ཡེ་ཤུའི་འཁྲུངས་སྐར་སྐོར་ལ་འགྲེལ་བཤད་སྙིང་བསྡུས།

མཁོ་སྤྲོད་པ་འཇམ་དབྱངས།
 

འཛམ་གླིང་འདིར་ཡོངས་སུ་གྲགས་པའི་ཡེ་ཤུ་འཁྲུངས་སྐར་Christmas་སྐོར་ལ་འགྲེལ་བཤད་སྙིང་བསྡུས།

ཡེ་ཤུ་ནི་ཡ་ཧུ་དཱ་ཡུལ་གྱི་གྲོང་ཁྱེར་བེད་ལེ་ཧེམ་དུ་སྐུ་བལྟམས། (བེད་ལེ་ཧེམ་ནི་དེང་གི་ཡི་སི་ར་ཨེལ་ཁུལ་དུ་གནས།)ཡེ་ཤུ་སྐུ་འཁྲུངས་ནས་ད་བར་ཧ་ལམ་ལོ་ངོ་ཉིས་སྟོང་ལྷག་ཙམ་སོང་ཞིང་། རྒྱལ་པོ་ཧེ་རོ་དཱེ་ནི་སྐབས་དེར་དེ་ཁུལ་གྱི་དབང་འཛིན་པ་རེད། ཡེ་ཤུ་སྐུ་འཁྲུངས་རྗེས་ཤར་ཕྱོགས་ནས་ཡིན་པའི་སྐར་རྩིས་པ་ལ་མཁས་པ་འགའ་ཤས་ཡེ་རུ་ཤ་ལེམ་དུ་འབྱོར།  ཁོང་ཚོ་གནམ་རིག་ལ་ཧ་ཅང་བྱང་ཆུབ་པས། གྲོང་ཁྱེར་ནང་གང་སར་རྩད་འཚོལ་བྱས་པར། ཡ་ཧུ་དཱ་ཡུལ་གྱི་རྒྱལ་པོ་ཞིག་འཁྲུངས་པ་དེ་གང་དུ་ཡོད་དམ། ཁོང་གི་འཁྲུངས་ཚེས་སྐར་མའི་རྟགས་ང་ཚོས་མཐོང་སྟེ་ཁོང་ལ་བཀུར་སྟི་ཞུ་བར་འོང་ཞེས་བརྗོད།(མད་ཐ་ཡིས་བྲིས་པའི་འཕྲིན་བཟང་ལེའུ་༢་བའི་ཚིགས་བཅད་༡་ནས་༢་ནས།)

ཡེ་ཤུ་མ་ཤི་ཀཱ་སྐུ་འཁྲུངས་པའི་སྐོར།

ཡེ་ཤུ་མ་ཤི་ཀཱ་སྐུ་འཁྲུངས་པའི་ཚུལ་འདི་ལྟར་ཏེ། ཁོང་གི་ཡུམ་མིར་ཡམ་(Mary)དང་ཡོ་སེབ་(Joseph)གཉེན་སྒྲིག་བྱེད་རྒྱུའི་ཐག་ཅད་ཟིན་ཡང་། ཁོ་གཉིས་མཉམ་དུ་ལུས་འབྲེལ་མ་བྱུང་གོང་དུ་མིར་ཡམ་ལ་མངལ་ཆགས། ཡོ་སེབ་ནི་མི་དྲང་པོ་ཞིག་ཡིན་:སྟབས། ཁོ་མོ་ལ་མི་ཁ་ངན་པ་མི་ཡོང་ཆེད་ཁུ་སིམ་མེས་ལྐོག་ཏུ་གཉེན་འཐོར་བར་སེམས། དེ་ལྟར་བསམ་བཞིན་པའི་སྐབས། དཀོན་མཆོག་གི་ཕོ་ཉ་(angel)ཞིག་གིས་ཁོའི་རྨི་ལམ་ནང་དུ་ ཀྱེ་དཱ་བིད་(David)ཀྱི་བུ་ཡོ་སེབ། ཁོ་མོའི་མངལ་འཁོར་བ་སྟེ་དམ་པའི་ཐུགས་ཉིད་ལས་ལྷུམས་སུ་བཞུགས་པ་ལགས་ན། མིར་ཡམ་ཆུང་མ་ལེན་པར་མ་འཇིགས་ཤིག ཁོ་མོ་ལ་སྲས་ཤིག་འཁྲུང་ཡོང་། ཁྱུའུ་དེ་མཚན་ལ་ཡེ་ཤུ་ཞེས་གསོལ། གང་ཡིན་ཟེར་ན། ཁོང་གིས་རང་གི་མི་སྡེ་རྣམས་སྡིག་ཉེས་ལས་བསྐྱབ་ཕྱིར་འོང་ཞེས་གསུངས།

དེ་ཐམས་ཅད་ནི་ཡེ་ཤུ་མ་འཁྲུང་གོང་སྤྱི་ལོ་སྔོན་གྱི་ལོ་ངོ་༤༠༠ གོང་དུ་གཙོ་བོས་ལུང་སྟོན་པ་(Isaiah)བརྒྱུད་ནས་གསུངས་པ་དེ་སྒྲུབ་པའི་ཕྱིར་འདི་ལྟར་ཏེ། ལྟོས་དང་ན་ཆུང་(བུ་དང་ལུས་འབྲེལ་རྩ་བ་ནས་བྱུང་མ་མྱོང་བའི་གཞོན་ནུ་མ་ལ་གོ)མངལ་བཅས་སྲས་ཤིག་འོང་། མཚན་ལ་ཨིམ་མ་ནུ་ཨེལ་(Immanuel)ཞེས་སུ་གསོལ། ཨིམ་མ་ཨེལ་ནི་དཀོན་མཆོག་ང་ཚོ་དང་མཉམ་དུ་ཡོད་ཞེས་པའི་དོན་ནོ།
ཡོ་སེབ་གཉིད་ལས་སད་རྗེས་གཙོ་བོའི་ཕོ་ཉས་གནང་བའི་བཀའ་མངགས་བཞིན་མིར་ཡམ་རང་གི་ཆུང་མར་བླངས། སྲས་མ་བལྟམས་པའི་བར་དུ་མིར་ཡམ་དང་མཉམ་དུ་ལུས་འབྲེལ་མ་བྱེད་དོ། ཁྱེའུ་དེའི་མཚན་ལ་ཡེ་ཤུ་ཞེས་བཏགས་སོ།

སྐར་རྩིས་མཁས་པས་མཇལ་ཕྲད་གནང་བའི་སྐོར།

རྒྱལ་པོ་ཧེ་རོ་དཱེའི་(king Herod)དུས་སྐབས་སུ་ཡེ་ཤུ་ཡ་ཧུ་དཱ་(Judea)ཡུལ་གྱི་གྲོང་ཁྱེར་བེད་ལེ་ཧེམ་(Bethlehem)དུ་སྐུ་བལྟམས་རྗེས། ཤར་ཕྱོགས་ནས་ཡིན་པའི་སྐར་རྩིས་མཁས་པ་འགའ་ཡེ་རུ་ཤ་ལེམ་དུ་ཡོང་སྟེ་་་ཡ་ཧུ་དཱ་ཡུལ་གྱི་རྒྱལ་པོ་འཁྲུངས་པ་དེ་གང་དུ་ཡོད་དམ། ཁོང་གི་འཁྲུངས་སྐར་ཤར་བ་ང་ཚོས་མཐོང་སྟེ་ཁོང་ལ་བཀུར་སྟི་ཞུ་བར་འོང་ཞེས་གསུངས།  རྒྱལ་པོ་ཧེ་རོ་དེས་དེ་ཐོས་པའི་ཚེ་ཡིད་སེམས་མི་བདེ་བར་འགྱུར། ཁོས་ཡུལ་མིའི་ནང་གི་བླ་ཆེན་དང་ཆོས་ལ་མཁས་པ་ཀུན་བསྐོངས་ནས་མ་ཤི་ཀཱ་གང་དུ་འཁྲུང་ཡོད་མེད་དྲིས། དེ་དག་གིས་ཡ་ཧུ་དཱ་ཡུལ་གྱི་བེད་ལེ་ཧེམ་དུ་འཁྲུང་ཡོང་ཟེར། རྒྱུ་མཚན་ནི་ལུང་སྟོན་པས་འདི་སྐད་དུ། ཡ་ཧུ་དཱ་བེད་ལེ་ཧེམ་མི་རྣམས། ཁྱེད་ཚོ་དཔོན་ལས་ཆུང་བ་མ་ཡིན་ཏེ། ཁྱེད་ཚོའི་ནང་ནས་མི་ཡི་དཔོན་ཞིག་འོང་། དེ་ནི་དབང་བསྒྱུར་བྱེད་ཕྱིེར་ངའི་མི་རིགས། ཡི་སི་ར་ཨེལ་ཀུན་གྱི་རྫི་བོར་འགྱུར། ཞེས་འཁོད་ཡོད་ཅེས་གསུངས།

རྒྱལ་པོ་ཧེ་རོ་དཱེས་ལྐོག་ཏུ་མཁས་པ་དེ་རྣམས་བོས་ནས་སྐར་མ་དེ་ཤར་བའི་ནམ་དུས་ཞིབ་ཏུ་དྲིས། རྒྱལ་པོས་ཁོང་ཚོ་བེད་ལེ་ཧམ་དུ་བཏང་ནས་ད་ཁྱེད་ཚོ་སོང་ལ་ཕྲུ་གུ་ཆུང་ངུ་དེིའི་སྐོར་ཞིབ་ཏུ་རྩད་ཆོད་ཅིག ཁོང་རྙེད་ན་ང་ལ་ལོན་ཞིག་སྐུར། ང་ཡང་ཁོང་ལ་བཀུར་བསྟི་ཞུའོ་ཟེར། ཁོང་རྣམས་རྒྱལ་ས་ནས་འཐོན་ཏེ་སྐར་མ་ལ་དཔྱད་བཞིན་སོང་བ་ན། ཕྲུ་གུ་ཆུང་ངུ་དེ་བཞུགས་སའི་མཚམས་སུ་སྐར་མ་དེ་བསྡད། ཁོ་ཚོས་སྐར་མ་དེ་མཐོང་བས་དགའ་སྤྲོ་དད་གསུམ་གྱི་ཁང་པའི་ནང་དུ་འཛུལ་ནས་ཕྲུ་གུ་ཆུང་ངུ་དེ་དང་དེའི་ཡུམ་མིར་ཡམ་མཇལ་ཏེ་པུས་མོ་ས་ལ་བཙུགས་ནས་གུས་ཕྱག་བཙལ་ཞིང་། རྟེན་སྒམ་ཁ་ཕྱེ་སྟེ་གསེར་དངུལ་གྱི་མཆོད་པ་དང་། སྤོས་དཀར། དྲི་ཞིམ་བྱུགས་རྫས་རྣམས་སྐྱེས་སུ་ཕུལ་ལོ། མཁས་པ་དག་གི་རྨི་ལམ་དུ་རྒྱལ་པོ་ཧེ་རོ་དཱེའི་དྲུང་དུ་མ་འགྲོ་ཞེས་ཉེན་བརྡ་བྱུང་བ་ལྟར་ལམ་གཞན་ཞིག་བརྒྱུད་ནས་ཤར་ཕྱོགས་རང་ཡུལ་དུ་ལོག་གོ།

 
གྲོགས་པོ་ལགས་ཁྱེད་ཀྱི་ཡེ་ཤུ་འཁྲུངས་སྐར་སྐོར་ཞིབ་ཏུ་ཤེས་འདོད་ན་དམ་པའི་གསུང་རབ་གྱི་(མད་ཐཱ་དང་མར་ཀུ་ལུ་ཀ་ད་དུང་ཡོ་ཧ་ནན་གྱི་མདོ་སོགས་སུ་གསལ་ལོ། Mathew,Mark,Luke, John. བློ་བཟང་ནས།