བརྡ་སྤྲོད་སྦྱོངས།

Comments (37) on “བརྡ་སྤྲོད་སྦྱོངས།”

1. ་་་་་་་་བོད་ཀྱི་བརྡ་སྤྲོད་གཞུང་དུ་གཏན་འཁེལ་ཟིན་པ་ཞིག་ཡིན་ཀྱང་། དེང་དུས་པ་ཡིག་གི་ཚབ་ཏུ་བ་ཡིག་སྤྱོད་པ་འདི་ནི་བོད་ཀྱི་བརྡ་སྤྲོད་རིག་པའི་གཞུང་མ་ཤེས་པའི་སྐྱོན་དུ་མཐོང་། ། ་་་་་་་་་

2. ་་་་་་་བ་ཡིག་ནི་པུ་ལིངྒའི་སྒྲ་དངོས་སུ་འགྱུར་བ་ལྟ་ཅི་སྨོས། སྤྱིར་བདག་པོ་སྟོན་བྱེད་ཙམ་དུའང་མི་འཇུག་པའི་ཕྱིར་རོ། །ལྷ་ས་བ། སེ་ར་བ། ལྟ་བུ་རྣམས་ནི་གྲོང་པའི་སྐད་ཕལ་པ་ཙམ་དུ་ཟད་པས་དཔེར་མི་འོས་ཏེ།དེ་འདྲ་ལ་ཡིད་བརྟན་འཆའ་ན་ནོར་བ་མང་པོའང་ཁས་ལེན་དགོས་པར་འགྱུར་ཞིང༌། དེ་དག་དག་པར་འདོན་ན།ལྷ་ས་པ། སེ་ར་པ། ལྟ་བུར་བརྗོད་རིགས་པའི་ཕྱིར་རོ། །ཞེས་གསུངས་སོ། ། ་་་་་་་

3. ་་་་་་་་མིང་མཐར་ཡིན་ན་པ་དང་བ་གདམས་ཁ་རྩ་བ་མེད་དེ།དེ་མིང་མཐའ་ཡིན་པའི་ཕྱིར། དཔེར་ན། བདེ་བ། ཁ་བ། ཀ་བ། མི་བོ། ཐུ་བོ། ཆུ་བོ་སོགས་ལ། བདེ་པ། ཁ་པ། ཀ་པ། མི་པོ། ཐུ་པོ། ཆུ་པོ་སོགས་བྲིས་ན་ནང་དོན་རྩ་ནས་འགྱུར་འགྲོ་ཞིང་ཡོད་་་་་་་་

4. ་་་་་་་་ དཔེར་ན། དེང་དུས་འབྲོག་པའི་སློབ་ཕྲུག་རྣམས་ཀྱིས་དཔྱད་རྩོམ་ནང་དུ་གསལ་བོ། མང་བོ། རྒྱལ་བོ། བཞི་བ། ལྔ་བ་སོགས་བོད་ཀྱི་བརྡ་སྤྲོད་རིག་པ་དང་འགལ་་་་་་་་་

5. ་་་་་་ མདོར་བསྡུས་ན། བདག་སྒྲའི་ཕྲད་གསར་དུ་སྦྱར་སྐབས་པ་དང་བ་གཉིས་གདམས་ཀ་རུང་མིན་སྔོན་གྱི་བརྡ་སྤྲོད་སྨྲ་བ་རྣམས་ལ་རྩོད་པ་ཡོད་ཀྱང་། མིང་མཐའི་པ་བ་ནི་བོད་ཀྱི་བརྡ་སྤྲོད་གཞུང་དུ་གཏན་འཁེལ་བྱས་ཟིན་སྟབས་གང་འདོད་བསྒྱུར་བཅོས་བྱ་ཆོག་པ་ཞིག་མིན། ་་་་་་་་

6. འདི་དག་ལ། རྒྱབ་སྐྱོར་བརྒྱ་ཆ་བརྒྱ་ཐམ་པ་ཡོད་དོ།། །།

7. ངས་ཀྱང་ཐང་མ་མང་པོ་བཤད་ཀྱང་ཉན་མ་སོང་བས་་་་་

8. ༅༅། ཐུབ་བསྟན་ཕུན་ཚོགས་ལགས་ནས་བདག་སྒྲའི་སྐོར་དཔེ་ཡག་པོ་ཞིག་བྲིས་གནང་པ་ཐུགས་རྗེ་ཆེ།
   སྔོན་དུ་ངས་་ཀྱང་བདག་སྒྲའི་སྐོར་མང་ཙམ་སྦྱངས་ཡིན་ཡང་ད་དུང་ནོར་ཡོང་གི་འདུག་
   འདི་ལྟ་བུ་ཡང་སེ་འབྲི་གནང་ན་ངེས་པར་ཕན་ངེས་འདུག་པ་།
   བཀྲིས་བདེ་ལེགས་ཡོད།

9. ༧རྒྱལ་བའི་དབང་པོ་ཞབས་ཀྱིས་བཀའ་སློབ་སྩལ་པ། བཀའ་བསྟན་དཔེ་ཆ་དག་ན་ཡོད་པ་བཞིན་ཡིན། དེ་ལས་ལྡོག་སྟེ། བཀའ་སློབ་སྩལ་བ། ཞེས་བྲིས་ཏེ་ཁྱབ་བསྒྲགས་བྱེད་ན། ཐུབ་བསྟན་ཕུན་ཚོགས་མཆོག་གིས་བྲིས་པ་ལ་གཟིགས་དགོས་པ་ལགས་སོ།

10. བརྡ་སྤྲོད་ཚིག་རྒྱན་སྙན་ངག་མཁས་པའི་ནོར་།
    གོ་བརྡ་འཕྲོད་པའི་ཡིག་གེ་མི་མང་ནོར་།
    ཁྱོག་ཀྱོག་ཡིག་གེ་ཞུ་ལྟར་ཀྱོག་རྒྱུར་ཀྱང་།
    དོན་རྩ་མདའ་ལས་འདྲོང་པ་དེ་ལ་ཚང་།
    བརྡ་སྤྲོད་ཚིག་རྒྱན་སྙན་ངག་མཛེས་ཆེ་ཀྱང་།
    གོ་རྟོགས་མ་ཐུབ་ཡིག་མཛོད་ནང་དུ་ལྷག་།
    ཁྱོག་ཀྱོག་ཡིག་གེ་ཀུན་གྱི་ཉིན་ལྟར་ཀློག་།
    ཧཧཧཧཨ་རོགས་སྐུ་རྩེད་ཞུས་ཡིན་ནོ་།

11. ག་རེ་བརྡ་སྤྲོད་སྦྱོང་ཧཧཧ་དེང་སང་གིྈམཁས་པ་ཚོའི་རང་མིང་
    གྲགས་འདོད་དང་དཔལ་འབྱོར་འདུ་འགོད་ཆེད་དེ་སྔོན་རྒྱ་འབོད་ཀྱི་མཁས་པ་ཚོའི་སྡུག་དཀའ་ལས་རྒྱབ་པའི་འབྲས་བུ་དེ་ཚོ་རང་མིངཿགྲགས་ཐབས་སུ་ཕྱི་མི་ལ་དཔལ་འབྱོར་འདུ་འགོད་ཆེད་བེད་སྤྱད་ནས་དོན་དངོས་ཐོག་བོད་རྒྱལ་ཁབ་དང་བོད་མི་རིགས་ཚོང་མཁན་མང་དུ་འགྲོ་གིྈཡོད་པ་མ་རེད་དམ་་མ་???

12. ཁང་དཀར་ཚུལ་ཁྲིམས་ཀྱིས་བཙལ་བཙལ་རྗེས་པ་བའི་སྦྱོར་ཚུལ་དབུས་སྐད་ལ་བསྟུན་དགོས་ཞེས་གསུངས།
    ཐུབ་ཕུན་བས་ཨ་མདོ་བས་འབྲི་བ་རིག་གསར་གྱི་ཤུལ་རེད་ཅེས་ཟེར།

    གང་ལྟར་བདག་སྒྲ་ཡ་གྱུར་བ་དང་ནི་ཆ་ལ་པ་ཉིད་སྦྱོར་བ་ལེགས། ཞེས་པ་རྩ་བའི་པུལངྒ་གི་སྒྲ་སྦྱར་བ་ཞེས་པ་ལ་ཁུངས་གཏུགས་ཡོད་པ་ཙམ་ལས་པ་བ་གཉིས་ཀྱི་གང་ཡང་རིག་པའི་སྒྲུབ་བྱེད་ཚད་ལྡན་ཡོད་པའི་ཐོག་ནས་དངོས་བསྟན་ཡིན་པ་ཁུངས་སྐྱེལ་མི་ཐུབ་པས་རང་རང་སོ་སོའི་སྤྱོད་པ་སྐྱོང་བཞིན་ཡོད།

    ཐུབ་ཕུན་གྱི་རྨོངས་གཏམ་གཅིག་ལ་རིག་གསར་སྐབས་ཨ་མདོར་པ་ཡིག་ཚབ་ཏུ་བ་ཡིག་བཅོས་པ་དང་། དབུས་ལ་བྱེད་འབྲེལ་གྱི་ཕྲད་དེ་གིས་དང་གི་ལ་བཅོས་པ་རེད་ཅེས་བཤད། ཇི་ལྟ་བུའི་རྒན་ཁོག་ཀླད་མེད་ཅིག་རེད་ཨང་། མའོ་ཙེ་ཏུང་གི་གསུང་བཏུས་བོད་བསྒྱུར་དང་བསྟུན་ནས་བོད་ཁམས་ཀྱི་མཁས་པ་ཁག་གཅིག་སྐོང་ནས་དེ་ལྟར་བོད་ཡིག་ལ་བཅོས་པ་ལས་དབུས་དང་ཨ་མདོ་ལ་ཡི་གེ་བཅོ་རུ་བཅུག་པ་གང་ནས་ཡིན། འོ་ན་མདོ་སྟོད་ལ་ག་རེ་བཅོས་ཡོད་པ་རེད་དམ། ་ཧ་ཧ་ཧ་་་

    གང་ལྟར་ད་སྔ་བར་དུ་བོད་ཕྱི་ནང་གཉིས་ནས་པ་བའི་འཇུག་ཚུལ་སྐོར་ལ་རྩོད་པ་རབ་དང་རིམ་པར་བྱུང་ཡང་། ཕྱོགས་གཉིས་ནས་གནད་ཟིན་པ་གོ་བདེ་བ་གང་ཡང་བྲིས་མྱོང་མི་འདུག་ལ། སྔོན་གྱི་དཔེ་རྙིང་ཁག་ལ་བཅོས་འདུག་བཅོས་བཞག་ཟེར་བ་དེ་དག་ཀྱང་བསྡུར་བཤད་ཅིག་ཡིན་པའི་དབང་དུ་བཏང་ཡང་། དཔར་གཞི་མ་འདྲ་བ་གཅིག་ལ་བསྡུར་བ་མིན་འགྲོ་བསམ་པའི་དོགས་པ་ང་ལ་ཡང་ཡང་བྱུང་།

13. པ་བ་གཉིས་གང་ཞིག་གི་རྗེས་སུ་འཇུག་མིན་གཙོ་བོ་བོད་སྐད་རྣལ་མའི་སྒྲ་གདངས་ལ་ཇི་ལྟར་རང་བཞིན་གྱིས་ཡོང་མིན་ལ་བལྟ་རྒྱུ་རེད། བོད་སྐད་རྣལ་མའམ་སྔར་གྱི་བོད་སྐད་རྣལ་མ་དང་རྙིང་ཤོས་ནི་བོད་སྟོད་ཀྱི་སྐད་དེ་རེད། ཁམས་དང་ཨ་མདོ་གཉིས་ནི་སྟོད་ནས་མར་རིམ་གྱིས་མཆེད་ནས་བྱུང་བ་ཡིན་དུས་ཉིན་མ་གཅིག་གཉིས་མཚམས་སུ་ཡོད་པའི་ལུང་པ་རེ་ལ་སྐད་ལུགས་རེ་ཡོད་པ་རེད། རྗེས་ཙང་མང་པོ་ཞིག་ལ་འགྱུར་བ་ཕྱིན་པ་རེད། བོད་སྟོད་ཀྱི་སྐད་ནི་བོད་སྐད་དག་ཤོས་དེ་ཡིན་པར་ང་ཚོས་ཤེས་སླ་བོ་རེད། སྟོད་སྐད་དྭངས་མ་སྐྱོན་མཁན་ཞིག་ལ་སྐད་ཆ་དྲིས་དང་པ་བ་གཉིས་གང་ཞིག་གི་རྗེས་སུ་ཡོང་མིན་ཤེས་ཀྱི་རེད། ཡིན་ནའང་ལ་དྭགས་པའི་སྐད་ནི་སྟོད་སྐད་ངོ་མ་དེ་མ་རེད་དེ་ལའང་འགྱུར་བ་མང་པོ་ཞིག་ཕྱིན་འདུག དཔེར་ན་དེང་སང་ཁུ་ནུ་དང་ལ་དྭགས་པའི་སྐད་ཀྱི་ནང་དུ་རྒྱ་གར་གྱི་སྐད་མང་པོ་འདྲེས་ཡོང་གི་འདུག

14. ཐུབ་བསྟན་ཕུན་ཚོགས་ནི་དེང་རབས་ཀྱི་མཁས་དབང་ནང་ནས་ཆེས་ཕུལ་དུ་བྱུང་བའི་མི་བུ་ཞིག་ཡིན་པས་དེ་ལ་སྒྲོ་འདོགས་པ་ནི་རང་ཉིད་ཀྱི་ངོ་བོ་ཇི་ལྟར་ཡིན་མིན་གྱི་སྤུས་ཚད་བསྟན་པ་རེད།

15. ཕྱོགས་ཡོངས་མ་མཐོང་བའི་རྩོམ་འདི་འདྲ་བྲིས་པ་ལ། སྙིང་རྗེ།

16. སྙིང་རྫེ།
    བ་བདག་སྒྲར་འདོད་མཁན་གྱི་བརྡ་སྤྲོད་སྨྲ་བའི་མཁས་དབང་ཁམས་དང་ལྷ་ས་བ་མང་པོ་ཡོད་པ་མ་ཟད། བཀའ་བསྟན་ནའང་བ་བདག་སྒྲ་ཅན་མི་ཉུང་བ་ཞིག་ཡོད་པ་ ཁོང་ལ་མཐོང་ཐོས་ཀྱི་ཡུལ་དུ་གྱུར་མི་འདུག ད་དུང་རང་གིས་རང་ལ། ” ཤར་དཔལ་སྤུངས་པའི་བརྡ་སྤྲོད་སྨྲ་བའི་རྒྱལ་ཁམས་པ་ཐུབ་བསྟན་ཕུན་ཚོགས་” ཞེས་བདག་ཉིད་སྒྲོག་པའི་ལུགས་ལ་ལྟོས་དང་།

    སུམ་ཅུ་པར།
    གང་མིང་གི་ནི་མ་མཐའ་ན།།
    པུ་ལིངྒ་ཡི་སྒྲ་མེད་པ།།
    དེ་ལ་པུ་ལིངྒ་སྦྱར་ན།།

    ཞེས་པར་ཡང་དེ་མ་ཡིན་པའི་འབྲེལ་ལུགས་དོན་གནད་ཅན་གཞན་ཡོད་པ་བཤད་ལུགས་འདི་ལ་བལྟས་ན་ཁོང་བར་རྒྱུས་ཡོད་བཟོ་མི་འདུག
    དཔྱད་པ་དཔྱིས་ཕྱིན་བཞིན་དཔྱད་བརྗོད་སྤེལ་པ་སྔས་དྲགས་འདུག

17. ‘དཔྱིས་མ་ཕྱིན་བཞིན’ ཞེས་སུ་བཅོ་བར་བྱའོ།

18. ཨོ་ལོ་ཁྱུང་སེ་ལགས། སྟོད་པའི་སྐད་ནི་སྐད་དག་ཤོས་སམ་བོད་སྐད་རྣལ་མ་ཡིན་པ་ལ་ཐེ་ཚོམ་མེད། ཐེ་ཚོམ་ཅན་ཡོད་མི་སྲིད། ཧ་ཧ་ཧ་ཧ

19. ཐུབ་ཕུན་ནི་དྲང་པོར་ཞུས་ན་ཐུན་མོང་གི་རིག་གནས་ལ་མཁས་ཙམ་འདུག །འོན་ཀྱང་ཁོ་ང་རྒྱལ་ཅན་དང་ཕྲག་དོག་ཚ་བོ་ཞིག་ཡིན་པའི་བཟོ་འདུག་པས། ནང་བསྟན་ཐུན་མིན་རིག་གནས་མདོ་སྔགས་ལ་ཁྱད་གསོད་དང་མཁས་པ་གཞན་ལ་རྟག་པར་འགྲན་བདོ་བ་ཞིག་རེད།

20. མའོ་ཀྲུང་ཞིའི་ཡི་གསུངས་རྩོམ་བོད་ཡིག་ཐོག་ཏུ་བསྒྱུར་ནས་ཁྱིམ་ཚང་རེ་ལ་དེབ་རེ་སྤྲད་པའི་དུས་སྐབས་དེ་རིག་གསར་གྱི་དུས་སྐབས་མ་རེད་དམ། རང་གིས་རང་ལ་དགག་ལན་བརྒྱབ་འདུག་ག རིག་གསར་གྱི་སྐབས་སུ་ཨ་མདོའི་ཕྱོགས་སུ་པ་ཡིག་བ་ཡིག་ལ་བཅོས་བསྒྱུར་བྱས་པར་མིན་པའི་སྒྲུབ་བྱེད་དུ་མའོ་ཡི་གསུངས་རྩོམ་བོད་བསྒྱུར་བྱས་སྐབས་ཡིན་ཟེར་་་ཧཧཧ རིག་གསར་གྱི་སྐབས་སུ་མའོ་ཡི་གསུངས་རྩོམ་བོད་བསྒྱུར་བྱས་པ་མིན་ན་ག་དུས་བྱས་པ་རེད་དམ།་་་ཧཧ རང་གི་མགོ་རུལ་པར་རང་གི་སྣ་ཡིས་མ་ཤེས་པར་ལ་སྐད་ལུང་སྐད་བརྒྱབ་ནས་བསྡད་ཡོད་པར་མི་ཤེས་སམ།

    སྙིང་རྗེ་དང་སྙིང་རྗེ་ཟེར་ནས་དགེ་རྒན་ཆེན་པོ་མཁས་དབང་ཐུབ་བསྟན་ཕུན་ཚོགས་ལ་མཐོང་ཆུང་དང་ཁྱད་གསོད་བྱས་མདོག་མདོག་གི་ཚིག་དེ་དག་གིས་ཁྱོད་རང་སྙིང་རྗེའི་ཡུལ་དུ་ལྷུངས་ཡོད་པ་གསལ་བསྟན་བྱས་པ་ཙམ་རེད་འདུག་ག

21. འདིར། ཅོ་རི་ཉི་མ་ལགས་དང་། ཁོང་གི་གསུང་ལ་རྒྱབ་སྐྱོར་དང་། གུས་དུད་ཞུ།

22. ཤར་དཔལ་སྤུངས་པའི་བརྡ་སྤྲོད་སྨྲ་བའི་རྒྱལ་ཁམས་པ་ཐུབ་བསྟན་ཕུན་ཚོགས་ལེགས་ཀྱིས་ལེགས་པར་བྲིས་པ་མངོན་པར་བསྟོད་དོ།

    ཤར་བ་ཞེས་པ་བྱ་ཚིག་ཏུ་འདོད་པ་ནི། འཆར་བ། ཞེས་པ་ནོར་ནས་ཤར་བ་ཞེས་བྲིས་ནོར་མཆིས་སོ།
    ་
    པར་སྐྲུན། ཞེས་པར་སྐུ་འབུམ་སྤར་མ་དང་། བླ་བྲང་སྤར་མ། ཞེས་པ་ལྟར་སྤར་ཞེས་ས་མགོ་ཅན་དེ་དག་པར་མཆིས།

    འདུག་པ་མ་ཟད། ཡོད་པ་མ་ཟད། དགོས་པ་མ་ཟད། ཅེས་པ་དག་ལ་འདུག་པར་མ་ཟད། ཡོད་པར་མ་ཟད། དགོས་པར་མ་ཟད། ཅེས་བོད་དཔེ་མཁས་པ་རྣམས་ཀྱིས་བྲིས་པའི་རྗེས་སུ་འབྲང་དགོས།
    གནས་ཞིག ལུགས་ཞིག ཅེས་པ་འདི་དག་ལ། གནས་ཤིག ལུགས་ཤིག ཅེས་རྗེས་འཇུག་ས་ལ། ཤིང་ཤེས་ཤེའོ་ཤེ་ན་ཤིག སྔོན་གྱི་བོད་སྐད་དུ། དེ་བཞིན་འབྲི་ཚུལ་ལགས་ཀྱང་། ཕྱིས་སུ་ཤེས་ལ་ཞེས་འབྲི་བ་དམིགས་བསལ་ཡིན་འདུག བཀའ་བསྟན་དཔེ་ཆ་འགའ་ཞིག་ན། ས་རྗེས་འཇུག་གི་རྗེས་སུ། ཞེས་མ་བྲིས་པར་ཤེས། ཞེས་བྲིས་པའི་དཔེ་ཆ་མཐོང་མྱོང་།

    ཡོང་བ་ཕལ་སྐད་དང་། ཡིག་སྐད་དུ། འོང་བ་ཞེས་རང་ཅག་རྣམས་ཀྱིས་འབྲི་དགོས་པར་སྣང་།
    ་
    ཞུས་ཆེན། ཞུ་ཆེན། ལྷ་ས་བཀའ་འགྱུར་ན་གཉིས་ཀ་ཡོད་ཀྱང་། ཞུ་བ་ད་ལྟར་དང་ཞུས་པ་འདས་ཚིག་གིས་ནོར་འཁྲུལ་བྱུང་བར་སེམགས། འོན་ཀྱང་། ཞུས། ཞེས་པ་དག་པའི་དོན་ལ་གོ་དགོས། རང་གི་བློ་གྲོས་སྟོབས་ཀྱིས་བོད་སྐད་ལ་ཞུས་དག་བྱེད་ཐུབ་མཁན་ལ་ཞུས་ཆེན་ཞུ་བའི་སྲོལ་ཆགས། ངའི་ལུང་པའི་སྐད་དུ་ཡང་། ལས་ཀ་སྤུས་དག་བྱེད་པ་ལ། ཞུན་དག བྱེད་པ་ཟེར། རྗེས་འཇུག་ས་དང་ན་གཉིས་རེས་མོས་སུ་འོང་སྟེ། ཟས་དང་། ཟན། ཞེས་པ་ལྟ་བུའོ།

23. བརྡ་སྤྲོད་སྦྱོངས་་་གསུངས་པ་འདུག་མ་གཏོགས་་་བོད་ཀྱི་བརྡ་སྤྲོད་སྦྱོངས་་་གསུངས་ཡོད་མ་རེད། མཁས་པའི་ཚིག་ལ་བཏང་བཞག་དང་ཚད་འཛིན་ལོས་ཡོད། བོད་པས་བོད་ཀྱི་བརྡ་སྤྲོད་ཚད་ལྡན་ཞིག་ད་དུང་གཏན་འབེབ་བྱ་ཐུབ་ཡོད་དམ། གཞན་སྐད་པ་ལིངྒ་དང་པུ་ལིངྒ་སོགས་ལུང་འདྲེན་བྱས་ནས་བོད་ཀྱི་བརྡ་སྤྲོད་པའི་སྦྱོར་བ་བརྩམས་པ་ཡིན་ན་ར་མགོ་ལུག་སྦྱར་བྱས་པའི་སྐྱོན་དུ་མི་འགྱུར་རམ། ང་ཚོས་ཤེས་དགོས་པ་དངོས་གནས་དེ་ནི་སྐྱོན་གྱི་རྩ་བ་ཐུག་ས་དེ་གང་ལ་ཐུག་འདུག་དེ་ཤེས་དགོས་པ་རེད། སྔོན་ཆད་བོད་པས་བོད་ཀྱི་མིང་བརྡ་རྙིང་མ་རྣམས་བརྡ་གསར་བཅད་བྱས་ནས་ཐང་ཁ་ཤས་ལ་རྩ་གཏོར་བཏངས། དེ་ནི་ནོར་བུ་རང་ལ་ཡོད་དུས་ནོར་ཉམས་མ་ཆོད་པ་ཞིག་མིན་ན་ཅི་ཡིན། ད་ནས་བཟུང་བོད་མི་རིགས་ཀྱི་རང་སྐད་གཙང་མ་སྲུང་སྐྱོབས་བྱ་འདོད་ན། གཞན་སྐད་ཁུངས་སུ་བཅོལ་ནས་བྲིས་པའི་བརྡ་སྤྲོད་པའི་གཞུང་ཟེར་བ་དང་གྲགས་པ་འདི་ཚོ་ལ་བསམ་ཞིབ་ནན་ཏན་དུ་གནང་ནས། བོད་རང་གི་བརྡ་སྤྲོད་པའི་གཞུང་ལུགས་ཚད་ལྡན་ཞིག་ཡོང་བ་ལ་འབད་བརྩོན་གནང་དགོས་པར་སེམས། མདོར་ན་བོད་ཀྱི་ཕ་སྐད་གཙང་མའི་ཡིན་ལུགས་གླེང་དུས་གཞན་སྐད་ཁུངས་སུ་བཅོལ་ནས་ལུང་འདྲེན་བྱེད་མི་དགོས་པ་ཞིག་བཟོ་དགོས། དཀའ་བའི་ལ་དེ་མ་བརྒྱབ་ན། བདེ་བའི་ཐང་ལ་སླེབས་དུས་མེད། ཟེར་བའི་དཔེ་ལྟར་གཞན་བཟོས་ཁུངས་སུ་བཅོལ་ནས་བསླ་བཅོས་རྐྱང་རྐྱང་མ་ཡིན་པར། བོད་རང་རྐང་ཚུགས་པའི་དཀའ་བའི་ལས་ལ་འབད་དགོས་པར་སེམས་སོ། །

24. ཐུབ་ཕུན།
    འབྲི་བ་བོ་མང་པོས་དེ་ལྟར་བ་བདག་སྒྲར་བྲིས་པ་ནི་མ་ཤེས་པས་མ་ཡིན་པར་རང་ལུགས་སམ་མཁས་དབང་ཁ་ཅིག་(གྲུབ་རྡོར་དང་དཔལ་ཁང་སོགས)གི་ལུགས་བཟུང་ནས་བྲིས་པ་རེད།
    གཞན་གྱིས་མ་ཤེས་པ་མང་པོ་རང་ཉིད་ཀྱིས་རྟོགས་སོ་སྙམ་པའི་ཅོལ་ཆུང་གི་ང་རྒྱལ་སྤང་ན་མི་ལེགས་སམ།

    སློབ་མའི་ནང་དེ་ལྟར་འབྲི་མཁན་བྱུང་ཚེ། སྐུ་མཁྱེན། ནོར་རྟགས་མ་བརྒྱག་ལ་ནོར་འདུག་མ་ཟེར་རོགས། དེ་ལྟར་བྱས་ཚེ་སློབ་མའི་བོད་ཡིག་ལ་སྤྲོ་སྣང་བརླག་པའི་རྒྱུ་རུ་འགྱུར་འགྲོམགོ་ཉོག་པའི་རྒྱུ་རུ་འགོ། དེ་བས་ཁོང་ཚོར་འདི་འདིའི་ལུགས་དང་། དེ་དེ་ཡི་ལུགས་ཞེས་རྗོད་ལ། གཉི་གའང་འགྲིགས་སོ་ཞེས་བློ་རྒྱ་ཆེ་ཙམ་གནང་རོགས། གུ་དོག་པོ་མ་བྱེད། དེ་འདྲ་དེ་ཁྱོད་དང་ང་ལྟ་བུ་ས་སུ་ར་རུ་ཡི་ཐོབ་ཐང་ཤེས་ཙམ་གྱིས་ཁུངས་འཁྱོལ་རྒྱུ་ཞིག་དང་། གཏིང་ཐག་ཆོད་པ་ཞིག་ག་ལ་ཡིན། མདོ་སྔགས་རིག་གནས་རྒྱ་མཚོ་ལྟ་བུའི་ཕ་རོལ་ཏུ་ཕྱིན་པ་མང་པོའང་གཞི་གཅིག་ཏུ་འབབ་ཐུབ་མེད་པ་ལ་ཞིབ་ཏུ་སོམས།

    དཔེར་ན། ཨིན་ཡིག་ནང་། ceter དང་ centre. travelled དང་ traveled ཅེས་སོགས་འབྲི་ལུགས་མི་འདྲ་བ་གཉིས་ཅན་གང་ལ་གང་འཚམས་ཤིག་ཡོད་པ་ལ་ གཅིག་ཨིན་ཇི་བའི་ལུགས་དང་ཅིག་ཤོས་ཨ་རི་བའི་ལུགས་ཞེས་གཉི་གའང་ཁས་ལེན་པ་རེད། ཨིན་ཇིའི་ནང་ལ་ set ལྟ་བུ་ཡིག་འབྲུ་གཅིག་དོན་བརྒྱ་དང་བཅུ་ལ་འཇུག་མཁན་ཡང་ཡོད། འདི་ན་བྱིས་པ་བློ་མིག་མ་སྨིན་པ་ཁ་ཅིག་ལ་ནི་རང་ལ་འཐད་པ་གཅིག་ཡོངས་གཅོད་ལ་གྲུབ་ན་གཞན་ལ་འཐད་པ་ཅིག་ཤོས་རྣམ་བཅད་ལ་ཁེགས་དགོས་པ་ནི། ཁབ་མིག་ལྟར་དོག་པོའི་ལངས་ཕྱོགས་ཤིག་མ་རེད་དམ།

    བསྟན་འགྱུར་ནའང་། གཙོ་བོ། དཔའ་བོ། བཟོ་བོ་སོགས་བ་བདག་སྒྲ་ཅན་མང་པོ་ཡོད། གལ་སྲིད་འདི་དག་བདག་སྒྲ་མིན་ཟེར་ན། གཙོ་མོ། དཔའ་མོ་སོགས་ཀྱང་བདག་སྒྲ་ཡིན་སྟངས་མེད། ཤེས་ཀྱི་མི་འདུག
    པ་དང་པོ་གཅིག་པུས་ཁུངས་འཁྱོལ་ཐབས་ཡོད་མ་རེད།

    ད་རིང་གི་ངའི་ལག་ནང་གི་ཀློག་དེབ་(རྡུལ་སྙེད་འཇིག་རྟེན། ) ནང་དུའང་། “ལྟོས་གྲུབ་རིག་པ་བ་” ཞེས་ལན་གྲངས་མང་པོར་བྲིས་འདུག འདི་ནི་ ་བཤེས་ལྷག་རྡོར་གྱིས་བསྒུར་ཅིང་བློ་བཟང་བསྟན་དར་གྱིས་་སུམ་རྟགས་ཞུ་དག་བྱས་ན་ཁོང་གཉིས་ཀའི་སུ་ཨ་མདོ་རེད། ཤོད་དང་། སྐུ་མཁྱེན། སྦུག་དོག་པོ་མ་གནང་རོགས།

25. སྤྱི་སྐད་ལ་དག་བཅོས་བྱས་པ་འདི་གུ་དོག་མ་རེད་ལ། དག་བཅོས་ལ་བསམ་ཤེས་མེད་མཁན་ཚོ། གུ་དོག་དང་སྤྱོད་ངན་རེད། ལོ་ཡག་ལགས་སུ།

26. འདི་དེ་སྔའི་བདག་སྒྲའི་སྐོར་མཆན་སྤེལ་ཞིག་སླར་རང་དྲན་གསོར་བཀོད། (ཚང་མས་གཟིགས་དང་། ཀརྡོར་གྱི་ལན་འདི་ལ། འདི་འདྲ་ལས་ཤེས་ཀྱི་མེད། སྙིང་རྗེ་བ་མ་རེད་དམ)

    #8 ལོ་ཡག ་ལགས་ཀྱིས་སྤེལ་དོན།:
    October 27th, 2015 at 4:28 am

    དྲ་གྲོགས་དང་དྲ་དགྲ་གཉི་ག་ཡིན་པའི་སྙུ་གུ་བ་ཀར་རྡོར་གཉེར་ཕྱག་པས་ཡིད་ལ་གང་དྲན་དྲན་དང་ཁ་ནས་གང་བྱུང་བྱུང་དུ་ལབ་རྗེས་འདི་ན་བྲོས་ནས་འགྲོ གར་འགྲོ་ཡང་ལན་འདི་ཁྱེར་ལ་སོང་།
    དེ་མིན་ལན་མ་ལྡོན་པའི་འཁང་ར་བྱེད་སྲིད།

    ཤེས་བྱའི་གཉོམ་ལག་མ་རྒྱས་པའི།།
    བུས་པ་ཀར་རྡོར་མལ་ན་ངུ་།།
    ལྟོགས་སམ་རིགས་པའི་ནུ་ཞོ་འདི།།
    འགྲངས་ཕྱིར་ཁ་ཡིས་མུར་ཞིག་ཀྱེ།།
    པུ་རུ་ཥ་ནི་སྐྱེས་པའི་སྒྲ།།
    ཡིན་ཕྱིར་པུ་ཡིག་ཕོར་བྱས་ཏེ།།
    ཕོ་ཡི་རྟགས་ཀྱི་སྒྲ་མེད་པ།།
    ཞེས་སུ་སྒྱུར་མཁན་བྱུང་བ་བདེན།།
    འོན་ཏེ་བ་བོ་ཕོ་མིན་པར།།
    སྒྲུབ་བྱེད་རི་བོང་རྭ་ཡི་སྤུན།།
    དཔའ་བོ་མཛའ་བོ་དགའ་བོ་ཞེས།།
    མདོ་ན་འབྱུང་བ་མ་མཐོང་ངམ། །
    དེ་ཀུན་ཕོ་རྟགས་མིན་ཞེ་ན།།
    ཨ་ཙི་མོ་ཡི་རྟགས་སམ་ཅི།།
    མོ་ལ་མོ་མཚན་མི་དགོས་སམ།།
    དཔའ་མོ་མཛའ་མོ་དགའ་མོ་ཞེས།།
    མཚན་མ་ཅན་དག་འདི་ན་གདའ།།
    ཕོ་མོའི་རྣམ་དབྱེ་མི་ནོར་གཅེས།།
    སྙིང་ཁམས་ཀུན་བས་ཆེ་ལུགས་ཀྱིས།།
    འདི་ཀུན་བདག་སྒྲ་མིན་ཟེར་ན། །
    བདག་པོའི་སྒྲ་དེ་ཅི་འདྲ་ཅི།།
    དཔའ་བོ་པ་དང་དཔའ་བོ་མ།།
    ཞེས་སུ་སྦྱར་ན་འཚེང་ངམ་ཅི།།
    སྔ་ཕྱི་བར་གྱི་མཁས་པའི་ཁྲོད།།
    པུ་ནི་པ་སྡེ་ལ་འདོད་པའི།།
    རྒྱུ་མཚན་ལུང་རིགས་དེ་བས་རྣོ།།
    བདག་སྒྲ་དྲུག་གི་འབྱུང་ལུགས་སོ།།
    ཕྱོགས་གཅིག་མཐོང་སྟེ་གཉིས་མ་མཐོང་།།
    ཕ་ངོ་ཤེས་ཀྱང་དགྲ་མ་ཤེས།།
    ཐབ་ས་ཟིན་ཡང་ནང་མ་ཟིན།།
    འདི་འདྲའི་ལུགས་ཀྱིས་རང་སྡུག་ཉོ།།
    བོང་བུས་མ་སོང་ལམ་འཕྲང་མང་།།
    བྱིས་པས་མ་མཐོང་ཤེས་བྱ་མང་།།
    སྔོན་དུ་ཕྱོགས་སྔའི་ནམ་ལངས་ན།།
    དེ་ནས་ཉི་མ་ཤར་ཡང་སྲིད།།

    #11 ཀརྡོ་གཉེར་ཕྱག་པ་ ་ལགས་ཀྱིས་སྤེལ་དོན།:
    October 27th, 2015 at 5:18 am

    དཔའ་བོ་དཔའ་མོ་བདག་སྒྲར་རུ། །
    འདོད་པ་ལོ་ཡག་ཁྱོད་ཀྱི་ལུགས། །
    ངས་ནི་དཔའ་དང་ལྡན་༼པ་༽འདི། །
    བདག་སྒྲ་ཡིན་ང་ཡི་ལུགས། །
    ་
    དེས་ན་བ་བོ་བདག་སྒྲ་ལ། །
    འཇུག་པར་འདོད་པ་ནོར་བ་རེད། །
    འོནད་ཀྱང་ནང་མ་ཇ་མ་སོགས། །
    དོན་གྱིས་བདག་སྒྲར་སོང་བ་ཡོད། །
    ་
    ཞིང་གི་ལོ་ཡག་དམན་ན་ཡང་། །
    བློ་གྲོས་ལོ་ཏོག་སྤེལ་བས་རིགས། །
    ཚིག་ངན་ལེགས་བཤད་འཇལ་བ་འདི། །
    ཆུ་ལན་ཆང་འཇལ་འདི་ལ་ཟེར། །

    #12 ལོ་ཡག ་ལགས་ཀྱིས་སྤེལ་དོན།:
    October 27th, 2015 at 8:24 am

    ཀར་རྡོར་ཀུན་ལ་མཁས་ན་ཡང་།།
    གཅིག་ལ་རྨོངས་པའི་རང་རྟགས་སུ།།
    ཆུ་ལན་འཇལ་བའི་ཆང་དེ་ཡང་།།
    མི་ཞིམ་ཁ་བའི་མཐར་ཐུག་ཉིད།།
    བགྲོ་བ་གཏམ་གྱི་འོ་ཇ་དྲངས་པ་ལ།།
    ཚིག་ངན་ཇ་རོ་འགའ་ཡིས་རྫོབ་དྲགས་ན།།
    ཕུ་ཡིས་བཏབ་སྟེ་དྭངས་སྙིགས་འབྱེད་པའི་ལས།།
    ལྷུར་བཞེས་ཉེས་པ་འདི་ཀོར་དགོངས་དག་མཛོད།།

27. ལོ་ཡག་པ་ལ་གཉེར་ཕྱག་པས། །
    ཁ་བརྡ་པ་ལ་བློ་སྐྱེད་དྲངས། །
    བདག་སྒྲ་པ་ལ་པ་ཐོབ་པ། །
    ཐུ་མིའི་བོད་སྐད་སྤྱི་སྐད་རེད། །

28. བོད་ཀྱི་དུས་བབ། > གསར་འགྱུར། > གསར་སྙིང་། > བྱང་ཨ་རིའི་སློབ་དེབ་དང་དཔེ་སྟོན་སློབ་གྲྭའི་སྐོར་ལ་གསལ་བཤད་གནང་།
    བྱང་ཨ་རིའི་སློབ་དེབ་དང་དཔེ་སྟོན་སློབ་གྲྭའི་སྐོར་ལ་གསལ་བཤད་གནང་།
    བོད་ཀྱི་དུས་བབ། ཆུ་ཚོད་ ༨ སྔོན་ལ། རིག་པ། (༠)
    ་
    http://tibettimes.net/%E0%BD%A4%E0%BD%BA%E0%BD%A6%E0%BC%8B%E0%BD%A2%E0%BD%B2%E0%BD%82%E0%BC%8B%E0%BD%96%E0%BD%80%E0%BD%A0%E0%BC%8B%E0%BD%96%E0%BE%B3%E0%BD%BC%E0%BD%93%E0%BC%8B%E0%BD%98%E0%BD%86%E0%BD%BC%E0%BD%82%E0%BC%8B-2/

29. ་་་་་་་་་ ད་ལོ་བསྐྱར་དུ་སྐོར་སྐྱོད་གནང་སྐབས་མཐོང་ཚུལ་མ་འདྲ་བ་གཙོ་བོ་དེ་སློབ་ཕྲུག་ཚོ་བོད་ཡིག་ལ་དོ་སྣང་ཆེ་རུ་འགྲོ་བཞིན་ཡོད་པ་དང་། བོད་ཡིག་དགེ་རྒན་རྣམ་པ་ཚོའི་མགོ་བོ་ཡང་ཅུང་ཡར་མགྱོགས་ཐུབ་ཙམ་བྱུང་ཡོད་སྐོར་གསུངས་སོང་། ་་་་་་་་་་

30. ་་་་་་་་་བོད་ཡིག་དགེ་རྒན་རྣམ་པ་ཚོའི་མགོ་བོ་ཡང་ཅུང་ཡར་མགྱོགས་ཐུབ་ཙམ་བྱུང་ཡོད་་་་་་་

31. ཅོ་རུ་ཉོན། གཏམ་གོ་ན་མཁས་པ་ཡིན་ཟེར་བ་ཅིས་མ་བདེན། མའོ་ཙེ་ཏུང་གི་གསུང་བཏུས་ཨ་མདོ་གཅིག་པུར་བཀྲམ་པ་རེད་དམ། དེ་བོད་བསྒྱུར་བྱེད་མཁན་ཨ་མདོ་བ་རྐྱང་རེད་དམ། ཁྱོད་ཚོས་མཁས་དབང་ཟེར་བའང་དེ་ཙམ་ཞིག་མ་རེད་དམ། ཧ་ཧ་ ཡུལ་གྱར་བའི་ཁྲོད་དུ་ཁྱོད་ཚོར་མཁས་དབང་མང་པོ་ལ་དཔེ་རེད་འདུག ཧ་ཧ་ཧ་ཧ

    རྗེས་མ་ཚིག་མཛོད་ནང་དུ།
    ༼མཁས་དབང་ཞེས་པ་ནི་༽ ཞེན་ཁོག་གི་རྩིས་ཟིན་ལ་གཞན་གནོད་འདོད་ཀྱིས་རང་གི་ཉེ་མིའི་གྲས་ཀྱི་ཡི་གེ་བ་ལ་ཆེ་བསྟོད་ཀྱི་བརྗོད་ཚིག་ཅིག་ཅེས་འགྲེལ་དགོས་པ་མིན་འགྲོ།

32. ཤེས་བྱ་ཤེས་ལ་མ་ཤེས་པ་ཚོ། རིག་པ་གསལ་ལ་མི་གསལ་བ་ཚོ།
    ཨ་ལ་ཀུ་རེ། མཁས་པའི་དབང་བོ་རྣམ་པ་ཚོ། ཁྱེད་ཅག་ འབྱོར་པ་ཞེས་པའི་པ་སྒྲ་བྱ་བའི་མིང་གི་མིང་མཐའ་དང་། འབྱོར་བ་ཞེས་པའི་བ་སྒྲ་མིང་རྐྱང་གི་མིང་མཐའ་ཡིན་པར་བཤད་པ་ལྟར་ང་ཡང་འདོད།

    ཁྱེད་ཅག་ཀྱང་འདི་འདྲ་འདི་རྒྱང་དུ་འདོར་ཕྱིར་ཁོག་པའི་ནང་ནས་ཕྱིར་སྐྱུགས་མི་རུང་། དཔེར་ན། དགའ་པོ་ཞེས་པོ་སྒྲ་བྱ་བའི་མིང་མཐའ་དང་། དགའ་བོ་ཞེས་པའི་བོ་སྒྲ་བདག་སྒྲ་ལ་འདོད།

    ད་དུང་། རྫི་བོ། ཁོལ་བོ། མིའི་དབང་བོ། འཆད་ཁ་བ། རྣལ་འབྱོར་སྤྱོད་པ་བ། ཤ་ར་བ་སོགས་ལའང་དཔྱད་པ་ཐོངས།
    ཡིག་རྙིང་ལ་ལྟོས།

    ཁོ་མོ་ཡི་དགའ་བོ་རེད་ལྟ་བུའི་བོ་ཡིག་བདག་སྒྲ་པོ་ལ་བསྒྱར་ན་ནི། ང་ནི་ རིག་གསར་སྐབས་རྒྱ་མིས་གི་ཡིག་ལས་གཞན་པའི་འབྲེལ་སྒྲ་ཐམས་ཅད་མུན་བཙོན་དུ་བཅུག་པ་ལ་ཧང་གང་ཡང་མི་སངས་སོ། །

    མགོ་ཐམས་ཅད་ལ་ཞྭ་མོ་གཅིག་མ་བསྐྱོན་རོགས།

33. འབྱོར་བ། བྱ་ཚིག་དང་། འབྱོར་པ། མིང་ཚིག་ཡིན་པར་སྣང་ངོ་།

34. (གཤམ་གྱི་མཆན་ཐུང་འདི་རྫ་ཚེ་ལ་བཏབ་མོད། རྩོམ་པ་པོ་འདི་བས་ངེས་པར་ཤེས་དགོས་ཕྱིར་འདིར་ཡང་ཕབ་བོ)
    མཁན་པོས་འདྲ་པར་རྣམས་ལྷན་སྦྱར་གནང་བ་བཅས་དམིགས་ཡུལ་བཟང་པོ་ཞིག་འགྲུབ་ཕྱིར་སྐུ་ལས་བསྐྱོན་འདུག ཡི་རང་བའི་གནས་རེད།

    ཡིན་ཡང་མཁན་པོས་ད་དུང་ཡང་བརྡ་སྤྲོད་ཀྱི་གཞུང་དགོས་པར་འདུག ཡིག་ནོར་ལ་ཤས་གཏགས་ནོར་ཙམ་མ་ཡིན་པར་མ་ཤེས་པའི་ནོར་འཁྲུལ་ཡིན་པ་ཟུར་བལྟས་ལེབ་མཐོང་རེད།
    ཐུབ་ཕུན་གྱིས་མཁས་དབང་གོང་མ་ཚོའི་རིང་ལའང་དབེྱ་མཚམས་མ་ཆོད་པའི་རིགས་(བདག་སྒྲ)་ཕྱོགས་སྔར་བླངས་ཏེ། དཔྱད་པ་གཡག་ཞར་གྱིས་རྩྭ་ཟོས་པ་ཙམ་བྱས་རྗེས། འདོད་ཕྱོགས་རང་དང་མ་མཐུན་པ་དག་ལ་བརྡ་སྤྲོད་སྦྱོངས་ཟེར་པ་ལས་བརྡ་སྤྲོད་སྨྲྲ་བ་ཀུན་ལ་ཐུན་མོང་དུ་གྲུབ་པའི་རིགས་དཔྱིས་ཕྱིན་པར་ཤེས་མེད་པ་དག་ལ་དེ་ལྟར་བརྗོད་ན་ནི་དོན་དུ་འགྱུར་རོ།།

35. ཡིག་ནོར་ཟམ་མ་ཆད་དུ་འབྱུང་བཞིན་པའི་རིགས་གཅིག་ནི་དཔེར་ན།

    #11 ཀླུ་སྨྱོན་ལགས་ཀྱི་
    September 23rd, 2016 at 11:46 am

    བོད་ཀྱི་རྩོམ་རིག་དཔྱད་བརྗོད་པ་བདུད་ལྷ་རྒྱལ་དང་བླ་མ་སྐྱབས་ཀྱི་རིགས་འདིས་རྩམ་པ་བཟའ་མ་མྱོང་བར་རྩམ་པའི་ཞིམ་མངར་བཤད་ཀྱི་ཡོད་ནི་རེད། ངེས་པ་དོན་གྱི་བོད་ཀྱི་རྩོམ་རིགས་དཔྱད་བརྗོད་པ་ནི་དཔལ་དོན་གྲུབ་རྒྱལ་རེད།
    (འབུམ་རམས་པ་ཞིག་གིས་རྩོམ་རིག་གླེང་བ་ཞེས་པའི་མཆན)

    ཞེས་པ་འདིའི་ནང་གི་ “དཔྱད་བརྗོད་པ” ཞེས་པ་འདི་རེད། ནོར་ཏེ། “དཔྱད་རྗོད་པ” ཞེས་བྲི་དགོས། རྒྱུ་མཚན་ནི་འདས་མ་འོངས་ཀྱི་ཆ་ནས་མ་ཡིན་པར། དུས་གསུམ་བྱེ་བྲག་པའི་དངོས་པོ་བདག་གི་སྒྲ་ཡིན་པས་རེད། སྔོན་འཇུག་ཕོ་ཡིག་སྦྱར་ན་དངོས་པོ་གཞན་ལས་མི་སྟོན་པས་ན་ནོར་བར་ཤེས་པར་བྱ། རྟགས་འཇུག་ཤེས་ན་འདི་ལ་རྩོད་པ་མེད། མི་ཤེས་པའི་མིས་རྩོད་པ་མང་དུ་བྱ་ཐང་སྟེ། ཞེ་སུན་ནོ།

    དེ་བཞིན་རྫ་ཚེས་ཕབ་བཤུས་གནང་བའི་་གོང་ས་མཆོག་གི་ཆོས་ལུགས་མཉམ་འཛོམས་ཀྱི་གསུང་བཤད་་་་ཞེས་པའི་ནང་དུ་དང་། ལན་གཞན་དུའང་།
    “རྗེས་འབྲངས་པ་” ཞེས་བྲིས་དང་འབྲི་བཞིན་པ་ནོར་ཏེ། “རྗེས་འབྲང་བ”འམ་བ་བདག་སྒྲར་མི་འདོད་པ་དག་ལྟར་ན། “རྗེས་འབྲང་པ་” ཞེས་བྲི་དགོས། རྒྱུ་མཚན་ནི་བྱེད་ཚིག་གི་སྒྲ་ལ་ད་ལྟ་བ་བྲི་དགོས་པས་ཡིན།

    རྟགས་འཇུག་ནི་འདི་འདྲ་འདིའི་ཁྱད་པར་མི་ནོར་བའི་ཕྱིར་དུའོ།

36. ་་་་་་་་་ “རྗེས་འབྲངས་པ་” ཞེས་བྲིས་དང་འབྲི་བཞིན་པ་ནོར་ཏེ། “རྗེས་འབྲང་བ”འམ་བ་བདག་སྒྲར་མི་འདོད་པ་དག་ལྟར་ན། “རྗེས་འབྲང་པ་” ཞེས་བྲི་དགོས། རྒྱུ་མཚན་ནི་བྱེད་ཚིག་གི་སྒྲ་ལ་ད་ལྟ་བ་བྲི་དགོས་པས་ཡིན།

    རྟགས་འཇུག་ནི་འདི་འདྲ་འདིའི་ཁྱད་པར་མི་ནོར་བའི་ཕྱིར་དུའོ། ་་་་་་་་་་

37. ཡང་་་་་ནད་རྙིང་ཞིག་སླེབས་འདུག་་་་་་་་་