དམ་ཆོས་འདུལ་བའི་བགྲོ་གླེང་།

Comments (22) on “དམ་ཆོས་འདུལ་བའི་བགྲོ་གླེང་།”

1. ་་་་་་་་་་་་་་་་དགེ་སློང་གི་འཚོ་བའམ་ཀུན་སྤྱོད་ཀྱི་སྐོར་་་་་་་་་་་་་

2. པདྨ་ལགས། མཚན་མཐུན་ཆགས་སྤྱོད་དེ་དགེ་ལུགས་ནང་གཅིག་པོ་ཨེ་ཡིན་ནམ། རང་ཡང་ཕྱོགས་ཞེན་གྱིས་མཁྲིས་ནད་ཕོག་འདུག་གདའ། བཤད་འདོད་ན་དྲང་མོ་ཤོད་ཤོག་་་་་་་འདུལ་བ་གཞིར་བཞག་ནས་་་་་་་་

3. #2 པདྨ ཁྱེད་ཀྱི་མཚན་མཐུན་གྱི་གོ་དོན་ངོ་མ་དེ་མ་ཤེས་པར་སྤྱི་ཚོགས་སྟེང་འགན་འཁུར་མེད་པའི་ཡིག་ཉོག་མ་བྲིས་ན་ལེགས་སཆ ལས པཉེལ ངཅི རའགཅེན བས །དི ཤཆ ཡིནཨ

4. #2 པདྨ ཁྱེད་ཀྱི་མཚན་མཐུན་གྱི་གོ་དོན་ངོ་མ་དེ་མ་ཤེས་པར་སྤྱི་ཚོགས་སྟེང་འགན་འཁུར་མེད་པའི་ཡིག་ཉོག་མ་བྲིས་ན་ལེགས་སམ་ལས་བྲེལ་གྱི་རྐྱེན་པས་འདི་ཙམ་ཡིན།

5. ཆགས་བྲལ་སྔོན་སོང་ཡིན་ན་གང་ཤེས་མ་གཏོགས། ཕལ་ཆེར་ཁག་པོ་ཡིན་འགྲོ། ཡིན་ནའང་སྒྲུབ་རྒྱུད་ཡིན་མདོག་གིས་སྐྱེས་དམན་བསྟེན་ཏེ། མལ་འབྱར་རྒྱབ་འཁུར་གྱིས་རྡོར་གདན་དུ་སྨོན་ལམ་འགྲིམས་བཞིན་པ་ནི། སྤྲང་ཚོགས་སྤྲང་འགྱེད་ལ་རྔམས་པ་ལྟར་མཐོང་ངོ་། །རྟོགས་ལྡན་ལ་ནི་དམིགས་གསལ་ལོ། །

6. ༧རྒྱལ་དབང་དགྱེས་པའི་མཆོད་སྤྲིན་བཟང་པོ་ཞིག་ཕུལ་འདུག་པ་ཧ་ཅང་བཟང་། སྟོན་པ་འཇིག་རྟེན་ཁམས་སུ་བྱོན་པ་ལྟར། བསྟན་པ་ཉི་འོད་བཞིན་དུ་གསལ་བ་དང་། བསྟན་འཛིན་ཕུ་ནུ་བཞིན་དུ་མཐུན་པ་ཡིས། བསྟན་པ་ཡུན་རིང་གནས་པའི་བཀྲ་ཤིས་ཤོག

7. ཕྱི་ཡིས་སྤྱོད་པ་དམ་ཆོས་འདུལ་བ་དང་། །ནང་སྤྱོད་པ་བྱང་ཆུབ་སེམས་དང་ལྡན། །གསང་བའི་སྤྱོད་པ་གསངས་སྔགས་དམ་ཚིག་ལྡན། །སྡོམ་གསུམ་པ་བོད་ཀྱི་ཁྱད་ཆོས་ཡིན།།

8. ཕྱི་ཡིས་སྤྱོད་པ་དམ་ཆོས་འདུལ་བ་དང་། །ནང་གི་སྤྱོད་པ་བྱང་ཆུབ་སེམས་དང་ལྡན། །གསང་བའི་སྤྱོད་པ་གསངས་སྔགས་དམ་ཚིག་ལྡན། །སྡོམ་གསུམ་པ་བོད་ཀྱི་ཁྱད་ཆོས་ཡིན།། དེས་ན་སོ་བྱང་སྔགས་གསུམ་གྱིས། །སླབས་པ་རྣམས་ལ་བརྩོན་པ་མཐར་ཕྱིན་བྱ།། དེ་གསུམ་ལྡན་ན་ཆོས་པ་ཚན་ཉིད་ཡིན།

9. ཧ་ཅང་ལེགས་སོ་བྱ་བ་བཟང་ངོ་། འོན་ཀྱང་དྲི་བ་ཞིག་ཞུ་འདོད་པ་ཡིན།
   སྟོན་པ་བཅོམ་ལྡན་འདས་གང་ཟག་གཅིག་གི་སྐྱེ་བ་གཅིག་གི་ལུས་རྟེན་གཅིག་ལ། འདུལ་ལུགས་མི་འདྲ་བ་གཉིས། གཞི་ཐམས་ཅད་ཡོད་པར་སྨྲ་བའི་འདུལ་ལུགས་དང་། གནས་བརྟན་སྡེ་བའི་འདུལ་ལུགས་གཉིས་ཆ་བསྲུངས་ནས་སྐུ་ཚེ་གང་པོ་ག་འདྲ་བྱས་ནས་བསྐྱལ་བ་ཡིན་ནམ། །

10. ཐེག་དམན་འདུལ་བའི་བརྒྱུད་པ་ལ། སྡེ་པ་བཅོ་བརྒྱད་ཡོད་རེད། བོད་ནང་གཞི་ཐམས་ཅད་ཡོད་པར་སྨྲ་བའི་སྡེ་པ་མ་གཏོགས་མེད་པ་ནི། སློབ་དཔོན་ཞི་བ་འཚོའི་བརྒྱུད་ལུགས་ཁོ་ནས་དབང་དུ་བྱས་ཙང་དེ་ལྟར་ལམ་ལུགས་སུ་ཆགས་པ་རེད། ཡང་། ཇོ་བོ་རྗེའི་སྡེ་པ་དེ་ནི། འདི་དང་མི་འདྲ་ཡང་། རྒྱལ་བ་འབྲོམ་སྟོན་པས། དགོས་པ་ཅིག་ལ་གཟིགས་ནས། སྡོམ་རྒྱུན་མ་སྤེལ་རོགས་ཞེས་ཞུ་འབུལ་གནང་སྐད་ཀྱང་འདུག་ལགས།།

11. འདུལ་བའི་གཞུང་ལ་བགྲོ་གླེང་གནང་བ་བཟང་། །རྐུ་ཕམ་རྫུན་ཕམ་དོ་སྣང་མེད་དེ་སྐྱོ།།

12. ཀརྡོ་གཉེར་ཕྱག་པ་ལགས་ཀྱིས་དུས་ལྟར་ཕྲན་གྱི་དྲི་བ་ཁག་ལ་ལན་སྐྱོན་པར་དགའ་ཡོད། བཀའ་དྲིན་ཆེ་ཞུ། །
    དྲི་བ་ཁ་གསལ་དུ་བཏང་ན་འདི་ལྟར་ཡིན།
    སྟོན་པ་བཅོམ་ལྡན་འདས་སྐུ་ངོ་མས་བསྟན་པའམ་བསྲུངས་བའི་འདུལ་ལུགས་ཉག་གཅིག་དེ། གཞི་ཐམས་ཅད་ཡོད་པར་སྨྲ་བའི་འདུལ་ལུགས་ཅེས་པ་དེ་རེད་དམ། ཡང་ན་གནས་བརྟན་སྡེ་བའི་འདུལ་ལུགས་ཅེས་པ་དེ་རེད། ཡང་ན་དེ་གཉིས་ཀ་མིན་པའི་འདུལ་ལུགས་ཤིག་རེད། དེ་ཁ་གསལ་པོ་གསུངས་རོགས། །

13. འདུལ་བ་འཛིན་པ་ཚད་ལྡན་རྣམས་ཀྱིས་འདུལ་བའི་བགྲོ་གླེང་མཛད་པ་ནི། རྒྱལ་བ་དགྱེས་པའི་མཆོད་སྤྲིན་ཞེས་པ་དེ་ལོས་ཡིན། འདུལ་བའི་ཚིག་ཙམ་ལས་ལག་ལེན་མི་བསྟར་མཁན་རྣམས་ཅང་མི་གསུང་བ་ཞུ། མི་དགེ་བཅུ་ལས་ངག་གི་མི་དགེ་བ་ཚིག་རྩུབ་དང་། འདུལ་འཛིན་པ་རྣམས་ལ་ཟུར་ཟ་བྱེད་པ་ནི་ལོག་བསྐུར་འདེབས་ལས་མ་འདས་སོ།།

14. bonbo ལགས། བདག་ཅན་གི་སྟོན་པ་མཉམ་མེད་ཐུབ་པའི་དབང་བོའི་སྐུ་དུས་སུ་ཡོད་པར་སྨྲ་བ་དང་གནས་བརྟན་སྡེ་བ་སོགས་ཀྱི་དབྱེ་བ་འབྱེད་ཀྱི་མེད་པ་འདྲ། དུས་ཕྱིས་སུ་དམ་ཆོས་འདུག་པའི་ཕྱག་ལེན་ཡུལ་མི་འདྲ་བ་དང་དུས་མི་འདྲ་བར་དར་བའི་དབང་གིས་སྡེ་བ་བཅོ་བརྒྱད་དུ་གྱེས་པ་ཡིན་ས་རེད། སྡེ་བ་བཅོ་བརྒྱད་དུ་གྱེས་རྒྱུ་ཡིན་པ་སྔར་རྒྱལ་བོ་ཀྲི་ཀྲིའི་རྨི་ལྟས་བཅུ་ཟེར་བའི་ལུང་བསྟན་གཅིག་ཡོད་རེད། འོན་ཀྱང་དེང་སྐབས་ནི་མཁས་དབང་དགེ་འདུན་ཆོས་འཕེལ་གྱིས་སིང་ག་ལར་ཕེབས་ནས་འདི་ལྟར། སིང་ག་ལ་ཡི་གནས་བརྟེན་སྡེ་བ་དང་།། ཁ་བ་ཅན་གྱི་ཡོད་པར་སྨྲ་བ་གཉིས།། སྟོན་པ་གཅིག་གིས་བསྐྱངས་པའི་སློབ་མ་སྟེ།། བཅོ་བརྒྱད་སྡེ་བ་ནུབ་པའི་ལྷག་མ་ཙམ།། གསུངས་པ་ལྟར་རེད།

15. རང་རེའི་བོད་དུ་ཐེག་ཆེན་གྱི་ལྟ་བའི་ཐད་བཞེད་ཚུལ་མི་འདྲ་བ་ཁ་ཤས་ཡོད་ན་ཡང་།དམ་པའི་ཆོས་འདུལ་བའི་ཐད་ནས་ས་དགེ་བཀའ་རྙིང་སུ་ཡིན་ན་ཡང་ཁྱད་མེད་དུ་ཡོད་པར་སྨྲ་བའི་ཕྱག་ལེན་ཁོ་ན་མཛད་པ་ནི་སྔར་ཆོས་རྒྱལ་བཀའ་དྲིན་ཅན་ཚོའི་བཀའ་དྲིན་ཡིན་པ་འདྲ། དེ་ཡང་ཁྲི་སྲོང་སྐབས་སུ་མི་བདུན་ལ་ཉམས་སད་ཀྱི་ཚུལ་དུ་རབ་བྱུང་གི་སྡོམ་པར་ལེན་བཅུག་པ་ལ་སད་མི་མི་བདུན་དུ་གྲགས། དེ་ནས་ཡོད་པར་སྨྲ་བའི་ཕྱག་ལེན་དེ་བོད་གངས་ཅན་ལ་འོས་མཚམ་དུ་གཟིགས་ནས་རབ་བྱུང་དང་རབ་བྱུང་མ་སུམ་བརྒྱ་ཙམ་ཡོད་སྒྲུབ་ཡོད་པ་རེད།།

16. སིངྒ་ལར་ཡི་གནས་བརྟེན་སྡེ་བ་རྒྱུས་ལོན་བྱེད་མཁན་དེ་སྔ་འབྲས་ལྗོངས་ཀྱི་དགེ་སློང་ཞིག་སྐུ་ཚེ་གང་པོར་སིངྒ་ལ་ནས་བཞུགས་ཡོད་པར་མ་ཟད་སིངྒ་ལའི་ནང་དུ་བོད་ཀྱི་མཁས་པ་ཟེར་ནས་སྙན་གྲགས་ཡས་ཆེན་པོ་ཡོད་པ་འདྲ་འདུག དུས་ཕྱིས་སུ་དགེ་ཆོས་ཕེབས་ནས་ལོ་ཤས་བཞུགས་ཡོད་པར་མ་ཟད། ཆོས་ཀྱི་ཚིགས་སུ་བཅད་པ་ཡང་སིངྒ་ལ་ནས་བསྒྱུར་བ་འདྲ། ད་ལོ་སིངྒ་ལ་ཡི་གནས་བརྟན་སྡེ་བ་དང་བོད་གངས་ཅན་གྱི་ཡོད་སྨྲ་སྡེ་གཉིས་མི་རེ་རེ་སྒེར་ཙམ་མ་ཡིན་པར། ཚོགས་སྡེ་ཞིག་གི་ངོས་ནས་མཉམ་དུ་འདུལ་བའི་གཞུང་ལ་བགྲོ་གླེང་ཚོགས་ཐུབ་པ་ནི། དད་པ་དང་ཡིད་སྨོན་གྱི་གནས་སུ་ཆེ། འདི་ནི་༧ གོང་ས་མཆོག་གི་ཐུགས་བསྐྱེད་དང་མཛད་འཕྲིན་གྱི་ཆ་ཤས་གཅིག་ལོས་ཀྱང་ཡིན།།

17. ད་ནི་སིང་ག་ལའི་ནང་བསྟན་བློན་ཆེན་ནས་བཀའ་སློབ་ཡག་པོ་གནང་ཡོད་པ་འདྲ་འདུག་པས། རིང་བོ་མ་ལོན་པར་སིང་ག་ལར་དགོན་པ་དག་ལ་སློབ་སྦྱོང་བྱེད་པར་འགྲོ ཞོར་ལ་སིངྒ་ལའི་གླིང་གི་ཟས་རིགས་མི་འདྲ་བ་དང་སིལ་ཏོག་མི་འདྲ་དེ་ཚོ་ཟ་གི་འགྲོ སིངྒ་ལ་བ་རྣམས་ཀྱི་ཁོ་ཚོའི་ཡུལ་ན་ངང་ལག་གཅིག་བུ་རིགས་མི་འདྲ་བ་བཅོ་བརྒྱད་དང་། ཀུ་ཤུ་རིགས་མི་འདྲ་བ་བཅུ་གཉིས། ཨ་བུ་ཁ་རྡོ་རིགས་མི་འདྲ་བ་དྲུག་ཙམ་ཡོད་ཟེར།།

18. ་་་་་་་་་་་ སྡེ་བ་བཅོ་བརྒྱད་དུ་གྱེས་རྒྱུ་ཡིན་པ་སྔར་རྒྱལ་བོ་ཀྲི་ཀྲིའི་རྨི་ལྟས་བཅུ་ཟེར་བའི་ལུང་བསྟན་གཅིག་ཡོད་རེད། ་་་་་་་་་ གསུངས་པ་འདི་ནི།
    ཁུངས་ཤིནད་ཏུ་དག་པའི་སངས་རྒྱས་གསུམ་པ་འོད་སྲུངས་སྐབས་ལ། སངས་རྒྱས་བཞི་པ་ཤཀྱྰ་ཐུབ་པའི་སྐབས་སུ་གང་འབྱུང་བར་འགྱུར་བའི་ལུང་བསྟན་ཤིནད་ཏུ་མཐུན་པ་བྱུང་བ་སོགས་ལ་ནི། ང་ནི་བཅོམ་ལྡན་འདས་ལ། དད་པ་དབྱར་གྱི་ཆུ་བོ་ལྟར་རྒྱས་བཞིན་འདུག འོནད་ཀྱང་སངས་རྒྱས་འོད་སྲུངས་དང་། སེར་ཐུབ། འཁོར་བ་འཇིག་སོགས་ཀྱི་བྱུང་རབས་མཚན་རིག་གིས་ལམ་ནས། ར་འཕྲོད་མི་ཐུབ་པ་འདི་ལ་ཡིད་རྨུག་ནས་བསྡད་ཡོད་པས་་་་་་་ ཀུན་གྱིས་ཀྱང་། ཐུགས་འཇགས་འཚལ་ལོ།།

19. སྔར་རྒྱ་གར་ནང་གི་སངས་རྒྱས་པ་ཚོར། གནས་བརྟན་པའི་སྡེ་པ་དང་། གཞི་ཐམས་ཅད་ཡོད་པར་སྨྲ་བའི་སྡེ་པ། མང་པོའ་བཀུར་བའི་སྡེ་པ། ཕལ་ཆེན་པའི་སྡེ་པ་སྟེ། དེ་དག་ལ་རྩ་བའི་སྡེ་པ་བཞི་ཞེས་ཡོངས་སུ་གྲགས་སོ།།

20. གཞོན་ནུ་ཟླ་མེད་ལགས། བཀའ་དྲིན་ཆེ་ཞུ།
    ཁ་བ་ཅན་གྱི་ངོས་ནས་གསུངས་ཚུལ་ཁག་ང་ཚོས་ཏོག་ཙམ་ཤེས་ལ། ད་ནས་སིང་ག་ལ་ཡི་ངོས་ནས་གསུངས་ཚུལ་ཁག་ལ་དོ་སྣང་བྱ་འདོད་པ་ཡིན།
    བྱུང་ན་ད་ཡོད་ཁ་བ་ཅན་གྱི་བོན་དང་བན་གཉིས་ཀྱི་རྣམ་དག་འདུལ་བའི་བསླབ་བྱའི་སྐོར་ལ་ཡང་བགྲོ་གླེང་དཔྱོད་ལྡན་དགྱེས་པའི་མཆོད་པར་གྱུར་བ་ཞིག་གནང་ཐུབ་ན་ག་འདྲ་ཡོང་ངམ། །

21. སྟོན་པ་གཅིག་གི་སློབ་བརྒྱུད་རྣམས་ལྷན་དུ་འཛོམ་པ་ལས་གཟི་བརྗིད་ཆེ་བ་ཞིག་གང་ན་ཡོད། འཛམ་གླིང་གི་བྱང་ན་གནས་པའི་གངས་ཅན་པ་དང་འཛམ་གླིང་གི་ལྷོ་ན་གནས་པའི་སངྒ་ལའི་དགེ་འདུན་པ་རྣམས་ཀྱིས་སྟོན་པ་དང་བསྟན་པ་གཅིག་པའི་གཉེན་རྩིས་མ་དོར་བ་བྱ་དགོས་པ་དེ་སྟོན་པའི་བསྟན་པ་ལ་ཞབས་འདེགས་ཞུ་སྟངས་ཤིག་ཡིན། བཀའ་དྲིན་ཆེ།

22. འདུལ་བ་ལ་བགྲོ་གླེང་བྱེད་ཐུབ་པ་དེ་ཧ་ཅང་བཟང་འདུག ད་གོམ་པ་གཉིས་པ་དེ་མངོན་པའི་སྟེང་ལ་བགྲོ་གླེང་བྱ་བའི་འབད་བརྩོན་བྱ་དགོས། མངོན་པ་མགྲོ་གླེང་ཐུབ་པ་ཡིན་ན་ཕྱོགས་གཉིས་ཀའི་དཔེ་ཆ་ལ་གོ་རྒྱུ་མང་པོ་ཡོད་ས་རེད། བློ་སྐྱེད་ཆེན་པོ་ཐོབ་གི་རེད།