གྲུ་ཁེམ།
མིའི་རིགས་ཀྱི་སྤྱི་ཚོགས་འཕེལ་རྒྱས་ཀྱི་དུས་སྐབས་ངེས་ཅན་ཞིག་གི་ནང་རིག་གནས་དང་། ཆོས་ལུགས། ཡུལ་སྲོལ། འཚོ་བ་བཅས་འཕེལ་འགྱུར་བྱུང་བ་དང་དུས་མཉམ་དུ་ལོ་གསར་གཏོང་སྲོལ་མི་འདྲ་བ་བྱུང་བ་དཔེར་ན། རྒྱལ་རབས་དགུ་པ་སྤུ་དེ་གུང་རྒྱལ་གྱི་དུས་སུ་རྒན་མོ་བལ་མའི་ཟླ་རྩིས་ཞེས་པ་སྟེ་ཟླ་བའི་དཀར་ཆའི་འཕེལ་འགྲིབ་དང་རྒྱུ་སྐར་གྱི་འཁོར་བགྲོད་ལ་བརྟེན་ནས་ལོ་འཁོར་མཚམས་ཀྱི་དུས་རྟགས་དེ་ལྷོ་ཁ་ཡར་ལྷ་ཤམ་པོའི་ཁམ་སྡོང་ལ་མེ་ཏོག་ཤར་བ་དང་།
དཔྱིད་ཀྱི་དུས་ཆེན་གཏོང་སྲོལ་བྱུང་བ་དེ་ནི་བོད་ཀྱི་ལོ་གསར་གཏོང་སྲོལ་ཐོག་མ་དེ་ཡིན། ཕྱོགས་མཚུངས་སྐབས་དེར་བོན་ཆོས་དར་ཁྱབ་ཆེ་བས་རིམ་བཞིན་ཕ་མེས་ཀྱི་དུར་ལྷ་གསོལ་བ་དང་། ཕོ་ལྷ། མོ་ལྷ། སྐྱེས་ལྷ། ཡུལ་ལྷ། ཁྱིམ་ལྷ། དགྲ་ལྷ་སོགས་གསོལ་བ། དར་ལྕོག་འཛུགས་པ། ལྷ་མཆོད་ཀླུ་མཆོད་བྱེད་པ། དེ་སྔོན་ས་གནས་སྲིད་གཞུང་གི་སྟོན་ཆེན་གཏོང་བའི་སྐབས་ནང་འཛུགས་ཞེས་ར་ལུག་དང་། འབྲི་གཡག་གི་ཤ་བུབས་སྒྲིག་གཤོམ་བྱེད་སྲོལ་ཡོད་པ་དང་། ཁྱིམ་ཚང་སོ་སོས་ལོ་གསར་གཏོང་སྐབས་ལུག་མགོ་སྒྲིག་གཤོམ་བྱེད་པ་སོགས་བོན་གྱི་ལམ་སྲོལ་རྒྱ་ཆེར་དར། དེ་རྗེས་ལོ་གསར་གྱི་དུས་གང་ལ་འཛིན་པའི་གནད་དོན་ནི་འབྱུང་རྩིས་ཀྱི་གཙུག་ལག་ནས་བྱུང་བའི་དཔྱིད་ཟླ་ར་བའི་ཟླ་བར་ལོ་འགོ་འཛིན་པའི་ཚེས་གཅིག
བོད་ཟླ་དང་པོའི་ཚེས་གཅིག་བཅས་གང་རུང་ལ་ངོས་འཛིན་ཚུལ་མི་འདྲ་བ་བྱུང་ཡོད་པ་དེའང་སྔར་བོད་རྗེ་སྲོང་བཙན་སྒམ་པོའི་དུས་རྒྱ་བཟའ་ཀོང་ཇོའི་རྒྱ་རྩིས་རྙིང་མའི་ལུགས་ལ་བོད་ཟླ་བཅུ་གཅིག་པའི་ཚེས་གཅིག་ཉིན་ལོ་འགོ་འཛིན་པ་དང་། དེ་རྗེས་དུས་རབས་བརྒྱད་པའི་ནང་བོད་རྒྱལ་ཁྲི་སྲོང་ལྡེ་བཙན་སྐབས་བོད་ཟླ་བཅུ་གཉིས་པའི་ཚེས་གཅིག་ཉིན་ལོ་གསར་འགོ་འཛིན་པ་ནི་རྒྱ་ནག་གི་སོ་ནམ་ལོ་གསར་དང་དུས་མཉམ།
དེ་ནས་མེ་ཕག་ལོ་སྟེ་སྤྱི་ལོ་༡༢༢༧ལོར་ཧོར་ཇིང་གེར་རྒྱལ་པོས་མི་ཉག་གི་ལག་ནས་རྒྱལ་ས་ཐོབ་པའི་ཟླ་བར་བཀྲ་ཤིས་པའི་དགའ་སྟོན་བྱས་རྗེས་རྒྱ་ནག་གི་ཧོང་ལི་དང་། བོད་ཟླ་དང་པོ་མཐུན་པར་བརྟེན་ཧོར་ལུགས་ལྟར་བོད་ཟླ་དང་པོར་ཧོར་ཟླ་དང་པོ་ཞེས་པའི་ཐ་སྙད་བཏགས། སྐབས་དེར་ས་སྐྱའི་ལོ་ཐོ་ལྟར་ཧོར་ཟླ་དང་པོའི་ཚེས་གཅིག་ལ་རྒྱལ་པོ་ལོ་གསར་ཞེས་པའི་སྲོལ་དར་བ་དེ་དག་བོད་ཁྲི་སྐོར་བཅུ་གསུམ་དུ་གཏོགས་པ་ཚང་མས་ལོ་གསར་གཏོང་སྲོལ་ཡོད་པ་སོགས་ཀྱི་འཕེལ་རིམ་བྱུང་ཡོད།
གངས་ལྗོངས་སུ་ལོ་འཁོར་མོ་གཅིག་གི་ནང་དུ་དུས་སྟོན་སྣ་ཚོགས་གཏོང་སྲོལ་ཡོད་པ་ལས་དེ་དག་གི་ནང་ནས་གནམ་ལོ་གསར་དུ་བཞད་པའི་བོད་ཀྱི་ལོ་གསར་ནི་ཆེས་རྒྱས་ཤོས་དང་ཆེས་སྔ་ཤོས་ཤིག་ཡིན་པར་མངོན། ཡིན་ནའང་རྗེས་སུ་ཡུལ་གྲུ་སོ་སོའི་གནམ་གཤིས་དང་ས་བབས་ཆོས་ལུགས། གོམས་སྲོལ་མི་འདྲ་བའི་དབང་གིས་ལོ་གསར་གཏོང་སྲོལ་ཐད་ལ་དུས་སྔ་ཕྱི་རིམ་པ་གསུམ་བཞི་ཙམ་བྱུང་ནས་ཡུལ་ལུང་རང་རང་གི་ཐུན་མོང་མ་ཡིན་པའི་ཁྱད་ཆོས་ལྡན་ཡོད་པ་རེད།
རང་རེའི་ལྗོངས་ཀྱི་ཀོང་པོ་སོགས་ས་ཁུལ་དུ་བོད་ཟླ་བཅུ་པའི་ཚེས་གཅིག་ལ་ལོ་གསར་གཏོང་བ་དང་། སྟོད་མངའ་རིས་སྤུ་ཧྲེང་རྫོང་སོགས་བོད་ཟླ་བཅུ་གཅིག་ལ་ལོ་གསར་གཏོང་བ། དུས་གཙང་གཉིས་ན་ས་གཙང་ཁུལ་གྱི་ས་ཆ་མང་ཆེ་བར་བོད་ཟླ་བཅུ་གཉིས་པའི་ཚེས་གཅིག་ལ་སོ་ནམ་ལོ་གསར་གཏོང་བ། དབུས་ཁུལ་ས་ཆ་ཕལ་མོ་ཆེར་བོད་ཟླ་དང་པོའི་ཚེས་གཅིག་ལ་རྒྱལ་པོ་ལོ་གསར་གཏོང་གི་ཡོད་པ་བཅས་ཡིན།
གྲུ་ཁེམ། ཡུལ་སྲོལ་དང་ཆོས་ལུགས་གཉིས་མ་འདྲེས་པ་ཞིག་དང་། བཤད་ཡམས་ཕྱོགས་རེ་བའི་ནད་ཀྱིས་མ་ཟིན་པ་ཞིག་བྱུང་ན་ཤིན་ཏུ་ལེགས། དེ་མིན་ཁྱི་བརྒྱག་གནམ་ཟུག་ལས་མ་འདས་སོ།
ལོ་གསར་ལ་ལུག་མགོ་བཤམ་པ་དེ་ཆོས་ལུགས་ཀྱི་ཡིན་རབས་ཅིག་བཤད་འདུག་དེ་ཡིན་ཚུལ་ཇི་ལྟར་ཡིན་མིན་གྱི་གནའ་རབས་ཀྱི་ལོ་རྒྱུས་ཁུངས་འཕེར་པ་ཡོད་པའི་སྐད་ཆ་ཡིན་ནམ་ཡང་ན་གཞན་ཟེར་གཡམ་རྒྱུགས་ཡིན་མིན་གྱི་རྩོམ་པ་པོས་གསལ་བཤད་ཞིག་ཡོད་ན་བཀའ་དྲིན་ཆེ་དེ་མིན་བོད་ཀྱི་ལོ་རྒྱུས་ཞིབ་འཇུག་པ་ཡིན་ཟེར་མཁན་ཚོས་ཁུངས་སྐྱེལ་གང་ཡང་མེད་པར་གཞན་ཟེར་གཡམ་རྒྱུགས་ཀྱིས་བསྐྱར་བཟློས་ཡང་བཟློས་ལས་བཤད་རྒྱུ་མེད་པ་འདི་ཞིབ་འཇུག་པའི་གནས་ཚད་མ་ལོངས་པའི་སྐད་ཆ་ལས་གཞན་གང་ཡང་མ་མཐོང།
རྩོམ་དེ་ཆ་ཚང་ཀློག་དུས་མ་རག་།
གདོན་མའི་སྤྱི་ཚོགས་ཀྱི་ལམ་ལུགས་ དོར་མ་ཐབ་པའི་མི་འབོར་མང་པོ་འཛམ་གླིང་འདིའི་ནང་ཡོད་པ་དེ་ཚོ་ལ་
བསམ་བློ་གཏོང་དགོས་
གནམ་ལོ་གསར་ཚེས། འདིའི་གནམ་ལོ་ཞེས་གོ་དོན་གང་རེད།
དུད་འགྲོ་ལུག་ལ་གཡང་དཀར་ལུག་ཟེར་བ་ལྟར་གཡང་འགུག་བྱེད་སྐབས་
མར་གྱི་ལུག་མགོ་བཟོ་བཞིན་པ་ལྟར་ལོ་གསར་ལ་ལུག་མགོ་ཕུད་ལ་བཤམས་
པ་དེ་དག་གཡང་གི་ཆེད་དུ་ཡིན་སྲིད་།
གནམ་ནི་ནམ་མཁའ་སྟོང་པ་ལ་གནམ་ཟེར་བ་དང་གནམ་ལོ་གསར་ཚེས་ཟེར་
དུས་ཉི་ཟླ་གཉིས་དང་གཟའ་བདུན་རྒྱུ་སྐར་ཡོངས་རྫོགས་་གནམ་ནས་ཤར་བ་
ནས་གནམ་ལོ་གསར་ཚེས་ཟེར་བ་མིན་ནམ་སྙམ་མོ་།