བདེ་པོ་འཚོས།
ཚན་རྩལ་དཔལ་ཡོན་རྦ་རླབས་བཞིན་འཕྱོ་ཞིང་།།
ཕྱི་ཡི་དངོས་པོའི་འཕེལ་ཚད་དེ་མྱུར་རུང་།།
གཏིང་གི་བདེ་བ་ཐོབ་མཁན་གྱི་མི་ནི།།
ཉིན་གྱི་སྐར་མའི་ལོ་རྒྱུས་སུ་སྣང་ངོ་།།
བརྗོད་མེད་དུས་ངན་འདི་འདྲ་ཡི་སྐབས་འདིར།།
མི་ཡི་གཟུགས་སུ་ཕེབས་པ་ཡི་སངས་རྒྱས།།
འཛམ་གླིང་ཞི་བདེའི་དེད་དཔོན་དེ་ཆེན་མོ།།
འགྲོ་བ་ཀུན་གྱི་སྐྱབས་གནས་སུ་མཆོག་གོ།
བྱམས་བརྩེའི་ཐུགས་རྒྱུད་མངའ་བདག་གི་མཆོག་ནས།།
ཐུགས་ཀྱི་རལ་གྲི་དགོངས་དབྱིངས་སུ་བཏེགས་ཏེ།།
འོ་ཆུ་འབྱེད་པའི་ངང་ཚུལ་གྱིས་དཔྱད་པས།།
འཇིག་རྟེན་འདི་ཡི་བདེན་མཐའ་དེ་རྙེད་དོ། །
རང་ལས་གཞན་གཅེས་གངས་ཅན་གྱི་མགོན་པོ།།
འཚེ་མེད་ཞི་བདེའི་ཐུགས་རྒྱུད་དེ་ཡངས་བས།།
འགྲོ་བ་ཀུན་གྱི་གཙིགས་ནོར་དུ་གཞེངས་པ། །
འཛམ་གླིང་འདི་ཡི་བྱམས་བརྩེ་ཡི་བདག་པོ། །
དེ་རིང་ཉིད་ཀྱི་སྐལ་བཟང་གི་ཉིན་མོ།།
ཞི་བདེའི་གཟི་འོད་འཛམ་གླིང་ལ་ཁྱབ་ཉིན།།
བདེན་པའི་རང་མདངས་འོད་སྣང་དུ་འཚེར་ཉིན།།
ནོར་བྷེལ་གཟེངས་རྟགས་ཐོབ་པ་ཡི་ཉིན་ཡིན།།
༢༠༡༤/༡༢/༡༠ ཉིན་ ༧ སྤྱི་ནོར་གོང་ས་སྐྱབས་མགོན་མཆོག་ལ་ནོར་བྷེལ་ཞི་བདེའི་གཟེངས་རྟགས་ཐོབ་ནས་ལོ་ཉེར་ལྔ་འཁོར་བར་རྟེན་འབྲེལ་ཞུ།
རང་ཉིད་ཀུན་ལས་དམན་ལྟ་ཡང་། །
རང་ཉིད་ཀུན་གྱི་མགོན་དུ་གྱུར། །
གཞན་གྱིས་རང་ལ་བསྟོད་ལས་ལྷག །
གཞན་ལ་རང་གིས་དེ་ལྷག་བསྟོད། །
མིག་ཡོད་ཀུན་གྱིས་བསྟོད་ན་ཡང་། །
བོད་རིགས་ཞ་ར་གའ་ཡིས་དམོད། །
དོལ་རྒྱལ་གདོལ་རིགས་དགྲ་བགེགས་ལས། །
ཐར་ནས་༸སྐུ་ཚེ་ཡུན་བརྟན་ཤོག །
ནོ་བྷེལ་གཟེངས་རྟགས་ལ་སོགས་པའི། །
གཟེངས་རྟགས་རྣམ་པ་སྣ་ཚོགས་བཞེས། །
གྱ་དགུའི་གཟེངས་རྟགས་ཕྱག་མཚན་དུ། །
བཞེས་ནས་མི་ལོ་ཉི་ཤུ་འཁོར། །
མི་ལ་མི་ཡི་ཐོབ་ཐང་དགོས། །
ཆོས་པར་ཆོས་ད་ད་ཐོབ་ཐང་དགོས། །
རང་སྐད་སྦྱོང་ཤོད་ཐོབ་ཐང་དགོས། །
བརྒྱ་ཕྲག་ཉེར་གཅིག་ཐོབ་ཇང་དགོས། །
དེ་རིང་གི་ཉིན་ལ།
བོད་ནང་འགྲོ་མིའི་ཐོབ་ཐང་མེད། །
བོད་ནང་ཆོས་དད་ཐོབ་ཐང་མེད། །
བོད་ནང་རང་སྐད་ཐོབ་ཐང་མེད། །
བོད་ནང་ཐོབ་ཐང་ཡོད་ཚད་རྩོད། །
འགྲོ་མིའི་ཐོབ་ཐང་།
རྒྱ་མིས་བོད་མིའི་ཐོབ་ཐང་འཕྲོག །
རྒྱ་མིས་བོད་ས་མང་པོ་བཟུང་། །
རྒྱ་མིས་བོད་རིགས་མང་པོར་གནོད། །
རྒྱ་བོད་འགྲོ་མིའི་ཐོབ་ཐང་རྩོད། །
བོད་རྒྱ་འདྲ་མཉམ།
བོད་རྒྱ་ཐོབ་ཐང་འདྲ་འདྲ་དགོས། །
བོད་རྒྱ་མི་རིགས་འདྲ་མཉམ་དགོས། །
བོད་རྒྱ་དབོན་ཞང་མཐུན་འབྲེལ་དགོས། །
བོད་རྒྱའི་གཉའ་གནོན་ཀུན་ཐར་དགོས། །
འགྲོ་བ་མི་ཡི་ཐོབ་ཐང་ནི། །
འགྲོ་བ་མི་ཡི་དམ་ཆོས་རེད། །
འགྲོ་མིའི་ཐོབ་ཐང་འཕྲོག་པ་ནི། །
འགྲོ་གནོད་གཉིས་ཀར་གནོད་པ་རེད། །
བརྒྱ་ཕྲག་ཉེར་གཅིག་ཐོབ་ཇང་དགོས། །
འདི།
བརྒྱ་ཕྲག་ཉེར་གཅིག་ཐོབ་ཐང་དགོས། །
དྷ་སའི་ནོ་བྷེལ་དུས་དྲན།
http://new.livestream.com/accounts/7896152/events/3639174
བོད་མི་རིགས་འདི་ལ་འགྲོ་བ་མི་ཡི་ཐོབ་ཐང་མེད།
ནོར་བཅོས།
འགྲོ་གནོད་གཉིས་ཀར་གནོད་པ་རེད། །
འདི།
འགྲོ་བཅུད་་གཉིས་ཀར་གནོད་པ་རེད། །