ཨོ་ལིམ་ཕིག་རྩེད་འགྲན་གྱི་རྟགས་མའི་མང་ཉུང་གི་ཐུག་ས་གཙོ་བོ་འདི་དག་ཡིན་ཟེར།

སྐར་ཆེན།

ཨ་རིའི་ཁོ་ལོ་ར་སྒྲོ་སློབ་ཆེན་(Colorado College )གྱི་དཔལ་འབྱོར་རིག་པའི་དགེ་རྒན་ཆེན་མོ་( Daniel Johnson) སྒྲ་ནལ་འཇོན་སོན་གྱིས་གསུངས་ན། དབྱར་དགུན་ཨོ་ལིམ་ཕིག་རྩེད་འགྲན་གྱི་རྟགས་མའི་མང་ཉུང་གི་ཐུག་ས་གཙོ་བོ་ནི་། མི་འབོར་( Population)དང་མི་སྒེར་བ་རེ་རེའི་ལོ་རེའི་ཡོང་སྒོ་( Income per capita) གནམ་གཤིས།( Climate) ཆབ་སྲིད་ཀྱི་སྒྲོམ་གཞི།( Political structure) རྩེད་འགྲན་བྱེད་ཡུལ་གྱི་རྒྱལ་ཁབ་( Host nation)བཅས་ལྔ་བོ་འདི་ལ་རག་ལས་ཀྱི་ཡོད་རེད་ཟེར། རྒྱལ་ཁབ་གང་ཞིག་ལ་མི་འབོར་མང་བ་དང་མི་སྒེར་བའི་ཡོང་སྒོ་བཟང་བ་ཡོད་ན། རྩེད་འགྲན་གྱི་སྣ་འཛོམས་པ་དང་སྤུས་ཚད་ལེགས་པ། གོ་སྐབས་མང་བ་བཅས་ཡོད་ཟེར། གནས་གཤིས་ཀྱི་གནད་དོན་ཐད། གནམ་གཤིས་ཀྱི་འགྱུར་ཁྱད་ཆེན་པོ་ཐེབས་ཀྱི་ཡོད་ཟེར།
དེ་ཡང་ས་མཐོ་སར་གནས་བའི་རྒྱལ་ཁབ་ཁག་གི་རྩེད་འགྲན་པ་ཚོར་། དགུན་ཁའི་ཨོ་ལིམ་ཕིག་རྩེད་འགྲན་ལ་ཁེ་བཟང་མང་བ་ཡོད་པ་མ་ཟད། ཚ་བའི་ཡུལ་དུ་གནས་བའི་རྩེད་འགྲན་པ་ཚོ་ལས་ཡག་པ་ཡོད་ཟེར། ཆབ་སྲིད་ཀྱི་སྒྲོམ་གཞིའི་གནད་དོན་ཐད། སྲིད་སྐྱོང་ཚོགས་པ་གཅིག་ཅན་གྱི་རྒྱལ་ཁབ་འགར་ཨོ་ལིམ་ཕིག་རྩེད་འགྲན་ལ་རྒྱལ་ཁབ་གཞན་ལས་ལྡབ་འགྱུར་གྱིས་ཡར་རྒྱས་ཆེ་བ་འདུག་ཟེར། དེ་ཡང་། དཔེར་ན། ཁོའུ་རྦ་(Cuba)དང་རྒྱ་ནག་( China)ལྟ་བུ། ད་དུང་། ཨོ་ལིམ་ཕིག་རྩེད་འགྲན་འཚོགས་ཡུལ་རྒྱལ་ཁབ་ཀྱི་ཐད། འཚོགས་ཡུལ་དེ་ལ་ག་དུས་ཡིན་ཡང་རྟགས་མ་མང་འཐོབ་ཀྱི་ཆ་རྐྱེན་དང་གོ་སྐབས་བཟང་བ་ཡོད་ཟེར།
ཁོང་གི་ལྟ་ཚུལ་འདིས། འདས་བའི་ལོ་ངོ་དུ་མའི་རིང་། ཨོ་ལིམ་ཕིག་རྩེད་འགྲན་མང་དག་ཅིག་ལ་ཁུངས་སྐྱེལ་ཐུབ་ཡོད་པ་མ་ཟད་། ལྷག་པར་དུ་ཕྱི་ལོ་༢༠༠༨ལོར་རྒྱ་ནག་ཏུ་འཚོགས་པའི་དབྱར་ཁའི་ཨོ་ལིམ་ཕིག་འགྲན་རྩེད་ཀྱི་རྟགས་མའི་ཐོབ་གྲངས་ལ་ཡང་ཁོང་གི་ལྟ་ཚུལ་འདིས་ཁུངས་སྐྱེལ་ཐུབ་འདུག ད་ཕན། རྒྱལ་ཁབ་རེ་རེའི་སྤྱི་ཡོངས་ཨོ་ལིམ་ཕིག་རྩེད་འགྲན་པའི་ཁྱོན་བསྡོམས་རྟགས་མའི་གྲངས་ཀ་ལ། ཁོང་གིས་ལྟ་ཚུལ་འདིས་བརྒྱ་ཆ་༩༤ཁུངས་སྐྱེལ་ཐུབ་འདུག་ཅིང་། རྒྱལ་ཁབ་རེ་རེའི་སྤྱི་ཡོངས་ཨོ་ཕིག་རྩེད་འགྲན་པའི་གསེར་གྱི་རྟགས་མའི་གྲངས་འབོར་ལ། ཁོང་གི་ལྟ་ཚུལ་འདིས་བརྒྱ་ཆ་༨༨ཁུངས་སྐྱེལ་ཐུབ་འདུག ཁོང་གིས་མུ་མཐུད་དུ་གསུངས་དོན། སྤྱི་ཡོངས་ནས། རྒྱལ་ཁབ་ཆེ་བ་( Large)དང་( Rich)ཕྱུག་པ། གནམ་གཤིས་གྲང་བ་( Cold)བཅས་ཀྱི་རིགས་ལ་ཨོ་ཕིག་རྩེད་འགྲན་གྱི་རྟགས་མ་མང་བ་རག་གི་རེད་ཟེར། དེ་ཡང་། དབྱར་ཁའི་ཨོ་ལིམ་ཕིག་རྩེད་འགྲན་དང་དགུན་ཁའི་ཨོ་ལིམ་ཕིག་རྩེད་འགྲན་གཉིས་ཀྱི་གནད་དོན་ཐད། དགུན་ཁའི་ཨོ་ལིམ་ཕིག་རྩེད་འགྲན་གྱི་རྩེད་མོའི་རྣམ་གྲངས་མང་ཆེ་བ། རྩེད་འགྲན་པ་སྒེར་བ་ལ་རག་ལས་ཀྱི་ཡོད་པ་མ་ཟད་། རུ་ཁག་ཅན་གྱི་རྩེད་མོའི་རྣམ་གྲངས་ཧ་ཅང་ཉུང་ཉུང་རེད་ཟེར། འོན་ཀྱང་། དེ་ལས་ལྡོག་སྟེ། དབྱར་ཁའི་ཨོ་ལིམ་ཕིག་རྩེད་འགྲན་གྱི་རྩེད་མོའི་རྣམ་གྲངས་མང་ཆེ་བ་། རུ་ཁག་རྩེད་འགྲན་པ་ཚོར་རག་ལས་ཀྱི་ཡོད་པ་མ་ཟད་རྩེད་འགྲན་པ་སྒེར་བའི་བྱེད་སྒོའི་རྣམ་གྲངས་ཅན་གྱི་རྩེད་མོ་ཧ་ཅང་ཉུང་ཉུང་རེད་ཟེར། ད་ལྟ་ཁ་ཎ་སྒྲའི་གྲོང་ཁྱེར་བེན་ཁོའི་ལྦར་འཚོགས་བཞིན་པའི་དགུན་ཁའི་ཨོ་ལིམ་ཕིག་རྩེད་འགྲན་གྱི་རྟགས་མའི་མང་ཉུང་ཐད་། ཁོང་གིས་ཚོད་དཔག་རྒྱག་དོན། རྟགས་མའི་གྲངས་འབོར་བཅུའི་སྒང་ལ་འགྲོ་མཁན། ཁ་ཎ་སྒྲ་( Canada)དང་ཨ་རི།( United States) ནོར་ལྦེ།( Norway) སི་བས་སྒྲན།( Sweden) ཨུ་རུ་སི།(Russia) འཇར་མན།(Germany)
ཨོ་སི་ཁྲེས་ཡ་(Austia)བཅས་ཡིན་འདུག་པ་དང་། དེ་ཡང་། ཁོང་གི་ཚོད་དཔག་ལྟར་ན། ཁ་ཎ་སྒྲར་( Canada)རྟགས་མ་༢༧། ཨ་རི(United States)༢༦། ནོར་ལྦེར( Norway)༢༦། ཨོ་སི་ཁྲེས་ཡར(Austria)་༢༥། སི་བས་སྒྲན་ལ་( Sweden)༢༤།
ཨུ་རུ་སུ་ལ་( Russia)༢༣། འཇར་མན་( Germany)ལ་༢༠བཅས་འཐོབ་ཀྱི་རེད་ཟེར་ལ། ལྷག་པར་དུ་ཁ་ཎ་སྒྲ་དང་ཨ་རི། ཨུ་རུ་སི། ཨོ་སི་ཁྲེས་ཡ་བཅས་ལ་རྟགས་མའི་འཐོབ་གྲངས་དེ་ཕལ་ཆེ་ཕྱི་ལོ་༢༠༠༦ལོ་དང་གཅིག་མཚུངས་ལྟ་བུ་ཆགས་སྲིད་ཟེར། འདི་ནི་ཁོང་གི་ཚོད་དཔག་རེད། ཁོང་གི་ལྟ་ཚུལ་སྟེ། མི་འབོར་དང་མི་སྒེར་བ་རེ་རེའི་ལོ་རེའི་ཡོང་སྒོ་ གནམ་གཤིས། ཆབ་སྲིད་ཀྱི་སྒྲོམ་གཞི་། རྩེད་འགྲན་བྱེད་ཡུལ་གྱི་རྒྱལ་ཁབ་བཅས་ལ་གཞི་བཅོལ་བའི་ཚོད་དཔག་རེད། ཉིན་འགའི་རྗེས་སུ། ཁོང་གི་ཚོད་དཔག་འདིས་ཁ་གྲགས་ཀྱི་རེད།

(ཨོ་ལིམ་ཕིག་རྩེད་འགྲན་གྱི་སྐོར་ལ་དོགས་འདྲི་དང་བསམ་ཚུལ་བཤད་འདོད་ཡོད་ན། ཁོང་གི་འབྲེལ་གཏུགས་ཁ་བྱང་འདི་གཉིས་རེད། )
djohnson@coloradocollege.edu
moneybox@state.com