ད་ཐེངས་ཀྱི་ས་ཡོམ་གྱི་གོད་ཆགས་ནང་ཕ་མ་བརླག་པའི་དྭ་ཕྲུག་མང་པོ་ཞིག་བྱུང་དང་འབྱུང་བཞིན་པའི་ནང་། ཁ་སང་གནས་ཚུལ་ཤེས་པ་ལྟར་ན། ད་ལྟ་གཞུང་གིས་བདག་པོ་རྒྱག་བཞིན་པའི་དྭ་ཕྲུག་ ༢༠༨ ཡོད་ཚུལ་འདུག རྒྱ་ནག་ནང་ཁུལ་གྱི་དྭ་ཕྲུག་གཉོར་སྐྱོང་ཚོགས་པ་ཞིག་ནས་བརྗོད་པ་ལྟར་ན། ཁོ་ཚོས་དྭ་ཕྲུག་དེ་ཚོར་བདག་པོ་རྒྱག་རྒྱུའི་གྲ་སྒྲིག་ཨང་བསར་ཡོད་ཟེར། དེར་བལྟས་ན། ད་ལྟའི་ས་ཡོམ་སྐབས་བྱུང་བའི་དྭ་ཕྲུག་དེ་ཚོ། རང་གི་ཕ་ཡུལ་གྱི་རི་ཆུ་དང་། རང་མི་རིགས་ཀྱི་ཆོས་གོམས་སྐད་ཡིག་སོགས་ལས་ཁ་ཕྲལ་ཏེ། སྐད་ཡིག་དང་ཆོས་གོམས་གཤིས་ལུགས་མི་གཅིག་པའི་ཁོར་ཡུག་གསར་པ་ཞིག་གི་ནང་འཁྱེར་འགྲོ་རྒྱུ་ཡིན་པ་འདྲ་བས་འདི་དང་འདི་འདྲ་ལ་ཡང་སེམས་ཚེགས་ཐལ་བ་ཞིག་ཡོང་གི་འདུག དེ་རིང་ཁ་སང་གི་གནས་ཚུལ་དེ་ཅིག་བཙལ་བ་ཡིན་ཡང་རྙེད་མ་སོང་།
སྐུ་གཅེས་དྭ་ཕྲུག་དེ་དག་བོད་རང་གི་བདག་རེ་རྒྱབ་ཐབས་རེ། ཤིན་ཏུ་གལ་ཆེན་པོ་འདི་དག་གི་མི་ཚེ་བོད་མི་རང་གི་ལྟ་སྤྱོད་གཙང་མ་ཞིག་གནང་ཐབས།དེ་ཡོད་བོད་དོན་སེམས་མཁན་ཚོ། ༧གོང་ས་མཆོག་གི་རྐྱེན་ངན་བྱང་ཆུབ་ལམ་དུ་བསྒྱུར་ཞེས་པའི་དོན་དག་མདོར་བསྡུས་ན་དེང་དུས་ཚབས་ཆེན་འདི་འདྲའི་སྐབས་སུ་ཆོལ་ཁ་དང་གྲུབ་མཐའ་ཕྱོགས་རིས་མེད་པར་གོད་ཆགས་ཞིག་རལ་གྱི་བོད་མི་ཤི་གསོན་སྡུག་བསྔལ་ལ་ཚུད་པ་འདི་དག་འདི་ཕྱི་བར་དོའི་ཕྲེང་ལས་སྐྱོབ་ཐབས་དང་། བོད་རིགས་གཅིག་འགྱུར་ཀུན་མཐུན་ཞིག་དགེ་འདུན་པས་སྣ་དྲངས་ནས་མཛད་པ་འདིས་རང་ཆོས་བསྟན་པ་འཛིན་པ་ཞིག་ལ་འབད་ན་ཤིན་ཏུ་གལ་ཆེན་པོའི་དུས་ཚོད་རེད་སྙམ་མོ། བཀའ་དྲིན་ཆེ་ཨ་མདོ་དང་དབུས་གཙང་། ཁམས་ཕྱོགས་སྟོད་སྨད་ནས་ཕེབས་པ་དང་རྒྱལ་ཕྱི་ནང་གྱི་གྲོགས་པོ་ཚོས་རོགས་སྐྱོར་ལ་སྙིང་ཐག་པ་ཡི་རང་ཞུ།
སྙིགས་དུས་བསམ་སྦྱོར་ལོག་པའི་འགལ་རྐྱེན་གྱིས། །
ཕྱི་ནང་འབྱུང་བ་འཁྲུག་པའི་གནོད་རྐྱེན་རིགས། །
རྐྱེན་ངན་བྱང་ཆུབ་ལམ་དུ་བསྒྱུར་བའི་ཐབས། །
མཁྱེན་པའི་ཤེས་རབ་ཀུན་ལ་ཐོབ་གྱུར་ནས། །
ཞི་བདེའི་བསྟན་སྲིད་ཟིན་པའི་རྒྱུ་རུ་སྨོན། །
སྙིང་ཁམས་པས
སྙིང་ཁམས་ཡིན་ནས་འདྲ་ཕུ༷ང་ཁམ་ཡིན་འདྲ་གང་ལྟར་སྤྱི་ཚོགས་ལ་རྙོག་དྲ་སློང་མཁན་ཞིག་ཡང་འདི་ན་འདུག།༷
སྙིགས་དུས་བསམ་སྦྱོར་ལོག་ པའི་འགལ་རྐྱེན་གྱིས། །
ཕྱི་ནང་འབྱུང་བ་འཁྲུག་ པའི་གནོད་རྐྱེན་རིགས། །
རྐྱེན་ངན་བྱང་ཆུབ་ལམ་དུ་ བསྒྱུར་བའི་ཐབས། །
མཁྱེན་པའི་ཤེས་རབ་ཀུན་ལ་ ཐོབ་གྱུར་ནས། །
ཞི་བདེའི་བསྟན་སྲིད་ཟིན་ པའི་རྒྱུ་རུ་སྨོན། །
སྙིང་ཁམས་པས
བོད་ཕྲུག་དེ་དག་ལ་རག་གི་མི་རིགས་ཀྱི་ཅོས་དང་ལོ་རྒྱུས་ཀྱི་སློབ་སྱོང་ལེགས་པོ་སྤྲད་དེ་ཕ་ཤུལ་བུ་འཛིན་ཞིག་ཞིག་ཡོང་རྒྱུར་གཞིས་ལུས་ཡོངས་ཀྱིས་ཐུགས་བསྐྱེད་ནན་མོ་གནང་དགོས། སྐབས་འདིར་དགེ་འདུན་པ་མང་པོས་རང་གི་ལུས་སྲོག་ལ་མ་འཛེམ་པར་གང་དུ་ཉེན་ཁ་ཆེ་བའི་སར་ཕེབས་ཤིང་རོགས་སྐྱོར་གནང་བ་ཁུར་དུ་བབས་པའི་ལས་དང་གཟི་བརྗིད་ལྡན་པའི་མཛད་པ་རླབས་པོ་ཆེ་རེད། དེར་མ་ཟད་རྒྱ་བལ་ཀྱི་དགོན་སྡེ་སྤྱི་དང་། བྱེ་བྲག་ཕྱི་རྒྱལ་དུ་ཡོད་པའི་བླ་སྤྲུལ་དགེ་འདུན་པ་རྣམས་ཀྱིས་ཐུགས་སྨོན་རོགས་དངུལ་ལ་འབད་བརྩོན་གནང་བཞིན་པ་གཞིས་ལུས་རྣམས་གྱིས་གོ་ན་སེམས་གསོར་འགྱུར་བས་གང་ཐོས་ཁྱབ་བསྒྲགས་གནང་འོས་ཆེ། ཉེ་ལམ་ཧོང་ཀོང་དུ་ཞྭ་དམར་རིན་པོ་ཆེའི་ཆོས་ཚོགས། བཀའ་བརྒྱུད་ཆོས་ཚོགས། ས་སྐྱ་ཆོས་ཚོགས། དཔལ་ཡུལ་ཆོས་ཚོགས་བཅས་ཀྱིས་སྨོན་ལམ་འཚོགས་གནང་བ་དང་། སངྒ་པུར་དུ། བླ་མ་བཟོད་པའི་ཆོས་ཚོགས། ས་སྐྱ་དགོན། ཀརྨ་བཀའ་བརྒྱུད་དགོན། ཕྱག་རྫོགས་ཆོས་ཚོགས་བཅས་ཀྱིས་སྨོན་ལམ་འཚོགས་གནང་། ཐེ་ཝན་དུ་སྐུ་ཚབ་ནས་དབུ་ཁྲིད། ཆོས་རྒྱུན་རིས་མེད་ཀྱི་དགེ་འདུན་བདུན་ཆུ་ལྷག་མི་སེར་ཉིས་བརྒྱ་ཙམ་རང་མོས་ལྷན་ཚོགས་ཀྱིས་སྐུ་ཚབ་དང་། ཀཿ་ཐོག་རིག་འཛིན་ཆེན་པོ། ཀརྨ་མཁན་པོ་ཚུལ་རྣམ་བཅས་ཀྱིས་གདུང་སེམས་མཉམ་བསྐྱེད་དང་འཛམ་གླིང་གི་རྒྱལ་སོ་སོས་འཇིག་བཞིན་པའི་མི་རིགས་དང་། ཆོས་རིག་ལོ་རྒྱུས་བཅས་པ་སྲུང་སྐྱོབ་རོགས་རེམ་དགོས་པར་འབོད་བསྐུལ་ཞུས་འདུག འགར་རྣམ་རོལ་རིན་པོ་ཆེ་སོགས་ཀྱིས་རོགས་སྐྱོར་ཚོགས་པ་ཞིག་ཡང་བཙུག་འདུག
བླ་ཆེན་ཁག་ནས་ཞལ་འདོན་ལས་རོགས་དངུལ་གང་མང་བྱེད་རྒྱུ་གལ་ཆེན་རེད།
བར་སྐབས་རིང་འདིར་ཚང་མས་རྡོག་རྩ་གཅིག་སྒྲིལ་གི་ངང་ནས་གཅིག་ཕན་གཅིག་གྲོགས་བྱེད་རྒྱུ་ནི་གལ་ཆེན་ནང་གི་དོན་ཆེན་རེད།