ཁོང་གི་བསྒྲགས་གཏམ་དེ་ད་དུང་ང་ཚོའི་རྣ་ལམ་ན་གྲགས་ཀྱི་འདུག

གསང་གྲོལ་གྱིས་བསྒྱུར།

(ཕྱི་སྡོད་བོད་ཀྱི་རྩོམ་པ་པོ་མཐུན་ཚོགས་ཀྱི་ཚོགས་གཞོན་བློ་བཟང་ཆོས་གྲགས་ལགས་སྐུ་གྲོངས་པར་རྒྱལ་སྤྱིའི་སྨྱུག་ཚོགས་ཀྱིས་ཕུལ་བའི་མྱ་ངན་ཞུ་ཚིག)

དེ་རིང་། རྒྱལ་སྤྱིའི་སྨྱུག་ཚོགས་ཀྱི་ངོས་ནས་ང་ཚོའི་གྲོགས་པོ་དང་ལས་རོགས་བློ་བཟང་ཆོས་གྲགས་ལགས་རྒྱ་གར་ལྡི་ལི་ནས་སྐུ་གྲོངས་པའི་གནས་ཚུལ་ཐོས་བའི་ཡིད་སེམས་རབ་ཏུ་གདུང་ཞིང་། ཁོང་ཉིད་ཕྱི་སྡོད་བོད་ཀྱི་རྩོམ་པ་པོ་མཐུན་ཚོགས་ཀྱི་ཚོགས་གཞོན་ཡིན་པའི་ཆ་ནས་རིག་གཞུང་དང་སྨྲ་བརྗོད་རང་དབང་། སྐད་ཡིག་གི་ཐོབ་ཐང་སྐོར་ལ་སྐུ་ངལ་ཚེགས་མེད་ཀྱིས་ལས་དོན་གནང་ཡོད་ལ། ཁོང་གིས་རྒྱལ་སྤྱིའི་སྨྱུག་ཚོགས་ཀྱི་ཚོགས་མི་དང་ལྷན་བོད་ནང་གི་བཙོན་འོག་ཏུ་ལུས་པའི་རྩོམ་པ་པོ་དང་། བོད་ཀྱི་སྐད་ཡིག་དང་སྲོལ་རྒྱུན་སྐོར་ལ་ལས་དོན་གཟེངས་སུ་ཐོན་པ་གནང་ཡོད།

ང་ཚོས་ཁོང་གི་ནང་མི་དང་གྲོགས་པོ་སོགས་ལ་གདུང་སེམས་མཉམ་བསྐྱེད་དང་སེམས་གསོའི་འཚམས་འདྲི་གནང་གི་ཡོད་ལ། དེ་ཡིས་ཁོང་ཚོ་ལ་ཐེབས་པའི་གྱོང་གུན་དེ་གསབ་མི་ཐེབས་པའང་ཤེས་ཀྱི་ཡོད།

རྒྱལ་སྤྱིའི་སྨྱུག་ཚོགས་ཀྱི་ཚོགས་གཙོ་ཇོན་རལསི་ཊོན་སོལ་ལགས་ཀྱིས་གསུངས་དོན། ༼ང་ཚོ་མང་པོ་ཞིག་གིས་བློ་བཟང་ཆོས་གྲགས་མཁྱེན་གྱི་ཡོད་ལ། ཁོང་གིས་ནམ་རྒྱུན་བོད་ཀྱི་རིག་གཞུང་དང་ཐོབ་ཐང་སྐོར་ལ་སྙིང་སྟོབས་ཆེན་པོའི་སྐད་ཆ་བཤད་ཀྱི་ཡོད། འདི་ནི་སྐྱི་གཡའ་བའི་གནས་ཚུལ་ཞིག་རེད་ལ་ང་ཚོས་ད་རུང་དོན་དག་ཅི་ཞིག་བྱུང་བར་སྒུག་བསྡད་ཡོད། ང་ཚོའི་བློས་ཐུབ་ཀྱི་གྲོགས་པོ་ཞིག་ང་ཚོ་དང་གཏན་དུ་གྱེས་པར་བསམ་བློ་གཏོང་དགོས་པ་ཞིག་ཆགས་པ་རེད།༽ ཅེས་བརྗོད།

རྒྱལ་སྤྱིའི་སྨྱུག་ཚོགས་ཀྱི་འཛིན་སྐྱོང་འགན་འཛིན་ཁར་ལིས་སི་ཊོན་ནུར་ལགས་ཀྱིས་གསུངས་དོན། ༼ང་ཚོའི་ཡིད་སེམས་སྐྱོ་གདུང་གིས་ཁེངས་ཡོད། བློ་བཟང་ལགས་ནི་མི་ཧ་ཅང་ཞི་འཇམ་དང་སྤྲོ་སྣང་ལྡན་པ་ཞིག་ཡིན། ལྷག་པར་ཏུ་ཁོང་གིས་བོད་མི་རིགས་གྱི་རིག་གཞུང་གི་ཐོབ་ཐང་ཆེད་འབད་བརྩོན་བླ་མེད་གནང་ཡོད་ལ། ཁོང་གིས་རྒྱལ་སྤྱིའི་སྨྱུག་ཚོགས་ཀྱི་སྐུ་ཚབ་ཚོགས་ཆེན་སྟེང་རྒྱ་ནག་གཞུང་གིས་ཁོང་གི་་མི་རིགས་ལ་དྲང་བདེན་གནང་གི་མེད་པའི་བསྒྲགས་གཏམ་གསལ་བོ་དེ་ད་དུང་ང་ཚོའི་རྣ་ལམ་ན་གྲགས་ཀྱི་འདུག ཁོང་གིས་འཛམ་གླིང་ཕྱོགས་ཡོངས་ཀྱི་རྩོམ་པ་པོ་དང་གྲོགས་པོ་ཆགས་པ་དེས་ཁོང་ཉིད་བོད་ཀྱི་རིག་གཞུང་སྲུང་སྐྱོབ་མཁན་ཞིག་ཏུ་གྱུར་ཡོད།

ངས་གསལ་བོ་དྲན་པ་ཞིག་ལ། ན་ནིང་ཕྱི་ཟླ་ལྔ་བའི་ནང་གྷེས་རོ་ན་ནས་ཚོགས་པའི་ཚོགས་ཆེན་གྱི་མཇུག་ཏུ་ངས་ཁོང་ལ་༼གྲོགས་པོ་ལགས་བསམ་བློ་ཆེན་པོ་ཞིག་ཐོངས་དང་། ང་ཚོས་ཅིའི་ཕྱིའི་རྒྱལ་སྤྱིའི་ཡིག་སྒྱུར་དང་སྐད་ཡིག་ཐོབ་ཐང་ལྷན་ཚོགས་ཀྱི་ཚོགས་འདུ་ཞིག་རྡ་རམ་ས་ལ་ནས་འཚོགས་མི་ཆོག་གམ་༽ཅེས་དྲིས་བར། ཁོང་གིས་༼ངས་ནམ་རྒྱུན་རྨི་ལམ་ཆེན་པོ་ཞིག་རྨི་བཞིན་ཡོད་ལ། དེ་ནི་ནམ་ཞིག་རྒྱལ་སྤྱིའི་སྨྱུག་ཚོགས་ཀྱི་ཚོགས་ཆེན་དེ་ལྷ་ས་རུ་འཚོགས་རྒྱུ་དེ་ཡིན་༽ཞེས་ལན་སྤྲད་བྱུང་། ཉིན་མོ་དེར་ང་ཚོས་ཁོ་ལ་བསྐྱར་ཏུ་ཆེ་མཐོང་གནང་ངེས།

ཁོང་གི་འཆི་རྐྱེན་ད་སྔ་གསལ་བོ་ཆགས་མེད་པས་རྒྱལ་སྤྱིའི་སྨྱུག་ཚོགས་ངོས་ནས་རྟོག་ཞིབ་གནང་བཞིན་པའི་སྐོར་ལ་རྒྱུས་ལོན་གནང་གི་ཡོད།

མ་ཡིག་ལ་གཟིགས་ན་འདིར་མནོན། http://www.pen-international.org/newsitems/pen-mourns-death-of-friend-and-vice-president-of-pen-tibetan-writers-abroad-lobsang-chokta/#sthash.FMtHtfRH.JsI626OK.dpuf