གློག་བརྙན་འདི་བཟོ་མཁན་བཀྲ་ཤིས་དབང་ཕྱུག་དང་ཚེ་རིང་རྡོ་རྗེ་གཉིས་ཡིན།
བཀྲ་ཤིས་དབང་ཕྱུག་ལགས་ཀྱིས་ཁ་བརྡའི་ངོ་དེབ་བརྒྱུད་གསུངས་གསལ་ལྟར་ན།
གློག་བརྙན་འདིའི་བཟོ་བསྐྲུན་གྱི་མ་དངུལ་ཆ་ཚང་རང་ངོས་ནས་ཐབས་ཤེས་འཐེན་པ་ཡིན་ཟེར། ད་དུང་། གློག་བརྙན་འདི་ལེགས་འགྲུབ་ཀྱི་སླད་དུ་། ཁོང་གིས་སྒེར་གྱི་ལས་ཀ་ཡང་མཚམས་འཇོག་དགོས་ཐུག་སོང་ཟེར། གློག་བརྙན་འདི་བདུན་གཅིག་གི་རྗེས་སུ་ཕྱི་ལ་དངོས་སུ་འགྲེམས་སྤེལ་བྱེད་རྒྱུ་ཡིན་ཟེར།
གློག་བརྙན་ཡག་པོ་ཡོད་མེད་མི་ཤེས། མི་ཐམས་ཅད་ཀྱི་སྐད་ཆ་བཤད་དུས་ནི་ར་མ་ལུག་ཅིག་བཤད་ཀྱི་འདུག ཉན་མཁན་དེ་བོད་དབྱིན་གཉིས་ཀ་ཤེས་མཁན་ཞིག་ཡིན་ན་མ་གཏོགས་གོ་བརྡ་གཙང་མ་ཞིག་མི་འཕྲོད་ངེས་ཅན་རེད། ང་ནི་ང་ཚོ་ཕྱི་རྒྱལ་དུ་སྡོད་མཁན་ཚོའི་སྐད་ཡིག་གི་གནས་སྟངས་འདི་འདྲ་ཡིན་རྒྱུ་རེད་བསམ་ནས་སེམས་ཧ་ཅང་སྐྱོ་བོ་བྱུང་། ཨ་རོ་ཤུ་ད།
བཟོ་སྐྲུན་ལ་དགའ་བསུ་ཡོད། བསམ་འཆར་ལ།
my role = ངའི་འཁྲབ་ཚན་གྱི་བྱེད་སྒོ་ནི། ཡང་ན། ངའི་བྱེད་སྒོ་ནི།
gossip = (ཁ་སྐད་དུ་) དགོས་མེད་སྐད་ཆ་མང་པོ། ཡང་ན། དགོས་མེད་གཏམ་འཆལ།
གློག་བརྙན་བཟོས་པར་དཀའ་ལས་ཏན་ཏན་ཡོད་པ་རེད། བོད་ཀྱི་རིག་གཞུང་ངམ་གང་ལྟར་བོད་ཀྱི་སྐད་རིགས་དང་འབྲེལ་བ་ཞིག་ཡོད་དུས། གནད་དོན་ཚང་མིན་ལ་མ་ལྟོས་པར་ཐུགས་རྗེ་ཆེ་ཞུ་འདོད། འོན་ཀྱང་ཁོང་ཚོས་གསུངས་སྟངས་བྱས་ན། མོ་བ་སྟེ་བོད་ཀྱི་གནའ་རབས་རིག་གཞུང་ཅིག་དང་། ཤོ་རྒྱགས་པ་སྟེ་བོད་ཀྱི་ཐུན་མོང་མ་ཡིན་པའི་རྩེད་རིགས་ཅིག་བཅས་ལ་སྐྱོན་བརྗོད་ཀྱི་གློག་བརྙན་ལྟ་བུ་ཞིག་ཡིན་ས་རེད། བོད་དང་བོད་ཀྱི་རིགས་གཞུང་ལ་ཆེས་རྗེས་ལུས་དང་། ཆེས་མུན་ནག ཆེས་ཀླ་ཀློ་ཟེར་བ་དེ་རྒྱ་ནག་གཞུང་གི་ཕྱག་ལས་རེད། དེ་བོད་པ་ནང་ཚགས་ཀྱི་ལས་ཀ་ཡིན་རྒྱུ་མ་རེད། མོ་རྒྱག་མཁན་བོད་གཅིག་བུ་མ་རེད། ཨ་རིའི་མགོ་སེར་ནང་ན་ཡང་མོ་རྒྱག་མཁན་ཁེངས་བསྡད་ཡོད་པ་རེད། དེ་ཚོ་ལ་དམིགས་བསལ་གྱི་ལས་ཁུངས་ཡང་འདུག དེ་མིན་ཤོ་ཟེར་བ་དེ་བོད་ཀྱི་རྩེད་རིགས་ཅིག་རེད། ཨ་རིའི་རྩེད་རིགས་འདྲ་མིན་རྩེ་ཆོག་ལ་བོད་ཀྱི་རྩེད་རིགས་རྩེ་མི་ཆོག་པའི་རྒྱུ་མཚན་ཅི། འདི་ལ་རྒྱུ་མཚན་བཤད་དགོས། དེང་སང་མང་པོ་ཅིག་གི་ཁ་ན་ཤོ་ལ་སྐྱོན་བརྗོད་བྱེད་མཁན་འདུག ཕྱི་རྒྱལ་ལ་སྐྱེས་མཁན་ཚོ་ཕྱི་རྒྱལ་གྱི་རྩེད་མོ་འདྲ་མིན་ལ་དགའ་བོ་ཡོད་པ་བཞིན་དུ། བོད་ཀྱི་སྤྱི་ཚོགས་ནང་སྐྱེ་མཁན་ཅིག་ཡིན་ན་བོད་ཀྱི་རྩེད་རིགས་ལ་ལོས་དགའ། ཕྱི་རྒྱལ་གྱི་རྩེད་མོ་ལ་དགའ་ཆོག་ལ་བོད་ཀྱི་རྩེད་རིགས་ལ་དགའ་མི་ཆོག་པ་འདི་ཡང་རྒལ་ཚིགས་མེད་པའི་བོད་པ་རྗེས་རབས་པ་ཁག་ཅིག་གི་ལྟ་བ་ཡིན།
དེ་མིན་སྔོན་ཆད་མིའི་ནེའུ་ཡོག་མ་རེད་མིའི་གཡོག་རེད་ཅེས་པའི་གློག་བརྙན་དེ་འདོན་སྐབས་དཔེ་མི་སྲིད་པའི་ཡག་པོ་བཏོན་འདུག ཕྱི་རྒྱལ་གྱི་འཚོ་བ་དམར་བོ་དེ་འུར་སྒྲོག་མེད་པར་རྗེན་པར་བཏོན་འདུག དེ་མིན་དགོད་བྲོ་བ་ཡ་མཚན་པ་ཅིག་ཁྱུང་འདུག དེའི་གློག་བརྙན་བཟོ་སྐྲུན་མཁན་ནས་ངས་དཀའ་ལས་རྒྱབ་པ་ཡིན། འགྲོ་སོང་མང་པོ་བཏང་བ་ཡིན། ལས་ཀ་ཤོར་སོང་སོགས་ཡུ་མང་པོ་ཅིག་བཤད་མི་འདུག
མདོར་ན་གློག་བརྙན་ཡག་པོ་ཡོད་ན་མངགས་ཉོ་་བྱེད་ཀྱི་ཡིན་པར་མ་ཟད་འགྲེམ་སྤེལ་བྱེད་པའི་རོགས་པ་ཡང་བྱེད་རྒྱུ་ཡིན། འོན་ཀྱང་བོད་ཀྱི་ཁྱད་ཆོས་ལ་སྐྱོན་བརྗོད་ཀྱི་གློག་བརྙན་ཡིན་ན་བལྟ་གི་ཁོ་རང་མིན།
gossip ནི་རྒྱབ་བཤད་ཟེར་བ་དེ་རེད། དབྱིན་ཇིའི་ཚིག་ཁ་ཤས་ཤེས་སོང་ན་ཡང་གློག་བརྙན་བཟོ་སྐྲུན་སྐབས་སུ་བོད་སྐད་རྒྱག་དགོས་པ་རེད། རྒྱུ་མཚན་གློག་བརྙན་དེ་བོད་པའི་ཆེད་དུ་བཟོ་གི་ཡོད་པ་མ་གཏོགས་མགོ་སེར་གྱི་ཆེད་དུ་བཟོ་གི་ཡོད་པ་མ་རེད་པ།
འོ་ད་བཤད་ཀྱི་བཤད་ཀྱི་ངའི་སྐྱག་ཁ་འདི་ནང་ནས་ཚོད་མེད་ཅིག་ཡོང་གི་འདུག དགོངས་དག
བཀྲ་ཤིས་བདེ་ལེག་
དགའ་བསུ་ཡོད།
སྤྱིའི་ཆ་ནས་ཁྱེད་རང་ཚོའི་སེམས་ཤུགས་ལ་སྔགས་བརྗོད་ཡོད་དང་ཡོད། འོན་ཀྱང་ར་མ་ལུག་གི་སྐད་འདྲ་རྒྱབ་ཡོང་དུས་སེམས་པ་སྐྱོ་ཡོང་གི་འདུག
ཁྱེད་རང་ཚོའི་ཕྱག་ལས་ལ་སྔགས་བརྗོད་ཡོད་ ཡིནའང་ར་མ་ལུག་གི་སྐད་ཆ་དེར་ཡོ་སྲང་ཡོད་པ་ཁྱེན་ཁྱེན།