ཨེ་མ་ཧོ།
ན་མོ་གུ་རུ་བིརྱ་དྷྰ་ར་ཡེ།
མཆོག་གསུམ་རྒྱལ་བའི་ཆོས་ལས་དགེ་བས་བསྙེན།།
ཐེག་གསུམ་ཆོས་ཀྱི་སྙིང་པོའི་གསང་སྔགས་སྤྱོད།།
འཁོར་གསུམ་བདེན་མེད་རྟོགས་པའི་རིག་པ་འཛིན།།
བསླབ་གསུམ་ནོར་བུའི་མཛོད་འཛིན་རྡོ་རྗེ་འཆང་།།
གསུམ་ལྡན་སྔགས་འཆང་ཚོགས་ཀུན་མངོན་པར་བསྟོད།།
དབུ་ལ་མཁའ་འགྲོ་རྒྱ་མཚོའི་དཀྱིལ་འཁོར་བཀྲ།།
སྐུ་ལ་གསང་ཆེན་གོས་བཟང་གཟན་དཀར་ཤིས།།
གསུང་ལ་བསྐྱེད་རིམ་ཛབ་བཟླས་བསྙེན་པས་བདེ།།
ཐུགས་ལ་རྫོགས་རིམ་རྫོགས་ཆེན་སྒོམ་པར་ལེགས།།
རིག་འཛིན་བརྒྱུད་པའི་གདུང་སྲས་ཨེ་མ་ཧོ།།
དགོན་གྲོང་སྤེལ་མའི་འདོད་ཡོན་ལྡན་གླིང་།།
ཐབས་ཤེས་ཀུན་བཟང་དཔའ་བོ་མཁའ་འགྲོས་བསྐོར།།
རིམ་གཉིས་དམ་པའི་ཐོས་བསམ་སྒོམ་པའི་འབྲས།།
ལུགས་གཉིས་དཔྱིད་དུ་སྨིན་པའི་གསང་ཆེན་དཔལ།།
བདེན་གཉིས་མ་རིག་མུན་སེལ་རྣམ་པར་རྒྱལ།།
ཚེ་གཅིག་སངས་རྒྱས་འགྲུབ་པའི་གསང་སྔགས་ལམ།།
རྩེ་གཅིག་ཉམས་སུ་ལེན་པའི་སྔགས་འཆང་སྡེ།།
ཕ་གཅིག་ཀུན་བཟང་བླ་མའི་དགོངས་པ་ཉིད།།
ཉག་གཅིག་རྩད་ནས་ཆོད་པའི་སྐལ་བཟང་དག།
འཁོར་འདས་རྒྱན་ཏུ་དར་རྒྱས་ཕུན་ཚོགས་ཤོག།
ཅེས་པ་འདི་ཡང་རབ་རྒྱན་ཤིང་ལུག་ཆོ་འཕྲུལ་ཟླ་བའི་དཀར་ཕྱོགས་རྒྱལ་བ་གཉིས་པར་རྣམ་གྲོལ་གླིང་གི་མཁན་པོ་བསོད་ནམས་རྡོ་རྗེས་ངོར་ཀུན་བཟང་ཆོས་གླིང་ནས་ཤྲྰིཿ་ཨེ་མ་ཧོས་བྲིས་པར་དགེའོ།། །།
དགོན་གྲོང་སྤེལ་མའི་འདོད་ཡོན་ལྡན་གླིང་
(དགོན་གྲོང་སྤེལ་མའི་འདོད་ཡོན་མངའ་ལྡན་གླིང་)
གསུང་ལ་བསྐྱེད་རིམ་ཛབ་(ཛབ)ལ་གོ་རྒྱུ་གང་ཡང་མེད་༼རྫབ༽ཡིན་པར་མངོན་
་གསུང་ལ་བསྐྱེད་རིམ་༼ཟབ༽བཟླས་ཡིན་ས་རེད། ཛབ་བྲིས་པ་ལ་བསམ་ན་ཤུགས་བསྟན་༼ཟབ་༽ཡིན་པ་ཐེ་ཚོམ་མི་འདུག་གོ།
ཡིག་ནོར་མང་པོ་འདུག་པས་བཅོས་ཁོམས་མེད་མོད། རྩ་བའི་ཆ་ནས་ཡག་པོ་བྲིས་འདུག བཀའ་དྲིན་ཆེ། འདོད་ཡོན་ལྔ་ལྡན་ཡིན་མིན་འགྲོ་སྙམ། ཟབ་བཟླས་བསྙེན་པ་འམ་ཛབ་བཟླས་ནི་གང་བྱས་ཀྱང་རྩ་གསུམ་ཆོས་སྐྱོང་གི་སྲོག་སྔགས་ལ་ཛབ་དབྱངས་ཞེས་པ་འདུག་པས་གང་ལྟར་ཆོག སྲོག་སྡོམ་གཟེར་བཞིའི་གནད་ལས། བཟླས་པ་སྔགས་ཀྱི་གནད་ལ་ཛབ་དབྱངས་ཟབ་ཅེས་གསུངས་སོ།། རབ་བྱུང་ཡོངས་ལ་བསྟོད་པ་ཞིག་འབྲི་བསྐུལ་ཞུ་བ་ཡིན། བསྐུལ་ཡོན་ལ་་སྲོག་བླུ་འབུམ་གཅིག་ཡོད། སྐུ་ཚེ་བརྟན།
འབྲུག་མོ་རིག་མར་བཞེས་པའི་སློབ་དཔོན་སྣ་ཚོགས་གཟུགས་ཅན་གྱིས་གསུང་ན་པཎ་ཆེན་རིན་པོ་ཆེ་ཁྲིའི་སྟེང་ནས་ཆོས་གསུང་ཞིང་ནང་མི་གསོ་ཆོག་ས་ལ་ངས་བྱ་མི་ཆོག་པ་ཅི་ཡོད་གསུངས་སོང་། དེ རྗེས་ངོ་དེབ་ནས་གུས་པའི་མིང་དང་འབྲེལ་བ་ཚང་མ་སུབ་སོང་། བགྲོ་གླེང་བྱ་འདོད་མེད་ན་ཁ་བདེ་བོ་བྱ་རྒྱུ་བཞག་དགོས་རེད་བདེན་པ་ཡོད་ན་ལྐོག་བྲོས་བྱ་དོན་ཅི་ཡིན།
ཁྱེད་རང་སྐྱེ་དམན་བརྒྱ་རྒྱོ་ན་ཡང་ཁྱེད་རང་གི་རང་དབང་རེད་ཡིན་ན་ཁྱེད་རང་གི་བྱ་ངན་དེ་ཀུན་གཟིགས་མཆོག་ལ་གཡོག་པ་དེ་བློ་ཕམ་ཡོད།
སྔགས་འཆང་ལ་དགོས་རྒྱུ་ནི་ནག་ཆང་དངུལ་གསུམ་རེད། སྔགས་འཆང་གི་བཤད་རྒྱུ་ནི་མི་ཆོས་བླ་མིའི་རྫུན་རེད། སྔགས་འཆང་གི་ལས་རྒྱུ་ནི་ཉིན་མོར་ཚུལ་ཆོས་དང་མཚན་མོར་ནག་རྒྱོ་རེད།
བུ་མོ་རྒྱོ་ན་ག་རེ་ཡོད། འདོད་པའི་མི་ལ་འདོད་པ་སྦྱིན་པ་ལས། དགེ་བ་མེད་ན་སྡིག་པ་ག་ན་ཡོད། ཞེས་དགེ་ཆོས་ཀྱི་གསུང།
སྔགས་འཆང་རྣམས་ཀྱི་ལུགས་མཐུན་ཕོ་མོ་སྦྱོར། གྲ་བཙུན་རྣམས་ཀྱི་ཚུལ་མིན་ཕོ་རྒྱོ་བྱེད། ལུགས་མཐུན་སྦྱོར་བ་དེ་ལ་མི་
བསྟོད་བར། ཟློག་ཟླའི་བཤང་རྒྱོ་དེ་ཡིད་རངས་ཀྱི།
སྔགས་འཆང་རྣམས་ཀྱི་ཕོ་མོ་སྦྱོར་བ་བྱེད། གྲ་བཙུན་རྣམས་ཀྱི་ཕོ་རྒྱོ་བྱེད་པར་དགའ།
ལུགས་མཐུན་སྔགས་འཆང་དག་ལ་མི་བསྟོད་བར། ཚུལ་མིན་བཤང་ལམ་སྦྱོར་ལ་ཡིད་རངས་ཀྱི།
དགེ་ཆོས་ཀྱི་ཞལ་ནས། འདོད་པའི་མི་ལ་འདོད་པ་སྦྱིན་པ་ལ། དགེ་བ་མེད་ཡང་སྡིག་པ་ག་ནས་ཡོང་ཞེས་གསུང།
ཕོ་མོ་སྦྱོར་བ་དེ་འབུ་ཕྲ་ཡན་གྱི་བྱེད་ཀྱི་ཡོད་རེད། དེ་ལ་ཧ་ལས་དགོས་པ་གང་ཡོད།
ད་ངས་ཧ་གོ་སོང་ཁྱེད་ཚོའི་བཤད་ན་དེང་དུས་ནུབ་ཕྱོགས་པ་ལྟར་ཕོ་དང་ཕོ་རྒྱོ། མོ་དང་མོ་རྒྱོ་དགོས་རེད་ལབ་ཀྱི་ཡོད་པ་འདྲ།
དེ་མི་རུངས་ང་ཚོ་བོད་གྲང་ཉུང་མི་རིགས་རེད། དེ་བྱས་གཏོང་ན་མི་རིགས་ཉུང་བའི་ཐོག་ཉུང་རུ་འགྲོ་ཡི་རེད། ཚང་མས་
ཡིད་གཟབ་མཛོད་ཡ།
དགོན་གྲོང་སྤེལ་མའི་འདོད་ཡོན་ལྡན་གླིང་།།
འདི།
དགོན་གྲོང་སྤེལ་མའི་འདོད་ཡོན་༼ལྔ་༽ལྡན་གླིང་།།
མིན་ནམ། ལགས། ཨེ་མ་ཧོ་ལགས།
ཨེ་མ་ཧོ་བཀྲིན་ཆེ་།
མཆོག་གསུམ་རྒྱལ་བའི་བསྟན་ལས་དགེ་བ་འཕེལ་།
སྐུ་ལ་གསང་ཆེན་གོས་བཟང་གཟན་དཀར་མཛེས་།
གསུང་ལ་བསྐྱེད་རིམ་བཟུང་བཟླས་བསྙེན་པས་བདེ་།
དགོན་གྲོང་སྤེལ་མའི་འདོད་ཡོན་ལྔ་ལྡན་གླིང་
དགེ་འདུན་སྡེ་གཉིས་ཟེར་ནས་དབྱེ་བ་ཕྱེ་སྟངས་འདི་ལ། ལུང་རིགས་གཉིས་ཀྱི་རྒྱབ་རྟེན་གང་ཡོད་དམ། །
སྔགས་འཆང་གཟན་དཀར་གྱོན་མཁན་དཀོན་པོ་འདུག །
སྔགས་འཆང་དཀར་ཟས་སྐྱོང་མཁན་དེ་བས་དཀོན། །
སྔགས་འཆང་དཔེ་ཆ་ལྟ་མཁན་ཉུང་སྐྱོན་འདུག །
སྔགས་འཆང་དམ་ཚིག་སྲུང་མཁན་འཕེལ་འགྱུར་ཅིག །
སྔགས་འཆང་གྲྭ་ཆས་གྱོན་ན་ང་མི་དགའ། །
སྔགས་འཆང་ཚོད་མེད་འཐུང་ན་ང་མི་དགའ། །
སྔགས་འཆང་དམ་ཚིག་མེད་ན་ང་མི་དགའ། །
སྔགས་འཆང་རིག་མ་མེད་ན་ང་མི་དགའ། །
སྔགས་འཆང་གཟན་དཀར་འཆང་ལ་ང་དད་དོ། །
སྔགས་འཆང་རྡོར་དྲིལ་བཟུང་ལ་ང་དད་དོ། །
སྔགས་འཆང་མཚམས་སྡོད་པ་ལ་ང་དད་དོ། །
སྔགས་འཆང་རིག་མ་མང་ལ་ང་དད་དོ། །
སྔགས་འཆང་དབུ་ལ་ཐོར་ལྕོག་དགོས། །
སྔགས་འཆང་སྐུ་ལ་གཟན་དཀར་དགོས། །
སྔགས་འཆང་གསུང་དྲག་སྔགས་དགོས། །
སྔགས་འཆང་ཐུགས་ལ་དམ་ཚིག་དགོས། །
སྔགས་འཆང་གོ་རིལ་མིན་ན་བདེ། །
སྔགས་འཆང་གཟན་བཤམ་མེད་ན་བདེ། །
སྔགས་འཆང་རིག་མ་ཡོད་ན་བདེ། །
སྔགས་འཆང་དྲག་སྔགས་ཡོད་ན་བདེ། །
ནག་མོ་ཞེས་སྨད་རུང་མ་སྨད་རུང་དོན་གྱི་སོ་སོའི་མ་དྲིན་གྱི་མོ་ཆེ་ནས་བཟུང་བུད་མེད་སྤྱི་ལ་སྨོད་པ་རེད། གསང་སྔགས་གྱི་རྩ་ལྟུང་བཅུ་བཞི་པ་རེད། སྨོད་སྲོལ་ངན་པ་དེ་དགེ་རླུག་པ་ནས་དར་བ་རེད་ཟེར། བོན་པོ་ལ་སྔགས་པ་ལས་རབ་བྱུང་སྔོན་ཡོད་ས་མ་རེད། ཕྱིས་སུ་རྙིང་མའི་མཁན་ཆེན་ཞི་འཚོ་ལས་བརྒྱུད་པ་ཞིག་དེང་དུས་ཡོད་སྐད། སྔོན་ནས་བོན་གྱི་ཐུ་ཆེན་དང་དེང་དུས་ཇོ་ནང་སྐྱབས་མགོན་དང་།རྙིང་མའི་བསོ་རྒྱལ་རིན་པོ་ཆེ་དང་། བོན་པོ་སྨན་རི། ས་སྐྱ་གོང་མ་དང་།དགེ་བླུག་པའི་པན་ཆེན་བཅུ་བ་དང་། ཀྃ་ཚང་གི་རྡོ་རྗེ་འཆང་ཆེན་སྐུ་ཕྲེང་གསུམ་པ་སོགས་བན་བོན་ལ་སྔགས་བསྟན་ཡག་རབ་དར་ཡོད་པར་སྣང་ཡང་། ཕ་རྒྱོ་དང་གྲྭ་རྟ་གཞོན་པའི་ཕོ་ཧྲང་ཁ་ཅིག་གིས་རྟག་ཏུ་ངོ་རྒོལ་ཕྱེད་པ་སོ་སོའི་འདོད་པ་དང་མ་མཐུན་པས་ལན། གང་ལྟར་ངོས་ནི་གསང་སྔགས་དང་སྔགས་པ་ལ་གུས། གང་ཟག་མི་གཙོ་ཆོས་གཙོ་བོར་དད་གུས་དང་དག་སྣང་ཡོད། ལུགས་གཉིས་བསྟན་པའི་འབྱུང་གནས་ཆེ།།གསང་སྔགས་བསྟན་པ་དར་བར་ཤོག།
རང་གིས་བརྩམ་འོག་ཏུ་རང་གིས་རང་ལ་བསྟོད་ཅིང་བསྐྱག་པའི་མཆན་བྲིས་པ་ངོ་མཚར་ཆེ། རྒྱོས་རྒྱོས་སྔགས་ཕྲུག་ཕག་ཕྲུག་འཁྲིད་འཁྲིད་བྱས་ནས་སོང་ནའང་འདོད་མོས་རེད། སུ་ལ་ཕོག་ན་དེ་ཡི་ལན་ཡིན།
མཆན་༡༩་པའི་(དགེ་རླུག་པ་)ཟེར་ན་སུ་རེད་
སྤྱིར་བཏང་སྔགས་པ་ལ་དགོས་རྒྱུ་ནང་མོ་དང་ཆང་གཉིས་རེད་གཞན་གང་ཡང་མི་དགོས་
བདེན་པས་བདེན་པ་འདྲ་ཞིག་བཤད་སོང་དེང་སང་གི་སྔགས་པ་ཚོས་སྔགས་མི་བགྲངས་བར་དབྱིན་སྐད་དང་རྒྱ་སྐད་བགྲང་གི་འདུག
མ་གཞི་ནས་བོད་རྨོངས་པ་མགོ་འཐོམས་དེ་ཚོར་སྔགས་པ་བཟོ་འདྲ་བོ་འཆལ་ལེ་འཆོལ་ལེ་མོ་རྫུན་ལུང་རྫུན་རྨི་རྫུན་ཤོད་མཁན་དེ་ཚོར་གུས་གུས་ཞུམ་ཞུམ་བྱེད་བསྡད་མཁན་ཞིག་ཡིན་དུས། ཁོང་ཚོའི་གདུལ་བྱ་ཏག་ཏག་ཆགས་འདུག
ཆང་དང་བུད་མེད་སྔགས་པའི་འདུལ་བྱ་རེད་།
དེ་གཉིས་མེད་ན་སྔགས་པས་འགྲོ་དོན་མེད་།
ཤ་མར་ཐུད་གསུམ་འབྲོག་པའི་འཚོ་རྟེན་རེད་།
དེ་གསུམ་མེད་ན་འབྲོག་པར་འཚོ་བ་མེད་།
འབྲུ་དང་རྩམ་པ་ཞིང་པའི་འཚོ་རྟེན་རེད་།
དེ་གཉིས་མེད་ན་ཞིང་པར་འཚོ་བ་མེད་།
འབངས་མི་སེར་དཔོན་གྱི་བསོད་ནམས་རེད་།
དེ་གཉིས་མེད་ན་དཔོན་ལ་བསོད་ནམས་མེད་།
xxx སྔགས་པ་དང་སྔགས་འཆང་ལ་ཁྱད་པར་ཆེན་པོ་ཡོད་ཀྱིན་རེད་དྲན། སྔགས་པ་ནི་བོད་མི་ཡོངས་རྫོགས་རེད། གང་ཡིན་ན་མ་ཎི་ཁ་འདོན་པ་དག་དག་རེད། སྔགས་འཆང་ནི་སྐྲ་ལྕང་ལོ། ངག་བསྙེན་སྒྲུབ། ཐུགས་བསྐྱེད་རྫོགས་འཆང་བ་ལ་གོ་བ་རེད། དེ་རྣམ་པས་ཤ་ཟ་ཆང་འཐུང་། རིགས་དང་ཆོས་རྒྱུད་གཉིས་ཀ་འཛིན་པ་དད་གུས་མེད་ན་སོ་སོའི་སྒེར་སྐྱོན་རེད། སྔགས་པ་ལ་སྨད་ན་སོ་སོས་རང་ལ་སྨད་པ་རེད། སྔགས་འཆང་ལ་སྨད་ན་བློ་ཆུང་དང་། རྒྱ་ནག་ཁག་ཚོགས་འགའ་རེས་དམིགས་བསལ་གྱིས་གསང་སྔགས་ལ་སྐྱོན་བརྗོད་པ་ནང་བཞིན་རྒྱུ་མཚན་མ་ཤེས་པ་པ་འམ་ཤེས་ཀྱང་ཕྱོགས་ཞེན་བོད་བརྒྱུད་ནང་བསྟན་ལ་ལོག་རྟོག་ཏུ་སོང་བ་ལས་གཞན་དུ་མ་མཐོང་། དྲ་ཐོག་འདི་ཚོ་ལ་ཡོད་པའི་མཆན་ཞབས་པ་པ་ཚང་མ་དུས་འཁོར་དབང་ཆེན་ཞུ་མྱོང་མེད་པ་ཧ་ཕམ་མེད་ཚོད་རེད། xxx
སྔགས་ཅེས་པ་ནི་རྒྱ་གར་སྐད་དུ་མཱན་ཏྲི་ཞེས་པ་སྟེ་ཡིད་སྐྱོབ་པ་ལ་འཇུག་པར་བཤད།
དོན་ནི་ཐ་མལ་གྱི་སྣང་ཞེན་ལས་ཟློག་པར་བྱེད་པའམ་སྐྱོབ་པས་ན་སྔགས་ཟེར་བ་འདྲ།
སྔགས་ལ་འཇུག་པ་ནི་དཀྱིལ་འཁོར་དུ་འཇུག་པ་དབང་ཐོབ་པ་ལ་བྱེད་པས་སྔགས་ལ་འཇུག་མིན་དེ་དབང་སྐུར་ཐོབ་མིན་ལ་བྱེད། དེས་ན་གཟུངས་སྔགས་དང་མཚན་སྔགས་བཟློས་པ་ཙམ་གྱིས་སྔགས་ལ་འཇུག་པ་དང་སྔགས་པ་ཡིན་པའི་ངེས་པ་མེད་ལ་སྔགས་འཆང་གི་དོན་མི་ཚང་སྙམ།
དེས་ཕྱིར་སྔགས་འཆང་ཟེར་བ་ནི་དོན་ལ་སྐུ་གསུམ་ལམ་ཁྱེར་སྒོམ་པའམ་སྒོམ་ཤེས་པ་ཞིག་ལ་ཟེར་དགོས། མ་ཎི་ཡིག་དྲུག་འདོན་ཤེས་ཙམ་གྱིས་སྐུ་གསུམ་ལམ་ཁྱེར་སྒོམ་ཤེས་པར་ཁས་ལེན་མི་རུང་སྙམ། གང་ཟག་གི་ཆ་ནས་བཤད་ན་རྣལ་འབྱོར་བ་ཞིག་དགོས་ངེས་ཡིན། གཙོ་བོར་སྔགས་འཆང་ཟེར་ན་རྡོ་རྗེ་འཛིན་པ་ཞིག་ལ་གོ་དགོས།
གོང་དུ་པདྨས་སྔགས་པ་ནི་བོད་མི་ཡོངས་རྫོགས་རེད། གང་ཡིན་ན་མ་ཎི་ཁ་འདོན་པ་དག་དག་རེད་ཟེར། དེས་ན་བོད་པ་ཡིན་ན་ནང་ལ་ཡིན་པའི་ཁྱབ་པ་ཁས་བླངས་པ་དང་ཁྱད་པར་མེད། བོད་པ་ཁ་ཆེ་དང་བོད་པ་ཆོས་ལ་མི་དད་པ་དེ་ཚོ་བོད་པ་མིན་པར་དོན་གྱིས་ཁས་མི་ལེན་ཐབས་མེད་རེད།
ཡང་པདྨས་སྔགས་འཆང་ནི་སྐྲ་ལྕང་ལོ་ཅན་ལ་འགྲེལ་འདུག་པས་རྙིང་མའི་ལུགས་ཁོ་ན་ལ་དགོས་ཤས་ཆེས་སྙམ། གསར་མའི་ལུགས་ལ་སྔགས་པ་ཡོད་ཀྱང་སྔགས་འཆང་ནི་སྐྲ་ལྕང་ལོ་ཟེར་བ་ཞིག་གཏན་ནས་མེད་པས་སོ།།
སྔགས་འཆང་ནི་སྐྲ་ལྕང་ལོ་ཅན་ལ་གོ་ན་དེ་བས་ཀྱང་མི་འགྲིག སྔགས་འཆང་རྡོ་རྗེ་འཛིན་པ་ནི་གྲོང་པ་ཡོད་ལ། དགེ་སློང་ཡང་ཡོད། གྲོང་པ་ཐ་མ་དང་དགེ་ཚུལ་འབྲིང་། དགེ་སློང་རྡོ་རྗེ་འཛིན་པ་མཆོག་ཏུ་སྔགས་པ་ཡིན་པས་མཁྱེན་པར་མཛོད་ཅིག
དུས་འཁོར་རྩ་བརྒྱུད་ལས། དེ་ཉིད་བཅུ་ནི་ཡོངས་ཤེས་པ།། གསུམ་ལས་དགེ་སློང་མཆོག་ཡིན་འབྲིང་།། དགེ་ཚུལ་ཞེས་བྱ་དེ་དག་ལས།། ཁྱིམ་ན་གནས་པ་ཐ་མའོ།། ཞེས་གསུངས་པ་ལྟར་རོ།།
གཞུང་ནས་བཤད་པ་ལྟར་བྲིས་ན་མང་ཞིང་གོ་དཀའ་བས་རེ་ཞིག་བཞག་གོ།
དགེ་འདུན་རྒྱ་མཚོས་ཡག་པོ་གསུངས་སོང་། དེ་ལ་དྲི་བ་གསུམ་ཡོད་པས་ལན་གནང་རོགས། སྔགས་ལ་འཇུག་པའི་དབང་ཐོབ་པ་ལ་རྒྱུ་བཞི་དང་རྐྱེན་གཉིས་འཛོམས་དགོས་པར་བཤད་འདུག་པས་གང་ཡིན་དག་ཡིན་ནམ། མ་ཎི་འབྲི་དྲུག་འདོན་པ་ལ་དབང་ཐོབ་དགོས་སམ། བོད་ཆོས་ལྡན་གྱི་ཞིང་ཞེས་འཕགས་པ་ཐུགས་རྗེ་ཆེན་པོའི་གདུལ་ཞིང་ཡིན་པ་དང་ཁ་ཆེ་དང་ཡེ་ཤུ་ལ་ཞུགས་པ་དག་ཐུགས་རྗེ་ཆེན་པོའི་གདུལ་བྱ་ཡིན་ནམ། དུས་འཁོར་ལས་རབ་འབྲིང་ཐ་གསུམ་བཤད་པ་དགོངས་པ་ཅན་གྱི་གསུངས་ཡིན་པར་མངའ་རིས་པན་ཆེན་གྱིས། འོན་ཀྱང་ཡེ་ཤེས་ལྡན་པ་གཙོ་བོར་བཟུང་ཞེས་སྔགས་པ་མཆོག་ཏུ་བཤད་མི་འདུག་གམ།
འཆད་རྩོད་བཟང་། མུ་མཐུད་གྱིས།
གོང་དུ་པདྨའི་དྲི་བའི་ལན་ལ།
སྔགས་ལ་འཇུག་པའི་དབང་ཐོབ་པ་ལ་རྒྱུ་བཞི་དང་རྐྱེན་གཉིས་འཛོམས་དགོས་མིན་ངས་མི་ཤེས།
ལམ་མཐུན་མོང་བས་རྒྱུད་ལེགས་པར་སྦྱངས་པ་སྟེ་ངེས་འབྱུང་དང་བྱང་སེམས། ཡང་དག་པའི་ལྟ་བ་སོགས་སྔོན་དུ་སོང་བའི་གང་ཟག་གིས་བླ་མ་མཚད་ཉིད་ཚང་བ་ཞིག་བསྟེན་ནས་དབང་མནོས་དགོས་པར་གཞུང་མང་བོར་གསུངས་འདུག རྟེན་ལ་སོ་ཐར་རིས་བདེན་གང་རུང་དང་མ་ཐ་ཡང་མི་དགེ་བཅུ་སྤོང་གི་ཚུལ་ཁྲིམས་ཀྱིས་གཞིར་བཟུང་བ་ཞིག་ངེས་པར་དུ་དགོས། དེ་མེད་ན་དབང་མི་ཐོབ་པར་གསུངས་སོ།།
མ་ཎི་འབྲི་དྲུག་འདོན་པ་ལ་དབང་ཐོབ་མི་དགོས། ལུང་ཙམ་གྱིས་འགྲིག་པའི་ཕྱིར། ལུང་གནང་བའི་དགོས་པའང་དེ་ཡིན་ནོ།། ལུང་ནི་ཚོགས་གཉིས་བསགས་ཆེད་དང་ཆོ་ག་དེ་འདོན་རུང་བའི་ཆེད་དུ་དང་། དབང་ནི་ཆོ་ག་དེ་ལ་བསྟེན་ནས་དངོས་གྲུབ་སྒྲུབ་པའི་ཆེད་དུ་ཡིན་པས་ན་ཁྱད་པར་ཆེན་པོ་ཡོད་སྙམ།
བོད་ཆོས་ལྡན་གྱི་ཞིང་ཞེས་འཕགས་པ་ཐུགས་རྗེ་ཆེན་པོའི་གདུལ་ཞིང་ཡིན་པར་གསུངས་པ་ནི་བསྐལ་བ་བཟང་བོའི་སྐབས་ཀྱི་སྐད་ཆ་རེད། དངོས་པོ་ཡིན་ཕྱིར་འགྱུར་བ་འགྲོ་ངེས་རེད། ཁྱབ་ཆེ་བ་དང་སྤྱི་ལ་དགོངས་ཅེས་ཞིབ་ཆ་དང་ལུང་དོན་གཞག་ན་ན་ཡང་མི་འགྲིག་པ་ཨེ་ཡོད་སྙམ།
དུས་འཁོར་ལས་རབ་འབྲིང་ཐ་གསུམ་བཤད་པ་དགོངས་པ་ཅན་གྱི་གསུངས་ཡིན་པར་མངའ་རིས་པན་ཆེན་གྱིས་གསུངས་པ་མ་མཐོང་བས་དགོངས་དག་ཞུ། ཡེ་ཤེས་ལྡན་པ་གཙོ་བོར་བཟུང་ཞེས་སྔགས་པ་མཆོག་ཏུ་བཤད་ཆོག་གི་རེད། མཐར་ཐུག་སྔགས་ལ་བརྟེན་ནས་སངས་རྒྱས་དགོས་པས་དེ་ཉམས་སུ་ལེན་མཁན་གྱི་གང་ཟག་ལ་ཡང་རིན་པོ་ཆེ་ལྟ་བའི་གདུལ་བྱ་ཡོད་པས་སོ།།
ཨ་མདོའི་ལུང་བ་ཁ་ཤས་ལ་སླེབས་ན་སྔགས་པ་ཟེར་ན་གཟན་དཀར་པོ་གོན་མཁན་ཞིག་དང་མགོ་ན་རལ་བ་བརྗིད་ཏིག་སེ་ཡོད་པ་ཞིག་ལ་གོ་བ་ལེན་མཁན་ཡོད། དེ་ནི་སྔགས་ལ་གོ་བ་མ་ཆགས་པའི་སྐྱོན་ཡིན་པ་ལས་གཞན་ཅི་ཡང་མིན། སྔགས་པའི་དོན་གོང་དུ་དྲངས་ཟིན་པ་ལྟར་ཡིན་པས་དགེ་ཚུལ་སློང་ལ་སྔགས་པ་ཡིན་པའི་གཞི་མཐུན་པ་ཡོད་རེད། གོང་མཐོ་ས་༧ རྒྱལ་བ་རིན་པོ་ཆེ་ནས་བཟུང་སྟེ་དམན་ས་ང་རང་བར་དུ་སྔགས་པ་ཡིན་པར་ངས་དམ་བཅའ་བརྟན་པོར་བཞག་ཆོག
ལན་འགྲིག་མིན་གཟིགས་རོགས
ང་སྐྱེས་ནས་དེ་རིང་གི་བར་དུ་གསང་སྔགས་ཀྱི་དམ་ཚིག་ཚུལ་བཞིན་དུ་སྲུང་བའི་སྔགས་པ་ཞིག་མཐོང་མ་བྱུང་། ཡང་ན་ང་ལས་ངན་རེད། ཡང་ན་ཁྱོད་དམ་ཉམས་རེད། ཧ་ཧ་ཧ
གྲུབ་ཆེན་བརྒྱད་བཅུ་ཐམ་པ་ཀུན། །
སྔོན་གྱི་དུས་ཀྱི་སྔགས་འཆང་རེད། །
ས་དགེ་བཀའ་རྙིང་བོན་བཅས་པའི། །
བླ་མ་ཡིན་ཚད་སྔགས་འཆང་རེད། །
ཁྱོད་དམ་ཉམ་མ་རེད་དེང་སངས་གི་སྔགས་པ་དེ་ཚོ་དགོན་པར་དམ་ཚིག་སྡོམ་པ་སྲུང་མི་ནུས་གྲོང་དུ་ལས་མི་ནུས་པ་དེ་ཚོ་སྔགས་མིང་འཁྱེར་ནས་འཚོ་བ་སྐྱེལ་གི་ཡོད་
བོད་རིགས་སོ་བྱང་སྔགས་གསུམ་ནང་། །
་
དགེ་སློང་བསོད་སྙོམས་སློང་དང་གཅིག །
སྔགས་འཆང་གྲོང་ཆོག་རྒྱུགས་དང་གཉིས། །
སྤྲུལ་སྐུར་བསྔོ་རྟེན་འབྱོར་དང་གསུམ། །
བླ་མར་འབུལ་བར་ཕུལ་དང་བཞི། །
་
བོད་ཀྱི་ནང་ཆོས་འགྲོ་སྟངས་རེད། །
དགེ་འདུན་རྒྱ་མཚོ་ལ་སླར་ཡང་སྐུ་དྲིན་ཆེ་ལན་ཡག་པོ་འདུག ཡིན་ན་ཡང་གསང་སྔགས་རྩ་བ་དབང་དང་བླ་མ་ལ་ཐུག་ཡོད། དེ་དམ་ཚིག་ལ་ཐུག དབང་སྲོག་རྒྱུད་ལ་འཛིན་པ་སྡོམ་པ་དང་དམ་ཚིག ཅེས་པ་དང་། གསང་འདུས་ལས་་་ལྟ་དགོངས་ལྡན་པ་སློབ་དཔོན་བདག་པོའི་རྐྱེན།།ནུས་པའི་ཆོ་ག་མཁྱེན་པ་དམིགས་པའི་རྐྱེན།། རྟེན་འབྱུང་འབྲེལ་འབྱུང་དེ་མ་ཐག་པའི་རྐྱེན།། ཞེས་པ་ཞིག་དྲན་ཀི གཞན་ཡང་བླ་སློབ་ངོས་ནས་རྒྱུ་བཞི་ལྡན་པས་དབང་བསྐུར་ཐོབ་པ་ལས་་་དེང་དུས་བཞིན་གསང་སྔགས་ཁྲོམ་བསྒྲགས་དང་རྐང་རྩེད་པོ་ལོའི་འགྲན་བསྡུར་གྱི་འདུ་འཛིའི་ཡོ་ལང་ཞིག་ཆབ་སྲིད་ཞིག་ལས་དབང་མཚན་ལྡན་ཞིག་ཡིན་པར་ཧ་གོ་མ་སོང་། དཔེར་ན་དུས་འཁོར་ལས་སློབ་མ་བདུན་དང་བཅུ་དྲུག ཉེར་གཅིག་ལས་ལྷག་ལས་མཉམ་པར་དབང་བསྐུར་ན་མི་རུང་བ་དང་། འདུལ་བ་ལས་དགེ་འདུན་པ་གསུམ་རེ་སྒྲུབ་དགོས་པ་ལས་སྡོམ་པ་མི་སྐྱེ་བཤད་པ་ནང་བཞིན་མིན་ནམ།