བསམ་སྤྱོད་ཡར་སྐུལ་གྱི་ཚོགས་འདུ་བསྡུས་པའི་གསར་གནས།

Comments (5) on “བསམ་སྤྱོད་ཡར་སྐུལ་གྱི་ཚོགས་འདུ་བསྡུས་པའི་གསར་གནས།”

1. རྫོང་བཞི་བཅུ་ལྷག་གི་མི་སྣ་འཛོམས་ནས་གྱོད་གཞི་འདུམ་འགྲིག་བྱས་བྱས་སྟངས་སྐོར་ལ་འཚོགས་འདུ་ཚོགས་པ་རེད་ཟེར་གྱིན་ཡོད་རེད་པས།

2. སྤྱིར་བཏང་འདི་འདྲ་གནད་དོན་ཐད་ལ་བསམ་བློ་འཁོར་བ་ཡག་མོ་རེད། ཡིན་ནའང་གོང་གསལ་ཚང་མ་གུང་བྲན་ཏང་གི་སྲིད་དབང་གཅིག་བསྡུས་ཐོག་ས་གནས་རང་ལ་དབྱེ་ཞིབ་དང་ཐག་བཅད་འཛིན་བཟུང་བཅས་བྱས་བཞིན་ཡོད་པས་དེ་དང་མཉམ་དུ་ལེགས་ཉེས་དགེ་སྐྱོན་གྱི་བསམ་འཆར་འདོན་ཐུབ་ན་ནུས་ཤུགས་ཆེ་བ་ཡོད། གཞན་བོད་མི་ཁེར་ཀྱང་ཟུར་དུ་འདུ་འཛོམས་དེར་མིང་གྲགས་ཙམ་ལས་དོན་འབྲས་ཡོད་མ་རེད། བསམ་འཆར་འདོན་པའི་གོ་སྐབས་དེ་དཔེར་ན་དཀར་མཛེས་ཁུའུ་དར་མདོ་ལ་ལོ་རེ་ནང་ཆོས་ལུགས་དང་ཡུལ་མིའི་བདེ་འཇགས་ཐད་འདུ་འཛོམས་ཆེན་པོ་རེ་འཚོགས་བཞིན་ཡོད་པས་སྐབས་དེ་དུས་དགོངས་འཆར་གང་ཡོད་བཤད་དགོས་པ་རེད་མ་གཏོགས། དེ་དུས་མགོ་བདེ་བྱས་ནས་མཛུབ་མོ་གར་བཙུགས་ཤར་ལ་བལྟས། བོད་མིའི་སྤྱི་ཚོགས་ནང་མར་སླེབས་དུས་འབྲུག་སྐད་གྲགས་ན་དེ་སྟོང་སྐད་རང་ལས་མ་འདས། དེའི་སྐོར་རྒྱུ་མཚན་བགྲང་རྒྱུ་ཡོད་ཀྱང་མི་སྣ་དེ་བོད་ལ་ཡོད་ཙང་ད་རེས་འདི་ན་མིང་མི་སྨྲ། ཕྱོགས་ཡོངས་ནས་མནོ་བསམ་ཐོང་དང་ས་གནས་རང་ལ་བོད་མིའི་གནད་དོན་ཐད་བློ་ཁ་མ་གང་བ་བྱུང་ཚེ་དྲང་བདེན་གྱིས་ལྷན་འཛོམས་འདུ་ཚོགས་སར་བཤད་ན་ནུས་པ་དེ་ནས་ཐོན་གྱི་ཡོད། གཞན་མེ་སྒྱོགས་ཁར་དབྱུག་པ་ཁུར་ནས་འཛིང་འགྲོ་བ་དང་གཅིག་མཚུངས་རེད།

3. ས་གནས་མི་རིགས་རང་སྐྱོང་གི་བཅའ་ཁྲིམས་གཏན་འབེབས་བཟོས་པ་ནས་བཟུང་བོད་མི་ནང་ཁུལ་གྱི་གྱོད་གཞི་མང་པོ་དགོན་སྡེ་ཁག་གིས་ཐག་བཅད་པ་རེད། བོད་མི་ནང་ཁུལ་དུ་མི་བསད་གྱི་གྱོད་གཞི་བྱུང་སྐབས་དགོན་སྡེ་ཁག་དང་ས་གནས་ཁྲིམས་དཔོན་ཚོས་ཐག་གཅོད་བྱས་ཀྱི་ཡོད། འདི་ནི་ས་གནས་མི་རིགས་རང་སྐྱོང་གི་བཅའ་ཁྲིམས་དང་མཐུན་པའི་འགྲོ་ལུགས་ཤིག་རེད། ཡིན་ཀྱང་གནད་དོན་འདིའི་འོག་ཏུ་དྲང་བདེན་དང་འདྲ་མཉམ་མེད་པའི་གནས་སྟངས་མང་པོ་ཡོང་གི་ཡོད། དཔེར་ན། མི་བསད་གྱོད་དོན་བྱུང་སྐབས་ཁྲིམས་གཅོད་འདྲ་མཉམ་མེད་པ་མང་པོ་བྱུང་ཡོད།

   མི་བསད་པ་འདྲ་འདྲ་དང་མི་ཤི་སོང་བ་འདྲ་འདྲ་ཡིན་ནའང་མི་སྟོང་འཇལ་སྟངས་ལ་མང་ཉུང་གི་ཁྱད་པར་ཡོད། འགའ་རེ་ལ་རྒྱ་སྒོར་ཁྲི་༥༠་དང་། འགའ་རེ་ལ་ཁྲི་༡༠། འགའ་རེ་ལ་ཁྲི་༥་ཡི་མི་སྟོང་འཇལ་བཅུག་པའི་ཁྲིམས་ཐག་བཅད་པ་དེ་དག་འདྲ་མཉམ་མ་རེད།

   མི་འགའ་རེའི་སྲོག་གི་གོང་ཚོད་ཆུང་བ་དང་། འགའ་རེའི་སྲོག་གི་གོང་ཚོད་ཆེ་བ་བརྩིས་པའི་ཁྲིམས་ཐག་བཅད་སྟངས་འདི་ནི་དྲང་བདེན་དང་འདྲ་མཉམ་གྱི་ཁྲིམས་ཐག་བཅད་སྟངས་མིན་སྟབས་མ་འོངས་པ་ཡར་རྒྱས་གཏོང་ཐུབ་པའི་རེ་བ་གནང་རོགས།

   ཉམ་ཆུང་ནུས་མེད་རྣམས་ཀྱི་སྲོག་ལ་ཁྲིམས་ཀྱི་མདུན་ས་གོང་ཚོད་ཆུང་བ་དང་། བཙན་པོ་དབང་ཡོད་ཚོའི་སྲོག་ལ་ཁྲིམས་ཀྱི་མདུན་ས་གོང་ཚོད་མཐོ་བ་བྱས་པའི་ལུགས་ངན་འདིས་རྒྱུ་འབྲས་དྲང་བདེན་རྡོག་རོལ་བཏང་གི་ཡོད་ལ་འགྲོ་བ་མིའི་ཐོབ་ཐང་ལ་རྡོག་རོལ་བཏང་གི་ཡོད།

4. ཁྲིམས་ཀྱི་མདུན་སར་རྒྱུ་ཆེ་ཆུང་དང་། དཔའ་ཡོད་མེད། དཔུང་མང་ཉུང་གི་ཐོག་ནས་ཁྱད་པར་ཕྱེས་ན་ཡག་པོ་མ་རེད། ཉམ་ཆུང་ཁྲིམས་ཀྱིས་སྐྱོང་བའི་ཡུལ་ལུང་ཞིག་ཆགས་མ་ཐུབ་ན་བདེ་སྐྱིད་ལྡན་པའི་ཡུལ་ལུང་ཞིག་ཡོང་ཐབས་མེད། མིའི་ཚེ་སྲོག་ལ་གོང་ཚོད་མཐོ་དམའ་མི་གཏོང་བའི་རེ་བ་ཡོད།

   སྡེ་ཧོར་གྱི་བུ་དང་གླིང་གི་བུ།
   སྲོག་དམར་པོར་གཅེས་ལུགས་འདྲ་འདྲ་རེད།
   ཕོ་ཕྱུག་པོའི་བུ་དང་སྤྲང་པོའི་བུ།
   དྲིན་ཕ་མའི་གཅེས་ཕྲུག་འདྲ་འདྲ་རེད།་་་ཅེས་ཁ་རྒྱུན་ལ་ཡོད་པ།

   མི་ཉམ་ཆུང་སྐྱོང་བའི་ཁྲིམས་ལུགས་ཤིག
   བུ་རྒོད་པོར་མནོན་པའི་ཁྲིམས་དཔོན་ཞིག
   སྲོག་འདྲ་མཉམ་འཚོ་སའི་ལུང་པ་ཞིག
   དེ་བྱུང་ན་ཡུལ་ལ་བདེ་སྐྱིད་ཡོད།།

5. ༄༅། །ཐུགས་བསྐྱེད་སྨོན་ལམ་དུས་སུ་སྨིན་པ་དང་།།
   མཁས་བཙུན་བཟང་གསུམ་འགྲན་ཟླ་བྲལ་པ་ཡི།།
   མཁན་པོ་ཚུལ་ཁྲིམས་བློ་གྲོས་ག་ལ་བར། །
   དེ་རུ་ཆོས་དང་མཐུན་པའི་ཡར་རྒྱས་ཡོད། །
   འདི་ཕྱི་དོན་གཉིས་འགྲུབ་པའི་དགའ་སྟོན་གདའ། །