ཡུ་རོབ་ཡུལ་སྐོར་ལྗོངས་རྒྱུ་ལ་སྦྱིན་བདག་ཅིག་འཚོལ་བཞིན་ཡོད།

Comments (16) on “ཡུ་རོབ་ཡུལ་སྐོར་ལྗོངས་རྒྱུ་ལ་སྦྱིན་བདག་ཅིག་འཚོལ་བཞིན་ཡོད།”

1. དྲ་གྲོགས་ཀླུ་སྨྱོན་ལགས།

   ཕ་རན་སི་ལ་ཆོས་ཚོགས་རྒྱུ་ཆེ་ཤོས་དེ་བསོད་རྒྱལ་རིན་པོ་ཆེ་རེད། ཁོང་ནས་རྙིང་མའི་སྤྲུལ་སྐུ་མང་པོ་ཁོང་གི་ཆོས་ཚོགས་ལ་འགྲོ་སོང་བཏང་ནས་གདན་ཞུ་གནང་གི་འདུག ཉིད་ཀྱང་ཚད་ལྡན་རྙིང་མའི་ཆོས་རྒྱུད་འཛིན་པ་ཞིག་ལ་སོང་། ཁོང་ལ་རེ་བ་ཞུས་ན་ཕན་པ་ཆེ། དེ་བཞིན་རྫོང་གསར་མཁྱེན་བརྩེ་ལ་ཐེབས་རྩ་ཚོགས་པ་ཞིག་འདུག་པས། ལོ་ལྟར་ཨ་སྒོར་ས་ཡ་གཉིས་ཙམ་ནུབ་ཕྱོགས་ཀྱི་ཉམས་ལེན་པ་ཚོར་གཏོང་བཞིན་འདུག་ན། ཁོང་ཚོར་འབྲེལ་བ་གནང་ན་ལེགས། kyentse Foundation ཟེར། ཁ་སྔོན་རྫོང་གསར་ཐེབས་རྩས་གསུངས་པར་ཁོང་ཚོར་སྒོར་མོ་ཡོད་རུང་བོད་པ་ཉམས་ལེན་པ་དང་བླ་མ་ཚོའི་ཞུ་ཡིག་གཏོང་མཁན་མིན་འདུག མང་ཆེ་བ་ནུབ་ཕྱོགས་པའི་མིས་ཞུ་ཡིག་བཏང་སྟབས་ཁོང་ཚོར་མི་སྤྲོད་ཐབས་མེད་ཟེར།

2. ཧཧཧཧ་་་་་བྲེལ་ཟིང་གི་ཀློང་དུ་ཚུད་ནས་ཡོང་སྒོ་མེད་མཁན་དང་ཨེ་ཡིན་ནམ། ངལ་བ་མི་དགོས་ཀུན་དགའ་ལྷུན་འབེར་ཅིག་་་་་་་་ད་མི་བཤད་ཨ་རོ་་་་་་

3. གོ་ལ་འདིའི་རོལ་དབྱངས་གྲོང་ཁྱེར་Vienna ་ལ་སླེབས་སོང་ན་འབྲེཀ་བ་བྱོས་དང་སྐབས་ཐོག་གྲོང་ཁྱེར་ལ་ཡོད་ན་སྣེ་ལེན་བྱེད་ངེས་ལ་མེད་ཡིན་ན་ཡང་ཁང་ལིའི་ལྡེ་མིག་སུ་ལག་ལ་ཡོད་བཤད་ཡོང་།།

4. ཀླུ་སྨྱོན་ཧང་གྷ་རིའི་གནམ་ཐང་ཕེབས་ཐུབ་ན། དེ་ནས་ངའི་ཕེབས་བུས་ཐུབ་པ་དང་། ངའི་བུའི་ཁང་ཆུང་ཉལ་ཁང་ནང་ལ་གཟིམ་ཆོག་པ་དང་། ཉིན་ཤས་བཞུགས་རིང་གསོལ་ཚིགས་ཕུལ་ཐུབ་ན་ཡང་། དེ་མིན་འགྲེམ་སྟོན་སོགས་ལ་ཕེབས་ཡོན་སོགས་ནི་ཕུལ་ཐུབ་པ་མི་འདུག

5. ངོ་དེབ་ནང་གི་གྲོགས་པོ་སྐོར་ཞིག་གིས་སྦྱིན་བདག་བྱེད་རྒྱུ་ཁས་ལེན་བྱས་སོང་། ཁ་བཤད་དོན་ལ་གནས་པ་ཡིན་ན་ད་ཕལ་ཆེར་སྦྱིན་བདག་གི་ཕྱོགས་ནས་སེམས་ཁྲལ་མེད་པ་འདྲ།

6. ལྟད་མོ་རང་གི་སེམས་ལ་ལྟོས། ལྟད་མོ་ཆེན་པོ་དེ་ན་འདུག ཡུལ་སྐོར་སྤྲོ་འཁྱམས་ལྗོངས་རྒྱུ་སོགས། སྙིང་བོས་དབེན་པ་རྨི་ལམ་བཞིན། །

7. ཁྱེད་ཕེབས་ནས་རིགས་པའི་འགྲུལ་བཞུད་ཅིག་བྱས་ཏེ་འཆར་སྒོ་དང་མཐོང་སྣང་ཚང་མ་དེབ་ཅིག་ཏུ་བཅོས་ཏེ་སྦྱིན་བདག་ཞུ་མཁན་ཚོར་ཐུགས་རྗེ་ལེགས་གསོལ་དུ་འཇོག་རོགས།
   ང་ནི་དེང་སང་ཨོ་གླིང་ལ་ཡོད། ང་རང་ཡང་སྐྱབས་བཅོལ་རང་གི་གནས་སྟངས་སུ་ཡོད་སྟབས་རོགས་པ་ཞུ་ཐུབ་པ་མི་འདུག
   ཁྱེད་ཀྱི་འཆར་འགོད་ཚང་མ་ཡག་པོ་ཡོང་བར་སྨོན།

8. ད་ཕལ་ཆེར་སྦྱིན་བདག་རག་ཚར་འདུག །
   ཁོང་རྣམ་པར་བཀའ་དྲིན་ཆེ་ཞེས་ཞུ། །

9. ང་ཡང་ཁྱེད་ཀྱི་རྐུབ་གཡོག་པའི་ཚུལ་དུ་ཁྲིད་རོགས་ཞུ། དེ་ཡི་དགེ་རྩ་ཚང་མ་ཁྱེད་ལ་བསྔོས་བ་ཡིན། ཧ་ཧ་ཧ།

   དུས་རབས་གསར་བའི་སློང་མོ་བ་ཟེར་ན་ཁྱེད་རེད། སློང་སྟངས་ཡག་པོ་འདུག། ཨ་མདོའི་གྲོང་གསེབ་ལ་ལྟ་སྐོར་དུ་ཡོང་ན། ཤ་མེད་ཐེན་ཐུག་ཞིག་གི་འགྲོན་ཁ་ཡོད་དོ།

10. ཕུན་ཚོགས་ཕོ་བྲང་གི་བདག་མོས་གཡོག་ལས་བསྐུལ་རྒྱུ་མ་གཏོགས་སྒོར་མོ་སྤྲོད་ཀྱི་མེད་པ་འདྲ། སྙིང་རྗེ་་་་་་

11. མི་ཚེ་གཅིག་པུར་སྦྱིན་བདག་བཙལ་ནས་གཞན་རྒྱུ་སྤྱད་ནས་ཤི་ན་ཕྱི་མ་ནས་གང་ལ་སྐྱབས་འཚོལ་དགོས་སམ།

12. ཁ་ཆེ་དྲག་སྤྱོད་པའི་གནས་མལ་ཆེ་ཤོས་སྤེལ་ལྗམ་ལུང་བར་སླེབས་ན་འབྲེལ་བ་བྱེད་ར་འགྲོ་འདུག་གནས་མལ་ཆ་ཚང་གི་སྦྱིན་བདག་བྱ་ཆོག ད་རུང་རྣམ་འབྱོར་མ་འདྲ་དགོས་ནའང་རོགས་སུ་ཕུལ་ཆོག ཨ་ལགས་ཚང་གི་ཐུགས་ལྷོད་ལྷོད་ངང་འདི་ཕྱོགས་སུ་ཕེབས་པའི་རེ་བ་ཡོད།

13. དབྱིན་ཡུལ་དུ་ཕེབས་ན་དབྱིན་མོ་མེ་ཏོག་འདྲ་ཞིག་དང་དབྱིན་སྒོར་དུམ་པ་གཅིག་གི་སྦྱིན་བདག་བྱ་ཆོག

14. དཀའ་སྡུག་རྔུལ་ཆུས་མནར་བའི་གྲོགས་པོ་ལ།།
    རྒྱུ་ནོར་རྟག་མིན་ཡིན་རབས་ཆོས་བཤད་བྱེད།།
    མི་ཚེར་གང་དགར་འདུག་པའི་ཀླུ་སྨྱོན་ཁྱེད།།
    རྒྱུ་ནོར་མི་རྟག་རང་གི་སེམས་ལ་བསྒོམ།།

    ཨ་རིར་བྲེལ་ཟིང་བྱེད་པ་དངུལ་གྱི་དོན།།
    རིན་མེད་ཆོས་བཤད་བྱེད་མཁན་རི་བོང་རྭ།།
    ཉམས་ཆུང་མི་ལ་སྦྱིན་བདག་མ་ཞུ་རོགས།།
    སྲིད་སྐྱོང་སེང་གེས་རང་ཁ་རང་གསོ་ཡི།།
    དགོས་ལུགས་གཏམ་བཤད་ཡང་ཡང་མ་གོ་འམ།།

15. ཕ་གོར་སོང་ན་རིག་པ་ཆོས་ཚོགས་ཡོད།།
    ཁྱེད་རང་རྙིང་མ་ཡིན་པས་ཕེབས་བསུ་ཞུ།།
    སི་པན་སོང་ན་ས་སྐྱའི་ཆོས་ཚོགས་ཡོད།།
    ཁྱེད་རང་ས་སྐྱ་ཡིན་པས་ཕེབས་བསུ་ཞུ།།
    སུས་སིར་སོང་ན་དགེ་ལྡན་ཆོས་ཚོགས་ཡོད།།
    ཁྱེད་རང་དགེ་ལུགས་ཡིན་པས་ཕེབས་བསུ་ཞུ།།
    དེ་བཞིན་ཡུ་རོབ་གང་སར་ཆོས་ཚོགས་ཡོད།།
    དེ་ཚོར་སོང་ན་དངུལ་ལོར་སྦྱིན་ངེས་རེད།།
    ཉམས་ཆུང་གྲོགས་པོར་སྦྱིན་བདག་མ་ཞུ་རོགས།།

16. ཀ་ཐ་མན་ཀྲུའི་རྒྱལ་ས་བལ་ཡུལ་ནས། ། ཁ་བའི་ལྗོངས་སུ་གཉེན་འཕྲད་འགྲོ་སྐབས་སུ། ། ག་ཤེད་ཅིག་ནས་ཆོས་གྲོགས་ཀླུ་སྨྱོན་གྱིས། ། ང་ལ་ཅང་མེད་ཟེར་བཞིན་སློང་རྒྱག་ཟེར། ། ཅ་རིལ་བཞིན་དུ་ཁུམ་ནས་མི་འདུག་པར། ། ཆ་མེད་ཨ་རིའི་ཡུལ་དུ་འགྲོོ་དོན་ཆེད། ། ཇ་མདོག་ཆོས་གོས་གྱོན་བཞིན་ངལ་བ་བརྒྱས། ། ཉ་མ་སློབ་མའི་འཁོར་ཚོགས་སྡུད་ཞེས་ཐོས། ། ཏཱ་ལའི་བླ་མ་ལ་སོགས་དྲིན་ཆེན་རྣམས། ། ཐ་མལ་རྒྱ་གར་ཡུལ་ནས་བསྐྱུར་བྱས་ཏེ། ། ད་ལྟ་ཨ་རི་ཀླུ་ཡི་ཞིང་ཁམས་ནས། ། ན་ནིང་ནས་བཟུང་ད་དུང་སྤྱིན་བདག་འཚོལ། ། པ་ལི་ལ་སོགས་ཡོ་རོབ་རྒྱལ་ཁམས་སུ། ། ཕ་རོལ་མ་བརྟེན་འགྲོ་བར་མི་ནུས་ན། ། བ་ལང་རྫི་བོ་ཉམ་ཐག་ཅན་ལ་ཡང་། ། མ་དོ་ཟེར་ན་འཕྱ་སྨོད་མིན་ཙམ་གདའ། ། ཙ་ཙོར་སྤྲང་པོའི་འཚོ་བ་མ་འདོད་པར། ། ཚ་ཚ་འུར་འུར་ནུབ་ཕྱོགས་རྒྱལ་ཁབ་ཏུ། ། ཛ་དྲག་ངང་ནས་སྔོན་ནས་ཐར་ན་ཡང་། ། ཝ་རེ་ཝུ་རེར་གཞན་ལ་ལག་པ་བཟེད། ། ཞ་སྨྱུག་བཟུང་ནས་གསར་རྩོམ་མ་བྲིས་ཞིང་། ། ཟ་ངེ་ཟིང་ངེར་རྒྱུ་ནོར་མི་བཙལ་བར། ། འ་འུར་འདུ་འཛི་ཆེ་བའི་ནེའུ་ཡོག་ནས། ། ཡ་མཚན་སྨྱོན་པའི་མཛད་པ་གང་ཞིག་བསྐྱངས། ། ར་ངེ་རོང་ངེའི་མཆོད་རྟེན་སྐོར་ལམ་ན། ། ལ་ལུང་འདྲ་མིན་ཕྱུག་བདག་མང་འདུག་པས། ། ཤ་ཚའི་བསམ་པས་ཨ་ཁུ་ཀླུ་སྨྱོན་ཆེད། ། ས་སྲོད་སླེབས་དུས་སྒྲོལ་འདོན་བྱེད་དགོས་བསམ། ། ཧ་ཧ་དེ་རིང་མངར་ཇའི་རོ་མྱོང་བཞིན། ། ཨ་ཁུ་སྨྱོན་པར་བསྙད་ཅིག་བསྐོ་ཕྱིར་བྲིས། །