ཕོ་རོག་དཀར་པོས།
——-༼བུད་མེད་ལས་འཕྲོས་པའི་བསྟན་བཅོས་སྔོན་པོ།༽
༡༽ མི་རྣམས་ཀུན་གྱི་འབྱུང་གཞི་བུད་མེད་མཆོག།
ཚུལ་བཞིན་བསམས་ན་བདེ་བའི་རྩ་བ་རུ།།
ཡིན་པར་ཤེས་ནས་འབད་པ་དུ་མ་ཡིས།།
གཏན་ཏུ་འགྲོགས་འདྲིས་ཐུབ་པར་བྱིན་གྱིས་རློབས།།
༢༽ ལན་ཅིག་ཙམ་ལ་འགྲོགས་པའི་བུད་མེད་ནི།།
ཤིན་ཏུ་རྙེད་སླ་དོན་ཆུང་ཤེས་གྱུར་ནས།།
ཉིན་མཚན་ཀུན་ཏུ་གཡོ་འོག་མི་ཚུད་པར།།
རྒྱུན་ཆད་མེད་པར་འཛེམས་པར་བྱིན་གྱིས་རློབས།།
༣༽ བུད་མེད་སེམས་ནི་ཆུ་ཡི་ཆུ་བུར་བཞིན།།
མྱུར་དུ་འགྱུར་བའི་གཡོ་འཕྲུལ་དྲན་པ་དང་།།
ངན་གཡོའི་རྗེས་སུ་ལུས་དང་གྲིབ་མ་བཞིན།།
ཕུང་སྦྱོར་ངན་རྒུའི་རིགས་ཀུན་རྗེས་འབྲངས་པ།།
༤༽ ངེས་པ་བརྟན་པོ་རྙེད་ནས་བུད་མེད་ཚོགས།།
ཕྲ་ཞིང་ཕྲ་མོའི་བློ་ཡིས་དཔྱོད་པ་དང་།།
འདོད་དོན་མཐའ་དག་སྒྲུབ་པར་བྱེད་མཁན་ལ།།
རྟག་ཏུ་བརྩེ་བ་ལྡན་པར་བྱིན་གྱིས་རློབས།།
༥༽ སྤྱད་པས་མི་ངོམས་བུད་མེད་འདོམས་ཀྱི་སྒོ།།
ཡིད་བརྟན་མི་རུང་ཆག་སྒོ་ཀུན་འབོད་པའི།།
ཉེས་དམིགས་རིག་ནས་ཆགས་བྲལ་གོ་འཕང་ལ།།
དོན་གཉེར་ཆེན་པོས་འབད་པར་བྱིན་གྱིས་རློབས།།
༦༽ རྣམ་དག་བུད་མེད་ཅིག་ལ་འཕྲད་པ་ན།།
དྲན་དང་ཤེས་བཞིན་བག་ཡོད་ཆེན་པོའི་ངང་།།
བདེ་སྐྱིད་རྩ་བ་བརྩེ་དུང་འཚོ་བ་ལ།།
མི་ཚེའི་སྙིང་པོར་བྱེད་པར་བྱིན་གྱིས་རློབས།།
༧༽ རང་ཉིད་འཁྲིག་བདེར་དགའ་བ་ཇི་བཞིན་དུ།།
མ་གྱུར་འགྲོ་བ་ཀུན་ཀྱང་དེ་འདྲ་བར།།
མཐོངས་ནས་འཁྲིག་སྤྱོད་བྱ་བའི་ཁུར་ལེན་པའི།།
གཞན་ཕན་བསམ་བློ་འབྱུང་བར་བྱིན་གྱིས་རློབས།།
༨༽ སེམས་ཙམ་བསྐྱེད་ཀྱང་འཁྲིག་ཐབས་མང་པོ་ལ།།
གོམས་འདྲིས་མེད་ན་བུད་མེད་མི་ཚིམས་པར།།
ལེགས་པར་མཐོངས་ནས་གཞང་འཚོང་བུད་མེད་ལྟར།།
བརྩོན་པ་དྲག་པོས་སློབ་པར་བྱིན་གྱིས་རློབས།།
༩༽ ལོག་པའི་ཡུལ་ལ་གཡེང་བ་འཕེལ་བྱེད་ཅིང་།།
ཡང་དག་དོན་ལ་ཀུན་ནས་རྨོངས་བྱེད་པའི།།
ཕོ་མོ་གཉིས་སྦྱོར་བདེ་ཆེན་ཆགས་པའི་ལམ།།
མྱུར་དུ་ཉམས་སུ་མྱོང་བར་བྱིན་གྱིས་རློབས།།
༡༠༽ ཐུན་མོང་འཁྲིག་ཐབས་ཀུན་ལ་མཁས་པ་ན།།
འཁྲིག་སྤྱོད་ཀུན་གྱི་མཆོག་གྱུར་ནུབ་གླིང་ལུགས།།
ན་གཞོན་ཕོ་མོའི་འཇུག་ངོགས་དམ་པ་དེར།།
ཐེ་ཚོམ་མེད་པར་འཇུག་པར་བྱིན་གྱིས་རློབས།།
༡༡༽ དེ་ཚེ་གཉིས་སྦྱོར་བདེ་ཆེན་འབར་བའི་གཞི།།
རྣམ་དག་འཁྲིག་ཐབས་སྒྱུ་རྩལ་སྤྱོད་པ་ལ།།
བཅོས་མ་མིན་པའི་ཆ་ལུགས་ཀུན་འཁྲབས་ནས།།
སྲོག་གི་རྩ་ཡང་སྦྲིད་པར་བྱིན་གྱིས་རློབས།།
༡༢༽ དེ་ནས་འཕྲད་པའི་སྙིང་པོ་སིམ་ཚོར་གྱི།།
བདེ་བ་ཇི་བཞིན་རྟོགས་ནས་བརྩོན་པ་ཡིས།།
ཉིན་མཚན་དུས་ཀྱི་ཁྱད་པར་མི་བལྟ་བར།།
གོ་སྐབས་དམ་པོར་འཛིན་པར་བྱིན་གྱིས་རློབས།།
༡༣༽ དེ་ལྟར་བདེ་ཆེན་སྤྲོད་པའི་བུད་མེད་དང་།།
འཁྲིག་བདེ་དོན་དུ་གཉེར་རྣམས་མཐུན་འགྲིག་ཅིང་།།
ཕྱི་དང་ནང་གི་དབྱེན་དཀྲུག་ཕྲ་མའི་ཚོགས།།
ཉེ་བར་ཞི་ཞིང་མེད་པར་བྱིན་གྱིས་རློབས།།
༡༤༽ སྐྱེ་བ་ཀུན་ཏུ་ཡང་དག་བུད་མེད་དང་།།
འབྲལ་མེད་འཁྲིག་བདེའི་དཔལ་ལ་ལོངས་སྤྱོད་ཅིང་།།
འཐམ་དང་འཁྱུད་པའི་ལས་ཀུན་རབ་རྫོགས་ནས།།
ཟུང་འཇུག་བདེ་ཆེན་དགའ་སྟོན་མྱུར་འབར་ཤོག། །།
ཅེས་པ་འདི་ཡང་རྒྱ་དཀར་ནག་དང་། བལ་བོད་ཀྱི་རྒྱལ་ཁམས་སུ་འཁྱམས་ཉུལ་གྱི་འགྲུལ་བཞུད་པ་རྣལ་འབྱོར་རློན་པའམ་ཕོ་རོག་དཀར་པོ་རུ་འབོད་པས་རྒྱ་གར་ཤར་ཕྱོགས་རྡོ་རྗེ་གླིང་གི་གྲོང་ཁྱེར་ནས་ཕྱི་ལོ་༢༠༠༥ ཟླ་༥ ཚེས་༢༠ ལ་བྲིས་པ་དགེ་ལེགས་འཕེལ།།
ཙོང་ཁ་པ་ཡི་ཡོན་ཏན་གཞིར་གྱུར་དང་།།
ཆབ་བྲག་ཕོ་ཉའི་རྩོམ་འབྲི་གཞི་གྱུར་མ།།
ཕོ་རོག་དཀར་པོའི་བུད་མེད་གཞི་གྱུར་གསུམ།།
སྐྱེས་བུ་རབ་འབྲིང་ཐ་མའི་ཆོས་ལུགས་ཡིན།། །།ཞེས་ཀྱང་སྨྲ་བར་འདོད་དོ།།
ཡོན་ཏན་གཞི་གྱུར་མ་ཡག་པོ་བྲིས་འདུག། ད་ལམ་གཙོ་རྣམ་གསུམ་བསྒུག་ཡོད་ད། ཧཧཧ
ཐུན་མོང་འཁྲིག་ཐབས་ཀུན་ལ་མཁས་པ་ན་་།
འཁྲིག་སྤྱོད་ཀུན་གྱི་མཆོག་བརྒྱུར་ཁ་ཡི་འཇིབ་།
ན་གཞོན་ཕོ་མོའི་འཇུག་ངོགས་དམ་པ་དེར་།
ཐེ་ཚོ་མེད་པར་ལྕེ་ཡི་ལྡག་པར་རློབས་།
འདིོད་ཆགས་གཡོ་བ་ཆུ་ཡི་ཆུ་འབུར་འདྲ་།
བུད་མེད་ཆགས་པ་ཆེ་བས་ལན་གཉིས་སྤྱོད་།
འཁྲིག་པ་ཚར་ནས་་གཉིས་ཀ་གཉིད་དུ་ཐིམ་།
འཁྲིག་པའི་འདོད་དོན་འགྲུབ་པ་བྱིན་གྱི་རློབས་།
སྔོན་ཉི་ཧོང་སྟེ། རི་པོང་དུ། ༡༩༨༩ ལོར་རླངས་འཁོར་ཞིག་ནང་དུ་བོད་མི་ཁ་ཤས་མཉམ་སྡེབས་ཀྱིས་འགྲོ་དུས་མཁས་དབང་ཁྲུལ་ཁྲིམས་སྐལ་བཟང་ཁང་དཀར་གྱིས་ཡོན་ཏན་གཞིར་གྱུར་མ་ལ་ཚིག་བསྒྱུར་བྱས་ཏེ། ཡིད་བརྟན་མི་རུང་སྡེ་པ་གཞུང་གི་སྒོ། ཞེས་སོགས་བཏོན་ནས། བོད་མི་དེ་རྣམས་ཀྱི་གད་མོ་སྒྲོགས་པ་ཐོས་མྱོང་ཡིད་དུ་ཡོད། ད་ལན་བོད་ཀྱི་མཁས་དབང་རྒྱ་དཀར་ནག་དང་། བལ་བོད་ཀྱི་རྒྱལ་ཁམས་སུ་འཁྱམས་ཉུལ་གྱི་འགྲུལ་བཞུད་པ་རྣལ་འབྱོར་པ་ཆེན་པོའམ་ཕོ་རོག་དཀར་པོ་རུ་འབོད་པས་རྒྱ་གར་ཤར་ཕྱོགས་རྡོ་རྗེ་གླིང་གི་གྲོང་ཁྱེར་ནས་ཕྱི་ལོ་༢༠༠༥ ཟླ་༥ ཚེས་༢༠ ལ་བྲིས་པ་ཀློག་པའི་སྐལ་བ་བཟང་པོ་བྱུང་། བཀྲ་ཤིས་དགེ་ལེགས་འཕེལ། འོན་ཀྱང་འོག་གི་ཚིག་རྐང་གི་མ་ཡིག་ལ་ར་ཡིག་ཐོབ་པ་དེ་ཁ་སྐད་རྗེས་སུ་འབྲངས་ཏེ། རྒྱང་རིང་པོར་འཕེན་པ་དེ་འགྲིག་མི་འདུག། འདི་དང་འདིའི་རིགས་ལ་སྨྱུག་ཐོགས་པ་ཀུན་གྱིས་དོགས་ཟོན་མཛོད།
“མ་གྱུར་འགྲོ་བ་ཀུན་ཀྱང་དེ་འདྲ་བར།།”
ཕོ་རོག་དཀར་པོ་འབོད་པའི་ལྟེ་ངན་ཁྱོས།།
འཇམ་མགོན་བླ་མའི་ཡོན་ཏན་གཞིར་གྱུར་མར།།
བུད་མེད་དཔེ་ལ་སྦྱར་བར་ཧ་ཅང་སྐྱོ།།
དེ་བས་ཨ་བཱ་ཟེར་བཞིན་གཏོར་མ་འཚོལ།།