བོད་མི་ལོང་བ་ཞིག་གི་༼སྐྱོ་གདུང་གི་སྨྲེ་ངག༽ ཅེས་པའི་གཞས།

Comments (8) on “བོད་མི་ལོང་བ་ཞིག་གི་༼སྐྱོ་གདུང་གི་སྨྲེ་ངག༽ ཅེས་པའི་གཞས།”

1. དམུས་ལོང་དུ་སྐྱེས་ཀྱང་རུང་།
   རེ་བ་ནི་ཚེ་སྲོག་རེད།
   ཕྱི་མ་རུ་མི་ལུས་ཅིག
   ད་ལྟ་ནས་རེ་ལ་ལྟོས།

   རེ་ཡོད་ནི་ཡར་འགྲོ་རེད།
   རེ་མེད་ནི་མར་འགྲོ་རེད།
   ཚེ་སྲོག་དེ་མ་ཆད་བར།
   རེ་བ་ནི་མ་བརླག་ཅིག

2. ཚེ་ཐག་དེ་མ་ཆད་པར།
   རི་བ་དེ་མ་བརླག་ཅིག

3. ཚེ་ཐག་དེ་མ་ཆད་པར།
   རེ་ཐག་དེ་མ་གཅོད་ཅིག

4. ཚིག་ཁྱབ་་་་་་་ཁྱབ་ཕྱུག་བཀྲ་རྒྱམ།
   གདང་་་་་་་་་་་མགོན་པོ་དོན་འགྲུབ།
   གཞས་པ་་་་་་ཀླུ་གྲུབ།
   ༡༽མི་ཡུལ་འཇིག་རྟེན་སྒྱུ་མའི་གྲོང་ཁྱེར་ནས།
   མི་ལུས་ཐོབ་ཀྱང་མིའི་དོན་མ་མཚུངས་ཐལ།
   རང་ཁྱིམ་ཕ་མའི་གདུང་བ་མ་དབང་ན།
   ཕ་ཁྱིམ་དྲོན་མོ་མ་བསྐྱུར་ག་མེད་རེད།
   ཨུམ—-ཨུམ—-
   ཕ་ཁྱིམ་དྲོན་མོ་མ་བསྐྱུར་ག་མེད་རེད།
   ༢༽ རང་ཡུལ་བསྐྱུར་ནས་གཞན་ཡུལ་འགྲིམས་པའི་དུས།
   རང་སེམས་སྐྱོ་བའི་སྐྱོ་གླུ་ཤུགས་ཀྱིས་གྱེར།
   མི་ཚོགས་མང་པོ་འདུ་བའི་གྲོང་མཐའ་ན།
   ང་དང་པི་ཝང་ངེད་གཉིས་ཉམ་རེ་ཆུང།།
   ཨུམ—-ཨུམ—-
   ང་དང་པི་ཝང་ངེད་གཉིས་ཉམ་རེ་ཆུང།།
   ༣༽ མཚམས་རེར་བསང་ཆུ་སྔོན་མོའི་གཞུར་སྒྲ་ཉན།
   ལན་རེ་བྱེའུ་ཆུང་འཇོལ་མོའི་སྐད་ལ་ཉན།
   ལོ་དང་ཟླ་བ་ཅི་ཙམ་འདས་ཀྱང་རུང།
   རང་ཡུལ་ཕ་མའི་གསུང་སྐད་མ་ཐོས་ཐལ།
   ཨུམ—- ཨུམ—-
   རང་ཡུལ་ཕ་མའི་གསུང་སྐད་མ་ཐོས་ཐལ།
   ༤༽ དམུས་ལོང་ལུས་རྟེན་དཀོན་མཆོག་ལྷ་ལ་བཅོལ།
   ཉམ་ཆུང་སྤྲང་པོ་བླ་མའི་ཐུགས་ལ་བཟུང།
   ད་ལྟ་ཆོས་ལྡན་ཞིང་ནས་སྐྱེས་པའི་དོན།
   ཕྱི་མར་མི་ལུས་གཙང་མ་ཐོབ་པར་ཤོག
   ཨུམ—-ཨུམ—-
   ཕྱི་མར་མི་ལུས་གཙང་མ་ཐོབ་པར་ཤོག
   ཨུམ—-ཨུམ—-
   ཨུམ—-ཨུམ—-
   ཉམ་ཆུང་དམུ་ལོང་འདི་ཡིས་བླངས་པའི་གླུ་འདི་ཉན་པས་རང་བཞིན་གྱིས་མིག་ཅན་ལའང་སྐྱོ་སྣང་དང་སྙིང་རྗེ་སྤུ་སུད་ཅིག་སྐྱེས་བྱུང། ནུབ་ཕྱོགས་རྒྱལ་ཁབ་སོགས་ལ་དམུ་ལོང་ཡིན་ཀྱང་རང་གིས་རང་ཁ་གསོ་བའི་ལས་རིགས་ཇི་སྙེད་ཅིག་བསླབས་ཏེ་མུག་ཅན་དང་འདྲ་མཉམ་གྱི་གོ་གནས་ཡོད་པར་མ་ཟད་ཁོང་ཚོར་འགྲུལ་འཁོར་དང་མེ་འཁོར་ལས་སོགས་གང་དུ་འགྲོ་ནའང་དམིགས་བསལ་ཁོང་ཚོར་ཆེད་དུ་བཟོས་པའི་ཐབས་ལམ་དང་མཐུན་རྐྱེན་བསྐྲུན་ཡོད་འདུག་ཅིང་མ་ཟད་ATM ནས་དངུལ་ལེན་དགོས་བྱུང་ནའང་མིག་མེད་ལ་བརྡ་མཚོན་གྱི་འབུར་རྟགས་བཀོད་ཡོད་འདུག མིག་མེད་ཚོས་གློག་ཀླད་བརྒྱུད་ཨི་མེལ་ཀྱང་ཕར་གཏོང་ཚུར་ལེན་གྱི་ཐབས་ལམ་མཐུན་རྐྱེན་བཟང་པོར་བཀོད་སྒྲིག་བྱས་ཡོད་འདུག མིག་མེད་གླུ་བ་འདི་ཡིས་གཞས་ཚིག་ལ་ལྟས་ན་བོད་ཞི་བདེ་ཅན་དང་ནང་པ་སྙིང་རྗེ་ཅན་ཚོས་མཐོང་ཆུང་དང་མ་ཟད་རང་གི་ཕ་མས་ཀྱང་བལྟ་རྟོག་མེད་ཚུལ་གསལ་འདུག་ཅིང་དེ་ལྟར་བདེན་ན་སྙིང་རྗེ་ཟེར་བ་དེ་ཚིག་གོག་ཙམ་ལས་དོན་ཕན་གྱི་སྙིང་རྗེ་ཞིག་མེད་ཚོད་རེད།

5. སྤུན་ཟླ་རེ་ཐག་མ་ཆད། ཁྱེད་ཀྱི་མཐའ་བསྐོར་དུ་ཡོད་པའི་སྤུན་ཟླ་ཚོས་ཁྱེད་ལ་གཅེས་སྐྱོང་ཐོབ་པར་སྨོན།

6. ་་་་་་་་་ མིག་མེད་གླུ་བ་འདི་ཡིས་གཞས་ཚིག་ལ་ལྟས་ན་བོད་ཞི་བདེ་ཅན་དང་ནང་པ་སྙིང་རྗེ་ཅན་ཚོས་མཐོང་ཆུང་དང་མ་ཟད་རང་གི་ཕ་མས་ཀྱང་བལྟ་རྟོག་མེད་ཚུལ་གསལ་འདུག་ཅིང་དེ་ལྟར་བདེན་ན་སྙིང་རྗེ་ཟེར་བ་དེ་ཚིག་གོག་ཙམ་ལས་དོན་ཕན་གྱི་སྙིང་རྗེ་ཞིག་མེད་ཚོད་རེད། ་་་་་་་་་་་

7. སྙིང་རྗེ་ཅན་ཚོས་སྒོར་མོ་ཡི་སྦྱིན་བདག་བྱེད་ཐུབ་ན། མྱིག་ཞིག་སྤྲོད་རྒྱུ་ནི་དཀའ་མོ་ཞིག་མ་རེད། ཁྱུང་སེ་ལགས་ལ། ངོ་མས་(སྐྱོ་སྣང་དང་སྙིང་རྗེ་སྤུ་སུད་ཅིག་སྐྱེས་བྱུང)ཡོད་ན། འབྲེལ་ཐག་འདི་ནས་མགོ་བརྩམས་སྟེ། ཁོང་ལ་རག་པ་བྱེད་ཐུབ་པ་ཞིག་རེད། དེ་མིན་སོ་སོའི་སྙིང་རྗེ་ལ་ཡང་གཤོག་པ་མེད་དུས། མི་ཚོ་ལ། ཅིག་མི་བཟང་གི། འདི་མི་འགྲིག་གི་ཟེར་ནས། ཚོད་ཚོད་ལ་ཚོད་འདྲ་ཞིག་རྒྱག་གི་མ་བསྡད་ན་བཟང་ནི་རེད།
   http://www.telegraph.co.uk/news/science/science-news/9243223/Eye-implant-restores-vision-to-blind-patients.html
   རོགས་བྱེད་ཀྱི་འབྱོར་ལྡན་པ་ཞིག་དང་ཁ་འཕྲོད་པར་ཤོག།

8. ངས་འབྲེལ་བ་བྱེད་སླ་མོ་ཞིག་ཡོད་ན་སྒོར་དོག་ཁ་ཤས་ཟིག་ད་སྦྱིན་ནི་རེད་་་་་ཡིན་ནའང་འདི་མུག་གི་སློང་ཡིག་དང་སློང་བྱང་མང་ནི་རེད་ཡིད་མི་ཆེས་ཀི་་་་་སྔོན་ལོ་སྔོན་ལོར་ཡུ་ཤུལ་དོན་རྐྱེན་ལ་ངས་མང་ང་མང་ང་ཟིག་ད་སྦྱིན་མ་ནུས་མྱང་སྒོར་དོག་ཆ་ཟིག་སྦྱིན་ནི་ཡིན། ཡིན་ནའང་རྗེས་སུ་བསྔོ་རྫས་དེ་དག་གར་སོང་ཆ་མེད་དུ་སོང་ཐལ།