ཀླུ་སྨྱོན་ཁྲག་འཐུང་གླིང་པ།
སྙིང་གི་རྩ་མདུད་གྲོལ་བའི་ཆེད། །རྩ་གསུམ་ལྷ་ལ་གསོལ་བཏབ་པས། །རང་སྣང་ཌྰ་ཀིའི་གཟི་བྱིན་འབུམ། །འཇའ་འོད་ཀློང་ནས་ས་ལ་བབས། །རྡུལ་བྲལ་འཇིག་རྟེན་དཀར་པོའི་ཞིང་། །ངོ་མཚར་ཌྰ་ཀིའི་ཞིང་ཁམས་སུ། །གཅིག་དང་དུ་མར་འཕྲུལ་བའི་གར། །རྡོ་རྗེའི་རོལ་བ་འབྱམས་སུ་ཀླས། །འདོད་པའི་མྱོས་བུམ་མཁྲངས་ཟླུམ་ཞིང་། །བྷ་གའི་དཀྱིལ་འཁོར་ཆེར་གདངས་པའི། །དགའ་མ་བྱུ་རུའི་མདོག་ཅན་ཞིག །སྒྱུ་རྩལ་དྲུག་ཅུའི་ཀློང་ན་བརྒྱལ། །མ་དག་སྒྱུ་ལུས་འདོར་བ་དང་། །དག་པའི་གཟིགས་མོར་རོལ་བའི་ཕྱིར། །ཡང་ཡང་གསོལ་བ་བཏབ་པ་དང་། །སྒོ་གསུམ་དཀྱིལ་འཁོར་མཆོད་པར་བཤམས། །སྙིང་གི་དཀྱིལ་ནས་ཁྲག་ཕྱུངས་ཏེ། །ས་གཞིར་མནཌལ་དམར་པོ་བྲིས། །ཀླད་པ་དུང་ཁང་གཏོར་བྱས་ནས། །ཀླད་ཞོ་ཚོགས་ཀྱི་རྫས་སུ་བཤམས། །རྣལ་འབྱོར་ཡོངས་ཀྱི་རྒྱལ་པོ་སྟེ། །བླ་མ་ཧེ་རུ་ཀ་དཔལ་གྱིས། །མི་རྐང་གླིང་བུ་ཐེངས་གསུམ་གྱིས། །མཁའ་འགྲོ་ཁ་བ་འབབ་འབབ་བྱེད། །ལ་ལ་སྟག་དང་སེང་གེར་ཆིབས། །ལ་ལ་རླུང་ནག་འཚུབ་མར་ཞོན། །ལ་ལ་ཉི་ཟེར་ཀློང་ནས་ཕེབས། །ལ་ལ་འཇའ་ཚོན་འོད་དང་འདྲེས། །ཞི་བའི་མཁའ་འགྲོ་དཀར་ཞིང་མཛེས། །རྒྱས་པའི་མཁའ་འགྲོ་སེར་ཞིང་འཚེར། །དབང་གི་མཁའ་འགྲོ་དམར་ཞིང་བརྗིད། །དྲག་པོའི་མཁའ་འགྲོ་མཐིང་ཞིང་འཇིགས། །མཁའ་འགྲོའི་ཚོགས་ཀྱི་གྲངས་མཉམ་པར། །དཔའ་བོའི་བྲོ་ར་ཆེན་པོ་རུ། །རང་སྣང་འབར་བའི་རྣལ་འབྱོར་ཚོགས། །ཆགས་ཤིང་མྱོས་པའི་གད་རྒྱངས་སྒྲོག །འདོད་པའི་སྒྱུ་རྩལ་དྲུག་ཅུ་དང་། །དགའ་བ་བཅུ་དྲུག་རོལ་མོའི་སྒྲས། །སྲིད་གསུམ་འདར་བའི་ལྟད་མོ་ཡིས། །ཀླ་ཀློའི་སྙིང་ལ་ཟུག་རྔུ་བསྐྱེད། ། དཀྱིལ་འཁོར་ཆེན་པོའི་ལྟེ་བ་རུ། །ཁྱབ་བདག་གདོད་མའི་མགོན་པོ་སྟེ། །ཀུན་བཟང་རྡོར་སེམས་ཡབ་ཡུམ་ནི། །བདེ་ཆེན་ཀློང་ན་མྱོས་ཤིང་འདར། །ཡུམ་ཆེན་ཀུན་ཏུ་བཟང་མོ་ཡི། །ཆོས་དབྱིངས་ཁྱབ་བརྡལ་བྷ་གའི་ཀློང་། །ལྷ་སྐུ་ཡབ་ཡུམ་མཉམ་སྦྱོར་ནི། །ཏིལ་གྱི་གང་བུ་ཁ་ཕྱེ་བཞིན། །ལྷ་སྐུ་རེ་རེའི་སྦྱོར་མཚམས་སུ། །རིག་འཛིན་ཞིང་ཁམས་འབྱམས་ཀླས་ཤིང་། །ཞིང་ཁམས་རེ་རེའི་རྒྱ་ཁྱོན་ཡང་། །སྟོང་གསུམ་འཇིག་རྟེན་མཉམ་པར་བརྡལ། །དེ་བཞིན་བདེ་ཆེན་ཡབ་ཡུམ་གྱི། །བ་སྤུའི་ཁུང་བུ་རེ་རེར་ཡང་། །སྤྲུལ་པའི་ཞིང་ཁམས་མཐའ་ཀླས་པར། །རྡོར་སེམས་སྤྲུལ་བའི་རོལ་མོ་འཁྲོལ། །བུ་སྤུའི་འོད་ཟེར་རེ་རེས་ཀྱང་། །སྟོང་གསུམ་འཇིག་རྟེན་གསལ་བའི་གཞིར། །བྱེ་བ་ཕྲག་བརྒྱའི་འཇིག་རྟེན་གྱི། །སེམས་ཅན་དག་ལ་སྤྲུལ་པ་འགྱེད། །དགའ་བའི་རོལ་མོ་སྙན་བརྗིད་ཅན། །ཆགས་པའི་སྙན་ངག་ལུད་པའི་རྩེར། །དགའ་བ་བཞི་དང་བཅུ་དྲུག་གི །མེ་ལྕེ་དམར་པོའི་འོད་ཕྲེང་འགྱེད། །རྣལ་འབྱོར་དཔའ་བོ་དཔའ་མོ་རྣམས། །གསང་ཆེན་སྤྱོད་པ་ཡ་མ་ཟུང་། །མིག་འཕྲུལ་བཞིན་དུ་རོལ་བའི་དཔྱིད། །ངོ་མཚར་ཆེ་ཞིང་གཟི་བརྗིད་འབར། །མཁའ་སྤྱོད་མ་དང་སྒྲོལ་མ་སོགས། །གནས་གསུམ་དཔའ་བོའི་སྙིང་སྡུག་ཚོགས། །གཅེར་བུའི་གར་ལ་རབ་དགྱེས། །དཔའ་བོའི་པང་ན་མྱོས་ཤིང་བརྒྱལ། །འཛམ་གླིང་སྟག་ཤར་དཔའ་བོའི་རྒྱན། །གུ་རུ་ཨོ་རྒྱན་ཆེན་པོ་ཡང་། །མཁའ་འགྲོའི་བྷ་གའི་དྲོད་རླངས་ཀྱིས། །བཟི་ཞིང་བརྡ་ཡིག་ཆར་དུ་འབེབ། །ཡེ་ཤེས་མཚོ་རྒྱལ་ནི་གུ་མ། །ལབ་ཀྱི་སྒྲོན་མ་ལ་སོགས་པའི། །མི་མོའི་མཁའ་འགྲོའི་འོ་འཛིན་གྱིས། །སྤྲིན་དཀར་རྒྱུ་བའི་ལམ་ཡང་འགོག །རུས་རྒྱན་གྱོན་ཞིང་གཅེར་བུར་རྒྱུ། །གསང་བའི་སྤྱོད་པ་སྣ་ཚོགས་སྟོན། །མིང་མི་ཤེས་པའི་མཁའ་སྤྱོད་མ། །དཀར་ལྗང་དམར་སེར་སྐུ་མདོག་སྟོན། །བཅུ་དྲུག་ལོན་པའི་ལང་ཚོ་ཅན། །ཆགས་པའི་མྱོས་པའི་མིག་རྩ་དམར། །གནག་སྣུམ་ལན་བུ་ས་ལ་དྲུད། །དཔའ་བོའི་པང་ན་གཉིད་དུ་ཡུར། །དུང་གི་རྣ་རྒྱན་ཐོད་ཁྲག་འཐུང་། །ནམ་མཁའི་ལམ་ལ་གར་བྱེད་ཅིང་། །རྡོ་རྗེ་ཆེ་ཞིང་གད་རྒྱངས་སྒྲོག །མཁའ་འགྲོའི་སྙིང་སྡུག་ཧེ་རུ་ཀ །རྩ་གསུམ་དཔའ་བོ་མཁའ་འགྲོའི་ཁྱུ། །ཧྰུྃ་ཕཊ་གཅིག་གིས་སྡུད་མཛད་པའི། །བླ་མ་རྡོར་སེམས་ཡབ་ཡུམ་ལ། །མཆོད་རྫས་ཞིང་ཁམས་མཉམ་པར་འབུལ། །ཁྲག་ཞག་འཁྲིགས་པའི་མཎཌལ་གཞིར། །ཤ་ལྔ་བདུད་རྩི་ལྔ་ལ་སོགས། །གསང་བའི་མཆོད་པ་སྣ་ཚོགས་ཀྱིས། །དུར་ཁྲོད་ཆེན་པོའི་ཐ་གྲུ་ཁྱབ། །དཀར་མོ་གཅེར་བུའི་གཟུགས་འཆང་མ། །སྨིན་ལེགས་ནུ་འབུར་དཀར་ཟླུམ་ཅན། །ཐོད་པའི་ཕྲེང་བ་འདྲེན་མཛད་ཅིག །ཚོགས་ཀྱི་འཁོར་ལོའི་གཉེར་དུ་བསྐོས། །ལ་ལར་ཞིང་ཆེན་པགས་པ་དང་། །ལ་ལར་དབང་པོའི་མེ་ཏོག་ཚོགས། །ལ་ལར་ཡན་ལག་ཉིང་ལག་སོགས། །ཚོགས་ཀྱི་དགའ་སྟོན་ཨ་ཧོ་རྨད། །དཀྱིལ་འཁོར་ཆེན་པོའི་ཕྱི་ཁྱམས་སུ། །དྲག་པོའི་ལྷ་ཚོགས་འཇིགས་རུང་བ། །དུས་མཐའི་མེ་ལྕེ་འབར་བའི་ཁྲོད། །གནམ་ལྕགས་ཐོག་སེར་འཐོར་རླུང་འགྱེད། །རབ་འཇིགས་དུར་ཁྲོད་ཆེན་པོའི་དབུས། །བམ་ཆེན་བརྩེགས་པའི་ཁྲི་སྟེང་། །རོ་ལངས་འབུམ་གྱི་གདན་སྟེང་དུ། །ཁྲོ་བོའི་རྒྱལ་པོ་ཧེ་རུ་ཀ །དམར་ནག་ཁྲག་གི་རལ་བ་ཅན། །སྡང་མིག་གློག་སྟོང་འགྱུ་བའི་འོད། །ཧྰུྃ་ཕཊ་ང་རོས་གནམ་ས་གཡོ། །རུས་པའི་རྒྱན་འོད་ཉི་ཟླ་བཞིན། །ཡུམ་ཆེན་སྒེག་པའི་རོལ་བ་ཅན། །མི་སྡུག་ཞལ་སྒོ་གདེངས་པ་ཡིས། །སྟོང་གསུམ་འགེང་བའི་ཐོད་ཁྲག་གི །རོ་ལ་རྔམ་པའི་འཇིགས་ཟིལ་སྟོན། །ཡབ་ཡུམ་གཉིས་ཀྱི་སྦྱོར་མཚམས་ནས། །བྱེ་བ་ཕྲག་བརྒྱའི་ཁྲོ་ཚོགས་ནི། །དུས་མཐའི་སྐར་མདའ་ལྷུང་བ་བཞིན། །དགྲ་བགེགས་མགོ་རུ་ཆེམས་སེ་ཆེམས། །གཟུང་འཛིན་འཁྲུལ་བའི་དགྲ་བགེགས་ཚོགས། །མྱ་ངན་སེམས་པ་ཁོང་ཆུད་དེ། །དཔལ་ཆེན་ཧེ་རུ་ཀ་ཡི་བཀའ། །གུས་པས་ལེན་ལ་དངངས་ཤིང་འདར། །ཁྲག་མཚོ་འཁྲུགས་པའི་རྦ་རླབས་ཁྲོད། །ཁྲོ་བོའི་རྒྱལ་པོ་ཡབ་ཡུམ་ནི། །བདེ་ཆེན་དགའ་བའི་བཞད་སྒྲ་ཡིས། །དཔའ་བོ་མཁའ་འགྲོའི་ཚོགས་བསྡུས་ཏེ། །དཀར་དམར་ཉི་ཟླའི་ཁ་སྦྱོར་གྱིས། །གཟུང་འཛིན་རྒྱུ་བ་རབ་བཅོམ་སྟེ། །ཕྲ་རགས་བདུད་ལས་རྒྱལ་བ་ཡི། །གསང་ཆེན་སྤྱོད་པའི་གར་ལ་རོལ། །ཁྲག་ཞག་འཁྱིལ་བའི་དུར་ཁྲོད་དུ། །དབང་པོའི་མེ་ཏོག་ཚིལ་ཆེན་གྱི། །མར་མེ་སྦར་བའི་འོད་ཁྱིམ་ཀློང་། །མི་རྐང་གླིང་བུའི་ཟིལ་དབྱངས་ཀྱིས། །དགྲ་བགེགས་སྙིང་གི་ཁྲག་ཀྱང་འདྲེན། །སྟག་གཟིག་དོམ་དྲེད་འཕར་སྤྱང་སོགས། །གཅན་གཟན་གདུག་པའི་ཁ་རླངས་ཀྱིས། །ཁྲག་དྲི་ན་བུན་བཞིན་འཐིབས་ཤིང་། །དུར་ཁྲོད་ཆེན་པོ་ཤིག་ཤིག་འདར། །ཁྭ་དང་བྱ་རྒོད་འབྱུང་བྱ་སོགས། །དམ་ཉམས་དབང་པོར་རོལ་བ་ཡི། །དྲག་པོའི་འདབ་ཆགས་འཕུར་ལྡིང་གིས། །དུས་མཐའི་སྤྲིན་ནག་འཁྲིག་ལ་རྟོག །མི་སྡུག་ཀེང་རུས་གར་འཁྲབ་ཅིང་། །བམ་ཆེན་དགོད་པའི་གད་རྒྱངས་དང་། །གཟུགས་མེད་ལག་པའི་གཡབ་མོ་ཡིས། །དུར་ཁྲོད་ཆེན་པོར་གཟི་བརྗིད་འགྱེད། །ནམ་མཁའི་ལམ་ལ་གར་བྱེད་པའི། །དཔའ་བོ་མཁའ་འགྲོའི་ལྷ་ཚོགས་ནི། །ཆོ་འཕྲུལ་མ་ངེས་དུ་མ་ཡིས། །བདེ་ཆེན་བདུད་རྩིའི་ཆར་ཡང་འབེབ། །ལ་ལས་ཉི་ཟླ་ཆ་ལང་རྡེབ། །ལ་ལས་རི་རབ་པང་དུ་ལེན། །ལ་ལས་རྒྱ་མཚོ་ཧུབ་ཀྱིས་འདྲེན། །ལ་ལས་གནམ་སའི་གོ་ཡང་བརྗེ། །ཙནྡྲ་ལི་ཡིས་བཞུས་པ་ཡི། །བྱང་སེམས་ཨ་ཝ་དྷུ་ཏི་རུ། །རྩེན་པའི་ངོ་མཚར་ལྟད་མོ་ལ། །མཐའ་དང་ཚད་ཀྱི་མིང་ཡང་མེད། །དེ་ལྟར་ཀུན་བཟང་ཡབ་ཡུམ་དང་། །ཆེ་མཆོག་དྲག་པོ་ཧེ་རུ་ཀའི། །སྦྱོར་སྒྲོལ་ངོ་མཚར་སྒྱུ་མའི་གར། །དཔྱོད་ལྡན་དགྱེས་པའི་མཆོད་ཡོན་བསྦྲེངས། །མཁས་དབང་མི་ཕམ་བླ་མ་ཡི། །སྦྱོར་སྒྲོལ་བསྟོད་པའི་སྙན་ངག་གིས། །ཡིད་ཀྱི་ཁྱེའུ་རབ་མྱོས་ཏེ། །འདི་ལྟའི་སྦྱོར་བ་དང་དུ་བླངས། །འདི་ལས་བྱུང་བའི་དགེ་ཚོགས་ནི། །ཁ་བའི་རྡུལ་ལ་འགྲན་པའི་ཚོགས། །བདེ་ཆེན་རིག་པའི་རོལ་མོ་འབུམ། །འཁྲོལ་བའི་ཆ་རྐྱེན་དམ་པར་བསྔོ། །
མདོ་སྨད་ཙོང་ཁར་འཁྲུངས་ཤིང་དབུས་གཙང་དུ་བྱོན་ནས། བསྟན་པའི་སྙིང་པོ་གསལ་བར་མཛད་པ་རྗེ་བློ་བཟང་གྲགས་པའི་དཔལ་གྱིས། གསང་འདུས་སྨོན་ལམ་དུ།
་
མཁའ་དབྱིངས་རྡོ་རྗེ་སྦྱར་བས་སྤར་བ་ཡི།
ཙནྜ་ལཱི་ཡིས་བཞུས་པའི་བྱང་ཆུབ་སེམས༏
ཨ་བ་དྷཱུ་ཏཱིའི་རྒྱུན་ལམ་ནས་འོངས་པ།
ཤེས་རབ་པདྨོའི་ཟེའུ་འབྲུར་སོན་པ་ལས།། ༡༨ །།
་
འཁྲུངས་པའི་རྟེན་དང་བརྟེན་པའི་དཀྱིལ་འཁོར་གྱི།
སྤྲུལ་པའི་སྤྲིན་གྱིས་ནམ་་མཁའི་ཁྱོན་བཀང་སྟེ།
སྣོད་བཅུད་ཞིང་ཀུན་ཡོངས་སུ་སྦྱོང་མཛད་པའི།
དཀྱིལ་འཁོར་རྒྱལ་མཆོག་མྱུར་དུ་འགྲུབ་པར་ཤོག། ༡༨ །།
་
ཞེས་པ་ལྟར། ཙནྡྲ་ལི། ཙནྜ་ལཱི་སྟེ། གཏུམ་མོ་ཞེས་པའི་དོན་ནི་སྙམ། དེ་བཞིན་དུ། ཨ་ཝ་དྷུ་ཏི་ ཨ་བ་དྷཱུཏཱི་སྟེ། རྩ་དབུ་མ་ཞེས་པའི་སྐད་དོད་ཡིན།
སྒྲོལ་བསྟོད་དཔེ་ཆ་སྤར་མ་དག་ན། རལ་པའི་ཁྲོད་ན་འོད་དཔག་མེད་ལ༏ བོད་སྔ་རབས་པའི་སྐད་དོ།
བོད་ཀྱི་རིག་གཞུང་སྐད་བཀའ་བསྟན་དང་། བཀའ་བརྟེན་དང་། བླ་མའི་གསུང་འབུམ་རྣམས་ཀྱི་སྐད་ལ་རྩིས་སྟངས་ཀྱིད་རྟག་སྦྱོར་དང་། གུས་སྦྱོར་གྱིས་བདག་གིས་སྦྱོང་ཞིང་། དེ་བཞིན་གཞན་ལ་ཡང་བསྐུལ། ཡིག་ནོར་ཞུས་དག་མཛོད། ཅེས་སོ།
ཙནྡྲ་ལི་ཡིས་བཞུས་པ་ཡི། །བྱང་སེམས་ཨ་ཝ་དྷུ་ཏི་རུ། །རྩེན་པའི་ངོ་མཚར་ལྟད་མོ་ལ། །མཐའ་དང་ཚད་ཀྱི་མིང་ཡང་མེད།
།བླ་མ་ཧེ་རུ་ཀ་དཔལ་གྱིས། །
མི་རྐང་གླིང་བུ་ཐེངས་གསུམ་གྱིས། །
ཞེས་པ་རྫུན།
།བམ་ཆེན་བརྩེགས་པའི་ཁྲི་སྟེང་། །
འདིར་ཚིག་རྐང་གཅིག་ཆད།
མི་རུས་འཁྱེར་བའི་མིའི་རྟེན་ཅན་ལས། ཡིད་དམ་དང་། ལྷ་སྲུང་ཡོད་པ་གང་དུ་ཡང་བཤད་མེད། ཀླུ་སྨྱོན་ལགས་ཀྱིས་ཨ་རིར་དག་སྣང་གཟིགས་པ་འཐོན་དང་པོ་ཡིན་ངེས་པས། ཧེ་རུཀས་མི་རྐང་གླིང་བུ་ཞེས་པ་འདི་ལ་རྫུན་ཞེས་བརྗོད་པ་ཡིན་ནོ།།