བོད ལྷ་ཀླུ་གཉན་གསུམ།
ཉེས་མེད་ཀྱི་སྐྱེ་བོ་ཁྲི་སྟོང་མང་བོ
སེམས་མེད་ཀྱི་འབྱུང་བའི་གནོད་པའི་ཁྲོད་དུ
རིན་ཆེན་གྱི་ཚེ་སྲོག་དབང་མེད་དུ་ཤོར་དུས
རྒྱང་རིང་གི་ཡུལ་ཕྱོགས་གང་ས་ནས
ཤ་ཁྲག་གི་འདྲིས་པ་ཟབ་པའི་རིགས་གཅིག་གི་སྤུན་ཟླ་མང་བོས
ཤ་གསེང་ལ་འདར་ཟུག་རྒྱག་ཞོར
ཡིག་དྲུག་གི་དབྱངས་རྟའི་སྐྱོམས་པའི་ངུ་ངག་དྲོན་མོས
འཛམ་གླིང་གི་ཡུལ་གྲུ་གང་ས་ནས
འདས་གསོན་གཉིས་ལ་གདུང་སེམས་མཉམ་བསྐྱེད་བྱས་དེ
ཡོད་མཁན་ཚོས་དངུལ་སྒོར་སྐུར
མེད་མཁན་ཚོས་གསོལ་བ་བཏབ་ནས
རིགས་ཞེན་གྱི་སྲོག་རྩ་སྲ་མོ
འཛམ་གླིང་གི་མཐོ་སར་གནས་པའི་འདས་གསོན་ཚོར་སྤྲིངས་ཡོད
ཤུལ་ལུས་ཀྱི་གསོན་པོ
ཉམ་ཐག་གི་ད་ཕྲུག གཉེན་བྲལ་གྱི་མི་དམངས
འདས་ཟིན་གྱི་སྤུན་ཟླ་དང་ཉེ་རིང་
ཕྱིར་ཡོང་བྲལ་བའི་ལོ་ཟླ་ཞིག་གིས་ཁྱེར་ཟིན་པས
བྱམས་བརྩེ་ཡི་མི་རིགས ལར་ཞེན་གྱི་དུངས་པ
ཁྲེལ་གཞུང་ཅན་གྱི་མི་རིགས་འདིས
ནམ་ཡང་ ཁྱེད་ཅག་གི་ཆེད་དུ
གསོལ་བ་འདེབས་པ་དང་ རོགས་སྐྱོར་གྱི་ཕྱག་ཟུང་
དྲི་མེད་ཀྱི་ཁ་བཏགས བརྩེ་ཞེན་གྱི་སེམས་པས
ཁྱེད་ཅག་ཁོ་ན་སྐྱོང་ངེས་ཡིན
སེམས་མ་སྐྱོ ང་ཚོ་སྐྱིད་སྡུག་མཉམ་མྱོང་ཡིན
སེམས་མ་ཕམ ང་ཚོ་མགོ་ནག་བོད་མི་ཡིན
སེམས་མ་སྡུག ང་ཚོ་ལ་མ་འོངས་པ་ཡོད
ང་ཚོས་ ཁྱེད་ཅག་གི་ཆེད་དུ་ཅི་འཇོན་བྱེད་ངེས་ཡིན
ང་ཚོས་ རིགས་ཞེན་གྱི་ཆེད་དུ
ནམ་ཡང་ ཁྱེད་ཅག་འདོར་མི་སྲིད
བོད་པ་ཚང་ལ་ཆགས་སྒོ་གཅིག་རྗེས་གཉིས་འཐུད་འདི་འདྲ་ཞིག་ཡོང་དགོས་པ་ལས་ཅི་ཞིག་བྱས་པ༷འི་རྣམ་པར་
སྨིན་པ་ཡིན་ན་་་་་ཨ་ཧ་བོ།་་་་རྒྟག་གཞུང་གིས་ཐེག་དང་དཔར་བརྒྱགས་པ་ཙམ་ལས་་རོགས་རམ་ཚད་ལྡན་ཞིག་ད་དུང་འབྱོར་མི་འདུག་ཟེར།་་་་ད་ནི་བོད་ཀྱི་གཏམ་དཔེ་ལ་མི་ཡི་མེ་ལས་རང་གི་ཐལ་བ་དྲོད་ཅེས་པ་ལྟར་ཆོལ་
གསུམ་བོད་རིགས་སྤུན་ཟླ་རྣམས་དང་ལྷ་པར་དུ་གསེར་རྟ་བླ་རུང་གི་དགེ་འདུན་པ་རྣམས་དང་།་་་་རྫ་སེར་ཤུར་
དགོན་གྱི་འདུན་པ་མང་པོ་ཞིག་ས་གནས་དངོས་སུ་ཕེབས་ཏེ་གང་ཅའི་ཐད་རོགས་རམ་ཚད་མེད་གནང་བཞིན་པ་ངས་སྙིང་ཐག་ནས་ཐུགས་རྗེ་ཞུ་རྒྱུ་ཡིན།་་་