མཁན་པོ་ཚུལ་བློ་དང་བསོད་དར་གཉིས་ཀྱི་རྒྱབ་མདུན་གྱི་སྐར་ལྔའི་དར་དམར།

Comments (27) on “མཁན་པོ་ཚུལ་བློ་དང་བསོད་དར་གཉིས་ཀྱི་རྒྱབ་མདུན་གྱི་སྐར་ལྔའི་དར་དམར།”

1. ང་རང་ཐུག་པའི་མཁན་ཆེན་ཚུལ་ཁྲིམས་བློ་གྲོས་དང་མཁན་ཆེན་བསོད་ནམས་དར་རྒྱས་གཉིས་ཀྱི་སློབ་མ་ཚང་མ་དཀར་ཟས་རིང་ལུགས་པ་རྐྱང་རྐྱང་རེད།

2. སངས་རྒྱས་འཁྲུངས་སར་བདུད་ཡོད་ཅེས་པ་ཅིས་མ་བདེན། དེང་སྙིགས་མ་ལྔ་བདོའི་དུས་འདིར་འཛམ་གླིང་སྤྱི་དང་། བྱེ་བྲག་གངས་ཅན་ལྗོངས་འདིར་སངས་རྒྱས་གཉིས་པ་ལྟ་བུའི་མཛད་འཕྲིན་སྐྱོང་བཞིན་པའི་མཁན་པོ་ཉི་ཟླ་ཟུང་འབྲེལ་ལ་འདི་ལྟའི་མཚན་དམད་ཞུ་སྤོབས་པ་ནི། སྙིང་རྗེའི་ཡུལ་རེད་ཨང་།

3. མཁན་པོ་རྣམ་གཉིས་ཡག་པོ་ཡོད་རབས་ཐོས། མཁན་ཚུལ་ཁྲིམས་བློ་གྲོས་བཀའ་སློབ་ཆོས་དང་སྤྱིར་བཏང་སློབ་གསོ་་ཉན་པར་འགྲོ་མྱོང་ཡོང་། བློ་བསྐྱེད་དམ་ལེགས་བཤད་མི་ཉུང་བ་ཐོབ་བྱུང་།

4. ཚུལ་ཁྲིམས་གཙང་ཞིང་ཐུགས་བརྒྱུད་བྱམས།། ཤེས་བྱར་བློ་གྲོས་ཡངས་ཤིང་རྒྱས།། ཕྱི་ནང་སྐྱེ་བོར་འདི་ཕྱིའི་ལམ།། སྟོན་མཁས་མཁན་ཆེན་མཆོག་ལ་འདུད།།

5. མི་འདི་ཚོའི་ཁ་ཁོམ་བཏང་ན་མི་བཤད་དགུ་བཤད་རེད།བོད་པ་ཚང་ནས་འཇོན་ཐང་སོགས་གང་ཐད་ནས་འབུར་དུ་ཐོན་ཡོང་དུས།འབུར་འཇོམས་བྱེད་རྐྱང་བྱེད་ཀྱིན་འདུག མ་ཟད་བླ་མ་གོང་མ་རྣམས་ལའང་ཁ་གཏོང་རྐྱང་བྱེད། བོད་གསིལ་བུར་ག་ཚོད་ཐོར་ཀྱང་ང་ཚོ་གཅིག་ཏུ་སྒྲིལ་ཡོད་པ་ནི།ནང་ཆོས་ཀྱི་དྲིན་ཡིན་པ་མ་རྗེད་ཅིག།

6. མཁན་པོ་ཚུལ་ཁྲིམས་བློ་གྲོས་ཀྱིས་འབྲོག་པས་ནོར་ལུག་འཚོ་མི་རུང་ཟེར་ནས་བཤད་པ་རེད་ཟེར་བ་ལྟ་བུའི་སྐད་དེ་ཚོ་ནི་ཆེད་དུ་ལྡོག་ཕྱོགས་ནས་བཤད་བསྡད་པ ཞིག་རེད་བསམ། ངས་མཁན་པོ་ཚུལ་ཁྲིམས་བློ་གྲོས་སོགས་ཀྱིས་བཀྲམས་པའི་དགེ་བཅུའི་སྲོལ་གྱི་རྣམ་བཞག་ཅེས་པ་དེ་བཀླགས་པ་ཡིན། དེ་ནི་བོད་ཀྱི་སྲོལ་རྒྱུན་ཡ་རབ་བཟང་སྤྱོད་རྒྱུན་འཛིན་བྱ་ཐབས་ལྟ་བུ་ཞིག་མ་གཏོགས་ནོར་ལུག་འཚོས་ན་སྡིག་པ་ཡིནན་ཟེར་ནས་བྲིས་མི་འདུག དེ་ལས་ལྡོག་སྟེ་ནོར་ལུག་བཤས་རར་སྡེབས་ཚོང་མ་བྱེད་ཅེས་བྲིས་འདུག དེང་སང་ནོར་ལུག་བཤས་ལ་བཙོང་ནས་འབྲོག་པའི་སྒོ་ན་ནོར་ལུག་མེད་པར་འགྱུར་ཡོང་བ་དེ་འགོག་ཐབས་ཤིག་རེད་བསམ་སོང་། རྩོམ་ཡིག་འདིའི་ནང་དུ་ཁུངས་སྐྱེལ་དང་དཔང་རྟགས་གཅིག་ཀྱང་བསྟན་མེད་པར་ཁོ་རང་གིས་རང་སྣང་གང་ཤར་གྱིས་འགྲེལ་བཤད་ལོག་པ་ཞིག་བརྒྱབ་འདུག ལེགས་ཉེས་རྣམ་འབྱེད་ཀྱི་རྣམ་དཔྱོད་བཏོན་མེད་པའི་སྟེང་ལ་དེང་རབས་སྤྱི་ཚོགས་གནད་དོན་དབྱེ་ཞིབ་ཀྱི་རྩོམ་འབྲིའི་ཐབས་ལམ་ཀྱང་བེད་སྤྱད་ཤེས་མི་འདུག

7. གནད་ལ་འཁེལ་ཡོད་མེད་མི་ཤེས་གང་ལྟར་ཆོས་པ་ཡིན་ཟེར་མཁན་སྐོར་ཞིག་ལ་དག་ཐེར་བྱེད་རན་ཡིན་པ་ཤེས་ཡོན་པ་ཚོས་ཤེས་གི་ཡོད་པ་རེད། ཁྱེད་རང་གི་སྐད་ཆར་ཞིབ་ཆ་མང་དུ་ཐོན་ན་འདི་ལས་ཡག་གི་བསམ་སོང་།

8. ད་ནི་བོད་པ་འདི་ཚོར་སྙིང་རྗེ་འོང་གི་འདུག བོད་ལ་ཁོང་གཉིས་ལྟ་བུ་ཞིག་ད་ལྟ་ལར་ནས་མེད་ཚོད་རེད། ད་དུང་ཡང་ཁོང་གཉིས་ལ་ཁ་བཏང་འགོ་བརྩམས་ཀྱིས་འདུག དངོས་གནས་སྙིང་རྗེ་ཡ་ངུ་དྲོ་བ་ཞིག་རེད། སངས་རྒྱས་སྒོ་ཁར་འགྲིམ་ཡང་བསོད་ཟད་དད་ལོག་སྐྱེ་ཞེས་པའི་དཔེ་ལྟར་རེད། བརྗོད་བྱ་རྗོད་བྱ་དང་ཚིག་འགྲོས་དག་ཆ་སོགས་ཀྱིས་དབུལ་བའི་རྩོམ་འཆལ་འདིར་རིན་ཐང་ནི་ཏིལ་ཙམ་ཡང་མེད་པར་མ་ཟད། ཡི་གེ་གད་སྙིགས་སྤུངས་བཞག མ་གཞི་ནམ་མཁའ་ཟེར་བ་འདིའི་ཁོག་ན་གདོན་ཞུགས་པས་སྐད་ཆ་སྲོང་པོ་ཞིག་བཤད་མི་ཤེས་པའི་ཚོད་དུ་འདུག་ན། སང་གནང་བས་འགོ་བཙུགས་ཏེ་སྨན་ཁང་ནང་སྟོན་མ་གཏོགས། སྟབས་ཉེས་ན་བླ་བོར་ནས་རང་ཤི་རྒྱག་རྒྱུར་འཁེལ་འོང་།

9. རང་སེམས་མ་དག་མི་སེམས་དཀྲུགས་#ཧཧཧབོད་པ་ཚང་།

10. ཕྲག་དོག་ཅན་ལ་བཤད་མ་བཤད་མ་མེད་རེད། ལྷ་ལུང་དཔལ་རྡོར་སྲིད་མི་ཤེས་ཡིན་ན། ཁྱོད་ཆོས་མེད་ཤེས་མཁན་ལས་འབྲས་ནམ་མཁའ་སྟོང་པ་དོན་མཚུངས་སོ། ཡ་ཀུ་རེ་ཡིན། མཁན་ཚུལ་བློའི་སློབ་རྒྱུད་རྒྱ་མི་རིགས་རྣམས་༧ གོང་ས་མཆོག་དེ་འདྲ་དད་གུས་ཅན་ཡིན་པས་མ་དཀེ་ཟས་ལོངས་སུ་སྤྱོད་པ་ཡིན

11. ཁོང་གཉིས་ཡག་ན་ངན་བོད་པ་རེད། ཁོང་ཚོས་ཤ་ཟ་ན་མི་ཟ་ན་བོད་པ་རེད། ང་བོད་པ་ཞིག་ཡིན། བོད་པ་ཐ་ཤལ་པ་ཞིག་ཡིན། ཤ་ཟ་མཁན་གྱི་བོད་པ་ཞིག་ཡིན། ཉ་ཟ་མཁན་གྱི་བོད་པ་ཞིག་ཡིན། རྒྱལ་ཁབ་སུམ་ཅུ་ལྷག་ལ་འཁྱར་བའི་བོད་པ་ཞིག་ཡིན། སྐད་རིགས་ལྔ་དང་བོད་རང་གི་སྐད་ཡིག་བཅས་དྲུག་བཤད་ཤེས་མཁན་ཞིག་ཡིན། རྒྱལ་ཁབ་བཞིའི་ནང་བོད་ཀྱི་སྲོལ་རྒྱུན་དང་འབྲེལ་བ་མེད་པའི་ལས་ཀ་ལས་ནས་ཁ་གསོ་མཁན་གྱི་བོད་པ་ཞིག་ཡིན། རྔུལ་ཆུ་གཏོང་ཕོད་མཁན་གྱི་བོད་པ་ཞིག་ཡིན། བོད་ལ་དགའ་མཁན་གྱི་བོད་པ་ཞིག་ཡིན། ད་སྐུ་མཁྱེན་ཁྱེད་ཚོས་ཡར་བཤད་མར་བཤད་བྱས་མཁན་པོ་ཁོང་གཉིས་སོགས་བོད་ཀྱི་མི་སུ་དང་གང་ལ་ཁ་མ་གཏོང་རོགས། རང་རང་ས་ནས་རང་གི་གང་འཇོན་པ་དེ་ལས་ནས་ཤོག་དང་དེ་གཙོ་བོ་རེད།།།།།།།།།།།།།།།

12. ཚང་མ་ལ་བཀའ་དྲི་ཞུ་རྒྱུར་སངས་རྒྱས་བཅོམ་ལྡན་འདས་ཤ་མེད་བཞེས་མཁན་རེད་དམ་ཤ་ཡོད་བཞེས་མཁན་རེད་དམ་

13. སྔོན་ཆད་མཁན་པོ་ཚུལ་ཁྲིམས་བློ་གྲོས་ཚང་གིས་ཉིག་ཡོར་ལ་རྩེ་དཔེ་མཛོད་ནས་གསུང་བཤད་གནང་དུས་བཅོམ་ལྡན་འདས་ཐེག་དམན་པའི་ལུགས་ལ་ཤ་ཡོད་རེད། ཤ་ཕུལ་ན་བཞེས་ཀི་རེད་གསུངས་སོང་།

14. ཤ་ཡི་བསོད་སྙོམས་ཕུལ་མ་ཕུལ་ལ་རག་ལས་ཀྱི། ཤ་བཞེས་མི་བཞེས་ལ་རག་མི་ལས་པ་འདྲ། དེ་བཞིན་དུ་དགེ་སློང་སྤྱི་ལ་ཡང་སྦྱར་རིགས་སྙམ།

15. བཅོམ་ལྡན་འདས་ཀྱིས་ཐེག་དམན་ལུགས་སུ་རྣམ་གསུམ་དག་པའི་ཤ་ཟར་རུང་གསུངས་པ་ལས། བླ་མ་གྲྭ་བ་ཞབས་བརྟན་ལ་གདན་དྲངས་ཏེ། ་སྒོ་ཕྱུགས་བསད་པའི་ཤ་ཡི་སྟོན་མོ་ཕུལ་བ་བཞེས་ན་ནི་མ་འགྲིགས་པ་རེད།

16. རང་གིས་དམར་ཟས་སྤོང་མི་ནུས་རུང་། གཞན་གྱིས་སྤངས་པ་ཡི་རང་བྱོས་ཤིག

17. དེང་གི་ཚན་རིག་དང་མཐུན་པའི་ལོ་རྒྱུས་ཁས་ལེན་གི་ཡིན་ཟེར་མཁན་ཚོའི་ལུགས་སུ་བྱས་ན་་་ཤཀྱའི་རྒྱལ་པོས་ཕག་ཤ་རྙིང་པ་རྒྱགས་ཚད་ཟོས་རྗེས་གྲོ་ཁོག་གཤེ་ནས་སྐུ་བཀྲོངས་སོང་བ་རེད་ཟེར། ལུགས་འདིར་ཁས་ལེན་མཁན་ཁ་བརྡའི་ཐོག་གི་ཤེས་ཡོན་ཅན་སྤོབས་པ་མཐའ་ཡས་ཟེར་བ་ཁོང་གཙོ་བོ་རེད། དོགས་པ་ཡོད་ན་ཁོང་ལ་དྲིས་དང་། ལན་གསལ་པོ་རེ་རྙེད་ཀྱི་རེད།

    ཕག་ཤ་རྙིང་པ་ཟོས་པ་བདེན་ན་ནི་བཅོམ་ལྡན་འདས་ཀྱིས་ཤ་བཞེས་ཀྱི་ཡོད་པར་ཁས་ལེན་དགོས་ངེས་རེད་བ་་་་ཧཧཧ

18. དམར་ཟས་དང་བཀོར་ཟས་གཉིས་སྡིག་པ་གང་གི་ཆེ་བ་ཡིན་ནམ། འབྲེལ་བཤད་འདྲ་ཡོད་ན་ཤ་མེད་རྒྱགས་པ་ཚོས་གནང་རོགས་བྱོས། ་་ཧཧ

19. བོད་ལ་མཁན་ཆེན་རྣམ་གཉིས་ལྟ་བུ་བླ་ཆེན་མི་ཆེ་སུ་གང་ཡང་མེད་པ་ཡོང་གྲགས་རེད་། ཁོང་གཉིས་ཀྱིས་བཀའ་དྲིན་ནི་བོད་གངས་ཅན་ལྗོང་ཡོང་ཀྱིས་ཤེས་གསལ་རེད་། བཙན་འབྱོར་ནང་མི་ངན་ཁ་ཤས་ཕྲག་དོག་ཀྱིས་རྩོམ་རིག་ཁ་ཤས་སྤེལ་བ་དེ་ལ་གོ་མེད་པ་མ་ཟད་སྙིང་རྗེ་གནས་སུ་མཐོང་། དེ་སང་བོད་ལ་སྐད་དང་རིག་གནས་དར་ཡར་རྒྱས་ཨེ་འགོག་དང་་འཁོར་ཡུག་སྲུང་སྐྱོབས་ནང་འཛིང་སོང་མི་ཡོང་བ་བཀའ་དྲིན་དེ་མཁན་ཆེན་རྣམས་ཀྱིས་བཀའ་དྲིན་ཡིན་པ་ཤེས་པ་གྱིས།

20. ནམ་མཁའ་། ཉིན་གཅིག་ཡང་༧ གིང་ས་མཆོག་ནས་མི་ནག་སྐྱ་བོ་ཚོ་ལ་རིག་ལམ་རྩོད་རྒྱུགས་སྲོལ་བཏད་བས། དེང་སང་ཡུག་ས་མ་སོགས་ཡར་ལང་ནས་རྩོད་ཐལ་བ་དང་འཁོར་གསུམ་སོགས་སྒྱུ་རྩལ་ལ་གར་སྟེགས་བྱས་ོ་དེ་ཡང་ད་བར་བོད་ལ་མ་བྱུང་བ་དེ་བྱས་སོང་ཟེར་བཀུར་འདེབས
    བྱས་རྩིས་མ་གནང་རོག

21. ང་ཚོ་བོད་མི་རིགས་ཀྱི་གོམས་གཤིས་དང་རིག་གནས་ལ་དགའ་ཞེན་ཆེ་ཤོས་ཞིང་འབྲོག་ཁུལ་དུ་གནས་པས། རང་ས་རང་སྲུང་དང་བོད་ཀྱི་གོམས་གཤིས་རྒྱུན་སྐྱོང་དགོས་ན། རེ་ཞིག་སྡིག་པ་སྡིག་པ་རང་མ་གསུང་པར་ཐབས་མཁས་པོས་གསུང་ཆོས་གནང་ན་ང་ཚོ་བོད་མི་རིགས་ཀྱི་རིག་གནས་དང་གནའ་སྲོལ་རྒྱུན་འཛིན་ལ་ཕན་པ་ཆེ་སྙམ།

22. མཚོ་པདྨའི་གྲུབ་ཕུག
    https://www.facebook.com/tara.doma/videos/974615322656988/

23. བསྡུས་གྲྭ་དགོས་མིན་སྐོར་གྱི་དྲི་བ་དང་དྲིས་ལན། ལན་འདེབས་མཁན་ མཁན་ཆེན་ཚུལ་ཁྲིམས་བློ་གྲོས།https://www.facebook.com/TONGKORTHUPTEN/posts/10154073241986877?pnref=story.unseen-section

24. ཨེ་་་ཀརྡོ་་་་མཁན་པོ་ཚུལ་བློས་ཅི་བཤད་ཀྱི་ཡོད་རེད་དམ། ཁྱོད་ཀྱིས་ཆ་ཚང་གོ་སོང་ངམ། བྱུང་ན་ཚུལ་བློའི་གསུངས་བཤད་བརྙན་དཔར་དེ་ཁ་བརྡའི་ཐོག་ཏུ་འདྲེན་བཀོད་ཤིག་བྱོས། དེའི་འོག་ཏུ་ཚུལ་བློའི་སྐད་ཆ་དེ་དག་ཡིག་ཐོག་ཏུ་བྲིས་ན་དྲ་གྲོགས་ཡོངས་ཀྱིས་བགྲོ་གླེང་བྱེད་ཆོག་གི་རེད་བ།

    ཚུལ་བློའི་སྐད་ཆ་དེ་དག་ངས་ཡག་པོ་ཞིག་གོ་ཐུབ་ཀྱི་མི་འདུག ཡིན་པ་མིན་པར་སྒྱུར་ཐུབ་ན་བསྡུས་གྲ་བཞག་མི་ཐུབ་པ་རེད་ཟེར་བ་འདྲ་པོ་ཁྱད་མཚར་དེ་འདྲ་བཤད་འོང་བཞིན་འདུག ཀརྡོ་ཁྱོད་ཀྱིས་ཡིག་ཏུ་ཕབ་རོགས་བྱོས་དང་། མ་གཏོགས་བོད་མི་ཚོས་གོ་ས་མ་རེད།

25. ཏི་སི་ལགས། ཁྱོད་རང་ཕྱི་རོལ་མུ་སྟེགས་པའི་རྗེས་འབྲངས་ཤིག་ཡིན་ཟོལ་འདུག་ག ཡུགས་ས་མར་སྡང་ལུགས་ལ་བལྟས་ན་ཁྱོ་པོ་ཤི་ཚར་རྗེས་བཟའ་ཚེ་རོགས་གསོན་སྲེག་བྱེད་དགོས་པའི་མུ་སྟེགས་པའི་ལུགས་དངོས་སུ་ལག་ལེན་ཡང་སྟར་འོང་ས་རེད་བསམས་བསམས་འདྲ་ཞིག་འདུག

    ཆོས་འཇིག་རྟེན་གང་ཐོག་ནས་བཤད་ནའང་ཡུགས་ས་མར་སྡང་མཁན་མི་རྣམས་སྐྱེ་བོ་ཐ་ཤལ་བ་རྐྱང་རྐྱང་རེད། ཡུགས་མོ་གསོན་སྲེག་བྱས་པའི་མུ་སྟེགས་པའི་བསྟན་པ་དར་ས་རྒྱ་གར་དང་བལ་ཡུལ་གཉིས་ལ་ཡང་དེང་སང་གསོན་སྲེག་བྱེད་ཆོག་གི་མེད། འཇིག་རྟེན་ཀུན་སྤྱོད་དང་མ་མཐུན་ནས་ཡུགས་མོ་གསོན་སྲེག་བྱེད་ཀྱི་མཚམས་ཆད་པ་རེད།

    ཐེག་ཆེན་པའི་ལུགས་སུ་བྱས་ན་ཡུགས་ས་མ་ལ་སྡང་བ་དང་མཐོང་ཆུང་ཁྱད་གསོད་བྱེད་མཁན་ཞིག་ཡིན་ན་ཐེག་ཆེན་ལམ་ལ་ཞུགས་པའི་ཐོབ་ཐང་མེད། ཆོས་དང་མི་མཐུན་པའི་སྐད་ཆ་རེད། རྗེས་སུ་ཡུགས་མོ་ཚོ་ལ་མཐོང་ཆུང་བྱེད་ཀྱི་མཚམས་ཞོག་་་ཨ ཡུགས་ས་མ་ལ་ཡང་ཆོས་རྩོད་རྒྱབ་ཆོག་པའི་ཐོབ་ཐང་ཡོད་རེད་ད། ཡུགས་ས་མ་ལ་ཆོས་བྱེད་པའི་རང་དབང་ཡོད་རེད། ཆོས་འཇིག་རྟེན་གཉིས་ཀའི་ཐོག་ནས་ཐོབ་ཐང་ཡོད་རེད་ད་་་་་ཅེས་གསལ་བཤད་ཡིན།

26. བོད་རིག་པའི་མཁས་དབང་མཁར་རྨེའུའི་རྩོམ་ཡིག་ཅིག་ནང་་་རྒྱ་ཁ་ཆེ་་་ཚོས་བོད་ས་གང་ས་གང་ནས་བཟས་འགྲོ་གི་འདུག་ཅེས་བྲིས་གནང་འདུག ཡིན་ནའང་ད་བར་བོད་པའི་ཚོགས་པ་སྐྱིད་སྡུག་ཁག་དང་བླ་སྤྲུལ་རྣམ་པ་དང་རྩོམ་པ་པོ་ཚོས་འདི་ཚོས་སྐོར་ལ་བཤད་པ་དང་བྲིས་པ་ཞིག་མ་མཐོང་། གཅིག་བྱས་ན་མཁས་དབང་ཁོང་གིས་གསུངས་དེ་ལ་བདེན་དོན་མེད་པ་ཡིན་ནམ། །

27. མཁས་དབང་དགེ་ཆོས་ཀྱིས། མདོར་ན་ཕྲག་དོག་ཅན་གྱི་སྐྱེ་བོ་འདི། །དགའ་བའི་དངོས་པོ་གཞན་གྱི་རྒུད་པ་ཉིད། གསུངས་པ་ལྟར་ཕྲག་དོག་དང་ཕྱོགས་རིས་ཅན་ལ་མི་གཞན་ཉམ་ཞིང་རྒུད་པ་མཐོང་ན་མ་གཏོགས་ཁོ་ཚོ་དགའ་བའི་དུས་ཤིག་མི་སྲིད་པ་རེད། དེ་མིན་མཁན་པོ་ཚུལ་བློ་དང་བསོད་དར་གཉིས་ནི་བོད་ཀྱི་ནང་ཆོས་དང་རིག་གཞུང་གི་སྲོག་ཤིང་ལྟ་བུ་གྱུར་ཡོད་པ་ཀུན་གྱིས་ཤེས་གསལ་རེད། དམར་ཟས་ཀྱི་སྐོར་ནས་ཀྱང་ནོར་ལུག་མང་པོ་བཤས་ར་ལ་སྡེབ་ཚོང་མ་བྱེད་གསུངས་པ་ལས། སོ་སོས་ཟ་རྒྱུ་དང་བཞོ་རྒྱུ་འཚོ་སྐྱོང་མ་བྱེད་ཅེས་གང་དུ་ཡང་གསུངས་མེད།