ཡོང་ཁུངས། ནོར་ཝེ་བོད་ཀྱི་རླུང་འཕྲིན་ཁང་།
སྲིད་སྐྱོང་མཆོག་གིས་དབུ་མའི་ལམ་ནི་༸གོང་ས་མཆོག་༸སྐུ་འཚོ་བཞུགས་རིང་བོད་དོན་སེལ་ཆེད་ཀྱི་ཛ་དྲག་སྲིད་བྱུས་ཤིག་ཡིན་གསུངས་སོང་།
བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་དེ་རིང་སྐབས་༡༦པའི་སྤྱི་འཐུས་གསར་པ་ཁག་ཅིག་ལ་དབུ་མའི་ལམ་དང་བོད་རྒྱ་འབྲེལ་མོལ་སྐོར་ལ་ཟབ་སྦྱོང་གནང་སྐབས། དབུ་མའི་ལམ་ནི་༸གོང་ས་མཆོག་༸སྐུ་འཚོ་བཞུགས་རིང་བོད་དོན་སེལ་ཆེད་ཀྱི་ཛ་དྲག་སྲིད་བྱུས་ཤིག་ཡིན་པ་དང་། རྒྱ་བོད་འབྲེལ་མོལ་བསྐྱར་གསོ་ཡོང་སླད་རྒྱལ་སྤྱིའི་འགྲོ་ལུགས་དང་མཐུན་པའི་འབད་བརྩོན་སྔར་ལྷག་གནང་མུས་ཡིན་པ་གསུངས་སོང།
བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དྲུང་ལས་ཁུངས་ནས་ཟླ་འདིའི་ཚེས་ ༤ ནས་དབུ་འཛུགས་ཀྱིས་སང་ཚེས་ ༡༠ བར་ལ་གསར་དུ་བདམས་ཐོན་སྤྱི་འཐུས་རྣམས་ལ་བཙན་བྱོལ་བོད་མའི་སྒྲིག་འཛུགས་ཀྱི་སྲིད་བྱུས་དང་ཁྲིམས་སྒྲིག་ཁག་ཟབ་སྦྱོང་ཕུལ་བཞིན་ཡོད་པ་ལྟར། དེ་རིང་སྔ་དྲོའི་ཚོགས་ཐུན་གཉིས་རིང་ལ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་སྤྱི་འཐུས་རྣམས་ལ་བོད་མིའི་སྒྲིག་འཛུགས་ནས་དབུ་མའི་ལམ་གྱི་སྲིད་བྱུས་བཟུང་དགོས་དོན་དང། བོད་རྒྱ་འབྲེལ་མོལ་གྱི་འབྱུང་རིམ་དང་རྒྱབ་ལྗོངས་ངོ་སྤྲོད་ཅེས་པའི་བརྗོད་གཞི་གཉིས་ཐོག་ལ་ཟབ་སྦྱོང་གནང་ཡོད།
བརྗོད་གཞི་དང་པོ་དབུ་མའི་ལམ་སྐོར་དང་འབྲེལ། སྲིད་སྐྱོང་མཆོག་གིས་ང་ཚོས་དབུ་མའི་ལམ་གྱི་སྲིད་བྱུས་བཟུང་དགོས་པའི་རྒྱུ་རྐྱེན་གཙོ་བོ་ནི་རྐང་རྒྱ་ནག་དང་རྒྱ་གར། དེ་བཞིན་རྒྱལ་སྤྱིའི་སྤྱི་ཚོགས་དང། གཞིས་བཞུགས་བོད་མི། བཙན་བྱོལ་བོད་མི་བཅས་དོན་ཚན་ལྔར་ཐུག་ཡོད་པ་ངོས་འཛིན་དང། ལྷག་པར་དུ་དབུ་མའི་ལམ་དེ་གྲུབ་མ་གྲུབ་དང་གྲུབ་འབྲས་སོན་མིན་དེ་གོང་ཞུས་རྒྱུ་རྐྱེན་དེ་དག་མཐུན་མིན་དང་རྒྱུ་རྐྱེན་དེ་དག་དང་འབྲེལ་བ་སོགས་ལ་རག་ལུས་ཡོད་པ་གསུངས་པ་མ་ཟད། ལྷག་དོན་སྲིད་བྱུས་འདི་ནི་ཛ་དྲག་གི་རང་བཞིན་ཞིག་ཆགས་ཡོད་པ་གསུངས་སོང།
ད་དུང་སྲིད་སྐྱོང་མཆོག་གིས་དབུ་མའི་ལམ་གྱི་ནུས་པ་དང་གྲུབ་འབྲས་གཙོ་གནད་འགས་སྐོར་དང་འབྲེལ། སྲིད་བྱུས་དེ་ལ་ད་སྐབས་ཨ་རིའི་ཕོ་བྲང་དཀར་པོ་དང་ཡོ་རོབ་མཐུན་ཚོགས་སོགས་ནས་རྒྱབ་སྐྱོར་ཚད་མཐོ་བོ་ཐོབ་ཡོད་པ་མ་ཟད། རྒྱ་རིགས་མང་ཚོགས་ནས་ཀྱང་དེ་ལ་གོ་རྟོགས་ཆེ་བ་དང་ཡིག་ངག་གཉིས་ཐོག་ནས་རྒྱབ་སྐྱོར་གནང་མཁན་མང་དུ་སོང་ཡོད་པ་དང། རྒྱ་ནག་གཞུང་ཕྱོགས་ནས་ཀྱང་གྲངས་ཉུང་མི་རིགས་ཁོངས་སུ་རྩིས་བཞིན་པ་གཞན་ལས་བོད་ཐོག་རྒྱབ་ཤ་དཀར་པོ་མང་བ་བཏོན་ཡོད་པ་དག་ནི་དབུ་མའི་ལམ་གྱི་ནུས་པ་ཞིག་ཆགས་ཡིན་སྐོར་གསུངས་ཡོད།
དེ་རིང་གི་ཟབ་སྦྱོང་དེའ་ཐོག་ནས་སྲིད་སྐྱོང་བློ་བཟང་སེང་གེ་མཆོག་གིས་སྤྱི་འཐུས་རྣམས་ལ་བོད་རྒྱ་འབྲེལ་མོལ་གྱི་བྱུང་རིམ་དང་རྒྱབ་ལྗོངས་སྐོར་དང་འབྲེལ། ཕྱི་ལོ་ ༡༩༧༩ ནས་བོད་རྒྱའི་དབར་ལ་ཐད་ཀར་འབྲེལ་ལམ་འགོ་ཚུགས་ནས་བཟུང་། ད་དབར་ཕན་ཚུན་དབར་གཞུང་འབྲེལ་དང་གཞུང་འབྲེལ་མིན་པའི་འབྲེལ་ལམ་ཚར་༣༠ཙམ་བྱུང་ཡོད་པ་དང། ད་དབར་བོད་ནང་དུ་ལྟ་སྐོར་སྐུ་ཚབ་ཚོགས་པ་ཐེངས་བཞི་ཕེབས་ཡོད་པ། དེ་བཞིན་གྲོས་མོལ་རྟོག་ཞིབ་སྐུ་ཚབ་ཚོགས་པ་ཐེངས་གཉིས་ཕེབས་པ། རྒྱ་ཕྱོགས་ནས་བཤད་པའི་རྩ་དོན་ཁག་དང་བོད་མིའི་རྩ་དོན་ཁག ༢༠༠༢ ད་དབར་འབྲེལ་མོལ་ཐེངས་དགུའི་མཇུག་འབྲས་སོགས་ཀྱི་སྐོར་ལ་གསུངས་གནང་སོང་བ་མ་ཟད། ལྷག་པར་དུ་སྐབས་དེར་སྤྱི་འཐུས་གཅིག་གིས་ ༢༠༡༠ ནས་འབྲེལ་མོལ་བསྐྱར་གསོ་བྱུང་མེད་པ་དང་ ༢༠༡༢ ལོ་ནས་༸གོང་ས་མཆོག་གི་སྐུ་ཚབ་རྣམ་གཉིས་ལས་གནས་ནས་དགོངས་ཞུས་གནང་པའི་སྐོར་ཞུས་པ་དང་ཆབས་ཅིག སྲིད་སྐྱོང་མཆོག་གིས་བཀའ་ཤག་གསར་པ་འདི་ནས་མ་འོངས་འབྲེལ་མོལ་ཡོང་རྒྱུའི་རྟགས་དང་མཚན་མ་རིགས་གཟིགས་མིན་བཀའ་འདྲི་ཞུས་སོང་བས། དེ་ལ་སྲིད་སྐྱོང་མཆོག་གིས་བཀའ་ཤག་ནས་འབྲེལ་མོལ་བསྐྱར་གསོ་སླད་རྒྱལ་སྤྱིའི་འགྲོ་ལུགས་དང་མཐུན་པའི་སྒོ་ནས་འབད་བརྩོན་སྔར་ལྷག་གནང་མུས་ཡིན་པ་གསུངས་གནང་སོང།
ད་དུང་སྲིད་སྐྱོང་མཆོག་གིས་འབྲེལ་མོལ་བསྐྱར་གསོའི་སླད་བོད་མིའི་སྒྲིག་འཛུགས་ངོས་ནས་ལོ་ལྟར་བོད་རྒྱ་ཞི་མོལ་ལས་དོན་ཚོགས་ཆུང་ཐེངས་གཅིག་གམ་གཉིས་ཚོགས་ནས་ཐབས་བྱུས་ཇི་དགེ་སྐོར་བཀའ་བསྡུར་ཞིབ་ལྷུག་གནང་གི་ཡོད་པ་ཡང་གསུངས་གནང་ཡོད་པ་རེད།
གཞི་རྩའི་སྤྱི་འཐུས་གསར་པ་རྣམས་ལ་འདས་པའི་ཉིན་གྲངས་དྲུག་གི་ཟབ་སྦྱོང་ཁྲོད། ཐོག་མར་སྤྱི་འཐུས་པདྨ་འབྱུང་གནས་ལགས་ནས་བཙན་བྱོལ་བོད་མིའི་བཅའ་ཁྲིམས་སྐོར་ཟབ་ཁྲིད་གནང་ཡོད་པ་དང། དེའི་རྗེས་ནས་སྤྱི་འཐུས་ཐུབ་བསྟན་ལུང་རིག་ལགས་དང་སྤྱི་འཐུས་དགེ་བཤེས་སྨོན་ལམ་ཐར་ཕྱིན་ལགས་ནས་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་འདུའི་འགྲོ་ལུགས་དང་ལས་དོན་བྱེད་ཕྱོགས་ཀྱི་སྒྲིག་གཞི་ངོ་སྤྲོད། དེ་བཞིན་བོད་མིའི་སྒྲིག་འཛུགས་ཀྱི་སྔོན་རྩིས་འགྲོ་སྟངས་དང་སྔན་རྩིས་འཆར་འབུལ་གནང་ཕྱོགས་སོགས་ཀྱི་སྐོར་ཟབ་ཁྲིད་གནང་འདུག
ད་ཡིན་ན། སྲིད་སྐྱོང་ལགས་སྨྱོན་པ་སྨྱོ་ནག་ལ་ཆགས་འདུག རང་ཉིད་ཀྱིས་རང་ཉིད་ཡང་མོ་ཤོག་བུ་འདྲ་ཞིག་ཡིན་པར་ཁྲོམ་སྟོན་བྱས་སོང་། མཐའ་ན་བཤད་དགོས་པ་དང་མི་དགོས་པ། རང་ཉིད་ཀྱིས་ཅི་ཞིག་བཤད་ཀྱིན་ཡོད་སོགས་མི་ཤེས་པའི་བསམ་བློའི་གོ་རྟོགས་ཞན་པོ་ཅན་ཞིག་ཏུ་འགྲེམས་སྟོན་བྱས་སོང་།
འོ་ད་ཡིན་ན་བློ་སངས་སེང་གེའེ་ཁོག་པར་མི་གསོན་པོའི་གདོན་འདྲེ་ངོ་མ་ཡོད་ཞུགས་ཡོད་པའི་རྟགས་མཚན་ག་ལེར་ཐོན་ཡོང་གི་འདུག་གོ། ད་དུང་ཟླ་ཤས་ལྟོས་ཨང་བོད་འབངས་ཚོ།།
སྲིད་སྐྱོང་སྙིང་རྗེ་ཅན་ལ་དེ་སྔ་བཤད་ཟིན་པ་དེ་ཚོ་ལས་ལྷག་ཅིག་ཤོད་རྒྱུ་མེད་པར་ཐག་ཆོད་སྟབས་ཉན་རྒྱུ་མ་བྱུང། གལ་ཏེ་ཤོག་བུ་རླུང་གིས་བཀྱགས་འདྲའི་ངང་ཚུལ་ཡོད་ན། མི་བུའི་རང་གཤིས་རྗེན་ལ་བུད་པ་ཟེར་བ་དེ་རེད། མ་གཞི་ཁག་ཅི། ཤར་ཁུག་གཟབ་སྦྱོང་ལ་ཡོད་ཙང་འཇིགས་སྣང་ཅུང་ཟད་བྱུང་བ་ཡིན་སྲིད། སྙིང་རྗེ།
ཁུངས་ལྡན་གནས་ཚུལ་ལྟར་ན། དེ་རིང་གངས་སྐྱིད་ནས་སྤྱི་འཐུས་རྩོམ་པ་པོ་ཤར་ཕྱོགས་ཁུག་རྟས། སྲིད་སྐྱོང་འབུམ་རམས་པ་བློ་བཟང་སེང་གེ་ལགས་ལ་དབུ་མའི་ལམ་གྱི་གལ་གནད་སྐོར་ལམ་སྟོན་ཚད་ལྡན་གནང་བའི་གནས་ཚུལ་ཀུན་ལ་གྲགས་ཀྱི་འདུག སྤྱི་འཐུས་སར་པ་མང་པོ་ཞིག་ཧ་ལས་བསྡད་ཡོད་ཅིང་། དེ་རིང་གུས་ཞབས་ཆེ་ལ། ངག་ཚིག་འཇམ་པ། ནང་དོན་ཟབ་པ། མགོ་འཚོས་པ་བཅས་ཀྱིས་དྲི་བ་བཏང་བས། མི་རྣམས་དལ་ཅག་གེར་བཏང་ཡོད་འདུག་ལ། སྲིད་སྐྱོང་འབུམ་རམས་པ་ཅུང་ཚེར་སྣང་སྐྱེ་ཡོད་འདུག ཁུངས་ལྡན་གནས་ཚུལ་ཡིན།
ཧཧཧཧཧ་་་་་་་ཤར་ཁུག་གིས་དབུ་མའི་ལམ་སྐོར་ཐད་སྲིད་བློ་ལ་ལམ་སྟོན་ཚད་ལྡན་གནང་ཨང་། དེ་ལྟར་ན་བློ་སེང་མི་ལོ་མང་པོ་རིང་ནང་ཁྲིམས་ཐོག་སློབ་སྦྱོང་གནང་བ་ཚང་མ་དོན་མེད་གྱུར་རམ། ངོ་མ་བགད་མོལ་བསླང་གི་ཡ། མ་གཞི་ནག་ཁུང་ནང་ནས་འབར་རྫས་འཇོག་མཁན་འདི་ཚོའི་གཏམ་ལ་ཅི་ཆ་ཡ།
ཧ་ཧ་བདེན་ན་སྲིད།མི་འཁྱམ།
ཏྲེ་ཧོར་བྱམས་པ་རིན་ཆེན་ལགས།
རང་རེའི་སྲིད་སྐྱོང་མཆོག་ལ་འབུམ་རམས་པའི་ཕྱག་འཁྱེར་ཡོད་དམ་་་་་དུས་ནམ་དང་ལོ་དུས་ཟླ་བ་སོགས་དང་ཁུངས་ལྡན་ཅིག་གསུངས་རོགས་་་་
ཨ་ཁུ་འབྲོག་པའི་དྲངས་པོ་བཤད་འདུག།ཤར་ཁུག་ཟབ་སྦྱོང་ལ་ཡོད་ཙང་འཇིགས་སྣང་ཅུང་ཟད་བྱུང་བ་ཡིན་སྲིད་ཟེར།འཇིགས་སྣང་ཅུང་ཟད་ག་ལ་ཚད་འཇིགས་སྣང་ཆེན་པོ་བྱུང་ཡོད་སྲིད་པ་རེད།གང་ཡིན་ཟེར་ན།སྐར་ལྔའི་དར་དམར་འཕྱར་བ་དངགཅིག་།ལོ་རྒྱུན་ཐོག་བོད་རང་བཙན་ཡིན་པ་ལ་དགགས་པ་བསྐྱོན་པ་དང་གཉིས།ཆོལ་ཁའི་བར་ལ་དབྱེ་འབྱེད་བྱེད་ནས་
བོད་མའི་མཐུན་ལམ་ལ་གནོད་སྐྱོན་ཚབ་ཆེནགཏོང་བ་དང་གསུམ།རྒྱུ་མཚན་ཆེ་པོ་དེ་དག་ལ་བརྟེན་ནས་སྲིད་སྐྱོང་འཇིགས་སྣང་སྐྱེ་དང་྄སྐྱེ།
བོད་ཐོག་གྲངས་ཉུངམི་རིགས་གཞན་ལས་ལྷག་པའི་རྒྱབ་ཤ་དཀར་པོའི་དེབ་མང་པོ་བཏོན་པ་དེ་དབུ་མའི་ལམ་གྱི་གྲུབ་འབྲས་ཡིན་ཟེར། འདི་གྲུབ་འབྲས་མེད་པའི་གྲུབ་འབྲས་ཟེར་བ་དེ་མིན་ནམ། དབུ་མའི་ལམ་གྱི་གྲུབ་འབྲས་དཀོན་པོ་དེ་འདྲ་གང་འདྲ་ཆགས་པ་རེད།
ཧཧཧ དྲ་འབུ་ལས་ངན་འདི་ཚོས། སོ་སོས་ཅི་ཡང་མི་སྒྲུབ་པར་སྤྱི་ཚོགས་ནང་གཟེང་སུ་ཐོན་པའི་ལས་དོན་སྒྲུབ་མཁན་ཚོས་ཁ་རྐྱང་རྐྱང་བཏང་ནས་སྡད་འདུག དྲ་འབུ་ནི་དྲ་འབུ་རང་རེད། དུས་ཚོད་མ་འཁྱོལ་ན་མ་ཎི་འདྲ་བསྒྲངས་དང་ཚེ་ཕྱི་མར་ཅུང་ཟད་ཕན་ལེ་རེད། མུན་ཁུང་ནང་ནས་རྡོ་གཡུག་སྡད་ན་ཚེ་འདིའི་བཟང་སྤྱོད་ཉམ་སྐྱེད་དང་ཕྱི་མ་སྡིག་པ་ཆེ་སྐྱེད་རེད། གོ་ན་སླབ་བྱ་ཡིན་མ་གོ་ན་ཚིག་ངན་ཡིན། ཧཧཧ
ལགསོ་ལགསོ་ལུང་རྟོགས་ལགས།དངོས་གནས་བསླབས་བྱ་རེད་སེམས་ལ་འཇོག་ངེས་ཡིན།
ནམ་རྒྱུན་ཁོ་བོས་ཟུར་ཟའི་ཚིག་ཕྲན་བུ་འབྲི་ཤོར་ཡང་། ད་རེས་ཟོལ་བཅོས་མེད་པར་བཤད་ན། སྲིད་སྐྱོང་མཆོག་ནས་སྤྱི་འཐུས་གསར་པ་རྣམས་ལ་ཕར་གཟབ་སྦྱོང་འབུལ་རྒྱུ་ལྟ་གང་ཤེས། དེ་ལས་ཚུར་སྲིད་སྐྱོང་མཆོག་དང་ཕྱག་སྦྲེལ་བཀའ་བློན་རྣམས་ལ་ཟམ་གདོང་རིན་པོ་ཆེ་ལྟ་བུ་ཞིག་གི་དྲུང་ནས་འཇུ་མི་ཕམ་གསུང་རྒྱལ་པོ་ལུགས་ཀྱི་བསྟན་བཅོས་དེའི་གཟབ་སྦྱོང་ཞིག་ཐོབ་ན་ཡ་རབས་བཟང་སྤྱོད་ཀྱི་བསྟན་པ་འགོ་ནས་མི་ཤིགས་པ་ཞིག་མི་ཡོང་ངམ་སྙམ། དེ་བཞིན་སྤྱི་འཐུས་རྣམས་ལ་དཔལ་ས་སྐྱ་གོང་མ་རིན་པོ་ཆེ་མཆོག་གི་དྲུང་ནས་ས་སྐྱ་ལེགས་བཤད་ཀྱི་ལྗགས་འཁྲིད་ཅིག་དང་། གཞུང་ཞབས་རྣམ་པར་༧གོང་ས་མཆོག་གམ་དགེ་བཤེས་ཚད་ལྡན་ཞིག་གི་དྲུང་ནས་བཤེས་སྤྲིང་གི་ལྗགས་འཁྲིད་ཅིག་ཞུ་ཐུབ་ན་སོས་ཐན་དུས་ཀྱི་སྦྲང་ཆར་ཞིག་ཏུ་འགྱུར་ངེས་སྙམ།
ཨ་ཁུ་འབྲོག་པ་རང་གིས་ཀྱང་ས་སྐྱ་ལེགས་བཤད་ནང་གི་ཡ་རབ་རྟག་པ་ཞེས་པ་དེ་ལ་སློབ་སྦྱོང་མང་ཙམ་བྱེད་དགོས་པ་འདུག
ང་ལྟ་ཨའུ་ཙམ་ཡིན་འགྲོ། དེ་བས་ཁྱེད་ནས་ངན་སྤྱོད་བརྟག་པའི་རབ་འབྱེད་དེ་སྲིད་སྐྱོང་ལ་སློབ་སྟོན་ཕུལ་ན་གང་འདྲ་འདུག
རྗེ་འབངས་མཐུན་ན་དགྲ་སྡེ་ཡི།ཐུབ་དཀའ་སོ་སོར་གྱེས་ན་མིན།རྟ་ཡི་བགྲོད་དཀའི་ཆུ་བོ་ཡང་།མང་དུ་གྱེས་ན་ལུག་ཀྱང་བགྲོད།ཟེར་བའི་ལེགས་བཤད་ཀྱང་གདའོ།
བཙན་བྱོལ་བོད་མིའི་བཅའ་ཁྲིམས་ལ་ཡིད་ཆེས་དང་བརྩི་བཀུར་བློ་གཏད་ཉམས་ལེན་ཞུ་མཁན་ཞིག་གི་ངོས་ནས་ལྟས་ན་ བཅའ་ཁྲིམས་ནང་བོད་དོན་བདེན་མཐའ་གསལ་ཐབས་ཟེར་བའི་ཐ་སྙད་འདི་འཁོད་པ་ལས་རང་བཙན་དང་དབུ་མ་སོགས་གང་ཡང་འཁོད་མི་འདུག་ན་ ཕྱི་ལོ་1997 ཟླ་བ་ 9 པའི་ཚེས་18 ཉིན་སྤྱི་འཐུས་གྲོས་ཚོགས་ནས་སྤྱི་མོས་གྲོས་ཆོད་ཀྱི་ལམ་ནས་དབུ་མའི་ལམ་ལ་གཏན་
འབེབས་གནང་བ་ལས་བཅའ་ཁྲིམས་བསྐྱར་བཅོས་ལ་ཁ་ཕྱོགས་མེད་ན་གྲོས་ཆོད་ལ་ཁྲིམས་ཀྱིས་ནུས་པ་ཡོད་པ་ངས་ནམ་ཡང་ཤེས་ཐུབ་མ་སོང་ན་ ད་ཆ་ང་ཚོ་རང་བཙན་དང་དབུ་མ་རང་ཐག་རང་གཅོད་བདེན་པའི་ཨུ་ཚུགས་མི་རིགས་ས་གནས་རང་སྐྱོང་སོགས་བོད་དོན་བདེན་མཐའ་གསལ་བ་ལ་ཆབ་སྲིད་ཀྱི་ལྟ་སྒྲུབ་དང་ཐབས་ལམ་ག་འདྲ་ཞིག་ལ་ང་ཚོ་ཁ་ཕྱོགས་དགོས་ན་ཡང་ ཁྲིམས་བཟོ་སྤྱི་འཐུས་གྲོས་
ཚོགས་ནས་དེ་སྔོན་བཞིན་གྲོས་ཆོད་གཏན་འབེབས་མ་ཡིན་པར་བཅའ་ཁྲིམས་ལ་བསྐྱར་བཅོས་གནང་ནས་བོད་མི་གཞིས་བྱེས་ཚང་མས་ངོས་འཛིན་གཅིག་ལ་ལས་འགུལ་སྤེལ་ཐུབ་པའི་ཆབ་སྲིད་ཀྱི་ལམ་ཁ་གསལ་པ་བཟོ་དགོས་པ་དེ་བོད་མི་རིགས་བསམ་ཕྱི་མ་དྲག་ནའང་སྔ་མེད་པ་ངོས་འཛིན་ཞུ་གི་ཡོད་།
་་་་་་་་ཞུ་མཁན་ཞིག་གི་ངོས་ནས་ལྟས་ན་་་་་་
འདི།
ཞུ་མཁན་ཞིག་གིས་ངོས་ནས་བལྟས་ན་
བོད་པའི་ཤི་གསོན་གྱི་ལམ་ཁ་ནི་རང་བཙན་ཡིན། དབུ་མའི་ལམ་ནི་གནས་སྐབས་དུས་ཚོད་གཏོང་ཐབས་ལས་མ་འདས།
སྲིད་སྐྱོང་ལགས་སྨྱོན་པ་སྨྱོ་ནག་ལ་ཆགས་འདུག
བཙན་བྱོལ་སྤྱི་ཚོགས་འདི་མང་གཙོ་དང་ཁྲིམས་ཀྱི་
དབང་བསྒྱུར་འོག་འཚོ་དགོས་ཀྱི་ཡོད་ན་སྤྱི་འཐུས་གྲོས་
ཚོགས་ལ་ཚོགས་གཙོ་གཉིས་རེ་མོས་བྱ་དགོས་པ་དེ་
གལ་ཆེན་དོན་ཆེན་ཞིག་ཆགས་ཡོད་ན་བཙན་བྱོལ་བོད་
མིའི་བཅའ་ཁྲིམས་ལ་བསྐྱར་བཅོས་གནང་ནས་ཚོགས་
གཙོ་གཉིས་ནས་རེ་མོས་བྱ་དགོས་པ་ནི་ཁྲིམས་མཐུན་
ངོ་མ་དེ་མ་རེད་།
རང་བཙན་རང་དབང་གང་བསམ་བརྗོད་མཁན་དང་།
མང་ངཙོ་དམངས་གཙོ་དོན་གཅིག་བསམ་མཁན་དང་།
ཡུལ་མིའི་རྒྱལ་ཁབ་ཡུལ་མིའི་སྲིད་སྐྱོང་སོགས་།
ཆབ་སྲིད་རིག་པས་གོ་རྟོགས་མ་ཐུབ་ནས་།
ཐ་སྙད་ཚད་སྒྲུབ་ཡིན་པ་བློ་མ་བདེ་།
ནོར་བཅོས་(མང་གཙོ་) གཙོ་