རང་འཚོ་རང་གིས་འགྲོ་ཐབས་ཙམ།།
འཚོ་རྟེན་ཐབས་ལ་བཀག་འགོག་མང་པའི་དབང་མེད་མི་ཡུལ་ཡིན་ན་ཡང་།།
ཡུལ་ཁམས་འདི་ཀོ་ང་ཡི་ཕ་ཡུལ་ཡིན་པར་སྙམ་པའི་འཕྲུལ་སྣང་ཞིག །
ལས་ངན་པོ། ཡུལ་ནས་མི་འདུག་པར་ཕྱིར་ས་མཐའ་ལ་ཡོང་ནས་ཅི་བྱེད། འཁྲུལ་སྣང་དང་འཕྲུལ་སྣང་གི་ཁྱད་པར་ཡང་མི་ཤེས་ས་ཞིག་ལ་ཡོང་ནས་ག་རེ་བྱེད་དམ།
ཀླུ་སྨྱོན་ལགས་ཀྱིས་ཡིག་ནོར་བཅོས་པ་ཐུགས་རྗེ་ཆེ། ཡིད་ལ་ཤར་དུས་ཁ་འཁྲུལ་ཡིན། ལག་པས་བྲིས་པ་ཕ་འཕྲུལ་རེད། ཧཧཧ།
ཀླུ་སྨྱོན་ལགས། ཨ་་་་ལས་ངན་པོ། འཁྲུལ་སྣང་དང་འཕྲུལ་སྣང་གི་ཁྱད་པར་ཤེས་ས་ནས་རྗེས་མི་ཟིན་པས་དེ་ལས་ཁྱད་པར་མི་ཤེས་ས་ཞིག་ལ་ཡོང་ན་བཟང་གི་བསམ་བྱུང་། ཧཧཧ། གོང་གི་དེ་ཚོ་ཀུ་རེ་ཡིན། ཁྱད་པར་ངས་ནོར་བ་རེད་མ་གཏོགས་གཞན་གྱི་མགོར་འཇོག་ས་ཡོད་པ་མ་རེད། ཡིག་ནོར་བཅོས་པ་ཐུགས་རྗེ་ཆེ།
ལས་སེམས་་་་ལུས་སེམས་ལ་བཅོས་རོགས།
འཕྲུལ་སྣང་གི་དག་ཆ་འཕྲུལ་སྣང་རེད།
འཁྲུལ་སྣང་མ་རེད།
སྒོར་མོ་འཚོལ་དུ་ཡུལ་ལ་ཕྱིན་པ་མ་ཡིན་ན།
ཕ་ཡུལ་ཕ་ནུ་མི་སྟོད་སྨད་དཔེ་སྲིད་དུ་དཀོན།
ས་མཐའ་ཞིག་ནས་ས་མཐའ་གཞན་ལ་མི་འགྲོ་ན།
རྒྱ་གར་འཚོ་བས་འཚོ་བར་སྲིད་དུ་ཆགས་མི་བདེན། ཧ་ཧ་ཧ།
བོད། རང་དབང་རང་བདག་གི་ཆེད་དུ།
ཕྱིར་ཕེབས་པ་ལ་བསུ་བ་ཞུ།
ཡག་མོ་བྲིས་འདུག ད་དེ་འདྲ་འདྲ་ཡིན་གྱི་རེད།
ཀླུ་སྨྱོན་ལགས་ལ་དྲི་བ་ཞིག་འབུལ་ཆོག་པ་ཞུ།
ལོག་ཡིག་ལྔ་་་ཊ་ཋ་ཌ་ཎ་ཥ་་་་ཡི་གེ་འདི་ཚོ་བཟོ་དགོས་པའི་དམིགས་ཡུལ་གཙོ་བོ་དེ་གང་ཡིན་ནམ་ལགས། །
བྲལ་གོ་ཆོད་དགོས།
ཕ་ཡུལ་བྲལ་ནས་བྲལ་གོ་ཆོད་དགོས། །
སློབ་སྦྱོང་བྱས་ནས་བྱ་དགོས་ཆོད་དགོས། །
མི་ཚེ་བསྐྱལ་ནས་སྐྱེལ་གོ་ཆོད་དགོས། །
སྤྱི་སེམས་འཁྱེར་ནས་འཁྱེར་གོ་ཆོད་དགོས། །
ཕ་ཡུལ་བཞག་ནས་བཞག་དགོས་ཆོད་དགོས། །
ཕ་སྤུན་བཞག་ནས་བཞག་དགོས་ཆོད་དགོས། །
བླ་མ་མཇལ་ནས་མཇལ་དགོས་ཆོད་དགོས། །
ཆོས་པ་བྱས་ནས་བྱ་དགོས་ཆོད་དགོས། །
བཙན་བྱོན་ཕྱིན་ནས་འགྲོ་དགོས་ཆོད་དགོས། །
ས་མཐར་འཁྱམས་པའི་འཁྱམས་གོ་ཆོད་དགོས། །
སྐད་རིགས་སྦྱངས་པས་སྦྱོང་གོ་ཆོད་དགོས། །
གསར་འབྱོར་བྱས་པས་བྱ་གོ་ཆོད་དགོས། །
ཕ་ཡུལ་བཞག་པའི་བཞག་དགོས་ཆོད་དགོས། །
གཞན་ཡུལ་གྱར་པའི་གྱར་གོ་ཆོད་དགོས། །
རང་སྐད་ཤེས་པའི་ཤེས་གོ་ཆོད་དགོས། །
གཞན་སྐད་སྦྱངས་པའི་སྦྱོང་གོ་ཆོད་དགོས། །
སྒྲ་དྲག་པོ་ཡོང་ཆེད་མིན་ནམ། གསལ་བོ་མི་ཤེས། སྔོན་མའི་མི་རྣམས་ལ་དུས་ཚོད་འབེལ་བོ་ཡོད་པས་ཡི་གེ་འདྲ་མིན་དང་བསྟན་བཅོས་འདྲ་མིན་བརྩམས་ཡོད་པ་རེད། དཔེར་ན་རྩོད་དཔེ་མང་པོ་ལྟ་བུ།
ལོག་ཡིག་ཙམ་མ་ཟད། མཐུག་པོ་རྣམས་ཀྱང་རྒྱ་གར་སྐད་བོད་ཡིག་ཐོག་སྒྲ་དང་། དག་ཆ་ཇི་བཞིན་འབྲི་ཐུབ་པའི་ཆེད་ཡིན་པ་ལས་སྒྲ་དྲག་པོའི་ཆེད་ཁོ་ན་ཅི་ལ་ཡིན། མདོར་ན་རྒྱ་ཡིག་ཇི་ཡོད་ལ་བོད་ཡིག་རེ་བཟོས་ཏེ་ལེགས་སྦྱར་ལྷའི་སྐད་བོད་ཡིག་ཐོག་རྒྱ་ཡིག་ཀློག་པ་ཇི་བཞིན་བཀླག་རྒྱུ་ཡོད་པ་བཟོ་གནང་བའི་སྔོན་གྱི་མཁས་པ་རྣམས་ཀྱི་བཀའ་དྲིན་དྲན་པར་འོས་སོ།
BONPO ལགས་དང་། ཀླུ་སྨྱོན་ལགས། ཨ་ཁུ་འབྲོག་པ་བཅས་ཀྱི་གསུང་མོལ་དེ་ང་ལ་མཚོན་ན་ཕན་པོ་བྱུང་། ཐུགས་རྗེ་ཆེ།
སྔོན་བྱོན་མཁས་པའི་བརྡ་སྤྲོད་གཞུང་ལུགས་ལ་།
དག་བཅོས་བྱེད་པ་དེང་རབས་མཁས་པའི་བཤིས་།
བོད་ཀྱི་སྐད་ཡིག་བོད་མིའི་མ་སྦྱངས་ན་།
བོད་མིའི་དཀྱིལ་དུ་འཚོ་བ་དོན་རེ་ཆུང་།
སྔོན་བྱོན་མཁས་པའི་བསྟན་པའི་བསྟན་བཅོས་ལ་།
སྦྱོངས་དར་ཉམས་ལེན་བོད་མིའི་ལས་འགན་ཆགས་།
དུས་རབས་འཕོ་འགྱུར་མི་རིགས་སྐད་ཡིག་ལ་།
ཉམས་ཆགས་ཉེན་ཁ་དབྱར་གྱི་ཆར་སྤྲིན་འདྲ་།
དུས་ཀྱི་འཕོ་འགྱུར་ཚེ་ཡིའི་རྗེས་མི་ཟིན་།
ཚེ་ཡིས་འཕོ་འགྱུར་དུས་ཀྱི་རྗེས་མི་ཟིན་།
སྤྱི་ཚོགས་འཕེལ་རིམས་སྐད་ཡིག་ཉམས་ཆགས་དང་།
སྐད་ཡིག་ཉམས་ཆགས་སྤྱི་ཚོགས་འཕེལ་རིམ་རག་།
ཨ་ཧ་བོ་ཧ་བོ་་་་་། གནམ་ལགས། ༡སྒོར་མོ་འཚོལ་འདོད་ན་རྒྱ་གར་ནས་ཀྱང་རང་ཉིད་ཀྱིས་འབད་བརྩོན་བྱས་ན་སྒོར་མོ་འཚོལ་ཐུབ། ཕྱིར་ཕ་ཡུལ་ལ་འགྲོ་དགོས་དོན་མེད་པ་ཧ་ཅང་གསལ་པོ་རེད། ༢རང་གཞན་སུ་ཡིན་ཡང་བསྟོད་མི་འོས་པ་ལ་ཨུ་ཚུགས་རྒྱབ་ཏེ་བསྟོད་དགོས་པའི་ངེས་པ་མེད།
གསལ་ལེ་རྒྱལ1 ་ལགས་ཀྱིས་ལགས་ཀྱིས་དག་བཅོས་གནང་བར་ཐུགས་རྗེ་ཆེ། ཡིན་ནའང་མ་ཡིན་ཡིན་པར་འཆར་བ་ཞིག་ལ་འཁྲུལ་སྣང་འདི་འབྲི་བར་འདོད། ཁྱེད་རང་གིས་གསུངས་པ་དེ་མ་རེད་ཅེས་བརྗོད་མི་ཐུབ།
ཁྲ་ཁྲ་ཟིང་ཟིང་གི་འཕྲུལ་སྣང་འདིས་ཀླུ་སྨྱོན་ཨ་རི་ལ་ཁྲིད་བ་རེད།
ཤིན་ཏུ་འཁྲུལ་བའི་བདག་འཛིན་གྱིས། །
འཁྲུལ་སྣང་ཁྲ་ཁྲ་ཟིང་ཟིང་སྤྲུལ། །
ལྷ་བུའི་བདུད་ཀྱིས་བྱིན་བརླབས་ནས། །
ང་ཡི་སྲུང་སྡོམ་ཆག་རལ་བཏང་། །
་
འོནད་ཀྱང་འགྱོད་སེམས་དྲག་པོ་དང་། །
དགེ་བའི་བཤེས་ཀྱི་བྱིན་མཐུ་ཡིས། །
དགེ་བསྙེན་སྡོམ་པ་གསོ་ཞོར་དུ། །
བྱང་སེམས་གསང་སྔགས་ལ་སྤྱོད་བཟང་། །
བོད་ཀྱི་སྐད་ཡིག་གི་ཁུང་གཏུག་ས་རྒྱ་གར་དང་བོད་ཀྱི་ཆོས་ཁུང་གཏུག་ས་རྒྱ་གར་དང་བོད་ཀྱི་ཆས་གོས་ཁུང་གཏུག་ས་སོག་པོ་དང་བོད་ཀྱི་ཁ་ཟས་ཁུང་གཏུག་ས་རྒྱ་ནག་དང་བོད་ཀྱི་མང་གཙོ་ཁུང་གཏུག་ས་ནུབ་ཕྱོགས་རྒྱལ་ཁབ་དང་བོད་ཀྱི་སྨན་རྩིས་ཁུང་གཏུག་རྒྱ་ནག་དང་བོད་ཀྱི་རིག་གཞུང་ཁུང་གཏུག་ས་ཞང་ཞུང་སོགས་མ་རེད་དམ་?
གཡུ་སྒང་ཟེར་ན་ས་ཆ་ག་བ་རེད།
བོད་ཀྱི་རིག་ཞུང་གི་ཁུངས་གཏུགས་ས་བོད་རེད། བོད་ཀྱི་ཆོས་ཁུངས་གཏུགས་ས་བོད་རེད། ཡིན་ན་ཡང་། བོད་ཀྱི་ནང་ཆོས་ཀྱི་ཁུངས་གཏུགས་ས་རྒྱ་གར་རེད། བོད་ཀྱི་ཆས་གོས་ཀྱི་ཁུངས་གཏུགས་ས་བོད་རེད། སོག་པོ་མ་རེད། བོད་ཀྱི་ཁ་ཟས་ཀྱི་ཁུངས་གཏུགས་ས་བོད་རེད། རྒྱ་ནག་མ་རེད། ཡིན་ནཡང། རྒྱ་སོག་གཉིས་ནས་དཔེ་བླངས་ནས་ཟས་གོས་འགའ་ཤས་ཙམ་ཡོད་པ་ནི་བདེན་པ་རེད། གཞུང་པ་ལགས།། །།