གཅན་བཟོད་རྒྱམ།
ཉིན་འགའི་སྔོན་དུ་དྷ་རམ་ས་ལ་ནས་རྒྱ་གར་ཡུལ་མི་གསུམ་གྱིས་བོད་ཀྱི་ཕོ་གསར་ཞིག་ལ་གྲིས་བརྒྱབས་ཏེ་དམར་བསད་བཏང་འདུག གསར་གནས་དེ་གོ་འཕྲད། རང་ཉིད་དྷ་ས་དང་གྱེས་ནས་ལོ་འགའ་འགོར་བར་ཕྱིར་དྲན་བྱས། ༢༠༠༤ ལོར། ས་རཱ་མཐོ་སློབ་ནས་སློབ་མཐར་ཕྱིན་མཚམས་མ་ན་ལིར་གནས་སྐབས་ངལ་གསོའི་ཚུལ་དུ་བསྡད་པ་ཡིན། ཀ་ལ་ཐི་ཞེས་པའི་ཆུ་ཚན་ཡོད་ས་དེར་པ་བསྟན་དར་དང་མཉམ་དུ་ཟླ་ངོ་གསུམ་ཙམ་རིང་བསྡད། སྐབས་དེར་རོགས་ན་ཕ་ཡུལ་གཅིག་པའི་ཕོ་གསར་འགའ་རེ་ཡང་ཡོད།
ཉིན་གཅིག པ་བསྟན་དར་ལགས་དང་རྒྱ་གར་ཡུལ་མི་ཞིག་བར་འཛིངས་རེས་ཤོར་འདུག པ་ལགས་ཕྱིར་ནང་དུ་ཡོང་ནས་སྡུག་དམེ་འདོན་བཞིན་ལག་ཆ་ཞིག་འཚོལ་བཞིན་འདུག དེ་ནི་པ་ལགས་ཀྱིས་ལག་ཆ་ཞིག་ཁྱེར་སོང་སྟེ་རྒྱ་གར་བ་དེར་ཅིག་བཞུས་ཀི་ཡིན་མདོག་རེད་མོད། པ་ལགས་ཁོང་དགུང་ལོ་བརྒྱད་ཅུར་ཟིན་ཡོད་པས་རྒྱ་གར་ཕོ་གསར་དེར་ཅི་ཞིག་བྱ་ནུས་སམ།
ངས་ཐབས་གང་ཡོང་གིས་པ་ལགས་ལ་ཞུ་བ་འཐེན་པ་དང་ཡུལ་མིར་འཁྲུག་འཛིངས་བྱེད་མི་ཉན་ཚུལ། ༧གོང་ས་མཆོག་གིས་དུས་རྒྱུན་ཡུལ་མིར་འཆམ་མཐུན་བྱ་དགོས་སྐོར་གསུང་ལུགས་སོགས་པ་ལགས་ལ་གསུང་ཆོས་འདྲ་ཞིག་བཤད་རྗེས་གཞི་ནས། ཐང་ཆད་པ་དང་མཉམ་དུ་གཉིད་དུ་ཡུར་སོང་། ཕྱི་དྲོ་ཙམ་ལ་ང་སྒོ་ཕྱིར་བུད་སྐབས། ཏག་ཏག་རྒྱ་གར་བ་དེ་དེར་འདུག་པ་དང་འཕྲད། ངས་ངག་འཇམ་ཚིག་ཡག་གིས་པ་ལགས་དང་རྒྱག་རེས་བྱས་སྐོར་གླེང་ནས་ཁོ་ལ་བསླབ་བྱ་འདྲ་བྱས་ཏེ་ངེད་གཉིས་འཆམ་མཐུན་གྱིས་ཁ་བརྡ་བྱེད་བཞིན་པའི་སྐབས་སུ། ཏག་ཏག་པ་ལགས་གཉིད་སད་ཡོང་ནས་ངེད་གཉིས་ཀྱི་ལྟག་རྒྱབ་ནས་རྡོ་ཞིག་བཟུང་སྟེ་རྒྱ་གར་བའི་སྟེང་རྒྱུགས། རྒྱ་གར་བ་ཡར་ལངས་ཏེ་པ་ལགས་ལ་འཇུས་པ་དང་ངས་ཁོ་གཉིས་ལ་བར་བྱས། རྒྱ་གར་བར་དེ་འདྲ་མ་བྱེད་ཟེར་བཞིན་ཚུར་འཐེན་སྐབས། རྒྱབ་ཕྱོགས་ནས་ངའི་མགོ་ལ་སྐག་རྒྱ་ཅན་ཞིག་བཞུས་པ་དང་ལྷན་དུ་ང་མགོ་སྔ་མེད་པར་རྒྱ་གར་བ་བདུན་བརྒྱད་ཙམ་གྱིས་ཤཱི་མིན་རོ་མིན་དུ་རྡུང་། སྐབས་དེར་ངའི་ཕ་ཡུལ་གཅིག་པ་དེ་ཡང་སྒོར་རྒྱུགས་ཡོང་བ་དང་ཁོ་ལའང་རྡུང་། ངེད་གསུམ་གཞུང་ལམ་འགྲམ་དུ་རོ་བཞིན་རྡུང་ཡག་བྱས་རྗེས། རྒྱ་གར་བ་༢༠ ཙམ་འདུས་འདུག་པ་དང་། ཅུང་རྒན་པ་ཚོས་བར་བྱས་ཏེ་ཁོ་ཚོ་རང་སར་ཕྱིན་སོང་། ངེད་གཉིས་ཀྱི་པ་ལགས་སྐྱོར་བཞིན་ནང་དུ་ཡོང་། ཁོང་མལ་ཁྲིར་བསྙལ། སེམས་གསོ་བྱས།
ཉིན་དེའི་ཁོང་ཁྲོ་ནི་བརྗོད་དཀའ་ལ། སེམས་ཕམ་ཡིད་ཆད་ནི་དེ་བས་བརྗོད་ཐབས་བྲལ། རང་གིས་རང་ལ་སེམས་གསོས། ཕྱི་ཉིན་ངེད་གསུམ་སྨན་ཁང་དུ་སོང་སྟེ་རྩུབ་མ་དང་རྐང་ལག་གློག་པར་བརྒྱབས་ཏེ་བཅག་སྐྱོན་སོགས་ལ་སྨན་བཅོས་བྱས། འོན་ཀྱང་། འཐབ་ནས་ནི་མི་བཏུབ་པས་རང་ས་ནས་གཉོམ་ཁུར་བ་ལས་ཅི་བྱེད། སེམས་པ་རིམ་དུ་བཅུག་ནས་ཕྱི་ཉིན་ནས་བཟུང་སྔར་བཞིན་རྒྱ་གར་བ་རྡུང་རྡེག་གཏོང་མཁན་ཚོར་ཕར་སྐད་ཆ་བཤད་ཐབས་དང་འགྲོགས་འདྲིས་བྱས་ཏེ་སྔར་བཞིན་འདྲིས་པོ་བྱས་རྗེས། ཁོ་ཚོས་བྱས་ཉེས་ཐར་འདོན་དང་རྒྱ་གར་བའི་མི་གཤིས་ཀ་ངན་ལུགས་སོགས་ཕྲ་ཞིབ་ངོ་འཚང་དྲིས་པ་ཡིན་མོད། དེ་དུས་ཁོ་ཚོས་ཡག་པོ་ཉན་ཞིང་བཟོད་གསོལ་ཞུས་སོང་།
འདི་ལྟར་བསམ་བཞིན། གལ་ཏེ་ཁ་སྔོན་གྱི་ཕོ་གསར་དེ་ཡང་ང་ཚོ་ལྟར་བསད་མེད་པར་རྡུང་རྡེག་བཏང་ནས་གསོན་ཡོད་ཚེ། འཆམ་མཐུན་གྱི་ལམ་ནས་རྒྱུ་མཚན་ཡང་དག་རེས་ཕན་ཚུན་ལ་གོ་བསྐོན་བྱས་ན་ལས་གཞན། འུ་ཅག་ས་མཐར་སྐྱབས་བཅོལ་བའི་ཐོབ་ཐང་ཙམ་ཡང་མེད་ས་ནས་ཡུལ་མི་དག་ལ་ཅི་ཞིག་བྱ་ནུས། ཁྲིམས་ཁ་ནས་ཀྱང་རང་གི་རྒྱལ་འབངས་ལ་གཞན་མི་ལས་ལྷག་པའི་ཉེས་ཁྲིམས་ཞིག་འཕོག་གི་མ་རེད་སྙམ།
གང་ལྟར། འདས་པོ་ནི་འདས་ཟིན་པ་རེད་མོད། མི་བསོད་མཁན་དག་ལ་ཡུལ་ཁྲིམས་ལྟར་ཉེས་པ་གང་ཡོད་འཁུར་ཐབས་ལ་འུ་ཚོས་དཔུང་གདངས་མཉམ་སྦྲེལ་གནང་རོགས། འབྱུང་འགྱུར་བོད་མི་སུ་ཡིན་ཀྱང་རང་རང་སོ་སོའི་ཚེ་སྲོག་གི་ཆེད་དུ་ཐབས་ཤེས་གང་ཡོད་བྱ་རྒྱུ་ལས་གདོང་དང་གདོང་གཏད་ནས་ཚེ་སྲོག་གིས་རྒོལ་འཛིངས་བྱེད་ས་མིན་པ་ཡང་མཁྱེན་པ་གནང་རོགས།
འདས་པོའི་ཆེད་དུ་ཨོཾ་མ་ཎི་པདྨེ་ཧཱུཾ། ཡིག་ནོར་ཡོད་སྲིད་པར་དགོངས་དག་ཞུ།
༢༠༡༥།༡༠།༠༣ ཉིན་གུང་ཡོལ་ཙམ་ལ་གངྒའི་འགྲམ་ནས་ཡིད་སྐྱོ་བཞིན་བྲིས།
ལྟས་ངན། ཉེས་བརྡུང་རག་སོང་ན་སྡུག་གྱོང་རེད། ག་དུས་ཡིན་ནའང་བག་འཁུམ་དགོས་རབ་མ་གཏོགས་བཟང་ལན་ངན་ལན་འཇལ་མ་ཤེས་པ་རེད། ཕོ་ཁྱོ་ཀ་ཡིན་ནམ། ཡང་མིན་ན་དོར་མ་མ་གྱོན་ནས་བུད་སྨན་གྱི་འཇར་མ་གྱོན་ནས་རྒྱུགས་ཅིག་ཨ། མི་ཆེ་ཆུང་ཡོད་ཀྱང་སྲོག་ལ་སྦོམ་ཕྲ་མེད་པས་ཤི་ཚར་རྗེས་སྒྲུང་རྫོགས་ཚར་རེད།
ཏྲེ་བྱམས་སྐུ་མཁྱེན་ དེང་སང་མཆན་རྒྱག་ས་ཅིག་ལ་དང་པོ་ནས་ཁྱེད་རང་སླེབས་ཡོང་གི་ སྐད་ཆ་ལ་གོ་དོན་ཡོད་པ་དང་ གཏན་ཚིགས་ལངས་ཕྱོགས་ལྟ་བ་སོགས་ཀྱི་དྲོ་བ་གང་ཡང་མི་འདུག་ བླུན་པོ་སྨྲ་བ་ཉུང་ན་མཛེས་
ཏྲེ་ཧོར་བྱམས་པ་རིན་ཆེན། ཁོ་རེ། ཁ་ཕོ་མ་སྒྲོགས་ཨ། རྒྱ་དམར་གུང་ཁྲན་གྱིས་ཁྱོད་ཀྱི་ཕ་མེས་ཡང་མེས་ཅི་ཙམ་དམར་གསོད་དང་རྒྱུ་ནོར་འཕྲོག་བཅོམ་བྱས། ཐ་ན་ཁྱེད་རང་ཡང་སྡོད་མ་ཚུགས་པར་ས་མཐར་འཁྱམས་དགོས་བྱུང་། དེ་དག་ལ་རང་གིས་ངན་ལན་ལ་ངན་བྱེད་ཐུབ་ཡོད་པས། གོང་ས་མཆོག་དང་བོད་གཞུང་གིས་ཁྱེད་ལ་ལྟོ་གོས་ག་ཚོད་གནང་སོང་། དེར་བཟང་ལན་མཇལ་ཡོད་པས། ཐོག་མར།འཛུབ་མོ་རང་ལ་ཚུགས་ཤིག
དང་པོ་ནོར་བཅོས་དགོས་པ་2015/10/3 དེ་2015/11/3ལབཟོ་བཅོས་གནང
གནང་རོགས་གནང་།
ཧ་ཧ་ཧ།སྒྲུང་འདི་མོ་ཟིག་དེ་རིང་མ་གཏོགས་བཤད་མ་སོང་ངཱ་། རྡུང་རྡེག་ཡག་ཐག་ཆོད་ཅིག་ཉོས་འདུག གོང་ཚད་ཡག་པོ་སྤྲད་དེས་མཐར་ཞི་འཇམ་ངང་བཏུལ་འདུགཧ་ཧ་ཧ། ཀུ་རེ་ཡིན། གང་ལྟར་ཉིད་ལ་ཐུགས་རྒྱ་ཆེན་པོ་ཡོད་པར་ངས་ཡིད་རངས་བྱེད་ཀྱི་ཡོད།
གོང་དུ་ངག་དབང་དང་ཡེ་ཤེས་དཔལ་ཟེར་བ་གཉིས་ཉོན་ཅིག་ལགས།
རེད་གདའ། ངག་དབང་ཟེར་བ་ཁྱོད་དང་ང་གཉིས་མཁས་བླུན་སུ་ཡིན་འགྲན་བསྡུར་བྱས་ན་གྲ་སྒྲིག་ཨང་གསར་ཡོད། ལུང་རིགས་དང་གཏན་ཚིག་ཐད་ནས་བཤད་ན་ཆོག་ལ་ཕྱི་ནང་རིག་གནས་གང་ཐད་ནས་བགྲོ་གླེང་དགོས་ན་བཤད་མི་དགོས་ལ་ངས་གང་ལ་མཆན་འདེབས་དུས་ཁྱོད་ལ་ཆོག་མཆན་ཞུ་དགོས་པ་ཨེ་རེད་དམ། ཧཧཧཧཧ་་་་་
དེ་ནས་ཡེ་ཤེས་དཔལ་ལགས་སུ་ཞུ་དོན།
ངས་མི་ཚེ་བྱུང་རིམ་ནང་དཔལ་འབྱོར་ལྟོ་གོས་ཐད་ལ་སུ་གང་ཡང་བཀའ་དྲིན་ཆེ་བ་མེད་ལ་དྲིན་ལན་འཇལ་དགོས་ས་དེ་བས་ཀྱང་མེད་གདའ། རང་གིས་འབད་རྩོལ་ལ་བརྟེན་ནས་འཚོ་བཞིན་ཡོད་པས་ངོ་སྲུང་དང་སྤྲེལ་ལད་འཁྲབ་དགོས་ས་དེ་བས་ཀྱང་མེད། འཇོན་པོ་མེད་ཀྱང་རང་གི་རྐང་པའི་ཐོག་རང་རྐྱ་ཐུབ་པའི་ལངས་ནས་འགྲོ་ཀི་ཡོད་གདའ། དེ་གོ་བར་གྱིས་ལགས།