བསྟན་འཛིན་བཀྲ་ཤིས།
ཁ་སང་ཨ་རིའི་གྲོས་ཚོགས་ཀྱི་ཞོགས་ཇའི་སྨོན་ལམ་སྐབས་སུ་༧གོང་ས་མཆོག་ཆིབས་བསྒྱུར་གནང་པ་དེ་ལ་བོད་མི་མང་པོས་རྒྱལ་ཁ་ཆེན་པོ་ཞིག་ཏུ་བརྩི་བཞིན་འདུག་ཅིང་། དེ་ལྟར་དགའ་བསུ་ཡང་ཞུ་བཞིན་འདུག ང་ནི་དེ་ལས་ལྡོག་སྟེ་ཡིད་སྐྱོ་བ་ཚད་མེད་པ་ཞིག་བྱུང་། གཅིག་ནི་༧གོང་ས་ཆེན་པོའི་དགུང་ནའི་བབ་རེད། དགུང་ན་མཐོན་པོ་འདི་ལྟ་བུ་ཞིག་ལ་ཕེབས་རུང་། སྨོན་ལམ་འདེབས་པའི་ཚོགས་བཅར་བ་ཞིག་གི་ཚུལ་དུ་ཕེབས་ཏེ་སྐུ་འོ་བརྒྱལ་བཟོས་སོང་དྲན་བསྡད་ཡོད། དེ་ནས་ཨོ་བྷ་མས་ཁོང་ལ་ “གྲོགས་པོ་ཡག་པོ་”ཞེས་བོས་པ་དེ་རེད། ཨོ་བྷ་མས་གྲོགས་པོ་ཡིན་གསུངས་པ་དེ་གྲོགས་པོ་ངོ་མ་ཞིག་ཡིན་པའི་ངེས་པ་མེད། དེ་ནི་ཆབ་སྲིད་པའི་ཚིག་ཅིག་རེད། ཚིག་དེ་བཤད་ས་དེ་༧གོང་ས་མཆོག་ཡིན་མོད་མཐར་གཏུགས་ན་དེ་ནི་རྒྱ་ནག་ལ་སྨྲས་པའི་ཚིག་ཅིག་རེད། ད་རྒྱ་ནག་ལ་ཚིག་འདི་བཤད་སྐབས་དེ་བོད་ཀྱི་རྒྱལ་ཁ་ཞིག་ཡིན་ནམ་ཕམ་ཁ་ཞིག་ཡིན་མི་ཤེས་པ་རེད། འོན་ཀྱང་ཨ་རིའི་ཁེ་ཕན་ཡིན་པ་ནི་བཤད་མ་དགོས་པ་ཞིག་རེད། ཨ་རིའི་ཁེ་ཕན་སྲུང་སྐྱོབ་ཀྱི་ཟློས་གར་དེའི་ནང་སླར་ཡང་༧གོང་ས་མཆོག་འཁྲབ་བཅུག་པ་ནི་སླར་ཡང་ཡིད་མི་སྐྱིད་པའི་དོན་ཞིག་རེད། ༧གོང་ས་ཆེན་པོའི་སྐུའི་གཟི་བརྗིད་དང་ཆེ་མཐོང་། མཚན་མཐོང་སོགས་གང་ལ་བལྟས་ཀྱང་ཨ་རིའི་གྲོས་ཚོགས་ཀྱི་ཞོགས་ཇའི་སྨོན་ལམ་འདི་འདྲ་ཞིག་ལ་ཕེབས་འོས་པ་དང་དེ་ཡང་གསུང་བཤད་ཀྱི་གོ་སྐབས་ཀྱང་མེད་ནའང་ཕེབས་དགོས་པའི་དོན་ཞིག་ཁྱོན་ནས་མི་འདུག འདི་དག་ལ་བསམས་ན་༧གོང་ས་མཆོག་འདི་ལྟར་ཕེབས་དགོས་པའི་སྐུ་ངལ་དང་དེའི་གྲུབ་དོན་རྣམས་མི་མཚུངས་པ་ཞིག་རེད་བསམས། ད་རྒྱ་རླུང་ལངས་པ་དེས་བཙན་བྱོལ་བོད་མི་ལ་ཐད་ཀར་ཕན་གནོད་ཡོད་ཀྱི་མ་རེད། འོན་ཀྱང་རྐྱེན་དེ་ལ་བརྟེན་ནས་བོད་ནང་གི་བོད་མི་ཚོར་བསུན་གཙེར་མནར་གཅོད་གཏོང་ངེས་རེད། ད་རྒྱའི་འོག་ནས་དབུ་མའི་ལམ་འདེམས་རྒྱུ་ངོ་མ་ཡིན་ན་རྒྱ་རླུང་ལངས་པའི་ལས་ཀ་འདི་འདྲ་བྱེད་རྒྱུ་མི་འདུག རྒྱ་རླུང་ལངས་ན་བོད་ལ་གནོད་ངེས་རེད། དེ་ལས་རྒྱ་ལ་བསྟུན་ན་ཡག་གི་རེད། ་་་་་
ཨ་རིའི་ཆབ་སྲིད་ཟློས་གར་འཁྲབས་།
བོད་མིའི་དེ་ལ་དགའ་བསུ་ཞུས་།
བོད་འདི་རྒྱ་ཡི་ཁོང་དུ་བཞག་།
མཁེ་བཟང་ཨ་རྒྱ་གཉིས་ཀྱི་བླངས་།
ཧ་ཧ་ཧ
རྒྱ་རླུང་ལངས་བཅུག་པ་དང་། རྒྱ་ལ་ངོ་རྒོལ་བྱས་པ་དང་། རྒྱ་ཡི་སྐྱོན་རྣམས་ཐེར་འདོན་བྱས་པ་སོགས་ལ་རྟེལ་འབྲེལ་ལྟོས་གྲུབ་ཡོད་པ་བདེན་ན་ཡང་། ད་བར་རང་བཙན་ཕར་བཞག་ནས། དབུས་ལམ་ལ་གཉིས་མོས་གྲོས་མཐུན་མ་བྱུང་བར། རྒྱ་རླུང་ལངས་པ་མ་ཚད། རྒྱ་སྡུག་ཤི་བརྒྱབས་ན་ཁོ་རང་ཚོས་བཟོས་པ་རེད། རང་གིས་བཟོས་པ་ཆང་དེ་རང་གི་ཡང་མ་འཐུང་ན་སུས་འཐུང་ཞེས་པ་དང་མཚུངས་སོ།།
རི་བོང་གནམ་རྡིབ་ཀྱི་སྡུག་བསྔལ་རང་རེད། འཛམ་གླིང་གི་སྟོབས་ཆེན་རྒྱལ་ཁབ་ཀྱི་སྲིད་འཛིན་ནས་ཆེ་རྒུའི་དབུས་སུ་གོང་ས་མཆོག་ལ་ཆེ་བསྟོད་གུས་བརྩི་ག་འདྲ་ཞིག་ཞུས་སོང་། དེ་ནི་ང་ཚོའི་གཟི་བརྗིད་དང་རྒྱལ་ཁ་རེད།
རྒྱ་མ་དགའ་ནས་ཤི་སོང་ན་འདྲ། ཁྱོད་མ་སྐྱིད་ནས་སྨྱོ་སོང་ན་འདྲ། འདི་ཧ་ཅང་གི་དགའ་འོས་པའི་རླབས་ཆེན་གྱི་མཛད་འཕྲིན་ཞིག་ཡིན་པ་ནི་གཞན་བརྗོད་མི་དགོས་པར་གསར་ལམ་གྲགས་ཅན་བྷི་བྷི་སི་སོགས་འུར་དིར་རི་བཟོས་པ་དེ་ལས་ཤེས་ཐུབ། ད་དྲ་འབུ་ཚོ་ཁ་ཟུངས།
ཧཧཧཧ རྒྱ་རླུང་ལངས་རྒྱུར་སྐྲག་ནས་ནམ་ཡང་ཁུ་སིམ་མེ་འཇིག་རྟེན་འདིའི་སྒང་ལ་བོད་ཟེར་བ་ཞིག་ཡོད་མེད་ཡང་ཧ་མི་གོ་བ་བྱས་ནས་སྡོད་དགོས་པ་ཨེ་རེད། དྲ་འབུ་སྡར་མ།
རྒྱ་མགོ་མཐོ་དུས་རྒྱ་དང་།
བོད་མགོ་མཐོ་དུས་བོད་།
རྒྱ་ལ་སྐྲག་ན་བོད་པ་མིན་།
མགོ་གཉིས་མང་པོ་འདུག་ག་།
བོད་མི་ཚོ་ཟབ་ཟབ་བྱ་དགོས་།
དབུ་ལམ་ལ་ཞུགས་ན་རྒྱ་རླུང་ལང་དུ་མ་བཅུག་ན་བཟང། དེ་མིན་རྟག་ཆད་གཉིས་ཀྱི་མཐའ་ལ་ལྷུང་ཉེན་ཡོད། རྒྱུ་མཚན་དེ་ལ་བརྟེན་ནས་བཙན་བྱོལ་སྒྲིག་འཛུགས་དང་དུས་རབས་འདི་ཡི་པཎ་ཌི་ཏ་ཟམ་གདོང་བླ་མས་ཀྱང་རྒྱ་རླུང་ལང་དུ་མ་འཇུག་ངོ་རྒོལ་མ་བྱེད་ཟེར་ནས་ག་ཚོད་བཤད་མེད་དམ།
ལྐུག་པ་འདི་ཚོ་ལ་གཉིད་ཅིག་སད་རྒྱུ་མེད་ནོ་འདི་ཅི་རེད།
རྒྱ་དགའ་བའི་ཆེད་དུ་བོད་དགོན་ཚང་མ་གཏོར་ཚར་བ་རེད། བླ་གྲྭ་མང་པོ་སྲོག་ཐོག་ལ་བཏང་བ་རེད། འབྱོར་ལྡན་ཚང་མ་འབྱོར་མེད་ལ་བཏང་བ་རེད། འབྱོར་མེད་ཚང་མ་མུག་ཤི་ལ་ཐེབས་པ་རེད། དཔའ་བོ་ཚང་མ་ཕྱི་མ་ལ་བསྐྱལ་བ་རེད། མ་ཚང་མ་ཡུག་སར་བཏང་བ་རེད། བུ་ཚང་མའི་ཀླད་པ་བསྒྱུར་བ་རེད། ཤིང་བཅད་ནས་དགྱ་ལ་ཁུར་བ་རེད། རྡོ་གཏུབ་ནས་དགྱ་ལ་དྲིད་པ་རེད། གསེར་བརྐོས་ནས་དགྱ་ལ་དྲང་བ་རེད།
ད་དུང་དགྱ་ལ་དགའ་རྒྱུ་མེད་པར་སྡུག་རྒྱུ་ཞིག་ཡོད་ན། ད་བསྟན་འཛིན་བཀྲ་ཤིས་རང་གིས་མགོ་བཅད་ནས་རྒྱ་ལ་དཀར་འདོན་ཞུ་ཡ་ཡིན་ནམ།
དགྱ་ནག་ཚང་གིས་བོད་པ་ལས་ངན་ཚང་གི་མགོ་གཅོད་མ་ཐུབ་པ་རེད། རྒྱུ་མཚན་འདི་ཁོ་ནས། དགྱ་བོད་གཉིས་ཀྱི་བར་ལ་སྐད་ཆ་ཞིག་བཤད་རྒྱུ་ལྷག་བསྡད་པ་རེད། འདི་འདྲ་ཞིག་བྱུང་མེད་རྒྱུ་ན། བོད་ཀྱི་རྒྱལ་དར་ཞིག་རིག་ཡོད་རྒྱུ་མ་རེད། བོད་ཀྱི་རྒྱལ་གླུ་ཞིག་གོ་ཡོད་རྒྱུ་མ་རེད། བོད་ཡིག་བོད་སྐད་ཀྱང་སྐྱོབས་མི་ཐུབ་པའི་གནས་ན་ཡོད་རྒྱུ་ཡིན་པ་མ་ཤེས་སམ།
དགྱ་ནག་རླུང་ལངས་བས་མ་ཚད་སྨྱོས་སོང་ན་ཡང་། ང་ཚོ་བོད་པ་འདི། ཨ་རི་དང་ཡོ་རོབ་པའི་ཕྱོགས་ཁ་ལ་འབྱར་བ་དང་། ང་ཚོས་ང་ཚོ་འདི་དག་གི་མི་གྲལ་ལ་འཇོག་ཐུབ་པ་བྱེད་དགོས་བ་རེད། སྐད་གཏང་དུས་འགྲོ་དགོས་བ་རེད། རོགས་དགོས་དུས་སློང་དགོས་བ་རེད། ད་ལྟའི་དགྱ་ནག་འདི་འཐོར་དགོས་བ་རེད། འཐོར་མ་ཐུབ་པར་བསྡད་པ་ཡིན་ན། བོད་པོས་དགྱ་ནག་ལ་སྤྲེད་ལད་ག་ཚོད་འཁྲབ་པ་ཡིན་ན་ཡང་། ང་ཚོ་ལ་ཕན་ཐོག་འབྲུ་རྡོག་ཙམ་ཡང་ཡོད་རྒྱུ་མ་རེད།
དགྱ་ནག་རྒྱལ་གྲལ་ལ་འགྲིམ་དགོས་ན། བོད་ཀྱི་གནད་དོན་འདི། ཇེ་ཡག་དང་ཇེ་བཟང་ལ་གཏོང་དགོས་བ་ལས། ལྐུག་པའི་ཁོང་ཁྲོ་འཕེར་ན། དགྱ་མི་འདི་ཚོ། འཛམ་གླིང་གི་མིག་ནང་ན། དུད་འགྲོ་ཞིག་གི་སྒང་ཙམ་ལས་མཐོང་རྒྱུ་མ་རེད། འདི་ལྟ་ཚུལ་སྐྱིད་པོ་རེད། འདིས་དགྱ་ནག་གི་མི་མང་གིས། རང་ཐོག་ལ་སྡུག་གི་ཁུར་བོ་ཞིག་ཁུར་བཞིན་པ་ཞུ་མ་དགོས་བ་རེད། འཛམ་གླིང་ལ་མིག་དཔེ་འཇོག་མི་ཐུབ་པས་སོ།
འབྲི་རྒྱུ་མ་རག་ནས་བྲིས་པ་འདྲ་འདུག་་
རྒྱ་རླུང་ལང་མམ་བཅུག་ངོ་རྒོལ་མ་བྱེད་ཟེར་མཁན་ཡོད་ན་བོད་མི་དེ་ཚོ་ལ་རྒལ་ཚིག་མེད་པའི་རྟགས་རེད་ཁྲག་རྩ་མེད་པའི་རྟགས་རེད་། ས་ཡ་གཉིས་ཀྱི་སྲོག་ལན་མི་དགོས་སམ་། དགོན་པ་དྲུག་སྟོང་གཏོར་བའི་རིན་པ་མི་དགོས་སམ།
རྒྱ་གར་དུ་ག་རེ་བྱེད་དུ་ཡོང་བ་རེད་། རྒྱ་དཀྲགས་ནས་བྲོས་ཡོང་བ་རེད་དམ་བོད་དོན་བརྩོད་དུ་འདིར་ཡོང་བ་རེད་།