བཀའ་ཤག་ལགས། ད་ག་པར་མགོ་འཁོར་ནས་བཞུགས་ཡོད།

Comments (19) on “བཀའ་ཤག་ལགས། ད་ག་པར་མགོ་འཁོར་ནས་བཞུགས་ཡོད།”

1. བཀའ་བློན་ཁྲི་བ་ཕལ་ཆེར་གནམ་གྲུའི་ནང་ང་ཡོས་སའི་གྲོང་ཁྱེར་ཝེ་ཡ་ན་ལ་ཡོང་བཞིན་ཡོད་ས་རེད། ཕལ་ཆེར་ལམ་ཁ་ནས་གཉིད་མ་ཡོང་ན་སྐྱེ་རྒུ་མདོའི་ས་ཡོམ་གྱིས་མནར་བའི་བོད་འབང་ཆེད་མ་ཎི་རེ་འདོན་རྒྱུ་རེད། འདིར་ཁོང་སྐད་གཏོང་མཁན་ནི་སྔོན་བོད་ཀྱི་ཟ་ཁང་ཞིག་གི་བདག་མོ་ད་ལྟ་ལས་ཤོར་ལ་བསྡད་ཡོད་མཁན་ཞིག་རེད། ཁོ་ཚོས་བསྒྲགས་པའི་འཕྲིན་བརྡའི་ནང་ལ་ http://tibet-restaurant.at/events-zoechbauer/2010-04-20-Samdhong-Rinpoche/2010-04-20-Programm-Besuch-von-Samdhong-Rimpoche.pdf ཁོང་གི་འདི་ནས་གསུང་བཤད་ཐེང་གསུམ་ཡོད་པ་དེ་གཅིག་འགྲེམ་སྟོན་ཁང་ཞིག་དང་གཉིས་བ་དེ་ཡུལ་འདིའི་ནང་ཆོས་ཚོགས་ཁང་། གསུམ་པ་དེ་གྲོང་ཁྱེར་འདིའི་དགེ་ལུགས་ཚོགས་པ་ངསུམ་རེད་འདུག། གཞན་ཡུལ་འདིའི་ཆབ་སྲིད་པ་དང་གཞུང་ཞབས་པ་གཅིག་ལ་ཡང་ཐུག་འཕྲད་ཡོད་སྐོར་ད་སྔ་བཀོད་མི་འདུག།

2. བཀའ་ཤག
   བཀའ་ཤག་དཀའ་ཤག དཀའ་ཤག་ཤག དཀའ་ངལ་འཕྲད་དུས་བཀའ་ཤག་ཤག །བཀའ་ཤོག་ཙམ་ལ་དཀའ་ཤག་ཤག །དཀའ་ལས་མི་དགོས་བཀའ་ཤག་བདེ། བཀའ་ཤག་དཀའ་ལས་མ་ཆེ་ན། བཀའ་དགོངས་ཅུང་ཟད་གནང་རོགས་མཁྱེན། །ཡུལ་ཤུལ་གཤིན་ཐང་སྐྱ་མོ་རུ། །ཕེབས་པའི་ནུས་པ་མ་ཡོད་ཀྱང་། །བདེན་གསུངས་མགྲིན་པའི་དབྱར་རྔ་ཞིག །སྒྲག་པའི་དུས་ཚོད་མ་ཡིན་ནམ། བཀའ་་་་་དཀའ་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
   སྙིང་ནད་པས

3. ད་བཀའ་ཤག་ལ་ཡང་ཅིག་བྱེད་བཏང་རྒྱུ་དམིགས་བསལ་ཞིག་ཡོད་ནི་མ་རེད།  འགྲོ་ནི་མི་ཆོག  དེ་བས་ད་རེས་རྒྱ་ནག་གིས་ཕྱིར་སྡོད་བོད་རིགས་སྤུན་ཟླ་ཚོའི་གདུང་སེམས་མཉམ་བསྐྱེད་ལ་སྣེ་ལེན་བྱེད་རྒྱུ་ཡིན་སྐོར་བཤད་པའི་སྐབས་འདིར།   ད་རེས་ཀྱི་གཤིན་པོ་རྣམས་ལ་བསྔོ་སྨོན་དང་།   གསོན་པོ་རྣམས་ལ་སེམས་གསོའི་ཆེད་དུ་༧གོང་ས་ཡིད་བཞིན་ནོར་བུ་བོད་དུ་ལན་གཅིག་གདན་འདྲེན་ཆོག་པའི་རེ་བ་ཞུས་ན་ཡག་པོ་ཡོད་ས་རེད་དེ་་་་་་་་་་་་་་་།

4. དངོས་གནས་ཡུལ་ཤུལ་བོད་རིགས་མི་དམངས་ཤི་བའི་གྲངས་ཀ་འདི་རྒྱ་ནག་གསར་འགོད་དང་བོད་རང་གིས་མཐོང་བ་འདི་དག་གཏན་ནས་མི་གཅིག་པས་ཕྱི་ཕྱོགས་ལ་བཞུགས་པའི་བོད་དོན་ལས་ཁག་བོད་དོན་རྒྱབ་སྐྱོར་ཚོས་འཛམ་གླིང་གསར་ཤོག་ཆེ་ཤོས་དང་ཆུང་ཤོས་གསར་ཤོག་ཐོག་ལ་ཡག་པོ་ཞིག་བཀོད་ཐབས་རེམ་རེམས། དཔེར་ན། །བླ་རུང་ཆོས་སྒར་ཁོ་ན་ཐོན་པའི་གཤིན་པོའི་མིང་བྱང་གཅིག་པུ་ལ་ཁྲི་ལྷག་བརྒལ་ཚར་འདུག
   ཕྱི་ཕྱོགས་བཞུགས་པ་ཚོ་ལགས། རྒྱ་ནག་བཤད་པ་དེ་ག་རང་བྱས་ནས་བོད་ཀྱི་བླ་ཆེན་དང་མི་ཆེན་ཚོས་རྗེས་ཟློས་མ་བྱས་ན་དགའ་ས་རེད། དེ་འདྲ་བྱས་ན་ང་ཚོ་བདེན་པ་འོང་བའི་དུས་གཅིག་མེད་པར་སྣང་ངོ་། །

5. དེང་གི་ཆར་ང་ཚོ་གཞིས་བྱེས་གཉིས་ཀྱི་གངས་ཅན་པ་ཚོར་བཀའ་ཤག་ནས་བོད་ཀྱི་ཆོས་ལུགས་རིས་མེད་ཀྱི་བླ་ཆེན་འགའ་ཞིག་ལས་གྲུབ་པའི་སྐྱ་སེར་མཉམ་བསྲེས་ཀྱི་ཐུགས་གསོའི་འཚམ་འདྲི་ཚོགས་པ་ཞིག་གང་མགྱོགས་གོ་སྒྲིག་གནང་དགོས། གལ་སྲིད་བཙན་བྱོལ་གཞུང་འདི་མིང་ཙམ་གྱི་གཞུང་ཞིག་མིན་པ་ར་སྤྲོད་བྱེད་འདོད་ཡོད་ཚེ། འགོག་རྐྱེན་གང་ལའང་མི་ཞུམ་པར་ཐེངས་འདིའི་ས་ཡོམ་གྱི་གནོད་འཚེ་འཕོག་ཡུལ་གྱི་བོད་མི་ཚོའི་ཆེད་དུ་ཕེབས་ཐུབ་ཐབས་བྱ་སྤྱོད་ངོ་མའི་ཐོག་ནས་བསྟན་དགོས། དེ་མིན་ནུས་མེད་ཀྱི་རྒྱ་བོད་ཞི་མོལ་གྱི་སྐུ་ཚབ་ཚོགས་པ་ཞིག་ང་ཚོར་གཏོང་དགོས་དོན་མེད།

6. བཀའ་ཤག་ཁོམ་ནི་མ་རེད།  བཀའ་བློན་ཁྲི་པ་ཟམ་གདོང་རིན་པོ་ཆེ་ནི་དགེ་ལུགས་ཚོགས་པ་ལ་བཀའ་སློབ་གནང་བར་ཕེབས་དགོས་པ་རེད།  

7. ཚུལ་ཁྲིམས་མཐར་ཕྱིན་ལགས། ཁྱེད་རང་ནས་རང་དབང་གི་གླེང་སྟེགས་འདི་བེད་སྤྱད་ནས་རང་རང་བོད་མི་སྒེར་ཞིག་གི་བསམ་ཚུལ་དང་རེ་འདུན་ག་དུས་ཡིན་རུང་། སྦས་གསང་མེད་པར་སྟོན་དགོས་རྒྱུ་གལ་ཆེན་པོ་རེད། ཡིན་ན་ཡང་། བཀའ་ཁྲི་ཟམ་གདོང་སྤྲུལ་སྐུ་མི་སྒེར་ལ་སྐྱོན་བརྗོད་བྱས་པ་དེས་གངས་ཅན་བོད་ཀྱི་རིས་མེད་ཆོས་ལུགས་དབར་མི་མཐུན་པའི་རྒྱུ་ཞིག་ཏུ་མ་འགྲོ་བ་མཁྱེན་ཡངས་ཅན་ཁྱེད་ཀྱི་ཤེས་རབ་ལ་རག་ལས་ཡིན་པས་དེ་དོན་དགོངས་འཇགས་ཡོད་པ་ཞུ།

8. ཨི་ཧུ་ལགས། བླ་མ་མཁྱེན།
   མྱ་ངན་གྱི་རྒྱ་མཚོ་འཁྱིལ་ས་ནས། སྨྲེ་ངག་གི་ཨོ་དོ་འབོད་ས་ན།
   འབྲེལ་མེད་ཀྱི་ཀི་ཅི་མི་འདོན་པར། དོན་ལྡན་གྱི་སྨོན་ལམ་རེ་འདེབས་རོགས།

9. ༸གོང་ས་མཆོག་གིས། ་་་་་་་་་ངེད་གཉིས་སྐྱེས་སའི་ཕ་ཡུལ་ཡིན་སྟབས། ས་གནས་ས་ཐོག་གི་རེ་བ་ལྟར་འགྲོ་ཐུབ་ན་བསམ་པའི་རེ་བ་ཡོད་པ་དང་། མི་མང་གི་རེ་འདོད་ལྟར་འགྲོ་ཐུབ་པ་ཡིན་ན། ་་་་་གསུངས་པ་དང་།
   ཅ་ཆིན་ལེན་གྱིས། ་་་་་་་ཕྱི་རྒྱལ་དུ་ཡོད་པའི་བོད་རིགས་སྤུན་ཟླས་རྒྱལ་ནང་དུ་མྱ་ངན་ཞུ་བ་དང་ཞལ་འདེབས་འབུལ་བར་ཡོང་བའི་རེ་བ་བཏོན་ཚེ། ཕྱི་རྒྱལ་དུ་ཡོད་པའི་རང་རྒྱལ་གྱི་གཞུང་ཚབ་ཁང་གིས་ལྷག་བསམ་རྣམ་དག་གིས་སྣེ་ལེན་བྱེད་དགོས་་་་་་་། ་་་་གསུངས་པ་འདི་གཉིས་ལག་ལེན་དུ་འཁེལ་པ་ཡིན་ན། བོད་རང་བཙན་ནམ་ཁ་བྲལ་བཞག་ནས་གཉིས་སྨན་དབུ་མའི་ལམ་ལ་ཤུགས་ལ་ངོས་ལེན་བྱེད་འགོ་འཚུགས་པ་ཞིག་ལ་ངོས་ལེན་བྱེད་མི་ཆོག་གམ།

10. ང་ཚོ་གཞིས་བྱེས་བོད་མི་ཡོངས་ཀྱིས་རྒྱ་མིས་སྔར་བྱས་ནག་ཉེས་ལ་འཁོན་འཛིན་བཞག་ནས། མ་འོངས་ཕུགས་རྒྱང་རིང་པོའི་བསམ་ཞིབ་ཀྱིས། བོད་རྒྱའི་དམ་ཚིག་སྔར་ལྷག་ཉམས་པ་སོར་ཆུད་ལ་འབད་དགོས་པ་ནི། ད་ལྟའི་ཁ་ཡོད་ལག་ཡོད་ཀྱི་ཆབ་སྲིད་ལ་ཕན་པའི་གཉིས་སྨན་དགོས་མཁོ་ཞིག་རེད་སྙམ་བགྱིད་འདུག བོད་རྒྱའི་དམ་ཚིག་འོ་ཆུ་འདྲེས་འགྱུར་ཅིག

11. འདིར་སྦྱོར་བའི་གནས་ཚུལ་ལྟར་ན་བཀའ་བློན་ཁྲི་བ་བར་སྐབས་སུ་ཡུལ་འདིར་ཕེབས་རྒྱུ་ཆ་གཞི་ཕྱིར་འཐེན་བྱེད་དགོས་བྱུང་ཡོད་པའི་རྒྱུ་མཚན་དེ་ཡོ་རོབས་མེ་རིའི་དུད་མུག་དབང་གིས་ཡོ་རོབས་ལ་གནམ་གྲུའི་འགྲིལ་བསྐྱོད་བཀག་ཡོད་པ་དེ་རེད་འདུག།།

12. ད་ཚོད་བཟུང་ང་ཚོའི་ཁ་གཏད་བཅོག་ས་རྒྱ་མི་རེད་མ་གཏོགས་བཀའ་ཤག་མ་རེད།

13. ཀརྨ་རྡོ་རྗེའི་གསུང་དེ་བདེ་པ་རེད། རྒྱ་བོད་དམ་ཚིག་བྱེད་དགོས་པ་རེད། འོན་ཀྱང་བོད་པའི་ངོས་ནས་རྒྱ་ལ་མགོ་འདོགས་དགོས་པ་ཆ་ཚང་བཏགས་ན་ཡང་། རྒྱ་ཡི་ངོས་ནས་ཉིན་མོ་ལྷ་ཡི་ལྷ་བཟོ་རོགས་དང་། མཚན་མོ་འདྲེ་ཡི་འཐག་འཐགས་རོགས་བྱས་ནས་བོད་པ་ཚོ་འཛམ་གླིང་ག་ས་གང་ལ་ཁ་འཐོར་དགུ་འཐོར་དུ་སོང་པ་འདི་རེད།
    ལོ་རྒྱུས་ལ་ཆ་བཞག་ནས་བཤད་ན། རྒྱལ་བོ་ཨུ་དུམ་བཙན་གྱི་རྗེས་ནས་བཟུང་རྒྱལ་དབང་བཅུ་གསུམ་པའི་བར་དུ་རྒྱ་བོད་གཉིས་ལ་རྩོད་པ་གང་ཡང་ཡོད་པ་མ་རེད། དང་པོ་དབྱིན་ཇིས་བོད་ལ་དམག་རྒྱགས་སྐབས་སུ་ཁོང་ཚོས་བོད་འདི་རྒྱ་ཡི་ཆ་ཤས་ཡིན་པར་ངོས་ལེན་མ་བྱས་པ་རེད། གཉིས་པ་གུང་ཁྲན་གྱིས་བོད་པ་བསད་ནས་བོད་འབངས་ཡོངས་སུ་རྡེབ་གསོད་བཏང་པ་དེ་རེད། གསུམ་པ་ཏྰ་ལེ་བླ་མའི་རྗེས་ལ་མེ་སྒྱོགས་རྒྱབ་ནས་བྲོས་བྱོལ་དུ་མ་འགྲོ་རང་འགྲོ་བཟོས་པ་དེ་རེད། བཞི་བ་ད་དུང་ཡང་ཏྰ་ལེ་བླ་མ་དགུང་ལོ་བདུན་ཅུར་སླེབས་ན་ཡང་རང་གི་ཕ་ཡུལ་ལ་འགྲོ་འཇུག་གི་མེད་པ་འདི་རེད། གལ་ཏེ་ཏྰ་ལེ་བླ་མ་བོད་ནང་དུ་གདན་འདྲེན་ཞུ་བ་ཡིན་ན་རྒྱ་བོད་གཉིས་ཀྱི་རྙོག་དྲ་མཇུག་རྫོགས་འགྲོ་གི་རེད།

14. http://woeser.middle-way.net/

15. རེ་འབོད།
    སང་ཉིན་ཚེས་ 21 རེད་རྒྱ་གཞུང་ནས་ས་ཡོམ་འོག་འདས་གྲོང་བྱུང་བའི་ཡུལ་ཤུལ་མི་མང་ལ་མྱང་ངན་ཞུ་ཆེད་རྒྱ་ནང་དང་ཕྱི་རྒྱལ་གཞུང་ཚབ་དག་གི་རྒྱལ་དར་ཕབ་རྒྱུའི་ལས་རྒུལ་ཞིག་སྤེལ་བཞིན་ཡོད་པ་ནི་མི་སེམས་འགུལ་ཐུབ་པའི་བྱ་བ་བཟང་པོ་ཞིག་ཡིན། འོན་ཀྱང་བཙན་བྱོལ་སྲིད་གཞུང་གི་སེམས་ཚོར་ཅི་ཡང་མེད་པ་མ་ཟད་གོ་རྒྱུ་ཚོ་རྒྱུ་མིན་འདུག བཙན་བྱོལ་གྱི་དབུ་ཁྲིད་ཚོ་ཁྱོད་ཚོས་ནམ་ཀུན་མི་སེམས་འགུལ་བའི་བཀལ་མོལ་སྙན་མོ་བཤད་པ་ལྟར་ད་རེས་གཅིག་པུ་མི་སེམས་འགུལ་བའི་ཕྱག་ལས་ཕྲན་ཞིག་གནང་རོགས་སྐུ་མཁྱེན།

16. ༦༽ བཟོད་པ་ལྷ་རྩེ་ནས།
    སྤྱི་ལོ་ ༢༠༡༠ ཟླ་ ༤ ཚེས་ ༢༠ གི་ཆུ་ཚོད་ ༡༡ སྐར་མ་ ༠༧
    རེ་འབོད།
    སང་ཉིན་ཚེས་ 21 རེད་རྒྱ་གཞུང་ནས་ས་ཡོམ་འོག་འདས་གྲོང་བྱུང་བའི་ཡུལ་ཤུལ་མི་མང་ལ་མྱང་ངན་ཞུ་ཆེད་རྒྱ་ནང་དང་ཕྱི་རྒྱལ་གཞུང་ཚབ་དག་གི་རྒྱལ་དར་ཕབ་རྒྱུའི་ལས་རྒུལ་ཞིག་སྤེལ་བཞིན་ཡོད་པ་ནི་མི་སེམས་འགུལ་ཐུབ་པའི་བྱ་བ་བཟང་པོ་ཞིག་ཡིན། འོན་ཀྱང་བཙན་བྱོལ་སྲིད་གཞུང་གི་སེམས་ཚོར་ཅི་ཡང་མེད་པ་མ་ཟད་གོ་རྒྱུ་ཚོ་རྒྱུ་མིན་འདུག བཙན་བྱོལ་གྱི་དབུ་ཁྲིད་ཚོ་ཁྱོད་ཚོས་ནམ་ཀུན་མི་སེམས་འགུལ་བའི་བཀལ་མོལ་སྙན་མོ་བཤད་པ་ལྟར་ད་རེས་གཅིག་པུ་མི་སེམས་འགུལ་བའི་ཕྱག་ལས་ཕྲན་ཞིག་གནང་རོགས་སྐུ་མཁྱེན།

17. http://news.joy.cn/guonei/video/1175648.htm
    འདི་དག་ཚངས་དབྱངས་དྲ་བ་ལ་གཟིགས་དང་ཤིན་ཏུ་གསལ། །

18.  ཕྱི་ལོ་ཉིས་སྟོང་བཅུ་པའི་ལོ་འཇ༹མ་གླིང་ས་གོ་ལའི་སྟེང་གི་རང་བྱུང་ཁོར་ཡུག་ལ་ས་ཆུ་མེ་རླུང་གི་གནོད་འཆེ༹་ཆ༹བས་ཆེན་བྱུང་ཡོད་པར་བརྟེན།   ནུབ་ཕྱོགས་མི་རིགས་ཆ༹ན་རིག་དཔྱོད་པ་པོ་ཆོ༹འི་གསུང་དོན་ལྟར་ན།
      
     ཕྱི་ལོ་ཉིས་སྟོང་བཅུ་གཉིས་སླེབས་ལ་ཉེ་བའི་དུས་འཇ༹མ་གླིང་ས་ཕྱོགས་གང་སར་རང་བྱུང་ཁོར་ཡུག་ལ་གོད་ཆག་ཡོང་ལུགས་གསུང་བ་དང་བསྒྲགས།   བོད་རིགས་སྤུན་ཟླ་ཆོ༹་ཁྱེད་རྣམ་པས་དགོངས་ཆུ༹ལ་ཇི་ཡོད་སྐོར་ཕན་ཆ༹ན་བགྲོ་གླེང་དང་དཔྱོད་པ་པོ་ཆོ༹འི་མ་འོངས་ལུང་སྟོན་གནང་རྒྱུ་ཤིན་ཏུ་གལ་ཆེ་ལགས། 

    ད་ཆར་འདས་ཟིན་པའི་ཡུལ་ཤུལ་ས་ཁུལ་དུ་མི་རྒྱུ་གཉིས་ལ་གོད་ཆག་བྱུང་རྐྱེན་  སླར་ཡང་གནས་ཆུ༹ལ་དེ་དག་མ་འོངས་གངས་ཅན་བོད་ཀྱི་ས་ཁུལ་ལ་ཡོང་མི་སྲིད་པ་མ་རེད།

    དེ་བརྟེན་ང་ཆོ༹འི་གོང་གི་གནས་ཆུ༹ལ་དེ་རིགས་མི་ཡོང་བའི་ཐབས་ལམ་སྣ་ཆོ༹གས་སྒོ་ནས་རིམ་པས་རྐྱེན་དེ་དག་ལས་བཟློག་ཐོབ་བྱ་དགོས་པ་སྣང་ངོ།།
       
                                     
                                  

19. ང་ཚོའི་བོད་པ་དེ་ཚོ་ཁྱད་མཚར་བ་ལ་ཨང། ཧ་ལམ་བཀའ་ཤག་གིས་འགྲིགས་མ་སོང་བསམ་གྱི་ཡོད་ས་རེད།
    རེད། གང་བྱས་ཀྱང་གང་ཟག་མཆན་བྲི་པ་པོ་ཁྱོད་ཚོར་བདེན་པ་ཡོད་ཀྱི་རེད།
    ཁྱོད་ཚོས་བཤད་པའི་སྐད་ཆ་དེ་ཚོ་བློ་གཟུ་བོར་གནས་པའི་སྐད་ཆ་རེད་དམ། ང་ཡིད་ཆེས་ཀྱི་མིན་འདུག།
    ད་རེས་ཀྱི་གནད་དོན་འདིར་ང་ཚོའི་བཀའ་ཁྲིས་བསམ་བློ་མ་འཁོར་བ་དང་མ་བཏང་བ་ཞིག་ཡོད་ཀྱི་མ་རེད། འོན་ཀྱང་བསམ་བཞིན་ཐམས་ཅད་གྲུབ་ཐུབ་ཀྱི་མེད་པའི་གནས་ལུགས་ཀྱང་མཁྱེན་དགོས་ངེས་འདུག།
    ཕྱིས་སུ་གནད་དོན་གང་ཡང་དཔྱད་དོན་ནམ་བློ་གཟུ་བོར་གནས་ཏེ་བྲིས་རོགས་གནང། སོ་སོས་བསམ་ཚད་མ་བྲིས་རོགས་གནང། གལ་སྲིད་དེ་འདྲ་གནང་བ་ཡིན་ན་ཕལ་ཆེར་ངས་རྒྱ་མི་ལས་འདུག་པ་མཐོང་གི་འདུག། གང་ཡིན་ཟེར་ན། དགྲ་ལ་ཕྱི་དགྲ་དང་ནང་དགྲ་གཉིས་ཡོད་པས་དེ་ཚོ་ཐམས་ཅད་ནང་དགྲར་འགྱུར་ངེས་པའི་དོགས་པ་ཡོད། ཕྱི་དགྲ་ལས་ནང་དགྲ་ཞེ་སྣང་ཚ་བ་ཡོད་རེད་དཱ། དེ་ལྟར་མི་འགྱུར་བར་མཆན་བྲི་བ་ཀུན་གྱིས་ཤེས་པར་མཛོད། ཚང་མར་བཀྲ་ཤིས་བདེ་ལེགས། བོད་རྒྱལ་ལོ།