ཞོགས་དུང་སྐྱོབ་མཁན་འདྲ་ཡོད་དམ།

Comments (17) on “ཞོགས་དུང་སྐྱོབ་མཁན་འདྲ་ཡོད་དམ།”

1. སྔོན་དུ་གནས་ཚུལ་གསལ་བོ་ཞིག་དགོས་ངེས་འདུག་།མ་མཐའ་ཡང་འཛམ་གླིང་ཐོག་ཏུ་ཁྱབ་བསྒྲགས་བྱས་ན་དོན་དག་འགའ་ཤས་ཤེས་དགོས་ངེས་རེད།
   ༼༡༽ཞོགས་དུང་ལ་ཉེས་སྐྱོན་གང་འདྲ་ཞིག་འཛུགས་བཞིན་འདུག་།ངས་གོ་ཚུལ་ལ་།སྐྱོན་གཉིས་འཛུགས་བཞིན་འདུག་ཟེར་།གཅིག་།རྒྱལ་ཁབ་ཁ་བྲལ་གཏོང་བར་སྐུལ་སློང་བྱས་པའི་ཉེས་བ་དང་།གཉིས་།སྲིད་གཞུང་མགོ་རྟིང་སློག་པའི་ཉེས་བ་རེད་ཟེར།དོན་གྱི་གང་རེད་དམ་།ཡང་ན་གཉིས་ཀ་རེད་དམ།རྒྱ་གཞུང་གི་ཁྲིམས་ཐོག་ནས་བཤད་ན་འདི་གཉིས་ལ་ཁྱད་པར་ཆེན་པོ་རེད་།ཁྲིམས་གཅོད་ཚུལ་དང།ཁྲིམས་ཡངས་ཉེས་ཡང་འདྲ་གིན་མ་རེད་།འདི་ངེས་པར་ཏུ་གསལ་བོ་བྱ་དགོས་ནི་རེད་།ཡིན་ནའང་ད་བར་ཏུ་ལན་གསལ་བོ་ཞིག་མི་འདུག་།་ག་རེ་ཡིན་ནམ།རབ་ཡིན་ན་ཞོགས་དུང་གི་ལྕམ་གྱི་ལག་ཏུ་ཡོད་པའི་ཡི་གེ་པར་བཤུས་ཤིག་དང་།དེ་མིན་རྒྱ་ཡིག་གི་ཚིག་རེ་རེ་ང་ཚོས་ཤེས་ཐུབ་པའི་ཐབས་ཤེས་ཡོད་དམ་།འདི་ཤིན་ཏུ་ནས་གལ་ཆེན་པོ་རེད་།

   ༼༢༽ད་ལྟ་ཁོང་ལ་།ཁྲིམས་རྩོད་པ་འདུག་གམ་།པེ་ཅིན་སོགས་ནས་ཁོའི་ཚབ་དུ་བླངས་ནས་ཁྲིམས་རྩོད་པ་འདྲ་ཡོང་སྲིད་དམ།

2. ཐོག་དང་པོ་དཔེ་དེབ་ཆ་ཚང་དབྱིན་ཡིག་ལ་བསྒྱུར་ནས་ཡོང་གིན་མ་རེད་།དེ་བས་ཁོང་གི་བཀལ་བའི་ནག་ཉེས་དང་།དཔེ་དེབ་བརྗོད་བྱ་རྣམས་བསྟུར་ནས་རྩོམ་མང་པོ་བྲིས་ན་།ག་ལེར་དཔེ་དེབ་ཀྱི་རིན་ཐང་དང་།དགོས་མཁོ་ཆེ་རུ་འགྲོ་གིན་འདུག་།
   ཞོགས་དུང་བ་བཟུང་བའི་སྔོན་ཏག་ཏག་ལ་ཧྥ་རན་སིའི་གསར་འགྱུར་འགོད་ལ་ཞིག་འཕྲད་འདུག་།ཁོ་མི་རྩོམ་ཞིག་བྲིས་འདུག་པ་དང་།མི་ཞིག་གིས་དབྱིན་ཇིར་བསྒྱུར་ཏེ་།ད་ལྟ་འདོན་རྩིས་འདུག་།
   དེ་བཞིན་རང་རང་གི་ཐད་ནས་རྩོམ་མང་པོ་ཕྲིས་།ག་རེ་བྲིས་ན་འགྲིག་གིན་རེད་།སྡིག་ཡང་འགྲིག་གིན་རེད།གང་ལྟར་ཁ་ནས་གླེང་བ་དེ་གལ་ཆེ་།

3. རྒྱ་ནག་ཉམས་ཞིབ་པ་ལགས། ཁོང་གི་བུ་མོས་ཡིག་ཐོག་ལ་བལྟས་ནས་བཤད་དུས་རྒྱལ་ཁབ་ཁ་བྲལ་གྱི་སྐུལ་སློང་བ་ཡིན་པའི་༼དོགས་གཞིའི་༽འོག་ནས་འཇུས་འདུག་ཟེར། ཉེས་པ་ཆེ་ཆུང་མི་ཤེས། ཁ་སང་ཉིན་གང་ལ་གྱོད་དོན་འདི་རིགས་སྐོར་གྱི་ཉེས་པ་དང་། ཉེས་ཁྲིམས་ཀྱི་སྐོར་བཙལ་བ་ཡིན། ཁ་གསལ་བོ་ཞིག་གྲོལ་ཐུབ་མ་སོང་།

   འདི་གཉིས་ལ་ཁྱད་པར་ཆེན་པོ་ཡོད་དུས་ཉེས་ཁྲིམས་འངྲ་གི་མ་རེད་འདོད།

   ཡི་གེ་དེའི་ངོ་བཤུས་སློང་བ་ལས། སྐད་ཆ་གསལ་བོ་ཞིག་དྲིས་ན་ཡག་ས་རེད། ཡིག་ཆ་ཡར་འགྲོ་མར་འགྲོའི་རིགས་དཀའ་ལས་འཕར་མ་རེད་འདོད། བྱུང་ན་ནི་རབ་རེད།

   ཁོང་ལ་ཁྲིམས་རྩོད་པ་ཞིག་དགོས་དོན་མི་འདུག གལ་སྲིད་ཁྲིམས་རྩོད་པ་ཞིག་སླེབས་པའི་དབང་དུ་བཏང་ཡང་རྩོད་ཡ་དེ་སུ་ཡིན་མིན་དང་། གནད་དོན་གང་ཡིན་མིས་ཤེས་སོང་ན་དེ་ནས་བཅད་ཁྲ་ཡང་གསལ་བོ་རེད་འདོད། མ་མཐར་ཡང་ད་ལྟའི་ཆ་ལ་དེ་འདྲ་ཞིག་རེད། དེ་བས་ཁྲིམས་རྩོད་པ་ཞིག་ཡོང་རྒྱུར་རེ་བ་རྒྱག་གི་མེད།

4. ཁོང་ལ་ཆབ་སྲིད་ཀྱི་ནག་ཉེས་བཀལ་ཡོད་པས། ཕ་ཡུལ་ནས་ཁོང་གློད་གྲོལ་གྱི་ཐད་ལ་འགུལ་བསྐྱོད་རྒྱག་དཀའ་མོ་རེད་ཟེར། ཕ་ཡུལ་གྱི་ཡུལ་མི་ཚོས་རྒྱལ་སྤྱིའི་སྤྱི་ཚོགས་ནས་ཁོང་ལ་དཀར་འདོན་ཞིག་བྱེད་པར་རེ་སྒུག་བྱས་འདུག ལས་འགན་འདི་བྱེས་གྱར་བོད་མི་ཚོའི་ལག་ན་ཡོད་པ་རེད།

5. བཙན་བྱོལ་བོད་གཞུང་དང་། གཞུང་འབྲེལ་མ་ཡིན་པའི་ཚོགས་པ་ཁག་གིས་འདིའི་ཐད་དུ་ད་ལྟའི་བར་དུསྐད་ཆ་ཚིག་གཅིག་ཀྱང་གླེང་མ་སོང་། ཕལ་ཆེར་ཡོང་སྒོ་མེད་སོང་བས་ཡིན་རྒྱུ་རེད། དགུ་བཅུ་གསུམ་ཟེར་བའི་ཆབ་སྲིད་བཙོན་ཟུར་ཡིན་ཟེར་མཁན་དེ་ཚོ་ཡང་ལྐུགས་སོང་བ་འདྲ། གང་ལྟར། ད་ང་ཚོས་རང་རང་ས་ནས་གང་དང་ཅི་བྱེད་ཐུབ་མིན་ལ་བལྟ་དགོས་འདུག

6. སངས་རྒྱས་ཆོས་ལུགས་ཀྱི་གཞུང་དང་ཆོ་ག་ཕྱག་ལེན་གང་ལ་འགལ་རུང་། མི་ཞིག་གི་ཚད་གཞིའི་སྟེང་ནས་བཤད་ན། སྐུ་ཞབས་ཞོགས་དུང་གི་སེམས་ཁམས་འདི་བརྩེ་བས་ཁེངས་བསྡད་འདུག བྱམས་སྙིང་རྗེས་ཟིན་བསྡད་འདུག ༼སངས་རྒྱས་ཆོས་ལུགས་ཉམས་སུ་ལེན་མཁན་ཞིག་ལའང་འདི་ལས་ལྷག་ཅིག་ཅི་དགོས།༽ འགྲོ་བ་མི་ཞིག་གི་ཚད་ནས་སྐད་ཆ་བཤད་མཁན་དང་། སྐྱིད་སྡུག་ཤེས་མཁན། ལས་ཀ་བྱེད་མཁན་ཞིག་རེད། དཔེར་ན། ཁོང་མ་འཇུས་པའི་ཉིན་འགའི་གོང་དུ་ཟི་ལིང་གི་ཤེས་ཡོན་པ་དེ་ཚོས་སྲོག་ཉེན་ལ་མ་འཛེམས་པར་མི་རིགས་འདིར་རང་རང་གི་ཚོར་བ་རློན་པ་དང་རྗེན་པ་ཅི་འདྲ་ཞིག་བསྟན་སོང་། བོད་མི་རིགས་འདིས་ད་དུང་ཡང་རང་གི་ངོ་གདོང་ལ་ས་བཏབས་ཏེ་ས་འོག་ལ་བསྡུ་གི་འདུག

   ཁོང་མ་འཇུས་པའི་བདུན་ཕྲུག་གཅིག་གི་སྔོན་ཏག་ཏག་དེར་ཟི་ལིང་ནས་བཤད་བའི་སྐད་ཆ་ཁ་ཤས་ཧྤ་རན་སིར་གནས་སྡོད་གྲོགས་མོ་ཞིག་གིས་བསྐུར་བསླེབས་སོང་། གལ་སྲིད་དུས་ཚོད་ཀྱིས་ལྕོགས་ན་བོད་ཡིག་ལ་བསྒྱུར་ནས་འདོན་གི་ཡིན།

7. ལུང་རིགས་ལགས། རྩོམ་ཡིག་དེ་གང་མྱུར་བསྒྱུར་ནས་འདོན་སྤེལ་གནང་བར་སྒུག་ཡོད། ཨོ་རེད། རྡ་སའི་དགེ་བཤེས་སྡོམ་མེད་ཅིག་ལས་་་་་་ ང་ཚོའི་ཞོགས་དུང་དཀར་པོ་དུང་ཞིག་རེད། འདི་ཡང་ཅིག་བཤད་ན་འདོད་སོང་།

8. བོད་རིགས་དཔའ་བོ་སྐུ་ཞབས་ཞོགས་དུང་མཆོག་ལ། ང་ཚོ་བོད་རིགས་ཡོངས་ཀྱིས་ཐབས་བརྒྱ་ཇུས་སྟོང་གིས་རྒྱབ་སྐྱོར་མཐའ་གཅིག་ཏུ་བྱེད་དགོས། འོན་ཀྱང་ཁོང་གིས་སྐྱོ་སེམས་ཀྱིས་བརྩམས་པའི་དེབ་འགའི་ནང་དུ། སངས་རྒྱས་ཆོས་ལ་ལོག་པར་ལྟ་བའི་དམར་ཕྱོགས་ཀྱི་ལྟ་ངན་ཀླ་ཀློའི་རིང་ལུགས་ལ་རྒྱུ་མཚན་མེད་པར་འུར་བསྟོད་བྱས་འདུག་པས། དེ་ལ་ང་ཚོས་མཐའ་གཅིག་ཏུ་ངོ་རྒོལ་བྱེད་མཚམས་འཇོག་མི་རུང་།
   བོད་རིགས་དཔའ་བོ་སྐུ་ཞབས་ཞོགས་དུང་མཆོག་མྱུར་དུ་རང་དབང་ཐོབ་པར་བྱེད་དགོས།

9. ལུང་རིགས་རྒྱལ་།
   དེ་གཉིས་ལ་ཁྱད་པར་འདུག་།ཁ་བྲལ་ཏུ་གཏོང་བའི་སྐུལ་སློང་ཟེར་བའི་ཉེས་མིང་བཙུགས་པ་ཡིན་ན་།ལོ་ཐག་སོགས་ཅུང་ཟད་ཐུང་བར་མིན་ན་སྙམ་པ་དང་།ཉེས་ཁྲིམས་༡༠༣་ནང་གི་དོན་ཚན་གཉིས་བ་ནི་དེའི་སྐོར་མིན་ན་སྙམ་།ཡིན་ནའང་ཁྲིམས་དེབ་སོགས་ལ་གསལ་བོ་བལྟ་མི་ཐུབ་།
   སྲིད་གཞུང་མགོ་རྟིང་སློག་པའི་ནག་ཉེས་ནི་།
   http://en.wikipedia.org/wiki/Inciting_subversion_of_state_power
   འདི་ལ་ལྟོས་དང་།གཉིས་ཀ་ཁྱད་པར་ཡོད་ས་རེད་།

   པེ་ཅིན་གྱི་ཁྲིམས་རྩོད་པ་ཞིག་བཙལ་ན་།ཁྲིམས་ཐག་དངོས་སུ་གཅོད་དུས་།ཅུང་ཟད་ཕན་མི་ཐོགས་ནམ་སྙམ་པའི་རེ་བ་འདུག་།ཁྲིམས་རྩོད་པ་གཅིག་ཀྱང་མེད་པ་ལས་བཟང་བར་སྙམ་།དགོས་དོན་མི་འདུག་ཅེས་ཚིག་ཐག་བཅད་ནས་བཤད་ན་།རྒྱུ་མཚན་ཅི་ཡིན་ཧ་མི་གོ་།

   ཞོགས་དུང་གི་བྱམས་དང་སྙིང་རྗེ་དེ་ཞོགས་དུང་གིས་མ་གཏོགས་ཤེས་ནི་མ་རེད་།བོད་ཀྱི་སྤྱི་དོན་ཞིག་གླེང་བ་ནི་རླབས་ཆེན་དང་།སྙིང་སྟོབས་ཆེན་པོ་རེད་།རྗེས་སུ་ཡིད་རངས་ཡོད་།དེ་མིན་གཞན་ལས་ལྷག་དང་མི་ལྷག་གི་སྐད་ཆ་དེ་།ལྟ་བའི་ཞེན་ཕྱོགས་ཀྱི་སྐད་ཆ་ཤིག་རེད།ཞོགས་དུང་འབྲེལ་བ་ཆེན་པོ་མི་འདུག།

   .

10. བྱམས་དང་སྙིང་རྗེ་ཟེར་བ་དེ་བཤད་ན། རྡ་ས་ན་དགེ་བའི་བཤེས་གཉེན་གྱི་མིང་འཁུར་མཁན་རེ་ཟུང་ཡོད་པ་རེད། ཁ་གདངས་ཚད་ལ་ཆོས་དང་སྙིང་རྗེ་བཤད་པ་རེད། སེམས་འགུལ་ཚད་ལ་གཞན་གྱི་རྐང་པ་གཅོག་པར་རྩོམ་པ་རེད། འདིའི་རིགས་ལ་རྣག་ཐོག་ཁབ་གཙེགས་ཀྱི་ཐེར་འདོན་ཡིག་ཆེན་རེ་རེ་འབྲི་དགོས་འདུག

11. གང་ལྟར་སྐུ་ཞབས་ཞོགས་དུང་ཁྲིད་སོང། དྲང་བདེན་དང་ལ་རྒྱ་ཡི་ཆེད་དུ་རང་སྲོག་གཏོང་ཕོད་པའི་དཔའ་བོ་ཞིག་མེད་སོང། བོད་མི་རིགས་ཀྱི་འདས་མ་ད་གསུམ་ལ་འགན་འཁུར་བའི་ལྷག་བསམ་ཡངས་པའི་སེམས་དཔའ་ཞིག་བརླགས་སོང། དོན་དངོས་དང་དྲང་བདེན་སྨྲ་བའི་མགྲིན་ཚབ་པ་ཞིག་མུན་དོང་དུ་བཅུགས་སོང། ད་ང་ཚོས་ཅི་བྱེད། གང་བྱས་ན་ཕན།
    རིགས་ཞེན་དང་ལ་རྒྱའི་མེ་ལྕེ་བྲང་ཁོག་དབུས་ནས་རྟག་ཏུ་འབར་བའི་སྐྱེས་བུ་ཁོང་གི་ཚབ་ཏུ་སུ་ཞིག་འཚོལ།
    རེད་ཡ་ད་ང་ཚོས་མུ་མཐུད་ནས་ལས་འགུལ་གང་མང་སྤེལ་ཏེ་སྐུ་ཞབས་ཁོང་ལ་རྒྱལ་སྤྱིའི་དོ་སྣང་སླེབས་ཐུབ་ལ་འབད་བརྩོན་བྱེད་དགོས་ནི་ཡིན་རྒྱུ་རེད།
    དེ་མིན་གང་བྱེད་ཐུབ།

12. རྒྱ་ནག་ཉམས་ཞིབ་པ་ལགས།

    གསལ་བཤད་གནང་བར་ཐུགས་རྗེ་ཆེ།

    ངས་ལོའུ་ཞའོ་པའོ་དང་ཞོགས་དུང་གཉིས་ཀྱི་ནག་ཉེས་མཐར་གཏུགས་ན་གཅིག་པ་ཡིན་ཅེས་བཤད་དོན་ནི། རྒྱ་གཞུང་གིས་རྒྱ་རིགས་ཚོར་རྒྱལ་ཁབ་མགོ་རྟིང་སློག་པའི་ཉེས་མིང་མ་གཏོགས་ཁ་བྲལ་གྱི་ཉེས་མིང་བཏགས་པ་མེད་པའམ་ཉུང་ཉུང་ཡིན། བོད་རིགས་ཚོར་རྒྱལ་ཁབ་ཁ་བྲལ་གྱི་ཉེས་མིང་འདོགས་པ་མ་གཏོགས་རྒྱལ་ཁབ་མགོ་རྟིང་སློག་པའི་ཉེས་མིང་བཀལ་བ་མེད་པའམ་ཉུང་ཉུང་ཡིན།
    གུང་ཁྲན་ཏང་ལ་མཚོན་ན། ཉེས་མིང་འདོགས་སྟངས་འདི་ལ་རྒྱུ་མཚན་སྙིང་རྗེ་བོ་དེ་འདྲ་ཡོད་པ་རེད།

    ཁྲིམས་རྩོད་པ་ཞིག་ཡོད་ནས་ཕན་ཐོགས་ན་ལོས་ཀྱང་དགོས། ཡིན་ཡང་། སྤྲུལ་སྐུ་བསྟན་འཛིན་བདེ་ལེགས་དང་བློ་དར་གཉིས་ཀྱི་གྱོད་དོན་སྐབས་ནས་བཟུང་ཕལ་ཆེར་རྒྱ་མིའི་ཁྲིམས་རྩོད་པ་འབོད་པའི་ཐབས་ཤེས་ཤིག་བྱས་པ་རེད། ཕན་ཐོགས་ནི་མ་བྱུང་། དོན་གྲུབ་དབང་ཆེན་ལ་ཁྲིམས་རྩོད་པ་སྐད་བཏང་བ་རེད། གནས་སྟངས་ནི་གཅིག་པ་རེད།

    ཁྲིམས་ཐོག་ནས་བརྡར་ཤ་གཅོད་པའི་གོ་སྐབས་ཤིག་ཡོད་ཚེ། ཞོགས་དུང་ལ་མཚོན་ན་ཁྲིམས་ཁང་ནས་ཁོ་རང་གིས་བཤད་ཐུབ་གི་རེད། བཤད་ཤེས་གི་རེད། ཁྲིམས་ལུགས་ཀྱི་གནད་དོན་ཙམ་མིན་པར། ཁྲིམས་ལུགས་ཀྱིས་ཁ་གྲགས་གི་མེད་སའི་གནས་སྟངས་དག་ཀྱང་ཁོས་བཤད་ཤེས་གི་རེད་འདོད། དེར་བརྟེན་ཁྲིམས་རྩོད་པ་ཞིག་འཚོལ་དུ་རྒྱུག་རྩིས་ཡིན་ན་དཀའ་ལས་འཕར་མ་མིན་འགྲོ་བསམ་པ་ཡིན།

13. ཞོགས་དུང་སྐྱོབས་ཐབ་ལོས་བྱེད་བོད་པའི་སྐྱེད་སྡུག་མཉམ་མྱོང་རེད།

14. ཁྲིམས་རྩོད་པ་ཡོད་ཀྱང་ཕན་གི་མ་རེད་་་་་བདེན་པ་ལོག་པར་སྨྲ་བའི་སྲིད་གཞུང་ཞིག་ལ་མཚོན་ན་ཁྲིམས་ནི་རི་མོ་ཙམ་རེད། ལྷག་པར་དུ་བོད་རིགས་ཤིག་ལ་རྒྱའི་ཁྲིམས་རྩོད་པས་ཕན་མི་ཐོག་པར་དངོས་ཡོད་གནས་ཚུལ་རེད། དཔེར་མཚོན་མང་བོ་ཡོད་ནི་རེད་ལགས། དེ་ལས་ང་ཚོས་རྒྱལ་སྤྱིའི་སྒང་ལ་ཁྱབ་བསྒྲགས་རེ་གནང་ཐུབ་ན་དེ་ལས་ཡན་ཞིག་ཡོད་ནི་མ་རེད་དོ།

15. ཡ་ཡ་ད་ག་འདྲ་བྱེད་དགོས་རྒྱུ་རེད། དངོས་གནས་སྙིང་རྗེ་ཨ་བོད་པ་ཞིག་གི་བོད་མི་རིགས་ཀྱི་ཆེད་དུ་བཙོན་ལ་འགྲོ་དགོས་པ་རེད། དེ་མིན་ཁོ་རང་གི་སྒེར་དོན་རྩ་བ་ནས་མ་རེད་དེ་དངོས་གནས་ཧ་གོ་དགོས་པ་གལ་ཆེན་པོ་རེད་ཡ།

16. དབྱིན་ཇིའི་སྐད་གྲགས་ཅན་གྱི་དུས་དེབ་དཔལ་འབྱོར་སྨྲ་བ་ཟེར་བའི་་སྟེང་དུའང་ཞོགས་དུང་གི་སྐོར་བཀོད་འདུག་།མི་སྲིད་པའི་ཡག་པོ་འདུག་།ཤུགས་རྒྱབ་པ་དེ་་ནུས་བ་འདྲ་ཐོན་གིན་འདུག་།མི་འཐུད་དུ་ཟེར་བ་ལས་གཞན་ཅི་ཡང་མེད་།
    http://www.economist.com/world/asia/displaystory.cfm?story_id=16010325

17. བཀུར་འོས་ལུང་རིགས་ལགས།
    ༡་་་གནམ་ས་གོ་འབྱེད་དེ་རྒྱ་ཡིག་ལ་བསྒྱུར་ཚར་ཡོད་ནི་ཨེ་རེད་ལགས།
    ༢་་་ཞོགས་དུང་ཁོང་ལ་འདྲི་གཅོད་བྱེད་མཁན་བོད་མི་དེ་ཚོ་སུ་དང་སུ་ཡིན་ཨེ་ཤེས་ལགས།
    ༣་་་ད་སྐབས་ཁོང་གི་ནང་མིའི་གནས་སྟངས་ག་འདྲ་ཞིག་གི་ཐོག་ནས་ཡོད་མེད་ཨེ་ཤེས་ལགས།
    རེད་་་ང་ཚོས་འདི་ནས་ཁོང་ལ་གདུང་སེམས་མཉམ་བསྐྱེད་གང་གནང་དགོས་སྐོར་ཁྱོད་དང་ཁྱོད་འདྲ་བའི་ཤེས་ཡོན་ཅན་རྣམས་པས་ཁ་གསལ་ལམ་སྟོན་གནང་རྒྱུར་དགོངས་འཇགས་འཚལ།
    དེ་མིན་དྲ་གྲོགས་མི་ཉུང་བ་ཞིག་གིས་ཅིག་ཅིག་མིག་མིག་ཟེར་བ་ལས་ལས་དོན་ག་འདྲ་ཞིག་བསྒྲུབ་དགོས་མི་ཤེས་ཀི།