ལྟ་སྒོམ་སྤྱོད་པའི་རྣམ་བཞག་རང་གཞུང་གསལ་བའི་མེ་ལོང་།

Comments (2) on “ལྟ་སྒོམ་སྤྱོད་པའི་རྣམ་བཞག་རང་གཞུང་གསལ་བའི་མེ་ལོང་།”

1. གསེར་མདོག་པཎ་ཆེན་ཤཀྱཱ་མཆོག་ལྡན་གྱིས་མཛད།

   གངས་ཅན་གྱི་ཆེན་པོ་སྔ་ཕྱིར་བྱོན་པའི་ལྟ་སྒོམ་སྤྱོད་པའི་རྣམ་བཞག་རང་གཞུང་གསལ་བའི་མེ་ལོང་ཞེས་པ་བཞུགས།

   ༄༅། །ན་མོ་གུ་རུ་པདྨ་བཛྲཱ་ཡ།

   བོད་ཡུལ་དུ་བྱོན་གསང་སྔགས་ལ། །སྔ་འགྱུར་ཕྱི་འགྱུར་དག་ཏུ་གྲགས།
   །དང་པོ་སློབ་དཔོན་སྤྲུལ་པའི་སྐུས། །ཐུགས་ནས་གསུངས་པ་ལོ་ཙྪས་བསྒྱུར། ། ༡
   ་
   ཕྱི་དུས་ལོ་ཙྪ་ཆེན་པོ་ཡིས། །རྒྱུད་གཞུང་འགྱུར་ནས་གསང་སྔགས་ལ།
   །གསར་རྙིང་དུ་གྲགས་འཕགས་ཡུལ་ན། །བརྡ་སྐད་དེ་ལྟར་ཅུང་མ་གྲགས། ། ༢
   ་
   སྔ་འགྱུར་སེམས་ཕྱོགས་སྒྱུ་འཕྲུལ་དང་། །མདོ་སྡེ་གསུམ་དུ་ཕལ་ཆེར་འདུས།
   །སེམས་ཕྱོགས་ཡུལ་གྱི་གནས་ལུགས་ཏེ། །སྒྱུ་འཕྲུལ་ལྷག་པའི་ལྷ་སྒྲུབ་ཐབས། ། ༣

   མདོ་སྡེ་ཀུན་ལ་ཁྱབ་བྱེད་དུ། །འཇུག་པ་ཕྱི་དུས་ཞིག་ན་འགྱུར།
   །ཡུལ་གྱི་གནས་ལུགས་འཁོར་བ་དང་། །མྱ་ངན་འདས་པའི་ཕྱོགས་ཀྱིས་དབྱེ། ། ༤
   ་
   འཁོར་བ་བྱེད་པོ་ཀུན་གཞི་ཡི། །རྣམ་ཤེས་ཉིད་ལས་གཞན་དུ་མེད།
   །མྱང་འདས་བྱེད་པོ་ཀུན་གཞི་ཡི། །ཡེ་ཤེས་ཉིད་ཡིན་དེ་ཡི་མཚན། ། ༥

   གབ་པ་མངོན་པ་ཕྱུང་བ་དང་། །རྫོགས་པ་ཆེན་པོ་ཞེས་སུ་བཏགས།
   །དེ་མངོན་བྱེད་པའི་ཐབས་མཆོག་ནི། །ལུང་དང་རིགས་པ་ལུས་ཀྱི་གནད། ། ༦
   ་
   ཁོ་ནས་མ་ཡིན་རང་རིག་གི །མན་ངག་བླ་མས་བསྟན་པ་དང་།
   །ཡི་གེར་བྲིས་པ་ཀུན་ན་གསལ། །རྫོགས་པ་ཆེ་ལ་ཐུན་མོང་དང་།
   །ཐུན་མོང་མིན་པ་རྣམ་གཉིས་ལས། །དང་པོ་ཕར་ཕྱིན་ཐེག་པ་དང་།
   །ཕྱི་མ་གསང་སྔགས་བླ་མེད་དོ། ། ༧
   ་
   རྙིང་མ་པ་ལ་ཕར་ཕྱིན་དང་། །རྒྱུད་སྡེ་རྣམ་གསུམ་གསར་མ་ལས།
   །ལོགས་སུ་མི་འཆད་རྙིང་མར་ནི། །གྲགས་པ་བླ་མེད་ཁོ་ནའོ། ། ༨
   ་
   དེ་ལ་རྣལ་འབྱོར་ཆེན་པོ་དང་། །རྗེས་སུ་རྣལ་འབྱོར་ཤིན་ཏུ་ཡང་།
   །རྣལ་འབྱོར་གསུམ་ལས་རྫོགས་པ་ཆེ། །ཉིད་ལ་ཨ་ཏི་ཡོ་གར་འཆད། ། ༩
   ་
   ཐེག་པ་རིམ་པ་དགུ་ཀུན་ལ། །ལྟ་བ་རྫོགས་པ་ཆེན་པོ་རེས།
   །ཟིན་པ་དགོས་ཕྱིར་གང་ཟག་དང་། །ཆོས་ཀྱི་བདག་ཏུ་རྨོངས་པ་སེལ། །་༡༠
   ་
   དེ་ཕྱིར་རྙིངམའི་སྒོམ་པ་ལ། །དབང་སྒོམ་མེད་ཅེས་སྨྲ་བ་འཁྲུལ།
   །སློབ་དཔོན་སྤྲུལ་པའི་སྐུ་ཉིད་ཀྱི། །དངོས་སློབ་གྲུབ་ཆེན་སྐར་མའི་གྲངས། ། ༡༡
   ་
   སྒྱུ་འཕྲུལ་ལས་ནི་ཡང་དག་དང་། །ཕུར་པ་ལ་སོགས་རང་རང་གི
   །སྐྱེད་པའི་རིམ་པ་མཐར་ཕྱིན་ནས། །ཨ་ཏི་ཡོ་ག་ཉིད་ལ་འཇུག ། ༡༢
   ་
   དེ་སྒྲུབ་བྱེད་དང་གྲུབ་རྟགས་སུ། །སྦྱོར་སྒྲོལ་གཉིས་པོ་དེའི་ངོས་འཛིན།
   །ཕྱག་རྒྱ་ལ་དད་རྣམ་པར་ཤེས། །དབྱིངས་སུ་སྒྲོལ་བ་ལ་འཆད་དང་། ། ༡༣
   ་
   བསད་དང་གསོ་ལ་ངོས་འཛིན་པ། །བྱུང་ངོ་དེ་ཚེ་སྦྱོར་སྒྲོལ་གཉིས།
   །ལོག་པ་དང་ནི་ཡང་དག་པའི། །ཀུན་རྫོབ་དབྱེ་བས་སོ་སོར་འབྱེད། ། ༡༤
   ་
   ཕྱག་རྒྱ་དང་སྦྱོར་རྫོགས་པ་ཆེ། །སྐྱེད་དང་མཐར་ཕྱིན་ཐབས་མཆོག་སྟེ།
   །སྒྲོལ་བ་རྫོགས་པ་ཆེའི་ཡེ་ཤེས། །མངོན་དུ་གྱུར་ལས་གཞན་གྱིས་མིན། ། ༡༥
   ་
   རྫོགས་ཆེན་ཡེ་ཤེས་ལ་རོལ་ཀྱང་། །ཡང་དག་ཀུན་རྫོབ་ཁྱད་བསད་ན།
   །འཁྲུལ་པའི་སྣང་བ་ལས་བྱུང་བའི། །སྡུག་བསྔལ་གསུམ་པོ་རྒྱུན་མི་ཆད། ། ༡༦
   ་
   དེའི་ཕྱིར་སངས་རྒྱས་མ་ཐོབ་པ། །དེ་སྲིད་རྫོགས་པ་ཆེན་པོ་དང་།
   །ཡང་དག་ཀུན་རྫོབ་ཟུང་སྦྲེལ་དུ། །ཉམས་སུ་བླངས་པས་ལམ་མཐར་ཕྱིན། ། ༡༧
   ་
   འདི་ནི་གསང་སྔགས་སྔ་འགྱུར་བའི། །ལུང་གི་དོན་དང་ཉམས་ལེན་གནད།
   །འཁྲུལ་མེད་ཡིད་ནོ་དེ་བཤད་པའི། །རྣམ་དཀར་ཀུན་ཏུ་བཟང་པོར་བསྔོ། །
   ་
   ཤུ་བྷམ་སྟུ༎

   དྲི་མེད་ལྷག་བསམ་ལགས་ཀྱིས་མཚམས་སྦྱོར་མཛད་པར་བཀའ་དྲིན་ཆེའོ། །བདག་ལ་བློ་སྐྱེད་བཟང་པོ་བྱུང་བས་སླར་ཡང་ཀློག་བདེའི་ཆེད་ཚིགས་བཅད་སོ་སོར་སྡེབས་པའི་དགེ་བས་བོད་ཡིག་རྟག་ཏུ་རྒྱལ་གྱུར་ཅིག །
   ་
   མཁས་མཆོག་འདི་ཉིད་ཀྱིས་དག་ཡིག་ཅིག་ཀྱང་མཛད་པ་ན།
   ་
   འདོན་པ་ཞེས་བྱ་ཟ་བ་དང་། །འཐུང་བ་གཉིས་ཀའི་སྤྱི་མིང་ཡིན།
   ་
   ཞེས་པ་གསུངས་པ་ལྟར་ལ་དྭགས་པས་གསོལ་ཇ་འདོན། འཇམས་འདོན། གསོལ་ཚིགས་འདོན། ཞེས་སོགས་ཀྱི་ཡི་གེའི་དག་ཆ་ཤེས་པ་ལ་ཕན་ཐོགས་ཆེའོ།

2. མཁས་དབང་དྲི་མེད་ལྷག་བསམ་དྲི་བ་ཞིག་ཡོད་ལ།
   གསེར་མདོག་པ྆ཎ་ཆེན་འདི་བ་ཚང་ཆོས་ལུགས་རྒྱུད་གང་ཡིན་ནམ།
   ས་སྐྱའི་གོ་ཤྰཀ་སྟག་གསུམ་གྱི་ནང་ནང་གཅིག་ཡིན་ནམ།