ཧེ་མཎ་ཝེའི་མི་ཚེའི་ལོ་རྒྱུས་ཐུང་ངུ་ཞིག

ཚེ་རིང་ཆོས་སྒྲོན་གྱིས་བསྒྱུར།

 
ནུབ་ཕྱོགས་ནོ་བྷེལ་རྩོམ་རིག་བྱ་དགའ་ཐོབ་མཁན་གྱི་བརྩམས་སྒྲུང་རྩོམ་པ་པོའམ་གསར་འགོད་པ་གྲགས་ཅན་ཨེ་ཎེ་སི་ཁྲི་མེ་ལུར་ཧེ་མཎ་ཝེ་(Ernest Miller Hemingway) ནི་༡༨༩༩ ལོར་སྐྱེས་ཤིང་། ཁོ་ནི་ནང་མི་དེར་བུ་ཕྲུག་དྲུག་ཡོད་པའི་གཉིས་པ་དེ་ཡིན། ཁོ་ཚང་གི་ཁྱིམ་གཞི་ནི་ཆིཀཱ་ཀོ་གྲོང་ཁྱེར་གྱི་ཨཱོཀ་སྐྱེད་མོའི་ཚལ་གྱི་ཉེ་འདབས་སུ་མཆིས།
ཕྱི་ལོ་༡༩༡༧ ལོར་ཁོ་ཨ་རིའི་སྐད་གྲགས་ཅན་གྱི་ཉིན་རེའི་ཚགས་ཤོག་“The Kansas City Star ”ཞེས་པ་དེའི་གསར་འགོད་པར་ཞུགས། དེའི་ཕྱིར་ལོ་འཛམ་གླིང་དམག་ཆེན་དང་པོའི་འཐབ་འཁྲུག་སྐབས་སུ་ཧེ་མཎ་ཝེ་མ་སྐུལ་དང་བླངས་སྒོས་ཨེ་ཏྲ་ལེ་ནད་པ་མྱུར་སྐྱོབ་རླངས་འཁོར་གཏོང་མཁན་བྱེད་ཅིང་སྐབས་དེར་ཁོར་བརྡབ་སྐྱོན་ཤུགས་ཆེན་བྱུང་། འོན་ཀྱང་དེ་ནི་ཁོར་མཚོན་ན་དཔུང་གྲོགས་ཚོར་ཞབས་འདེགས་ཐེངས་གཉིས་བྱེད་པ་དང་ཀུན་ནས་མཚུངས།

༡༩༡༩ ལོར་ཁོ་ཕྱིར་ཨ་རིར་ལོགས་ཤིང་༡༩༢༡ལོར་གཉེན་སྒྲིག་བྱས། ཕྱི་ལོ་༡༩༢༢ལོར་གྷི་རི་སི་དང་ཏྲར་ཀེ་ཤི་གཉིས་དམག་འཁྲུག་སྐབས་དེར་ཡང་ཁོ་གསར་འགོད་པ་བྱེད། དེ་ནས་ལོ་ངོ་གཉིས་འདས་རྗེས་སུ་ཁོ་གསར་འགོད་པའི་ལས་གནས་དེ་ལས་ཕྱིར་བུད་དེ་བརྩམས་སྒྲུང་གི་ལམ་སྣེར་བསྙེག དུས་དེ་ནས་བཟུང་ཁོ་པཱ་རེ་སིར་རྟེན་གཞི་བྱས་ཤིང་ཁོའི་གྲོགས་པོ་ཨེ་ཛྲར་པོན་ཌི་དང་གྷིར་ཁྲུས་ཊི་སི་ཋྲ་སོགས་ཀྱི་སྐུལ་ལྕག་དང་སྐྱོན་བརྗོད་དེས་ཁོའི་རྩོམ་རྩལ་གྱི་རྣམ་པར་འབུར་དུ་ཐོན་པའི་ཁྱད་ཆོས་ཤིག་རང་བཞིན་གྱིས་མངོན་པར་བྱེད།

ཧེ་མཎ་ཝེ་ཡི་ཆེས་ཐོག་མར་རྩོམ་པའི་<><<སྒྲུང་ཐུང་གསུམ།>> <><<སྙན་རྩོམ་བཅུ>>་དང་<><<ང་ཚོའི་དུས་ཚོད་>>ཅེས་པ་དེ་ཟུར་ཟའི་བརྩམས་སྒྲུང་ཞིག་ཡིན་པར་བརྗོད།
དེབ་གཉིས་པ་<><<དཔྱིད་ཀའི་ཆུ་རུད་>>དཔར་སྐྲུན་བྱས་པ་དེས་ཁོའི་མཚན་སྙན་རླུང་ལྟར་གྲགས་པར་བྱེད། དེར་མ་ཟད་ཁོའི་སྙན་གྲགས་རྒྱལ་སྤྱིའི་གར་སྟེགས་སྟེང་བརྟན་པོར་ཁྱབ་པར་བྱེད་པའི་དེབ་གསུམ་ནི<><<དུས་སྟོན།>><><<སྐྱེས་པར་སྐྱེས་མ་མི་ལྡན་པ།>><><<མཚོན་ཆ་དང་གཏན་དུ་གྱེས་པ།>>བཅས་ཡིན།