___ སྨྱུག་མདའ།
དེ་རིང་དར་ཆེན་ཞིག་མཚོ་ལ་འཐེན་ཡོད།།
ནམ་མཁའི་ཟླ་འོད་ཀྱང་ཁྱོད་ཅེས་བོས་ཡོད།།
ངག་གི་གྲགས་པ་འང་ཚེས་ཞག་ཤན་ཡོད།།
ཐོག་ཁང་བྱ་ཕོ་ཚོར་གཏམ་ཞིག་བྲིས་ཡོད།།
བྲན་བཀུར་གཤིས་ཀ་ལ་བརྡ་ཞིག་བཏེགས་ཡོད།།
བཙན་པོའི་རུས་པ་ལ་སྲོག་རྩ་གཏད་ཡོད།།
རི་སྒང་གཡར་མ་དེར་ཀི་ཞིག་བཏབས་ཡོད།།
ན་བུན་སྐྱ་བོའི་གཞུང་གཡོ་ཞིང་འདར་ཡོད།།
ཕྱི་རབས་རྨི་ལྟས་ཤིག་མཐའ་སྣེར་འགྲེངས་ཡོད།།
དོ་དགོང་དམག་འདབ་ན་རལ་བ་བཀྱགས་ཡོད།།
ལོ་འདི་ས་སྟོང་ཞིག་ཡིན་ཚོད་མ་རེད།།
རིག་གནས་མིང་ཡིག་གི་གོང་གོར་དྲོད་ཡོད།།
རི་སྡེ་མུན་པ་ལ་སྔར་བཞིན་ཟུག་ཡོད།།
ཁ་གཏམ་འཇམ་པོ་ལ་ལྕེ་ལྡག་བྱས་ཡོད།།
ཁྱེད་ཉིད་མེ་ལྕེ་ཞིག་རྐང་ལ་འཐིམས་ཡོད།།
ངག་ཤི་གཟའ་རོ་ཞིག་ཡིན་ཚོད་མ་རེད།།
ཆང་ཕོར་དམར་པོ་ལ་ཁ་རྒྱན་བཙུགས་ཡོད།།
ཟ་ཟུར་ཀུན་པོ་ཡི་མཉམ་བཞག་དཀྲོགས་ཡོད།།
བྲོས་བྱོལ་མི་ཕོ་ཞིག་སྟོབས་སུ་འཁྲུངས་ཡོད།།
སྙིང་གའི་བཟོ་བཀོད་ཀྱིས་བླ་མཁར་བཞེངས་ཡོད།།
མགྲིན་པ་ཟུར་ཉམས་ཀྱིས་ག་ལེར་འགུལ་བ།།
བཙན་པོའི་དུར་བདག་གི་སྙིང་སྟོབས་ལོས་ཡིན།།
ས་མཐའི་ལོ་ངོ་འདི་སྡུག་གིས་བསྐྱལ་ཡང་།།
སྐྱོ་ངན་གཏམ་ཚོགས་ཀྱིས་ཐུབ་ཚོད་མ་རེད།།
གྱེན་དུ་ལངས་པ་ཡི་ཟུངས་ཁྲག་འདྲེས་མ།།
ཙོང་ལ་རིངས་མོ་ཡི་རྒོད་པོ་མཐུར་མེད།།
ཆགས་སྡང་སྐད་ཆ་ཡི་མདའ་མཚོན་བར་ནས།།
བདེན་པའི་གཅེར་བུ་ཁྱོད་སེམས་ངོར་བྲིས་ཡོད།།
༢༠༡༥/༨/༢༤ མཚན་མོར”དབུགས་རིང་ཞིག་འཐེན་ཞོར་བྲིས།
༧གོང་ས་ཏྭ་ལའི་བླ་མ་སྐུ་ཕྲེང་བཅུ་གསུམ་པའི་བོད་རང་བཙན་བསྐྱར་ནན་གྱི་ཆུ་གླང་རྩ་ཚིག
༄༅།།འཕགས་པའི་ཡུལ་ནས་སངས་རྒྱས་ཀྱི་བཀའ་ལུང་། ༧རྒྱལ་དབང་འཇིག་རྟེན་གསུམ་མགོན་དུས་ཀུན་ས་སྟེང་། ༧རྒྱལ་བསྟན་ཡོངས་རྫོགས་ཀྱི་བདག་པོ་ཐམས་ཅད་མཁྱེན་པ་རྡོ་རྗེ་འཆང་རྒྱ་མཚོའི་བླ་མར་འབོད་པའི་གཏམ།བསིལ་ལྡན་རྭ་བ་དཀར་པོས་ཁོར་ཡུག་ཏུ་བསྐོར་བའི་སྨན་ལྗོངས་ཆེན་མོ་འདིའི་ཁོངས་སུ་གཏོགས་པའི་སྐྱེ་བོ་སེར་སྐྱ་དྲག་ཞན་བར་པ་བཅས་དང་། བྱ་བ་ཞི་དྲག་གི་སྣེ་མོར་མངགས་སླེབས་མཐའ་དག་ལ་ཟློས་བ།
འཕགས་པའི་ཡུལ་ནས་བདག་ཅན་གི་སྟོན་པ་ཐུགས་རྗེ་ཅན་འདིའི་ཇི་ལྟར་ལུང་དུ་བསྟན་པ་ལྟར་བསིལ་ལྡན་ས་ལའི་སྨན་ལྗོངས་འདི་བཞིན་འཕགས་མཆོགས་འཇིག་རྟེན་དབང་ཕྱུག་གི་འཕྲུལ་ཆོས་༧རྒྱལ་མེས་དབོན་རྣམ་གསུམ་ནས་བཟུང་ད་ལྟའི་བར་སྐྱེ་ཕྲེང་ཟམ་མི་ཆད་པ་བྱོན་ནས་ལྗོངས་འདི་ཕྱག་མཚན་དུ་བདག་བཞེས་ཏེ་འགྲོ་བ་རྣམས་གང་ལ་གང་འདུལ་གྱི་ཐབས་དང་།ཐུགས་རྗེ་ཆེན་པོས་རྟག་ཏུ་སྐྱོང་ཞིང་།
སྔར་ཇིང་གི་སི་ཁྭང་དང་། ཨལ་ཐན་རྒྱལ་པོ་སོགས་སོག་དུས་དང་། མིང་སོགས་རྒྱ་རྒྱལ་རིམ་བྱོན།༧རྒྱལ་མཆོག་ལྔ་པ་ཆེན་པོའི་སྐུ་དུས་ནས་མན་ཇུ་༧གོང་མ་དང་མཆོད་ཡོན་དུ་འབྲེལ་ཏེ་ཕན་ཚུན་སྐྱོང་རེས་ཀྱི་བཅས་དེ་ལྟར་ཡང་། བར་ལམ་ཟི་ཁྲོན་དང་། ཡུ་ནན་གྱི་རྒྱ་རིགས་ལས་བྱེད་འགའ་ཞིག་ནས་བོད་ཟ་སེམས་ཀྱིས་དབང་ཤུགས་བརྣབས་མནར་ཚོད་མེད་བྱས་པས་མ་ཚད། ཆིངས་གསལ་ཚོང་རྭ་ཁག་གི་ཁྲིམས་སྲུང་ཡིན་ཚུལ་རྒྱ་དམག་ཁྱོན་ཆེ་རྒྱལ་ས་ལྷ་ལྡན་དུ་ལྷགས་འབྱོར་བྱུང་བ་བཅས་ལ་བརྟེན་རྒྱ་བོད་མཆོད་ཡོན་གྱི་འབྲེལ་བ་ཙམ་ལས་། གཅིག་འོག་གཅིག་མེད་པའི་གནས་ལུགས་ཡོང་རྐྱེན་གསལ་བཤད་བྱེད་པར་ངོས་རྒྱལ་བློན་རྣམས་ས་མཚམས་སུ་བཀྱོད་དེ་པི་ཅིང་རང་ལ་ལྕགས་སྐུད་ཐོག་ནས་བཀའ་མོལ་ཞུ་རྩིས་དེ་ལྟར་ཡང་།
ངོས་ཐོན་པའི་རྗེས་སུ་གསོད་བཟུང་གང་ཐུབ་བྱེད་པར་གོ་མཚོན་ལྡན་པའི་རྒྱ་དམག་གཅིག་རྒྱབ་གཉིས་སྣོན་དུ་བཏང་རྐྱེན་རེ་ཞིག་རང་ས་བརྒལ་ཏེ་མི་འགྲོ་མཐུ་མེད་བྱུང་བ་དང་། རྒྱ་གར་དུ་འབྱོར་མཚམས་རྒྱ་ཕྱོགས་སུ་ལྕགས་འཕྲིན་ཐོག་ནས་གསན་ལུགས་སྔ་རྗེས་ཇི་ལྟར་ཞུས་ཀྱང་གནད་ཡོད་བློན་ཆེན་འགའ་ཤས་རྒྱུ་རྔན་གྱི་རྗེས་སུ་འབྲངས་ཏེ་འདི་བྱེད་གནས་ལན་སྣེ་གཅིག་མེད་མུར། ལས་འབྲས་མི་བླུས་བའི་མཐུ་ལས་མན་ཇུ་༧གོང་མའི་ཆབ་སྲིད་མི་བརྟན་པའི་དུས་འགྱུར་མི་ཟད་པ་བྱུང་ཐོག་། བོད་རིགས་སྐྱེ་བོ་མཆོག་མན་ཚང་མས་ཀྱང་རང་ནུས་གང་ཞར་གྱི་རྒྱ་དམག་ལ་འཐབ་འཛིངས་མུ་མཐུད་བྱས་པ་བཅས་ལ་བརྟེན་དབུས་གཙང་ཁུལ་དུ་ཡོད་པའི་རྒྱ་དམག་ཚང་མ་མཐར་བསྐྲོད་བཏང་ཟིན་ཏེ་།
ངོས་ཀྱང་རང་གི་སྐྱོང་ཡུལ་ཆོས་ལྡན་གྱི་ཞིང་དུ་བདེ་འབྱོར་ཐོག་། ཁམས་ཕྱོགས་ཡོད་པའི་འཕྲོས་ལྷག་རྣམས་ཀྱང་རིམ་བཞིན་མཐར་སྐྲོད་གཏོང་རྒྱུ་བཅས། ད་ཆ་བོད་ཡུལ་འདི་བཞིན་རྒྱ་ཕྱོགས་ནས་མཆོད་ཡོན་ཁ་ལ་འཁྱེར་ཏེ་དོན་དམ་བྲན་གཡོག་ཏུ་བཀོལ་རྒྱའི་བསམ་སྦྱོར་ངན་གཞོམ་དེ་དག་བྱེད་པའི་ཆངས་བུའམ། ནམ་མཁའི་འཇའ་ཚོན་ལྟར་ཅིག་ཅར་དུ་ཞི་ནས་འགྲོ་རྣམས་ཆོས་དང་། འབྱོར་པས་བདེ་སྐྱིད་རྫོགས་ལྡན་གསར་པའི་དགའ་སྟོན་ཉམས་སུ་མྱོང་བའི་སྐལ་བཟང་ཐོབ་པ་འདི་ནས་བཟུང་། ཁྱོད་རང་གོང་འཁོད་སེར་སྐྱ་དྲག་ཞན་ཚང་མས་ཉམས་སུ་ལེན་རྒྱུའི་དོན་ཚན་དང་པོ།
འཇིག་རྟེན་གྱི་ཁམས་འདིར་ཕན་བདེ་མ་ལུས་པ་གང་ལས་བྱུང་བའི་གཞི་རྩ་༧རྒྱལ་བའི་བསྟན་པ་རིན་པོ་ཆེ་འདི་ཉིད་རྙེད་དང་བཀུར་སྟི་བཅས་ཏེ་ཡུན་དུ་གནས་པ་ལ་རག་ལས་པས་ན། ལྷ་ལྡན་ར་ས་འཕྲུལ་སྣང་དང་།རྒྱས་བཏབ་ར་མོ་ཆེན། ཁྲ་བསམ་སོགས་གནས་ཆེན་ཁག་དང་། གདན་ས་གསུམ་སོགས་རིས་མེད་དགེ་འདུན་གྱི་སྡེ་མཆིས་སོ་ཅོག་ཚང་མའི་མཆོད་རྒྱུན་དང་། འཛིན་སྤྲས་ལ་དོ་དམ་ལྷོ་མེད་དགོས་རྒྱུ་།
དོན་ཚན་གཉིས་པ།
རིས་མེད་དགོན་སྡེ་ཁག་གི་མཁན་སློབ་དགེ་འདུན་རྣམས་ནས་རང་ལུགས་མདོ་སྔགས་གསར་རྙིང་གི་དམ་པའི་ཕྱག་བཞེས་གཙང་མ་རྣམས་མི་ཉམས་གོང་འཕེལ་དང་། ཉམས་པ་གསོར་འཆུད་ཐོག་། ཆོ་ག་འཆད་ཉན་། ཐོས་བསམ་སྒོམ་གསུམ་ལ་བརྩོན་ཞིང་། ཁས་བླངས་པའི་བཅའ་ཁྲིམས་སོགས་སྲུང་བརྩི་གང་ཆེ་དགོས་རྒྱུ་།།
དོན་ཚན་གསུམ་པ།
སྣེ་མོ་ལས་འཛིན་པ་མཆིས་སོ་ཅོག་ནས་ཁྲལ་བསྡུ་། ཁྲིམས་གནོན་གྱི་བྱེད་སྒོ་ཅི་མཆིས་དྲང་པོས་གཞུང་བསྲུང་གིས་གཞུང་འབངས་གཉིས་སྨན་ཐམས་ཚུལ་ལྷོད་མེད་དགོས་རྒྱུ་ལས་། མངའ་རིས་བསྐོར་གསུམ་དང་། མདོ་སྨད་ཕྱོགས་འདི་ནས་ས་ཐག་གིས་བསྐལ་བ་རྣམས་ལ་ལས་བྱེད་བསམ་མེད་རེ་ཟུང་ནས་འབམ་ཚོང་སྤུས་བསྒྱུར་། དཔྱད་མཚམས་ལས་བརྒལ་བའི་རྟ་ཁལ་མི་གསུམ་གྲངས་མེད་བསྐུལ་འདེད་སོགས་ཆབ་འབངས་ཆགས་ཐབས་བྲལ་བའི་བསྟབས་མནར་དང་། ལོ་ཐོགས་ཕྲན་བུར་སྙད་དེ་ས་ཁང་གཞུང་ལེན་དང་། དབང་པོ་ཡན་ལག་གཅོད་བྲེགས་སོགས་འདི་ཕྱི་ལས་འབྲལ་དང་། གཏམ་དོན་གོང་ལའང་མི་བཏུབ་པའི་བྱ་ངན་འདི་རིགས་ཙམ་མེད་པ་དགོས་རྒྱུ་།
བོད་འདི་རྒྱལ་ཁབ་གཞན་དག་ལྟ་བུའི་སྟོབས་འབྱོར་འཕྲུལ་ཆས་དང་མི་ལྡན་རུང་། ཆོས་མཐུན་ཞི་བདེར་གནས་པའི་རྒྱལ་ཁབ་རང་དབང་དང་ལྡན་པ་ཞིག་ཡིན་སྟབས་། དེང་དུས་ཞི་དྲག་གི་ལས་དོན་གང་ཅིར་དོ་དམ་ཆེ་བསྐྱོད་ཀྱིས་རང་ས་བརྟན་སྲུང་ཐུབ་པའི་དྲག་པོའི་འདུ་འགོད་རྒྱ་ཆེ་གནང་མུས་ཡིན་ན་། འཕྲལ་སྒང་དམག་ཁྲིད་དང་། ཁམས་ཕྱོགས་ལམ་འཁེལ་ཁག་ལ་དཀའ་ཚེགས་ཕྲན་བུ་ཡོང་གཞིར་བཅས་གཤིས་། རྒྱ་ནག་ནས་མ་དག་བདག་བཟུང་སྔ་ཕྱིར་བྱུང་བའི་རྒྱུ་མཚན་སྔོན་བྱུང་ལ་བསམ་ཞིབ་ཀྱིས་ཚང་མས་མ་བསྐུལ་དང་བླངས་ཐོག་རང་ས་རང་སྐྱོང་དང་། རང་སྡེ་རང་སྲུང་བྱེད་རྒྱའི་ཐབས་ཚུལ་ལ་ཚང་མས་ལྷག་བསམ་འཁུར་ལེན་ཆེ་བསྐྱེད་དགོས་རྒྱུ་མ་ཟད་། སྟོད་སྨད་། ལྷོ་བྱང་གིས་མཚམས་ཁག་ལ་སོ་སྲུང་ལྷད་མེད་ཀྱིས་ཕྱི་མིའི་སོ་ཉུལ་ནང་ལྷགས་མི་འབྱུང་དམ་པོས་དམ་བཅིངས་དང་། གལ་ཏེ་དོགས་གླེང་ཕྲ་མོ་ཙམ་རུང་འཕྲལ་འཕྲལ་རྫོང་གཞིས་རྟ་ཞད་བརྒྱུད་ནམ་ཉིན་ཤད་རྩོལ་གྱིས་རྒྱལ་ཁབ་ཏུ་༧སྙན་སེང་དགོས་ལས་། རང་བཞིན་ལྷོད་ཡངས་དང་། ཡང་དོན་མེད་རྒྱུ་ཆུང་རྐྱེན་ཆེའི་ཀྲོག་རྐྱེན་ཆེད་བཟོའི་རིགས་ནམ་ཡང་མི་ཆོག་།
དོན་ཚན་ལྔ་པ།
བོད་འདི་མི་འབོར་ཉུང་ཞིང་། ས་སྟོང་བེད་མེད་ཤིན་ཏུ་མང་པོ་ཡོད་རུང་། འབད་རྩོལ་ཅན་འགའ་ཤས་ནས་ཕྲུ་གདུལ་བྱེད་བློ་ཤར་ཡང་། སྣེ་མོ་བ་ནས་བཟའ་འདོད་སྙད་འཚོལ་དང་། ས་བདག་རྣམས་ནས་རང་རང་གིས་ཕྲུ་གདུལ་ལག་ལེན་གང་ཡང་བྱེད་མ་ཐུབ་པར་། གཞན་གྱི་བྱེད་པར་མི་བཟོད་པའི་ཕྲག་དོག་གིས་རྒྱུ་མཚན་ཅི་རིགས་སྒོ་ནས་ཡུལ་ལུང་ཡར་རྒྱས་ཀྱི་གཞི་རྩ་གཏན་བརླག་གཏོང་སྲོལ་འདི་དག་རང་གཞན་གཉིས་མེད་ཀྱི་རྒྱུ་ལས་དགེ་མཚན་གང་ཡང་མ་མཆིས་པས་།
ད་ནས་བཟུང་སྤྱི་ས་རི་ཀླང་བེད་མེད་སྟོང་ལུས་ཇི་ཡོད་ལ་ཁྱིམ་པ་ཉམས་ཅན་རྩོལ་ལྡན་ནས་ས་ཞིང་གདུལ་བ་དང་། སྤྱར་ལྕང་སྐྱེ་ཚེར་ཡན་གྱི་ཕན་བདེ་སྤེལ་བའི་འདེབས་འཁོལ་གང་ཐུབ་བྱེད་པར་གཞུང་སྒེར་མོས་བཅས་སུས་ཀྱང་བཀག་འགོག་ནམ་ཡང་མི་ཆོག་ཅིང་། དེ་དག་དགེ་བེད་ལོ་གསུམ་ཁྲལ་མེད་དུ་སྤྲད་རྗེས་རྒྱ་ཁྱོན་དང་།དགེ་བེད་ལ་གཞིགས་པས་གཞུང་དང་། ས་བདག་གི་ཁྲལ་བོགས་གཉིས་ལོ་འགེལ་འོས་ཐོག་འཛིན་བདག་གཏན་འཇགས་སུ་སྤྲད་པས་གཞུང་འབངས་གཉིས་སླེབས་ཡོང་བ་བྱེད་རྒྱུ་བཅས་གོང་དུ་ཇི་ལྟར་སྨྲོས་པ་བཞིན་ཚང་མས་ཉམས་སུ་བླངས་ནས་གཞུང་སའི་བཀའ་དྲིན་གསོ་བའི་ཞབས་འདེབས་སུ་འགྱུར་ཞིང་། རང་གཞན་ཡུལ་གྲུ་ཀུན་ཏུ་བདེ་སྐྱིད་ཀྱི་དགེ་མཚན་རླབས་པོ་ཆེ་ངམ་ངམ་ཤུགས་ཀྱིས་འཕེལ་ངེས་པས་། ཁེ་ཉེན་ལ་བསམ་ཞིབ་ཀྱིས་ལྷ་ཆོས་དང་། མི་ཆོས་ཀྱི་བླངས་དོར་ཕྱིན་མ་ལོག་པ་དང་ལེན་རྒྱུན་འཁྱོངས་དགོས་རྒྱའི་རྩ་ཚིག་འདི་བཞིན་མངའ་ཁུལ་དཀར་ཆག་ཏུ་བཀོད་ངོས་། ལས་བྱེད་རིམ་འབྱོར་ནས་རྩ་འཛིན་མཇུག་གཞོན་རྒྱུན་འཁྱོངས་ཚུལ་བཞིན་སྤྱོད་པ་གྱིས་།
ཞེས་གོ་བར་བྱ་བའི་ཡི་གེ་ཆུ་མོ་གླང་གི་ལོའི་ཆོ་འཕྲུལ་ཟླ་བའི་གྲམ་ཚེས་༨་དགེ་བར་གྲུ་འཛིན་གཉིས་པའི་གཞལ་མེད་ཁང་ཕོ་བྲང་ཆེན་པོ་པོ་ཏྭ་ལ་ནས་བྲིས།།།།
དབུ་མེད་ནས་དབུ་ཅན་དུ་བསྒྱུར་པ་པོ་ཅོ་རི་ཉི་མ།
བཀུར་འོས་ཁ་བརྡ་ཚང་ལགས་ལ་ཞུ་རྒྱུ་་་་་ཆུ་གླང་རྩ་ཚིག་འདི་རྩོམ་ཡིག་གི་གྲལ་དུ་བཀོད་རོགས་གནོང་ཞུ་རྒྱུ་ཡིན། འདིའི་སྐོར་དུ་བགྲོ་གླེང་ཏོག་ཙམ་བྱ་འདོད་འདུག བོད་ཀྱི་མཁས་དབང་དག་ལ་འདྲི་དགོས་པའི་དྲི་བ་འགའ་རེ་ཡང་འདུག་པས་ཡིན། ཐུགས་རྗེ་ཆེ།
དེང་སང་ཡིག་བསྒྱུར་གསར་བ་ཞིག་འདུག དབུ་མེད་ནས་དབུ་ཅན་ལ་སྒྱུར་མཁན་ཞིག མིང་ལ་ཅོ་རི་ཉི་མ་འབོད།
ཆུ་གླང་རྩ་ཚིག་ལ་འབོད་དགོས་པ་རེད་དམ་། ཆུ་གླང་རང་བཙན་གྲགས་གཏམ་ལ་འབོད་དགོས་པ་རེད་། རྩ་ཚིག་དང་རང་བཙན་གཉིས་དོན་གཅིག་མིང་གི་རྣམས་གྲངས་ལ་ངོས་འཛིན་གནང་ན་འགྲིག་གི་ཡོད་པ་ཡིན་ནམ་ ཡང་ན་གོང་ས་བཅུ་གསུམ་པ་ཆེན་པའི་རྩ་ཚིག་དང་རང་བཙན་གྲགས་གཏམ་ནོར་ནས་རང་བཙན་གཏམ་ལ་རྩ་ཚིག་བརྗོད་པ་ཡིན་ནམ་འདིར་གསལ་བཤད་གནང་རོགས་ཐུགས་རྗེ་ཆེ་།
སྐུ་ཕྲེང་བཅུ་གསུམ་པ་ཡི་ཟློས་གཏམ་གྱི།
དངོས་མིང་ཅི་ཡིན་ཁྱོད་ཀྱིས་མ་ཤེས་ན།
གསོན་པོ་བཞུགས་པའི་སྐུ་ཕྲེང་བཅུ་བཞི་པའི་།
བདུན་དུ་བཅར་ནས་བཀའ་འདྲི་ཞུ་རོགས་བྱོས།
སྔོན་ཆད་རང་བཙན་ཡིན་པའི་རྒྱལ་ཁབ་མང་པོ་ཞིག་ད་ཆ་རང་བཙན་སྤྲད་ན་ཡང་དགོས་ཀྱི་ཡོད་མ་རེད། སྔོན་ཆད་རང་བཙན་གཏན་ནས་མིན་པ་ཞིག་ད་ཆ་རང་བཙན་རྒྱབ་ཁབ་ཞིག་ཏུ་གྱུར་ཚར་བ་མང་པོ་ཡོད་རེད། འཛམ་བུ་གླིང་ན་གཟིགས་ནས་མཐོང་རྒྱ་དང་ཐོས་རྒྱ་ཆེ་རུ་ཐོངས་གདའ། ས་ཆ་སྐྱོ་བོའི་མིའི་སོང་ཙང་བསལ་བློ་དེ་ཡང་དེ་འདྲ་ཞིག་རེད། སྔོན་ཆད་དང་ད་ལྟ་ཁ་རེད། སྔོན་ཆད་ཁྱེད་རང་གྲྭ་བ་རེད། ད་ཆ་སྡོམ་ཤོར་རེད་པ། དེ་འདྲ་བོ་རེད། རང་གི་ཕྱོགས་ལ་དཔེ་བླངས་ནས།། གཞན་ལ་གནོད་སེམས་མ་བྱེད་ཅིག་་
ཅོ་རི་ཉི་མ་ལགས།
ཀླུ་བྱམས་འདི་། ཕུ་འདྲེ་ཞིག་དང། བཙོན་པ་མ་མིན་ཞིག་དང་། རྒྱ་རོའི་ལག་ཆ་ཡིན་མིན་ལ་སྤྱད་པ་བྱ་དགོས་སོ།
དེང་དུས་ན་གཞོན་བོད་རིག་གཞོན་ནུ་འཚོ་།
ཁྱོད་དང་ང་དང་་མང་་པོ་མ་ཟེར་ཅིག།
ཨི་ཚོའི་མ་འོངས་མདུན་ལམ་གཅིག་པ་ཡིན།
མཉམས་རིབ་བྱེད་ནས་བཙན་པོའི་གདུང་བརྒྱུད་ཟིམ།
ཀླུ་མཁར་བྱམས་ཀྱིས་སྙིང་སྟོབས་གི་མ་འོང་པའི་བོད་གི་་དར་ཆ་རྣམས་ལ་འགྲེང།
ཁོང་དང་འདྲ་བའི་ན་གཞོན་ཡོད་ན།
མ་འོང་པའི་བོད་མི་རིག་འདི་རང་གི་སྐད་དང་ཡིག་གེ་རྣམས་མཚོ་གནས་ཐུབ།
དེ་མ་ཚད་ད་དུང་བཙན་པོའི་གདུང་བརྒྱུད་སླར་ཡང་འཛམ་གླིང་གི་སྡེང་ཆས་སྟེངས་བསྐྲིན་ཐུབ།